<a href="https://kyzylorda-news.kz/">Kyzylorda-news.kz</a>&nbsp; Қазақстанда автокөлік салығын өзгерту мәселесі талқылануда. Бұл өзгерістер, әсіресе, ескі көлік иелеріне тиімді болуы мүмкін, деп хабарлайды&nbsp;<a href="https://egemen.kz/">Egemen.kz</a>.Алайда, экология мамандары бұл бастаманың қоршаған ортаға кері әсерін алға тартуда.Не өзгеруі мүмкін?Жаңа Салық кодексі жобасына сәйкес, көлік салығына көліктің жасына қарай төмендетілген коэффициент енгізу ұсынылып отыр:• 10-20 жыл аралығындағы көліктер – салық 30%-ға төмендеуі мүмкін;• 20 жылдан асқан көліктер – салық 50%-ға қысқаруы мүмкін.Бұл өзгеріс ескі көлік иелерінің салықтық жүктемесін жеңілдетіп, оларды ұзақ пайдалану мүмкіндігін арттырады.Экологтар неге алаңдап отыр?Экология және табиғи ресурстар министрлігі бұл өзгеріс ескі көліктердің көбеюіне және қоршаған ортаның ластануына себеп болуы мүмкін деп санайды. Өйткені, ескі көліктер атмосфераға көбірек зиянды қалдық шығарады.Экономистердің пікіріҰлттық экономика министрлігі, керісінше, салықты төмендету автопарктің ескіруіне әкелмейді деп есептейді. Олардың айтуынша, халық бұл өзгерісті ұзақ уақыт бойы талап етіп келеді, өйткені жаңа көлік сатып алу бәріне бірдей қолжетімді емес.Салық төмендесе, басқа төлемдер өзгере ме?Салық жеңілдіктері енгізілгенімен, басқа төлемдер өзгеріссіз қалады:• Кедендік баж салығы• ҚҚС (Қосылған құн салығы)• Акциздер• Утилизациялық алым• Алғашқы тіркеу алымыБұл төлемдер көліктің өндірілген жылына және техникалық жағдайына байланысты есептеледі.Бұл өзгерістер неге әсер етеді?• Қолданылған көлік нарығы жанданады – халыққа қолжетімді бағада автокөлік алу жеңілдейді.• Жаңа көліктерге сұраныс төмендеуі мүмкін – ресми автодилерлердің бизнесіне әсер етеді.• Шетелден ескі көліктер көптеп әкелінуі мүмкін – Қырғызстан, Армения, Ресей және Оңтүстік Кореядан автокөліктер импорты артуы ықтимал.Басқа елдерде қалай?Көптеген елдерде көлік салығы автокөліктің экологияға әсеріне қарай есептеледі:• Германия – салық қозғалтқыш көлемі мен көмірқышқыл газының (CO₂) шығарындыларына байланысты.• Франция – ластайтын көліктерге қосымша салық салынады, ал экологиялық таза көліктерге жеңілдіктер беріледі.• Нидерланды – экологияға зияны жоғары көліктерге сатып алу кезінде үлкен салық салынады.• АҚШ – кейбір штаттарда көлік салығы жоқ, бірақ жүрілген қашықтыққа қарай төленетін салық жүйесі бар.Қазақстан үшін қандай шешім тиімді?Егер салық төмендесе, мемлекет экологиялық таза көліктерді сатып алуды ынталандыру үшін қосымша шаралар енгізуі мүмкін. Бұл экологияға зиянды азайтуға және халықтың қаржылық жағдайын ескеруге мүмкіндік береді.Фото: Нұрболат Нұржаубай

Көлік салығы арзандауы мүмкін

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a>&nbsp; Сырдария ауданының әкімі Берік Сәрменбаевтың қатысуымен «Руханият» орталығында «Парасат», «Құрмет» ордендерінің иегері, Қызылорда облысының және Сырдария ауданының Құрметті азаматы, мемлекет және қоғам қайраткері Алмагүл Божанованы еске алуға арналған іс-шара өтті.Еске алу іс-шарасына қоғам қайраткері, Қызылорда облысының және Қызылорда қаласының, сондай-ақ Сырдария, Жаңақорған, Шиелі аудандарының Құрметті азаматы Ибрагим Әбибуллаев, Қызылорда облысының Құрметті азаматы, Қазақстан Республикасының еңбек сіңірген қайраткері, «Құрмет» орденінің иегері Қорғанбек Қайроллаев, қоғам қайраткері Әбдіғаппар Әмірғалиев, Қазақстанның Еңбек Ері, Қызылорда облысының және Сырдария ауданының Құрметті азаматы Абзал Ералиев, облыстық әйелдер кеңесінің төрайымы, Қызылорда қаласының және Жалағаш ауданының Құрметті азаматы, білім беру саласының «Құрметті қызметкері» Райкүл Байназарова, композитор, Қызылорда облысының Құрметті азаматы Рамазан Тайманов, ақын, Халықаралық «Алаш» әдеби сыйлығының иегері Қатира Жаленова, аудандық мәслихат төрағасы Ержан Әжікенов, сонымен қатар облыс, аудан ардагерлері, зиялы қауым өкілдері, әріптес достары, қоғам белсенділері мен жастар қатысты. Тағылымға толы жиында құрметті қонақтар қайраткердің өмірі мен еңбегі жайлы жылы естеліктерімен бөлісіп, сыр шертті. Жиынды ақын, Қазақстан Жазушылар және Журналистер Одағының мүшесі, «AMANAT» партиясы аудандық филиалының Атқарушы хатшысы Ақтөре Ибрагимұлы жүргізіп отырды.Аудан басшысы өнегелі өмір иесінің ауданның дамуына қосқан сүбелі үлесін атап өтті.– 1992-1999 жылдары бұрынғы Тереңөзек ауданының әкімі болып, аудан дамуына еңбек сіңірді. Тарихта ауданды басқарған ең алғашқы әкім болды. Осы уақыттар ішінде ауданның сақталып қалуына атсалысқан бірден-бір адам – Алмагүл Божанова. 1997 жылы Президенттің Жарлығымен республикада территориялық өзгеріс болып, облыс облысқа, аудан ауданға қосылып жатты. Қызылорда облысында бір аудан қысқаратын болып, таңдау Тереңөзек ауданына түскен. Сол кезде комиссия алдында ауданды қорғап, сақтап қалған. Ғасыр құрылысы саналған Сырдария өзеніндегі үлкен көпірдің де салынуына мемлекет және қоғам қайраткері атсалысқан. Айта берсе, Алмагүл Божанқызының елге атқарған қызметі көп. 1999 және 2003 жылы ол кісі облыстық Мәслихаттың депутаты, хатшысы болып сайланып, өңірдің өркендеуіне үлес қосты. Өмірінің соңына дейін қоғамдық іс-шаралардың ортасында жүріп, Қызылорда облыстық «Ұрпақтан ұрпаққа» қоғамдық бірлестігінің жұмысын жүргізді. Аймақта тәрбиелі іс-шараларды ұйымдастырып, сол арқылы ұлттық құндылықтарды дәріптеуге ерекше еңбек сіңірді. Артына өшпес іс қалдырды. Сондықтан мемлекет және қоғам қайраткері Алмагүл Божанованың есімі ешқашан ұмытылмайды, – деді Берік Әбдіғаппарұлы.«Еңбегі мен есімі елдің мәңгі есінде» тақырыбындағы жиын барысында құрметті меймандар мемлекет және қоғам қайраткері Алмагүл Божанованың ел мүддесі жолындағы қажырлы қызметі, ауданның өркендеуіне қосқан үлесі және кейінгі ұрпаққа қалдырған өнегелі істерін айтты, естеліктерімен бөлісті. Сондай-ақ, қатысушылар қайраткердің жарқын келбеті мен парасат-пайымын еске алып, жастарды отансүйгіштікке, адал еңбек етуге шақырды.Күйші, композитор, өнертану ғылымдарының кандидаты Гүлнар Ысқақова жылы лебізімен бөлісіп, «Күрішшілер» күйін орындап берді. Аудан өнерпаздары А.Божанованың рухына тағзым ретінде оның сүйікті әндерін орындап, ерекше әсер сыйлады.Іс-шара барысында Алмагүл Божанқызының мұрасын дәріптеліп, туған жерінің игілігі үшін аянбай еңбек жанның есімі халық жадында мәңгі сақталатыны, алдағы уақытта мұндай игі іс-шаралар жалғасын табатыны айтылды.Фото: Сырдария ауданы

Мемлекет және қоғам қайраткері Алмагүл Божанованы еске алу іс-шарасы өтті

<a href="https://kyzylorda-news.kz/">Kyzylorda-news.kz</a> &nbsp;Қоғамдық қауіпсіздікті қамтамасыз ету және қылмыстың алдын алу мақсатында Қызылорда қаласында 272 дана бейнебақылау камералары, 5 дана зияткерлік бейнебақылау камералары, 20 дана «Аркан», 1 дана «Мираж» стационарлық жылдамдық өлшегіш құрылғысы және 5 дана «зияткерлік қиылыс» жұмыс атқаруда. Орнатылған камералар қоғамдық орындардағы қауіпсіздікті арттырып, қылмыстың орын алуын тыяды. Жыл басынан бері камера көмегімен 30 қылмыс анықталған. Полиция қызметіндегі жаңашылдықты облыстық полиция департаменті бастығының орынбасары Сәбит Ибадулла Өңірлік коммуникациялар қызметінде өткен баспасөз конференциясында баяндап берді.<blockquote>– Автоматты режимде жұмыс жасайтын құрылғыларымен 5241 жол қозғалыс ережелерін бұзушылықтар анықталып, айыппұл салынды. Сонымен қатар, осы жылдың соңына дейін Қызылорда қаласына 1400 дана бейнебақылау камераларын және 19 «Зияткерлік қиылыс», 58 «Стационарлық жылдамдық өлшегіш» қондырғыларын орнату жоспарлануда. 24 наурыздан бастап Қызылорда қаласындағы Жедел басқару орталығының бейне қабырғасы мен жұмыс орындарына жаңарту жұмыстары жоспарлануда. Қазіргі таңда Мемлекет басшысы қоғамдық тәртіпті сақтау саласына жасанды интеллектіні қолдану арқылы цифрлық жобаларды енгізуге көп көңіл бөлуде. Осыған орай «Target AI» ЖШС-мен осы жылдың сәуір айында облыс орталығында орналасқан бейнебақылау камераларына жасанды интеллект алгоритмдерінің көмегімен бейнебақылау камераларының бейне ағынын өңдеуді және талдауды пилоттық режимде жүзеге асыру жоспарлануда. Аталған бағдарлама бет-әлпеті арқылы немесе белгілеріне қарап іздеуде жүрген адамдарды картаға түсіру сервисі арқылы анықтау уақытына және табылған орнына қарай іздеу маршруттарын құруға мүмкіндік береді. Сонымен қатар, криминалды көлік құралдарын номері, модель, маркасы және түсі арқылы табуға мүмкіндік береді, – деді Сәбит Ибадуллаұлы.</blockquote><img src="https://knadmin.beoblood.kz/uploads/1_3b8042bac2.jpg" alt="1.jpg">Фото: Нұрболат Нұржаубай

 Полиция қызметін цифрландыру қауіпсіздікті қамтамасыз етеді

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a>&nbsp; Әлеуметтік желіде Қарағанды ​​облысында өгей әкесі жасөспірімді 38 жастағы ер адамға күштеп күйеуге бергені туралы ақпарат пайда болды, деп хабарлайды <a href="https://baq.kz/qaragandyda-oqushyny-kuyeuge-bergen-ministrliktin-tusiniktemesi-200009772/">BAQ.KZ.</a></h4>Қыздың туысқан ағасы қоғам белсенділерінен көмек сұраған. Полиция қылмыстық іс қозғады.Ақпаратқа қатысты оқу-ағарту министрлігінің Балалардың құқықтарын қорғау комитеті түсініктеме берді.<blockquote>Қазір тергеу жүріп жатыр, қылмыстық іс қозғалды, қажетті сараптамалар тағайындалды. Жасөспірім туған әкесінің қасында, оған барлық қажетті психологиялық көмек көрсетіліп, құқықтық қолдау көрсетіледі. Аймақтағы балалар құқықтары жөніндегі уәкіл әкесімен байланыста, өгей әкесі мен шешесін қылмыстық жауапкершілікке тарту туралы сұрады. Балалардың құқықтарын қорғау комитеті жағдайды назарда ұстап, баланың құқығын қорғау үшін барлық қажетті шараны қабылдауда, – деп хабарлады ведомстводағылар.</blockquote>Қарағанды ​​облысының полиция департаментіндегілер 15 жастағы қызға қатысты қылмыс жасады деген күдікпен 38 жастағы ер адамның ұсталып, уақытша ұстау изоляторына қамалғанын хабарлады.<blockquote>Арыз полицияға 15 наурызда келіп түсті, содан кейін бірден қылмыстық іс қозғалды. Қазіргі уақытта тергеу аясында оқиғаның барлық мән-жайын анықтауға бағытталған қажетті сот-медициналық сараптамалар жүргізілуде. Кәмелетке толмаған жәбірленушімен психологтар жұмыс істеп жатыр, – деді полициядағылар.</blockquote>Фото: Нұрболат Нұржаубай

Оқушыны күйеуге берген: министрліктің түсініктемесі

<a href="https://kyzylorda-news.kz/">Kyzylorda-news.kz</a>&nbsp; Талантты ақын Ақжол Түменбай Шымкент қаласында өткен дәстүрлі «Күміс қалам – 2025» республикалық жазба ақындар дуэлінде бас жүлдені жеңіп алды.Жыл сайын еліміздің Оңтүстігі - Шымкент қаласында поэзия әлеміне қадам басқан жас таланттарды қолдау, олардың шығармашылығына қанат бітіру мақсатында «Күміс қалам-2025» республикалық байқауы өткізіліп келеді.Биылғы жылы Ұлыстың ұлы күні – Наурыз мерекесі қарсаңында 4-ші мәрте ұйымдастырылған байқауға қазалылық жас ақын, қазақ эстрадасындағы бірнеше хит әндердің авторы Ақжол Түменбай қатысып, бас жүлдені жеңіп алды. Республикалық байқауда жеңімпаз атанған жерлесімізге арнайы естелік сыйлықпен қомақты жүлде 1 000 000 теңгенің сертификаты табысталды.Ақжолдың бірнеше өлеңіне сазгерлер ән жазған. Көптеген өлеңі түрлі баспа беттерінде жарияланып жүр.Ол Қазалы ауданындағы Ақтан батыр ауылының тумасы. Аудандық, облыстық, республикалық мүшәйралардан жүлдесіз емес, Ғ.Мұратбаев атындағы республикалық жастар сыйлығын иеленді. Оның қаламынан туған «Әке», «Сүйемін», «Өз жүрегіңнен ұялмайсың ба?» деген туындылар эстрада әншілерінің хит әніне айналған.<img src="https://knadmin.beoblood.kz/uploads/Akzhol_Tumenbaj_07b5539868.jpg" alt="Акжол Туменбай.jpg"><img src="https://knadmin.beoblood.kz/uploads/Akzhol_f4030e9522.jpg" alt="Акжол.jpg">

Ақжол Түменбай – «Күміс қалам – 2025» иегері

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінің профессор-оқытушы құрамы екі бірдей ауқымды біліктілікті арттыру курсына қатысып, заманауи ғылыми зерттеу әдістерін меңгерді. Қатысушылар білім беру психологиясындағы соңғы трендтермен танысты.Аптаға созылған біліктілікті арттыру курсының қорытынды жиынына Басқарма төрағасы-Ректор Бейбіткүл Каримова, Академиялық мәселелер бойынша Басқарма мүшесі-проректор Дана Абдрашева және оқытушылар қатысты.Курстың мақсаты – тек теориялық біліммен шектелмей, қатысушыларға практикалық дағдыларды жетілдіруге, жасанды интеллект пен цифрлық құралдарды зерттеуге, ғылыми мақалаларды халықаралық журналдарға жариялауға қажетті білім алуға мүмкіндік беру.Dr. Ju Seong Lee өткізген “Modelling students’ motivation via Digital English communication” курсы оқытушыларды цифрлық оқыту контекстіндегі студенттердің мотивациясын түсінуге бағыттады. Курста ішкі және сыртқы мотивация, желілік ортадағы мотивациялық факторлар, тартымды онлайн контент әзірлеу, цифрлық ортада бағалау және кері байланыс беру әдістері талқыланды. Қатысушылар Book Creator, Bitly, AskSmile, NotebookLM, Taguette, Jamovi секілді заманауи қосымшалармен жұмыс жасап, IMRaD форматында ғылыми мақалалар жазу, деректер жинау және кодтау әдістерін меңгерді.Ал Dr. Norman B. Mendozaның «Білім беру психологиясы: оқыту және зерттеу» курсы аясында қатысушылар білім беру психологиясының негізгі теорияларын жан-жақты қарастырып, олардың оқу үдерісіне қалай әсер ететінін талдады. Сонымен қатар, қатысушылар веб-сайтқа кіріспе жазу мысалдарын жүктеп, сапалы зерттеу нәтижелерін дұрыс рәсімдеу, кестелер мен диаграммаларды кодтау, ғылыми мақалаларды түзету және өңдеу әдістерін үйренді. Жеке кеңестер барысында профессор-оқытушылар құрамы, магистранттар және докторанттар ғылыми жобаны дұрыс әзірлеу, халықаралық журналдарды таңдау, зерттеу сұрақтарын нақтылау және зерттеу методологиясын жетілдіру бойынша құнды кеңестер алды.Жиын соңында курсқа қатысқан профессор-оқытушылар құрамына сертификаттар табысталды.<img src="https://knadmin.beoblood.kz/uploads/61_1_7a4a720916.webp" alt="61-1.webp">

Гонконгтан келген ғалымдар өз тәжірибелерімен бөлісті

<a href="https://kyzylorda-news.kz/">Kyzylorda-news.kz</a>&nbsp;&nbsp; Құрметті қала тұрғындары!Қазақстан Республикасының Президентімен қол қойылған «Есірткінің заңсыз айналымына қарсы іс-қимыл мәселелері бойынша заңы» 2025 жылғы 3 наурызынан бастап күшіне енеді.Осыған байланысты оның құқықтық салдарын түсіндіріп кетейін.Есірткінің заңсыз айналымын ұйымдастырушылар мен есірткі таратушыларға, оның ішінде «есірткі курьерлеріне» (закладчик) қатысты қылмыстық жауапкершілік сараланды.Енді, алғашқы рет заңды бұзған есірткі таратушылар Қазақстан Республикасы Қылмыстық кодексінің 297-бабы бойынша төмендетілген санкциялармен жауапкершілікке тартылатын болады. Мысалы, Қылмыстық кодекстің 297-бабы:<ul><li>1 бөлігі бойынша егер адам аз мөлшерде есірткіні өткізгені үшін ұсталса, енді 5 жылдан 8 жылға дейін бас бостандығынан айыру жазасы көзделеді, бұрын 5 жылдан 10 жылға дейін болған.</li><li>2 бөлігі бойынша егер адам ірі көлемдегі есірткіні өткізгені үшін ұсталса, енді 6 жылдан 10 жылға дейін бас бостандығынан айырылады, бұрын 6 жылдан 12 жылға дейін болатын.</li><li>3 бөлігі бойынша егер адам аса ірі мөлшердегі есірткіні өткізгені үшін ұсталған болса, енді 7 жылдан 12 жылға дейін бас бостандығынан айыру көзделген, бұрын ол 10 жылдан 15 жылға дейін болатын.</li></ul>Алайда, есірткінің заңсыз айналымын ұйымдастырушылар мен есірткі өндірушілерге, сондай-ақ лауазымды тұлғаларға жазаны қатайтатын Қылмыстық кодекстің 297-1 бабы енгізілді.Олар 15 жылдан 20 жылға дейін немесе өмір бойына бас бостандығынан айырылады.Сонымен қатар, күшті әсер ететін заттар мен есірткіні өндіруде, әзірлеу және қайта өңдеуде қолданылатын прекурсорлардың заңсыз айналымы үшін қылмыстық жауапкершілік енгізілуде.Бұған дейін қылмыстық жауапкершілік тек прекурсорлардың контрабандасы үшін көзделген болатын.Осы өзгерістер прекурсорлар мен күшті әсер ететін заттардың айналымын бақылауды күшейтеді.Енгізілген өзгерістер қылмыстық жауапкершіліктің әділ жүйесін қалыптастырады, сондай-ақ қоғамды есірткінің заңсыз айналымының зардаптарынан қорғау шараларын күшейтеді деп ойлаймыз.Біржан Бағысов ,Қызылорда облысының Полиция департаментіЕсірткі қылмысына қарсы іс-қимыл басқармасының бастығы,&nbsp;полиция подполковнигіФото: Полиция департаменті

Есірткі таратушылар енді жаңа заңға сәйкес жазаға тартылады

<a href="https://kyzylorda-news.kz/">Kyzylorda-news.kz</a>&nbsp; &nbsp;Бүгін “AMANAT” партиясы облыстық филиалының төрағасы Алмасбек Есмаханов атаулы датаға орай облыстық тарихи-өлкетану музейінде өткен «Наурыз-думан» атты этнографиялық мерекелік іс-шара қатысты.&nbsp;Онда ұлттық құндылығымызды дәріптеген «Көктем өрнегі» атты этнографиялық көрме ұйымдастырылып, «Тоғызқұмалақ», «Хан талапай» ойындары, «Мәдениет және өнер» залында қолөнер шеберлерінің шеберлік сағаты, «Тұсау кесер», «Сырға салу» рәсімдері, «Ұлттық тағам – ұлт бренді» атты тағамдар көрінісі көрермен назарына ұсынылды.Мерекелік шараға мәдениет саласының майталмандары мен қала тұрғындары, музей ардагерлері, студент жастар және оқушылар қатысты. Партия филиалының төрағасы жиылған қауымды наурыз мерекесімен құттықтап, ізгі лебізін білдірді.

«Наурыз – думан» атты этнографиялық мерекелік шара өтті

<a href="https://kyzylorda-news.kz/">Kyzylorda-news.kz</a> &nbsp;Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде Мемлекет басшысының IV Ұлттық құрылтайда берген тапсырмаларын орындау мәселесі қаралды. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысының төрағалығымен өткен мәжілісте осы және өзге де мәселелерге орай бағыт-бағдар белгіленіп, Қызылорда қаласы, аудан әкімдері мен жауапты сала басшыларына тапсырмалар жүктелді.<blockquote>«Құрылтайда еліміздегі салық саясаты, нақты секторды дамыту, инвестиция тартумен қатар, қазіргі қоғамдағы уақыт белдеуі, ұрпақ тәрбиесі, ономастика саласы, үкіметтік емес ұйымдарды қолдау секілді өзекті мәселелер көтерілді.Президентіміз Қасым-Жомарт Кемелұлы өз сөзінде «Биыл ел астанасын Қызылордаға көшіру туралы тарихи шешімнің қабылданғанына және халқымызға «қазақ» атауының қайтарылғанына бір ғасыр толды. Мұндай маңызды оқиғалар ел жадында сақталуы тиіс» деп ерекше атап өтті. Ұлттық құрылтайдың келесі отырысын Қазақ елінің астанасы болған Қызылорда қаласында өткізуді ұсынды.Бұл бастама барша Сыр жұртшылығына артылған сенім және абыройлы міндет екенін түсінуіміз қажет. Құрылтайдың кезекті отырысын Алаштың анасы атанған қасиетті Сыр өңірінде өткізудің тарихи тұрғыдан маңызы зор. Дайындыққа осы бастан кірісіп, құрылтайды жоғары деңгейде ұйымдастыруымыз керек.Облыстық қоғамдық даму басқармасына Ұлттық құрылтай отырысын ұйымдастыру жөніндегі жұмыс тобын құруды тапсырамын. Жұмыс тобының құрамына облыс әкімінің орынбасарларын, басқарма, департамент басшыларымен қатар зиялы қауым, азаматтық қоғам өкілдерін, тарихшы ғалымдарды қосу қажет. Топ жұмысын үйлестіру облыс әкімінің орынбасары Шахмардан Баймановқа жүктеледі», – деді Н.Нәлібаев.</blockquote>Жиында Мемлекет басшысы берген тапсырмаларды мерзімінде және сапалы орындау міндеттелді. Экономиканың нақты секторына жұмсалатын қаржы көлемін ұлғайтуға, салық реформасына, әлеуметтік осал топтағы азаматтардың баспанаға қолжетімділігін арттыруға қатысты тапсырмалар берілді. Сонымен қатар, әлеуметтік нысандар салынатын аумақтың инфрақұрылыммен қамтылуы бірінші кезекте ескерілуі тиіс.Құрылтайда қаралған тағы бір маңызды мәселе – инвестиция тарту, инвестициялық жобаларды іске асыру. Мемлекет басшысы алдағы төрт жыл ішінде жыл сайын 200-ге жуық инвестициялық жоба іске қосылатынын атап өтті. Бүгінде өңірге инвестиция тарту жұмыстары қарқынды жүргізілуде. Облыс әкімі бастаған делегацияның Италия, Испания, Қытайға барған жұмыс сапарларының алғашқы нәтижесі көріне бастады. Алдағы уақытта бұл бағыттағы жұмысты тоқтатпай, әрі қарай күшейту қажет.Құрылтайда көтерілген өзекті мәселенің бірі – ономастика. Осы ретте тұрғындарға ономастика талаптарын кеңінен түсіндіру, тарихи жер-су атауларын және халық ішінде кең таралған дәстүрлі атауларды қою тәртібін берік ұстану керек. Аймақ басшысы көшелер мен елді мекендерге атау беру немесе атауларды өзгертуде құрылтайда айтылған ұстанымдарды қатаң басшылыққа алуды тапсырды.Фото: Қызылорда облысы әкімінің баспасөз қызметі

Ұлттық құрылтай отырысын ұйымдастыру жөніндегі жұмыс тобы құрылады

<a href="https://kyzylorda-news.kz/">Kyzylorda-news.kz</a> Ғалым Прекешов басшылық ететін «NP Consulting» ЖШС 2013 жылдан бері су өткізбейтін каскалар шығарып келеді. Жаңашыл жобаны жүргізуге «Даму» кәсіпкерлікті дамыту» қоры қолдау көрсеткен. Кәсіпорын қала іргесіндегі Ақсуат ауылдық округінде орналасқан.&nbsp;Өндіріс орнында күніне 100-ге &nbsp;жуық қорғаушы каска шығарылады. Мұнымен қоса кәсіпкер су құтыларын, оған қажетті қақпақшалар дайындайды. Ол үшін өткен жылы Қытайдан кішкентай түтікшені жарты, бір литрлік құтыға айналдыратын тағы бір қондырғы алса, ал биыл осы түтікшенің өзін де &nbsp;өндірістің өзінде өндірмек. Қазір шығарған өнімдеріне тұтынушылар тарапынан сұраныс артып, барлық өңірлерге тасымалдануда.&nbsp;Қауіпсіз жұмыстың таптырмас атрибуты саналатын каскалардың сапасына 3 жылға дейін кепілдік беріледі. Жылдан-жылға бұл бұйымның саны артып, былтырдың өзінде 35 мыңнан аса каска шығарылған. &nbsp;Кәсіпкер 15-ке жуық ауыл тұрғынын тұрақты жұмыспен қамтамасыз етіп отыр.

Кәсіпкер кәдеге жарайтын каска шығарады

<a href="https://kyzylorda-news.kz/">Kyzylorda-news.kz</a> Шиелі ауданында Наурызнама мерекесі аясында ұлттық құндылықтарды ұлықтауға арналған Шаңырақ күні кең көлемде аталып өтті. Бұл мереке – отбасы құндылықтарын дәріптеп, ұрпақтар сабақтастығын нығайтуды көздейтін ерекше күн.Іс-шара неке қию рәсімімен басталып, жас отбасылардың қуанышты сәтіне куә болдық. Оларға ақжарма тілектер айтылып, аудан әкімінің орынбасары Самат Қыдырбекұлы аудан әкімінің атынан құттықтау сөз сөйлеп, шаңырақ шаттығына толсын деген ізгі ниетін білдірді. Сондай-ақ, жаңа өмірге қадам басқан жұбайларға естелік сыйлықтар табыс етілді.Мерекелік шара Наурыз батамен жалғасып, ақсақалдар жаңа отау иелеріне ақ тілектерін арнады. Аудан өнерпаздары әсем әндерін орындап, жиынға ерекше әсерлі көңіл күй сыйлады.Шараның келесі бөлімі тағылымды кездесуге ұласты. Кездесуді аудан әкімінің орынбасары жүргізіп, Жосалы кентінің ардагерлер кеңесінің төрағасы Ерболат Ұзақбаев, аудандық ата-аналар комитетінің төрағасы Мағауия Әлиев, Ақсақалдар кеңесінің төрағасы Шегебай Құндақбаев отбасы құндылығы, оның қоғамдағы орны туралы маңызды ойларын ортаға салды. Олар жастарға берекелі шаңырақ көтеру, өзара сыйластық пен татулықты сақтау, адалдық пен жауапкершілік жайында ақыл-кеңестерін айтты.Отбасылық құндылықтарды дәріптеу мақсатында кездесу барысында алтын шаңырақ иелері – отасқандарына 50 жыл бірге ғұмыр кешкен жандар арнайы құттықталып, оларға аудан әкімінің атынан сый-сияпат табыс етілді.

Архив