<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында инвестиция тарту, инвестициялық жобаларды іске асыру және Ұлттық цифрлық инвестициялық платформа мәселесі қаралды. Жиынға облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін аймақ басшысының төрағалығымен өткен мәжілісте аталған мәселелер жан-жақты талқыланды.<blockquote>«Әлеуетті инвестициялық жобаларды анықтап, оларды жүзеге асыру үшін инвестор тартуға жұмыс істеңіздер. Жобаларды іріктеу кезінде экономикалық тиімділігіне және жұмыс орындарын құруға басымдық берілуі тиіс. Инвестор тарту үшін оларға жеңілдіктер мен субсидиялар ұсыну, салық жеңілдігін жасау, инфрақұрылым жүйелері жүргізілген индустриялық аймақтан жер ұсыну секілді қажетті ақпараттарды беріп, мүмкіндігінше қолдау көрсетуді ұйымдастырыңыздар. Әрбір жобаның іске асырылу барысы мен қаржыландыруын бақылауға алыңыздар. Облыстық кәсіпкерлік және өнеркәсіп басқармасы, Қызылорда қаласы және аудан әкімдері Ұлттық цифрлық инвестициялық платформаға жобаларды тоқсан сайын өзектендіруі тиіс. «Акса Энерджи» компаниясының қуаты 240 мегаваттық жаңа жылу-электр орталығын платформадағы «Жасыл дәлізге» енгізу үшін тиісті мемлекеттік органдармен жұмыс жүргізіңіздер. Цифрлық платформаның республика деңгейіндегі рейтингінің алдыңғы қатарында болуын тиісті басқармалар мен қала, аудан әкімдіктері арасында үйлестіріңіздер», – деді Нұрлыбек Машбекұлы. &nbsp;</blockquote>Айта кетейік, 2024 жылы өңірге 517 млрд. 500 млн. теңге инвестиция тарту индикаторы бекітілді. Инфрақұрылымдық және инвестициялық жобалар есебінен 640 млрд. теңге инвестиция тартылып, өсім 21,7 пайыз болды. Оның 70,5 пайызы – жеке инвестициялар. Тоғыз айдың қорытындысымен 171 млн. АҚШ долларынан астам тікелей шетелдік инвестиция тартылды.Былтыр 37 млрд. теңгенің 21 жобасы іске қосылып, 411 жаңа жұмыс орны құрылды. Биыл 288 млрд. 600 млн. теңгенің 33 жобасы іске қосылады деп жоспарлануда. 2025-2029 жылдары аймақта құны 2 трлн. теңгеге жуық 87 инвестициялық жоба іске асырылып, 8 300 жаңа жұмыс орны ашылады.Өңірде жалпыұлттық инвестициялық жобалар пулы аясында 988 млрд. 200 млн. теңгенің 51 жобасы қолға алынған. Өткен жылдың төртінші тоқсанының қорытындысымен Ұлттық цифрлық инвестициялық платформаға барлық жоба өзектендірілді.Инвестициялық жобалар пулы аясында 35 млрд. 800 млн. теңгенің 14 жобасы іске қосылып, 347 жұмыс орны құрылды. Биылға 282 млрд. 100 млн. теңгенің 16 жобасы жоспарланған.Фото: Қызылорда облысы әкімінің баспасөз қызметі

Инвестициялық жобаларды іске асыру мәселесі талқыланды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде авиация саласын дамыту және цифрландыру мәселесі қаралды. Жиынға облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысының төрағалығымен авиация саласын дамыту және салық түсімдері мәселелері талқыланған мәжіліс өтіп, Қызылорда қаласы, аудан әкімдері мен жауапты сала басшыларына тапсырмалар жүктелді.<blockquote>«Өткен аптада Премьер-министрдің бірінші орынбасары Роман Склярдың өңірімізге жұмыс сапары кезінде Көлік министрлігіне «Қызылорда – Атырау – Қызылорда» бағытын әлеуметтік маңызы бар рейстер тізіміне енгізу туралы тапсырма берілді. Жаңа бағыт бойынша рейсті тез арада ашу үшін Көлік министрлігімен бірлесіп, тиісті жұмыс атқарыңыздар. Салық төлеушілерді тіркеу, еңбекақы қоры мен жалдамалы жұмысшыларды, тіркелмеген мүліктерді түгендеу жүргізілуі тиіс. Заңсыз кәсіпкерлік мақсаттағы ғимараттардың нақты санын және олардың салық төлеуші ретінде тіркелгенін, қайта бағалау мен бағалау құнының нарық бағасына сәйкестігін зерделеңіздер. Кәсіпкерлік мақсатта заңсыз пайдаланып отырған балабақша нысандарын заңдастыру керек. Ауыл шаруашылығы техникалары мен арнайы техникаларды, ауыл шаруашылығы жері мен көлдерді жалға беру арқылы пайда табатын тұлғаларды айқындап, салықтық міндеттемелерін орындату өте маңызды. Мекемелердің меншігіндегі газбен жабдықтау нысандары «QazaqGaz Aimaq» АҚ-ның теңгеріміне берілсін. Салық төлемейтіндерге мемлекет тарапынан субсидия берілмеуін және берілген субсидияны қайтарып алуды қарастыру қажет», – деді Нұрлыбек Машбекұлы.</blockquote>Айта кетейік, өткен жылы жергілікті бюджетке 158 млрд. 175 млн.теңге түсім түсіп, жылдық жоспар 108,3 пайызға орындалды. Жергілікті бюджеттің өз кірістері 21 пайыз, жалпы түсімдердің 22 пайызы жеке табыс салығы, 19 пайызы әлеуметтік салыққа тиесілі. Заңды тұлғалар төлейтін корпортативтік салықтың үлесі 10,5 пайыз, мүлік салығының үлесі 6,9 пайыз. Облыс бюджеті негізінен бизнес өкілдері төлейтін салықтардан емес жеке тұлғалардан түсетін салықтардан толықтырылады.Фото: Қызылорда облысы әкімінің баспасөз қызметі

Авиация саласын дамыту және цифрландыру мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімінің мәжілісінен кейін шаһар басшысы Нұржан Ахатов өткізген арнайы жиында салық базасын ұлғайту мәселесі қаралды.<blockquote>– Салық базасын ұлғайту - күн тәртібінен түспейтін өзекті мәселе. Біз шаһарымыздың әлеуметтік-экономикалық даму деңгейін арттыруда барлық кіріс көздерін есепке алып, салық түсімдерін ұлғайтуымыз қажет. Ол үшін мүмкіндік мол. Тек мақсатты істі сапалы үйлестіріп, міндетті төлем жасау жүйесін тиімді ұйымдастыру керек, – деді Нұржан Сәбитұлы.</blockquote>Жиында қала әкімі жоспарланған және алдағы уақытта атқарылатын жұмыстарға бақылауды күшейтуді тиісті сала басшыларына тапсырды.Фото: Қала әкімінің баспасөз қызметі

Салық базасын ұлғайту – басты міндет

<a href="https://kyzylorda-news.kz/">Kyzylorda-news.kz</a> Бүгін «Жасыл Қызылорда» КММ директоры Айбол Айдарбеков бұқаралық ақпарат құралдарының өкілдеріне өткен жылы атқарылған жұмыстар мен алдағы жоспарлар туралы баспасөз конференциясын өткізді.Өткен жылы қаладағы аяқ су мәселесін шешу мақсатында облыс әкімінің қолдауымен «Жасыл Қызылорда» коммуналдық мемлекеттік мекемесі құрылды. Бүгінде мекеме жасыл желекті баптап, аяқ су жүретін жолдарды аршып, қажетті шараларды жүзеге асыруда.<blockquote>- Қала әкімінің тапсырмасына сәйкес, мекеме қызметкерлері бекітілген аумақтар бойынша тиісті жұмыстарды атқаруда. Оның ішінде Жібек жолы, Сарқырама, Қызылжарма, Қалалық, Табиғат каналдарын және қалаішілік арық жүйелерін тазалау жұмыстарына күш жұмылдырылуда. Сондай-ақ, былтыр Қызылорда қаласында көгалдарды жаңа әдіспен отырғызу қолға алынды. Гидросебу - тұқымның өсуіне қолайлы орта қалыптастыруға ықпал етеді және эрозия, шаң сияқты жағымсыз факторлармен күресуге ықпал етеді. Н.Назарбаев даңғылы мен Сол жағалаудағы көгалды осындай әдіспен орналастырдық. Бұл жұмыстар өз нәтижесін беруде, - деді мекеме басшысы Айбол Базарбайұлы.</blockquote>Жалпы, қалаға Сырдария өзені және каналдар арқылы арнайы 19 жерден насос қондырғыларымен аяқ су беріледі. Аймақ басшысының қолдауымен былтыр Жасыл Қызылордаға техникалар алынды. 2024 жылдың көктем-күз айларында 11 000 аса ағаш көшеттері егілді. Бұл жұмыстар биылда да өз жалғасын табатын болады. Мәселен, Сол жағалау, «Мұнайшылар» аллеясы мен Қорқыт Ата, М.Шоқай, Қ.Яссауи көшелерін көгалдандыру бағытында бірқатар ұсыныстар әзірленді. Бұдан бөлек, Жасыл белдеудегі арық жүйелерін толық тазалау, Жібек жолы мен Сарқырама каналдарын, қала ішіндегі су тығыздағыштарды, сондай-ақ, Д.Қонаев, С.Сүлейменов, Е.Әуелбеков, Желтоқсан, Әбілқайыр хан көшелеріндегі арық жүйлерін күрделі жөндеуден өткізу жоспарланған.Фото: Қызылорда қаласының әкімдігі

Қаланы көгалдандыруға басымдық берілген

<a href="https://kyzylorda-news.kz/">Kyzylorda-news.kz</a> «Заң және тәртіп» нарративін ілгерілету мақсатында Қызылорда облысы бойынша Сыбайлас жемқорлыққа қарсы қызметі департаментінің ұйымдастыруымен «Тәртіпті өзіңнен баста» акциясы аясында «Болашақ» жоғарғы колледжінің студенттерімен кездесу өтті.&nbsp;Іс-шараның бұл форматы «Заң және тәртіп» идеологиясын ілгерілетудегі, сондай-ақ, өскелең ұрпаққа жауапкершілік, адалдық және құқықтық нормаларды дәріптеудегі маңызды құрал болып табылады.Кездесуге департамент басшысының бірінші орынбасары А.Жүнісов, антикор ардагері Б.Ниязов, «Болашақ» жоғарғы колледжінің 500 студенті қатысты.Шара аясында студенттерге сыбайлас жемқорлық құқық бұзушылықтардың мәні мен салдары, сондай-ақ осы құбылыспен қалай күресу керектігі туралы айтылды.<blockquote>Департамент басшысының бірінші орынбасары А.Жүнісов өз баяндамасында, ақын, жазушы, философ, тарихшы Шәкәрім Құдайбердіұлының: «Адал еңбек, ақ жүрек, таза ақыл – осы үшеуі адамды адам етеді» - деген сөздерін атап өтіп, жемқорлықтан құтылу үшін әрбір адам адал болуға тырысып, әділетті қоғам құруға атсалысуы керек. Тек осылай ғана біз жарқын болашаққа қол жеткізе аламыз,-деді.</blockquote>Антикор ардагері Б.Ниязов сыбайлас жемқорлықтың зиянды әсерлерін түсіндіріп, жастарды адалдық, сыбайлас жемқорлықпен күресте әрбір азаматтың рөлі мен жауапкершілігін, қоғамдағы әділеттілік пен адалдықты нығайту үшін жастардың белсенділігі мен құқықтық сауаттылығын арттыру қажеттігі бойынша пікір білдірді.Сонымен қатар, «AMANAT» партиясы депутаттық фракциясының мүшесі, айтыскер ақын, үш дүркін алтын домбыра иегері М.Ниязов жастарға әділдік, парасаттылық, заң мен тәртіпті ұстану туралы түсіндірді.&nbsp;Кездесу жылы және достық атмосферада өтті, мұғалімдер мен студенттерге көптеген жағымды әсер қалдырды. Жастар өздері үшін маңызды тақырыптарды талқылауға және қызықтырған сұрақтарын қоюға мүмкіндік бергені үшін алғыстарын білдірді.Іс-шара соңында қатысушыларға сыбайлас жемқорлыққа қарсы бағыттағы бейнематериалдар көрсетілді. Жемқорлыққа қарсы іс-қимыл мәселелері бойынша тегін консультациялар алу үшін, сондай-ақ белгілі болған сыбайлас жемқорлық құқық бұзушылық фактілері туралы хабарлау үшін 1424 колл-орталығына хабарласу мүмкіндігі туралы ақпарат берілді.

Заңды сақтау – әрбір азаматтың міндеті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен кадрлық өзгерістерге орай мәжіліс өтті.&nbsp;Жиында аймақ басшысы Қызылорда облыстық санитариялық-эпидемиологиялық бақылау департаментінің басшысы лауазымына тағайындалған Сыздықова Гүлмира Жамбылқызын таныстырды. Осыған дейін департамент басшысы қызметін атқарып келген Жаңабергенова Динара Олжабайқызы ротация тәртібімен Батыс Қазақстан облыстық санитариялық-эпидемиологиялық бақылау департаментінің басшысы қызметіне ауысты.Облыс әкімі Гүлмира Сыздықованың жаңа қызметіне сәттілік тілеп, бірқатар міндет жүктеді.<blockquote>«Жаңа басшыға халықтың санитариялық-эпидемиологиялық саламаттылығы саласындағы мемлекеттік саясатты тиімді іске асыруды, жұқпалы аурулардың эпидахуалын тұрақты ұстауды, талаптардың орындалуын қамтамасыз етуді тапсырамын. Сонымен қатар, топтық уланудың алдын алу үшін өнімдер қауіпсіздігі мен ауыз су сапасын, білім беру, тәрбиелеу орындарындағы, әсіресе мектеп асханаларындағы гигиеналық, санитариялық талаптардың сақталуын бақылауды жүктеймін», – деді Нұрлыбек Нәлібаев.</blockquote>Сыздықова Гүлмира Жамбылқызы 1969 жылы Қызылорда қаласында дүниеге келген. Қызылорда медициналық училищесінде «Емдеу ісі», Қарағанды мемлекеттік медицина институтында «Медико- профилактикалық іс», «Тұран» университетінде «Құқықтану» мамандықтары бойынша білім алған.Еңбек жолын 1987 Қызылорда теміржол санитариялық-эпидемиологиялық станциясының маманы ретінде бастаған. 1995-1998 жылдары Арал аудандық санитариялық-эпидемиологиялық станциясында дәрігер, 1999-2023 жылдары Қызылорда қалалық санитариялық-эпидемиологиялық бақылау басқармасында түрлі лауазымды қызметтер атқарған. 2023 жылдан осы күнге дейін Қызылорда қалалық санитариялық-эпидемиологиялық бақылау басқармасының басшысы қызметінде болған.<img src="https://knadmin.beoblood.kz/uploads/G_lmira_Syzdy_ova_d8775c272b.jpg" alt="Гүлмира Сыздықова.jpg">Фото: Қызылорда облысы әкімінің баспасөз қызметі

Гүлмира Сыздықова жаңа қызметке тағайындалды

<a href="https://kyzylorda-news.kz/">Kyzylorda-news.kz</a> Бүгін аймақ басшысы Нұрлыбек Нәлібаевтың қатысуымен облыстық мәслихаттың XХ сессиясы өтіп, күн тәртібінде 6 мәселе қаралды.​Облыс әкімі аймақтың әлеуметтік-экономикалық дамуындағы жетістіктерге тоқталып, биылғы облыстық бюджетті алғашқы нақтылауға ұсыныс енгізді.<blockquote>​«28 қаңтарда өткен Үкіметтің кеңейтілген отырысында Президентімізге Қызылорда облысының әлеуметтік-экономикалық даму барысын баяндадым. Мемлекет басшысы атқарылған істерге оң бағасын беріп, жұмысты күшейтуді тапсырды. Былтыр өздеріңізбен бірлескен жұмыстардың нәтижесінде аймағымызда экономикалық өсім қамтамасыз етілді. Осы жылды да оң нәтижелермен бастадық. Қаңтар айындағы макроэкономикалық көрсеткіштер бойынша өсім бар. Ауыл шаруашылығының жалпы өнімі 2,1 пайызға, құрылыс жұмыстары 67,2 пайызға, пайдалануға берілген тұрғын үйлер 18,9 пайызға, тартылған инвестициялар 9,8 пайызға, жалпы сауда 2,3 пайызға, байланыс қызметі 0,2 пайызға артты. Өздеріңізге белгілі, мұнай өндіру көлемі жыл сайын азаюда. Биылғы қаңтар айында 262,6 мың тонна мұнай өндіріліп, өткен жылдың осы кезеңімен салыстырғанда 11,1 пайызға төмендеді. Мұнай-газ саласындағы осы тенденцияны ескере келе, біз өңдеу өнеркәсібі мен аграрлық саланы жан-жақты дамытуға басымдық бердік. Экономиканы әртараптандыруда өткен жылы өңірімізде құны 37 млрд. теңге болатын 21 инвестициялық жоба жүзеге асырылды. Биылға 288 млрд. 600 млн. теңгенің 33 жаңа жобасы межеленген, мыңға жуық жұмыс орны құрылады. Жақсы жағдайдағы жолдың үлесі 2024 жылы 92 пайызға жетті. Биыл 329 шақырым жол жөнделіп, көрсеткішті 95 пайыздан асырамыз. Халықтың 98,6 пайызы орталықтандырылған ауыз сумен қамтылса, биыл бұл көрсеткішті 100 пайызға жеткіземіз. Газбен қамту көрсеткіші қазір 78 пайыз, жыл аяғына дейін 82 пайыз болмақ. 2024 жылдың 9 желтоқсанында өздеріңізбен бірге 2025 жылға арналған облыстық бюджетті бекіттік. Бүгін алғашқы нақтылауға ұсынылуда. 2024 жылдың қорытындысымен қалыптасқан бос қалдықтар, облыстық бюджеттік бағдарлама әкімшілерінен оңтайландырылған қаражат жобаларды қаржыландыруға қайта бағытталуда. Ұсынылған жобалардың барлығы халықтың өмір сүру сапасын арттыруға, экономикалық тұрақтылықты қамтамасыз етуге негізделген. Қолдауларыңызды сұраймыз», – деді Н.Нәлібаев.</blockquote>Айта кету керек, соңғы жылдары облыс орталығын дамытуда, оның ішінде тұрғындардың өмір сүруіне қолайлы орта қалыптастыруда көркейту-көгалдандыру, абаттандыру, мәдени орталықтар мен демалыс объектілерін салу қарқынды жүргізілуде. Бүгінде қаланың, аудандардың архитектуралық-сәулеттік келбетін көркейтіп, тұрғындар мен қонақтар демалып, серуендеуге қолайлы жағдай жасау, туристік әлеуетін көтеру үшін саябақтар қайта жаңғыртылады деп жоспарлануда.<img src="https://knadmin.beoblood.kz/uploads/Sessiya_oblysty_m_slihat_a2f45bb454.jpg" alt="Сессия облыстық мәслихат.jpg">Фото: Қызылорда облысы әкімінің баспасөз қызметі

Облыстық мәслихаттың ХХ сессиясы өтті

<a href="https://kyzylorda-news.kz/">Kyzylorda-news.kz</a> Қызылорда қаласы бойынша намаз оқу, ауыз бекіту және ауыз ашу уақыты көрсетілген 2025 жылға арналған ораза кестесін ұсынамыз.<img src="https://knadmin.beoblood.kz/uploads/Ramazan_kestesi_2025_c562be2223.jpg" alt="Рамазан кестесі 2025.jpg">Аудандар мен ауылдар бойынша кестені төмендегі сілтемеден қарай аласыз.<a href="https://www.muftyat.kz/kk/page/web/ramadan/?region=43&amp;g_city=46">https://www.muftyat.kz/kk/page/web/ramadan/?region=43&amp;g_city=46</a>Фото: muftyat.kz

Рамазан-2025: Қызылорда облысы бойынша ораза кестесі

<a href="https://kyzylorda-news.kz/">Kyzylorda-news.kz</a> Облыстық прокуратураның ұйымдастырумен кәсіпкерлер &nbsp;мен инвесторлар үшін «Инвестициялық керуен» іс-шарасы өтті.Мәжіліске облыс прокуроры Р. Ожаров төрағалық жасады. Облыс әкімінің орынбасары Б. Жаханов, &nbsp;облыстық кәсіпкерлік және өнеркәсіп басқармасының басшысы Д.Әбілқайыров, «Атамекен» өңірлік кәсіпкерлер палатасының директоры П.Сыздық, «Қызылорда» өңірлік инвестиция орталығы директорының орынбасары И.Қуанышов қатысты. Сонымен қатар, кездесуге облыстың ірі инвестициялық жобаларының жоба бастамашылары және бизнес өкілдері қатысты.Атап айтқанда, «Orda Glass LTD» ЖШС шыны зауытының өндіріс директоры Ғ. Қуатов, «Aksa Energy» компаниясының қуаттылығы 240 МВт құрайтын жылуэлектр орталығы жобасының директоры Алган Сарачоглу, жолаушылар вагонына техникалық қызмет көрсету «Марал нұр» ЖШС директордың орынбасары О. Уткелбаев, «Жайлы мектеп» ұлттық жобасы аясында мектептерге, балабақшаларға және кеңселерге жиһаз өндірісімен айналысатын «Панабек» ЖШС директоры А.Панабеков және тағы да басқа кәсіпкерлер қатысып өзекті мәселелер төңірегінде сөз қозғады.Мәжілісте облыстық прокуратураның басқарма бастығы Б.Тоқмырза өз баяндамасында прокуратура органдары тарапынан атқарылған жұмыстар және «Прокурорлық сүзгі» жобасы аясында инвестициялық жобаларды сүйемелдеу, шағын және орта кәсіпкерлік үшін бизнес-ахуалды жақсарту жұмыстарын одан әрі іске асыру мақсатында енгізілген заңнамалық түзетулер туралы &nbsp;атап өтті.Сонымен қатар, облыс прокурорының аға көмекшісі А. Есқараев телеграм каналында ашылған «Инвестор. Бизнес. Защита» атты боттың пайдалану презентациясын жасады.Одан бөлек, кездесу барысында инвесторлармен (кәсіпкерлермен) заңнама талаптарын түсіндіру, проблемалық мәселелерді анықтау және оларды шешуге бағытталған жұмыстар жүргізілді.Кездесу соңында іс-шараға келген бизнес-өкілдері «Aksa Energy» компаниясының қуаттылығы 240 МВт құрайтын жылуэлектр орталығының құрылысымен танысты.

«Инвестициялық керуен» іс-шарасы өтті

<a href="https://kyzylorda-news.kz/">Kyzylorda-news.kz</a> Үкімет басшысы Олжас Бектенов отандық әуе қатынасы саласындағы маңызды факторларды атады, – деп хабарлайды <a href="https://kaz.inform.kz/news/aue-tasimalina-katisti-ariz-shagim-kop-ukmet-basshisi-3661d7/">Қазақпарат.</a><blockquote>– Еліміздің әуежайлары халықаралық стандарттар бойынша мультимодальді орталыққа айналуға тиіс. Бұл әртүрлі көлік түрлерімен жеткізілетін жүктерді қабылдау және тарату қызметінің сапасын арттыруға мүмкіндік береді. Аталған іс-шара әуе хабына автомобиль және теміржолдарды тарта отырып, инфрақұрылымды жаңғырту жұмыстарымен қатар жүруге тиіс. Жүк тасымалы және оларды өңдеу бойынша озық цифрлық технологияларды енгізу керек. Сондай-ақ жолаушыларға ең жоғары стандарттар бойынша қызмет көрсету сапасын арттыруға ерекше назар аударыңыздар. Бұл мәселеге қатысты арыз-шағым көп, — деді Олжас Бектенов Үкімет отырысында.</blockquote>Осы орайда Премьер-министр жолаушыларға сапалы қызмет көрсетуге қатысты проблемаларды шұғыл әрі жүйелі шешу керектігін айтты.&nbsp;<blockquote>– Заманауи цифрлық технологиялар операциялық процестерді оңтайландыруға, жолаушыларға қызмет көрсету ісін жеделдетуге және шығындарды азайтуға мүмкіндік береді, — дейді ол.</blockquote>Сондай-ақ Үкімет басшысы авиация саласының туризмді дамытудың маңызды факторы екеніне тоқталды.<blockquote>– Кендірлі, Зайсан және Қатонқарағай курорттық аймақтары айқындалды. Оларда жаңа әуежайлардың құрылыс жұмыстары жақында басталып, биыл аяқталуы тиіс. Көлік министрлігі шағын авиацияны дамыту жұмыстарын күшейтуі керек. Бүгінде авиация саласының өсу резервтері және алдағы жылға арналған міндеттер айқындалды. Дегенмен, шешімін таппаған сұрақтар бар, — деп толықтырды О. Бектенов.</blockquote>Фото: Нұрболат Нұржаубай

Әуе тасымалына қатысты арыз-шағым көп — Үкімет басшысы

<a href="https://kyzylorda-news.kz/">Kyzylorda-news.kz</a> Үкімет басшысының орынбасары Қанат Бозымбаев Ұлытау облысы Жомарт шахтасындағы апатқа қатысты соңғы мәліметпен бөлісті.<blockquote>—&nbsp;Оқиға салдарынан 7 адам қаза тапты, 402 адам эвакуацияланды. Апат орнында төтенше жағдайлар жедел штабы құрылып, кеше үкіметтік комиссия тергеп-тексеру жұмысын бастады, алдын ала болжам бойынша шахтада табиғи газ жарылған. Комиссия мүшелерімен бірлесіп апат орнын қарап шықтым және қаза тапқан жұмысшылардың отбасы мүшелерімен кездестік,&nbsp;— деді Қанат Бозымбаев Үкімет отырысында.&nbsp;</blockquote>Оның айтуынша, шахтадағы апатқа қатысты сотқа дейінгі тергеу амалдары басталды. Сондай-ақ шахта жұмысы уақытша тоқтатылды.&nbsp;<blockquote>— Екі арнайы кіші комиссия құрылды, оның бірі аварияның туындау себебін, екіншісі қандай техникалық қауіпсіздік талаптарының бұзылғанын анықтауы тиіс. Аталған комиссиялар өз жұмыстарын 10 күннің ішінде аяқтауы қажет. Сонымен бірге тиісті сараптамалар жүргізу жоспарлануда (сот медициналық, өрт-жарылыс техникалық). Мемлекет басшысының тапсырмасы бойынша қаза тапқандардың отбасыларына қажетті қолдау шаралары көрсетіліп жатыр, — деді ол.</blockquote>Тергеу нәтижесі комиссия жұмысы аяқталған соң ұсынылады.Фото: &nbsp;ekaraganda.kz / Instagram

Жомарт шахтасындағы апат: комиссия жұмысын 10 күнде аяқтайды

​<a href="https://kyzylorda-news.kz/">Kyzylorda-news.kz</a> Қала әкімінің орынбасары Дархан Тұрсынбаевтың төрағалығымен Қызылорда қаласы әкімдігі жанындағы кәмелетке толмағандардың ісі және олардың құқықтарын қорғау жөніндегі комиссияның кезекті отырысы өткізілді.Комиссияның күн тәртібінде 8 мәселе қаралып, кәмелетке толмаған оқушылар арасында орын алған қылмыстар туралы балаларға қатысты білімі және тәрбиесімен айналыспаған ата-аналардың мәселелері талқыланды.​Комиссия төрағасы Дархан Есалыұлы кәмелетке толмағандардың профилактикасын күшейту мақсатында сала басшыларына нақты тапсырмалар берді.<img src="https://knadmin.beoblood.kz/uploads/Darhan_T_rsynbaev_ae62bdbeb9.jpg" alt="Дархан Тұрсынбаев.jpg">Фото: Қызылорда қаласының әкімдігі

Архив