<a href="https://kyzylorda-news.kz/">Kyzylorda-news.kz.</a> Шиелі ауданының әкімі Нұржан Сәбитұлы Ахатов Мемлекет басшысының Жарлығына сәйкес, Шиелі кентінің тұрғындарымен кездесу өткізді.Кездесулер барысында тұрғындар кент көлемінде атқарылып жатқан ауқымды жұмыстарды көзбен көріп, көңілдерінен шығып жатқандығын жеткізді. Расында, биылғы жылы Шиелі кентінің ішкі жолдарының айтарлықтай ажары кіріп қалды. Мәселен, бүгінде кенттегі Әл-Фараби, Досбол датқа, Дәулеткерей, А.Байтұрсынов, Ы.Жақаев, Абылай хан, Бұдабай, С.Сейфуллин, Шәкәрім көшелері күрделі жөндеуден өтуде. Жұмыстардың жобалық құны 1 млрд 560 млн теңгені құрайды. Мемлекеттік сатып алу конкурсынан «Қызылорда жолдары» ЖШС жеңімпаз атанды. Бұл жұмыстар келесі жылға өтпелі. Биылға бөлінген қаражат 300 млн теңгені құрайды. Оған қоса 23 шақырымдық 59 көше мен тұйықтарға орташа жөндеу жұмыстары жүргізілуде.24-ші бағыттағы қоғамдық көлік мәселесі шешілуі тиісКелесі кезекте кент тұрғындары өздерін толғандырған мәселелерге көшіп, шешімін таппай келе жатқан 24-ші бағыттағы қоғамдық көлік мәселесіне тоқталды. Нақтырақ айтқанда, бұл бағыттағы қоғамдық көлік мәселесі көптен бері көтеріліп келеді. Дегенмен, көлік тасымалымен айналысатын жеке кәсіпкерлер адамдар ағынының аз екендігін сылтауратып, қызмет көрсетуден бастартып отыр.Осы мәселені шешу үшін, аудан әкімінің тікелей тапсырмасымен 24-ші қоғамдық көліктің жүру бағыты «әлеуметтік бағыт» деп танылып, облыстық мәслихаттан жеке кәсіпкердің шығындарын өтеуге қажетті қаражат та қарастырылып отыр. Дегенмен, көлік тасымалымен айналысатын жеке кәсіпкерлер қызмет көрсетушң құлықсыздық танытып отыр.Аудан әкімі бұл мәселеге қатысты аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Ғабит Аманжоловқа тез арада, нақты шешімін қабылдау керектігін ескертті.Сондай-ақ, тұрғындар тарапынан Шиелі кенті, Құрманғазы-Бала би көшесі аралығының жолын жөндеу жұмыстарын жүргізу, Құтпанұлы, Тоқмағанабетов, И.Панфилов көшелеріне балалар ойын алаңын орнату мәселесі, Әл-Фараби көшесі, көп қабатты тұрғын үй сыртын модернизациялау жұмыстарын жүргізу, Шиелі кентінің теріскейбет аумағына жабық спорт кешенін соғу мәселелері көтерілді.

Шиелі ауданының әкімі кент тұрғындарымен кездесті

<a href="https://kyzylorda-news.kz/">Kyzylorda-news.kz.</a> Бүгін Сырдария &nbsp;ауданының әкімі Берік Сәрменбаев Айдарлы, Жетікөл, Аманкелді ауылдарында жүргізіліп жатқан жол жөндеу жұмыстарын көрді. Мердігер мекеме өкілдерімен сөйлесіп, жұмыс сапасын назарға салды.Биыл Айдарлы ауылында 3 көше жөндеуден өткізілуде. Атап айтқанда, Қ.Сәтпаев, А.Жиренов, Ж.Досымбетұлы көшесіне асфальт жабындысы төселуде.Жетікөл ауылында да Рахменше, А.Көзейбаев, П.Сахабаева көшелері орташа жөндеуден өткізілуде.Ал Аманкелді елді мекенінде О.Жалмұрзаев, А.Ағайдаров, Қ.Баймағамбетов, М.Қалымбетов, Жанкина көшелеріне асфальттау жұмыстары жүргізілуде.Ауылдардағы жол жөндеу жұмыстарын «Универсал сервис МН» ЖШС, «Әлем ҚызметGroup» ЖШС, «АйкоСтрой» ЖШС, «Акнур-Авто» ЖШС атқаруда.Аудан басшысы мердігер мекеме өкілдеріне көше жолдарының түзу салынуын, сапалы атқарылуын ескертті. Күнделікті бақылауда ұстауды тиісті сала басшысына тапсырды.

Сырдария ауданына қарасты ауылдарда көшелер асфальттануда

<a href="https://kyzylorda-news.kz/">Kyzylorda-news.kz.</a> &nbsp;Бүгін облыс әкімі Нұрлыбек Нәлібаев Қарттар күніне орай мерекелік іс-шараға қатысып, абыз ақсақалдар мен ақ жаулықты әжелерді құттықтады.<blockquote>«Мемлекет басшысы Қасым-Жомарт Кемелұлы Ұлттық құрылтайдың екінші отырысында: «Адал еңбек етіп, адал табыс тапқан адам жетістікке жетеді, құрметке ие болады. Әділетті Қазақстан және Адал азамат ұғымдары ел тірегі болатын егіз құндылық ретінде әрдайым қатар тұруға тиіс» деген болатын. Саналы ғұмырында адал қызмет атқарып, ел мүддесін бәрінен биік қойған алдыңғы буын аға-апаларымыздың жүріп өткен жолы, қалтқысыз еңбегі бізге үлгі. Сіздер арамызда ақылшы, кеңесші болып, Тәуелсіз елімізді дамытудағы іргелі істерді бірлесе атқаратынымызға сеніміміз мол. Бүкіл елдің сөзін сөйлеп, намысын қорғап, дау-дамайын шешіп, арғы-бергі тарихтан әңгіме қозғап, тұла бойына ұлттық рух, ізгі қасиеттерді молынан сіңірген абыз атана беріңіздер», – деді аймақ басшысы.</blockquote>Мерекелік кеште ел азаматтары Жақай Бодықбаев, мемлекет және қоғам қайраткері Бақберген Досманбетов, Қызылорда облысының құрметті азаматы Алмагүл Божанова сөз сөйлеп, замандастарына бақ-береке тіледі. Мұнан бөлек, аудан ардагерлері өкілдерінің атынан Арал аудандық ардагерлер кеңесінің төрағасы Әділбек Әйімбетов, Қызылорда облысының құрметті азаматы Самұрат Имандосов, Жалағаш аудандық ардагерлер кеңесінің төрағасы Садық Әлиев, ақын, Қызылорда қаласы мен Сырдария ауданының құрметті азаматы Махмұтбай Әмреев, Шиелі ауданының құрметті азаматы Сұлтанбек Оразымбетов ізгі тілектерін арнады.Салтанатты іс-шара мерекелік дастархан мен көңілді концерттік бағдарламаға ұласты.Бүгінде аймағымызда 82 мыңнан астам зейнеткер бар. Оларды әлеуметтік қолдау әрдайым басты назарда, 2 мыңнан астам егде жастағы адам арнаулы әлеуметтік қызметтермен қамтылған. Жыл сайын ардагерлерді қолдауға облыстық бюджеттен мемлекеттік әлеуметтік тапсырыс аясында қаржы бөлініп келеді. Жеңістің 78 жылдығына 2 400 Ұлы Отан соғысы және тыл ардагеріне 332 млн. теңге бір реттік әлеуметтік көмек көрсетілді.<img src="https://knadmin.beoblood.kz/uploads/383390706_617698700551378_4869926844636326483_n_4ca32a8a82.jpg" alt="383390706_617698700551378_4869926844636326483_n.jpg">

Аға буын өкілдеріне құрмет көрсетілді

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданының әкімі Асқарбек Есжанов Жалағаш аудандық мәслихатының кезекті VII сессиясына қатысты.Сессияны аудандық мәслихат төрағасы Өмірзақ Елеусінов жүргізіп отырды. Сессияның күн тәртібіне сәйкес Жалағаш ауданы бойынша жануарлар дүниесін қорғау, өсімін молайту және пайдалану жұмыстарының жайы туралы аудан әкімінің орынбасы Әліби Байнахатов баяндама жасады.2023 жылы «Жалағаш ауданының орман және жануарлар дүниесін қорғау» мемлекеттік мекемесінің орманшы инспекторларына облыстық бюджеттен 95 млн теңге қаражат бөлініп, 1 дана Урал өрт автокөлігі, 10 дана арнайы қызметтік мотоциклдер табысталды.Аудандық мәслихатының кезекті VII сессиясында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидалары бекітілді.Сондай-ақ, «Жалағаш ауданында мүгедектігі бар балалар қатарындағы кемтар балаларды жеке оқыту жоспары бойынша үйде оқытуға жұмсалған шығындарды өтеу тәртібі мен мөлшерін айқындау туралы» Жалағаш аудандық мәслихатының 2021 жылғы 17 қарашадағы N10-2 шешіміне және «Жалағаш ауданы әкімдігінің жанындағы терроризмге қарсы комиссияның дербес құрамын бекіту туралы» Жалағаш аудандық мәслихатының 2018 жылғы 13 шілдедегі N25-2 шешіміне өзгерістер енгізілді.Жалағаш аудандық мәслихатының кезекті VII сессиясына қатысқан аудан әкімі Асқарбек Есжанов бүгінгі қозғалған мәселелер өзекті екенін жеткізіп, алдағы уақытта мәжіліс отырысында нақтыланатынын айтты.Сонымен қатар, аудан бойынша жүзеге асырылып жатқан жобалар қаржылай қолдау тауып, қарқынды іске асырылуы бірлескен жүйелі жұмыстың нәтижесі екенін жеткізді.

Сегізінші шақырылған Жалағаш аудандық мәслихатының кезекті VII сессиясы өтті

<a href="https://kyzylorda-news.kz/">Kyzylorda-news.kz.</a> Қызылордада жеке колледжде оқитын оқушылар бірнеше жылдан бері әлеуметтік төлемнен тыс қалып келеді. Палатаға шағымданған 9 жеке колледжде биылдың өзінде әлеуметтік осал топқа жататын 1431 бала бар екен. Оның 76-сы мүмкіндігі шектеулі. Ал 1335 оқушы облыс орталығына басқа елдімекендерден келіп оқып жатыр.Бұл мәселе Қызылорда облысының кәсіпкерлер палатасы жанындағы Адами капиталды дамыту және бизнестің әлеуметтік саясаты Кеңесінің білім саласы кіші кеңесінде қаралды.Шараға Кәсіпкерлер палатасының директоры Пірмұхаммед Сыздық, жеке колледж және облыстық білім басқармасының өкілдері қатысты.Кеңес отырысында жеке колледждердің өкілдері мемлекеттік колледжде оқитын оқушыларға төленіп жатқан әлеуметтік төлем жеке колледждің білім алушыларына қолжетімсіз болып отырғанын жеткізіп, мәселені шешуге көмек сұрады.Бұл жерде мәселе мынада. Колледждерде басқа елді мекендерден келіп оқитын мемлекеттік тапсырыспен білім алушыларға жол ақысы төленуі керек. Ал осал топтағы оқушылар ыстық тамақпен қамтылып, мүмкіндігі шектеулі оқушыларға қосымша төлемдер жүргізілуі тиіс.&nbsp;Оған негіз Қазақстан Республикасы Үкіметінің 2012 жылғы 12 наурыздағы № 320 қаулысы, сондай-ақ Оқу-ағарту министрлігінің № 497 бұйрығы.&nbsp;Бұл әлеуметтік төлемдерге қаржы жергілікті бюджеттен қарастырылуы қажет. Мемлекеттік колледже оқитын балаларға ол қолдаумен толық қамтамасыз етілген. Ал жеке колледждерге осы уақытқа дейін бір тиын да төленбеген.<blockquote>«Біз аудан, ауылдан облыс орталығына келіп оқитын білім алушыларымыз үшін жол ақыны өз қалтамыздан төлеуге мәжбүрміз. Неге жеке колледжде оқып жатқан балалардың құқығын шектейміз? Біздің оқушыларымыздың ата-аналары қайта-қайта келіп наразылықтарын білдіріп жатыр. Оларға не деп жауап береміз?», – деді Абылайхан атындағы жоғары колледжінің құрылтайшысы Руслан Дүлдүл.</blockquote>Облыстық білім басқармасының өкілі Светлана Шамшатова жеке колледждер нормативтік құжатта көрсетілмегеннен кейін қаржы бөлуге негіз болмай отырғанын жеткізген еді.Оған Руслан Дүлдүл № 320 қаулыда шектеу жоқ екенін айтты.<blockquote>«Бұл бағыттағы нормативтік-құқықтық құжаттардың барлығын толық зерттеп шықтық. Онда тек мемлекеттік колледждердің оқушыларына ғана төленсін деген шектеу жоқ. Жан басына шаққандағы мемлекеттік қаржыландырудың басталғанына да үш жыл болды. Әлеуметтік төлемдер үшін мемлекеттік колледждерге жергілікті бюджеттен қаржы бөлініп отырғанынан хабардармыз. Сол үшін бұл қаржыны жеке колледждерге де қарастыруларыңызды сұраймыз», – деді білім саласы кіші кеңесінің жетекшісі Руслан Дүлдүл.</blockquote>Сонымен бірге шарада Байқоңыр қаласындағы жеке колледждердің де мәселесі қаралды. Кәсіпкер Әнуар Дәуленбаев Байқоңырдың ерекше статусына орай жан басына шаққандағы қаржыландыру қаралған нормативтік құжатқа өзгеріс енгізуді ұсынды.<blockquote>«Байқоңыр қаласында коммуналдық шығындар Ресей рублімен есептеледі. Рубль бағамы түссе қуанамыз, көтерілсе мүлдем шығынға ұшыраймыз. Осы орайда Байқоңыр қаласына қатысты бөлек тариф па, норматив па бекітіп берсе екен», – деді ол.</blockquote>Отырыстың қорытындысында кеңес мүшелері әлеуметтік төлем үшін жеке колледжде оқитын білім алушыларға қаржы қарастыру жөнінде облыс басшысы мен мәслихатқа, Байқоңыр қаласының мәселесіне қатысты Оқу-ағарту министрлігіне ұсыныс жолдау жөнінде шешім шығарды.&nbsp; &nbsp;

Қызылордада жеке колледжде оқитын оқушылар бірнеше жылдан бері әлеуметтік төлемнен қағылып келеді

<a href="https://kyzylorda-news.kz/">Kyzylorda-news.kz.</a> Қожамберді ауылы халқының тұрмыстық әл-ауқатын, тыныс тіршілігін жақсарту мақсатында биылғы жылы ауылымыздағы барлық көшелердің ауыз су жүйесін жаңалау жұмыстары жүргізілуде. Сонымен қатар орталықтанған су жүйесіне жөндеу жұмыстары жүргізілуде.Орталықтанған су жүйесінің сыртқы қоршаулары жаңаланып, су сақтайтын қойма толықтай сырланды. Ауыз су жүйесінің жүргізілуі барысында асфальттанған көшелердің бұзылмауын қамтамасыз ету мақсатында арнайы техникалардың(рутор) көмегімен қазылды.Қазіргі таңда Көккесене, Б.Тойлыбек, М.Көкенов, Б.Жантілесов, Қалкөз, М.Шадиков көшелері толықтай қазылып, құбырлары жаңартылды. Орталық Шәймен көшесінде жұмыстар жүріп жатыр. Т.Құлбаев және А.Мейірбеков көшелеріне алдағы күндері құбырларды жаңарту жұмыстары жүретін болады.Бүгінгі күні аталған жобаның құрылыс жұмыстарын “Дәнекер” ЖШС мердігер мекемесі жүзеге асыруда.

Жаңақорғанда ауыз су құбырын қайта жаңғырту жұмыстары қарқынды жүруде

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының 85 жылдығы аясында «Анаға тағзым» орталығы ел игілігіне табысталды. Рәсімде облыс әкімі Нұрлыбек Нәлібаев жерлестерін құттықтады.<blockquote>«Ұлы жазушымыз Мұхтар Әуезовтің «Ел боламын десең, бесігіңді түзе» деген қанатты қағидасы бүгін де мәнін жоғалтқан жоқ. Кезінде Социалистік Еңбек Ері атанған 12 ақ жаулықты аналарымыз шыққан біздің киелі өңірде қажырлы еңбегімен ел ықыласына бөленіп жүрген олардың ізбасарлары да жетерлік. Алдағы уақытта осы ғимаратта өткенге құрмет көрсетіліп, ұлттық құндылықтар дәріптеліп, салт-дәстүрлеріміз насихатталады», – деді аймақ басшысы.</blockquote>Аналарымыздың құрметіне бой көтерген «Анаға тағзым» орталығы аймақ жұртшылығына атымтай жомарттығымен танымал, белгілі кәсіпкер Дүйсенбаев Марат Базарбайұлының 1,7 млрд. теңге демеушілігімен салынды. Өңір басшысы меценатқа Сыр жұртшылығы атынан алғыс айтып, Қызылорда облысының Құрмет грамотасын табыстады. Іс-шарада ғимарат құрылысын жүргізген компания қызметкерлері де алғысқа бөленді.Еңбек ардагерлері Дайрабай Ысқақов, Алма Бақтиярова, Әзия Қыстаубаева жерлестерін жаңа орталықтың ашылуымен құттықтап, Т. Жүргенов қорының төрағасы Сәпен Аңсат бата берді.Айта кетейік, Мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Қазақстан халқына Жолдауында экономиканы өркендетуге және халықты жұмыспен қамтуға ықпал ететін тағы бір бағыт – креативті индустрияны жан-жақты дамытуды жүктеді. Президент тапсырмасына сәйкес «Анаға тағзым» орталығы ғимаратынан «Әйелдердің креативті индустрия орталығы» жұмысын бастайды. Қолынан іс келетін, жаңаша ұлттық брендтерді ойлап тауып, экспорт дамуына үлес қосатын жерлестерімізді бір жерге шоғырландырып, жаңа жұмыс орындарының ашылуына да жағдай жасалмақ. Мұнан бөлек, ғимаратта «Мирас» әжелер клубы, «Ұлт жақұты» музей залы, «Бойтұмар» қыздар клубы, «Сырғалым» сырласу клубы, «Жас отау» жас отбасылар мектебі, «Ана тілі» дебат клубы құрылды.<figure class="image"><img src="https://knadmin.beoblood.kz/uploads/378393633_617693447218570_2520189646427812827_n_f75ae90e5f.jpg" alt="378393633_617693447218570_2520189646427812827_n.jpg"></figure>&nbsp;<figure class="image"><img src="https://knadmin.beoblood.kz/uploads/378387502_617693103885271_6150315932399261929_n_ff4ed19984.jpg" alt="378387502_617693103885271_6150315932399261929_n.jpg"></figure>&nbsp;<figure class="image"><img src="https://knadmin.beoblood.kz/uploads/376803574_617694477218467_6855948303822254683_n_0b7bcbe0d3.jpg" alt="376803574_617694477218467_6855948303822254683_n.jpg"></figure>&nbsp;<figure class="image"><img src="https://knadmin.beoblood.kz/uploads/377705416_617695853884996_5020209938865535966_n_d88df8a8c5.jpg" alt="377705416_617695853884996_5020209938865535966_n.jpg"></figure>&nbsp;<figure class="image"><img src="https://knadmin.beoblood.kz/uploads/377412635_617694620551786_3274644547973367489_n_7e7b1b1ba6.jpg" alt="377412635_617694620551786_3274644547973367489_n.jpg"></figure>&nbsp;<figure class="image"><img src="https://knadmin.beoblood.kz/uploads/382966751_617695937218321_3728041666289602403_n_5150939efb.jpg" alt="382966751_617695937218321_3728041666289602403_n.jpg"></figure>&nbsp;<figure class="image"><img src="https://knadmin.beoblood.kz/uploads/382987683_617695000551748_7775857796833593581_n_c8d4f41f3b.jpg" alt="382987683_617695000551748_7775857796833593581_n.jpg"></figure>&nbsp;<figure class="image"><img src="https://knadmin.beoblood.kz/uploads/384193620_617695063885075_6929658792835662399_n_031d0fadf1.jpg" alt="384193620_617695063885075_6929658792835662399_n.jpg"></figure>&nbsp;<figure class="image"><img src="https://knadmin.beoblood.kz/uploads/377673238_617694673885114_9150740585922938295_n_c24c02b79e.jpg" alt="377673238_617694673885114_9150740585922938295_n.jpg"></figure>&nbsp;<figure class="image"><img src="https://knadmin.beoblood.kz/uploads/382984965_617694753885106_3650960137053484860_n_35416c4dae.jpg" alt="382984965_617694753885106_3650960137053484860_n.jpg"></figure>

Қызылордада «Анаға тағзым» орталығы жұмысын бастады

<a href="https://kyzylorda-news.kz/">Kyzylorda-news.kz.</a> Бұрын отбасылық өмірдегі алғашқы құжатын мейрамханалар мен табиғат аясында рәсімдеген жұбайлар енді бұл маңызды іс-шараны сәні мен салтанаты жарасқан Неке сарайында өткізеді. Аймақтың 85 жылдық мерейтойы мен Қала күні аясында есігін айқара ашқан жаңа ғимарат жас жұбайлардың маңызды қадам жасайтын орны болмақ.Облыс әкімі Нұрлыбек Нәлібаев қызылордалықтарды жаңа нысанның ашылуымен құттықтап, мереке күндері қаламызға сән берген әсем ғимараттар, көз тартар көркем аллеялар тарту етілгенін атап өтті.<blockquote>«Мемлекет басшысы Қасым-Жомарт Кемелұлы Тоқаев «Халқымыз қай заманда да отбасы дәстүрін берік ұстанып, қадірлей білген» деген болатын. Бұл орталықты іске қосудың әлеуметтік маңызы өте зор. Жыл сайын Сыр өңірінде мерейлі отбасылар саны артып келеді. Биыл «Отбасы күні» қарсаңында Астана төрінде 10-шы рет өткен «Мерейлі отбасы» ұлттық конкурсында жерлесіміз, ғасыр жасаған қазалылық майдангер, қазыналы қарт Қабақ Смағұловтың әулеті лауреат атанды. Бұл Сыр жерінде отбасы құндылықтарын берік ұстаған өнегелі әулеттер біздің мақтанышымыз. Неке сарайы ғимаратын аша отырып, бұл дәстүрді одан әрі дәріптейтін боламыз. Орталықта қалыптасқан қағидаға сәйкес «қазақы қарашаңырақ» идеологиясы дәріптеліп, рухани кемелденген жаңа буын қалыптастыруға жағдай жасалатын болады», – деді аймақ басшысы.</blockquote>Нұрлыбек Машбекұлы Неке сарайы ғимаратын сапалы салып, мерзімінде тапсырған «Авангард» ЖШС басшысы Расул Искаковқа Қызылорда облысының Құрмет грамотасын табыстап, компания қызметкерлеріне алғыс табыстады.Мұнан бөлек, Сұлтан Бейбарыс көшесі бойындағы аллеяны салған «Техоснастка» мекемесі мен облыс көлемінде ауқымды жол құрлыстарымен айналысып келе жатқан «УАД» компаниясының басшылары мен қызметкерлері де марапат төрінен көрінді.Отбасылық өмірге жаңа қадам басқан жас жұбайлар лебізін білдіріп, еңбек ардагері Жарылқасын Шәріпов жерлестерін құттықтады. Ал «Мерейлі отбасы» ұлттық байқауының лауреаты, ғасыр жасаған абыз ақсақал Қабақ Смағұлов ақ батасын берді.Айта кетейік, жаңа нысанда неке қию рәсімделіп ғана қоймай, жастардың жұбайлық өмірге бейімделуіне, денсаулығын сақтауына, жұмыспен қамтылуына, тұрғын үйге кезекке тұруына, ұлттық салт-дәстүрді сіңіруіне жәрдемдеседі. Мұнда Жастар денсаулығы, «Анаға тағзым» орталықтары, «Отбасы» банкі, «Бақытты отбасы» жұмыспен қамту орталығы келушілерге қызмет көрсетеді.Бүгінде облыста 141 мыңнан аса отбасы болса, оның 48 мыңнан астамы – көпбалалы аналар, 17 мыңға жуығы – «Алтын алқа» мен «Күміс алқа» иегері.<figure class="image"><img src="https://knadmin.beoblood.kz/uploads/384099226_617686023885979_7654873312650755625_n_08e69172a6.jpg" alt="384099226_617686023885979_7654873312650755625_n.jpg"></figure>&nbsp;<figure class="image"><img src="https://knadmin.beoblood.kz/uploads/384202986_617684817219433_3364175893833998181_n_9e9b462965.jpg" alt="384202986_617684817219433_3364175893833998181_n.jpg"></figure>&nbsp;<figure class="image"><img src="https://knadmin.beoblood.kz/uploads/384190517_617685520552696_8014917949247193274_n_b830e4186f.jpg" alt="384190517_617685520552696_8014917949247193274_n.jpg"></figure>&nbsp;<figure class="image"><img src="https://knadmin.beoblood.kz/uploads/384101795_617684753886106_4499291694231159062_n_a1883bc1af.jpg" alt="384101795_617684753886106_4499291694231159062_n.jpg"></figure>&nbsp;<figure class="image"><img src="https://knadmin.beoblood.kz/uploads/383997584_617684977219417_3870576869079186430_n_ad8eb92226.jpg" alt="383997584_617684977219417_3870576869079186430_n.jpg"></figure>&nbsp;<figure class="image"><img src="https://knadmin.beoblood.kz/uploads/377705461_617684877219427_4639254150274229382_n_893f0b977e.jpg" alt="377705461_617684877219427_4639254150274229382_n.jpg"></figure>&nbsp;<figure class="image"><img src="https://knadmin.beoblood.kz/uploads/383995890_617686527219262_5659925965380957632_n_ce67f22dcc.jpg" alt="383995890_617686527219262_5659925965380957632_n.jpg"></figure>&nbsp;<figure class="image"><img src="https://knadmin.beoblood.kz/uploads/382946456_617685700552678_9022652233621104264_n_dee609e98f.jpg" alt="382946456_617685700552678_9022652233621104264_n.jpg"></figure>

Қызылордада неке сарайы ашылды

<a href="https://kyzylorda-news.kz/">Kyzylorda-news.kz.</a> Қытайдың Ханчжоу қаласында өтіп жатқан XIX жазғы Азия ойындарында Қорқыт ата атындағы Қызылорда университетінің түлектері &nbsp;дзюдодан қола медаль олжалады.Жазғы Азиаданың алғашқы күнінде Мағжан Шамшадин 60 келіге дейінгі салмақта қола жеңіп алды. Үшінші орын үшін күресте отандасымыз Тәжікстаннан келген палуан Мерзод Суфиевті жеңді.Ал дзюдошы Абылайхан Жұбаназар 81 келі салмақта 3-орын үшін өзбекстандық Мусо Собировпен шеберлік байқасып, қарсыласын иппон әдісімен жеңіп кетті. Байрақты бәсекеде спортшы қола жүлдені иеленді.&nbsp;Азия ойындарында 100 келіге дейінгі салмақ дәрежесінде үшінші орынға таласқан Нұрлыхан Шархан Оңтүстік Корея өкілі Йон Хун Воннан басым түсті.Университет түлектерінің үшеуі де Қорқыт ата атындағы Қызылорда университетінде «Дене шынықтыру және спорт» мамандығында білім алған.Айта кету керек, дүбірлі додада ел мерейін арттырған спортшылар – ҚР Ұлттық құрама командасының мүшесі. &nbsp;Мағжан Шамшадин мен Абылайхан Жұбаназар дзюдодан ҚР халықаралық дәрежедегі спорт шебері, ал Нұрлыхан Шархан ҚР спорт шебері.&nbsp; &nbsp;<figure class="image"><img src="https://knadmin.beoblood.kz/uploads/N_rlyhan_Sharhan_3_42356a1869.webp" alt="Нұрлыхан Шархан 3.webp"></figure>&nbsp;<figure class="image"><img src="https://knadmin.beoblood.kz/uploads/Ma_zhan_Shamshadin1_700ccde65f.webp" alt="Мағжан Шамшадин1.webp"></figure>

Қызылордалық түлектер ХІХ Азия ойындарында жүлдегер атанды

<a href="https://kyzylorda-news.kz/">Kyzylorda-news.kz.</a> Бүгінде ауыл шаруашылығы саласы – ел экономикасының негізгі тірегі болғандықтан, онда қызмет ететін әрбір маманның жауапкершілік жүгі жеңіл емес. Солардың қатарында – «Мағжан и К» ЖШС бас агрономы Манарбек Тұрсынбеков те бар. Ол Сыр салысының сырын жақсы меңгерген. Олай дейтін себебіміз, ол осы салада 10 жылдан астам адал еңбегімен қызмет етіп келеді. Жыл сайын ерте көктемнен атыз жағалап, қамбаға мол өнім жинау үшін барын салады.&nbsp;Бүгін Қызылорда облысының Өңірлік коммуникациялар қызметінің ақпарат алаңында еңбегімен елдің батасын алған Манарбек Күмісбайұлы БАҚ өкілдеріне өзінің жұмысының барысын баяндады.<blockquote>–2012 жылдан бастап ауыл шаруашылығы саласында оның ішінде күріш егумен айналысып келе жатырмын. Осы уақыт аралығында Сырдың басты брендіне айналған ақ күріштің сырын жақсы меңгеріп, күзгі егін жинау маусымында мол өнім жинап келеміз. Қазіргі таңда менімен бірге 10-ға жуық адам еңбек етеді. Барлығымыз ерте көктемнен күріш егумен айналысып, жаз бойы осы егіннің басында жүреміз. Өздеріңіз білетіндей, соңғы жылдардағы су тапшылығы шаруаларға қиындық келтіруде. Дегенмен, жаңа технологиялардың көмегімен барлығы реттеліп келе жатыр. Биыл 4860 гектардан 3700-ден астам центнер өнім жинадық. Қазір де өнім жинау тоқтаған жоқ. Жалпы біз 2 түрлі сорттағы күрішті егеміз. Өзім осы салада қызмет ететініме ризамын. Жыл сайын еңбегіміз еленіп, халық батасын беріп жатады. Сондықтан, жастарды еңбек етуден жалықпауға шақырамын!, - деді Мағжан и К» ЖШС бас агрономы Манарбек Күмісбайұлы.</blockquote>

Манарбек Тұрсынбеков: Жастарды еңбек етуден жалықпауға шақырамын

<a href="https://kyzylorda-news.kz/">Kyzylorda-news.kz.</a> <a href="https://korter.kz/%D0%BF%D1%80%D0%BE%D0%B4%D0%B0%D0%B6%D0%B0-%D0%BA%D0%B2%D0%B0%D1%80%D1%82%D0%B8%D1%80-%D0%B0%D0%BB%D0%BC%D0%B0%D1%82%D1%8B-%D0%BE%D0%B4%D0%BD%D0%BE%D0%BA%D0%BE%D0%BC%D0%BD%D0%B0%D1%82%D0%BD%D1%8B%D0%B5">Жаңа ғимаратта пәтер</a> сатып алу белгілі бір қауіп тәуекелмен жүзеге асады, сондықтан бұған сақтықпен қарау керек. Кейіннен қиындықтар туындамауы үшін, сатып алуға мұқият дайындалу және жоба туралы мүмкіндігінше көбірек ақпаратты білу керек. Оны салушы құрылыс компаниясын тексеруден бастаңыз.Құрылыс компаниясының сипаттамаларыӘлі салынбаған үйде пәтер сатып алғанда, сатып алушының мәміле жасамас бұрын онда келіп, үйдің жобасын көруге мүмкіндігі болмайды. Сол себепті, құрылыс компаниясын дұрыс таңдау өте маңызды. Сатып алушылардың көпшілігі тұрғын үйді бағасына қарап таңдайды, ал бұл өте қауіпті. Өйткені, құрылыс компаниясының беделі мен имиджі, БАҚ-тағы ол туралы ақпарат, пайдалануға берілген жобалардың сапасы және олардың тұрғындарының пікірі сияқты басқа да параметрлерді ескеру қажет. Құрылыс компаниялары туралы көптеген ақпаратты&nbsp;<a href="https://korter.kz/%D0%B7%D0%B0%D1%81%D1%82%D1%80%D0%BE%D0%B9%D1%89%D0%B8%D0%BA%D0%B8-%D0%B0%D0%BB%D0%BC%D0%B0%D1%82%D1%8B">korter.kz</a> сайтынан көруге болады. Сенімді құрылыс салушылар өздері туралы ештеңе жасырмайды, сондықтан бас кеңсе мен компанияның құрылтайшылары туралы ақпаратты табу қиынға соқпайды. Ипотека бойынша пәтер сатып алу мүмкіндігі бар-жоғын және компания банктермен бірлесіп жұмыс жасайтындығы жайлы біліп алыңыз. Құрылыс компаниясының серіктес банктері болуы өте жақсы белгі болып табылады.Адал құрылыс компаниясының белгісі келесі құжаттардың болуы болып табылады:<ul><li style="text-align:justify;">Құрылыс жұмыстарын жүргізуге рұқсат;</li><li style="text-align:justify;">Жер учаскесіне құқық;</li><li style="text-align:justify;">Үлестік құрылысқа арналған құжат (үлескерлердің қаражатын тартуға әкімдіктің рұқсаты немесе Бірыңғай оператордың кепілдігі);</li></ul>Тексеру қажет құжаттардың толық тізімімен "тұрғын үй құрылысына үлестік қатысу туралы" ҚР Заңында танысуға болады.Құрылыс компаниясында құжаттардың түпнұсқалары болуы міндетті.Келісім-шарттың түрлеріСалынып жатқан үйде құрылыс компаниясынан пәтер сатып алу үлестік қатысу туралы шарттың (ҮҚШ) көмегімен рәсімделетінін есте ұстаған жөн. Шарттардың басқа түрлерін пайдалана отырып, мәмілені рәсімдеу заңсыз болып табылады.Қазақстан Республикасының заңнамасына сәйкес, құрылыс салушылар мына шарттарға сәйкес келсе ҮҚШ жасай алады:<ul><li style="text-align:justify;">бірыңғай оператор кепілдігінің болуы ("ҚЖК"АҚ);</li><li style="text-align:justify;">екінші деңгейдегі банктің жобасына қатысу;</li><li style="text-align:justify;">ғимараттың қазірдің өзінде салынған қаңқасының болуы (жобада көрсетілген жұмыстардың кем дегенде 80% орындалуы керек).</li></ul>Егер құрылыс салушы үй салуға басқа тәсілдермен қаражат тартса, оның әрекеті заңсыз болып табылады. Өз қаражатыңыз бен мүлігіңізді жоғалтпау үшін мұны есте сақтаған жөн.Уәкілетті компания және оның құрылыс компаниясынан айырмашылығыҚұрылыс компаниясы үлескерлердің қаражатын алуға құқылы емес болғандықтан, ол сатуды жүзеге асыруға делдал болатын заңды тұлға көмегіне жүгіне алады. Бұл Уәкілетті компания деп аталады. Бұл ретте құрылыс салушыда осындай бірнеше компания болуы мүмкін, олар үлескерлердің қаражатын жинау үшін жеке есеп айырысу шоты бар әрбір көппәтерлі үйге біреуден келеді. Мұндай схема ашықтықты сақтауға көмектеседі және компанияға бір уақытта бірнеше жоба салуға мүмкіндік береді.Құрылыс салушының қолтаңбасын қалай тексеруге боладыӘрбір құрылыс салушының қол қою құқығы кімге тиесілі екенін білуге арналған Жарғысы болуы керек. Егер компания цифрлық қолтаңбаны пайдаланса, онда сіз e-gov.kz порталы арқылы&nbsp; меншік иесі туралы деректерді біле аласыз. Егер белгілі бір адам осы құқыққа ие болса, онда сіз оны растайтын құжаттың көшірмесін талап ете аласыз.Құрылыс салушылардың алаяқтық істеріӨкінішке орай, жылжымайтын мүлік нарығында құрылыс салушылар тарапынан алаяқтық схемаларға тап болу қаупі бар. Одан өзіңізді қорғау үшін келесілерді тексеру қажет:<ul><li style="text-align:justify;">компанияның атауы;</li><li style="text-align:justify;">тіркелген мекен-жайы;</li><li style="text-align:justify;">салушы құрылыс компаниясының және уәкілетті компаниялардың тіркеу туралы деректері.</li></ul>Келесі құжаттардың көшірмелерін сұрауды ұмытпаңыз:<ul><li style="text-align:justify;">компанияның мемлекеттік тіркелгенін растайтын анықтамалар;</li><li style="text-align:justify;">Бірыңғай оператордың кепілдігін алу туралы сертификат ("Қазақстандық тұрғын үй компаниясы"АҚ);</li><li style="text-align:justify;">жобалық құжаттама;</li><li style="text-align:justify;">учаскені пайдалану құқығын растайтын құжаттар.</li></ul>Әрбір құрылыс салушы компания жұмыстың басталғаны туралы ресми түрде хабарлауы керек. Адал кәсіпорынның ештеңе жасырмайтынын естен шығармаған жөн. Сәйкесінше, құрылыс процесі, жобаны іске қосу күні және өзі туралы басқа ақпарат туралы кез келген деректерді сұраған жағдайда, компания сатып алушымен қажетті мәліметтерді еш қиындықсыз бөліседі.&nbsp;

Пәтер сатып алмас бұрын салушы құрылыс компаниясының қандай құжаттарын тексеру керек?

<a href="https://kyzylorda-news.kz/">Kyzylorda-news.kz.</a> Шиелі ауданында ауыл спортшыларының 36-шы облыстық “Алтын күз - 2023” спартакиадасы бастау алды.1000-нан аса спортшы спорттың 16 түрінен бақ сынайтын додаға Қазалы ауданынан 18 жаттықтырушы, 5 төреші және 141 спортшы барды.

Архив