БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Қазақ тілі – Қазақстан Республикасының мемлекеттік тілі. Ел Конституциясында «Қазақстан Республикасының мемлекеттік тілі – қазақ тілі» деп айқын жазылған. Бұл – тәуелсіздіктің басты жетістіктерінің бірі. Мемлекеттік тіл – елдің тұтастығы мен бірлігінің кепілі, ұлттық болмыс пен рухани құндылықтың тірегі.Соңғы жылдары қазақ тілінің қоғамдық өмірдегі қолданыс аясы едәуір кеңейіп келеді. Білім беру, мемлекеттік басқару, мәдениет, БАҚ салаларында қазақ тілі негізгі қарым-қатынас құралына айналуда.Мемлекеттік органдарда іс жүргізу қазақ тілінде жүзеге асырылып, мемлекеттік қызметкерлердің тілді білу деңгейіне қойылатын талап күшейді.Сонымен қатар, мемлекеттік бағдарламалар мен тіл саясаты аясында халықтың қазақ тілін үйренуіне жағдай жасалып, түрлі оқыту орталықтары жұмыс істеуде.Жастар арасында мемлекеттік тілге деген қызығушылық артып, әлеуметтік желілерде, өнерде, бизнес саласында қазақ тілінің беделі нығая түсуде. Бұл – мемлекеттік тілдің болашағы зор екенін көрсетеді.Облыстағы барлық мемлекеттік мекемелерде іс жүргізу негізінен қазақ тілінде жүргізіледі. Әкімшілік құрылымдарда, білім беру саласында, мәдениет пен ақпарат құралдарында мемлекеттік тіл басты орынға ие.Сонымен қатар, облыста мемлекеттік тілдің мәртебесін арттыру мақсатында түрлі мәдени-рухани шаралар, байқаулар, семинарлар ұйымдастырылады. Жергілікті бұқаралық ақпарат құралдары – теледидар, радио және газет-журналдар қазақ тілінде хабар таратып, халыққа мемлекеттік тілде ақпарат беруді басты міндет санайды.Қызылорда жастары арасында да мемлекеттік тілдің қолданысы кеңінен тараған. Әлеуметтік желілерде, өнер саласында, жергілікті стартаптар мен кәсіпкерлікте қазақ тілі басым қолданылады. Бұл – облыстың тіл саясатына деген жауапкершілігінің жоғары екенін дәлелдейді.Бұл ретте сот саласында да сот істерінің мемлекеттік тілде сауатты жүргізілуіне баса мән беріліп, түрлі шаралар мен семинарлар, жиындар, іс қағаздары мемлекеттік тілде жүргізілуі үйлестірілуде.Сот залдарында іс жүргізу құжаттары, шешімдер мен үкімдер мемлекеттік тілде шығарылады. Электронды сот жүйесі де қазақ тіліне бейімделіп, халыққа ыңғайлы қызмет көрсетуге бағытталуда.Бұл сот саласындағы әділдіктің қолжетімді болуына, азаматтардың құқықтарының сақталуына септігін тигізеді. Егер тараптардың біреуі қазақ тілін білмесе, онда оларға аударма қызметі қамтамасыз етіледі.Қызылорда облыстық соты мен оған қарасты аудандық соттарда да мемлекеттік тілдің қолданылуы тұрақты түрде қамтамасыз етілген. Статистикалық мәліметтерге сүйенсек, өңірде қаралатын істердің көпшілігі мемлекеттік тілде жүргізіледі.Мемлекеттік тілдің қолданылу аясы – елдің дамуы мен болашағын айқындайтын маңызды көрсеткіш. Әсіресе сот саласында қазақ тілінің орны ерекше, себебі әділдік пен заңдылықтың жүзеге асуы тікелей мемлекеттік тілдің қолданысына байланысты. Қазақ тілінің абыройын арттыру – әрбір азаматтың парызы. Мемлекеттік тілдің беделі артқан сайын, елдің бірлігі мен тұтастығы да нығая бермек.А.Өмірзақ,Қызылорда облысының мамандандырылғанауданаралық әкімшілік сотының бас маманыФото: sarangazeti.kz

Мемлекеттік тіл – ел бірлігінің негізі

<a href="https://kyzylorda-news.kz/">Kyzylorda-news.kz</a> «ҚазАгроҚаржы» АҚ Қызылорда облысы бойынша филиалында егін жинау науқанына орайластырылған Ашық есіктер күні өтті.&nbsp;Іс-шарада облыс аудандарының шаруалары, Ауыл шаруашылығы басқармасының, сондай-ақ «Атамекен» өңірлік кәсіпкерлер палатасының өкілдері бас қосты.&nbsp;Қызылорда облысы – сын-қатер тәуекелдеріне бейім өңір: жұмыс жауын-шашынның маусымдылығына және судың қолжетімділігіне тәуелді болғандықтан, шаруалар үшін өнімді дер кезінде жинау мен техниканың үздіксіз жұмысы аса маңызды. Осы тұрғыда кездесуге қатысушылар машина-көлік паркін кідіріссіз жаңартуға мүмкіндік беретін құралдарға назар аударды. Филиал биылғы жылы лизинг бағдарламаларына 6,2 млрд теңге бағыттауды жоспарлап отыр, оның 3,1 млрд теңгесі игерілді - 61 бірлік техника өңір шаруаларына табысталды.<img src="https://knadmin.beoblood.kz/uploads/agro2_d055c478f7.jpg" alt="агро2.jpg">Лизингке өтінім берудің жаңа онлайн-сервисіне жеке блок арналып отыр. Филиал мамандары бұл сервис бір қатысушысы бар қожалықтардың өтінімдері бойынша 10 минут ішінде шешім қабылдайтынын түсіндірді. Егер қожалық құрамында бірнеше қатысушы болса, құжаттарды тексеруге құқық департаменті қатысады; тіпті бұл жағдайда да құжаттарды қарау жеделдетіліп, екі күнге дейін ғана созылады. Техниканың сирек түрлерін ресімдеу кезінде, сервистік орталықтардың болуын нақтылау қажет болған кезде де осындай мерзім талап етіледі.&nbsp;<blockquote>«Бүгінде цифрландыру агробизнестің ажырамас бөлігіне айналуда. Біз техниканы лизингке рәсімдеуге өтінім берудің онлайн тәсілін іске қостық және Қызылорда шаруаларына оның қалай жұмыс істейтінін тікелей эфирде көрсеттік. Сонымен бірге, біз шаруалардың әлсіз интернет, цифрлық сервистермен жұмыс істеу кезінде тәжірибенің жетіспеуі секілді қиындықтарға тап боларын да ескердік. Сол себепті «Атамекен» өңірлік кәсіпкерлер палатасының біздің бастамамызды қолдап, шаруаларға сервиспен жұмыс істеуде практикалық көмек көрсетуге келісуі аса маңызды», - деді «ҚазАгроҚаржы» АҚ басқарма төрағасының орынбасары Еркебұлан Жұмжаев.&nbsp;</blockquote>«ҚазАгроҚаржы» АҚ Қызылорда облысы бойынша филиалы мен «Атамекен» өңірлік кәсіпкерлер палатасы арасында ынтымақтастық туралы меморандумға қол қойылды. Енді Палата қызметкерлері шаруалар үшін «жолбасшы» болмақ, өтінімдер толтыруға көмектеседі, әр кезеңде сүйемелдеуді қамтамасыз етеді.&nbsp;<blockquote>«Қызылорда облысы кәсіпкерлер палатасы «ҚазАгроҚаржы» АҚ Қызылорда облыстық филиалымен бірлесіп кәсіпкерлік бастамасы бар азаматтарға және бизнес өкілдеріне мемлекеттік бағдарламаларды түсіндіру, сервистік қызмет және тағы басқа қызмет көрсетіп келеді. Бүгінгі таныстырылған «ҚазАгроҚаржы» акционерлік қоғамының жеңілдетілген лизингке онлайн өтінім беру сервисі кәсіпкерлердің уақытын үнемдеуге мол мүмкіндік берері сөзсіз. Осы орайда, Палата тарапынан облыс көлемінде цифрландырылған онлайн өтінім беру жүйесін қала, аудан, ауыл кәсіпкерлеріне Палатаның кеңесшілері арқылы барынша түсіндіруге атсалысамыз», - деді Қызылорда облысы кәсіпкерлер палатасының директоры Пірмұхаммед Сыздық.&nbsp;</blockquote>Кездесу соңында «ҚазАгроҚаржы» АҚ басқарма төрағасының орынбасары Еркебұлан Жұмжаев облыс шаруаларына жаңа ауыл шаруашылығы техникасының кілттерін табыстады. Компания Қазақстан өңірлеріндегі көшпелі кездесулерде лизинг бағдарламалары және цифрлық сервис жұмысы бойынша консультацияларын әрі қарай жалғастыра бермек.<img src="https://knadmin.beoblood.kz/uploads/agro3_88e663a41f.jpg" alt="агро3.jpg">

ҚазАгроҚаржы Қызылорда шаруаларына өтінім берудің онлайн-сервисін ұсынды

<a href="https://kyzylorda-news.kz/">Kyzylorda-news.kz</a> Қазалы ауданында қысқы жылу беру маусымына дайындық жұмыстары басталып кетті. Бүгінгі таңда аудан тұрғындарына қажетті қатты отынның мөлшері белгіленіп, оны ауданға жеткізу жағы қарастырылуда.Қазалы ауданы әкімінің міндетін атқарушы Жалғас Сүйеубаев аудандағы көмір тасымалдаушы кәсіпкерлермен кездесіп, аудан тұрғындарын қатты отынмен қамтамасыз ету мәселесін талқылады.&nbsp;Кездесу барысында Жалғас Оңғарұлы жылу беру маусымында ауданға қажетті тиісті қатты отын қорының уақытылы жеткізілуін және бағасының тұрақты болуы қажеттігін ескертті. Осыған байланысты салаға жауапты орынбасар мен тиісті сала басшыларына кәсіпкерлермен бірлесе отырып, белгіленген жоспарға сәйкес жұмыс жасап, қатты отын қорының уақытылы жеткізілуін қадағалауды тапсырды. Сондай-ақ ауданға көмір басқа облыстардан тасымалданатындықтан, өзіндік құнының жоғарылайтынын, дегенмен халыққа қатты отынды қолжетімді бағада ұсынып, тапшылықты болдырмау үшін бірлесіп жұмыс жасау қажеттігін айтты.Айта кетейік, жалпы алдағы жылу беру маусымына тұрғындардың тұтынуы үшін 14,3 мың тонна, ал әлеуметтік нысандар үшін 2,7 мың тонна, &nbsp;жалпы аудан бойынша барлығы 17 мың тонна қатты отын қажет. Ал бұл қажетті көмір қорын ауданға жеткізуге жоспарлы меже бекітілген.

Жылу беру маусымына қажетті қатты отын жеткізу мәселесі талқыланды

<a href="https://kyzylorda-news.kz/">Kyzylorda-news.kz</a> Қарауылтөбе ауылдық округі әкімінің міндетін атқарушы Қойшыбай Жүсіпов бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.<blockquote>- Биыл ауылдың инфрақұрылымын дамыту бағытында бірқатар жобалар жүзеге асырылуда. Атап айтқанда, электр желілерін реконструкциялау жұмыстары жүргізілуде. Байсейітов көшесіне балалар ойын алаңы салынуда. Сондай-ақ, жаңадан қоныстанушы аумақтағы 5 көшені жарықтандыру жұмыстары аяқталды, - деді ауылдық округ әкімінің міндетін атқарушы Қойшыбай Жалғасұлы.&nbsp;</blockquote>Жалпы, ауылдық округте 131 кәсіпкерлік нысан жұмыс істеуде. Жыл басынан бері 6 кәсіпкерлік субъекті тіркеліп, жалпы құны 25,4 млн теңгені құрайтын 3 жоба қаржыландырылды. Яғни, «Іскер» бағдарламасы аясында 2 жоба қаржыландырылса, &nbsp;«Ауыл аманаты» жобасы аясында 1 жоба мақұлданды.Қарауылтөбе ауылдық округінде 131 кәсіпкерлік нысан жұмыс істеуде. Жыл басынан бері 6 кәсіпкерлік субъекті тіркеліп, жалпы құны 25,4 млн теңгені құрайтын 3 жоба қаржыландырылды. Яғни, «Іскер» бағдарламасы аясында 2 жоба қаржыландырылса, «Ауыл аманаты» жобасы аясында 1 жоба мақұлданды.Биыл Қарауылтөбе ауылдық округінің инфрақұрылымын дамыту бағытында бірқатар жобалар жүзеге асырылуда. Атап айтқанда, электр желілерін реконструкциялау жұмыстары жүргізілуде. Байсейітов көшесіне балалар ойын алаңы салынуда. Сондай-ақ, жаңадан қоныстанушы аумақтағы 5 көшені жарықтандыру жұмыстары аяқталды.

Қарауылтөбеде қарқынды жұмыс атқарылуда

<a href="https://kyzylorda-news.kz/">Kyzylorda-news.kz</a> «AMANAT» партиясының хатшысы Ержан Жылқыбаевтың төрағалығымен онлайн жиын өтіп, онда партияның облыстық филиалының төрағасы Алмасбек Есмаханов, Қызылорда қалалық және Шиелі, Сырдария, Жалағаш, Қармақшы, Байқоңыр аумақтық филиалдарының атқарушы хатшылары атқарылған жұмыстар бойынша есеп берді.Жиынға партияның облыстық филиалының атқарушы хатшысы Ләйлә Төрешова, облыстық мәслихаттағы депутаттық фракция жетекшісі Жорабек Нұрымбетов, партиялық бақылау комиссиясы төрағасының орынбасары Ержан Искендер және бөлім басшылары қатысты.Жиын барысында партияның «Халықпен бірге!» атты сайлауалды бағдарламасының орындалуы, қоғамдық қабылдауға тұрғындардан келіп түскен өтініштердің шешілуі, депутаттық фракциялар жұмыстарына ерекше мән берілді.Жалпы өңірде партияның 207 бастауыш партия ұйымдарына топтасқан 47 мыңнан астам мүшесі бар. Аймақтағы 9 партия филиалдары мен жергілікті әкімдіктермен бірлескен жұмыстар нәтижесінде партиялық жобалар мен сайлауалды бағдарламада көзделген іс-шаралар сәтті жүзеге асып келеді.Атап айтсақ, өткен жылы сайлауалды бағдарламаны жүзеге асыруға бағытталған Жол картадағы жоспарланған 116 іс-шараның 90,5 пайызы орындалды. Ағымдағы жылға жоспарланған 110 іс-шараның 15,5% орындалса, 81,8%-ы орындалуда.Партияның айнасы болып табылатын қоғамдық қабылдау бөлмелеріне үстіміздегі жылдың 6 айында тұрғындардан 4136 өтініш тіркеліп, оның 2708-і (65,4%) бойынша оң шешім қабылданған. 1372 өтініш иесіне қолданыстағы заңнамалар аясында нақты кеңестер берілген. 56 өтініш бойынша жұмыс жасалуда.Ағымдағы жылдың 6 айында партия жанындағы түрлі бағыттағы кеңестердің 85, мәслихаттардағы фракцияның 30 отырысы өткізіліп, қорытындысымен 547 ұсыныс, фракция мүшелерімен тиісті органдарға 772 депутаттық сауал жолданған.Жиынды қорыта келе партия Хатшысы Ержан Жылқыбаев жалпы аймақтық және аумақтық филиалдармен атқарылған жұмыстарға оң бағасын беріп, алдағы міндеттер бойынша нақты тапсырмалар берді.<img src="https://knadmin.beoblood.kz/uploads/Amanat_ajma_ty_filial_esebi_2_757d6d58fc.jpg" alt="Аманат аймақтық филиал есебі 2.jpg">

«AMANAT»: Партия хатшысы аймақтық және аумақтық филиалдармен атқарылған жұмыстар есебін тыңдады

Мемлекет басшысы Қасым-Жомарт Тоқаев өзінің Қазақстан халқына Жолдауында: «Негізгі міндеттердің бірі – экологиялық жағдайды жақсарту және қоршаған ортаға ұқыпты қарауды дамыту. «Таза Қазақстан» жалпыұлттық экологиялық акциясы – уақытша науқан емес, осындай игі шаралардың арқасында қоғамда жаңа мәдениет, жаңа қоғамдық этика орнығып келеді. Мұны туған елге деген сүйіспеншілік, жанашырлық деуге болады. Ұлттың жаңа сапасы осындай нақты шаралар арқылы қалыптасады», – деп атап өткен болатын. Биыл облыс әкімі Нұрлыбек Нәлібаевтың бастамасымен Қармақшы ауданының Жосалы және Төретам кенттерінде орналасқан темір жол вокзалы ғимараттарына күрделі жөндеу жұмыстары басталды. Жоба аясында ғимарат іргетасы мен қабырғалары нығайтылып, шатыр, есік-терезелер толық жаңартылып, жолаушыларға арналған күту залдары заманауи стандарттарға сай жабдықталады. Мүмкіндігі шектеулі жандарға арналған қолжетімділік элементтері мен қауіпсіздік жүйелері орнатылады. Сонымен қатар, вокзал маңын көгалдандыру және брусчатка төсеу жұмыстары да қарастырылған. Бұл жұмыстар — тұрғындарға сапалы қызмет көрсету, өңіріміздің инфрақұрылымын жақсарту және жолаушыларға қолайлы жағдай жасау мақсатында жүзеге асырылуда. Сонымен қатар, аудан орталығының Жосалы кенті және ауданға қарасты елді мекендерде тұрғындардың ұсыныс-талаптары назарға алынып, орталық алаңдарды қайта жөндеу, қоғамдық орындарды абаттандыру, ойын және шағын футбол алаңдарының құрылыс жұмыстары жүргізілуде. Аталған жобалар ауылдық елді мекендердің көркеюуіне, балалар мен жасөспірімдердің спортпен айналысуына, бос уақытын тиімді өткізуіне өз септігін тигізуде. Бұдан бөлек, «Таза Қазақстан» республикалық экологиялық жобасы аясында өңірдің барлық елді мекендерінде санитарлық тазарту, көркейту-көгалдандыру жұмыстары қарқынды жүргізілуде. Жыл басынан бері облыс көлемінде тазалық шараларына барлығы 211 мыңнан аса (211 663) еріктілер, қоғам қайраткерлері, бюджет саласы мен кәсіпорын қызметкерлері қатысты. Нәтижесімен 9 мың тонна (9 073) астам қоқыс қалдықтары шығарылып, елді мекендердегі 490 скверлер мен парктер, 239 тарихи-мәдени ескерткіштер, 1019 әлеуметтік нысандар (мектептер, бала-бақшалар, спорт, денсаулық сақтау және т.б.), 2 888 өнеркәсіп және бизнес нысандары, 60 су объектілері (өзендер, көлдер, жасанды су айдындары, субұрқақтар, арықтар және т.б), мен 24 624 көшелердің бойы (4 525 көп қабатты үйлер мен 20 099 жер үйлердің аулалары) тазартылды. Оған 540-тан аса техника (548) жұмылдырылды. Облыс бойынша 240 700 дана өңірдің климатына сәйкес жерсінетін қарағаш, терек және сырталының көшеттері егілді.

Қызылордада «Таза Қазақстан» экологиялық жобасы аясында Қармақшы ауданында бірқатар жобалар жүзеге асырылуда

БҚДА&nbsp;Қызылорда&nbsp;облысы&nbsp;бойынша&nbsp;департаменті JAC&nbsp;маркалы&nbsp;автокөліктердің&nbsp;Қызылорда қаласындағы&nbsp;ресми&nbsp;дилері&nbsp;– «DCG&nbsp;ORDA»&nbsp;ЖШС қызметіне&nbsp;қатысты&nbsp;тұрғындардан&nbsp;келіп&nbsp;түскен өтінішті&nbsp;қарады.Автосалон&nbsp;мен&nbsp;сатып&nbsp;алушы&nbsp;арасында&nbsp;жасалған шарттарда&nbsp;техникалық&nbsp;қызмет&nbsp;көрсетуді&nbsp;тек&nbsp;«DCG ORDA»&nbsp;ЖШС-нің&nbsp;сервистерінде&nbsp;ғана&nbsp;жүргізу міндеттелгені&nbsp;анықталды.&nbsp;Бұл&nbsp;талап&nbsp;орындалмаған жағдайда&nbsp;–&nbsp;кепілдік&nbsp;тоқтатылатын&nbsp;болған.&nbsp;Мұндай шарт&nbsp;тұтынушылар&nbsp;құқығын&nbsp;шектеп,&nbsp;нарықтағы бәсекелестікке&nbsp;кедергі&nbsp;келтірген.&nbsp;Анықталған&nbsp;бұзушылықтарды&nbsp;жою&nbsp;және&nbsp;мұндай тәжірибені&nbsp;тоқтату&nbsp;туралы&nbsp;департамент&nbsp;«DCG ORDA»&nbsp;ЖШС-не&nbsp;тиісті&nbsp;хабарлама&nbsp;жолдады.Компания&nbsp;хабарламада&nbsp;көрсетілген&nbsp;талаптарды белгіленген&nbsp;мерзімде&nbsp;толық&nbsp;орындады.ҚР&nbsp;Бәсекелестікті қорғау және дамыту агенттігінің Қызылорда облысы бойынша департаменті

Қызылорда қаласындағы JAC ресми дилерінің бәсекеге қарсы тәжірибесі тоқтатылды

<a href="https://kyzylorda-news.kz/">Kyzylorda-news.kz</a> Бүгін Қызылорда қаласының Сол жағалау мөлтек ауданында «Келешек мектептері» жобасы шеңберінде өңірде алғаш ашылған жалпы орта білім беру ұйымына ашық есік күні ұйымдастырылды. Ашық есік күніне 400-ден аса ата-ана мен оқушылар сонымен қатар, республикалық және жергілікті БАҚ өкілдері қатысты.900 оқушыға арналған жаңа мектеп бүгінде цифрландыру, инклюзивтілік және кеңістікті көпфункционалды пайдалануға қойылатын барлық талаптарға сай келетін заманауи үлгілік білім ордасы айналған.Мектеп 0-сыныптан бастап 11-сыныпқа дейінгі барлық оқушыларға толыққанды білім беруді қамтамасыз етеді. Қазіргі таңда ғимарат жаңа жиһаздар, цифрлық құрылғылар мен интерактивті технологиялармен толық қамтамасыз етілген. Бұл оқу жылының алғашқы күндерінен-ақ сапалы білім беру процесін жолға қоюға мүмкіндік береді.Білім ордасы инклюзивтілік пен жалпыға бірдей қолжетімділік қағидаттарына сай жобаланған. Ғимарат пандуспен, лифтпен, тактильді бағыттағыштармен, жарықтық белгілермен, сахнаға арналған арнайы құрал-жабдықтармен жабдықталған. Ашық есік күні барысында бұқаралық ақпарат құралдарының өкілдері мен ата-аналарға мектептің инфрақұрылымы атап айтқанда, цифрлық сауаттылық, информатика және робототехника кабинеттері, ағаш және металл өңдеу, тігін және аспаздық шеберханалары, бейнелеу өнері, графика және жобалау кабинеттері, STEM-зертханасы және оқушылардың барлық санатына қолайлы жағдай жасайтын сәулеттік және логистикалық шешімдер таныстырылды.<img src="https://knadmin.beoblood.kz/uploads/yzylorda_alasynda_Keleshek_mektepteri_zhobasy_ayasynda_salyn_an_al_ash_y_mektepke_baspas_z_tury_tti_ae921f03b4.webp" alt="Қызылорда қаласында «Келешек мектептері» жобасы аясында салынған алғашқы мектепке баспасөз туры өтті.webp">

Қызылорда қаласында «Келешек мектептері» жобасы аясында салынған алғашқы мектепке баспасөз туры өтті

<a href="https://kyzylorda-news.kz/">Kyzylorda-news.kz</a> &nbsp;Қаламыздың жол-көлік қатынасы үшін маңызды Тәуелсіздікке 25 жыл даңғылын Әбілқайыр хан көшесі тұсынан Саламатов көшесіне дейін ұзарту жұмыстары бүгінде аяқталуға жақын.&nbsp;Сырдарияның жағалауымен салынған автожолға “Жол активтері сапасының ұлттық орталығы” ҚОФ мамандары кезекті тексеруге шығып, асфальт жабындысынан сынамалар алды. Жалпы осы кезге дейін орталық инженерлері 20 рет бақылау жүргізіп, құрылыс материалдарынан алынған 57 зертханалық сынаманың 14-і талапқа сай еместігі анықталды. Олқылықтар бойынша мердігер мен тапсырыс берушіге тиісті ұсыныс беріліп, кемшіліктер қайта қалпына келтірілетін болады.

Мамандар Тәуелсіздікке 25 жыл даңғылын тексерді

<a href="https://kyzylorda-news.kz/">Kyzylorda-news.kz</a>&nbsp; Қызылордада сотталғанға тамақ ішіне жасырып телефон өткізбек болған, - деп хабарлайды <a href="https://polisia.kz/qyzylordada-sottalghangha-tamaq-ishine-zhasyryp-telefon-otkizbek-bolghan/">Polisia.kz. </a>Қызылорда облысы бойынша қылмыстық-атқару жүйесі департаментінің №60 мекемесінде сотталғанға ұялы телефонды жасырын өткізбек болған әрекет әшкереленді.&nbsp;Тыйым салынған зат сәлем-сауқатты тексеру барысында анықталды. Сотталғанға жеткізілмек болған ыстық тамақ – палау мен картоптың ішіне ұялы телефон мұқият фольгаға оралып жасырылған.&nbsp;Алайда мекеме қызметкерлерінің қырағылығының арқасында заңсыз зат табылып, тәркіленді. Қазіргі уақытта бұл дерек бойынша ҚР Әкімшілік құқық бұзушылық туралы кодексінің 481-бабына сәйкес іс-құжаттар рәсімделуде. ҚАЖ департаменті мекеме аумағына тыйым салынған заттарды кіргізу әрекеттерінің жолын кесу бағытындағы шаралар тұрақты түрде жүргізілетінін мәлімдеді.Фото: Polisia.kz

Қызылордада сотталғанға  тамақ ішіне жасырып телефон өткізбек болған 

<a href="https://kyzylorda-news.kz/">Kyzylorda-news.kz</a> Үздіксіз дайындық пен кәсіби шеберлікті шыңдау – уақыт талабы. Демек, ұрымтал сәтте ұтқыр тәсіл қолдану ұтымды болмақ. Бұл ретте, ҚАЖ департаментіне қарасты №68 мекемесі кәсіби даярлықты арттыруға ұдайы көңіл бөледі. Жеке құраммен жұмыс тобының ұйымдастыруымен ату бойынша оқу-жаттығу өтіп, бәрі егжей-тегжейлі түсіндірілді.Тосын жағдайда тапжылмай, мергендікке машықтанудың маңызы зор. Оқу-жаттығу барысында қызметкерлер атыс қаруын қолдану ережелерін, қауіпсіздік әрекеті мен нысананы дәл көздеу әдістерін жетілдірді. Сонымен қатар, жеке және топтық іс-қимыл дағдылары пысықталды. Жағдай шиеленіспей тұрып, жылдам шешім қабылдау да назарға алынды.<blockquote>– Бұл жаттығудың мақсаты – жеке құрамның кәсіби дағдыларын заманауи талапқа сай жетілдіру. Дәлірек айтсақ, қызметкерлер «Макаров» тапаншасын дұрыс әрі сенімді пайдаланып, тиісті тактиканы меңгеруге міндетті. Дене шынықтыру даярлығы сабағынан түйгенін іс жүзінде көрсетуі керек. Дайындық кезінде әркім өз деңгейінде жүктелген міндетті орындады. Темірдей тәртіпке бағынып, мұндай сабақтарды жиі өткізуге басымдық береміз. Өйткені, бұл – қызметкерлердің физикалық дайындығын күшейтіп қана қоймай, қырағылықты да қалыптастырады - деді мекеменің жеке құраммен жұмыс жөніндегі аға инспекторы Фердауси Ертай.</blockquote>Қызметтік тиімділікті күшейту – жұмыстың сапалы сипатын айғақтайтын шарт. Мұны ескерген мекеме ұжымы маңызды іс-шара өткізуді жалғастыра бермек.

Қазақстан және Қызылорда облысының жаңалықтары