<a href="https://kyzylorda-news.kz/">Kyzylorda-news.kz</a> Қызылорда облысына жұмыс сапарымен келген ҚР Премьер-министрінің бірінші орынбасары Роман Скляр жаңа жылу-электр орталығының құрылыс барысымен және шыны зауытының жұмысымен танысты.Мемлекет басшысының, Үкіметтің қолдауының арқасында бүгінде өңірдің энергетика саласының даму қарқыны жоғары. Қызылорда қаласында 215 млрд. теңгеге қуаттылығы 240 мегаваттық жаңа жылу-электр орталығы бой көтеріп келеді. Бүгінде инвестор &nbsp;«Акса Энерджи» түрік компаниясы құрылысқа 127 млрд. теңгеден астам инвестиция салды. &nbsp;Жаңа жылу-электр орталығы – тәуелсіздік жылдарындағы инвестор қаржысына салынған ең ауқымды, теңдесіз жобалардың бірі. Ол іске қосылғанда өңірдің электр энергиясына деген қажеттілігін толық қамтамасыз етеді. Өндірілген электр энергиясының бір бөлігін аймақтан тыс жерлерге сатуға мүмкіндік туады. &nbsp;Өңір үшін айрықша маңызға ие нысан биыл ел игілігіне табысталады. «Orda Glass Ltd» ЖШС шыны зауытындағы жаңа желінің жұмысы да қарқынды. Зауытта жылына 197,1 мың тонна шыны өндіріліп, Ресей Өзбекстан, Қырғызстан және Тәжікстанға экспортталады. Бүгінде онда 366 маман жұмыс істейді, оның &nbsp;269-ы – қазақстандық, 97-сі – шетелдік. Өткен жылы шыны зауыты ішінен энергия үнемдейтін шыны өндірісінің жаңа желісі іске қосылған болатын. Қытайлық инвестор алдағы уақытта 2 кезеңге жоспарланған жаңа инвестициялық жобаны жүзеге асырмақ. Бірінші кезеңде, яғни 2026 жылы жылына 200 мың тонна кварц құмын өңдейтін цех, екінші кезең – 2028 жылы тәулігіне 500 тонна күн фотоэлектрлік шыны өндірісі ашылады.Айта кетейік, облыста негізгі капиталға 640 млрд. теңге инвестиция тартылып, өсім 21,7 пайыз болды. Оның 70,5 пайызы – жеке инвестиция. Шетел инвесторларымен жүргізілген жұмыстардың арқасында 2024 жылдың 9 айында 171 млн. доллар тікелей инвестиция тартылды. Экономиканы әртараптандыру мақсатында өткен жылы 37 млрд. теңгенің 21 инвестициялық жобасы жүзеге асты. 2025-2029 жылдарға 1 трлн. 900 млрд. теңгенің 65 инвестициялық жобасы межеленген.&nbsp;Фото: Қызылорда облысы әкімінің баспасөз қызметі

Роман Скляр жылу-электр орталығы мен шыны зауытына барды

<a href="https://kyzylorda-news.kz/">Kyzylorda-news.kz</a> - Әділбек Бөрібайұлы, ашық сұқбатқа келісім бергеніңізге рақмет. Соңғы жылдары сайлау комиссиялары ашықтық қағидатына сай жұмыс жасауға көшті. Бұл қоғамның талабы ма, әлде саяси бәсекелестіктің жандана бастағанының көрінісі ме? - Рақмет! Өзіңіз айтқан ашықтық – талап ғана емес, қазіргі уақытта нағыз қажеттілікке айналды. Себебі қоғам дамуына керек әрбір шешім, әрбір реформа халықтың қатысуымен іске асады. Ал, біздің сайлау жүйесіндегі басты принцип – әділдікпен ашықтық. Соңғы жылдары ғана емес, сайлау комиссиялары әділдік ұстанымын, ашықтық қағидатын, алқалылық талабын орындап келеді. Оны сайлау өтіп жатқан саяси процестерден көрсеңіз болады. Саяси науқан кезінде сайлау комиссиялары кандидаттармен жұмыс жүргізуде, үгіт кезеңінде болсын әрбір комиссия отырыстарын алдын ала анонстайды.Комиссия отырыстары жабық өтпейді, яғни комиссия мүшелері БАҚ өкілдеріне, онлайн платформа иелеріне ашық ақпарат ұсынудан бас тартқан емес.&nbsp; Мемлекет басшысыҚасым-Жомарт Кемелұлы сайлаудың басты құндылығы әділдікке негізделіп, азаматтардың сайлау құқығының сақталуына жол ашуы тиіс екенін жеткізді. Бұл ретте Президент реформаларының дені – тікелей сайлау жүйесін енгізумен байланысты өрбуде.&nbsp; Бұрынғыдай емес, кент және ауылдық округ, аудан және облыстық маңызы бар қала әкімдерін, депутаттарды халық тікелей сайлай алатын мүмкіндікке ие болды. Соның нәтижесінде біздің қоғамға бұрын әкімдік қызмет атқармаған жаңа деңгейдегі, жаңа көзқарастағы әкімдер келуде. Бұл сөзсіз бәсекелестікті күшейтті.&nbsp; ҚР Орталық сайлау комиссиясының төрағасы Нұрлан Мәжитұлы еліміздегі демократиялық өзгерістер эволюциялық жолмен жүзеге асырылып, ауыл, аудан әкімдерін тікелей сайлауға көшіру соның айғағы екенін жеткізген болатын.&nbsp; - Білуімізше, партия мүшесі болуды қаламайтын азаматтар да сайлауға түсіп әкім бола алады екен... - Иә, қала, аудан, кент және ауылдық округ әкімінекандидат болуға үмітті азаматтар партия атынан және өзін-өзі ұсыну жолымен кандидаттыққа түсе алады. Егер азамат партиядан емес, өзін-өзі ұсынатын болса ҚР Сайлау туралы Конституциялық заңының 113-бабы 4-тармағына сәйкес кандидат &nbsp;сайлаушылардың жалпы санының кемінде 1 пайыз дауысымен қол жинауы керек.&nbsp; Таяуда ғана аймақтағы сайлау науқандарына талдау жасадық. 2021 жылы кент және ауылдық округ әкімдері сайлауында кандидаттардың 87,2 пайызы партиядан ұсынылса, тек 12,7 пайызы өзін-өзі ұсынып келген екен. Ал, 2024 жылы партиямен ұсынылған кандидаттардың үлесі 36,3 пайызды көрсетті. Керісінше, 3 жыл ішінде өзін-өзі ұсыну деңгейі 63,6 пайызға көтерілді. Демек, азаматтардың өзін-өзі ұсынуға деген ұмтылыстары жоғары екенін байқау қиын емес. Түптеп келгенде кандидат саяси партиялардан немесе өзін-өзі ұсынса да әкімдер мен депутаттарды халық тек сайлау арқылы шешеді.&nbsp; - Бәселекестік қыза түсті деп айтып қалдыңыз. Қай ауылдардың әкімі жиі ауысады? - Жергілікті өзін-өзі басқару туралы заңға сәйкес әкімдер 4 жыл мерзімге сайланады. Дегенмен өкілеттілігі ерте тоқтатылған әкімдердің орнына сайлау тағайындала береді. Облыста 146 кент және ауылдық округ әкімі бар. 3 әйел әкім әкімдік қызметін абыроймен атқаруда.&nbsp; Барлық әкімдердің 94 пайызы тікелей сайлау арқылы қызметке келді. Қалған 6 пайыз яғни 9 ауылдың әкім сайлауын биылғы жылдың сәуір айына дейін өткізетін боламыз. Жақында ғана Жаңақорған ауданындағы Қандөз, Жалағаш ауданындағы Еңбек ауылдық округ әкімдерінің сайлауы ұйымдастырылды. Жыл ішінде 48 ауылдық округ әкімінің өткізу жоспарымызда тұр.&nbsp; Бәсекелістік қай кезде де бар. Әсіресе, дауыс беру сәтінде байқалады. 1 дауыстың өзі үлкен рөл ойнайды. Себебі сайлауда басым дауыс алған кандидат сайланады.&nbsp; Өмір болғаннан кейін әкімдердің басқа өңірге қоныс аударуы, мемлекеттік қызметке немесе жеке кәсіпке ауысуының салдарынан тұрғындар 4 жыл мерзімді күтпей-ақ жаңа әкімдерді сайлай береді. Тиісінше, сол ауылдарда әкімдердің жиі ауысуы байқалады.<img src="https://knadmin.beoblood.kz/uploads/Whats_App_Image_2025_02_14_at_17_49_43_a22f08e381.jpeg" alt="WhatsApp Image 2025-02-14 at 17.49.43.jpeg"> - Ал, олардың білім деңгейлері ше? Оған қаншалықты талдау жасалады?Бізде жас әкімдер, депутаттардың үлесі қандай? - Әкім, депутат болуға келген 146 кент және ауылдық округ әкімнің 144-і жоғары білімді, 2-нің арнаулы орта білімі бар. Аймақтағы 152 мәслихат депутатының 144-і жоғары білімді, 8-нің орта арнаулы білімі бар.&nbsp; Сайланған әкімдердің 111-і мемлекеттік құрылымдарда, 16-ыкоммерциялық құрылымдардан келген.&nbsp; Статистикаға көз салсақ, облыста 18-35 жас аралығындағы 7 жас әкім, 4 жас депутат бар. Олардың ішінде ең жас әкім –28 жаста, ең жас депутат – 27жаста. Білесіз бе, тұрғындармен етене араласатын ауыл әкімін таңдауды елдің еркіне салу елді мекендегі кез келген мәселені жедел әрі тиімді шешудің бір тетігі. Әрі бұл билікке талапты жастардың келуіне жол ашады. Мәселен, 28 жастағы Арал ауданындағы Жаңақұрылыс ауылының жас әкімі Елнұр деген азамат осыған дейін мал шаруашылығымен айналысатын қожалық төрағасы ретінде бастама көтеріп, ауылдардағы арықтарды тазалап, бақша егетіндердің жерін жыртып, жолын тегістеп беріп келген. Халық қолдап, өздері сайлағандығын бізге жеткізді. Бұл Президент реформаларының өңірде іске асып жатқандығының нақты көрінісі деуге болады. Мұндай мысалдар аз емес.&nbsp; - Сайлауға баратын халыққа қолайлы жағдай жасау – тікелей міндетіміз дедіңіз. Қазір халықтың сайлауға бару деңгейі қалай? Естуімізше, өткен жылдан бастап шақыру қағаздарын жаңа форматта шығара бастапсыздар... - Сыр өңірі кез келген саяси науқанда ауызбіршіліктің жоғары үлгісін көрсетіп келеді. Ауыл, аудан әкімі, депутаттар мен Президент сайлауында ауылдық жердегі азаматтардың дауыс беру белсенділігі жоғары екенін өзіңіз де көріп жүрсіз.&nbsp; Мәселен, Сырдария ауданында тұратын 103 жастағы қарт сайлаушымыз Яхия Тасыров 80 жылдан аса саяси науқандарға үзбей қатысып келеді. Учаскеге алғаш келуші азамат ретінде де майдангер ақсақалымызға комиссия мүшелерінің құрметі зор.&nbsp; Отбасымен бірге келіп, таңдау жасауға асығатындар сайлаушылар да аз емес. Мәселен, Жаңақорған ауданындағы Қыраш ауылының тұрғыны, еңбек ардагері Сұлтанхан Ақылбеков есімді ағамыз 20 жылдан аса немерелерін ерте келіп отбасымен бірге өз таңдауын жасап, азаматтық үн қосып келеді. Өткен жыл ел үшін маңызды шешім қабылдайтын АЭС салу мәселелеріне арналған референдумда Қызылорда облысындағы дауыс беруге құқығы бар сайлаушылардың 405892-сі, яғни82,2 пайызы учаскеге келіп, таңдау жасады. Біз сайлаушыларды ел үшін маңызды науқандарға шақыру үшін түрлі форматта ақпараттық жұмыстарды үйлестірдік. Жаңа үлгідегі шақыру қағаздарынаQR белгісі қосылды. Сондай-ақ, бұрынғыдай емес шақыру қағаздары әр үйге және әр азаматқа таратылды. Сонымен қатар азаматтардың өз учаскесіноңай анықтауға мүмкіндік беретін referendum.orda.gov.kz сайты, «Smart Qyzylorda» мобильді қосымшалары іске қосылған болатын.&nbsp; Референдум кезінде 109 бірыңғай call орталықтың байланыс қызметі 24/7 жұмыс жасап, 1000-ға жуық қоңырауға жауап берді.&nbsp; Дауыс беру күні тізімде жоқ азаматтарды тіркеу қызметімен айналысатын 5 учаскеде онлайн сервис ашылып, азаматтардың тіркелген жері жөніндегі мәліметтерді тексерудің онлайн-сервисін орнату үшін 169 сайлау учаскесі жұмысістеді. Мұның бәрі сайлаушылардың уақытын үнемдеу жолында жасалған қадамдардың бірі.&nbsp;<img src="https://knadmin.beoblood.kz/uploads/miks_6c44a1c71d.png" alt="микс.png">- Жасыратыны жоқ, сайлауға өз аяғымен баратын азаматтардан бөлек мүгедектігі бар сайлаушылардың учаскеге келуі үлкен проблеманың бірі. Оларға кедергісіз орта қалыптастыру тікелей міндеттеріңіз екенін ескерсек, қазіргі ахуал қалай? - Облыстағы барлық 380 учаске 1-қабатта орналасқан. Өндірістік және режимдік нысандарды есепке алмағанда барлық учаскелер қолжетімділік картасына енген. Мүгедектігі бар сайлаушылар үшін арнайы құрылғылар, көру қабілеті төмен азаматтар арнайы трафареттермен қамтамасыз етілген. Сондай-ақ, инватакси, сурдоаударма, ымдау тілінің мамандарының қызметі де жолға қойылған. Мәселен, Қызылорда қаласында тұратын Анаргүл есімді сайлаушымыз 8 жылдан бері инватаксидің қызметін пайдалану арқылы науқандарға қатысып келеді. Дауыс беруші азаматтарға қолайлы және тең мүмкіндік ұсыну – біздің міндетіміз. Президент пәрменімен 2023 жылы сайлау комиссиялары кәсіби негізде тұрақты жұмыс жасауға көшті. Бұл өз кезегінде әрбір саяси науқанды өткізетін комиссия мүшелері үшін үлкен жауапкершілік жүктеді. Соның нәтижесінде 31 комиссия мүшесі тұрақты жұмыс атқаруда. Яғни бұрынғы жылдармен салыстырғанда кадрлар құрамы 1,7 есеге өсті.&nbsp; Өткен жылы облыс, қала, аудандық сайлау комиссиялары мен учаскелік комиссия мүшелерінің құрамы жаңадан жасақталды. - Қоғамда комиссия мүшесі болуға асығатындар аз емес екен. Олардың білім-деңгейлері қаншалықты талданады? - Өңірдегі сайлау жүйесінде 3385 комиссия мүшесі еңбек етеді. 380 учаскеде 2652 комиссия мүшесі қызмет атқарады. Ал, 134 округтік комиссияда 670 мүше бар. Ал, аумақтық сайлау комиссияларында 63 маман қызмет етіп жүр.&nbsp; ҚР Сайлау туралы Конституциялық заңның 10-бабына сәйкес комиссиялар 5 жыл мерзімге сайланады. Әлбетте, олардың білім деңгейіне, кәсіби біліктілігіне жеткілікті деңгейде мән беріледі. Орталық сайлау комиссиясының аппараты өңірлерге инспекторлық сапарлар жасап, комиссия құрамындағы мүшелерге оқу-әдістемелік көмектер беріп келеді.&nbsp; Комиссия мүшелеріне офлайн және онлайн форматта каскадтық әдіспен оқыту семинарлары ұйымдастырылды. Бірнеше кезеңді қамтитын оқуға 63 аумақтық комиссия мүшелері оқытылып, біліктілік деңгейін анықтайтын тестілеуден өткізілді.&nbsp; Ал, қала және аудандардағы көшпелі оқытуға аумақтық сайлау комиссиясының 56 мүшесі мен учаскелердегі 1692 комиссия мүшесі қамтылды. Қалған 960 комиссия мүшесіне каскад әдісімен оқыту жүргізілді.&nbsp; Барлық 3385 комиссия мүшесінің біліктілік сертификаты бар. Сондай-ақ, арнайы жаттықтырушы сертификатқа ие 16 тұрақты комиссия мүшесі спикерлер пулының құрамына енді. Оқыту-семинары іскерлік ойын элементтері форматына негізделіп, комиссия мүшелерінің практикалық кейстерді талқылауы және қолданыстағы заңнамалардың сақталуына баса мән берілді.&nbsp; Комиссия мүшелерінің білім деңгейін жетілдіруге арналған оқыту жұмыстары үздіксіз жүргізіледі.- Сұқбатыңызға рақмет!Әңгімелескен Айдос Мырзалы&nbsp;&nbsp;&nbsp;Фото: автордікі &nbsp;

Әділбек Ерсұлтанов: «Сайлауда бір дауыстың өзі үлкен рөл ойнайды»

<a href="https://kyzylorda-news.kz/">Kyzylorda-news.kz</a> ҚР Премьер-министрінің бірінші орынбасары Роман Скляр Сыр еліне жұмыс сапары аясында шағын өнеркәсіп аймақтарына барып, жаңа жобалар мен өндіріс алаңдарын көрді.Облыс әкімі Нұрлыбек Нәлібаев алдымен «Жолаушылар вагондарын жөндеу, техникалық қызмет көрсету кешені және вагон құрастыру зауытының» жобасымен таныстырды.Инвестициялық жобаның құрылтайшысы «Марал-Нұр» ЖШС директоры Мұрат Нұрсаитовтың айтуынша, 15,4 млрд теңге инвестиция салынатын жоба 2 кезеңде жүзеге асады. Бірінші кезеңде жылына 560 жолаушылар вагонын ағымдағы жөндеу, 180 вагон депо жөндеу кешені жоспарланған. Құрылыс 100% аяқталды, &nbsp;қазір ішкі әрлеу жұмыстары қарқын алды. Ресейден 60 жабдық жеткізіліп, &nbsp;монтаждалуда. Серіктестік бұған шамамен 3,2 млрд теңге жеке инвестиция салды. Одан бөлек, жобаны «Даму» кәсіпкерлікті дамыту қоры» АҚ &nbsp;2,2 млрд теңгеге қаржыландырды. Пайдалануға беру 2025 жылдың ІІ тоқсанына жоспарланған.Екінші кезеңде жаңа технологияларды пайдаланып вагон құрастыратын өндіріс құрылмақ. Ол – жылына 30-40 вагон шығаратын «Қызылорда вагон құрастыру зауыты». Дайындық жұмыстары осы жылдың екінші жартыжылдығында басталады. Ресейден және ҚХР-дан жабдықтар сатып алуға қажетті 8 млрд теңге &nbsp;«Өнеркәсіпті дамыту қоры» АҚ арқылы қарастырылуда.Әрі қарай Премьер-министрдің бірінші орынбасары шағын өнеркәсіп аймақтарындағы жаңа жобалар мен өндіріс алаңдарын аралады. Қызылорда қаласының сол жағалауынан шағын өнеркәсіп паркін салу туралы 2 кәсіпкердің өтінімі мақұлданған. «Тұмар» және «Техоснастка-Ремсервис» шағын өнеркәсіп аймақтары жобасының техникалық серіктесі – «Өнеркәсіпті дамыту қоры», «Байқоңыр» ӘКК АҚ. Бұл аумақтан ауыл шаруашылығы, азық-түлік өнімдерін шығару жоспарлануда. Сүт өнімдерін, жартылай фабрикаттарды, нан-тоқаш өнімдерін өндіретін аймақта 10-80 жұмысшы еңбек етеді. Қазіргі уақытта іргетасы құйылып, бағаналары орнатылған.Айта кетейік, «Ауыл аманаты» жобасы аясында соңғы екі жылда 601 жоба &nbsp;жүзеге асырылып, 917 жаңа жұмыс орны құрылды. Биыл 815 жоба шеңберінде 1 мыңнан астам жұмыс орны ашылмақ. Сонымен қатар, шаруашылық құрылымдарының әлеуметтік жауапкершілігі аясында кәсібін бастаушыларды ғимаратпен, кепілдікпен қамтамасыз ету тәжірибесі енгізілді.<img src="https://knadmin.beoblood.kz/uploads/Roman_Sklyar_1_899b46b285.jpg" alt="Роман Скляр 1.jpg">Фото: Қызылорда облысы әкімінің баспасөз қызметі

Сыр елінде жаңа зауыт жобасы жүзеге асырылуда

<a href="https://kyzylorda-news.kz/">Kyzylorda-news.kz</a> Қытайдың Харбин қаласында өткен IX Азия ойындарында Қазақстан құрамасы 20 медаль жеңіп алды, деп хабарлайды <a href="https://sputnik.kz/20250214/aziada-2025-qazaqstan-quramasy-komandalyq-esepte-neshinshi-orynga-ie-50877929.html">Sputnik Қазақстан.</a>Жалпыкомандалық есепте Қазақстанда төртінші орынға ие болды. Бірінші орында – Қытай (32 алтын, 27 күміс пен 26 қола), екінші орында – Оңтүстік Корея (16-15-14), ал Жапония (10-12-15) Азия ойындарын үшінші орында аяқтады.Айта кетері, осы жолы Қазақстан құрамасы 4 алтын, 9 күміс пен 7 қола медаль бар. Азиаданың соңғы күні хоккейшілер ел қоржынына төртінші алтын салды.Бүгін Қазақстанның хоккейден <a href="https://kyzylorda-news.kz/sport/khazakhstan-aejelder-khuramasy-hokkejden-kuemis-zhuelde-ielendi-14-02-2025">әйелдер құрамасы</a> Азия ойындарының күміс жүлдегері атанды. Ал еліміздің хоккейден <a href="https://kyzylorda-news.kz/sport/aziya-ojyndary-hokkejden-khazakhstannyng-erler-khuramasy-altyn-zhengip-aldy-14-02-2025">ерлер құрамасы</a> Азия ойындарының алтын жүлдесін жеңіп алды.Фото: ҚР Туризм және спорт министрлігі

Азиада-2025: Қазақстан құрамасы 4-орынға ие болды

<a href="https://kyzylorda-news.kz/">Kyzylorda-news.kz</a> Ермек Көшербаев Қазақстан Республикасы премьер-министрінің орынбасары болып тағайындалды, деп хабарлады Ақорда."Мемлекет басшысының Жарлығымен Ермек Беделбайұлы Көшербаев Қазақстан Республикасы премьер-министрінің орынбасары болып тағайындалды, ол бұрынғы атқарған лауазымынан босатылды", - деп жазылған хабарламада.Ермек Көшербаев туралы не белгіліЕрмек Көшербаев 1965 жылы Алматы қаласында туған.С.М.Киров атындағы Қазақ мемлекеттік университетін, КСРО Сыртқы істер министрлігінің Дипломатиялық академиясын бітірген.Еңбек жолын1988 жылы Қазақ КСР Сыртқы істер министрлігінде аға инспектор болып бастаған.1997–1999 жылдары Қазақстан Республикасы Премьер-Министрінің көмекшісі болған.2000–2010 жылдары коммерциялық құрылымдарда басшылық қызметтерде жұмыс істеген.2010–2014 жылдары Шығыс Қазақстан облысы әкімінің орынбасары, бірінші орынбасары болған.2014-2018 жылдары Ауыл шаруашылығы министрінің орынбасары, Ауыл шаруашылығы министрлігінің жауапты хатшысы лауазымдарында қызмет еткен.2018–2020 жылдар аралығында Сыртқы істер министрлігінің жауапты хатшысы, Сыртқы істер министрінің орынбасары лауазымдарын атқарған.2020 жылғы қаңтардан бастап – Қазақстан Республикасының Ресей Федерациясындағы төтенше және өкілетті елшісі.2023 жылдың маусымынан бүгінгі күнге дейін Шығыс Қазақстан облысының әкімі болды.Ермек Көшербаев бұған дейін Шығыс Қазақстан облысының әкімі қызметін атқардыФото: ҚР Премьер-министрінің баспасөз қызметі&nbsp;

Көшербаев премьер-министрдің орынбасары болды

<a href="https://kyzylorda-news.kz/">Kyzylorda-news.kz</a> Харбиндегі қысқы Азия ойындарының соңғы жарыс күнінде Қазақстан қоржынына төртінші алтын медаль түсті. Бұл туралы <a href="https://stan.kz/aziya-oyindari-2025-kazakstan-kyramasi-tortinshi-altin-413818/">Stan.kz</a> ақпарат агенттігі хабарлайды.Бұл медальды шайбалы хоккейден Қазақстан ерлер құрамасы салды. Отандастарымыз финалда Жапония құрамасына қарсы өткізді.Алтын үшін таласта қазақстандықтар қарсыластардан әлдеқайда жоғары&nbsp;деңгейде екенін көрсетті. Алғашқы кезеңде Самат Даниярдан пас алған Андрей Буяльский есеп ашты.Екінші кезеңде Дмитрий Бреус пен Роман Старченко таблода есепті 3:0 жеткізді.Үшінші кезеңде Қазақстан құрамасы тағы екі шайба соқты. Кирилл Панюков финалдық ойында дубль авторы атанды. Қорытынды есеп 5:0.Нәтижесінде&nbsp;Қазақстан ерлер құрамасы шайбалы хоккейден 2025 жылғы Азия ойындарының чемпиондары атанды. Алтын үшін таласта еш қарсылық көрсете алмаған Жапония күміс жүлдені жеңіп алды. Ал Оңтүстік Корея хоккейшілері Қытайды 5:2 есебімен жеңіп, қолаға қол созды.Қазақстан құрамасы осылайша өз тарихында бес дүркін Азия чемпионы болды. Бұған дейін отандастарымыз 1996, 1999, 2011, 2017 жылдары жеңген еді. Айта кетейік, Қазақстан хоккейден Азия ойындарын 5 рет жеңген жалғыз команда.Фото: ҚР Туризм және спорт министрлігі

Азия ойындары: Хоккейден Қазақстанның ерлер құрамасы алтын жеңіп алды

<a href="https://kyzylorda-news.kz/">Kyzylorda-news.kz</a> Қосылған құн салығына (ҚҚС) қатысты халық арасында әлі де сұрақ көп. Бұл мәселені сан-саққа жүгіртудің қажеті жоқ, байыппен қарап, кәсіби мамандар жан-жақты түсіндіріп бергені жөн. Осы орайда Ұлттық экономика министрлігі Салық және кеден саясаты департаментінің директоры Ерлан Сағынаевқа бірқатар сұрақ қойдық.– Ел арасында ҚҚС-ға қатысты сауал аз емес. Түйіні мынаған саяды: Бюджеттегі тапшылықты қыс­қарту үшін Үкімет мемлекеттік шығын­дарды азайтудың орнына ҚҚС мөл­шер­лемесін көтеруге неге көшті?– Бүгінде бюджеттік кірістің 70%-ын табыс көздеріміз құрайды, ал қалған 30%-ы қарыздар мен Ұлттық қордан бөлінетін трансферттер есебінен жабылады. Ұлттық қордан бөлінетін кепілдендірілген трансферт бюджет ережелері аясында реттеледі. Жаңа Бюджет кодексі бюджет шығыстарының өсу қарқыны мен кепілдендірілген трансферт мөлшерін қатаң сақтауды міндеттейді. Сондай-ақ дағдарыс, төтенше жағдайлар және Президенттің тапсырмалары бойынша осы ережелерден ауытқыған жағдайда әрекет ету алгоритмі бекітілген.Ұлттық қордан бөлінетін нысаналы трансферт тек маңызды ұлттық жобаларды қаржыландыруға бағыт­талады. Бұл қаражаттан ел экономикасы­на нақты пайда әкелетін, жаңа жұмыс орындары мен салық түсімдерін көбей­тетін жобаларға ғана қаржы бөлінеді. Бюджеттің ағымдағы шығындарын осы қаражатпен жабуға тыйым салынған. Қазіргі уақытта бюджет тапшылығы жалпы шығыстардың шамамен 30%-ын құрайды. Бұл мәселені шешу үшін жүйелі шаралар қажет, соның ішінде институционалдық және құрылымдық реформалар жүргізілуге тиіс.– Бюджеттің бүйірін қампайт­қанмен, бұл қаржы дұрыс игерілмей қалса қайтеміз? Оған кепілдік болар қандай шаралар қабылданып жатыр?– Экономиканы жаңғырту мен әртараптандыру үшін бірқатар құжат­ қабылданды, олардың қатарында либерализациялау жөніндегі Жарлық, Ұлттық даму жоспары және Ұлттық инфрақұрылымдық жоспар бар. Осы құжаттар негізінде реформалар бірнеше бағыт бойынша жүзеге асырылады. Алғашқысы, инвестициялық саясатты дамыту. Оның мақсаты – инвестициялық ахуалды жақсарту арқылы капитал ағынын арттыру. Инвесторларға арналған рәсімдер жеңілдетіліп, жеделдетіледі. Кедендік және салықтық жеңілдіктер беру кезінде сараланған тәсіл енгізіледі. Белгілі бір көлемдегі инвестиция құй­ған жағдайда, салық заңнамасының тұрақ­тылығына кепілдік беретін Инвес­тициялық міндеттемелер туралы келі­сім жасау мүмкіндігі ұсынылады. Негізгі капиталға салынған инвестициялар мен еңбек өнімділігі артқан са­йын, жоғары және орташа деңгейдегі өңделген өнімдердің өндірісі ұлғаяды. Екіншісі, кәсіпкерлікті дамыту. Мем­лекеттік реттеу талаптары қайта қара­лып, 10 мыңнан астам талап жойыл­ды. Мемлекет меншігіндегі кәсіп­орын­дарды жекешелендіру арқылы бизнестің үлесін арттыру көзделген. Квазимемлекеттік сектордың мем­лекеттік сатып алуларға қатысуы шектеледі, бұл нарықтағы бәсекелестікті күшейтіп, тауар нарығының тиімді жұмыс істеуіне ықпал етеді. Осы өзгеріс­тердің арқасында кәсіпкерлер өз ісін кеңейтуге және дамытуға ынталанады. Үшіншісі, банктік секторды дамыту және либерализациялау. Шетелдік банктердің еншілес ұйым­дары мен филиалдарын ашу шарттары жеңілдетіледі.– 2020 жылдан бері ҚҚС мөлшер­лемесін арттыруға бизнес пен қоғам тарапынан наразылық оқтын-оқтын айтылып келеді. Қазір де қызу талқыланып жатыр. Мемлекет бас­шысы бұл мәселені кәсіби сарапшы­лар талдап, таразылап беруге тиіс еке­нін айтты. Бизнес өкілдерінің, қара­пайым халықтың пікірі, сын-ес­керт­песі ескеріліп жатыр ма? Жалпы, бұл бағытта нендей өзгеріс бар?– Қазіргі салық реформасы мемлекет, бизнес және халық мүдделерінің тепе-теңдігін сақтауды көздейді. Осыған байланысты ҚҚС мөлшерлемесінің өсуі, ҚҚС бойынша есепке қою шегінің төмендеуі, кейбір экономикалық қызмет түрлерін бөлшек салықтан жеңілдетілген декларация негізіндегі арнайы салық режіміне және жалпыға ортақ салық салу режіміне көшіру шара­лары ұсынылып отыр. Бұл өзгеріс­тер бюджетке қосымша 7 трлн теңге көлемінде ҚҚС түсімін береді. Сонымен қатар 2028 жылға дейін бизнестің салықтық жүктемесі 8%-ға азаяды. Бұл әлеуметтік салықтың белгілі бір бөлігін бюджеттен өтеп беру есебінен жүзеге асырылады (қосымша түсімдер есебінен 2 трлн теңге өтелмек).Қорыта айтқанда, бұл реформа фискалдық саясаттың теңгерімділігін сақтау, ҚҚС-ның жанама салық ретін­дегі бастапқы мәнін қайтару, бюджеттің кіріс бөлігін нығайту, салық ауыртпалығын тұтыну, жалақы, пайда арасында әділ бөлу қажеттілігінен туындап отыр.– Мысалы, экспорттаушылар бюджеттен ҚҚС қайтарымын алады. Ол өссе, бюджеттен қайтарылатын қаражат мөлшері артады. Мұның логикасы қандай?– Егер ҚҚС қайтарымы көбей­се, бұл салықтың бюджетке көптеп түсе­тінін білдіреді. Ішкі тұтыну жоғары мөлшерлеме бойынша салық­тандырылатын болады, ал экспорттық операциялар (0% мөлшерлемемен салық салынатын) бұрынғы жүйеде қалады. Осылайша, мөлшерлеменің артуы ел ішіндегі салықтық түсімдерді көбей­тіп, экспорттаушыларға қай­тарым­ды өтеуге мүмкіндік береді.– ҚҚС мөлшерлемесін арттыру халықтың жоғары қарыздық жүктемесі жағдайында инфляцияға әкеледі. Халық пен бизнестің қарыз­дық ауыртпалығы, сондай-ақ несие беру жүйесінің аз ғана банктер арасында шоғырлануы қаржылық тұрақтылыққа қауіп төндіреді. Бұл мәселе қалай шешіледі?– Тауарлар, жұмыстар мен қызмет­тердің құнына, жылдық инфляция деңгейіне және несие көлемінің артуына әсер етеді, бірақ экономикаға оң ықпалы басым болады. Қазіргі уақытта халықтың несиеге сұранысы жоғары болып отыр, әсіресе тұтынушылық несиелеу қарқынды өсуде. Тұтынушылық несие көлемінің артуына бөліп төлеу бағдарламаларының қолжетімділігі, банк секторында цифрлық шешімдердің кеңінен енгізілуі және несиені мақұлдау мен берудің жеңілдеуі себеп болып отыр. Алайда қаржылық тұрақтылыққа тікелей қауіп төніп тұрған жоқ. 2024 жылы қаржылық реттеуші халықтың шамадан тыс қарызға батуының алдын алу және қаржылық қызметтерді тұтынушылардың құқықтарын қорғау мақсатында бірқатар реттеуші және заңнамалық шараларды қабылдады. Ұлттық банк пен қаржылық реттеуші банк секторындағы жағдайды тұрақты түрде бақылап отыр.– Еліміздің мемлекеттік қарызы қанша? Оны қалай қысқарту жос­пар­ланған?– Мемлекеттік қарыздың тұрақ­ты­лығын қамтамасыз ету Үкіметтің тұрақты бақылауында. Қазіргі уақыт­та белгіленген барлық борыштық көр­сет­кіштер сақталып отыр. 2024 жылғы 1 қа­зан­дағы жағдай бойынша мем­лекет­тік қарыз 30,5 трлн теңгені немесе ІЖӨ-нің 22,6%-ын құрады. Қарыз көлемі мен оны өтеу шығындарының өсуін тежеу үшін бірқатар шара қабылданып жатыр. Атап айтар болсақ, біріншіден, бюджет тапшылығын кезең-кезеңімен қысқарту – 2025 жылы ІЖӨ-нің 2,7%-нан 2027 жылы 1,9%-ға дейін төмендету. Бұл жаңа қарыз алуды шектеуге және мемлекеттік борыштың өсу қарқынын баяулатуға мүмкіндік береді. Екіншіден, жеке табыс көз­дерін ұлғайту мақсатында көлеңкелі эконо­миканы азайту, салықтық және кеден­дік әкімшілендіруді күшейту. Үшін­шіден, несиені негізінен ішкі нарық­тан теңгемен алу. Бұл валюта­лық тәуекел­дерді болдырмай, қарызды өтеу шығын­дарын шектеуге мүмкіндік береді. Со­нымен қатар ішкі қор нарығын да­мыту арқылы шетелдік инвесторлар­ды тарту, бұл қосымша өтімділікті қамт­амасыз етіп, қарыз алу құнын төмендетеді.Алдағы 5 жылға жасалған болжамға сәйкес, мемлекеттік қарыз қауіпсіз деңгейде, яғни ІЖӨ-нің 25%-дан ас­пай­тын көлемде сақталады. Жалпы, мем­лекеттік қарызды басқару саясаты халықаралық тәжірибеге сай келеді. Халықаралық стандарттар бойынша мемлекеттік қарыздың қауіпсіз деңгейі ІЖӨ-нің 50-60%-ынан аспауға тиіс. Елдің қаржылық тұрақтылығы жетекші рейтингтік агенттіктердің жоғары несие рейтингтерімен және тұрақты болжамдарымен расталған. Бұл еліміздің өз борыштық міндеттемелерін орындау қабілетінің сенімді екенін көрсетеді. Халықаралық қаржы ұйымдарының сарапшылары мемлекеттік қарыз деңгейін «төмен» деп бағалап, оның басқарылатын деңгейде екенін және ұзақмерзімді экономикалық өсімге қауіп төндірмейтінін атап өтуде.– Жаңа Бюджет кодексі не ұсынады?– Жаңа Кодексте атқарушы орган­дардың бірінші басшыларының бюд­жет қаражатын тиімді пайдалануы­на және бюджет тәртібін сақтауына жауап­кершілік күшейтілді. Жауапкер­шілік түр­лері кеңейтілді: енді олардың саны 69 (қол­даныстағы Кодексте – 48). Министр­л­ер­дің, әкімдердің және бюджет ба­ғдар­ламалары басшыларының жеке жауап­кершілігі 15-тен 30 құқық ­бұзу­шы­лық түріне дейін көбейді. Страте­гия­лық қателіктер үшін жаңа санкция­лар ен­гізілді. Сонымен қатар мақсат­ты көр­сет­кіштерді нақты бөлінген бюд­жетке сәйкес өзгерту тәжірибесі жойылады.Бұрын даму жоспарлары мен бюджет бағдарламалары бөлінген қара­жатқа бейімделетін, бұл мемле­кеттік органдарға қойылған міндет­терді орындамағаны үшін жауапкер­шілік­тен жалтаруға мүмкіндік бере­тін. Енді жоспарланған және нақты орын­далған көрсеткіштер арасындағы айырмашылық көрсетілетін болады. Жауапкершілік квазимемлекеттік сек­торға да таралады. Жаңа Бюд­жет кодексі жемқорлықпен және жауапсыздықпен күреске тікелей бағытталған. Қатаң бақылау, министрлердің, әкімдердің және мемлекеттік бағдарламалар басшыларының бюджет үдерісінің әр кезеңі үшін жеке жауапкершілігі қаржы басқару жүйесін ашық ете алады. Алайда бұл шаралардың тиімділігі олардың іс жүзінде қаншалықты қатаң қолданылатынына байланысты болмақ.– Әңгімеңізге рахмет.ӘңгімелескенЕлігімай ТӨҢКЕР,«Egemen Qazaqstan»Фото: Нұрболат Нұржаубай

Салық реформасы баршаға тиімді болуға тиіс

<a href="https://kyzylorda-news.kz/">Kyzylorda-news.kz</a> ҚР Премьер-министрінің бірінші орынбасары Роман Склярды аймақ басшысы Нұрлыбек Нәлібаев «Қорқыт Ата әуежайының» жаңа терминалының жұмысымен таныстырды.<blockquote>«Мемлекет басшысы Қасым-Жомарт Кемелұлының тапсырмасымен, Қазақстан Республикасының Премьер-министрі Олжас Абайұлының қатысуымен 2024 жылы 12 қарашада «Қорқыт Ата әуежайының» жаңа терминалы ашылды. Жобаны іске асыруға «Болат Өтемұратов қоры» 16,6 млрд теңге инвестиция салды, жергілікті бюджеттен инженерлік-коммуникациялық инфрақұрылымға 4,3 млрд теңгеден астам қаражат бөлінді»,– деді Н.Нәлібаев.</blockquote>Әуе айлағының өткізу мүмкіндігі 7 есе, яғни жылына 300 мыңнан 2 млн жолаушыға дейін артты. Жаңа терминал Халықаралық әуе көлігі қауымдастығының (IATA) және Халықаралық азаматтық авиация ұйымының (ICAO) жоғары стандарттарына сәйкес келеді.Бүгінде «Қорқыт Ата әуежайы» арқылы «AirAstana», «Fly Arystan» және «Qazaq Air» әуе компаниялары аптасына 26, атап айтқанда Астана қаласына 16, Алматыға 10 рейс орындауда.Роман Скляр жаңа терминал аймақтың әлеуметтік-экономикалық дамуына, сауда-саттық көлемінің өсуіне оң септігін тигізетінін айтты.Фото: Қызылорда облысы әкімінің баспасөз қызметі

Роман Скляр әуежайдың жаңа терминалымен танысты

<a href="https://kyzylorda-news.kz/">Kyzylorda-news.kz</a> Хоккейден Қазақстан қыздар құрамасы ресми түрде Харбин қаласында өтіп жатқан ІХ қысқы Азия ойындарының күміс жүлдесін иеленді, – деп хабарлайды <a href="https://kaz.inform.kz/news/hokkeyden-kazakstan-ayelder-kuramasi-aziya-oyindarinin-kums-zhuldesne-ie-boldi-aa1a28/">ҚазАқпарат.</a>А тобындағы екінші кездесуде Жапония мен мен Қытай құрамалары кім мықтыны анықтады.&nbsp;Матчтың басты фавориті саналған жапониялықтар 8:1 есебімен жеңіске жетіп, қысқы Азия ойындарының алтын медалін мойындарына тақты.&nbsp;Ал А тобында екі ойында жеңіске жеткен Қазақстан әйелдер құрамасы күміс жүлдеге қол жеткізді.&nbsp;13:30, 14 Ақпан 2025 | GMT +5 Хоккейден Қазақстан әйелдер құрамасы Азия ойындарының күміс жүлдесіне ие болды ХАРБИН. KAZINFORM – Хоккейден Қазақстан қыздар құрамасы ресми түрде Харбин қаласында өтіп жатқан ІХ қысқы Азия ойындарының күміс жүлдесін иеленді.&nbsp; А тобындағы екінші кездесуде Жапония мен мен Қытай құрамалары кім мықтыны анықтады.&nbsp;Матчтың басты фавориті саналған жапониялықтар 8:1 есебімен жеңіске жетіп, қысқы Азия ойындарының алтын медалін мойындарына тақты.&nbsp;Ал А тобында екі ойында жеңіске жеткен Қазақстан әйелдер құрамасы күміс жүлдеге қол жеткізді.&nbsp; Төрт ойынның біреуінде жеңіске жеткен Қытай құрамасы қола медалді қанағат тұтты.&nbsp;Осыған дейін хабарлағанымыздай, Қазақстан құрамасы А тобының соңғы матчында Оңтүстік Кореяны 3:0 есебімен жеңді.&nbsp;Айта кетейік, қыздарымыз А тобындағы алғашқы ойында Жапонияға 0:4 есебімен жол берген болатын. Ал Қытай құрамасына қарсы ойында қазақстандықтар 2:1 есебімен жеңіске жетті.Фото: Сали Сабыров

Қазақстан әйелдер құрамасы хоккейден күміс жүлде иеленді

<a href="https://kyzylorda-news.kz/">Kyzylorda-news.kz</a> Бұл мерекенің мақсаты – барлық адамзатты кітап оқуға шақыру. Атаулы күннің қағидасы бойынша досыңызға немесе жақын туысыңызға қызығып жүрген оқулығын сыйлай аласыз. Бүгінде бұл мереке дәстүрлі шараға айналып келеді.Қаламызда кітап оқып парасат пайымын арттырып, зейінімді ашам деген жандардың рухани ортасы бар. Облыс кітапханаларына соңғы жылдары авторлардан 2270 кітап сыйға тартылған. Бүгін Өңірлік коммуникациялар қызметінің ақпарат алаңына Әбділда Тәжібаев атындағы Қызылорда облыстық әмбебап ғылыми кітапханасының басшысы Нұрлыбек Мыңжас, «Кітап құрттары» клубының мүшелері Нұрболат Олегұлы мен Ізбасар Әмір келіп мерекенің маңызын сөз етті.<blockquote>– Кітап деген – адамның ақыл-ойының жемісі. Әрине кітапқұмарлар бар, сақтайтындай бар, фанаттар бар. Ол түсінікті. Бірақ халыққа көптеп жеткізу керек. Мысалы жапондарды мықты халық деп қабылдаймыз ғой. Ал жапонның бір оқушысы жылына 70 кітап оқуға міндеттелген.Әбділдә Тәжібаев атындағы кітапханамызда да акциялар жиі өтіп тұрады. Біз насихаттай беруіміз керек. Кітап оқу мәдениетін қалыптастыруымыз керек, – деді Нұрлыбек Кәрібозұлы.</blockquote>&nbsp;<blockquote>– Ең алдымен кітап сыйлау күнімен сіздерді құттықтаймын. Кітап құрттары клубы туралы айтатын болсам. Біз 2019 жылы 10 адамнан бастап ашылдық. 6 жыл ішінде клуб мүшелерінің де қатары артты. Біздің де мақсатымыз кітапты насихаттау ғой. Қазірде QYZYLORDA арнасында екі жобамыз бар. 10-11 сыныптарға арналған интеллектуалды «Ziyatker» сайысы және қалада кітап оқуға ынталы жандармен сұхбатқа құрылған «Велософия» хабары. Осындай жұмыстардың басында жүрміз, – деді Нұрболат Олегұлы.</blockquote>&nbsp;<blockquote>– Қазіргі таңда өздеріңіз білесіздер, бизнеске бағытталған кітаптардың жарнамасы жоғары болғандықтан, көркем әдебиеттің жанында жоғары қолданысқа еніп кетеді. Дегенмен көркем әдебиетті оқыған адам оның пайдасын анық біледі. Өзіңмен бір қызығушылықтағы жастармен жолыққанда, олармен бірге даму жолына түсесің. Менің кітаптан тапқан пайдам осы, – деді Ізбасар Төлеубекұлы.</blockquote>

14 ақпан – Халықаралық кітап сыйлау күні

<a href="https://kyzylorda-news.kz/">Kyzylorda-news.kz</a> Жыл басынан бері республикалық бюджеттен 346 млрд теңге сомасына зейнетақы төленді, оның ішінде базалық зейнетақы төлеуге – 111,8 млрд теңге, ынтымақты зейнетақы төлеуге – 234,2 млрд теңге қарастырылды, – деп хабарлайды <a href="https://kaz.inform.kz/news/elde-zeynetakinin-ortasha-molsher-kansha-c28142/">ҚазАқпарат.</a>2025 жылғы 1 ақпандағы жағдай бойынша зейнеткерлер саны – 2 млн 445 мың адам.<blockquote>- 2025 жылғы 1 ақпандағы жағдай бойынша жиынтық зейнетақының орташа мөлшері 143 248 теңге, оның ішінде ынтымақты зейнетақы мөлшері – 95 789 теңге, базалық зейнетақы – 47 459 теңге, - делінген&nbsp;Еңбек және халықты әлеуметтік қорғау министрлігі таратқан хабарламада.</blockquote>Бұдан бұрын хабарланғандай, 2025 жылғы 1 қаңтарда базалық зейнетақы төлемінің мөлшері Ұлттық банк айқындайтын инфляцияның болжамды деңгейіне сәйкес 6,5%-ға, ынтымақты зейнетақы 8,5%-ға, яғни инфляция деңгейінен 2%-ға оза отырып ұлғайтылды.Бұдан басқа Мемлекет басшысының тапсырмасы бойынша 2023 жылдан бастап бес жыл ішінде ең төмен базалық зейнетақыны ең төмен күнкөріс деңгейінің 70%-на дейін, ең жоғары – 120%-ға дейін жыл сайын кезең-кезеңімен арттыру жүзеге асырылады.Мәселен, 2025 жылғы 1 қаңтардан бастап базалық зейнетақының ең төмен мөлшері ең төмен күнкөріс деңгейінің 65%-нан 70%-ға дейін ұлғайтылды, бұл 32 360 теңге болып, оның ең жоғары мөлшері ең төмен күнкөріс деңгейінен 105-тен 110%-ға дейін арттырылып, 50 851 теңге болды.<blockquote>- 2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.&nbsp;Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары төленген кезеңдер зейнетақы жүйесіндегі еңбек өтіліне қосылады, - делінген хабарламада.</blockquote>Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 70%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 90 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 110% белгіленеді.Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.Прокуратура міндетті зейнетақы жарналарын аудармайтындарға ескерту жасаған еді.Фото: Нұрболат Нұржаубай

Елде зейнетақының орташа мөлшері қанша?

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының өкілдері партияның «Кітап-AMANAT» жобасы аясында 14 ақпан – Халықаралық кітап сыйлау күніне орай, №1 Қызылорда арнаулы әлеуметтік қызметтер көрсету орталығында қызмет алушы қазыналы қарттарға кітап сыйлады.Алдымен орталыққа келушілерге жасалған жағдаймен танысып, &nbsp;мұнан соң ардагерлер қауымымен кездесіп пікірлесті. &nbsp;Партияның Қызылорда облыстық филиалының төрағасы Алмасбек Есмаханов қазыналы қариялармен кездесуде ұрпаққа қалдырар ең үлкен мұра – кітап екендігін, өткеннің рухы, келешектің кілті, мәдениеттің биік шыңы да осы кітапта жатқандығын атап өтіп, сыйлаған әрбір кітап өз оқырманын табатынына сенім білдірді. Сонымен қатар, өңірімізде мәдениет пен руханиятты қолдау бағытында партия мен жергілікті әкімдік тарапынан атқарылып жатқан жұмыстар жөнінде ақпарат беріп, олардың ұсыныс - пікірлерін тыңдады.&nbsp;Өз кезегінде ардагерлер қауымы үлкеннің жағдайын білісіп, құрмет пен сыйластықтың белгісі ретінде сыйлыққа кітап ұсынып жатқан партия өкілдеріне ақ батасын беріп, орталық кітапханасының қорына сыйға тартқан кітаптар үшін шексіз алғыс білдірді.&nbsp;Кітап оқу, кітап сыйлау үрдісі тарихқа өңілсек біздің халқымызда &nbsp;ежелден бар. Түркі халқынан шыққан әйгілі ойшыл дана Жүсіп Баласағұн өзінің «Құтты білік» атты даналық кітабын 1070 жылы Қарахандар әулетінің негізін қалаушы Сүлеймен Арсылан ханға &nbsp;тарту еткені тарихтан белгілі. Сондықтан кітап оқу мен кітап сыйлау адамзат қоғамымен бірге жалғасын таба берері сөзсіз.Барша оқырмандарды, кейінгі толқын жастарды кітап оқуға, сол арқылы білімдерін жетілдіруге шақырамыз!Ақпарат үшін: Орталық денсаулығының &nbsp;жай-күйі бойынша басқа адамның &nbsp;тұрақты күтіміне және медициналық көмекке мұқтаж &nbsp;зейнеткерлер мен &nbsp;I, II топ &nbsp;мүгедектігі бар адамдардың &nbsp;тұрақты тұруына арналған коммуналдық мемлекеттік мекеме болып табылады. Бүгінгі күні мұнда стационарлық &nbsp;және &nbsp;жартылай стационарлық жағдайда 255 азаматқа қызмет көрсетілуде.<img src="https://knadmin.beoblood.kz/uploads/Whats_App_Image_2025_02_14_at_14_34_51_bf837ad1d3.jpeg" alt="WhatsApp Image 2025-02-14 at 14.34.51.jpeg">Фото: «AMANAT» партиясы Қызылорда облыстық филиалы

Архив