<a href="https://kyzylorda-news.kz/">Kyzylorda-news.kz.</a> Қазалылық жеке кәсіпкер Раушан Қожағұлова 1 маусым – Халықаралық балаларды қорғау күніне орай аудандағы ерекше балаларға арнап қайырымдылық дастархан жайды.Мерекелік дастарханға мүмкіндігі шектеулі балалар, үйде арнаулы әлеуметтік қызмет көрсету бөлімшесінен қызмет алушы 120 бала қатысты.&nbsp;Шарада аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Совет Бабанаев балаларды келе жатқан мерекемен құттықтап, игілікті іске ұйытқы болған жеке кәсіпкерге алғысын айтты. Сонымен қатар Раушан Алимусақызын аудан әкімінің «Алғыс хатымен» марапаттады.&nbsp;Мұнан соң жиынға келген ата-аналар да балаларды мерекемен құттықтап, жыл сайын үрдіске айналдырып, қайырымдылық жасап келе жатқан жеке кәсіпкерге және әлеуметтік қызметкерлерге ризашылықтарын білдірді.&nbsp;<blockquote>«Бүгін ерекше күн болды. Балаларымыз қуанып қалды. Ерекше бала болғандықтан көп жерлерге апара алмаймыз. Жиі серуендеуге де мүмкіндігіміз болмай жатады. Керемет көңі-күй сыйлаған кәсіпкерге алғысымыз шексіз. Несібесі молайып, кәсібі өркендей берсін деген тілек білдіреміз», – дейді бір топ ата-ана.&nbsp;</blockquote>Мерекелік кеште балалар аниматорлармен бірге ән айтып, би билеп, көңіл көтерді. Сондай-ақ, таратылған тәттілер мен балмұздақтан дәм татып, ерекше әсерге бөленді.

Қазалыда ерекше балалар үшін ерекше күн болды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың 2021 жылғы 16-17 тамыздағы Корея Республикасына жасаған мемлекеттік сапары екі ел арасындағы достық қарым-қатынастарды нығайта түсті. Оның ішінде генерал Хон Бом До сүйегін тарихи отанына қайтару рәсімі Қызылорда облысы мен Корея Республикасының өңірлері арасында екіжақты байланыстардың орнауына және дамуына зор серпін берді.ҚР Сыртқы істер министрлігі мен ҚР Корея Республикасындағы Елшілігінен облыс делегациясының Кореяға сапарын қолдайтыны туралы хаттар, биыл Корея Республикасы Тэчжон қаласы мэрінің және Чоллабук-до провинциясы губернаторының шақыру хаттары келіп түскен еді.Осыған орай, ел Президентінің шетелден инвестиция тарту жөніндегі тапсырмасына сәйкес облыс әкімі Нұрлыбек Нәлібаев бастаған облыс делегациясы 22-24 мамыр аралығында Корея Республикасының Сеул қаласына іссапармен барды. Іссапар барысында аймақ басшысы бірқатар іскерлік кездесулерге қатысып, өңірдің инвестициялық жобаларын таныстырды. Кореяның озық өндірістік технологияларын Сыр елінде енгізудің артықшылықтарына баса назар аударып, ынтымақтастық туралы меморандумдарға қол қойды.Делегация құрамында Қазақстан Республикасының Кореядағы Төтенше және Өкілетті Елшісі Б. Дүйсенбаев, облыстық мәслихат төрағасы Н.Байқадамов, Қорқыт ата атындағы Қызылорда университетінің ректоры Б.Кәрімова бар.Іссапардың басты мақсаты – өңірге, өндіріс саласына шетелдік инвестиция тарту, жаңа өндіріс орындарын ашу. Аймаққа озық технологиялар әкелу және тәжірибе алмасу бағыттарында өзара ынтымақтастық орнату.Іссапардың алғашқы күні делегация мүшелері білім және ғылым салаларында ынтымақтастық орнату үшін Шинхан университетінің президенті Канг Сонг Чонг мырзамен кездесті. Әлеуметтік ғылымдар бағыты бойынша Кореяның маңдайалды ЖОО-лардың бірі – Шинхан университеті 1960 жылы құрылған.Кездесуде Канг Сонг Чонг мырза Қызылордада университет филиалын ашуға ынталы екенін білдірді. Осы ретте алдағы 20-30 жылдықта өңірдің еңбек нарығында қандай мамандықтардың сұранысқа ие болатынын екіжақты зерттей келіп, жоғары оқу орнын ашу жоспарлануда. Бұл мәселелерді әрі қарай пысықтау үшін алдағы шілде айында Шинхан университеті президентінің Қызылордаға іссапарын ұйымдастыру көзделген. Еңбек нарығының болашақтағы бағыты зерттелгеннен кейін Шинхан университетінің филиалы қандай мамандықтар бойынша ашылатыны нақтыланады.Аймақ басшысы білім беруге, ғылымды өркендетуге салынған инвестицияның қайтарымы келешекте айқын көрінетінін айтып, осы саладағы жобаларды қолдап келеді.Делегацияның Корея Республикасындағы іссапары Сеул Ұлттық ғылыми-техникалық университетінің Президенті Ли Донг Хун мырзамен кездесумен жалғасты. Басқосуға ҚР Ғылым және жоғары білім министрі Саясат Нұрбек вице-министрлермен бірге онлайн қосылып, бастамаларға қолдау көрсетілетінін айтты.&nbsp;Президент Қасым-Жомарт Кемелұлы Тоқаевтың білім сапасын арттыру үшін әлемдегі озық жоғары оқу орындарының филиалдарын елімізде ашуды тапсырғаны белгілі. Бұл ең алдымен білікті мамандарды оқытып шығаруға, жоғары технологияларды игеруге жол ашады.Корея – білім және ғылым, биотехнология, медицина, жасанды интеллект салаларында алдыңғы қатардағы мемлекеттердің бірі. Делегация мүшелері білім және ғылым салаларында бірлескен жобаларды жүзеге асыруға баса мән берді. &nbsp;Корея мен Қазақстан арасында жоғары білім саласындағы екіжақты ынтымақтастықты дамыту үшін биыл Халықаралық ынтымақтастық жөніндегі жетекші университеттік жоба әзірленді. Жоба Корея Республикасының Үкіметінде мақұлданып, Білім министрлігінен гранттық жоба ретінде 1 млрд теңгедей қаржы бөлінеді.&nbsp;Жоба аясында Қорқыт Ата университетінде жасанды интеллект мектебінің құрылуы – тек Қызылорда облысының ғана емес, жалпы еліміздің білім саласындағы үлкен жетістік.Нәтижесінде өңірімізде IT технологиялар, киберқауіпсіздік және компьютерлік ғылымдар бойынша білім беріледі. Облыс әкімдігі өз кезегінде бұл жобаның өңірімізде сәтті іске асырылуына жан-жақты қолдау көрсетеді.&nbsp;Аймақ басшысы екі білім ордасы арасындағы ынтымақтастық білім және ғылым саласындағы жаңа ғылыми жетістіктерге жол ашатынын атап өтті.23 мамыр күні Сыр өңірінің делегациясы Корея Республикасы Тэджон қаласының мэрі Ли Чан Ву мырзамен кездесті. Қызылорда облысы мен Тэджон қаласын ерекше тарихи байланыстар біріктіреді. 2021 жылдың тамыз айында Кореяның ұлттық батыры Хон Бом Доның сүйегі Қызылордадан осы Тэджон қаласының Ұлттық зиратына әкелініп жерленген болатын.Кореяның ең ірі қалаларының бірі және ғылыми-технологиялық астанасы – Тэджон қаласымен тиімді ынтымақтастық орнатудың жөні бөлек.&nbsp;Өзара байланыстарды одан әрі дамыту мақсатында тараптар келіссөз жүргізіп, екіжақты ынтымақтастықтың бағыттарын айқындады. Кездесу нәтижесінде Тэджон қаласының мэрі Ли Чан Ву мырза мен Қызылорда облысы әкімі Н.Нәлібаев өңірлер арасындағы байланысты өркендету үшін бауырластық қатынастар орнату туралы Меморандумға қол қойды. Меморандум аясында сауда-экономикалық, инвестициялық, мәдени-гуманитарлық, туризм, білім және ғылым салаларында өзара ынтымақтастықты дамыту көзделген.Айта кету керек, Корея университеттерінің басты артықшылығы – мұндағы оқу орындарының жанында ғылыми-тәжірибелік зертханалар, өндірістік базалар бар. Зерттеу жұмыстарының іс жүзінде, яғни теорияның практикада қолданылуына ерекше мән беріледі. Студенттер білім алумен қатар, оқу орны жанындағы зертханаларда, өндірістік базаларда тәжірибе жинақтап, диплом алған кезде мамандығының қыр-сырын жан-жақты меңгеріп шығады. Практикада шыңдалған мамандарға жұмыс табу қиынға соқпайды. Сол себепті, Қызылорда облысы Корея Республикасының ғалымдарымен әріптестік орнатып, озық тәжірибелерін Сыр өңірінің білім ордаларында енгізуге мүдделі. Сеул Ұлттық ғылыми-техникалық университеті Нью-Йорк университетімен тығыз қарым-қатынас орнатқан. Осындай озық оқу орындары таратқан ілім-білімді біздің түлектеріміз де игерсе деген жоспар бар. Жас ұрпақтың таным көкжиегі кеңейсе, жаңа белестерге шығатынымыз анық.Тэджон қаласы жетекші білім және ғылым орталығы екендігін ескеріп, Қызылорда облысының үздік мектеп түлектері үшін арнайы гранттар бөлу мәселесі қарастырылады. Бұл екіжақты байланыстарды жаңа деңгейге көтереді. Өз кезегінде, облыс әкімдігі Меморандумда көзделген бағыттар бойынша белсенді жұмыс жүргізуге және жан-жақты қолдау көрсетуге дайын. Облыс әкімі Нұрлыбек Нәлібаев Корея Республикасы Тэджон қаласының мэрі Ли Чан Ву мырзамен кездесуден кейін Тэджон ұлттық зиратына қайта жерленген генерал Хон Бом До мемориалына барып, тағзым етті.Еске салсақ, өткен жылы Корея Республикасының делегациясы Сыр өңіріне арнайы келіп, генерал Хон Бом Доның сүйегін туған жерінде қайта жерлеу үшін алып кетті. Екіжақты кездесулер аясында Корея елімен бірқатар бірлескен жобаны іске асыру туралы келісім жасалды.Хон Бом До – Кореяның азаттығы үшін күрескен бірегей тұлға. Генерал өмірінің соңғы жылдарын Қызылорда қаласында өткізгені белгілі. Туған жерінде батырдың ерлік даңқы ұмытылмаған. Ал Қызылорда қаласында Хон Бом Доның құрметіне мемориал тұрғызылған және қала көшелерінің бірі оның есімімен аталады.Облыс әкімі Н.Нәлібаев және делегация мүшелері Тэджон қаласында орналасқан ұлттық зиратқа барып, «Отан үшін құрбан болған боздақтарға арналған мемориал» кешенінде болды. Генерал Хон Бом До зиратына Қызылорда халқының ыстық ықыласын білдіретін гүл шоқтарын қойды.24 мамыр күні облыс әкімі Нұрлыбек Машбекұлы Чоллабук-до провинциясының губернаторы Ким Гван Ён мырзамен кездесті. Аймақ басшысының өңірдің инвестициялық мүмкіндіктері туралы ақпараттарына кореялықтар қызығушылық танытып, жобаларды қолдау ниетін білдірді.&nbsp;Чоллабук-до — күріш өсіру және азық-түлік өндіруден Оңтүстік Кореяның басты ауыл шаруашылығы аймағы. Облыс басшысы осы саладағы озық инновациялық технологияларды зерттеуге, «Ақылды фермалар» құруға, ауыл шаруашылығы өнімдерін терең өңдеу бағытындағы бірлескен жобаларды жүзеге асыруға қатысты нақты ұсыныстар айтты. Сондай-ақ Қызылорда қаласында Корей күріш егу технологиялары мен әдістері зерттелетін демонстрациялық алаң құрудың артықшылықтарын түсіндіріп берді.Жоба аясында арнайы егістік жер бөлініп, кореялық күріш егу әдістері, су үнемдеу технологиялары мен суды мониторингілеу бойынша тәжірибе алмасу көзделуде. Бастамалардың барлығын жүйелі іске асыру үшін Қызылорда облысының ауыл шаруашылығы және жер қатынастары басқармасы мен Чоллабук-до провинциясының Халықаралық ынтымақтастық орталығы арасында Меморандумға қол қойылды. Бұл іс-шаралар өзара қарым-қатынастарды дамытуға негіз болады.Чоллабук-до провинциясы мэрімен кездесуден кейін аймақ басшысы бастаған делегация Кореяның Ауылдық аймақтарды дамыту агенттігіне барды.Осы провинцияда орналасқан агенттік – ауыл шаруашылығы саласына озық технологияларды енгізу, кәсіпорындарды ғылыми-инновациялық сүйемелдеу, «Ақылды фермалар» құру және жаңа ауыл шаруашылығы техникаларын жасау бағытында практикалық зерттеулер жүргізетін Кореяның бірегей орталығы.&nbsp;Агенттікте егіншілік саласына жаңа әдістер мен сорттар қосу мақсатында Кореяның егін және күріш шаруашылығы ұлттық институты жұмыс жасауда.Кездесуде тараптар күріш өсірудегі кореялық инновациялық әдістер мен технологияларды қолдану, суды үнемдеу мен мониторингілеудің озық тәжірибелерін енгізу бойынша бірлесіп жұмыс жасау туралы келесімге келді.Сондай-ақ әкімдік кореялық әлеуетті компанияларымен бірлесіп, облыс аумағында жемістер, көкөністер және бақша өнімдерін терең өңдеуге бағытталған кәсіпорындар құруға қолдау көрсетеді.&nbsp;Алдағы уақытта Агенттік пен облыстық ауыл шаруашылығы және жер қатынастары басқармасы арасында тиісті жұмыстар жалғастырылмақ.<img src="https://knadmin.beoblood.kz/uploads/349316683_617750153639712_1538492275458567624_n_db1e276b54.jpg" alt="349316683_617750153639712_1538492275458567624_n.jpg">

Қызылорда облысы әкімінің Корея еліне сапары: Екіжақты байланыстың орнауына және дамуына зор серпін берді

<a href="https://kyzylorda-news.kz/ru">Kyzylorda-news.kz.</a>&nbsp; Сырдария ауданында ауыл шаруашылығы саласында айрықша серпін бар. Өткен жылы аграрлық сала бойынша үздіктер қатарынан көрінген аудан халқы ырзық-несібесін жерден теруде. Өз кезегінде 5 мыңға жуық халқы бар Шаған ауылындағы іргелі шаруаршылық &nbsp;саналатын «Шаған Жер» ЖШС-нің бастамасымен макарон өнімдерін дайындайтын арнайы цех ашылмақ. &nbsp;Негізінен, серіктестік тарапынан атқарылып жатқан жұмыстар &nbsp; ауқымдылығымен маңызды. Өткен жылы астығы қамбаға толған шағандықтар алдағы уақытта жергілікті өнімнің игілігін көруге ниетті. Аталған цехта макаронның 6 түрі өндіріледі деп күтілуде. Бүгінде елді мекендегі ескі дүкенді жаңғырту арқылы цех жұмысын жандандыру жолға қойылмақ. Шын мәнінде цех пайдалануға берілгенде ауылдағы бірнеше адам &nbsp;тұрақты жұмыспен қамтылады.<blockquote>– Биыл серіктестік 3035 гектар алқапқа Сыр салысын, 293 гектарға бидай және 180 гектарға мақсары егуді жоспарлаған. Көктемгі дала жұмыстарының уақытылы басталып, сапалы жүргізілуі үшін қажетті іс-шаралар қабылданған. Жыл сайын белгіленген межеден жоғары өнім алуға барымызды саламыз. Аптап ыстыққа қарамастан диқандар егістік басынан табылуда. Қазіргі уақытта жаңа кәсіпті игеруге байланысты біршама жоспар қабылданды. Ескі дүкенді цехқа лайықтандыруға бар күшті салып, сан түрлі макарон өнімдерін дайындауға мүдделіміз. Жалпы, кәсіпкерлік саласын әртараптандыру үшін серіктестік жаңа жобаларға иек артады, – деді «Шаған Жер» ЖШС-нің төрағасы Жеңісбек Сыздықов. &nbsp;</blockquote>Жыл сайын аграрлық саланы өркендетуге күш салатын серіктестік тарапынан жүйелі жұмыстар жасалуда. Нақтысын айтқанда, «Шаған Жер» ЖШС-нің сауда үйі нарықтағы бағаның тұрақтылығын сақтау мақсатында азық-түлік өнімдерін сатылымға шығарған. Техникасы жаңарып жері барынша өңделген шаруашылықтың негізгі бағыттарының бірі Сырдың басты дақылын егумен қатар, мал шаруашылығын дамыту болып табылады.<blockquote>– Асылында, кәсібінен береке тапқан көпшіліктің негізгі мақсаты – бизнесін жан-жақты жетілдіру болып саналады. Ауылымызда кәсіпкер саласына ден қойған азаматтар баршылық. Нарықтық заманда кәсіпті барынша игерген жандар табысты еселей түсетіні рас. Осы күні ауылдың әлеуетін жақсартуға іргелі шаруашылық күш салып келеді. Жаңадан ашылғалы отырған цехтан мол өнім шығарылады деген сенім мол, – деді аудандық мәслихат депутаты Әбдікәрім Серікбаев.</blockquote>Білікті басшы Жеңісбек Сыздықов басқаратын «Шаған Жер» ЖШС-нің жаңа кәсібіне сәттілік тілей отырып, шаруалардың қамбасы астыққа толсын деген ізгі ниетімізді жеткіземіз.&nbsp;

Шаған ауылында жаңа цех іске қосылады

<a href="https://kyzylorda-news.kz/">Kyzylorda-news.kz.</a> Мектептің білім беру жүйесінде жас ұрпақты жан-жақты дамыту мен тәрбиелеуде, олардың жалпы мәдениетін қалыптастыруда тұлғаны шығармашылыққа тәрбиелеуде, табиғат пен қоғам алдындағы жауапкершілігін сезінуде, Жер бетінде тіршілікті сақтауда география пәнінің ролі өте зор.&nbsp;География ғылымдарының жетістіктері мен қоршаған ортада болып жатқан өзгерістерді ескере келе мектепке беріліп отырған әлеуметтік тапсырыс жас ұрпақтың географиялық сауаттылығы мен географиялық мәдениетін көтеру болып табылады.Осы мақсатта №282 мектеп-лицей базасында география пәнін тереңдетіп оқытудағы «геотехнология» пилоттық жобасы аясында облыстық семинар өтті. Семинарға Облыстық оқу орталығының (әдістемелік кабинет) директоры Сырым Асқаров және Қызылорда қаласы бойынша білім бөлімінің басшысы Ерлан Теңізбайұлы, Қорқыт Ата атындағы Қызылорда университетінің математика ғылымдарының кандидаты Д.Джанмолдаев, Бекенов Берік және қала мектептерінің басшылары қатысты.Семинар барысында университет ғалымдары мен мектеп мұғалімдері «Заманауи балаға – заманауи көзқарас», «Мұғалім тұлғасының кәсіби дамуы» тақырыбында шеберлік сабағын өтті.Сонымен қатар, гео-бейінді өлшемдер зертханасы ашылды. Онда оқушылар сабақ барысында география пәніне арналған құрылғылармен жұмыс жасайтын болады.Семинарға келген қонақтар мектептің тыныс-тіршілігімен танысты. Сонымен қатар, семинар барысында кері байланыс жасалып, пікір алмасты.<figure class="image"><img src="https://knadmin.beoblood.kz/uploads/349682757_1697378744044677_2346028891153042350_n_128b834cae.jpg" alt="349682757_1697378744044677_2346028891153042350_n.jpg"></figure>&nbsp;<figure class="image"><img src="https://knadmin.beoblood.kz/uploads/349305311_1097142917915754_1883308373968988771_n_1b208a6422.jpg" alt="349305311_1097142917915754_1883308373968988771_n.jpg"></figure>&nbsp;<figure class="image"><img src="https://knadmin.beoblood.kz/uploads/349138865_948085396448630_4872534688896148067_n_91140acc4b.jpg" alt="349138865_948085396448630_4872534688896148067_n.jpg"></figure>

География пәнін тереңдетіп оқытудағы «Геотехнология» пилоттық жобасы аясында облыстық семинар өтті

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы өз Жолдауында еліміздегі 100 мың жасты тұрақты жұмыспен қамтуды және кәсіпкерлікпен айналысуға ниеті бар азаматтарды қолдау керектігін айтқан болатын. Осы бағытта жастардың өз бетінше кәсіп ашуына жәрдем беру үшін 2,5 пайызбен жеңілдетілген шағын несие беріліп жатыр. Бүгінде аталған бағдарламаның көмегімен облыстағы 109 жастың жобасы мақұлданды. Бұл туралы Өңірлік коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының міндетін атқарушы Жанар Дәулетбаева хабарлады.<blockquote>«Бекітілген ережеге сәйкес, кәсіп бастауға арналған 2,5 пайыздық жеңілдетілген несиені алуға 21-35 жас аралығындағы азаматтар өтініш білдіре алады. Бұл бағдарламаға мал шаруашылығымен айналысуға және егін егуге ниеті бар азаматтар қатыса алады. Егер жеке кәсіпкер болса айналысатын кәсібінің тіркелген уақыты 5 жылдан аспауы тиіс. Бұл бағдарламаға қатысу үшін азаматтар «Аграрлық несие корпорациясына» барып құжаттарын тапсыра алады. Несиенің негізгі шарты бойынша микрокредит мерзімі - 5 жыл, ал мал шаруашылығы саласындағы жобалар үшін - 7 жылға қаржы беріледі. Ал жаңа бизнес-идеяларды іске асыруға берілетін қайтарымсыз грант мөлшері 200-ден 400 айлық есептік көрсеткішке дейін артты. Сонымен қатар бұрын мемлекеттік гранттарға барлық санаттағы азаматтар қатыса алатын болса, биылдан бастап тек әлеуметтік осал топтарына жататын жандар ғана грант ала алады. Сондай-ақ, 50 жастан асқан жұмыссыз жандарға арналған «Күміс жас» жобасы да биыл басталған болатын. Қазіргі таңда осы жоба арқылы жұмыспен қамтылғандар саны артып келеді», - деді Жанар Жұмабекқызы.</blockquote>«2023 жылы арналған өңірлік жұмыспен қамту картасы» аясында облыста 43 898 жұмыс орнын ашу жоспарлануда. Оның ішінде 280 ұлттық жоба шеңберінде үш мыңнан астам жұмыс орны құрылмақшы.

Қызылордада 100-ден астам жастың жобасына жеңілдетілген несие беріледі

<a href="https://kyzylorda-news.kz/">Kyzylorda-news.kz.</a> Бүгінгі таңда облыс аумағында мал ұрлықтарының алдын-алу бағытында бірқатар жұмыстар жүргізіліп жатыр. Мәселен, аталмыш қылмыс былтырғы жылмен салыстырғанда 57,6 пайызға төмендеген. Бұл жөнінде Өңірлік коммуникациялар қызметінің ақпарат алаңында өткен брифингте Қызылорда ОПД криминалды полиция басқармасы бастығының аға жедел уәкілі Ербол Рүстембеков хабарлады.<blockquote>Атқарылып жатқан жұмыстар нәтижесін беруде. Мал ұрлығын ашу көрсеткішінде оң динамика қалыптасты. Биыл полиция қызметкерлерінің жедел әрекет етуімен 23 қылмыстың алдын алу жұмыстары сәтті аяқталды. Сонымен қатар, 13 қылмысқа қатысы бар адамдар құрықталып, тиісті шаралар көрілуде. Мал ұрлығының алдын-алу барысында облыстық ветеринарлық инспекциясымен бірлесіп рейдтік жұмыстар жүргізілуде. Рейд жұмыстары алдағы уақытта өз жалғасын табады. Орын алған мал ұрлығының басым бөлігі қараусыз жүрген төрт-түліктер. Осы орайда, мал иелерін төрт-түліктерін құжаттандыру, сырғалау жұмыстарына аса мән беруге, мал жоғалған сәтте полицияға дереу хабарласуға шақырамыз,-деді Ербол Мейрамбекұлы.</blockquote>

Аймақта мал ұрлығы азайған

<a href="https://kyzylorda-news.kz/">Kyzylorda-news.kz.</a> Қызылордада қызмет бабында ерлікпен қаза тапқан еліміздің каhарманы, II дәрежелі «Айбын» орденінің иегері Талғат Қозыбаевты еске алуға арналған турнир өтті.Бүгін Қызылорда облысы Полиция департаментінің ұйымдастыруымен«Динамо» спорт кешенінде құқық қорғау органдары және күштік құрылымдар қызметкерлері арасындаерлікпен қаза тапқан полиция аға лейтенанты Талғат Қозыбаевты еске алуға арналған шағын футболдан турнир &nbsp;өтті. Сонымен қатар турнир аясында полиция қызметкерлері ұлттық спорттық ойындардан сайысқа түсті.&nbsp;Турнирдің ашылу салтанатына Қызылорда облысы Полиция департаментінің басшылығы, Талғат Қозыбаевтың әкесі Есентай ағай, ішкі істер органдарының ардагерлері, сондай-ақ «Динамо» дене шынықтыру-спорт қоғамының облыстық филиалының өкілдері қатысты. Қазақстан Республикасының Гимні шырқалып, батырымызды еске алу үшін бір минутүнсіздік жарияланды.Ауқымды спорттық шараның салтанатты ашылуындаПолиция департаментінің бастығыполициягенерал-майоры &nbsp;Аблазимов Махсудхан Нұғманұлыашып, сөз сөйледі. «Тереңөзек топырағынан түлеп ұшқан біздің мақтанышымыз Қозыбаев Талғат Есентайұлын еске алу іс-шаралары жыл сайын атап өтілуде.&nbsp;Аға ұрпақпен жас буынның Отанымызды қорғап, қызметте айтулы үлес қосқанын &nbsp;біз әрқашанда мақтан тұтамыз. Ал өзіміздің әріптесіміз – қызмет &nbsp;бабында қайтыс болған еліміздің &nbsp;қаһарманы ІІ дәрежелі «Айбын» орденінің иегері полиция аға лейтенанты Қозыбаев Талғатты тәрбиелеген Есентай ағаға шексіз алғысымызды білдіреміз.&nbsp; Өз өмірін бейбіт халықтың тыныштығы жолында құрбан еткен полицейдің қайсарлығы, батылдығы, ерлігі өскелең ұрпаққа үлгі болмақ. Талғаттың бейбіт өмірде жасаған өшпес ерлігі мен батырлығы халықтың жадында мәңгі жаңғырып тұрмақ.&nbsp;Бүгінгі Талғат Қозыбаевты еске алуға арналған облыс көлемінде құқық қорғау органдары &nbsp;және күштік құрылымдарының қызметкерлері арасында өтетін шағын футболдан жарысқа қатысушы командаларға сәттілік тілеймін!» деді Махсудхан Нұғманұлы.&nbsp;Одан кейін бейбіт өмірде өз өмірін қиып ел азаматын &nbsp;қорғап қалғанелінің каhарманы Қозыбаев Талғаттың &nbsp;әкесі &nbsp;Қозыбаев Есентай ағамызға сөз берілді. Сондай – ақ, Ардагерлер кеңесінің төрағасы Тұңғышбаев Серікбол Қуатбайұлы және Қазақстан Республикасы Ішкі істер органдарының құрметті қызметкері, Қызылорда облысының маслихат депутаты, Қызылорда облысы полиция департаментінің Консультативтік- кеңесші органының мүшесі &nbsp;Шаймағанбетов Әмірбек Бердібекұлықұттықтау сөз сөйлеп, қатысушыларға сәттілік &nbsp;тіледі. &nbsp; &nbsp; &nbsp;&nbsp; Ойын басталмас бұрын командалар сапқа тұрып, жеребе тарту рәсімін бастады. Ойынның міндеттері мен шарттарын анықтайтын мандаттық комиссия құрылды.&nbsp;Шағын футболдан өткен турнирге 14 команда, 140қызметкер қатысты. ҚР ҰҰ 5547 әскери бөлімі, 66597 әскери бөлімі, облыстық сот, облыстық прокуратура, &nbsp;ҚР ҰҚК ШҚ Қызылорда облысы бойынша департаменті, ҚР Сыбайлас жемқорлыққа қарсы іс-қимыл агенттігініңҚызылорда облысы бойынша департаменті, Қылмыстық-атқару жүйесі, Төтенше жағдайлар,Экономикалық тергеу департаменті, Мемлекеттік күзет қызметі басқармасы және полиция қызметкерлері тартысты додада бақ сынасты. &nbsp;Дода өте тартысты өтті. Алайда, шеберлігі асқан, айласы мен күші басым деген командалар жеңіске жетті.Спорттық бәсекенің нәтижесінде шағын футболдан 1 орынды иеленген ҚР ҰҰ 5547 әскери бөлім &nbsp;командасы, 2 орынды Желілік полиция бөлімінің &nbsp; командасы, &nbsp;3 орынды &nbsp;Қызылорда облысы Полиция департаментінің &nbsp;командасы иеленді. «Үздік ойыншы» номинациясымен ҚР ҰҰ 5547 әскери бөлім қызметкері Жүсіппай Әли,«Үздік шабуылшы» &nbsp;номинациясымен Желілік полиция бөлімінің қызметкері Жақсылықов Мейрбек, «Үздік қорғаушы» номинациясымен &nbsp;Қызылорда облысы Полиция департаментінің &nbsp;Кадр саясаты басқармасының ЕТЖ аға инспекторы полиция капитаны Абдугаппаров Дулатбек, «Үздік қақпашы» номинациясымен Қалалық полиция басқармасының Кадр саясат бөлімінің аға инспекторы полиция аға лейтенанты Нұрғалиев Бақдаулет марапатталды. &nbsp;&nbsp;Сонымен қатар, турнир барысында &nbsp;қызылордалық полицейлер &nbsp;ұлттық спорт түрлерінен &nbsp;сайысты.&nbsp;Жарыс ұлттық ойындардың үш түрінен ұйымдастырылды: қол күресі, гір көтеру және арқан тартыс. Сайыста полицейлер белсенділік танытты.&nbsp;Тартысты сайыстың нәтижесінде &nbsp;арқан тартыстан &nbsp;1 орынды Оқу жаттығу взводы, 2 орынды Жылдам қимылдайтын арнайы жасақ, &nbsp;3 орынды Әкімшілік полиция басқармасының командасы иеленді.&nbsp;Қол күрестен Жылдам қимылдайтын арнайы жасақ инспекторы полиция майоры Леденёв Борис үздік болып &nbsp;шықты, &nbsp;екінші орынға Жылдам қимылдайтын арнайы жасақ инспекторы полиция капитаны Пазылов Жомарт, үшінші &nbsp;орынға &nbsp;Оқу жаттығу взводының инспекторы полиция капитаны Жарылқасын Шалқар &nbsp; ие болды. &nbsp;Гір тасын көтеруден Жылдам қимылдайтын арнайы жасақ инспекторы полиция аға лейтенанты &nbsp;Дербісалин Нұрдаулет жеңімпаз атанды. 2 орын &nbsp;Оқу жаттығу взводының инспекторы полиция майоры Досымов Жасуланға, &nbsp;3 орын &nbsp;Жылдам қимылдайтын арнайы жасақ инспекторы полиция &nbsp;капитаны Ахметов Талантқа бұйырды. Сыр өңірінде өткен бәсекеде оза шапқан командалар кубокпен, медальдармен және грамоталармен &nbsp;марапатталды.&nbsp;

Қызылордада «Айбын» орденінің иегері Талғат Қозыбаевты еске алуға арналған турнир өтті

<a href="https://kyzylorda-news.kz/">Kyzylorda-news.kz.</a>&nbsp; Қызылорда облыс прокуроры Нұрлан Бижанов облыс халқына соңғы уақытта әлеуметтік желілерде орын алып жатқан үгіт-насихат жұмыстары бойынша Үндеу жариялады.&nbsp;«Прокуратура туралы» Конституциялық заңның 40-бабының тәртібімен&nbsp; ҚҰРМЕТТІ АЗАМАТТАР!Соңғы уақытта әлеуметтік желілер мен интернет-ресурстарында шетел және Қазақстан азаматтарын өзге елдердегі қарулы қақтығысқа шақыру туралы үгіт-насихат материалдары таралуда.Оның ішінде жалдамалы әскери топтар белсенді түрде адамдар жинап, азаматтарға қомақты жалақы, сыйақы төлейтіндігімен қызықтыруда. Сондықтан қарулы қақтығысқа қатысқан азаматтар үшін қылмыстық жауаптылық көзделгенін түсіндіремін.Қазақстан Республикасы Қылмыстық кодексінің 170-бабына сәйкес жалдамалыны азғырып көндiру, оқытып-үйрету, қаржыландыру немесе өзге материалдық қамтамасыз ету, сол сияқты оны қарулы қақтығыста, соғыс қимылдарында немесе конституциялық құрылысты құлатуға немесе оған нұқсан келтіруге бағытталған өзге де күш қолдану әрекеттеріне пайдалану не мемлекеттің аумақтық тұтастығын бұзғаны үшін мүлкі тәркіленіп, 12 жылға дейiнгi мерзiмге бас бостандығынан айыруға, сондай-ақ адамдардың қаза табуына немесе өзге де ауыр зардаптарға әкеп соққан осындай іс-әрекет 20 жылға дейiнгi немесе өмір бойына бас бостандығынан айыруға жазаланады.Ал Қазақстан Республикасы азаматының шет мемлекеттің аумағындағы қарулы қақтығысқа немесе соғыс қимылдарына жалдамалылық белгілері болмаған кезде қасақана құқыққа сыйымсыз қатысуы Қылмыстық кодекстің 172-бабымен сараланып, бес жылдан тоғыз жылға дейінгі мерзімге бас бостандығынан айыруға жазаланады.Заңдылықты және қоғамдық қауіпсіздікті қамтамасыз ету, құқық бұзушылықтардың алдын алу, сондай-ақ адамның және азаматтың құқықтары мен бостандықтарын қорғау мақсатында «Прокуратура туралы» Конституциялық заңның 40-бабын басшылыққа ала отырып, азаматтарды арандатушылыққа бой алдырмауға және қолданыстағы заңнама нормаларын мүлтіксіз сақтауға шақырамын. Құқық қорғау органдары белгіленген тәртіпке, қоғамдық қауіпсіздікке қол сұғатын кез келген құқық бұзушылықтың жолын кеседі, сондай-ақ оларға жол бермеу жөнінде заңда көзделген шараларды қолданады.Қызылорда облысының прокуроры Нұрлан Бижанов

Облыс прокуроры Үндеу жариялады

Кері байланыс: Депозиттерге міндетті кепілдік беру жүйесі туралы  

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының халқы ер жүрек батыр ұл Талғат Қозыбаевтың есімін еш уақытта ұмытпайды.&nbsp;Қызмет бабында қарақшының қолынан қаза тапқан айбынды полиция қызметкерінің есімін мәңгі қалдыру мақсатында өзі оқыған орта мектепке есімі берілсе, Тереңөзек кенті мен Тартоғай ауылында Талғат Қозыбаевтың атында көше бар.Жыл сайын сырдариялықтар өзінің батыр ұлын еске алып, мәдени-көпшілік іс-шара өткізеді. Жақында Тереңөзек кенті әкімдігінің және аудандық мәдениет және спорт бөлімінің қолдауымен, Тереңөзек кенті клубының ұйымдастыруымен аудандық жазба ақындар мүшәйрасы өтті.ІІ дәрежелі «Айбын» орденінің иегері, полиция аға лейтенанты, Талғат Есентайұлы Қозыбаевтың туғанына 45 жыл толуына орай өткен мүшәйра «Антына берік ер Талғат» атты тақырыпқа негізделді.<blockquote>Мүшәйра өткізудегі мақсатымыз – ел тыныштығын күзетіп қаза болған қаһарман ұл, полиция аға лейтенанты, ІІ дәрежелі «Айбын» орденінің иегері Талғат Есентайұлының жалынды, намысшыл, ержүрек қасиеттерін ұрпаққа үлгі етіп, жастарды патриоттық сезімге баулу, жазба ақындардың өнерін шыңдау. Биыл Талғат тірі болғанда небәрі 45 жасқа толатын еді. Қыршынынан қиылған жас полицейдің артында ұрпағы қалды. Алмат әкесінің жолын жалғап, қазіргі кезде полиция қызметінде. Өнегелі өмір иесінің атын жас ұрпақ ұмытпауы тиіс, – деді клуб меңгерушісі Рүстем Байділдаев.</blockquote>Алдымен мүшәйраға қатысуға келген ақындар №131 Т.Қозыбаев атындағы орта мектептің алдында орналасқан бейбіт күннің батыры Талғат Қозыбаевтың ескерткішіне гүл шоқтарын қойып, бір минут үнсіздікпен еске алып, тағзым етті.Ауданның жазба ақындары мүшәйраның шарты бойынша әр елді мекеннен келген 19-35 жас аралығындағы бір-бір талапкер екі өлеңнен оқыды.Бірінші кезеңде жазба ақындар Талғат Қозыбаевқа арнау арнаса, екінші кезеңде еркін тақырыпта өз шығармашылығынан бір өлең оқыды. Ақындарға Халықаралық «Қазақ тілі қоғамы» қоғамдық бірлестігінің аудандық филиал төрағасы, Қазақстан Журналисттер Одағының мүшесі Шаһарбек Нұрсейітов, ардагер-журналист, Қазақстан Журналистер Одағының мүшесі Мейрамбек Шілдебаев, Қазақстан Республикасы «Мәдениет саласының үздігі» төсбелгісінің иегері, Сырдария ауандық мәдениет үйінің әдіскері Гауһар Сарсенбаева қазылық етті.Іс-шарада ер жүрек полиция аға лейтенанты Талғат Қозыбаевтың әкесі Есентай Қозыбаев бейбіт күні қарақшының қолынан қаза тапқан ұлының есімін мәңгі қалдыру мақсатында жыл сайын түрлі іс-шаралар өтетінін айтып, алғысын білдірді. Жас ақындарға сәттілік тіледі.Екі кезеңді қамтыған жазба ақындар мүшәйрасында қазылар алқасының ше¬шімімен тереңөзектік ақын Ақтолқын Абылаева бірінші орын, Шаған ауылынан келген ақын Ақерке Балманова екінші орын, ақжармалық Наурызбек Төребеков пен Қалжан ахунның ақыны Гүлімай Серікбай үшінші орынды өзара бөлісті.Талапкерлер Алғыс хат, диплом мен бағалы естелік сыйлықтармен марапатталды.Айта кету керек, жүлдегерлердің естелік сыйлықтарына «Қызылдихан» шаруа қожалығының төрағасы Алданберген Құлбаев демеушілік жасады.

Сырдарияда жазба ақындар мүшәйрасы өтті 

<a href="https://kyzylorda-news.kz/">Kyzylorda-news.kz.</a> Бүгін аудан әкімі Асқарбек Есжанов Жалағаш кентіндегі бірнеше әлеуметтік нысандарды аралап, жағдайымен танысты.Алдымен кенттегі Желтоқсан көшесінің күрделі жөндеу жұмыстарымен танысқан аудан әкімі мердігер мекемеге жөндеу жұмыстарын сапалы жүргізуге аса мән беріп, мерзімінде аяқтауды тапсырды.Айта кету керек, биыл Жалағаш ауданы бойынша 1,3 млрд. теңгеге Жалағаш кенті және 4 елді мекеннің 16 көшесіне жөндеу жұмыстары жүргізіледі.Асқарбек Темірбекұлы орталық алаңның тазалық жұмыстарына да аса мән беру қажеттігін айтты.<blockquote>Аудан орталығы – Жалағаш кенті біздің айнамыз. Сондықтан орталық алаң, көшелеріміз таза болуы тиіс. Сол себептен де тазалық мәселесін бір сәт естен шығармауымыз керек. Әсіресе, орталық алаңдағы, базар маңындағы, яғни халық көп шоғырланатын жерлердегі қоқыстар дер кезінде алыну қажет, - деді.</blockquote>Бұдан бөлек, Асқарбек Есжанов «Әділет», «Ырыс» сауда үйлері жанындағы жүргізіліп жатқан құрылыс жұмыстарымен танысып, аудандық құрылыс, сәулет және қала құрылысы бөлімінің басшысына және Жалағаш кенті әкіміне құрылыс жұмыстарының кенттің бас жоспарына сәйкес жүргізілуін қадағалауды қатаң тапсырды.Сонымен қатар, аудан басшысы кәсіпкерлік нысандарды аралау барысында нысан иелеріне ғимараттың тазалығы мен сыртқы келбетіне аса мән беруді және санитарлық тазалық нормаларының қатаң сақталуын қадағалау қажеттігін ескертіп, аудандық полиция бөліміне базар аумағындағы жол қауіпсіздігін қамтамасыз етуді тапсырды.<figure class="image"><img src="https://knadmin.beoblood.kz/uploads/349171808_1312417329485282_4531062321946040237_n_caec47960c.jpg" alt="349171808_1312417329485282_4531062321946040237_n.jpg"></figure>&nbsp;<figure class="image"><img src="https://knadmin.beoblood.kz/uploads/349580975_1745013705930364_3501484614947516245_n_ebf08c8b23.jpg" alt="349580975_1745013705930364_3501484614947516245_n.jpg"></figure>

Жалағаш ауданында 16 көшеге жөндеу жұмыстары жүргізіледі

<a href="https://kyzylorda-news.kz/">Kyzylorda-news.kz.</a> Биылғы оқу жылында Қызылорда облысында 8 мыңға жуық білім алушы мектепті бітірсе, оның 7 421-і Ұлттық бірыңғай тестілеуіне қатысады деп жоспарлануда. Бұл туралы бүгін Өңірлік коммуникациялар қызметінде өткен брифингте облыстық білім басқармасының басшысы Мейрамбек Шермағанбет хабарлады.Өткен жылдан бастап ҰБТ электронды форматқа көшірілді. Басқарма басшысы мұның ең басты артықшылығы - барлық процестің ашықтығы мен азаматтарға қолайлы жағдай жасалуында екенін айтты.<blockquote>«Жалпы ҰБТ өткізудің форматы өзгеріссіз. Тек «Қазақстан тарихы» және «Оқу сауаттылығы» пәндері бойынша тест тапсырмаларының санына өзгерістер енгізілді. Қазақстан тарихы бойынша сұрақтар саны – 20. Ол өткен жылы 15 сұрақ болған. Ал оқу сауаттылығы бойынша сұрақтар саны былтырғы жылы 20 болса, биыл 15 сұрақ. Сонымен қатар, 2022-2023 оқу жылынан бастап ҰБТ бейіндік пәндер комбинацияларының тізбесіне «Информатика» пәні енгізілді. Осыған байланысты «Информатика мұғалімдерін даярлау», «Ақпараттық технологиялар», «Ақпараттық қауіпсіздік» білім беру бағдарламалары топтарына түсушілер ҰБТ-ны «Математика-Информатика» комбинациясы бойынша тапсырады», - деді Мейрамбек Зинабдинұлы.</blockquote>Айта кетейік, білім беру гранттарын тағайындау конкурсына қатысуға мүмкіндік беретін бұл тестілеу 22 мамырдан бастап Қызылорда қаласы, Қазалы, Жаңақорған аудандарындағы ҰБТ өткізу пункттерінде өткізілуде. Бүгінгі таңда осы кезге дейін тестілеуге жалпы облыс бойынша 1 903 бітіруші түлек қатысып отыр.

Архив