БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> «АMANAT» партиясының «Халықпен бірге!» сайлауалды бағдарламасында елді мекендерді таза ауыз сумен қамту, халыққа сапалы, таза ауыз су жеткізуге ерекше мән берілген.Бүгін партияның облыстық филиалының бастамасымен қалалар мен ауылдық елді мекендер тұрғындарының таза ауыз сумен қамтамасыз етілуі бойынша қолданыстағы, іске асырылып жатқан және жоспардағы мемлекеттік және аймақтық бағдарламалардың жүзеге асуы мен ауыз су сапасына мониторинг жасалды. Іс - шараға партияның облыстық филиалының төрағасы Алмасбек Есмаханов, партияның облыстық, қалалық филиалдары жанындағы партиялық бақылау комиссиясы мүшелері, жауапты мекеме басшылары қатысты.<img src="https://knadmin.beoblood.kz/uploads/Whats_App_Image_2025_04_21_at_16_34_45_ccb9f653de.jpeg" alt="аманат 2.jpeg">Атап өту керек, өңірде 4 қала және 223 ауылдық елді мекен бар және барлық қалалар 100 пайыз ауыз сумен қамтылған. 223 ауылдық елді мекеннің 200-і, халық санымен алғанда 98,6 пайызы орталықтандырылған ауыз су жүйесіне қосылған. Бүгінде қалған 23 елді мекенді орталықтандырылған ауыз су жүйесіне қосу бойынша арнайы Жол картасы әзірленіп, жоспарға сәйкес жұмыстар атқарылуда.Бүгінгі мониторинг барысында аманаттықтар Қызылорда қаласындағы бас су алу кешенінде болып, ондағы суды залалсыздандыру цехы, зертханалардың жұмысымен танысып, судың сапасына ерекше мән берді.<img src="https://knadmin.beoblood.kz/uploads/amanat_3_d9303aed44.jpeg" alt="аманат 3.jpeg"> Кездесу барысында мамандар халықтың басым бөлігі ауыз суды бақшаға пайдаланып отырғандығын жеткізіп, ауыз суды үнемдеу бағытында жасалып жатқан жұмыстармен де таныстырды. Олардың айтуынша қыс мезгілінде қала тұрғындары 47 текше метр су пайдаланса, жаз мезгілінде 80-нің үстіне шығып кететіндігін айтады. Мониторинг барысында аталған мәселе бойынша халыққа түсіндірме жұмыстарын жүргізу керектігі айтылды. Сонымен қатар партия тарапынан ауыз сумен жабдықтаушы тиісті мекемелер басшылары мен өкілдеріне тұрғындарды ауыз сумен қамту жұмысын сапалы және уақытылы жүргізу тапсырылды. Мәселе тұрақты түрде партияның бақылауында болатыны ескертілді.<img src="https://knadmin.beoblood.kz/uploads/Whats_App_Image_2025_04_21_at_16_34_46_2_f78896cc4b.jpeg" alt="аманат 4.jpeg">

Халықтың таза ауызсумен қамтамасыз етілуіне мониторинг жасалды

<a href="https://kyzylorda-news.kz/">Kyzylorda-news.kz</a> Аймақта Қазақстан Республикасының VI жастар спорт ойындары бастау алмақ. &nbsp;Жарыс қарсаңында дене шынықтыру, спорт және туризм басқармасы басшысының орынбасары Жігер Айекешов, Сидней олимпиадасының күміс жүлдегері Мұхтархан Ділдәбеков, жастар арасында аға жаттықтырушы Мақсат Бақтыбазаров, бокстан әлем чемпионы Біржан Жақып пен Галиб Джафаров БАҚ өкілдерінің сұрақтарына жауап берді.&nbsp;<blockquote>- Соңғы уақытта Қызылордада спортқа жақсы көңіл бөлінуде. Кеше ғана грек-рим күресінен үлкен жарысты өткіздік. Алдағы уақытта да спорттық шаралар өткізіледі. Бүгін міне бокстан жастар ойындары басталмақ.Өңірімізге бокс спортының жұлдыздары келді. Мұндай мықтылардың келуі жастарымызға үлкен мотивация. Шаршы алаңда шын мықтылар шықсын. Баршаларыңызды спорт мерекесіне шақырамыз,- деді Жігер Оңдасынұлы.</blockquote>Спортқа қолдау көрсету &nbsp;керектігін алға тартқа Мұхтархан Қобыланбекұлы сайыс қатысушыларына сәттілік тіледі.<blockquote>- Қызылордаға келмегеніме 10-15 жылдай болыпты. Қалада өзгеріс көп. Спорт саласына да лайықты көңіл бөлініп жатыр. Әр аймақта осындай дәрежедегі қолдау болу керек. Жастар ойындарына сәттілік тілейміз. Мүмкін осы жерге болашақ олимпиада чемпиондары келген. Біз де үнемі бақылап жүреміз. Бұл жерден чемпиондар шықпауы мүмкін емес,- деді Мұхтархан Қобыланбекұлы.</blockquote>Ауқымды додаға еліміздің түкпір-түкпірінен жас спортшылар келді.<blockquote>- Жастар ойындары жоғары деңгейде, әділ өтеді деген сенімдеміз. Жарысты мақсаты олимпиада ойындарына резерв дайындау. Жастарға мүмкіндік жасауымыз керек. Үміт күтіп жүрген спортшылар көп. Барлыға да сайдың тасындай іріктелген,- деді Мақсат Бақтыбазаров.</blockquote>Аталған жарыс – жас дарындардың шеберлігін шыңдап, болашақ чемпиондардың қалыптасуына жол ашатын маңызды алаң.&nbsp;<blockquote>- Жастарды көріп біз де тәжірибемізбен бөліссек деген ниетпен келіп отырмыз. Жарыс сәтті болсын! Сыр елінде спорттың қарқынды дамуының арқасында олимпиада чемпиондары шығады деген үміттеміз. Жастар ойындары – ел спортының келешегі. Бұл алаңнан талай чемпиондар өсіп шығады деп сенемін. Қатысушыларға сәттілік, ал жанкүйерлерге – жарқын әсер тілеймін,- деді Біржан Жақыпұлы.</blockquote>Айта кетейік, елімізге танымал бокс саңлақтары Сыр еліне арнайы келіп, жарыс көркін қыздыра түспек.&nbsp;<blockquote>- Жастар – біздің болашағымыз. Бұл ойындар – олар үшін үлкен мектеп. Әрбір жарыс – тәжірибе, әрбір қарсылас – сабақ. Мұндай жарыстар – тек медаль үшін емес, мінез үшін қажет. Жас спортшылар рингке шыққанда, тек қарсыласымен емес, өз қорқынышы, күмәні, әлсіздігімен күреседі. Ал нағыз жеңіс – сол ішкі күресте. Мықтылар жеңіске жетсін,- деді Галиб Джафаров.</blockquote>

Қызылордада VI жастар спорт ойындары өтеді

<a href="https://kyzylorda-news.kz/">Kyzylorda-news.kz</a>&nbsp; Биыл елімізде ұлттық ауыл шаруашылығы санағын өткізу жоспарланып отыр. Осыған орай пилоттық жоба ретінде әр өңірдің бір аймағында санақ жүргізіледі.Ауыл шаруашылығы санағын өткізу мақсаты мен міндеттері:&nbsp;<ul><li style="text-align:justify;">- ауыл шаруашылығының нақты жағдайы туралы толық ақпарат алу;- &nbsp;өнімнің тиімділігін және ауылшаруашылығы өнімінің&nbsp;</li><li style="text-align:justify;">бәсекеге қабілеттілігін арттыруға бағытталған әлеуметтік-экономикалық саясатты әзірлеу;</li><li style="text-align:justify;">- іріктемелі бақылаулар мен бір реттік жазбаларды жүргізу үшін шаруашылық жүргізуші субъектілердің жалпы санын жаңарту.</li></ul>Ауыл шаруашылығы санағын өткізу мерзімдері:&nbsp;<ul><li style="text-align:justify;">Ауыл шаруашылығы санағы &nbsp;2025 жылғы 1 тамыздан 31 тамызға дейін 30 күн ішінде арнайы веб-порталда өзін-өзі толтыру әдісімен;</li><li style="text-align:justify;">- сауалнаманы толтырмағандардың тізімін жасау үшін 20 күн ішінде одан әрі өңдеу жүргізіледі.</li><li style="text-align:justify;">- санақ 2025 жылғы 20 қыркүйектен 20 қазан 30 күн аралығында, санақ қызметкерлерін тарта отырып, жеке әңгімелесу әдісімен және планшеттерді қолданумен жүргізіледі.</li></ul>

Биыл елімізде ауыл шаруашылығы санағы өтеді

<a href="https://kyzylorda-news.kz/">Kyzylorda-news.kz</a> Қызылордада автосалон 20-ға жуық автокөлікті меншік құқығынсыз сатып, тұрғындарды алдаған. Адамдар 6-12 миллион теңге төлеп, көлік алған, бірақ сот шешімімен олар бастапқы иелеріне қайтарылды. Сатып алушылар көліксіз қалып, банктерге қарыз төлеуде. Кей көліктер бірнеше рет сатылған. Автосалонның екі қызметкері сотталып, бірақ автосалон әлі де жұмыс істеп тұр. Зардап шеккендер қайда жүгінерін білмей отыр. Бұл туралы <a href="https://stan.kz/kizilordada-avtosalon-20-avtokolikti-menshik-kykiginsiz-416800/">Stan.kz</a> ақпарат агенттігі "Жетінші"арнаға сілтеме жасап хабарлайды.Қызылордалық тұрғын Күлімшат Еркін автосалоннан көлік сатып алу үшін банк арқылы 12 миллион теңге кредит алған. Қазір ол ай сайын 351 мың теңге төлеп отыр. Бірақ көлігі тәркіленіп, айып тұрағына қойылған. Сот көлікті алғашқы иесіне қайтару туралы шешім шығарған. Алайда Еркін не үшін кредит төлеп жатқанын түсінбей отыр.<blockquote>"Неге менің атыма тіркелген көлікті біреуге беруім керек? Көлікті адал тапқан ақшама сатып алдым. Оны маған қайтарсын. Біз үшінші тарап ретінде біреудің кінәсі үшін жауап бермеуіміз керек", –&nbsp;деді арызданушы Күлімшат Еркін.</blockquote>Мұндай жағдайға тағы кемінде 20 адам тап болған. Белгілі болғандай, автосалон көліктерді сатып алған соң, иелеріне ақша төлемеген. Тіпті кейбір көліктерді бірнеше адамға сатқан фактілер де анықталған.<blockquote>"Судья зардап шеккен тарапты қолдады. Ал біз ешбір тарапқа жатпаймыз. Айтар сөзімізге де мүмкіндік берілмеді. Көліктеріміз тәркіленіп, қайтару шешімі шықты. Біз бұған наразымыз", –&nbsp;деді тұрғындардың бірі Гүлсара Игенова.</blockquote>Кей көліктер әлі де банктің кепілдігінде болған. Бірақ банктің өкілдері сот отырысына шақырылмаған. Облыстық адвокаттар алқасының адвокаты Мұхамедқали Мәдияров азаматтардың құқығы бұзылғанын айтады.<blockquote>"Сот үкімі Конституцияға қайшы келеді. Себебі үкім бойынша көліктер иелеріне қайтарылуға тиіс. Бірақ сатып алушылардың кейбірі сотталғандардан 3-5 миллион теңге көлемінде ақша алған. Олар келісім бойынша ақшаларын жартылай болса да алды", –&nbsp;деді заңгер.</blockquote>Сот үкімі шықса да, автосалон жұмысын жалғастырып жатыр. Қала сотының мәліметінше, автосалонның екі өкілі сотталып, бірі 4 жылға, екіншісі 4,5 жылға бас бостандығынан айырылды.Фото: Видеодан скрин

Қызылордада автосалон 20 автокөлікті меншік құқығынсыз сатып жіберген

<a href="https://kyzylorda-news.kz/">Kyzylorda-news.kz</a>«Болашақ» жоғары медициналық колледжінде қазақтың ұлы ақыны Абай Құнанбайұлының туғанына 180 жыл толуына орай тоғызқұмалақтан қалалық ашық турнир өтуде.Жарыстың ашылу салтанатына &nbsp;арнайы қатысқан қала әкімінің орынбасары Бақытжан Омаров ұлттық ойынның бірі - тоғызқұмалақ спортын дәріптеудің маңыздылығына тоқталып өтіп, спортшыларға сәттілік тіледі.<blockquote>- Ұлы дала данышпаны, қазақ руханиятының шамшырағы – Абай Құнанбайұлының рухына тағзым ретінде өткізіліп отырған бұл тоғызқұмалақ турнирі – жай ғана жарыс емес. Бұл — ұлттық мұрамызды дәріптеу, зияткерлік ойынды ұрпақ санасына сіңіру және ең бастысы – ойлы, парасатты жастарды тәрбиелеу жолындағы маңызды қадам. Ұлы Абайдың: «Толық адам – ақыл, қайрат, жүрек үшеуінің бірлігімен табылады» деген сөзі бар. Осы турнир – сол үштіктің нағыз сыналар алаңы. Турнирге қатысып отырған барлық спортшыларға сәттілік тілеймін! Жарыста әділдік салтанат құрсын, шеберлік пен парасат жеңсін!, - деді қала әкімінің орынбасары Бақытжан Бауыржанұлы.&nbsp;</blockquote>Турнирде "Болашақ" университетінің негізін қалаушы мемлекет және қоғам қайраткері Бақберген Досманбетов және Қызылорда қаласы прокуратурасының бөлім прокуроры Алмат Алдабергенов сөз алып, &nbsp;адамзаттық мәдени мұра – тоғызқұмалақ ойынын &nbsp;ұлттық құндылығымыз – тоғызқұмалақ ойнының соңғы жылдары кең қанат жайып, балалар мен жасөспірімдер арасында үлкен қызығушылыққа ие болып отырғанын атап өтті.&nbsp;Ашық аспан астында әдеби-музыкалық кеш форматында ұйымдастырылған турнирге облыс көлемінде мектеп оқушылары мен техникалық және кәсіптік білім беру ұйымдарынан жалпы 300-ге жуық спортшы қатысуда.Турнир қорытындысы бойынша жеңімпаздар қала әкімінің сыйлықтарымен, арнайы кубок, медаль және дипломмен марапатталады.<img src="https://knadmin.beoblood.kz/uploads/To_yz_mala_turnir_2_043d95c48f.jpg" alt="Тоғызқұмалақ турнир 2.jpg">

Тоғызқұмалақтан турнир өтуде

<a href="https://kyzylorda-news.kz/">Kyzylorda-news.kz</a> Қазақстандық каратэші Мөлдір Жаңбырбай Каирде өткен Karate 1-Premier League сериясының үшінші кезеңінде алтын медаль жеңіп алды. Бұл туралы <a href="https://baq.kz/qazaqstandyq-karateshi-moldir-zhanbyrbay-kairde-otken-turnirde-zheniske-zhetti-200012091/">BAQ.KZ</a> Спортты дамыту дирекциясына сілтеме жасап хабарлайды.50 келіге дейінгі салмақ дәрежесінде өткен финалдық жекпе-жекте Жаңбырбай хорватиялық Эмма Сгарделлимен кездесіп, жекпе-жектің соңғы секундтарында шешуші ұпай жинап, жеңіске жетті, - делінген хабарламада.Тағы бір отандасымыз Әсел Қанай 61 келіге дейінгі салмақ дәрежесінде өткен финалда украиналық Александра Шолоховадан жеңіліп, күміс медаль еншіледі.Мөлдір Жаңбырбай – Каратэ-до бойынша Қазақстанның бірнеше дүркін чемпионы, үш дүркін Азия чемпионы (2013, 2017, 2018), әлем чемпионы, 2022 жылғы Ханчжоудағы Жазғы Азия ойындарының финалисі, Халықаралық дәрежедегі спорт шебері.Фото: instagram.com/kaz_karateofficial

Қазақстандық каратэші Мөлдір Жаңбырбай Каирде өткен турнирде жеңіске жетті

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев «Таза Қазақстан» экологиялық фестивалі аясында Астана қаласындағы «Жастар» саябағында экобелсенділермен бірге ағаш екті, – деп хабарлайды <a href="https://kaz.inform.kz/news/memleket-basshisi-zhastar-sayabaginda-agash-ekt-f2b94a/">Қазақпарат</a> Ақорданың баспасөз қызметіне сілтеме жасап.Айта кетейік, «Бүкіл қазақстандық ағаш егу күні» акциясы аясында еліміз бойынша соңғы үш күнде 4,5 миллионға жуық көшет егіліп, орман алқабын толтырды.Фото: Ақорда

Мемлекет басшысы «Жастар» саябағында ағаш екті  

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев қазақстандықтарды Пасха мерекесімен құттықтады. Бұл туралы <a href="https://stan.kz/tokaev-kazakstandiktardi-pasha-merekesimen-kyttiktadi-416741/">Stan.kz </a>ақпарат агенттігі хабарлайды.&nbsp;Тоқаев елдегі барша христиандарды Пасха мерекесімен құттықтап, хат жазды.<blockquote>“Бұл жарқын мейрам жұртты рухани тазарып, жаңаруға үндейді. Діндар адамдарға үміт сыйлап, оларды қуанышқа бөлейді. Биыл Пасханы дүние жүзіндегі православ, католик және протестант қауымы бір күнде атап өтіп жатыр. Мұның символдық мәні зор”, –&nbsp;деді президент.&nbsp;</blockquote>Сөзінше, басқа діндермен қатар христиан діні де қоғамымызда маңызды рөл атқарады. Ол&nbsp;пасха дәстүрлері отбасылық құндылықтарды сақтауға және халқымыздың ынтымағын арттыруға ықпал ететінін, азаматтарымызды мейірімділік пен келісімге шақыратынын айтты.<blockquote>“Жалпыұлттық бірлік, барша этнос пен конфессия өкілдері арасындағы татулық пен өзара түсіністік қашанда Қазақстанның тұрақты өсіп-өркендеуінің мызғымас тұғыры болып қала береді деп сенемін. Пасха мерекесі әр шаңырақты махаббат пен шаттыққа кенелтсін! Еліміздің әр азаматына зор денсаулық, бақ-береке және толағай табыс тілеймін!”, –&nbsp;деді ел басшысы</blockquote>Фото: Ақорда&nbsp;

Тоқаев қазақстандықтарды Пасха мерекесімен құттықтады

<a href="https://kyzylorda-news.kz/">Kyzylorda-news.kz</a> Соңғы уақытта жастарды баспанамен және жатақханамен қамтамасыз ету мәселесі қоғамда кеңінен талқылануда. Осы түйткілді мәселелерді тереңірек зерделеу мақсатында «AMANAT» партиясы Шымкент қалалық филиалы жанындағы «Жастарды қолдау жөніндегі аймақтық кеңесі» көшпелі отырыс өткізді.Кеңестің көшпелі отырысына қалалық мәслихат депутаты, кеңес төрағасы Нұрсұлтан Балабиев, кеңес мүшелері, қоғам белсенділері және БАҚ өкілдері қатысты.Жиын барысында «Жұмысшы жастарға» бағдарламасы аясында 900 пәтерді студенттерге үлестіру мәселесі қаралды. Айта кетсек, Мәдениет және ақпарат министрлігінің бұйрығымен 35 жасқа дейінгі жұмыс істейтін жастарға арналған тұрғын үй бағдарламасы бойынша 2024 жылы өткен конкурс нәтижесінде оң қорытынды алған азаматтарға 2025 жылы 900 пәтер бөліну жоспарланған.Сонымен қатар, жиын аясында жұмысшы топ Оңтүстік Қазақстан медицина академиясы мен Орта Азия Инновациялық университетінің жатақханаларына мониторинг жүргізді. Зерделеу жұмыстары барысында жатақхана жағдайлары сараланып, бірқатар өзекті сұрақтар көтерілді.Кеңес отырысының қорытындысы бойынша көтерілген мәселелер алдағы уақытта тұрақты бақылауда болып, тиісті жұмыстар жүргізілетін болады.<img src="https://knadmin.beoblood.kz/uploads/Zhata_hana_b9e590a0a1.jpg" alt="Жатақхана.jpg">

AMANAT» партиясы: жатақхана мәселесі талқыланды

<a href="https://kyzylorda-news.kz/">Kyzylorda-news.kz</a> 22 сәуірде кешке Жерде тағы да магниттік дауылдар жүретіні хабарлануда, деп хабарлайды <a href="https://baq.kz/zherde-tagy-magnittik-dauyl-bolady-200012071/">BAQ.KZ.</a>Мамандардың бағалауы бойынша, магниттік дауыл G1-ден G2-ге дейінгі деңгей шкаласын қамтиды. Бұл туралы Жер тұрғындарын синоптик Михаил Леус өзінің Telegram-дағы арнасында ескертеді.22 сәуірде түстен кейін геомагниттік өріс қайтадан аздап қаһарына мінеді, ал түстен кейін G1-G2 шкаласындағы әлсіз және орташа деңгейдегі магниттік дауылдардың басталу ықтималдылығы 85%-ды құрайды, – деді ол.Магнитосферадағы G1 деңгейіндегі әлсіз магниттік бұзылыс 20 сәуірде, жексенбіде түнінің екінші жартысынан басталады. 22 сәуірге дейін олар ұзақ және қарқынды болмайды, - дейді ЛеусОның Күннің бетінде пайда болатын үлкен даққа байланысты емес, оған планетаның айналасындағы магнит өрісінің бағытындағы қысқа мерзімді өзгерістер түрткі, – деп түсіндіреді маман.Әлемдік болжау орталықтарына сілтеме жасай отырып, синоптик Жердегі магниттік дауылдар 24 сәуірге дейін жалғасады деп ескертеді. Сәуір айында Жер бетінде алты күндік магниттік дауыл күтілетіні бұрын хабарланған. Соңғысы дәл 24 сәуірге сай келеді.Фото: Pixabay.com

Синоптиктер: Жерде магниттік дауыл болады

<a href="https://kyzylorda-news.kz/">Kyzylorda-news.kz</a> Қалалық орталықтандырылған кітапханалар жүйесінің ұйымдастыруымен 23 сәуір – «Ұлттық кітап» күніне орай дәстүрлі «Әдеби автобус» жобасы аясында «Кітап QALA» атты мерекелік іс-шара өтті. Теміржол вокзалынан бастау алған №1 бағыттағы қоғамдық көліктің іші-сырты дәйекті сөздермен, шарлармен ерекше безендіріліп, кітапты ұлықтау мақсатындағы кезекті сапарына бет алды.&nbsp;Кітапханашылар қала тұрғындарына әлем бойынша кітапқа байланысты халықаралық жобаларды таныстырды. Атап айтсақ, «Бір ел – бір кітап», «Дүниежүзілік кітап және авторлық құқықты қорғау күні», &nbsp;«Балалар кітабы күні».Биылдан бастап елімізде 23 – сәуір «Ұлттық кітап күні» қосылуда. &nbsp;Бұл мерекені ана тіліміздегі ұлттық таныммен танылған кітаптардың насихатталуына, шығарма авторларының беделі артуына үлкен қозғау салатын атаулы күн десек те болады.&nbsp;Іс-шара барысында кітапхананың белсенді оқырмандары ақын-жазушылардың өлеңдерін мәнерлеп оқып, жолаушыларды бір серпілтіп тастады. Сондай-ақ, кішкентай өнерпаздар әннен шашу шашып, қоғамдық көлікте отырған әрбір адамға көтеріңкі көңіл-күй сыйлады.Кітапханашылар мерекелік іс-шараны қызықты өткізу мақсатында жолаушыларға түрлі викториналық сұрақтар қойды. Сондай-ақ, мақал-мәтелдердің жалғасын табу арқылы тапқырлық танытты. Сан түрлі тақырыптағы жұмбақтар шешіліп, өз білімдерін көрсеткен жолаушылардың барлығына сыйлақтар берілді.&nbsp;Айта кету керек, аталған іс-шараға «Ауыл» партиясы Қызылорда облысы бойынша өңірлік филиалы мен Текей батыр Қарпықұлы атындағы жоғары колледжінің құрылтайшысы Исаев Мирамбек Мырқыұлы қолдау көрсетіп, демеушілік жасады.&nbsp;Осылайша, мереке қарсаңында кітапханашылар қауымы №1 қоғамдық көлігіне мінген әрбір жолаушының бір сәтін болса да, көңілді әрі қызықты өткізуіне өз үлестерін қосты.<img src="https://knadmin.beoblood.kz/uploads/Whats_App_Image_2025_04_21_at_09_56_21_c53cf34653.jpeg" alt="Әдеби автобус .jpeg">

Архив