<a href="https://kyzylorda-news.kz/">Kyzylorda-news.kz</a>&nbsp; Жаңаөзен қаласында үш автокөлік қатысқан жол-көлік оқиғасы тіркелді. Оның екеуінде мектеп бітіруші түлектер болған, деп хабарлады <a href="http://turkystan.kz/">turkystan.kz</a> сайты <a href="http://lada.kz/">Lada.kz</a>-ке сілтеме жасап.Полицияның мәліметінше, апат 23 мамыр күні түстен кейін болған.Алдын ала анықталған деректерге сәйкес, Toyota Hilux пикапының жүргізушісі (мектеп бітіруші емес) алдында келе жатқан Land Cruiser 100 көлігін басып озуға әрекет жасаған. Алайда маневр сәтсіз болып, пикап жол жиегіне шығып кетіп, Land Cruiser 100 көлігімен соқтығысқан. Өз кезегінде Land Cruiser 100 инерциямен Lexus LX 450 көлігіне соғылған. Салдарынан Toyota Hilux трассадан шығып кетті.Апаттан ешкім зардап шеккен жоқ.Toyota Hilux жүргізушісіне ҚР Әкімшілік құқық бұзушылық туралы кодексінің 610-бабы бойынша хаттама толтырылды (Жол жүрісі ережелерін бұзып, көлік құралдарына немесе өзге де мүлікке зиян келтіру не адам денсаулығына зақым келтіру). Бұл бап бойынша 20 айлық есептік көрсеткіш (78 640 теңге) көлемінде айыппұл салу немесе 6 айға дейін көлік жүргізу құқығынан айыру жазасы қарастырылған.Көлік арнайы айыптұраққа қойылды.Lexus LX 450 автокөлігінде мектеп бітіруші түлектер отырғаны анықталды. Бұл ақпаратты Маңғыстау облысының білім басқармасы да растады.<figure class="media"><div data-oembed-url="https://youtu.be/MQ2M5ANlLDs"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/MQ2M5ANlLDs" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото: скриншот

Жаңаөзенде мектеп түлектері жол апатына түсті 

<a href="https://kyzylorda-news.kz/">Kyzylorda-news.kz</a> 2025 жылғы 19-23 мамыр аралығында Қазақстан Республикасының аумағында «Мигрант» жедел-профилактикалық іс-шарасы өткізілуде.Іс-шараның негізгі мақсаты – Қазақстан аумағында заңсыз жүрген шетелдіктер мен азаматтығы жоқ адамдарды анықтау және олардың заңсыз болуына жол бермеу, сондай-ақ заңсыз көші-қонды ұйымдастыруға қатысы бар тұлғаларды анықтау.Елімізде уақытша жүрген шетелдік азаматтар Қазақстан Республикасының заңдарын қатаң сақтап, елде болу ережелерін бұзбауға міндетті. Осыған байланысты Қызылорда қаласы әуежайындағы желілік полиция бөлімінің қызметкерлері шетелдіктер мен қазақстандық азаматтарды көші-қон заңнамасын бұзбауға және белгіленген талаптарды сақтауға шақырады.Қызылорда қаласы әуежайындағы ЖПб бастығыполиция капитаны К.Ибраев

Мигрант» жедел-профилактикалық іс-шарасы

<a href="https://kyzylorda-news.kz/">Kyzylorda-news.kz</a>&nbsp; &nbsp;Химия өнеркәсібі – заманауи экономиканың қозғаушы күштерінің бірі. Бұл сала ауыл шаруашылығы, металлургия, құрылыс, медицина, жеңіл және тамақ өнеркәсібі сынды түрлі бағыттардың дамуына тікелей әсер етеді. Химия саласының қызметкерлері жаңа технологиялар мен инновацияларды өндіріске енгізу арқылы еліміздің ғылыми-техникалық әлеуетін нығайтуға атсалысып келеді. Мамыр айының соңғы жексенбісі – химия өнеркәсібі қызметкерлерінің кәсіби мерекесі. Осыған орай Өңірлік коммуникациялар қызметінің ақпарат алаңына сала мамандары арнайы келіп, өнеркәсіптің даму тенденциялары мен болашағы жайлы ой бөлісті.<blockquote>– Қорқыт Ата атындағы Қызылорда университетінің жанындағы «Физика-химиялық талдау әдістері» инженерлік бейіндегі зертхана ғылыми, білім беру және инновациялық орталық функцияларын орындай отырып, өңірдің химия өнеркәсібін дамытуда шешуші рөл атқарады. Зертхана энергияны үнемдейтін және экологиялық таза технологияларды дамытуға бағытталған химия және технология саласында іргелі және қолданбалы зерттеулер жүргізеді. Мұнай-газ саласына және табиғи және техногендік шикізатты қайта өңдеуге ерекше көңіл бөлінеді. Біздің зертхана ел ішінде де, шет елдерде де ғылыми білім беру байланыстарын дамытады. Зертхана ғалымдары 2024-2026 жылдарға гранттық қаржыландыру алған «Ісікке қарсы жаңа препараттарды әзірлеу», «Биомедициналық қолдану үшін циклдік амидин жүйелерін жобалау және синтездеу» секілді бірнеше жобаны табысты іске асыруда. Осылайша, зертхана сала үшін ғылыми-техникалық қолдау мен кадрлар даярлауды қамтамасыз ете отырып, Қызылорда облысының химия өнеркәсібінің тұрақты дамуында шешуші рөл атқарады, – деді химия ғылымдарының кандидаты, жаратылыстану институтының директоры Нұрлыбек Ахатаев.</blockquote>&nbsp;Қызылорда облысында ванадий, титан, қорғасын, мырыш, уран және селен сияқты минералды ресурстардың едәуір қоры бар.<blockquote>– Баласаускандық кен орны Қазақстандағы ванадий қорының шамамен 65 пайызын құрайды және әлемдегі ең ірі бестікке кіреді. Қазіргі таңда ұлттық деңгейде химия өнеркәсібі тұрақты түрде өсуде. Биылғы жылдың бірінші тоқсанында өндіріс көлемі 12,5 пайызға артып, 406 млрд теңгеге жетті. 2035 жылға дейін салаға шамамен 4,8 трлн теңге инвестиция тарту жоспарланып отыр, бұл Қызылорда облысын қоса алғанда, өңірлер үшін жаңа мүмкіндіктер ашады, – деді химия ғылымдарының кандидаты, «Биология, география және химия» БББ-ның профессоры Гүлмира Абызбекова.</blockquote>&nbsp;Т.Д.Қуанышбаев атындағы ғылыми-білім беру орталығы химия және биология саласында жоғары білікті мамандарды даярлап, білім беру бағдарламаларын жетілдіріп, отандық және шетелдік жоғары оқу орындарымен бірлескен жобаларды әзірлейді.&nbsp;<blockquote>– Орталық ғылыми-технологиялық бағдарламалар мен жобаларды іске асыруға белсенді қатысады, сондай-ақ ғылыми-білім беру саласындағы халықаралық ынтымақтастықты дамытуға ықпал етеді. Біз студенттерге химиялық технология саласында терең теориялық білім мен практикалық дағдырларды қалыптастырамыз. Сонымен қатар, түрлі жобалар мен зертханалық жұмыстарға қатысу арқылы студенттерді ғылыми-зерттеу қызметіне тартамыз, – техника ғылымдарының кандидаты, «Биология, география және химия» БББ-ның қауымдастырылған профессоры Шолпан Еспенбетова.</blockquote>Фото: Қызылорда облысының Өңірлік коммуникациялар қызметі

Мамыр айының соңғы жексенбісі – химия өнеркәсібі қызметкерлерінің күні

<a href="https://kyzylorda-news.kz/">Kyzylorda-news.kz</a>&nbsp;Қазақстандық депутаттар ай сайын тамаққа қанша қаражат жұмсайтындарын&nbsp;айтты. Олардың айтуынша, шығындар 30 мыңнан 300 мың теңгеге дейін өзгеріп отырады, деп хабарлайды<a href="https://sn.kz/sn-akparat-agyny/123745-neb-ri-30-50-myn-ketedi-ardak-nazarov-akyna-tamakk-a-kansha-zhumsaitynyn-aitty">&nbsp;Skifnews.kz&nbsp;</a>ақпарат порталы&nbsp;Qaz365.kz&nbsp;сайтына сілтеме жасап.Депутат Дәулет Мұқаев&nbsp;өз отбасының ай сайын тамаққа шамамен 100–120 мың теңге жұмсайтынын айтты.<blockquote>«Бізге&nbsp;қонақтар жиі келеді. Етті ауылдан аламыз, сол себепті үнемдейміз», –&nbsp;деді ол.</blockquote>Депутаттың пікірінше, қалада өмір сүру үшін отбасының табысы кемінде 300 мың теңге болуы керек, ал ауылда 150 мың теңгемен де өмір сүруге болады.Айтуар Қошмамбетов тамаққа шамамен 300 мың теңге жұмсайтынын айтты.&nbsp;Оның пікірінше, Қазақстандағы ең төменгі жалақы кем дегенде 200 мың теңге болуы керек.<blockquote>«Үш балам бар, жұбайым декреттік демалыста. Азық-түлік қымбаттап жатыр», –&nbsp;деді депутат.&nbsp;</blockquote>Мұрат Әбенов нақты соманы атамады, бірақ шамамен 800–900 мың теңгедей азық-түлікке жұмсалатынын айтты.<blockquote>«Қазақ отбасында туыстар болады, немерелер бар. Нақты есептеу қиын», –&nbsp;деді ол.</blockquote>Мақсат Толықбайдың айтуынша, оның отбасы ай сайын азық-түлікке шамамен 180–200 мың теңге жұмсайды.<blockquote>«Пәтерақы, ем-дом және қарияларға көмекті ескерсек, ең кемі 400–500 мың теңге қажет, ал жайлы өмір үшін 700 мың теңге жалақы алу керек», –&nbsp;деп атап өтті депутат.</blockquote>Айдарбек Қожаназаров үлкен отбасы ай сайын шамамен 300 мың теңге жұмсайтынын айтты. Ал депутат Ардақ Назаров 30–50 мың теңге жететінін жеткізді.&nbsp;<blockquote>«Бізде дастарқан басында молшылық жоқ. Азық-түлікті көтерме бағада аламыз, ет ауылдан. Мен жоқшылықта өстім, нанның құнын білемін», – деді ол</blockquote>Депутат Ринат Зайытовтың айтуынша, отбасылық бюджетті жүргізумен жұбайы айналысады. Оның бағалауынша, шығынның басым бөлігі азық-түлікке кетеді.<blockquote>«Тек күнелту үшін кемінде 300 мың теңге қажет. Жайлы өмір үшін кемі 800 мың теңге керек», –&nbsp;дейді ол.</blockquote>Фото: Мәжіліс

«Небәрі 30–50 мың кетеді»: Ардақ Назаров айына тамаққа қанша жұмсайтынын айтты

<a href="https://kyzylorda-news.kz/">Kyzylorda-news.kz</a> Бүгін “Ауыл” партиясының ұйымдастыруымен Қызылорда облыстық жастар ресурстық орталығында партия активтеріне арналған өңірлік семинар жұмыстары өтуде.Семинар жұмысына 7 аудан мен облыс орталығынан 90 ға жуық партия активтері қатысып, шешендік және көпшілік алдында сөйлеу дағдылары, әлеуметтік желілермен жұмыс істеу негіздері, цифрлық сауаттылық секілді тақырыптарда белгілі спикерлерден дәріс алуда.Алқалы жиында “Ауыл” партиясы орталық аппараты басшысының орынбасары Нұрхат Ораш семинардың мән-маңызын атап өтіп, &nbsp;партияның еліміздегі ең ірі, ықпалды саяси күш ретінде, халықтың сұранысына жауап беріп, тиімді шешімдер ұсынатын алаңға айналғанын жеткізді.Айта кетейік, семинар жұмысы 2 күнге жоспарланған.

Қызылордада партия активтеріне арналған семинар жұмысы басталды 

<a href="https://kyzylorda-news.kz/">Kyzylorda-news.kz</a>&nbsp; Түркістан облысының әкімдігінде ҰБТ-дан рекордтық көрсеткішке ие болған 140 балл жинаған Жәнібек Әбілханды құттықтады, деп хабарлайды <a href="https://kaz.zakon.kz/kogam-tynysy/6062051-btda-e-zhoary-140-paydy-zhinaan-trkstan-oblysyny-tleg-kmdkten-marapat-aldy.html">Zakon.kz.</a>Қазақстанда 2025 жылдың 16 мамырында басталған ұлттық бірыңғай тестілеуде Түркістан облысының түлегі ең жоғарғы баллды бірінші болып жинады. Содан бері көп балалы отбасының тумасы, Ордабасы ауданындағы Темірлан ауылындағы мектеп түлегі Түркістан өлкесін елге танытты.<blockquote>Әкімдікте өткен жиынға Шоқан Уәлиханов атындағы мектеп-гимназиясының директоры Сәуле Исанова мен Жәнібектің сынып жетекшісі Гүлзира Бортаева да шақырылды, деп хабарлайды облыс әкімдігінің баспасөз қызметі. Рекорд жасаған түлекті облыс әкімі Нұралхан Көшеровтің атынан жеке құттықтап, одан әрі оқуына қажетті ноутбук сыйға тартылды.</blockquote>Сол жиында Жәнібек Әбілхан өзінің рекордымен танымал еткен мектеп-гимназиясының жөндеуге жататын нысандар қатарына енгізілгені белгілі болды. Биыл күрделі жөндеуден өтіп, жаңа оқу жылында мектеп оқушылары жөндеуден өткен ғимаратта білім ала бастайды.Сондай-ақ 22 мамырда Түркістанда мәдениет және өнер қызметкерлеріне құрмет көрсетілсе, Алматыдағы жазғы лагерьлердің дайындығы талқыланды.Фото: Түркістан облысының әкімдігі

ҰБТ-да ең жоғары 140 ұпайды жинаған Түркістан облысының түлегі әкімдіктен марапат алды

<a href="https://kyzylorda-news.kz/">Kyzylorda-news.kz</a> Бүгін мектеп бітіруші түлектерге арналған салтанатты шараны көру үшін Н.Ергешбаев атындағы №172 мектепке табан тіредік. Түлектердің ыстық ұямен қоштасу сәті жоғары деңгейде өтті.&nbsp;&nbsp; Шараға құрметті қонақ ретінде Қорқыт ата атындағы Қызылорда университетінің компьютерлік ғылымдар кафедрасының аға оқытушысы, білім саласының үздігі Айжан Есіркепова және Тасбөгет кенті әкімдігі аппаратының бас маманы Мұрат Дарихожаев қатысты. Қонақтар жүрекжарды тілектерін білдіріп, ұстаздар мен оқушыларға шығармашылық табыс пен толағай жетістіктер тіледі. Айжан Өмірзаққызы мектеп ұжымына университет ректоры атынан жіберілген алғыс хатты табыстады.&nbsp;Әрі қарай ортаға мектеп бітіруші түлектер шақырылып, өз орындарына жайғасты. Биыл мектептен 28 оқушы түлеп ұшқалы отыр. Оның ішінде 5 “Алтын белгіге” үміткер, 7 оқу үздігі, 10 оқу екпіндісі бар. Сынып жетекшісі Ақзер Өмірзақова – көптеген ғылыми жобаның жеңімпазы.&nbsp;Оқушылар бойындағы қимастық сезімін ән арқылы жеткізіп, қоштасу вальсін биледі. Олар мектепке, ұстаздарына алғыс айтып, соңғы тілектерін білдірді. Бізде «көгершіндей қалықтайық» деген ниетте, ақ көгершінді өз қолдарыннан ұшырды.&nbsp;Мектеп директоры Мария Шынәліқызы түлектерге ізгі тілегін арнады.&nbsp; – Қош келдіңіздер құрметті қонақтар және ата аналар! «Тарыдай болып кіресің, таудай болып шығасың» дегендей, міне кешегі кішкентай ғана оқушыларымыз үлкен өмірге қадам басқалы отыр. Әрбір азамат ұстаздың білімін алып, ұстаздың алдынан өтері анық. Сендер де ұстаздар берген білімді бойларыңа сіңіріп, тәлім-тәрбиесін дарытып, алтын ұямен қоштасып барасыңдар. Ендігі кезекте ұлттық біріңғай тестілеуді ойдағыдай аяқтап, үмітімізді ақтайтындарыңа сенімдіміз.Ақ жол! Сондай-ақ ұстаздардың да атқарған қызметтері біз үшін үлкен жеңіс. Әрбір оқушы үшін жұмыс істейтін ұстаздарға алғысым шексіз, – деді мектеп директоры.&nbsp;Өз кезегінде ата-аналар да жылы лебіз білдірді. Оқушылар мен мұғалімдерге гүл шоқтары таратылып, салтанатты шара өз мәресіне жетті.<img src="https://knadmin.beoblood.kz/uploads/t_lek_3_117107c577.jpg" alt="түлек 3.jpg"><img src="https://knadmin.beoblood.kz/uploads/t_lek_4_ff0c38eb5b.jpg" alt="түлек 4.jpg"><img src="https://knadmin.beoblood.kz/uploads/T_lek_bitiru_keshi_shkola_Foto_uanysh_M_STAFAEV_Kyzylorda_news_kz_1_b837d4fea2.jpg" alt="Түлек бітіру кеші школа Фото Қуаныш МҰСТАФАЕВKyzylorda-news.kz 1.jpg">&nbsp;Көркем ТӨЛЕБАЙҚорқыт ата атындағы Қызылордауниверситетінің 1-курс студентіСуреттерді түсірген: Қуаныш МҰСТАФАЕВ

Жолың болсын, жас түлек!

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында жыл басынан бері балалар терезеден құлап кеткен 7 дерек&nbsp;<a href="https://kaz.inform.kz/news/kizilordada-7-bala-terezeden-kulap-ketken-6c46fb/">тіркелді.</a>&nbsp;Жазатайым оқиға салдарынан олар жарақат алған.Қызылорда қалалық полиция басқармасының хабарлауынша, бұған үлкендердің немқұрайлылығы басты себеп. Терезенің темірмен қоршалмауы, москитті тордың осал бекітілуі және балалардың терезе алдында ойнауы жағдайды күрделендіріп тұр.&nbsp;<blockquote>Сондықтан азаматтарды қауіпсіздік ережелерін сақтауға шақырамыз. Оның ішінде терезелерді ашық, баланы қараусыз қалдырмауды,&nbsp;тиісті қорғағышы жоқ москит торын пайдаланбауды сұраймыз. Терезеге бекіткіш (блокиратор немесе құлып) орнату керек. Терезенің маңына жиһаз қоймау қажет. Балалардың үйдегі қауіпсіздігіне бірінші кезекте ата-ана жауапты, – делінген хабарламада.&nbsp;</blockquote>Фото: Нұрболат Нұржаубай

Қызылордада 7 бала терезеден құлап кеткен

<a href="https://kyzylorda-news.kz/">Kyzylorda-news.kz</a>&nbsp; Әлеуметтік желілерде Сәтбаев қаласындағы көпқабатты үйлердің бірінің подъезінде қызға шабуыл жасалған сәт бейнетаспаға жазылып, таралып кетті.&nbsp;Ұлытау облыстық полиция департаменті күдіктінің анықталып, ұсталғанын айтты, - деп хабарлайды <a href="https://dauletten.kz/">Dauletten.kz.</a>Видеодан қыздың подъезге кірген сәтінде оның артынан ер адамның ілесе кіріп, шабуыл жасағаны көрінеді.Ол қызды ұстап алып, баспалдаққа қарай сүйрей бастайды. Қыз айқайлап, қарсылық көрсеткеннен кейін ер адам қашып кетеді. Осы сәтте көршілердің бірі пәтерінен шығып, оның артынан қуа жөнеледі.Полиция мәліметіне сәйкес, оқиға бойынша қылмыстық іс қозғалды, ал күдікті көп ұзамай ұсталған.<blockquote>- Ол уақытша ұстау изоляторына қамалды. Қазіргі уақытта тергеу амалдары жүргізілуде, – деп мәлімдеді ведомство.</blockquote><figure class="media"><div data-oembed-url="https://youtu.be/JPQCzN28jbw"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/JPQCzN28jbw" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Сурет: видеодан алынған кадр

Сәтбаевта подъезде қызға шабуыл жасаған ер адам бейнебақылауға түсіп қалды

<a href="https://kyzylorda-news.kz/">Kyzylorda-news.kz</a> &nbsp;Кеше Арал аудандық мәдениет үйінде мәдениет және өнер қызметкерлерінің кәсіби мерекесіне орай «Өнер – мәңгілік мұра» атты салтанатты шара өтті. Оған сала қызметкерлері мен ардагерлері және зиялы қауым өкілдері қатысты.Аудан басшысы Аманжол Оңғарбаев жиналған қауымды мерекемен құттықтап, сала жетістіктеріне тоқталды.<blockquote>– «Баршаңызды кәсіби мерекелеріңіз – мәдениет және өнер қызметкерлері күнімен құттықтаймын! Кез келген мемлекеттің дамуы мен өркендеуінің негізі – оның мәдениетінде. Халық даналығында айтылғандай, «Өнер – ұлттың жаны». Расында да, әрбір ел ең алдымен өзінің өнері, мәдениеті арқылы танылады, бағаланады. Қазіргі таңда ауданымызда 350 мәдениет саласының қызметкерлері елдігімізді, ғасырлар бойы мұра болған асыл қазынаны – ұрпаққа жеткізу жолында тер төгіп келеді. Барлық мәдени-көпшілік шаралар, елдің санасын сілкінтуге бағытталған батыл бастамалар мен мазмұнды бағдарламалардың байыппен іске асуына, рухани-танымдық жобалар, концерттер мен спектакльдер, танымдық сағаттар мен көрмелерді ұйымдастыруда – театр, мұражай, қолөнер шеберлері, кітапхана қызметкерлері мен ақын – жазушылардың еңбектері өлшеусіз. Киелі өнер жолында шежірелі Арал өлкесін ел-жұртқа танытып, биік тұғырдан көрінуіне үлес қосып жүрген баршаңызға алғысымды білдіремін», – деді.</blockquote>Сонымен қатар, аудан әкімі Елорда төрінде «Ерен еңбегі үшін» медалімен марапатталған Сыр өңірінің рухани-мәдени дамуына үлес қосқан жыршы-жырау Тәңірбергенов Айбек Жақсанұлының, сондай-ақ облыс әкімінің дәстүрлі «Тұран» сыйлығына иеленген ақын, жазушы Жұмабай Жақыптың жетістіктерін атап өтіп, аудан жұртшылығы атынан құттықтады.Кеш аясында мәдениет пен өнер саласының дамуына сүбелі үлес қосып, шығармашылық ізденісі мен табанды еңбегі арқылы көпшілікке өнеге көрсеткен бірқатар қызметкерлері облыс және аудан әкімінің «Алғыс» хатын иеленіп, құрмет төрінен көрінді.Салтанатты шара одан әрі аудан өнерпаздарының мерекелік концертімен жалғасты.Фото: Арал ауданы әкімдігі

«Өнер – мәңгілік мұра» атты салтанатты шара өтті

<a href="https://kyzylorda-news.kz/">Kyzylorda-news.kz</a> Өнеркәсіптік қауіпсіздік – қауіпті өндірістік объектілерде апаттардың, технологиялық ақаулардың алдын алуға бағытталған маңызды сала. Бұл бағыттағы мемлекеттік бақылау мен реттеу жүйесі елдегі адам өмірі мен денсаулығын, қоршаған ортаны қорғауды қамтамасыз етуге негізделген.Жалпы республика бойынша өнеркәсіптік қауіпсіздік саласында бірқатар мемлекеттік қызметтер көрсетіледі. Ал біздің өңірде Департаментпен 2024 жылы 312 және 2025 жылы 97 мемлекеттік қызмет көрсетілген. Бұл туралы ТЖД Өнеркәсіптік қауіпсіздік басқармасының бастығы Әділжан Дабылов мәлімдеді.<blockquote>– Басқарма қызметкерлері көрсетілетін мемлекеттік қызметттер қағидаларының талаптарын мүлтіксіз орындайды. Жеке және заңды тұлғалардың мемлекеттік қызмет алу бойынша өтініштері заңнамада белгіленген мерзімдерге сәйкес уақтылы қаралуда. 2024 жылы көрсетілетін мемлекеттік қызметтің қағидаларына түсіндірме жүргізу мақсатында облысымыздағы қауіпті өндірістік объектілер иелерімен 3 мәрте техникалық кеңес өткізілді. Мемлекеттік қызмет көрсету барысында қызмет алушымен сыбайлас жемқорлықтың алдын алу мақсатында байланысуға жол берілмейтіндігі туралы үнемі түсінідіріліп отырады.Басқарма қызметкерлеріне тұрақты түрде сонымен қатар «Е-өтініш» ақпараттық жүйесіне тіркелген жолданымдар, хабарламалар, сұрау салулар, үн қосулар және ұсыныстар бойынша талдаулар жүргізіліп, ҚР Әкімшілік рәсімдік-процестік Кодексінің талаптары түсіндіріліп отырады. Есепті кезеңде көрсетілген мемлекеттік қызметтердің сапасына қатысты арыз-шағымдар түскен жоқ, – деді Әділжан Бөріұлы.</blockquote>Фото: Өңірлік коммуникациялар қызметі

Өнеркәсіптік қауіпсіздік: Мемлекеттік реттеу механизмдері

<a href="https://kyzylorda-news.kz/">Kyzylorda-news.kz</a> Бүгін еліміздің барлық мектебінде бір мезгілде «Білімім - Отаныма» бірыңғай сынып сағаты өтті. Сынып сағатының аясында министр барлық мектеп оқушыларын 2024-2025 оқу жылын табысты аяқтауымен <a href="https://kaz.inform.kz/news/oku-agartu-ministr-okushilardi-oku-zhilinin-ayaktaluimen-kuttiktadi-899b67/">құттықтады</a>.Оқу-ағарту министрлігі мәліметінше, биылғы оқу жылы толағай табыстар мен жарқын жетістіктерге толы болды.<blockquote>– Мемлекет басшысының бастамасымен елімізде бір жыл ішінде рекордтық көрсеткіш - 257 жаңа мектеп ашылды. Оқушыларымыз халықаралық білім додаларында 362 медаль иеленіп, оның 41-і алтын медаль болды. Ел тарихында алғаш рет колледж студенттерінен құралған Қазақстанның Ұлттық құрамасы Францияда өткен 47-ші WorldSkills чемпионатында зор табысқа жетіп, 7 медальон иеленді. Мұның барлығы — отандық білім беру жүйесіндегі жүйелі реформалар мен қажырлы еңбектің нақты жемісі, — деп атап өтті министр.</blockquote>Ол педагогтердің жетістіктеріне жеке тоқталды. Биыл білім беру саласында алғаш рет бірден екі педагог — Гүлжанар Нұрпейісова мен Эльмара Траисова Қазақстанның Еңбек Ері» атағына ие болды.<blockquote>– Сіздер – мектептің жүрегі, білім мен тәрбиенің алтын арқауысыздар. Академиялық біліммен қатар, шәкірттеріңізге ұлттық құндылықтарды дарытып, олардың саналы азамат болып қалыптасуына өлшеусіз үлес қосып келесіздер. Сіздерге өскелең ұрпаққа сапалы білім мен өнегелі тәрбие берудегі жанашырлықтарыңыз, ұстаздық миссияға деген адалдықтарыңыз үшін шынайы ризашылығымды білдіремін, — деді Ғани Бейсембаев.</blockquote>Оның айтуынша, осы жылдағы маңызды бастамалардың бірі – балалардың құқықтарын қорғау жүйесінің нығая түсуі.&nbsp;Осы мақсатта мемлекет балалардың білім, тәрбие алуына, дамуына және оларды қорғауға бағытталған үш негізгі заң қабылдады. Сондай-ақ министр барлық ата-анаға көрсеткен қолдауы үшін алғыс айтып, 217 мың мектеп бітіруші мен 173 мың колледж түлегіне жарқын болашақ тіледі.Айта кетейік, «Жайлы мектеп» ұлттық жобасы аясында оқушыларға кәсіби бағыт беретін «Мансап компасы» атты арнайы цифрлық платформа әзірленіп жатыр. Оқу-ағарту министрі Ғани Бейсембаев «Жайлы мектептердің» ең басты ерекшеліктерін атады.Фото: Нұрболат Нұржаубай

Архив