<a href="https://kyzylorda-news.kz/">Kyzylorda-news.kz</a> Эстрада жұлдызы Айқын Төлепбергеннің Ақтау маңында құлаған ұшақтың себебіне қатысты жазбасы көпшілікті ойландырды. Бұл туралы&nbsp;<a href="https://stan.kz/kanatti-tesip-shigatin-ne-degen-kystar-aykin-tolepberge-411725/">Stan.kz</a>&nbsp;ақпарат агенттігі хабарлайды.&nbsp;Өнер иесі жеке парақшасына&nbsp;шұрық-тесік ұшақ бөлшектерінің фотосын бөлісті.Айта кетейік, бүгін Ақтау маңында Әзірбайжан әуе компаниясына тиесілі Embraer ұшағы апатқа ұшыраған еді.Алдын ала ақпарат бойынша апатқа ұшақтың құстар тобымен соқтығысуы&nbsp;себеп болды&nbsp;деген болжам&nbsp;айтылды.&nbsp;“Қанатты тесіп шығатын не деген құстар?! Кешегі құлаған ұшақтың бір жағынан кіріп, басқа жағынан тесіп шыққан. Оның үстіне олар тек трибунаға түсер еді. Түсінетін адамға бәрі түсінікті”, – деп жазды әнші.&nbsp;<img src="https://aqmeshit-aptalygy.kz/wp-content/uploads/2024/12/samolet.webp" alt="&quot;Қанатты тесіп шығатын не деген құстар?!&quot;: Айқын Төлепберген&nbsp;" srcset="https://aqmeshit-aptalygy.kz/wp-content/uploads/2024/12/samolet.webp 1200w, https://aqmeshit-aptalygy.kz/wp-content/uploads/2024/12/samolet-768x512.webp 768w" sizes="(max-width: 1200px) 100vw, 1200px" width="1200" loading="lazy">Сурет: stan.kz

«Қанатты тесіп шығатын не деген құстар?!»: Айқын Төлепберген 

<a href="https://kyzylorda-news.kz/">Kyzylorda-news.kz</a> Ақтаудағы апаттан аман шыққан жолаушылар ұшақтағы экипаж мүшелерінің жанкештілігінің арқасында тірі қалғандарын айтты, деп жазады <a href="https://inbusiness.kz/kz">inbusiness.kz</a> сайты.Әсіресе, «Бәрі жақсы болады» деп адамдарды соңғы секундқа дейін сабырға шақырып, еш саспастан қауіпсіздік ережелерін түсіндірген бортсерік Хокума Әлиеваның ерлігін айтып жатыр.Сөздеріне сенсек, оның бұл әрекеті ондаған адамның өмірін сақтап қалған. Бірақ өзі апатта ажал құшты.Хокума Әлиеваның негізгі мамандығы заңгер болған. 2016 жылдан бері стюардесса болып жұмыс істеген.Ата-анасының айтуынша, қыздары осы сапарды аяқтаған соң, стюардесса қызметінен заңгер мамандығына ауысуды жоспарлаған екен.Жуырда тұрмысқа шыққан, бала сүйіп үлгермепті.<blockquote>– Қызым – 33 жаста. Оның AZAL компаниясында жұмыс істегеніне биыл 9 жыл болған. Өте ауыр жағдай. Аман қалғандардың тезірек сауығып кетуін тілеймін, – деді әкесі Джалил Алиев.</blockquote>Фото: inbusiness.kz

«Соңғы рет ұшуы еді»: Ақтаудағы апаттан қаза тапқан стюардесса мамандығын ауыстырмақ болған

Жыл қорытындысы: Білім беру жүйесіндегі қазіргі тенденциялар – инклюзивті оқытудан цифрландыруға дейін

<a href="https://kyzylorda-news.kz/">Kyzylorda-news.kz</a> Елімізде 375 мың оқушы орнына арналған 254 мектептің құрылысы аяқталды. Оның ішінде білім беру инфрақұрылымын қолдау қоры есебінен 23 нысан бар. Республикалық және жергілікті бюджет қаражаты, сондай-ақ инвестициялар тарту есебінен – 126 мектеп.Бұрын-соңды болмаған мектеп салу шаралары үш ауысыммен байланысты проблемаларды айтарлықтай қысқартты. Бүгінде елімізде 3 мыңға жуық мектеп бір ауысымда жұмыс істейді. Сонымен қатар 254 орта оқу орны күрделі жөндеуден өтті, 967 мектеп үшін 1621 заманауи пәндік кабинет (робототехника, химия, биология, физика, STEM) сатып алынды. 1 мың ауылдық мектеп жаңғыртылды. 10 мыңнан астам білім беру ұйымдарының қауіпсіздік жүйелерімен техникалық жарақтандырылуы арттырылды.Мемлекет басшысының тапсырмасы бойынша білім беруді цифрландыру процесін жеделдету бойынша кешенді жұмыс жүргізілді. 2024 жылдың қорытындысы бойынша интернет жылдамдығы мектептердің 19%-дан 90%-ға дейін ұлғайды. Қазақстандық мектептерде сапалы интернет көрсеткіші 3 есеге артты. Бұл ретте мектеп оқулықтарының 100%-ы цифрлық форматқа ауыстырылды және 11 платформада қолжетімді.Астана, Маңғыстау, Ақмола және Батыс Қазақстан облыстарының 215 мектебінде тиісті санаттағы балаларды тегін тамақтандыруға арналған «Әлеуметтік әмиян» пилоттық жобасы іске асырылуда.Фото: @KZgovernment

Мектеп инфрақұрылымын жаңартудың оқу процесіне оң әсері

<a href="https://kyzylorda-news.kz/">Kyzylorda-news.kz</a> Бүгінде елімізде 772 техникалық және кәсіптік білім беру ұйымы жұмыс істейді, онда 565 мың студент оқиды, оның 177 мыңы биыл қабылданды.Қосарлы оқыту жүйесімен 94 мың студент қамтылды. 2024 жылдың қорытындысы бойынша еліміздің колледждерінде мемлекеттік білім беру тапсырысының көлемі 143 мың орынға ұлғайды, бұл өткен жылмен салыстырғанда 10 мыңға артық. Студенттерді сұранысқа ие мамандықтар бойынша тегін техникалық және кәсіптік біліммен қамту 90% құрады. Мемлекет басшысының тапсырмасы бойынша мемлекеттік тапсырыстың 65% машина жасау, көлік, энергетика, IT, құрылыс және инженерияны қоса алғанда, техникалық мамандықтарға бағытталған. Қазақстанда колледж түлектерін жұмысқа орналастыру көрсеткіші 79% құрайды.Колледждерде кадрлар даярлау өңірлік экономиканы ескере отырып жүзеге асырылады. Бүгінгі таңда 195 колледжді бейіндеу және үлкейту жұмыстары басталды.Бұдан бөлек, колледждерде 160 стартап-жоба іске қосылды, 104 колледждің материалдық-техникалық базасы жаңартылды. Кәсіби стандарттардың, жоғары білімнің мемлекеттік жалпыға міндетті стандарты және WorldSkills стандарттарының талаптарын ескере отырып, 8 мыңға жуық білім беру бағдарламасы әзірленді. Оқытуда тиімді озық әдістемелер мен тәсілдерді тарату мақсатында локомотив-колледждер айқындалды, қазіргі заманғы колледждер базасында 3 IT-орталық құрылды.Колледж студенттерін қолдау мақсатында стипендиялық төлемдердің мөлшері екі есеге ұлғайды: 2023 ж. – 50%, 2024 ж. – 50%, 300 мыңнан астам студент қамтылды. Жатақханаға мұқтаж студенттердің 87%-дан астамы жатақханаларда орындармен қамтамасыз етілген. Биыл 1,2 мың орындық 4 жатақхана пайдалануға берілді.Фото: @KZgovernment

Кәсіптік оқыту жүйесіндегі негізгі аспектілер мен заманауи тәсілдер

<a href="https://kyzylorda-news.kz/">Kyzylorda-news.kz</a> Биылғы жылдың ең үлкен жетістіктерінің бірі – халықаралық олимпиаданың әрбір екінші қатысушысы елімізден жүлделі орындармен оралды.IChO химия бойынша ең беделді халықаралық олимпиадада және «First Global Challenge» робототехника бойынша әлем чемпионатында қазақстандық оқушылар 190 елдің өкілдерін басып озып, екі Олимпиадада үш дүркін әлем чемпионы атанды. Еліміздің құрама қоржыны барлығы 563 медальмен толықтырылды, оның ішінде 77 алтын, 201 күміс және 285 қола. Үздік 7 беделді олимпиадада жүлделі орындарға ие болған 26 қазақстандық оқушы ақшалай сыйлықтармен марапатталды.Екі жыл қатарынан ауыл мектептерінің оқушыларына арналған республикалық пәндік олимпиада өткізіледі. Оның қорытындысы бойынша жүлделі орындарға ие болған ауыл оқушыларының саны 10 есеге артты, бұл мыңдаған балаларға жаңа мүмкіндіктер ашты.Ел тарихында тұңғыш рет бірден екі педагог «Қазақстанның Еңбек ері» атағына ие болып, ерекше құрмет белгісі – Алтын жұлдыз және «Отан» ордені табысталды. Бұл еліміздің педагогтарының еңбегіне Президент көрсеткен жоғары баға, құрмет пен сенім. Сонымен қатар Мемлекет басшысының қолынан 27 педагог «Қазақстанның еңбек сіңірген ұстазы» атағына ие болды. Республикалық байқаудың қорытындысы бойынша тағы 64 педагог «Үздік педагог» мәртебесіне ие болды. Барлық 93 педагогқа 3,9 млн теңге мөлшерінде мемлекеттік сыйлық тағайындалды.Фото: @KZgovernment

Қазақстандық оқушылар мен мұғалімдер әлемдік жетістіктермен танылып, марапаттар иеленді

<a href="https://kyzylorda-news.kz/">Kyzylorda-news.kz</a> Елімізде мектепке дейінгі білім беруді қолжетімді ету және оның сапасын арттыру мақсатында балабақшаларды қаржыландыру жүйесі қайта қаралды. Жаңа өзгеріс бойынша ата-аналар баласына балабақшаны өзі таңдай алады және баланың білім алуына қажетті қаржы мемлекеттен тікелей мектепке дейінгі ұйымға емес, баланың артынан таңдалған мекемеге берілетін болады.Мұндай механизм жекедегі және мемлекеттік балабақшалар арасында бәсекелестік қалыптастыруға бағытталған. Өйткені олардың басшылығы мүмкіндігінше көбірек бала тарту үшін білім беру сапасын арттыруға және білікті тәрбиешілерді жұмысқа алуға мәжбүр болады.Қазіргі уақытта бұл механизм Қазақстанның төрт қаласында – Таразда, Шымкентте, Түркістанда және Оралда пилоттық режимде енгізілген. Алдағы уақытта оны бүкіл ел бойынша масштабтау жоспарлануда.Мектепке дейінгі ұйымдарда мектепке дейінгі ұйымдарға бармайтын балалардың ата-аналары үшін 4,2 мыңнан астам консультациялық пункт жұмыс істейді. Бұл тармақ балаларды тәрбиелеу мен дамытуға маңызды көмек көрсетеді, оларды оқыту мен мектепке дайындаудың тең бастапқы жағдайларын қамтамасыз етеді. Ағымдағы жылы 328 мыңнан астам ата-ана мен балаға әдістемелік және педагогикалық қолдау көрсетілді.Фото: @KZgovernment

Елімізде балабақшаларды қаржыландыру жүйесі қайта қаралды

Елдігімізді танытқан ерен жыл

<a href="https://kyzylorda-news.kz/">Kyzylorda-news.kz</a> Биылғы жыл Қызылорда облысы үшін табысты әрі жемісті жыл болды. Спорт, мәдениет, білім сияқты маңызды салаларда өңіріміз үлкен жетістіктерге қол жеткізіп, тек ел көлемінде ғана емес, Азия деңгейінде де өзін мойындатты. Жылды жемісті қорытындылау үшін бүгін сол салаларда үздік нәтижеге қол жеткізіп, аймақтың дамуына үлес қосып жүрген азаматтар облыстың бас ақпарат алаңына келіп, БАҚ өкілдерімен кездесті.<blockquote>– Бұл жыл мен үшін өте жақсы нәтижемен аяқталып жатыр. Өздеріңіз білесіздер, Таиландтың Чиангмай қаласында өткен бокстан Азия чемпионатында жеңімпаз атанып, алтын медаль иелендім. 1 апталық үзілістен кейін оқу-жаттығу жиындарымызды қайта бастап, наурыз айында болатын бокстан әлем чемпионатына тыңғылықты дайындалатын боламын. Келер жылы сол әлем чемпионатына қатысып, алтын медальды қанжығама байлағым келеді. Одан бөлек, 2028 жылы Америкада өтетін Олимпиада ойындарында да еліміздің көк туын көкке көтергім келеді. Сол үшін қазірден дайындықты бастап кеттім,- деді бокстан Азия чемпионы Гүлсая Ержан.</blockquote><blockquote>– 2024 жыл өзімнің жеке басым үшін де, облысымыздың рухани-мәдени өмірі үшін де толағай табыстарға, тың жаңалықтарға толы болды. Жылды жақсы қорытындылап жатырмыз. Бір жылдың ішінде Анаға тағзым, неке сарайы және симфониялық оркестріміздің ашылуы, ізін ала өнер орталығының қолданысқа берілуі біздің қуанышымызды одан әрі еселеді. Бұл жыл Сыр өнерпаздары үшін де жемісті, табысты болды. Мәселен, өзім жыл басынан бері 4 республикалық конкурсқа қатысып, жүлделі орындарға ие болдым. Биылғы жылға ешқандай өкпеміз жоқ. "Жаңа жыл жарылқа, ескі жыл есірке дегендей", әр жылдың өзінің ерекшелігі болады. Жалпы, бұл жылы Сыр бойы рухани серпіліске, жақсы жаңалықтарға толы болды деп айта аламыз. Тағы бір қуанып айтатын жайт, облысымыз өзінің өнер күндерін бір емес екі қалада жоғары деңгейде өткізіп, халықтың зор қошеметіне ие болды. Жалпылық тұрғыдан да, жалқылық тұрғыдан да биылғы жыл Сыр мәдениеті және өнерпаздары үшін жемісті болды деуге толық негіз бар,- деді Қорқыт ата атындағы ҚУ &nbsp;«Дәстүрлі музыка өнері және хореография» ББ аға оқытушысы Марат Сүгірбай.</blockquote><blockquote>– Биылғы жыл аймағымыздың білім саласы үшін де жетістікке толы болды. Оқушыларымыз да, ұстаздарымыз да республикалық, халықаралық деңгейде жарыстарға, олимпиадаларға қатысып, қанжығаларын толтырып қайтты. Мен 20 жылдан бері білім саласына өз үлесімді қосып келемін. Осы уақыт аралығындағы менің ең үлкен жетістігімнің бірі – "2024 жылдың Үздік Педагогы" конкурсының жеңімпазы болдым. Бұл конкурсқа 1 700 мұғалім қатысты. Сайыстың қалалық, облыстың кезеңінен сәтті өтіп, республикалық кезеңінде өзімнің білімім мен біліктілігімнің арқасында үздіктер қатарынан көрініп, төсбелгімен марапатталып және бір реттік 1 000 АЕК ақшалай сыйақымен марапатталдым. Бұл мен үшін де, мектебіміз бен облысымыз үшін де үлкен жетістік деп есептеймін,- деді С.Толыбеков атындағы №3 мектеп-лицейі химия пәнінің мұғалімі, ҚР «2024 жылдың Үздік Педагогы» конкурсының жеңімпазы Гүлжаухар Сарыбаева.</blockquote>

Жыл үздіктері жетістіктерімен бөлісті

Фото из открытых источников&nbsp;<a href="https://kyzylorda-news.kz/">Kyzylorda-news.kz</a> Әділет департаменті – ұлттық заңнаманы қалыптастырып, зияткерлік меншік құқықтарын қорғап қана қоймай, халыққа мемлекеттік қызмет көрсетуді мақсат етеді. Бүгінде әділет органдарымен мемлекеттік қызметтің 12 түрі көрсетіледі. Органның негізгі қызметінің бірі – нормативтік құқықтық актілерді тіркеу саласы. Биыл сала бойынша келісуге ұсынылған 240 нормативтік құқықтық акті жобасының 36 пайызына келісім беріліп, мемлекеттік тіркеуден өткен. Бұл туралы бүгін Өңірлік коммуникациялар қызметінің ақпарат алаңында облыстық әділет департаментінің басшысы Ирина Бәкішева айтты.<blockquote>– Осы жылдың басты жаңалығы – әділет органдарында мемлекеттік тіркеуге жататын нормативтік құқықтық актілерді шығару, мемлекеттік тіркеу және олардың күшін жою мәселелерін реттейтін ҚР заңнамасын сақтау саласында мемлекеттік бақылау жүргізу тәртібі айқындалды. Мемлекеттік бақылау жоспарлы және жоспардан тыс тексерулер нысанында жүргізіледі. Өзгерістер 2024 жылдың 8 маусымынан бастап қолданысқа енгізілді. Ал, жоспарлы тексерулер 2025 жылдың 1 қаңтарынан бастап жүзеге асырылатын болады. Одан бөлек, департамент заңды тұлғаларды тіркеу бағыты бойынша коммерциялық емес &nbsp;ұйымдарды тіркейді. Биыл облыс бойынша 521 заңды тұлға тіркелді. Әділет департаментінің тағы бір міндеті – &nbsp;заңгерлік қызмет көрсетуді ұйымдастыру. Бүгінде облыс бойынша 168 адвокат бар болса, әділет департаментімен 86 адвокат тегін заң көмегін көрсетеді. &nbsp;Департаменттің заңгерлік қызмет көрсетуді ұйымдастыру саласындағы функциясы - нотариустардың жасаған нотариаттық іс-әрекеттерінің заңдылығына бақылауды жүзеге асыру. Сондай-ақ, облыста &nbsp;72 жеке сот орындаушы жұмыс жасайды, оның ішінде 14-і &nbsp;аудандарда, &nbsp;58-і Қызылорда қаласында орналасқан. Ал, мемлекеттік сот орындаушыларының саны – 10. Бүгінде сот актілерін орындауды жақсартуға бағытталған барлық шаралар қарастырылып келеді,- деді Ирина Жұмабайқызы.</blockquote><figure class="image"><img src="https://knadmin.beoblood.kz/uploads/brifing_7af2f97bf3.jpeg" alt="брифинг.jpeg"></figure>

Облыста 86 адвокат тегін заң көмегін көрсетеді

<a href="https://kyzylorda-news.kz/">Kyzylorda-news.kz</a> Жаңақорған ауданында аудандық ардагерлер кеңесінің ас беру мәдениеті мен жаназа рәсімдерін бірізділікке түсіру жөнінде кеңейтілген жиыны өтті. &nbsp;Ардагерлер кеңесінің бұл бастамасы халқымызды ысырапшылдықтан арылтып, жаназа рәсімдерінің түпкі мәнін сақтауға бағытталған. Оған аудандық мәслихат төрағасы Ғалымжан Жарқынбек, ҚМДБ өкілдері мен кент, ауылдық округтердің ардагерлері, зиялы қауым, БАҚ өкілдері, мәслихат депутаттары және жастар қатысты.<blockquote>- Қазақ халқының салт-дәстүрлері мен әдеп-ғұрыптары – біздің ұлттық болмысымыздың негізі, ұрпақтан ұрпаққа беріліп келе жатқан асыл мұра. Бұл дәстүрлеріміздің ішінде ас беру және жаназа мен жерлеу рәсімдері ерекше орын алады. Өкінішке қарай, қазіргі уақытта осы дәстүрлерді орындау барысында түрлі өзгерістер байқалып, ысырапшылдықтың көбеюі, кейбір рұқсат етілмеген әрекеттердің орын алуы жиі кездесуде. Сондықтан да, ас беру мәдениеті мен жаназа рәсімдеріне қатысты қоғамда терең түсінік қалыптастыру, рұқсат пен тыйымның ара-жігін ашып көрсету, ысырапшылдықтың алдын алу маңызды болып отыр. Одан бөлек, бұл тұрғыда дін саласы мамандарының осы мәселе бойынша жүргізетін үгіт-насихат жұмыстары да үлкен рөл атқарады. Қоғамдағы шынайы мәдениеттің белгісі – орынсыз сән-салтанат емес, ұстамдылық пен қарапайымдылық, үнемшілдік пен орынды пайдалану көрегенділікті көрсетеді. Расында &nbsp;әрбіріміз ысырапшылдықтан арылып, қанағатшылдыққа бет бұруды үйренуіміз керек-ақ, - деді мәслихат төрағасы.</blockquote>Дәстүрлер мен діни ұстанымдарды сақтау – ұлттық мәдениеттің бір бөлігі ғана емес, қоғамның рухани тұтастығын қамтамасыз ететін маңызды элемент. Сондықтан, салт-дәстүрлерді өз тәртібімен орындауда халыққа бағыт-бағдар беріп, ысырапшылдықтың алдын алу үшін халық арасында түсіндірме жұмыстарын күшейтсек, мұндай шаралар өз кезегінде дәстүрді дұрыс ұстанудың маңыздылығын ұғынуымызға септігін тигізеді.Күн тәртібіндегі алғашқы мәселе бойынша аудандық арда­герлер кеңесінің төрағасы Өмірсерік Тақырбасов «Ас беру мәдениеті» тақырыбына тоқталды.<blockquote>- Ауқатты отбасылар асқа ірі қара сойып, құрбан шалып жатқанда, жағдайы төмен және орташа отбасылардың одан қа­лысқысы келмейтіні түсінікті. Осыдан келе жұрттан қарыз алып, қауғаланып «парызымды орындаймын» деп дүниеден өткен жандарға ас беріп, шы­ғындалып жүргендер де жоқ емес. Ал шын мәнінде шариғатта: «Жеңілдетіңдер, ауырлатпаңдар, сүйіншілеңдер, қорқытпаңдар!» де­ген. Бүгінгі күні осы сынды әдет-ғұрып пен рәсім реттелмесе, жыл өткен сайын қиындық күшейе түсуі мүмкін. Сол себепті Қазақстан мұсылмандары діни басқармасы осы рәсімді реттеп, бір жүйеге келтіретін арнайы құжат қабылдауды назарға алды. Біз бұл құжатты негізге ала отырып, қоғам болып қолдауымыз қажет. Сонда ғана ысырапшылдықты тоқтатқан болар едік, – деді ардагерлер кеңесінің төрағасы.</blockquote>Мұнан соң &nbsp;сөз алған ауданның бас имамы Әбдіхалық Нәметов &nbsp;жаназа мен жерлеу рәсіміне тоқталды. Басқосу барысында ас беру мәдениеті мен жаназа, жерлеу рәсімдерін бірізділікке түсіру мәсе­лесі жайлы Әбутәліп Сүйіндіков, Әлібек Сүгірбаев, Серік Мұсабай, Әзия Қыстаубаевалар өз пікірлерін білдірді.&nbsp;Жиынды қорытындылаған аудандық ардагерлер кеңесінің төрағасы Өмірсерік Тақырбасов ас беру, жаназа шығару, зират салу, жалпы марқұм болған адамдарды жөн-жоралғыға сәйкес жерлеу мәдениетін халқымыздың дәстүрі мен Қазақстан мұсылмандары діни басқармасының әдістемелеріне негіздеп, бір ізге салу аса маңызды екенін жеткізіп, облыстық ардагерлер кеңесінің үндеуін қолдауға шақырды.<figure class="image"><img src="https://knadmin.beoblood.kz/uploads/zhanakorgan_40fbed9b92.jpeg" alt="жанакорган.jpeg"></figure>

Жаңақорғанда діни рәсімдерді бірізділікке  түсіру жөнінде кеңейтілген жиын өтті 

<a href="https://kyzylorda-news.kz/">Kyzylorda-news.kz</a> Жинақтаушы сақтандыру – отбасының қауіпсіздігін қамтамасыз ету және қаржылық мақсаттарға жету үшін тиімді құрал. Бірақ инвестицияны таңдауда мұқият болып, қаржылық тұрақтылықты ұмытпаған жөн.Fingramota.kz порталына жинақтаушы сақтандыру туралы «Мемлекеттік Аннуитеттік компания» АҚ басқарма төрағасы Қуаныш Мұқажанов айтып берді.Жинақтаушы өмірді сақтандырудың ерекшелігі неде?Жинақтаушы сақтандырудың классикалық сақтандырудан басты айырмашылығы – бұл құрал жинақтау мен сақтандыруды біріктіреді. Яғни, сіз ақша жинап қана қоймай, күтпеген жағдайлардан да қорғалған боласыз. Ал классикалық сақтандыруда сақтанушы белгілі бір соманы төлеп, жағымсыз сценарий орын алса, үлкен соманы алады. Тәуекел неғұрлым жоғары болса, сақтандыру құны да соғұрлым жоғары болады.Қуаныш Мұқажановтың айтуынша, АҚШ-та халықтың жартысынан астамы өмірін сақтандырады, себебі ешкім болмайтын жағдайға төлем жасағысы келмейді. Жинақтаушы сақтандырудың басты артықшылығы – бұл полис шеңберінде клиент ұзақмерзімді келісімшарт жасасып, бірнеше жыл бойы ай сайын немесе жылына бір рет төлем жасай алады. Егер қайғылы оқиға орын алмаса, клиент өз қаражатын жоғалтпайды және одан да жоғары табыс алады. Ал егер жағымсыз жағдай болса, отбасы сіз жинауды жоспарлаған соманы алады.Бұл сақтандыру құралының артықшылықтары мен&nbsp;тәуекелді тұстары<blockquote>«Жинақтаушы сақтандырудың қандай артықшылықтары бар? Жинақтаумен қатар, отбасыңызға сақтандыру қорғауы беріледі, бұл банктік депозитте жоқ мүмкіндік. Жинақтаушы сақтандыру банктен де жоғары табыс және инвестициялық жинақтау шарттарын ұсына алады. Мысалы, еліміздегі банктер АҚШ долларымен салымдар үшін жылдық сыйақы мөлшерлемесін 1%-дан асырмауға міндетті. Бұл дедолларизация саясатына байланысты. Нәтижесінде, салымдардың 75%-ы теңгеде, ал 25%-ы долларда сақталады. Сақтандыру компаниялары АҚШ долларымен банктік депозиттен жоғары табыстылықпен құралдар ұсына алады. Сондай-ақ салықтық жеңілдіктер секілді басқа да артықшылықтар бар», – деп түсіндіреді Қуаныш Мұқажанов.</blockquote>Дегенмен, тәуекелдерді ескеру маңызды: бастысы – сақтандыру компаниясының банкротқа ұшырауы. Бірақ Қазақстанда сақтандыру ұйымдары банктерге қарағанда мұндай жағдайға сирек ұшырайды. Себебі сақтандыру компаниялары кредиттік тәуекелге аз ұшырайды және қаражатты қайда инвестициялайтынына шектеу қойылған. Сондықтан ұзақмерзімді кезеңге сақтандырушыны таңдағанда, лицензиясы бар және беделі жақсы компанияларды мұқият қарау қажет. Сондай-ақ, компанияның акционерлері туралы ақпаратты зерттеу, шарттың барлық талаптарын, оның ішінде сақтандыру жағдайларынан алынатын ерекшеліктер тізімін мұқият оқу керек.<figure class="image"><img src="https://knadmin.beoblood.kz/uploads/26_12_infographic_kaz_2_022b78b111.png" alt="26.12 infographic kaz 2.png"></figure>Қазақстандық сақтандыру компаниялары қандай шарттар ұсынады?Қазақстандағы сақтандыру компаниялары әртүрлі шарттар ұсынады. Мысалы, бір рет үлкен сома салып, оны белгілі бір уақытқа қозғамай, кейін инвестициялық табыс алуға болады. Немесе тұрақты түрде шағын төлемдер жасап отыруға болады – келісімшарт мерзімі неғұрлым ұзақ болса, сыйақы мөлшерлемесі соғұрлым жоғары болады. Мысалы, 20 жылдық келісімшарт бойынша жылдық сыйақы мөлшерлемесі АҚШ долларымен 6,5% болуы мүмкін.Әдетте, сақтандыру компанияларының табыс мөлшерлемесі әртүрлі жас топтарына бірдей. Айырмашылық ерте бұзу (тоқтату) кезіндегі сатып алу сомасында болуы мүмкін және ол келісімшарт мерзімі мен клиенттің жасына байланысты қайта есептеледі. Егер клиент төлемдерді жалғастырмауға шешім қабылдаса, сақтандыру сомасы автоматты түрде қайта есептеледі. Келісімшартта төлемдер мен шарттардың әртүрлі нұсқалары қарастырылуы мүмкін.<blockquote>«Жинақтаушы сақтандыру кезінде ақшаны келісімшартты бұзу (тоқтату) арқылы ғана мерзімінен бұрын алуға болады, және бұл сома басқа мөлшерлеме бойынша қайта есептеледі. Жиналған қаражат әдетте сақтандыру шартында алдын-ала көрсетілмесе басқа мақсаттарға жұмсалмайды. Кейбір сақтандыру компаниялары жинақ кепілімен несие алуға мүмкіндік береді. Мысалы, мемлекеттік аннуитеттік компанияда мұндай мүмкіндік жоқ: сақтандыру шарттарына, ережелерге және басқа құжаттарға ерекше назар аудару қажет», – деп атап өтті Қуаныш Мұқажанов.</blockquote>Маман, сақтандыру компаниясымен келісімшарт жасасқанға дейін барлық құжаттарды, соның ішінде ережелерді, офертаны және сақтандыру полисінің талаптарын мұқият зерттеуге кеңес етеді.Жинақтаушы өмірді сақтандыру – бұл қаржылық жоспарлау құралы. Ол отбасының болашағын қамтамасыз етуге, балалардың білім алуына немесе басқа мақсаттарға жинақтауға көмектеседі, бірақ инвестициялау кезінде сақтық таныту маңызды.<blockquote>Қуаныш Мұқажанов қаржылық сауаттылықты арттыру үшін арнайы әдебиеттерді, мерзімді басылымдарды және сақтандыру тақырыбына арналған қаржылық порталдарды оқуды ұсынады. «Тәуекелдерге сабырмен қараңыз және жауапкершілікпен инвестициялаңыз. Уоррен Баффет сияқты табысты инвесторлардың стратегияларын бақылаған пайдалы», – деп түйіндейді сарапшы.</blockquote>Fingramota.kz-пен бірге қаржылық сауатты болыңыз!

Архив