<a href="https://kyzylorda-news.kz/">Kyzylorda-news.kz</a> Олжас Бектенов екінші деңгейлі банктердің басшыларымен экономиканың нақты секторын қаржыландыруға қатысуды арттыру мәселесін талқылады. Бұл туралы Үкіметтің баспасөз қызметі хабарлады.&nbsp;Премьер-министр Олжас Бектенов Мемлекет басшысының экономиканың нақты секторын екінші деңгейлі банктердің қаржыландыруын ұлғайту жөніндегі тапсырмасын орындау мәселелері бойынша кеңес өткізді. Ірі инфрақұрылымдық жобаларды салу және жаңғырту бағдарламаларын жүзеге асыруға назар аударылып отыр.Үкіметтің бизнесті басымдық бере қаржыландыруға банктердің қатысуын ынталандыру бойынша жаңа тәсілдері қаралды.Вице-премьер&nbsp;– ұлттық экономика министрі Серік Жұманғарин ЕДБ активтерінің тек 21,2%-ы бизнесті несиелендіруге тиесілі, 16,5%-дан астамы кепілсіз тұтынушылық несиелерді құрайтынын, өтімділігі жоғары активтердің үлесі 29,6%-ға дейін өскенін баяндады.Жаңа Салық кодексі жобасында корпоративтік секторды несиелеуден түсетін кірістер бойынша КТС мөлшерлемесін 20% деңгейінде сақтау, ал тұтыну секторы үшін 25%-ға белгілеу және бірқатар қаржылық операцияға қатысты шамамен 500 млрд теңге болатын ҚҚС жеңілдіктерін алып тастау ұсынылады. Бұл шаралар салық төлемдерін ұлғайтуға, салық жүктемесін теңестіруге және банктер активтерінің құрылымын теңестіруге, олардың ресурстарын нақты экономикаға бағыттауға арналған.Әлеуетті ЖІӨ шегін мақсатты түрде арттыру стратегиялық мақсат болуы тиіс. Бұл орта және ұзақмерзімді кезеңде Қазақстан экономикасының өнімділігін арттыру үшін инвестицияларды қандай бағыттарға шоғырландыру керек екенін және қандай институционалдық қолдау қажеттігін түсінуге мүмкіндік береді.«Бәйтерек» ҰБХ» АҚ басқарма төрағасы Рустам Қарағойшин кәсіпкерлікті қолдау мен несиелеудің негізгі құралдарын ұсынды. 2024 жылы Холдингтің экономика секторларын қолдауға қосқан жалпы үлесі шамамен 4 трлн теңге болды. 2025 жылы осы мақсаттарға қол жеткізу үшін қаржыландыру көлемін 2027 жылға қарай 10 трлн теңгеге дейін одан әрі ұлғайта отырып, шамамен 8 трлн теңге бағыттау жоспарланып отыр. ЕДБ-ны нақты секторды қаржыландыруға тарту шеңберінде өтімділікті арттыруға бағытталған бірқатар шаралар ұсынылады.84 ірі инвестициялық жобаны іске асыру көзделген. Өндіріс, инфрақұрылым және тұрғын салаларына басымдық беріледі. Мемлекеттік кепілдіктер ұлғайтылады, соның нәтижесінде құрылыс жұмыстары 13,1 мың шақырым автожолдар мен 585 шақырым теміржолдарды қамтиды. Энергетикалық және коммуналдық секторларды жаңғырту жөніндегі ұлттық жоба шеңберінде 5 жылда 13&nbsp;трлн теңгеден астам, оның ішінде биыл&nbsp;– 1,2&nbsp;трлн теңге инвестиция салынады. Тұрғын үй құрылысының рекордтық көрсеткіші&nbsp;– кемінде 19&nbsp;млн шаршы метр салу күтілуде. Нақты секторды қаржыландыруды ұлғайтуға бағытталған бастамалар ЖІӨ-нің өсуіне әкеледі.Өз кезегінде, Қазақстан қаржыгерлер қауымдастығының төрағасы Елена Бахмутова ЕДБ экономикаға несие беру көлемін арттыруды жалғастырып жатқанын айтты. 2024 жылы бизнес-қарыз алушылардың жалпы саны 441-ден 532 мыңға дейін өсті. Банк секторы жылдың бірінші айында іскерлік белсенділіктің дәстүрлі баяулауына қарамастан, тек қаңтар айының өзінде 1,1&nbsp;трлн теңге жаңа несие берді.Талқылау қорытындысы бойынша Премьер-министр экономиканы қаржыландыру бойынша жаңа тәсілдерді бірлесіп енгізудің маңыздылығын атап өтіп, банк басшылығының назарын жергілікті қамту мәселесіне аударды.<blockquote>– Президент Үкіметтің кеңейтілген отырысында ірі инфрақұрылымдық жобаларды салу және жаңғырту үшін екінші деңгейлі банктер ресурстарын пайдалану міндетін қойды. «Бәйтеректі» капиталдандыруды ұлғайту экономикаға, оның ішінде екінші деңгейдегі банктер арқылы үлкен өтімділікті тартуға бағытталған. Бұл осы және кейінгі жылдары ел экономикасының дамуына елеулі серпін береді. Бұл бағдарлама барынша тиімді болуы үшін банктермен бірлесе, үйлесімді жұмыс істеу маңызды. Біз ашық жұмыс істеуге дайынбыз, қаржыландыру екінші деңгейлі банктермен бірлесіп, даму институттары өз кезегінде бұған көмектесетін барлық тетіктерін көрсетеміз.&nbsp;Біз қолдайтын барлық жобада жергілікті қамтуға басымдық беріледі. Әрбір жобаны жіті қарайтын боламыз: Қазақстанда өндірілетін тауарлардың барлығы сырттан импортталмай, өзімізде сатып алынуы тиіс. Бұл жұмыс цифрлық форматта жүргізілуі керек. Мемлекеттің көмегімен жеңілдікті мөлшерлемелер бойынша белгілі бір жобаны іске асырып жатқан кәсіпкер қазақстандықтардан сатып алуы қажет, – деп атап өтті Премьер-министр.</blockquote><a href="https://kaz.inform.kz/news/elde-ondrletn-tauarlardin-barligi-sirttan-importtalmay-ozmzde-satip-alinui-tis-bektenov-6d40f4/">kaz.inform.kz</a>Фото: Үкімет

Біз қолдайтын барлық жобада жергілікті өнімге басымдық беріледі – Бектенов  

<a href="https://kyzylorda-news.kz/">Kyzylorda-news.kz</a> Наурыз мейрамын тойлауға байланысты Қазақстандағы барлық халыққа қызмет көрсету орталықтары (ХҚКО) мен мамандандырылған ХҚКО (МХҚКО) 21-24 наурыз аралығында жұмыс істемейді. Бұл күндері азаматтар мемлекеттік қызметтерді eGov порталы арқылы онлайн түрде ала алады.25 наурызда тұрғындарға ыңғайлы болу үшін Қызылорда қаласында кезекші ХҚКО жұмыс істейді. Олар 9:00-ден 13:00-ге дейін қызмет көрсетеді.Кезекші ХҚКО мекенжайлары: Астана даңғылы, 46; Мамандандырылған ХҚКО Тасбөгет кенті, Жанадария шатқалы, 91.Ал 26 наурыздан бастап барлық ХҚКО-лар қалыпты жұмыс кестесіне сәйкес қызмет көрсетуді жалғастырады.Фото: ХҚКО

Наурыз мейрамына байланысты ХҚКО жұмыс кестесі өзгерді

<a href="https://kyzylorda-news.kz/">Kyzylorda-news.kz</a> &nbsp;Асхат Аймағамбетов мұғалімдердің жалақысы мен оқушыларға берілетін ыстық тамаққа қатысты пікірін білдірді.&nbsp;<blockquote>– Осыдан алты жыл бұрын егер біреу мұғалімдердің жалақысы екі-үш есеге өседі, бастауыш сынып оқушыларына тегін ыстық тамақ беріледі, қарапайым жұмысшы мамандық иелері Ақордадан мемлекеттік марапаттарға ие болады, Ұлттық қордың қаражаты барлық балалардың шотына аударылады десе, бұған сену тұрмақ, көпшілік бізді орындалмайтын арманды сөз етті деп сөгер еді. Бірақ заман өзгерді. Еліміздің Президенті Қасым-Жомарт Тоқаев бұл бағыттарды көрсетіп қана қойған жоқ, оған апаратын нақты жолды салып, іске асырды, – деді А.Аймағамбетов.&nbsp;</blockquote>Бұл туралы ол Президент Қасым-Жомарт Тоқаевтың саяси реформаларын іске асыру – мемлекеттік құрылыстың жаңа тарихи кезеңіне арналған Мәжілістің жалпы отырысында айтты.Фото: primeminister.kz

Асхат Аймағамбетов: «Әр жаңа мектеп – болашақтың фабрикасы»

<a href="https://kyzylorda-news.kz/">Kyzylorda-news.kz</a> Кеше Aray city mall ойын-сауық орталығында дәстүрге айналған “Ұлттық киімді ұлықтайық” этно фестивалі Ұлыстың ұлы күні, әз-Наурыз мерекесіне арналып, ерекше атмосферада өтті.Фестивальге облыстағы барлық этномәдени бірлестіктер, олардың шығармашылық ұжымдары, “Ассамблея жастар” ұйымының белсенділері, “Қуаныш” әжелер ансамблі және қала тұрғындары мен БАҚ өкілдері қатысты.Ұлттық құндылықтар дәріптелген шараны Қызылорда облыстық қоғамдық даму басқармасының «Қоғамдық келісім» КММ директоры Бақытжан Камалов және «Қызылорда облысы бойынша әйелдер күші Альянсы» қоғамдық бірлестігінің төрағасы Рахима Ахметова ашып, барша жиналған қауымды Ұлыстың ұлы күнімен құттықтады. Көрермендер этностардың ән, күй және билерін тамашалап, қазақтың дәстүрлі әндерін тыңдады.Сондай-ақ, өңірлік этномәдени бірлестіктердің шығармашылық ұжымдары керемет қойылымдарымен өнер көрсетті. Фестиваль соңында барша қатысушылар ұлттық киімдер шеруін ұйымдастырып, оны әуезді әнмен сүйемелдеді. Ұлттық нақыштағы киімдер мерекенің сәнін келтіріп, барлық қонақтарға ерекше көңіл-күй сыйлады.Наурыз мерекесін сезінген әрбір қатысушы үшін бұл фестиваль ұмытылмас әсер қалдырды. Жас ұрпаққа ұлттық мұраны ұлықтау мақсатында өткен шара, этносаралық келісім мен бірлікті нығайтуға зор үлесін қосты.

“Ұлттық киімді ұлықтайық” этно фестивалі өтті

<a href="https://kyzylorda-news.kz/">Kyzylorda-news.kz</a> &nbsp;Биыл Қызылорданың астана болғанына 100 жыл толып отыр. Өткеніне үңілсең ғасырлардан сыр тартатын, бүгінін бағамдасаң келешегінің кемелдігін аңғартатын Қызылорда Алаштың анасы ғана емес, айбары да болып үлгерді. Қазақстан Президенті құрылтайда бұл жайға ерекше тоқталды.<blockquote>– Бүгінгі Құрылтай тағы бір тарихи белеске тұспа-тұс келді. Биыл ел астанасын Қызылордаға көшіру туралы тарихи шешімнің қабылданғанына жүз жыл толып отыр. Осы ретте Құрылтайдың келесі отырысын Сыр бойында, кезінде Қазақ елінің астанасы болған Қызылорда қаласында өткізуді ұсынамын, – деді Мемлекет басшысы.</blockquote>Тарихқа көз жүгіртсек, Ақмешіт астана болып, Қызылорда атанғанда бесінші сиез өткен екен. Енді міне, келер жылы Қызылордада бесінші құрылтай өткелі тұр. Қызылорда астана болған шақта Сыр өңірінде небір тарихи шешімдер қабылданған. Соның бірі әрі бірегейі ретінде құжат жүзінде қазақ атауының ресми қайтарылуы болды десек, бұл сөзімізді ешкім жоққа шығармас.<blockquote>– Халқымыздың «қазақ» деген байырғы атауы да бір ғасыр бұрын қайтарылды. Біздің мемлекеттігіміз мыңжылдықтардан бастау алады, оның тамыры тым тереңде жатқаны даусыз. Бірақ осыдан бір ғасыр бұрын ұлтымыздың өз атауының оралуы тарихи әділдік орнату жолындағы маңызды қадам болғанын ашық айтуымыз керек. Бұл істе сол кездегі Үкімет басшысы Сәкен Сейфуллин айрықша рөл атқарды. Ол «Қазақты қазақ дейік, қатені түзетейік» деген мақала жазып, арнайы идеологиялық науқанды бастап берді. Мұндай маңызды оқиғалар ел жадында сақталуға тиіс, – деді Қ.Тоқаев.</blockquote>Архив құжаттарын негізге ала отырып, тарихи деректерді сөйлетер болсақ, 1925 жылдың сәуірінде Қазақ АКСР кеңестерінің бесінші съезіне сайланған делегаттар мен үкімет мүшелері Ақмешітке келген. Осы қалада сол кезде бес күнге созылған съезд өтіпті. Бұл жайында облыстық «Сыр бойы» газеті бас редакторының орынбасары Г.Жалғасова «Алаштың алты қанат ақ ордасы» атты мақаласында: «15 сәуірде Ақмешіт қаласында бүкіл Қазақстан еңбекшілері өкілдерінің басын қосқан Қырғыз (Қазақ) АКСР кеңестерінің бесінші съезі салтанатпен ашылды» деп жазады. Бұл съезде ұлтымыз бен қаламызға қатысты екі тарихи шешім қабылданған. Олар ресми құжаттарда қырғыз аталып келген ұлт атауын қазақ етіп, тарихи қателікті жөндеу және Ақмешіт атауын Қызылорда деп өзгерту болды.Жалпы ұлт атауына қатысты тарихи қателікті жөндеу жайлы мәселені қайраткерлер бұған дейін де көтерген. Дәлелді алыстан іздемей-ақ ғалым Тұрсынбек Кәкішевтің еңбектеріне үңілейік. Ол кісі Сәкен Сейфуллиннің тәуелсіздік жылдарына дейін беймәлім болып келген бірнеше мақаласын тапқан. Соның бірі –1923 жылы жазылған &nbsp;«Қазақты қазақ дейік, қатені түзетейік» атты мақаласы.&nbsp;Ұлттың атауына келгенде бәрі түсінікті, ел қамын жеген азаматтар әбден ойланып, толғанып барып қабылданған шешім. Ал Қызылорда атауы ше? Бұл жайында тарихшы ғалым Х.Тұрсын өзінің «Алаш қозғалысының оңтүстік қағанаты» атты еңбегінде архив құжаттарына негізделген мәлімет келтіреді. Ғылыми еңбекке Дінше Әділовтің 1928 жылы ОГПУ тергеушісіне берген жауабы енгізілген. Онда: «Қожанов, мен, Есболов Табынбаевтың үйінде түскі ас іштік. Съезд аяқталуға таяған еді. Сол кезде үкімет көшіп келген Ақмешіт қаласының атын өзгерту мәселесі көтерілген болатын. Жаңа астананы қалай атау жөнінде ойластық. Қызылорда атауын алғаш ағартушы-ғалым Қоңырқожа Қожықов ойлап тапты. Одан «неге?» деп сұрадық. Бұл қос қатпарлы атау, ол екі жақты да қанағаттандыруы тиіс екенін айтты. «Қызыл» – демек большевиктерге ұнайды, ал «Орда» – ұлттық атау. Демек ол жақ та, бұл жақ та кінә арта алмайды. Бұл ұсыныспен келістік. Сұлтанбек Қожанов съезде кезектен тыс сөз алып, ұсыныс жасады: бірінші ұсыныс Қырғыз республикасын Қазақ республикасы деп атау керек десе, екіншісі – Ақмешіт қаласын Қызылорда деп атау жөнінде. Съезд екі ұсынысты да бірауыздан қабылдады» делінген. Бұдан Қызылорда атауын съезде көпшілікке ұсынған Сұлтанбек Қожанов болса, оны ойлап тапқан Қоңырқожа Қожықов екенін көруге болады. Ал дәл осы тарихи оқиғаға биыл 100 жыл толып отыр. Демек сүйікті қаламыздың Қызылорда атанғанына да 100 жыл болды деген сөз.Тәуелсіздік алғалы бері Қызылорда атауына байланысты түрлі пікір айтылуда. Жалпы Қызылорда сөзін кеңестік заманмен байланыстыратындар аз емес. &nbsp;Сол себепті «Ақмешіт» немесе «Қамысқала» деген тарихи атауын қайтарайық деген де бастама көтерілді. Тіпті облыс атауын Сырдария деп өзгертейік деген ұсыныс та болған. Ақмешітті Қызылорда деп атаған арыстарымыздың бізден әлдеқайда білімді, қай жағынан келсе де он орап алатын қабілеті болғанын ескеруіміз қажет. Осы ретте филология ғылымдарының кандидаты, Қорқыт ата университетінің профессоры Аман Абасиловтың &nbsp;облыстық «Сыр бойы» газетіне жарияланған «Қызылорда атауына терең бойласақ» деген мақаласынан үзінді келтіре кетейік. Ғалым: «Ол заманның зиялылары алыстан ойлайтын ұлылар, абыздар ғой. Алаш арыстарының азат ойлай алатыны, сөз мағынасы тек лингвистикалық білім ғана емес, дүниелік білім беретіндігіне де жіті көңіл аударғаны таңғалдырады. Белгілі әдебиетші-ғалым Ғабит Тұяқбаевтың Әзербайжан еліне барған іссапарында өзін қарсы алған әзербайжан әріптестерінің «Қызылорда» атауын «Алтынорда» мағынасында қолданғанына риза болдым деп айтқаны бар еді. Міне, бұл атаудың түркілік дүниетанымды білдіретіндігінен де хабар береді. Сондықтан «Қызылорда» атауына сол ұлыларымыз сияқты байыппен қарағанымыз дұрыс» деген пайым жасайды.&nbsp;Осыған қарап-ақ Алаш зиялылары Қызылорда атауының түпкі мағынасы Алтынорда деп пайымдағанын аңғаруға болады. &nbsp;Әзиз ЖҰМАДІЛДӘҰЛЫ, «Қызылорда ньюс.кз» ақпарат агенттігінің бас редакторы&nbsp;Фото: ortcom.kz

Бесінші сиезден бесінші құрылтайға дейін

<a href="https://kyzylorda-news.kz/">Kyzylorda-news.kz</a> &nbsp;ІІМ мопедтерді тіркеу қажеттігі туралы ескертті, – деп хабарлайды Polisia.kz. &nbsp;– Құрметті азаматтар! Естеріңізге сала кетейік, мопедтерді тіркеп үлгеру үшін екі аптадай ғана уақыт қалды. Заң бойынша 5 сәуірден кейін тіркелмеген мопедті басқаруға тыйым салынады. Мұндай құқық бұзушылық анықталған жағдайда Әкімшілік кодекстің 590-бабының 2-бөлігіне сәйкес жауапкершілік көзделеді. Қазіргі уақытта республика бойынша 8527 мопед тіркелді. Оны тіркеу үшін тұрғылықты жері бойынша арнайы халыққа қызмет көрсету орталығына жүгіну қажет. Өзіңізбен бірге келесі құжаттарды алу керек: жеке басты куәландыратын құжат, электронды түрі де жарайды, техникалық құжат немесе мопедтің техникалық сипаттамалары туралы мәліметтер. Өтінішті толтырып, мопедті тексеруден өткізіп, көлік құралын тіркеу, тіркеу туралы куәлік және мемлекеттік нөмір алу үшін мемлекеттік баждарды төлеу қажет. Тіркеуді кейінге қалдырмаңыздар! Өзіңіз үшін «жағымсыз салдардан» аулақ болу үшін мопедті заң талаптарына сәйкес келтіргеніңіз абзал, – деді департамент бастығы – ІІМ ресми өкілі Шыңғыс Алекешев.<figure class="media"><div data-oembed-url="https://youtu.be/mg8bSDJNEPc"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/mg8bSDJNEPc" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Polisia.kzФото: freepik.com

5 сәуірден бастап мопедтерді тіркеусіз және жүргізуші куәлігінсіз басқаруға тыйым салынады

<a href="https://kyzylorda-news.kz/">Kyzylorda-news.kz</a> Ел экономикасының дамуы, түрлі салалардың ілгерілеуі және Қазақстан азаматтарының өмір сапасының жақсаруы – өз ісінің шебері саналатын еңбек адамдарына тікелей байланысты. "Қазақстан Халық" партиясы жұмысшы мамандықтар жылы аясында "Еңбек адамы" жобасын қолға алған болатын.Осы жоба шеңберінде қазір түрлі шаралар өтуде. Соның бірі ҚХП Қызылорда облыстық филиалының ұйымдастыруымен И.Әбдікәрімов атындағы Қызылорда политехникалық жоғары колледжінде студенттермен кездесу өткізілді. Шараға студенттер және нағыз өз ісінің кәсіби мамандары, еңбек адамдары қатысты. Қызылорда облысы ауыл шаруашылығы басқармасының Мал шаруашылығы дамыту бөлімінің басшысы Даулетбек Абдирасулов, «ҚТЖ-Жүк тасымалы» ЖШС-нің «ГП Қызылорда бөлімшесі» филиалының Техникалық бөлімінің басшысы Жұлдызбай Мусаев мықты маманға қашанда сұраныс жоғары екендігін, жұмысшы мамандықтардың ел өмірі үшін маңыздылығын тілге тиек етті. Студенттер тарапынан қойылған сұрақтарға жауап берілді. Бұл шара жастарға тың серпін сыйлады.Айта кетейік, Исатай Әбдікәрімов атындағы Қызылорда политехникалық жоғары колледжі 34 мамандық бойынша орта буынды техник мамандарды оқытады. 2024-2025 оқу жылында колледжге 572 білім алушыны 1-курсқа қабылданды. Барлық білім алушылар саны 1800, онын 1400-күндізгі бөлімде дәріс алуда. 2024 жылы колледжді 356 бітірді. Бітірушілердің 75 пайызы жұмыспен қамтылды. Оның ішінде ЖОО-да өз мамандығы бойынша білімін жалғастырушылыр, Әскер қатарына шақырылғандар бар. Колледж ауылшаруашылығы, темір жол мамандықтары, энергетика, құрылыс, көліксалалары бойынша мамандар дайындайды.<img src="https://knadmin.beoblood.kz/uploads/1_Zh_mysshy_mamandy_tar_zhyly_zha_a_m_mkindikterge_zhol_ashylady_026e59d5a2.jpg" alt="1 Жұмысшы мамандықтар жылы жаңа мүмкіндіктерге жол ашылады.jpg">

Жұмысшы мамандықтар жылы жаңа мүмкіндіктерге жол ашылады 

<a href="https://kyzylorda-news.kz/">Kyzylorda-news.kz</a>&nbsp; Бүгін Наурызнама онкүндігінің Жаңару күнінде, Қызылорда облыстық Қазақстан халқы Ассамблеясы жанындағы Аналар кеңесінің өкілдері тал егу акциясына қатысты.Ұлттық киім мен ақ кимешек киген аналар Батырхан Шүкенов атындағы саябақта Ұлыстың ұлы күнімен барша қауымды құттықтап, аналық жүрекпен ақ тілектерін арнады.– Наурыз мерекесі әр үйге бақыт пен береке әкелсін! Береке мен ынтымақта ғұмыр кешейік,- деп жастарға жүрек-жарды тілектері мен баталарын берді. Әр тал –жаңа өмірдің бастауы, ал аналар – жаңа үміт пен болашақтың кепілі. Бұл іс-шара Жаңару мен жаңғырудың символы ретінде жүректерге жылулық сыйлады.

Жаңару күні тал отырғызу шарасы өтті

<a href="https://kyzylorda-news.kz/">Kyzylorda-news.kz</a> Сырдария ауданы орталығында Ұлыстың ұлы күні – Наурыз мерекесінің «Ұлттық киім күніне» орай кең көлемді салтанатты шеру ұйымдастырылды. Мерекелік шеруге аудан әкімі Берік Сәрменбаев, ардагерлер, өнерпаздар мен жастар және аудан тұрғындары қатысты. Аудан басшысы жиналған жұртшылықты «Ұлттық киім күнімен» құттықтады.<blockquote>– Сіздерді Ұлыстың ұлы күні – әз-Наурыз мейрамының аясында атап өтілетін Ұлттық киім күнімен шын жүректен құттықтаймын! Бұл мереке – ата-бабамыздан мирас болып қалған ұлттық құндылықтарды дәріптеп, тарихи мұрамызды жаңғыртатын ерекше күн. Ұлттық киім – халқымыздың бай мәдениетінің, салт-дәстүрі мен рухани құндылықтарының көрінісі. Қазақ шапаны мен қамзолы, сәукелесі мен тақиясы – әрқайсысы халқымыздың сан ғасырлық тарихынан сыр шертетін асыл қазына. Ауданымызда ұлттық киімнің мәртебесін көтеріп, оның сұлулығы мен маңызын дәріптеу мақсатында ұйымдастырылған салтанатты шеруге жиналып отырмыз. Осы мерекеде ата-бабаларымыздан ұлттық киімімізді насихаттап жүрген барша аудан тұрғындарына алғысымды білдіремін! – деді Берік Әбдіғаппарұлы.</blockquote>Шеруге аудан тұрғындары үлкен белсенділік танытты. Олардың қатарында ақсақалдар мен әжелер, жастар мен мектеп оқушылары, өнер ұжымдары мен этномәдени бірлестіктердің өкілдері болды. Ұлы Отан соғысының ардагері Яхия Тасыров жиналған жұртшылыққа батасын беріп, Наурыз мерекесімен құттықтады.Салтанатты шеру Орталық алаңнан бастап ауданның басты көшелерін аралап. Өнерпаздар халық әндері мен күйлерін орындап, қазақ халқының бай мәдениеті дәріптелді. Әрбір қатысушы қазақтың ұлттық киімін киіп, көпшілікке қазақтың ұлттық киімдерінің әсемдігін, алуан түрлілігін көрсетті. Әйелдер ою-өрнекпен көмкерілген кимешек пен сәукеле кисе, ер азаматтар шапан жамылып, белдеріне күміс белбеу тақты. Балалар да ұлттық нақыштағы киімдерімен көзге түсті.<img src="https://knadmin.beoblood.kz/uploads/Syrdariya_nauryznama_44f10a0869.jpg" alt="Сырдария наурызнама.jpg"><img src="https://knadmin.beoblood.kz/uploads/Nauryznama_Syrdariya_26bf392799.jpg" alt="Наурызнама Сырдария.jpg">Фото: Сырдария ауданы әкімінің баспасөз қызметі

Салтанатты шеру ұлттық бимен жалғасты

<a href="https://kyzylorda-news.kz/">Kyzylorda-news.kz</a> Қазақстан Республикасы Экология және табиғи ресурстар министрлігі «Таза Қазақстан» ауқымды акциясы аясында @TazaQazBot ыңғайлы телеграм-чат-боты арқылы жергілікті мекеннің және экология мәселелері туралы өтінімдер берудің жаңа сервисін әзірледі, – деп хабарлайды Қызылорда облысы бойынша&nbsp;экология департаменті.Бұл елдің әрбір қамқор тұрғынына проблемалық жерлерді бірден суретке түсіруге немесе галереядан суреттерді жүктеуге, орналасқан жерін көрсетуге және мәселені егжей-тегжейлі сипаттауға мүмкіндік береді.Өтінім түріндегі барлық ақпарат операторға жергілікті атқарушы органнан келіп түседі, ол оны жүктейді және орындаушыны тағайындайды.Сонымен қатар, тұрғындар жолдардың, саябақтардың, кіреберістердің, жарықтандырудың, абаттандырудың және қоғамдық және жеке аумақтардың санитарлық жағдайына қатысты көптеген мәселелер туралы хабарлай алады.Өтінім санатына байланысты орындаушы тапсырманы орындауы тиіс уақыт автоматты түрде белгіленеді. Жұмыс аяқталғаннан кейін Орындаушы фотосуретті және қажет болған жағдайда түсініктеме береді.Кері байланыс ретінде пайдаланушылар орындаушыны тағайындау және жұмысты аяқтау туралы хабарламаларды тікелей Телеграм-ботта алады. Өтінімді орындағаннан кейін олар орындалған жұмыстың сапасын бағалап, барлық өтінімдерін қарай алады.«Таза Қазақстан» сервисі әрбір азаматқа тазалық пен тәртіпті сақтауға белсенді қатысуға мүмкіндік бере отырып, еліміздегі халықтың өмір сүру сапасын жақсартуға бағытталған.Бірлескен күш-жігердің арқасында біздің кең еліміздің әрбір елді мекені таза әрі экологиялық қауіпсіз болады деп сенеміз.

«Таза Қазақстан» акциясы аясында телеграм чат-ботта жаңа сервис әзірленді

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен арнайы мәжіліс өтіп, шығармашылық индустрияны дамыту және мәдениет пен өнер салаларын цифрландыру, әскерге шақыру жұмыстары талқыланды.<blockquote>– 2024 жылдан бастап барлық қала, кент және елді мекендердегі мәдениет ошақтары жанынан тұрғындар мен жастарды отаншылдық пен мемлекетшілдікке, патриоттыққа тәрбиелейтін түрлі бағыттағы үйірмелерді қамтитын «Адал адам» орталықтары құрылып, жұмыс жасауда.</blockquote>Тұжырымдаманың жеті бағыты бойынша үйірмелерге 1722 азамат қатысуда. Дегенмен, бұл көрсеткіш өте аз және орталықтың жұмысы жұртшылық арасында көп насихатталмайды, – деген аудан басшысы орталықтардың саны мен сапасын арттыру бағытында атқарылып жатқан жұмыстарға қанықты.Саладағы құрылыс жұмыстарын да назарға алған аудан әкімі Аманөткел ауылдық мәдениет үйі мен Руханият орталығының құрылыс жұмыстары сапалы әрі мерзімінде жүргізу және ауылдық клубтарды оңтайландыру жөнінде жауапты сала басшыларына тапсырма жүктеді.Жиын барысында Наурыз мерекесіне дайындық барысын бір пысықтап өткен аудан әкімі Аманжол Сақыпұлы ауданда күзгі мерзімде әскерге шақыру жұмыстарына тоқталды.Бұл мәселе бойынша аудандық қорғаныс істері жөніндегі бөлімінің бастығы Серік Саянов хабарлама жасады.Өткен жылдың күз мезгілінде әскерге барушылардың саны күрт төмендеп кеткен. Бұл мәселеге қатысты ауылдық округтер уақытылы жұмыс атқарғанмен нәтиже мардымсыз күйде қалып отыр.Жастардың әскери салаға деген құлшыныстарын арттыру, ел мен жерге деген сүйіспеншілігін ояту мақсатында жүйелі жұмыстар атқару керектігін аудан әкімі тиісті бөлімдерге міндеттеді. Сонымен қатар бұл жұмыстарға аудандық полиция бөлімі, аудандық қорғаныс істері жөніндегі бөлімі мен қала, кент және ауылдық округ әкімдері де атсалысу керектігін атап өтті.<img src="https://knadmin.beoblood.kz/uploads/Aral_audany_m_zhilis_otyrysyy_e5c040bab5.jpg" alt="Арал ауданы мәжіліс отырысыы.jpg">Фото: Арал ауданы әкімінің баспасөз қызметі

Мәжілісте бірқатар міндеттер нақтыланды

<a href="https://kyzylorda-news.kz/">Kyzylorda-news.kz</a> Бүгіні ертеңіне ұқсамайтын Наурыз мерекесін тойлаудың онкүндігі Арал ауданында жоғары деңгейде өтіп жатыр. 18 наурыз – Ұлттық киім күні аты айтып тұрғандай ұлттық мәдениеттің, дәстүрдің және киім үлгілерінің маңыздылығын атап өтетін күн. Бұл күннің мақсаты – халықтық киімдер мен ұлттық стильдердің бай мұрасын сақтау және оны болашақ ұрпаққа жеткізу. Осы бағыттағы іс-шаралар ауданда жоғары деңгейде ұйымдастырылды.Ұлттық киім күніне орай «Ұлттық киім – ұлттың байлығы» атты ұлттық, сәнді киімдер көрсетіліміне орай мерекелік концерт өтті. Ұлттық киімдеріміздің көптүрлілігі мен ерекшелігін көрсету мақсатындағы сән шеруі дефиле шоу мен киімдер көрсетіліміне ұласты.Шара барысында мерекеге орай концерттік бағдарлама, ұлттық салт-дәстүрімізді дәріптейтін «Біз шаншар», «Ұрын бару», «Аушадияр» сынды театрандырылған қойылымдар да сахналанды.Көңілді мерекелік атмосфера «Садақ ату», «Тоғызқұмалақ» ойындарымен жалғасын тапты. Сонымен қатар кондитерлік және тұрмыстық тұтыну өнімдерінің көрмесі, дефиле шоуы мен ұлттық киімдер көрмесі жиылған халықтың назарын өзіне аудартты. Бұл күні халқымыздың әдебиет, мәдениетке ғана емес қолөнер бұйымдарына да бай көрме тамашалаушыларға терең түсінік берді.Бүгінгі ұлттық киім күні тек сән әлемінде ғана емес, сонымен қатар ұлттық мәдениетімізде, салт-дәстүрлерімізді сақтауда және оны болашақ ұрпаққа жеткізуде маңызы зор болды деуге болады.Халқымыздың мәдени тұрмыс-салтын жаңғырту бағытындағы наурызнама онкүндігі ертең «Жаңару күнімен» жалғасады. Түске дейін түрлі танымдық шаралар шымылдық түріп, кешкілік Аққұм, Атанши және Қарақұм ауылдық округтеріндегі білім беру ұйымдары мен ауылдық клуб үйінің қызметкерлерінің қатысуымен «Әз-Наурыз – қош келдің» атты мерекелік концертіне ұласады.<img src="https://knadmin.beoblood.kz/uploads/Nauryznama_onk_ndik_61c1aa81e8.jpg" alt="Наурызнама онкүндік.jpg">Фото: Арал ауданы әкімінің баспасөз қызметі

Архив