<a href="https://kyzylorda-news.kz/">Kyzylorda-news.kz</a> Ішкі істер министрлігі Қазақстан Республикасы азаматының паспортының ресімделу, берілу, ауыстырылу, тапсыру, алып қою және жою қағидаларына өзгерістер енгізуді көздейтін бұйрық жобасын әзірледі. Құжат жобасы «Ашық НҚА» порталында жарияланды.<blockquote>- Қазір жарамсыз құжаттарды қайта пайдалану фактілері анықталып жатыр. Осы секілді фактілерді болдырмау мақсатында, жаңа паспортты ресімдеу кезінде ескі паспортты дереу алып қою ұсынылады. Ал паспортты уақытша пайдалану қажет болған жағдайда (жаңасын алғанға дейін) азаматтарға себебін көрсете отырып, ерікті өтініш жазу негізінде ескі паспортты қолында қалдыру мүмкіндігі беріледі, - делінген құжат мәтінінде.</blockquote>Сондай-ақ Ішкі істер министрлігі аталған жобаны қабылдау теріс әлеуметтік-экономикалық және құқықтық немесе өзге де салдарларға әкеп соқпайтынын, сондай-ақ ұлттық қауіпсіздікке теріс әсер етпейтінін хабарлап отыр.Құжат жобасы 2025 жылғы 26 мамырға дейін қоғамдық талқылауға ұсынылды.Айта кетейік, Қазақстанда паспорттың 3 түрі қолданылады: жалпы азаматтық, қызметтік және дипломатиялық.Источник: <a href="https://kaz.inform.kz/news/end-kazakstandiktar-zhana-pasport-alganda-esksn-tapsiradi-d1198b/https://kaz.inform.kz/news/end-kazakstandiktar-zhana-pasport-alganda-esksn-tapsiradi-d1198b/">Kazinform</a> Фото polisia.kz

Енді қазақстандықтар жаңа паспорт алғанда, ескісін тапсырады

<a href="https://kyzylorda-news.kz/">Kyzylorda-news.kz</a> Қызылорда қаласындағы №3 емханада жоғары ажыратымдылықтағы УДЗ аппараты ауруларды ерте кезеңде анықтауға көмектеседі. МӘМС жүйесінің аясында ультрадыбыстық зерттеу қолжетімді әрі сапалы медициналық көмектің ажырамас бөлігіне айналды.38 жастағы Жарасхан Бегімбаев бүйрек тұсындағы ауырсынуға шағымданып, емханаға жүгінді. Учаскелік дәрігер пациентті УДЗ-зерттеуге жолдады.<blockquote>— Жұмыс істеймін, МӘМС жүйесінде сақтандырылғанмын. Тиісінше, медициналық қызметтерді тегін аламын. Қуантатыны – қазір УДЗ-ге кезек жоқ. Жолдама берілді, бірден тексеруден өттім. Медициналық сақтандыру арқылы көптеген қызметтер қолжетімді, – дейді Жарасхан.</blockquote>Емханада үш УДЗ аппараты жұмыс істейді. Соның бірі – заманауи Samsung Medison HERA W10 құрылғысы. Бұл аппарат анық бейнелеуді және жетілдірілген визуализацияны қамтамасыз етеді.<blockquote>— Аталған құрылғы арқылы жүктілік кезіндегі скрининг, жүрек, сүт бездері, барлық ішкі ағзалар бойынша зерттеулер жүргіземіз. Сондай-ақ, қатерлі түзілістерге күмән болғанда толық тексеру өткіземіз. Әрине, МӘМС аясында ультрадыбыстық зерттеудің қолжетімді болуымен ауруларды ерте анықтау деңгейі артты. Бұл әсіресе әлеуметтік осал топтар үшін өте маңызды, – дейді УДЗ дәрігері Айнұр Тұрманова.</blockquote><figure class="image"><img src="https://knadmin.beoblood.kz/uploads/OSMS_2_64d23846ab.jpg" alt="ОСМС2.jpg"></figure>

Ультрадыбыстық диагностика: МӘМС жүйесінің аясында қолжетімділік

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қазақстанда картоп бағасын негізсіз көтергендерге айыппұл салынды, деп хабарлайды BAQ.KZ Сауда комитетіне сілтеме жасап.</h4>Сауда және интеграция министрлігінің мәліметінше, картопқа сауда үстемесін 15%-дан асырып жібергені үшін 505 әкімшілік іс қозғалды, оның 41-і бойынша жалпы сомасы 2,6 миллион теңгеден асатын айыппұл салынған. Қалған 464 жағдай бойынша ескерту берілген.Жалпы алғанда, жыл басынан бері министрліктің аумақтық департаменттері әлеуметтік маңызы бар азық-түлік тауарларына (ӘМАТ) байланысты 1585 әкімшілік қаулы шығарған. Оның ішінде 396 жағдайда 24 миллион теңгеге жуық айыппұл салынып, 1189 ескерту жасалған.Сауда үстемесін асыруды болдырмау мақсатында делдалдық схемаларды тергеу жөніндегі өңірлік комиссиялар 303 отырыс өткізген. Соның нәтижесінде өнімсіз делдалдардың қатысуымен 1164 жағдай анықталып, 1079 әкімшілік қаулы шығарылған. 85 делдал тауар жеткізу тізбегінен шығарылды.Министрлік әлеуметтік маңызы бар азық-түлік бағасын бақылау және заң бұзушылықтарға жол бермеу жұмыстарын жалғастыра беретінін мәлімдеді.Фото Нурболат Нуржаубай

Картоп бағасын негізсіз көтергендерге айыппұл салынды

<a href="https://kyzylorda-news.kz/ru">Kyzylorda-news.kz</a> 2025 жылғы 13 мамырдағы Үкімет отырысында Қызылорда облысында «Қорқыт Ата» арнайы экономикалық аймағын (АЭА) құру туралы шешім қабылданды.Мемлекет басшысының халыққа Жолдауынан туындайтын негізгі міндеттердің бірі – аэрохабтарды дамыту, әуежайлардың, автомобиль магистральдарының инфрақұрылымын жетілдіру.Осы бағытта Қызылорда қаласындағы халықаралық әуежайдың жаңа терминалына іргелес 550 гектар аумақта «Қорқыт Ата» арнайы экономикалық аймағы құрылады. Бұл бастама - өңір экономикасын әртараптандыруға, мұнай өндірісіне тәуелділікті төмендетуге және жаңа өндірістік бағыттарды қалыптастыруға бағытталған стратегиялық қадам.АЭА құрылымына авиацияға қызмет көрсету, көтерме-бөлшек сауда, қоймалау және сақтау, сондай-ақ, өнеркәсіптік аймақтары кіреді. Арнайы экономикалық аймақта құрылыс индустриясы, жеңіл және тамақ өнеркәсібі, машина жасау, көлік-логистика, технологиялар мен инновациялар салаларында инвестициялық жобаларды жүзеге асыру жоспарланған.Атап өту қажет, АЭА құрудың белгіленген қағидаларына сәйкес, 28 экономикалық қызмет түрінің тізбесі келісілді.«Қорқыт Ата» АЭА құрылуы - инвестиция тартуға, өндірістік қуатты арттыруға және Қызылорда облысының экспорттық әлеуетін дамытуға жаңа мүмкіндіктер ашады.

«Қорқыт Ата» арнайы экономикалық аймағын құру туралы шешім қабылданды

<a href="https://kyzylorda-news.kz/">Kyzylorda-news.kz</a> Былтырғы қазан айынан бастап Су ресурстары және ирригация министрлігі су аз болған кезеңдерде толтырылмаған сағалар мен көлдерге 15,7 млрд текше метр еріген қар суын жіберді. Ведомство басшысы Нұржан Нұржігітов Үкімет отырысына қатысып, еліміздегі суару кезеңі туралы айтты.Мәселен, Ұлытау облысындағы Кенгір су қоймасынан және Қарағанды облысындағы Жезді су қоймасынан 331 млн текше метр су жіберіліп, Қызылорда облысындағы Телікөл көлдер жүйесіне бағытталды.Вегетациялық кезеңде Жамбыл облысындағы Тасөткел су қоймасынан 1,5 млрд текше метр су жіберілді. Бұл су Түркістан облысы Созақ ауданы аумағына дейін өтіп, соңғы 10 жылда байқалмаған 100 шақырым аумаққа жеткен.Павлодар облысындағы Ертіс өзенінің жайылмасына табиғатты қорғау үшін Абай облысындағы Шүлбі су қоймасынан 6,3 млрд текше метрден астам су жіберілді. Бұл жұмыстар Ертіс өзенінің жайылмасындағы флора мен фаунаның биологиялық өнімділігі мен тіршілік ету ортасын сақтауға бағытталған.2025 жылдың басынан бүгінге дейін Қапшағай су қоймасынан Балқаш көліне 3,8 млрд текше метр су жіберілді. Бір жыл ішінде Балқаш көлінің деңгейі Балтық жүйесі бойынша 341,52 метрден 341,64 метрге көтеріліп, 12 сантиметрге өсті. Ал су көлемі 2 млрд текше метрге артты.Қазіргі уақытта Алматы және Жетісу облыстарындағы су қоймалары 99%-ға толды. Бұл былтырғы деңгеймен шамалас. Жамбыл облысындағы су қоймалары 90,3%-ға толды. Бұл бір жыл бұрынғыдан 43 млн текше метрге артық.Шу-Талас су шаруашылығы комиссиясының 35-отырысында Су ресурстары және ирригация министрлігі қырғызстандық әріптестерімен елімізге жеткізілетін судың көлемі жөнінде келісімге келгенін айта кетейік. Суару маусымында Шу өзені арқылы 180 млн текше метр су, Талас өзені арқылы 400 млн текше метр су келеді деп жоспарланып отыр.Бұған дейін Су ресурстары және ирригация министрлігі Тәжікстан, Түрікменстан және Өзбекстан елдерінің су саласындағы мекемелерімен келісімге келді. Нәтижесінде суару маусымында Түркістан облысындағы Шардара су қоймасына Сырдария өзені арқылы 3,7 млрд текше метр су бағытталатын болды.Вегетациялық кезеңде Шардара су қоймасына Сырдария арқылы 12,6 млрд текше метр су келіп түсті. Бұл бастапқы болжамнан 1,7 млрд текше метрге артық.Жақын арада Қазақстан, Тәжікстан және Өзбекстанның су шаруашылығы мекемелері «Бахри Точик» су қоймасынан биылғы маусымнан тамыз айына дейінгі кезеңде суды бөлу мәселесін талқылайды. Вегетациялық кезеңнің шарықтау шегінде Қазақстанға 491 млн текше метр су жеткізіледі деп күтіліп отыр.Суару маусымының тұрақты өтуі үшін министрлік 627 км ирригациялық каналды механикалық жолмен тазартып, 488 гидротехникалық нысанды жөндеу жұмыстарын жүргізді. Жалпы 517 гидротехникалық құрылымды жөндеп, 2000 км-ден астам каналды тазарту жоспарланған. Былтыр 1147,7 км канал тазартылған болатын.Бұл жұмыстарды жүзеге асыру мақсатында министрлік «Қазсушар» филиалдары үшін 757 арнайы техника сатып алуды бастады. Қазіргі таңда 303 техника жеткізіліп, олар каналдарды механикалалық жолмен тазарту және гидротехникалық нысандарды жөндеу жұмыстарына белсенді қолданылып жатыр.<blockquote>«Жыл сайын суаруға пайдаланылатын 12 млрд текше метр судың 98%-ын еліміздің бес оңтүстік өңірі - Алматы, Жамбыл, Түркістан, Қызылорда және Жетісу облыстары тұтынады. Су шығынын азайту үшін біз су үнемдейтін технологияларды енгізуді ынталандыратын шаралар қабылдадық. Атап айтқанда, мұндай технологияларды орнатуға берілетін субсидиялар және оларды қолданатын шаруаларға суға берілетін субсидиялар қарастырылған. Сонымен қатар өсірілетін дақыл түріне және олардың суды қаншалықты тұтынатынына қарай суармалы суға сараланған тариф енгізу мәселесі қаралып жатыр», – деді Су ресурстары және ирригация министрі Нұржан Нұржігітов.</blockquote>Фото пресс служба МЧС Казахстана

Су ресурстары және ирригация министрлігі Қазақстанның сағалары мен көлдеріне шамамен 16 млрд текше метр еріген қар суын жіберді

<a href="https://kyzylorda-news.kz/ru">Kyzylorda-news.kz</a> «Жасыл даму» АҚ Қазақстан Республикасының аумағында электрондық қалдықтарды қайта өңдеу саласындағы жетекші компания болып табылатын «Technic Destroy» ЖШС инновациялық экологиялық жобасына қолдау көрсету ниеті туралы хабарлайды.&nbsp;«Technic Destroy» ЖШС 2009 жылы құрылған және Қазақстанда кеңселік және коммерциялық техниканың қалдықтарын қайта өңдеу саласында танылған көшбасшы болып саналады. Компания литий-ионды батареяларды қайта өңдеу нарығында сенімді позицияға ие болды, бұл Орталық Азияда мамандандырылған өндіріс желісін енгізген алғашқы компания болды. 2024 жылы кәсіпорын 3000 тоннадан астам батареялар мен электронды жабдықтарды қайта өңдеді.&nbsp;Литий-ионды батареяларды қайта өңдеу желісінің жобалық өнімділігі сағатына 300 кг құрайды, ал қайта өңделетін шикізаттың жалпы көлемі жылына 500 тоннадан асады.«Жасыл даму» АҚ тарапынан жоспарланып отырған қолдау қоршаған ортаның ластану деңгейін едәуір төмендетуге және Қазақстанның «жасыл» экономика саласындағы әлеуетін нығайтуға мүмкіндік беретін өңдеудің озық және экологиялық қауіпсіз технологияларын енгізуге бағытталған.Фото: Қазақстан Республикасы Экология және табиғи ресурстар министрлігі

Орталық Азиядағы алғашқы «Technic Destroy» ЖШС компаниясының литий-ионды батареяларды қайта өңдеу зауыты   

<a href="https://kyzylorda-news.kz/">Kyzylorda-news.kz</a> Мемлекет басшысы жариялаған Жұмысшы мамандықтар жылы аясында қазақстандық колледждерді интернационалдандыру жүргізілуде. Бұл – ТжКБ жүйесін трансформациялаудағы басым бағыттардың бірі, деп хабарлайды ҚР Оқу-ағарту министрлігінің баспасөз қызметі.Қазіргі уақытта салалық ведомство шетелдік серіктестермен келіссөздер жүргізуде. Олардың қатарында Қытай, Оңтүстік Корея, Франция секілді елдердің жетекші білім беру ұйымдары мен кәсіпорындары бар. Ынтымақтастық аясында академиялық ұтқырлыққа, тағылымдама мен тәжірибе алмасу бағдарламаларына, халықаралық білім беру стандарттарын, қос диплом алу бағдарламаларын енгізуге, сондай-ақ педагогтердің кәсіби құзыреттілігін арттыруға ерекше көңіл бөлінуде.<blockquote>«Жұмысшы мамандықтарының жылы аясындағы негізгі іс-шаралардың бірі – колледждерді интернационалдандыру. Басты мақсат – олардың бәсекеге қабілеттілігін арттыру, оқу бағдарламаларын халықаралық стандарттарға сәйкестендіру және заманауи еңбек нарығының сын-қатерлеріне жауап бере алатын мамандарды даярлауға жағдай жасау», – дейді Техникалық және кәсіптік білім департаментінің директоры Әсет Мұханбетов.</blockquote>Осы бастама аясында 2025 жылы еліміз бойынша 10 колледж интернационалдандырылады. Олардың қатарында – Н.Бекбосынов атындағы Маңғыстау энергетикалық колледжі, Астана қаласының қоғамдық тамақтану және сервис колледжі, Шымкент қаласының жеңіл өнеркәсіп және сервис колледжі және басқалары бар. Бүгінде осы ұйымдардың студенттері мен педагогтері Жапония, Франция, Қытай, Түркия және басқа елдердің колледждерінде және серіктес кәсіпорындарында оқудан және тағылымдамадан өтуде.Фото freepik.com

Қазақстан жұмысшы кадрларды даярлауда әлемдік деңгейге шықты: 10 колледж халықаралық тәжірибе алмасуда

<a href="https://kyzylorda-news.kz/">Kyzylorda-news.kz</a> 2025 жылғы 1 мамырдағы жағдай бойынша жұмыспен қамтуға жәрдемдесудің түрлі шараларымен 14,9 мыңнан астам мүгедектігі бар адам қамтылды. Бүгінде ерекше қажеттіліктері бар 108,9 мың адам жұмыспен қамтылған (28,9%).2025 жылғы 1 мамырдағы жағдай бойынша Қазақстанда мүгедектігі бар 737,4 мың адам тұрады, ол халықтың жалпы санының 3,7%-ын құрайды, олардың 376,7 мыңы еңбекке қабілетті жаста.ҚР Әлеуметтік кодексіне сәйкес жергілікті атқарушы органдар мүгедектігі бар адамдар үшін ауыр жұмыстардағы, еңбек жағдайлары зиянды, қауіпті жұмыстардағы жұмыс орындарын есепке алмай, жұмыс істейтіндердің жалпы санының 2-ден 4% - на дейінгі мөлшерде жұмыс орындарына квота белгілейді. Осы жылдың 1 тоқсанының қорытындысы бойынша квота бойынша 4,8 мыңға жуық адам жұмысқа орналастырылды.Сондай-ақ, ерекше қажеттіліктері бар адамдар жұмыспен қамтуға жәрдемдесудің белсенді шараларына тартылады. Биылғы 1 мамырдағы жағдай бойынша тұрақты жұмыс орындарына 874 адам, әлеуметтік жұмыс орындарына – 191 адам, жастар практикасына – 80 адам, қоғамдық жұмыстарға – 3248 адам, «Алғащқы жұмыс орны» жобасы бойынша – 4 адам және «Күміс жас» жобасы бойынша – 333 адам жұмысқа орналастырылды.Қысқа мерзімді кәсіптік оқытумен 17 адам, «Бастау Бизнес» жобасы бойынша кәсіпкерлік негіздеріне оқытумен 1,3 мың адам қамтылды, оның ішінде 726 адам аяқталғаннан кейін сертификаттар алды.Халықтың әлеуметтік осал топтары қатарындағы азаматтарға өз бизнесін ашу үшін 400 АЕК мөлшерінде мемлекеттік гранттар беріледі.Сондай-ақ, 2018 жылдан бастап халықаралық тәжірибені ескере отырып, мүгедектігі бар адамдарды жұмысқа орналастыру үшін арнайы жұмыс орнын жабдықтауға байланысты жұмыс берушілердің шығындарын субсидиялау тәртібі енгізілді. Субсидиялар жұмыс берушілерге арнайы жұмыс орындарын жарақтандыру үшін жабдықтарды сатып алуға, монтаждауға және орнатуға жұмсалған шығындарды өтеу мақсатында беріледі. Барлығы 226 арнайы жұмыс орны құрылды.Фото: freepik.com

2025 жылдың басынан бері 14,9 мыңнан астам мүгедектігі бар адамға жұмыспен қамту шаралары көрсетілді

<a href="https://kyzylorda-news.kz/">Kyzylorda-news.kz</a> Бүгін Премьер-министр Олжас Бектеновтің төрағалығымен көктемгі дала жұмыстарының және вегетациялық кезеңнің барысы талқыланған Үкімет отырысы өтті. Онда облыс әкімі Нұрлыбек Нәлібаев күн тәртібіндегі мәселелер бойынша баяндама жасады.<blockquote>«Биыл Қызылорда облысында 193 700 гектарға ауыл шаруашылығы дақылдары егіледі. Үкіметтің Жол картасына сәйкес, күріш 80 900 гектарға жоспарланған, өткен жылмен салыстырғанда 4700 гектарға қысқартылады.Шаруашылық құрылымдары тұқыммен толық қамтамасыз етілген, 4046 ауыл шаруашылығы техникасы жөнделген, 10 мың тонна дизель кестеге сәйкес облысқа жеткізіліп, таратылуда. Бүгінде ерте егілетін ауыл шаруашылығы дақылдары орналастырылып болды.Күріш себу 21 сәуір күні басталып, бүгінгі күні 37500 гектары егілді, 26 700 гектары суға бастырылды.Ауа райы ерте жылынуына байланысты күріш себу жұмыстары да ерте басталып, егісті суға бастыру үшін жоғарыдан келетін су көлемі төмендеу болуда. Суды тиімді пайдалануда 357 насос қондырғы дайындалып, оның 53-і жұмыс жасап тұр, қалғаны қашыртқыға су тасталған соң суды екінші мәрте пайдалану үшін іске қосылады. Күріш алқаптарын лазерлік тегістеу көлемі 60 мың гектарға, ал су үнемдеу технологияларын пайдалану 9200 гектарға жеткізіледі.Қоймаларға жиналған және жоғарыдан келетін судың болжамына сәйкес, биыл 3 млрд 902 млн текше метр су лимиті белгіленген. Мемлекетаралық су шаруашылығын үйлестіру комиссиясының отырысында «Шардара» су қоймасына жоғарыдан қосымша 3 млрд 700 млн текше метр су түсуі белгіленді. Мамыр айында секундына 330 текше метр су түсуі жоспарланғанымен, бүгінде 57,6 текше метр немесе жоспардағының 17,4%-ы ғана түсуде. 12 мамырдағы жағдай бойынша «Шардара» су қоймасы мен «Көксарай» су реттегішіндегі су көлемі 4 млрд 821 млн текше метр, бұл былтырғыдан 700 млн текше метрге кем.Вегетациялық кезеңді тұрақты өткізу үшін Сырдария өзенінің жоғары ағысында орналасқан көрші мемлекеттермен келіссөздер жүргізіп, «Шардара» су қоймасына жоғарыдан кемінде 2,5 млрд. текше метр су түсуіне ықпал жасау жөнінде тиісті министрліктерге ұсыныс берілді. Сіздің тапсырмаңызға сәйкес, министрліктермен бірге тиісті жұмыстар атқарылады», – деді аймақ басшысы.</blockquote>Үкімет отырысынан кейін жауапты сала басшыларының міндеттері айқындалған жиын өтті.<blockquote>«Орталық атқарушы органдар мен өңір әкімдеріне көктемгі егіс жұмыстарын бақылауға алу тапсырылды. Өңіріміздегі егін шаруашылығының жайы Сырдария өзеніндегі су деңгейіне тікелей байланысты. Қазір су ресурстарының тапшылығы жаһандық мәселеге айналды. Президентіміз суды неғұрлым тиімді пайдалану, су үнемдеу технологияларын кеңінен енгізу мен цифрландыруға баса назар аударуда.Әртараптандыру – бүгінгі күннің басты талабы. Сондықтан су тапшылығы жағдайында күріш көлемін оңтайландырып, өзге дақылдар егісін ұлғайту – маңызды қадам. Қала, аудан әкімдері, қазіргі қалыптасқан су тапшылығы жағдайында күріштен басқа дақылдар көлемін арттыруда нақты шаралар қабылдаңыздар», – деді Н. Нәлібаев.</blockquote>Басқосуда жергілікті тұрғындарға өз-өзін негізгі азық-түлік, бақша өнімдерімен қамтамасыз ету үшін қосымша егістік жер дайындап беру жұмыстары да пысықталды. Бұл бастаманы жұртшылық қолдап, егістік жерге сұраныс артып келеді. Биыл картоп, көкөніс, бақша дақылдарын егуге 5 мыңнан астам отбасы ниет білдірген. Оларға ауылдардан 3 300 гектар жер дайындалып, бүгінде 900 гектары егілді. Аймақ басшысы тұрғындарды жұмыспен қамтуды, оларға егін егуге, өнімдерін сатуға барынша мүмкіндік жасауды тапсырды.Мәжілісте су айдындарында тұрғындардың, әсіресе балалардың қауіпсіздігін сақтауға қатысты тапсырмалар берілді. Қала, аудан әкімдіктеріне жағажайларды талапқа сәйкестендіру жүктелді.

Көктемгі егіс пен вегетациялық кезеңнің өту барысы талқыланды

<a href="https://kyzylorda-news.kz/">Kyzylorda-news.kz</a> Азық-түлік келісімшарт корпорациясы күнбағыс тұқымын сатып алудың үш жақты форвардтық бағдарламасы бойынша күнбағыс майының кезекті партиясын жеткізді. Қарағанды ​​облысындағы «Сарыарқа» әлеуметтік-кәсіпкерлік корпорациясының тұрақтандыру қорына 20,8 мың литр көлеміндегі дайын өнім жөнелтілді.Жалпы алғанда, ұлттық оператор «Кokshe», «Байқоңыр» және «Сарыарқа» ӘКК-мен бекітілген баға бойынша 83,2 мың литр күнбағыс майын жеткізуге үш келісімшарт жасасты.Дайын өнім көлемінің бір сауда желілері арқылы бөлшек саудаға жіберілді, ал ӘКК күнбағыс майының қалған көлемін ауылшаруашылық жәрмеңкелерінде сату жоспарланып отыр. Мұндағы басты мақсат өңірлер тұрғындары үшін әлеуметтік маңызы бар өнімнің қолжетімділігін қамтамасыз ету болып табылады.«Көкше» ӘКК» АҚ азық-түлікпен қамтамасыз ету және сауда департаментінің директоры Алма Әбдірахманованың айтуынша, күнбағысты форвардтық сатып алу бағдарламасы ауыл шаруашылығы тауарын өндірушілер мен қайта өңдеу кәсіпорындарына нақты қолдау көрсетеді.<blockquote>«Дайын өнім Көкшетау қаласының 20 дүкеніне жеткізілді, оның ішінде бізбен келісім-шарт жасасқан «Низкоцен» және «Союз» сауда желілері бар. Сонымен қатар, ӘКК екі облыстық жәрмеңкеге қатысып, онда шамамен 3,5 мың литр күнбағыс майы сатылды. Белгіленген әлеуметтік баға әр апта сайын тұрғындардың сұранысын қамтамасыз етіп, бізге өтінімдер апта сайын түсіп жатты. Нәтижесінде біз қ өңір тұрғындарын қолжетімді бағадағы жоғары сапалы маймен қамтамасыз ете алдық», - деді ол.</blockquote>Қызылорда облысындағы азық-түлік тұрақтылығын қамтамасыз етумен «Байқоңыр» ӘКК айналысады, ол тұрақтандыру қорын қалыптастыру үшін Азық-түлік келісімшарт корпорациясынан 20,8 мың литр күнбағыс майын сатып алды.<blockquote>«Дайын өнімді форвардтық сатып алу бағдарламасына қатысу біз үшін бағаның ауытқуына жедел ден қоюға және халықты әлеуметтік маңызы бар азық-түлікпен қамтамасыз етуге мүмкіндік береді. Бүгінгі таңда ӘКК қолда бар қорын 37 әлеуметтік дүкен арқылы өткізеді. Мұнда өңір тұрғындары күнбағыс майы мен басқа да азық-түлік өнімдерін қолжетімді бағамен сатып ала алады. Балғын майдың партиясын жеткізуқажеттілігіне қарай жүзеге асырылатын болады. Біз Азық-түлік келісімшарт корпорациясымен ынтымақтастықты &nbsp;өңірдің азық-түлік қауіпсіздігін қамтамасыз етуге септігін тигізетін стратегиялық тұрғыдан маңызды және &nbsp;келешегі зор бағыт ретінде қарастырамыз», - деп атап өтті «Байқоңыр» ӘКК» АҚ тұрақтандыру қорынмен жұмыс жөніндегі басқарма басшысы Серікбай Мейрамбек.</blockquote>Еске салайық, 2024 жылғы наурыз айында ұлттық астық операторы күнбағыс өсіруге маманданған шаруаларды алдын ала төлем негізінде қаржыландырған болатын. Астықты &nbsp;жинағаннан кейін ауылшаруашылық тауар өндірушілері шикізатты «OskemenAgroProdukt» зауытына жіберіп, ол күнбағыс майының үш партиясын, сәйкесінше, 41,6 мың литр, 20,8 мың литр және 20,8 мың литр май өндірді. Дайын өнім Азық-түлік келісімшарт корпорациясының иелігіне түсті.Форвардтық қаржыландыру бағдарламасы фермерлерді қолжетімді қаржылық ресурстармен қамтамасыз етіп қана қоймайды, сондай ақ ауыл шаруашылығы өнімдерін ішкі нарыққа кепілдендірілген жеткізуді қамтамасыз етеді, қайта өңдеуді ынталандырады, азық-түлік тауарларының қолайлы бағасын қалыптастыруға ықпал етеді.

Азық-түлік келісімшарт корпорациясы үш облыстың халқын әлеуметтік бағамен күнбағыс майымен қамтамасыз етті

<a href="https://kyzylorda-news.kz/">Kyzylorda-news.kz</a> Биыл облыс көлемінде жатаған у кекіреге қарсы – 97,5 га, қауын шыбынына қарсы 1750 га,калифорниялық қалқанша сымырына қарсы – 34,5 га,арамсояуға қарсы – 427,87 га жерге өңдеу жұмыстарын жүргізу жоспарланып отыр. Жалпы зиянкестертерге қарсы күрес жұмыстарын жүйелеу үшін арнайы жер агрегаттары, 2 аса жеңіл ұшақ, 1 дана ұшақ, 3 дана дрон қатыстырылған. Фитосанитариялық жұмыстарды жүргізу мақсатында біздің аймақ үш бірдей облыспен ынтымақтастық байланыста. Олар: Түркістан, Ақтөбе және Ұлытау облыстары.<blockquote>- Ерекше қауіпті шегіртке зиянкестеріне қарсы 2025 жылы 60 024 га жерге химиялық өңдеу жүргізу жоспарланды. «Мемлекеттік сатып алу туралы» Заңына сәйкес, химиялық өңдеу жұмыстарын жүргізуге әуе арқылы жеңіл ұшақпен 15 434 гектар жер көлеміне және аса жеңіл ұшақпен 33 476 гектар жер көлеміне конкурс нәтижесімен «Авиакомпания «Дельта-Юг» ЖШС, жер агрегатымен 7 152 гектар жер көлеміне конкурс нәтижесімен «Бағжан» ЖК жеңімпаз болып анықталды. Пилотсыз авиациямен 3962 гектар жер көлеміне «Фитосанитария» РМК мекемесімен химиялық өңдеу жұмыстары жүргізіледі. Биылғы жылы аудандар бөлінісінде шегіртке зиянкестеріне қарсы қорғау іс-шараларын ұйымдастыру жөнінде «2025 жылы Қызылорда облысында шегіртке зиянкестерімен күрес шараларының іс-жоспары» жасалынды,- деді Мұхтар Әуесұлы.</blockquote>Айта кетейік, шегіртке зиянкестерімен күрес шараларын ұйымдастыру жұмыстарын жүйелеуге 4 жұмысшы топ жұмылдырылады.

Фитосанитариялық күрес жұмыстарына жаңа техникалар жұмылдырылды

<a href="https://kyzylorda-news.kz/">Kyzylorda-news.kz</a> Қармақшы аудан әкімі Жандос Еркінбектің қатысуымен спорт әлеміне өзіндік үлес қосқан талантты спортшы Әсет Сүлейменовті еске алуға арналған дзюдо күресінен жасөспірімдер арасындағы облыстық турнирдің ашылу рәсімі өтті.Аудан басшысы қатысушыларға сәттілік тілеп, өңірдің спорт саласындағы ауқымды жұмыстарға тоқталды.<img src="https://knadmin.beoblood.kz/uploads/set_S_lejmenovti_eske_alu_a_arnal_an_oblysty_turnir_bastaldy_1_ab259ba371.jpg" alt="Әсет Сүлейменовті еске алуға арналған облыстық турнир басталды 1.jpg"><blockquote>- Жүз жыраудың мекені, түбі бір түркінің ортақ тұлғасы Қорқыт баба жатқан Қасиетті Қармақшыға қош келдіңіздер!Баршаңызды талантты спортшы Әсет Сүлейменовті еске алуға арналған дзюдо күресінен облыстық турнирдің ашылуымен шын жүректен құттықтаймын!Президентіміз Қасым-Жомарт Кемелұлы Бурабайда өткен Ұлттық құрылтайда «Спортты насихаттау, оны әсіресе балалар мен жасөспірімдер арасында дәріптеу – ұлт саулығының кепілі», – деген болатын.</blockquote>Ауданымызда соңғы 2 жылда аймақ басшысының қолдауымен 4 спорт кешені салынып, іске қосылды. Өткен жылы Жосалы кенті, Т.Көмекбаев, Қуаңдария, Ақжар, Иіркөл және Төребай би ауылдық округтерінде балаларға арналған спорт және ойын алаңдары салынса, биыл Жосалы, Төретам кенттері мен ІІІ Интернационал ауылында салу жоспарлануда.Айта кетейік, Әсет Сүлейменов 1969 жылы дүниеге келген. Ол өзінің қайсарлығы мен дарындылығының арқасында көптеген республикалық додаларда жүлделі орыннан көрініп, «КСРО спорт шеберіне үміткер» спорттық атағына ие болған. 1986 жылы еңбек жолын аудандық спорт мектебінде жаттықтырушы болып бастаған ол кейіннен ішкі істер органдарында абыройлы қызмет етті.

Архив