<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің Өзіндік қауіпсіздік басқармасы сыбайлас жемқорлықтың алдын алу бағытында тұрақты түрде түсіндірме жұмыстарын жүргізуде. &nbsp;Азаматтардың құқықтық санасын арттыру, қоғамда парақорлыққа төзбеушілік мәдениетін қалыптастыру мақсатында өңірдегі кинотеатрларда арнайы бейнероликтер көрсетіліп, насихат жұмыстары жүргізілді. &nbsp;Бұл – ел ішінде әділдік пен тазалықты нығайтуға, халықтың сенімін арттыруға бағытталған маңызды қадам. &nbsp;Сыбайлас жемқорлық — қоғам дамуына үлкен кедергі. Заң бәріне ортақ және қатал. &nbsp;&nbsp;Фото: polisia.kz

Сыбайлас жемқорлыққа жол жоқ: заң мен тәртіп – басты қағида

Облыс әкімі Нұрлыбек Нәлібаев Мажарстан елшісі Отто Иван Ронамен кездесті. Кездесуде аймаққа инвестиция тарту мәселесі талқыланды.«Біздің халықтарымызды тек ресми құжаттар ғана емес, тамыры терең, тарихы ортақ рухани байланыстар біріктіреді. Қазақ пен мажар – түбі бір түркі жұртының ұрпақтары. Тіліміз бен мәдениетіміздегі сабақтастық осы сөзіме айқын дәлел бола алады. Екі ел арасындағы жоғары деңгейдегі әріптестіктің нәтижесінде Мемлекет басшыларының сапарлары дәстүрге айналды. Соның бір айғағы ретінде Мажарстан Президенті Тамаш Шуйок мырзаның 2025 жылғы қазан айында Қазақстанға жасаған ресми сапарын ерекше атап өтуге болады. Инвестициялық ынтымақтастық бағытында да маңызды қадамдар жасалуда.&nbsp; Өткен жылдың қараша айында «UBM Group» компаниясы мен еліміздің Сыртқы істер министрлігі және «Kazakh Invest» өкілдері арасында мазмұнды кездесу өтті. Жиын барысында «UBM Group» компаниясы Қазақстандағы премикс және құрама жем зауыттарын салу &nbsp;барысын таныстырды. Компания жобаның екінші кезеңі аясында тағы 2 құрама жем зауытын салуға ниетті екенін растады. Бүгінде қалған екі зауыттың салынатын орны талқыланып жатқандықтан, жаңа өндіріс алаңы үшін ең тиімді аймақ ретінде Қызылорда облысын қарастыруды ұсынамын. Біріншіден, ауыл шаруашылығы — аймақ экономикасының басты бағыты.&nbsp; Қазақстандық күріштің 90 пайызынан астамы облысымызда өндіріліп, алыс және жақын шетелдерге экспортталады.&nbsp; Сонымен қатар, аймақта сүт өндірісі, мал және құс шаруашылығы қарқынды дамуда. Бұл өз кезегінде құрама жемге деген сұраныстың артуына тікелей әсер етуде»,- деді Н.Нәлібаев. Басқосуда елші Байқоңыр &nbsp;ғарыш кешеніне жасаған сапары ерекше әсер қалдырғанын атап өтіп, алдағы уақытта инвестициялық ынтымақтастық бағытында нақты әрі маңызды қадам жасауға &nbsp;ниет білдірді.

Облыс әкімі Мажарстан елшісімен танысты 

Облыс әкімі &nbsp;Нұрлыбек Нәлібаев «Қызылжарма» каналын науамен жабдықтау және жол жөндеу жұмыстарының барысымен танысты.Алдымен &nbsp;жабдықтау жобасын көрді. &nbsp;Қолданыстағы «Қызылжарма» каналы 1957 жылы салынған. Ұзындығы – 13 800 метр, ені – 11 метр, техникалық жағдайы айтарлықтай тозған. Су ресурстарын тиімді пайдалану және үнемдеу үшін каналды қайта жаңғыртып, заманауи талаптарға сай науамен жабдықтау қажеттілігі туындады.Осы бағытта &nbsp;жоба әзірленіп, ол іске асқанда «КБИ», «Коммунизм», «Шанхай», «Гагарин» шағын аудандары мен «Қызылжарма» ауылдық округінде тұратын шамамен 48 мыңға жуық тұрғын сапалы аяқ сумен қамтамасыз етіледі. Сонымен қатар, мал шаруашылығын дамытуға, бау-бақша және жеміс-жидек егуге, қаланың экологиялық ахуалын жақсартуға оң әсерін тигізеді. Суару маусымында &nbsp;каналдан шамамен 9,3 млн текше метр су жіберіледі. Науа қойылған соң су шығыны шамамен 50 пайызға қысқарады.Қазіргі таңда құрылыс жұмыстарын «Бақ-Береке 2030» серіктестігі бастады. Келісімшартқа сәйкес жобаны іске асыру мерзімі – 14 ай.Жоба &nbsp;бойынша 9 488 метр &nbsp;науа орнатылып, 34,3 гектар аумақ тазаланып, монолитті темірбетон конструкциялары тұрғызылады. Сонымен қатар, 10 тіреу-бөгеттеу құрылғысы, 2 құбырлы өткел, жаяу жүргіншілер көпірлері, диаметрі 200 мм-лік 87 су шығару құрылғысы орнатылады. Оған қоса 56 400 шаршы метр кеспетас төселіп, 126 орындық пен қоқыс жәшігін қою жоспарланған.Әрі қарай аймақ басшысы «Сағымбаев көшесін Торайғыров көшесінен «Қызылорда – Құмкөл» автожолына дейін қайта жаңғырту» жобасын жүзеге асыру барысын көрді. Мұнда 2,1 шақырымдық &nbsp;төрт жолақты жаңа автомобиль жолы салынуда.Мердігер мекеме «Қыран», техникалық қадағалаушы «СК Энерго Ойл», авторлық қадағалаушы «Проинсет» серіктестіктері. Жобаның келісімшарт құны 1 673 132,0 мың теңге, ол бойынша жаяу жүргіншілер жолы салынып, заманауи жарық шамдары орнатылады. Бұл жол қозғалысының қауіпсіздігін арттырып, тұрғындарға қолайлы жағдай жасауға мүмкіндік береді.

Аймақ басшысы жол жөндеу жұмыстарының барысымен танысты 

Биыл Кеңес әскерлерінің Ауғанстан жерінен шығарылғанына 37 жыл толып отыр. Еске салсақ, 1978 жылдың сәуір айында Ауғанстанда мемлекеттік төңкеріс орын алып, оның соңы қарулы қақтығысқа ұласты. Бұл қасіретті соғыс тек бір елдің шеңберінде ғана емес, сырт мемлекеттердің араласуымен ұзақ жылдарға созылған ауыр тарихи кезең болды. 1979 жылы Кеңес әскерлерінің шектеулі контингенті Ауғанстан аумағына енгізіліп, он жылға жуық уақыт бойы ұрыс қимылдары жүргізілді. Осы ауыр сын сағатта Қазақстаннан Ауған соғысына 22 мыңға жуық азамат аттанды. Өкінішке қарай, солардың 924-і сұрапыл соғыста қаза тапты, ал 21 жауынгер хабар-ошарсыз кетті.Қазалы ауданында Кеңес әскерінің қатарында жүріп, Ауған жеріндегі қақтығыста қаза тапқан азаматтарды еске алуға арналған тағылымды шара өтті.Аудан әкімі Алмасбек Есмаханов пен ауған соғысының ардагерлері және ел ағалары Әйтеке би кентіндегі мәдени-демалыс кешенінде орналасқан Ауған соғысының ардагерлеріне арналып қойылған ескерткішке гүл шоқтарын қойып, ерлікпен қаза тапқан азаматтарды 1 минут үнсіздікпен еске алды. Сондай-ақ рухтарына арнап құран бағыштады.Шара барысында аудан әкімі Ауған соғысы ардагерлерінің ерліктері мен бейбіт жылдардағы еңбектеріне лайықты құрмет көрсету басты парыз екенін атап өтті. Ауған соғысы ардагерлері мен мүгедектер Одағы «Ардагер» қоғамдық бірлестігінің төрағасы Айдар Әлиев сөз сөйлеп, қарулы қақтығыс кезеңіндегі естеліктермен бөлісті.Қазалы ауданы бойынша қан майданға 67 жауынгер қатысып, Инабатов Сәндібек және Ибраймов Қуаныш ағаларымыз майдан даласында ерлікпен қаза тапты. Ал 10 жауынгер елге оралған соң қайтыс болған. Кейінгі жылдары көпшілігі туған жерден басқа қалаға қоныс аударса, бүгінде олардың 26-сы аудан өміріне етене араласып жүр.

Ауған даласында қаза тапқан батырлардың рухына тағзым етті

<a href="https://kyzylorda-news.kz/">Kyzylorda-news.kz</a> «Заң мен тәртіп» қағидаты аясында Қызылорда облысы Полиция департаменті бастығының орынбасары, полиция полковнигі Е. Абдраманов және Қоғамдық қауіпсіздік басқармасының бастығы, полиция полковнигі Е. Жаукеев Қызылорда қаласындағы М. Ықсанов атындағы Қызылорда политехникалық жоғары колледжі мен Е. Әуелбеков атындағы №4 облыстық мамандандырылған мектеп-лицей-интернатының студенттері және оқушыларымен кездесу өткізді.Айта кетейік, Қазақстан Республикасы Ішкі істер министрі 2026 жылды «Заң мен тәртіп – қауіпсіз балалық шақ кепілі» жылы деп жариялаған болатын. Осыған орай ұйымдастырылған іс-шараға аталған оқу орындарының 1–3 курс студенттері мен 7–11 сынып оқушылары қатысты.Кездесудің негізгі мақсаты – жасөспірімдер қылмысының алдын алу, кәмелетке толмағандардың құқыққа қайшы мінез-құлқына қоғамда төзбеушілік қалыптастыру және жастардың құқықтық мәдениетін арттыру.Шара барысында өмірден алынған нақты мысалдар келтіріліп, студенттер мен оқушыларды толғандырған сауалдарға толыққанды жауап берілді. Әсіресе бұзақылық, заңмен тыйым салынған үшкір және тескіш заттарды алып жүру, буллинг пен кибербуллинг, сталкинг, некеге мәжбүрлеу, нашақорлық және әкімшілік құқықбұзушылықтардың салдарына ерекше назар аударылды.Сонымен қатар қоғамдық тәртіпті сақтау, жол жүрісі қағидаларын қатаң ұстану және интернет кеңістігінде алаяқтардың арбауына түспеу мәселелері кеңінен түсіндірілді.Полиция қызметкерлері күнделікті өмірде кездесетін нақты жағдайлар арқылы еркіндік пен жауапкершіліктің ара-жігін ажыратып, жеке қауіпсіздік саналы таңдаудан басталатынын атап өтті.Кездесу ашық форматта өтіп, оқушылар мен студенттер өз пікірлерін еркін білдіріп, көкейдегі сұрақтарын қоюға мүмкіндік алды.Мұндай профилактикалық іс-шаралар құқықбұзушылықтың алдын алып қана қоймай, жасөспірімдердің өз-өзіне деген сенімін арттыруға, заңға құрметпен қарауға және қауіпсіздік – ересектер мен балалардың ортақ жауапкершілігі екенін түсінуге ықпал етеді.

«Заң мен тәртіп» – қауіпсіз балалық шақ кепілі

<a href="https://kyzylorda-news.kz/">Kyzylorda-news.kz</a> FlyArystan&nbsp;әуе компаниясының ұшаққа отыратын жолаушы қол жүгінің артық мөлшеріне ақы белгілеу тәртібі тексеріліп жатыр. Монополиямен күресетін мекеме компания әрекеті тұтынушылар құқығын шектейді деп есептейді,&nbsp;– деп хабарлады &nbsp;<a href="https://kz.kursiv.media/kk/2026-02-12/flyarystan-nyng-qol-zhuegine-aqy-belgileu-taertibin-teksere-bastady/">kursiv.media</a>Air Astana-ға қарасты лоукостерге қатысты тергеу жүріп жатқаны 12 ақпанда Алматыда өткен&nbsp;брифингте&nbsp;мәлім болды. Бәсекелестікті қорғау және дамыту агенттігі қалалық басқармасының басшысы&nbsp;Нұржан Нұрланұлының&nbsp;айтуынша, мекеме FlyArystan-ның мөлшері өте қымбат ақы алғанын анықтаған.«Мәселен, жүк мөлшері 1 кг асқан адам мен 5 кг асқан жолаушы бірдей ақы төлеуге мәжбүр болған», – дейді шенеунік.Агенттік мұндай жағдай әуе компаниясы қызметіне жүгінген азаматтар құқығын шектеу деп есептейді.«Нарықта нақты артық салмаққа қарай сараланған төлем тәжірибесі бар екенін көріп отырмыз. Бұл тәсілден бас тарту, біздің ойымызша, тұтынушылар құқықтарын шектейді. Сондықтан әуе компаниясына қатысты тергеу басталды», – деді Нұрланұлы.Фото: shutterstock

FlyArystan-ның қол жүгіне ақы белгілеу тәртібін тексере бастады

<a href="https://kyzylorda-news.kz/">Kyzylorda-news.kz</a> Жетісу облысында интернет-таныстық арқылы бопсалаумен айналысқан Талдықорған қаласының 9 тұрғыны сотталып кетті, деп хабарлайды облыстық прокуратураның баспасөз қызметі.Жетісу облысының прокуратурасы сотта ұзақ уақыт бойы психологиялық қысым мен бопсалау әдістерін қолдана отырып қылмыс жасаған адамдар тобының кінәсін <a href="https://kaz.inform.kz/news/taldikorganda-kilmistik-top-adamdarga-psihologiyalik-kisim-zhasap-aksha-talap-etken-6207c3/">дәлелдеді.</a>2024 жылғы мамырдан 2025 жылғы наурызға дейін өңір аумағында азаматтарды бопсалаумен айналысқан топ әрекет еткен. Қаскүнемдер әлеуметтік желілер мен мобильді қосымшалар арқылы жәбірленушілердің сеніміне кіріп, кейін түрлі сылтаулармен оларды өз үйлеріне шақырған. Қылмыстық схема психологиялық қысым мен манипуляцияға негізделіп, жәбірленушілерді жалған түрде «зорлау фактісі бойынша полицияға арыз береміз» деп қорқыту арқылы жүзеге асырылған. «Мәселені реттеу» үшін олардан ірі көлемде ақша талап еткен.&nbsp;Азаматтар алдын ала бөлінген рөлдер бойынша әрекет еткен адамдар тарапынан қатты қысымға ұшыраған.<blockquote>–&nbsp;Құқыққа қайшы жүйе анықталғаннан кейін аталған тұлғалар ұсталып, сотқа дейінгі тергеп-тексеру жүргізілді. Оның нәтижелері бойынша қылмыстық іс сотқа жолданды. Сот отырысында мемлекеттік айыптаушы тағылған айыптың негізділігін дәлелдеп, ұсынылған дәлелдемелерге құқықтық баға берді. 2026 жылғы 30 қаңтарда Талдықорған қалалық сотының үкімімен аталған адамдар ҚР ҚК-нің 194-бабы 2-бөлігінің 1), 2) және 3) тармақтары бойынша кінәлі деп танылып, әртүрлі мерзімге жаза тағайындалды. Үкім заңды күшіне енген жоқ,&nbsp;– делінген хабарламада.</blockquote>Фото: freepik.com

Талдықорғанда қылмыстық топ адамдарға психологиялық қысым жасап, ақша талап еткен

<a href="https://kyzylorda-news.kz/">Kyzylorda-news.kz</a>&nbsp; «Мен олармен&nbsp;жай&nbsp;ойнаап көрейін деп едім»,&nbsp;«Олардың не істей алатынын тексергім келді»,&nbsp;«Мен олардың алаяқтар екенін&nbsp;білемін ғой»— бұл&nbsp;әдетте, оқиғаның соңы бірдей аяқталатын, ақшасынан айырылған,&nbsp;шоттары&nbsp;бұғатталған және&nbsp;«бұл қалай болды?» деп&nbsp;таңғалған&nbsp;сұрақтар қоятын алаяқтар құрбандарының сөздері.Адамға алаяқтар қоңырау шалғанда немесе хабарлама жібергенде,&nbsp;адамдардың реакциясы&nbsp;екі&nbsp;түрлі болады&nbsp;—&nbsp;біріншілерінің бойында үрей туса, екіншілері өздеріне тым сенімді болады. Қорқу адамға тән болса, &nbsp;өзіне деген асқан сенімділік оған кері әсер етуі мүмкін, әсіресе, барлығы толық бақылауда деген наным болса. &nbsp;Алайда, дәл осы сәтте бақылау байқалмай тізгіннен шыға бастайды.«Жай сөйлескім келді» дегеннің өзі неге қатеАлаяқтардың банкті немесе қауіпсіздік жүйесін бұзулары сирек кездеседі. Олардың нақты мақсаты — адам. Әрбір әңгіме, тіпті келеке етіп, «мен &nbsp;жай ғана ойнаймын» деген ой тегін тест сияқты жұмыс істейді.Бір-екі ауыз сөзден ғана қылмыскерлер сіздің қысымға қалай жауап беретініңізді, қаншалықты тез шешім қабылдағаныңызды, «банк», «полиция», «қарыз», «кредит» деген сөздер сізді қаншалықты қорқытатынын, диалогты жалғастыруға дайын екеніңізді және сіздің эмоцияға қаншалықты тез берілетініңізді түсінуге мүмкіндік береді. Олар үшін жауаптың мазмұны емес, фактінің өзі маңызды: сіз телефонды тастамай, жауап беріп тұрсыз &nbsp;Алаяқ үшін бұл сигнал: яғни адаммен байланыс орнатылды. Демек, осы нөмірмен жұмыс істеуге болады, мұнда оралу керек.Қаскүнемдер бірінші қоңырау жасағанда сирек шабуыл жасайды. Көбінесе бұл барлау. Бүгін сіз «жай әзілдедіңіз», ертең сіздің &nbsp;дауысыңыз &nbsp;жаңа схемада қолданылады — мысалы, туыстарыңызға қоңырау шалу үшін. Немесе әңгімелесу қажетті сөздер мен қолайлы сәтті пайдаланып, &nbsp;нақты шабуылдың &nbsp;алғашқы қадамы болады. Келесі күні қоңырау банктің, қауіпсіздік қызметінің немесе таныстың атынан «шынайы қоңырау» болады. Әрбір келесі қадам алдыңғы қадамға қарағанда қисынды және сенімді болып көрінеді, өйткені олар сценарийді &nbsp;сізге сәйкес келтірген.«Мен ештеңе айтқан жоқпын» — көп тараған қате түсінікКөбіне зардап шеккендер: «Мен картамның деректерін айтқан жоқпын», «Мен ештеңені растаған жоқпын», «Мен жай ғана сөйлестім» дейді.Бірақ алаяқтықтың деректемелер мен СМС кодтардың негізінде ғана жасалуын тоқтатқанына біраз болды. Бүгінгі күні мұның қажеті де жоқ. Кейде нөмірдің белсенді екенін және оған жауап берудің, адамның онлайн-банкингті қолданатынын және оның не туралы екенін көрсетудің, оның жалғыз екенін және жақын жерде ақыл беретін немесе оны тоқтататын ешкімнің жоқ екенін түсінудің, болашақта даусын салу үшін дауысын, интонациясын және сөйлеу мәнерін естудің өзі жеткілікті.Жеке алғанда, бұл ұсақ-түйек болып көрінер, бірақ дәл осындай көзге көрінбейтін заттардан психологиялық бейнені қалыптастыруға болады. Ал әзіл, «жай сөйлесу», алаяқпен ойнауға тырысу көбіне оның алғашқы қадамы болады.Аз сома — үлкен қақпан«Жеткізу» үшін 300 теңге, «тексеру үшін» 1 000 теңге, «мәселені шешу үшін» 5 000 теңге сияқты шағын сомаларды есептен шығару алаяқтар үшін тест болып табылады. Адамның қанша жоғалтқаны емес, оның есептен шығарылған ақшаны байқаған-байқамағаны, мәселенің мән-жайын анықтау үшін банкке қоңырау шалуы немесе «ұсақ-түйекке» уақытын жоғалтқысы келген-келмегені маңызды.Егер адам үнсіз болса және ешбір әрекет жасамаса, бұл әрі қарай жалғастыра беру керек дегенді білдіреді. «Ұсақ-түйектен» кейін әрдайым қайтадан есептен шығару, жасырын жазылымдар, «қайтарулар» жүреді, бұлар – іс жүзінде жаңа аударымдар, кредитті рәсімдеу әрекеттері.Мұның психологиялық жағы да бар: адам «тиынға» алданғанын мойындауға ұялады. Дәл осы үнсіздік алаяқтардың әрі қарай әрекет етуіне мүмкіндік береді.Адам үндемесе, банк те схема туралы білмейді және уақытылы ден қоя алмайды, жақындары да ескертілмеген және сол сценарийге тап болуы мүмкін, ал алаяқтар жұмыс істеп тұрған схеманы қайта-қайта қолдана береді.«Әзілден» басталған нақты оқиғаларЕр адамға «банктенбіз» деп &nbsp;қоңырау шалады. Ол алаяқтардың қоңырау шалып жатқанын түсініп, әзілдесуге көшті, оларға жауап берді, тіпті бір жерлерімен келісті де. Бір-екі күннен кейін «бонус» туралы хабар келіп, ол қосымшаға кіре алмай қалды.Қыз «курьерлік қызметтен» хабар алды. Қызық үшін не екенін көргісі келді. Телефон нөмірін, содан кейін «тексеруге арналған» кодты енгізді. Ақша бірден есептен шығарылған жоқ. Бірақ түнде бар жиғаны картасынан алынды.Жасөспірім мессенджер арқылы алаяқпен «күлкі үшін»&nbsp;хат жазысқан. Бір аптадан кейін оның аккаунтынан туыстарына ақша аудару туралы жазба түсе бастаған. Ұзақ түсіндіруге тура келді.Бұл әңгімелерге ортақ бір нәрсе бар: әр кезеңде адам жағдайды басқарып отырғандай көрінеді, бірақ бұл елес.Нақты не жұмыс істейді?Кез келген күдікті қоңырау немесе хабарлама болған кезде, әңгімені дереу аяқтап, банкке ресми нөмірге қайта қоңырау шалу, көкейіңізге сәл де болса күмән туындаса, картаны бұғаттау қажет және операциялар мен хабарламаларды мұқият тексеру маңызды. Мұндай жағдайларды жақын адамдарыңызбен, әсіресе балалармен және қарт туыстармен талқылау өте маңызды.Fingramota.kz-тен ұсынымдарАлаяқтармен ойнамаңыз. Кез келген әзіл немесе «тексеру» қылмыскерлер үшін сигнал болып табылады. Күмәнді сілтемелерге өтпеңіз және СМС арқылы келген кодтарды енгізбеңіз, тіпті «тексеру үшін». Аз ғана болса да алынған ақшаға назар аударыңыз. Ақшаның аз мөлшерде болса &nbsp;алынуы, үлкен шығындарға апаратын алғашқы қадам болуы мүмкін. Туындаған мәселе туралы уақытында айтыңыз. Банкке немесе жақындарыңызға неғұрлым тезірек хабарласаңыз, алаяқтардың одан әрі әрекет ету мүмкіндігі соғұрлым аз болады. Сценарийлерді отбасыңызбен талқылаңыз. Балалар, қарт туыстар мен достар алаяқтардың типтік схемаларын түсінуі керек. Сіз схемадан да ақылдымын деп ойламаңыз. Өзіңізге деген сенімділік сізге зиянын тигізуі мүмкін.<img src="https://knadmin.beoblood.kz/uploads/5_06eabfeb49.png" alt="5.png"> Есіңізде болсын, алаяқтар азаматтардың аңғалдығынан ғана емес, сонымен бірге олардың өзіне деген сенімділігінен де ақша табады. Әзіл, ирония, «мен бәрін басқарып отырмын»&nbsp;мұның бәрі сізді қорғай алмайды. Егер сізбен алаяқтар байланысқан болса, ойынға қатысушы болып табылмайсыз, ең дұрысы ойыннан бірден шыққаныңыз жөн. Сіз онымен сөйлесіп тұрған аралықта, олардың бүкіл деректеріңізді алу мүмкіндігі арта түседі.Өзіңізге, жақындарыңызға қамқорлық жасаңыз және Fingramota.kz-пен бірге қаржылық сауаттылығыңызды арттырыңыз!Фото: fingramota.kz

«Көп ойнаған бір жылар»: неліктен алаяқтармен ойнау жақсылыққа әкелмейді

Жалпыұлттық Коалицияның бастамасы аясында құрылған өңірлік коалицияның бүгін алғашқы отырысы өтіп, оған саяси партиялардың өңірлік филиалдары төрағалары, қоғамдық ұйымдар, зиялы қауым, мәслихат депутаттары, сарапшылар, қоғам белсенділері, азаматтық сектор мен жастар өкілдері және Конституциялық реформа жөніндегі комиссияның мүшелері қатысты.Отырыста сөз алғандар жаңа Конституция жобасы Қуатты әрі Әділетті Қазақстанды қалыптастырудың берік негізі болатынын, сондай-ақ саяси жүйенің құрылымын қоғамның заманауи талаптарына сәйкес түбегейлі жаңартатынын атап өтті.«Жаңа Конституция жобасы – елдегі саяси жаңғырулардың заңды әрі кезең-кезеңімен жүзеге асып келе жатқан реформалардың жалғасы. Бұл құжат мемлекеттілікті нығайтып қана қоймай, билік пен қоғам арасындағы өзара жауапкершілікті күшейтеді, азаматтардың шешім қабылдау үдерісіне белсенді араласуына жол ашады. Негізгі құндылық – адам және оның құқықтары мен бостандықтары. Сондықтан Ата Заң халықтың мүддесіне қызмет ететін, әділетті әрі ашық қоғам қалыптастыруға бағытталған нақты әрі тиімді тетіктерді қамтуы тиіс. Сонымен қатар, Конституциялық өзгерістер заң үстемдігін қамтамасыз етуге, мемлекеттік институттардың ашықтығы мен есептілігін арттыруға, қоғамдағы сенім мәдениетін орнықтыруға негіз болады. Бұл бастамалар ел бірлігін бекемдеп, әлеуметтік тұрақтылық пен орнықты дамуға берік негіз қалайды. Біздің басты міндетіміз – осы өзгерістердің мәні мен маңызын өңір тұрғындарына жан-жақты түсіндіріп, олардың пікірін ескеру арқылы қоғамдық диалогты күшейту», – деді «AMANAT» партиясы облыстық филиалының төрағасы, облыстық Коалиция жетекшісінің орынбасары Жандос Базартай.Жиын барысында Конституциялық реформа жөніндегі комиссияның мүшесі, Қызылорда облыстық мәслихатының төрағасы, облыстық коалиция төрағасының орынбасары Мұрат Тлеумбетов, «Ақ жол» Қазақстан Демократиялық партиясы Қызылорда облыстық филиалының төрағасы Бауыржан Сандыбаев, «Ауыл» партиясы Қызылорда облыстық филиалының аппарат басшысы Динара Ибадуллаева, «Respublica» партиясы Қызылорда облыстық филиалының төрағасы Дәурен Сейтжанов, «Қазақстан Халық партиясы» Қызылорда облыстық филиалының мүшесі Талғат Телеубаев, зиялы қауым және азаматтық сектор өкілдері пікір білдіріп, Жаңа Конституция жобасы елдің саяси жүйесін жаңғыртуға, әлеуметтік кепілдіктерді күшейтуге, кәсіпкерлікке қолайлы орта қалыптастыруға, ғылым мен мәдениетті және ұлттық құндылықтарды өркендетуге бағытталған ұзақмерзімді стратегиялық мақсаттармен толық үндесетінін атап өтті.Сондай-ақ, елдің институционалдық тұрғыдан жаңа сапалық кезеңге қадам басқаны айтылды. «Күшті Президент – ықпалды Парламент – есеп беретін Үкімет» қағидаты іс жүзінде бекіп, билік тармақтары арасындағы тепе-теңдік нығая түсті. Конституциялық бақылау тетіктері жетілдіріліп, заңсыз иемденген активтерді мемлекет меншігіне қайтару жұмыстары жүргізілуде, ұлттық ресурстарды әділ бөлу ұстанымы күшейтілуде. Барлық шешімдер әділдік, теңдік және келер ұрпақ алдындағы жауапкершілік қағидаттарына сүйенетіні ерекше аталды.Қатысушылардың айтуынша, Жаңа Негізгі заң қоғамдағы терең өзгерістерге, дүниетанымы жаңарған әрі мемлекетке жоғары талап қоятын жаңа буынның сұранысына жауап ретінде қабылдануда. Бұл үміттердің түп-төркіні – адалдық, заң үстемдігі, адам қадір-қасиетін құрметтеу және құқықтарға берік кепілдік орнату. Жаңа Конституция дәл осы қоғамдық қажеттіліктерге нақты әрі мазмұнды жауап береді.Айта кету қажет, қоғамның әртүрлі әлеуметтік топтарын ортақ құндылықтар төңірегіне топтастырып, ел дамуының жаңа кезеңіне бірлесе қадам басуды мақсат еткен Жалпыұлттық коалиция – кең ауқымды қоғамдық алаңға айналды. Оның құрамына елдегі бес жетекші саяси партиямен қатар, мыңдаған азаматтың мүддесін білдіретін 300-ден астам қоғамдық ұйым енді. Бұл – бастаманың кең қоғамдық қолдауға ие екенін көрсететін маңызды көрсеткіш. Осының жалғасы ретінде облыста саяси партиялардың өңірлік филиалдары мен қоғамдық ұйымдар жалпы құрамы 349 азаматтан тұратын аймақтық және аумақтық коалициялар құрылды. Олардың жанында белсенді үгіт-насихат жұмыстарын ұйымдастыруға арналған 200-ден аса Еріктілер қызмет атқарады. Коалицияның алдағы кезеңге арналған 695 іс-шарадан тұратын кешенді жұмыс жоспары әзірленген. Жоспар аясында тұрғындармен кездесулер, түсіндіру жұмыстары, қоғамдық талқылаулар және ашық диалог алаңдары ұйымдастырылады. Бұл форматтар арқылы өңір жұртшылығына жаңа Конституция жобасында ұсынылған өзгерістер жан-жақты түсіндіріліп, азаматтардың пікірін тыңдауға және ашық ой алмасуға басымдық берілмек.

Қызылордада «Әділетті және Прогрессивті Қазақстанның Халықтық Конституциясы үшін!» өңірлік коалициясы құрылды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов аудан орталығындағы «Руханият» орталығына барып, әлеуметтік нысанның жұмысымен және материалдық-техникалық жай-күйімен танысты.Мемлекет басшысының тапсырмасымен, аймақ басшысының қолдауымен бой көтерген «Руханият» орталығы 2025 жылы облыс әкімінің қатысуымен ел игілігіне пайдалануға берілді.Аталған көпфункционалды ғимаратта музей, кітапхана, мұрағат, неке қию залы, сондай-ақ ардагерлер және аналар кеңесі, жастар орталықтары, азаматтық қоғам өкілдері, тарихи-мәдени және рухани ұйымдар бір орталыққа біріктірілген.Аудан әкімі орталықтың қызметін жүйелі ұйымдастыру, ғимаратты тиімді пайдалану, мәдени-рухани іс-шаралардың сапалы өткізілуін қамтамасыз ету, сондай-ақ нысанды күтіп ұстау мәселелері бойынша жауапты сала басшыларына нақты тапсырмалар берді.

 «Руханият» орталығының жұмысымен танысты

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов кезектілік тәртібімен жазылған аудан тұрғындарына жеке қабылдау өткізді.Қабылдауға келген азаматтар өздерін толғандырған ұсыныс-пікірлері мен өтініштерін жеткізді. Аудан әкімі қабылдау барысында тұрғындармен ашық әңгімелесіп, олардың мәселесін мұқият тыңдады. Сондай-ақ, көтерілген мәселелерге заңға сәйкес түсіндіру жұмыстары жүргізіліп, сала басшыларына нақты тапсырмалар берілді.Айта кетейік, тұрғындар аудан әкімінің қабылдауына egov.kz порталы, е-otinish бірыңғай базасы арқылы немесе әкімдікке келіп, жазбаша өтініш беру арқылы жазыла алады.

Жалағаш: Тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a> Қазалы ауданының әкімінің орынбасары Дәурен Тлеумбетов пен аудан прокурорының орынбасары Биқожа Жұмаш Қазалы аграрлы-техникалық колледжі және Қазалы гуманитарлық-техникалық колледжінің студенттерімен кездесу өткізді.Кездесу барысында Мемлекет басшысының бастамасымен іске асырылып жатқан «Заң мен тәртіп» қағидатын ілгерілету бағытындағы жұмыстар, сондай-ақ жастар арасында құқықбұзушылықтың алдын алу мәселелері кеңінен сөз болды.Шарада құқықтық мәдениетті қалыптастыру, заң талаптарын сақтау, интернет алаяқтық, буллинг, есірткі мен зиянды әдеттердің алдын алу бағытында түсіндірме жұмыстары жүргізілді. Студенттер өздерін толғандырған сұрақтарын қойып, сала басшыларынан нақты жауаптар алды.Кездесудің басты мақсаты – жастардың құқықтық сауаттылығын арттыру, жауапкершілікті сезінетін, заңға құрметпен қарайтын саналы ұрпақ қалыптастыру.<img src="https://knadmin.beoblood.kz/uploads/Za_men_t_rtip_zhastarmen_kezdesu_2_0c5e4c5ad2.jpg" alt="Заң мен тәртіп жастармен кездесу 2.jpg">

Қазақстан және Қызылорда облысының жаңалықтары