<a href="https://kyzylorda-news.kz/">Kyzylorda-news.kz</a> «Дипломмен ауылға» мемлекеттік бағдарламасы ҚР Үкіметінің 2009 жылғы 18 ақпандағы №183 қау¬лысы және ҚР Ұлттық экономи¬ка министрлігінің 2014 жылғы 6 қа¬ра¬шадағы №72 бұйрығы негізінде жүзе¬ге &nbsp;асырылуда. Бұл бағдарламаның негізгі мақсаты ауылдық округтер мен кенттердегі тіршілікті және де сол аумақтың әлеуетінің өсуін қамтамасыз ету. сонымен бірге, ауыл тұрғындары үшін әлеуметтік саланың сапалы қызметін көрсету, ауыл аумақтарын тұрақты дамыту, ауылдық елді мекенге жұмыс істеуге және тұруға келген сала мамандарын ынталандыру болып табылады."Дені саудың – жаны сау"-демекші, кент балаларының денсаулығын қалыптастырып, спортпен айналысуларына ықпал ету мақсатында Ербақыт Сүлейменов Сексеуіл кентінде атаулы бағдарлама арқылы еңбек жолын бастайды. Ербақыт Рахатұлы 1989 жылы айдынды Арал өлкесінде дүниеге келген.<blockquote>–Бала кезде спорт саласына деген қызығушылығым жоғары болды. Сонымен бала кезден алғаш боксқа қатысқан болатынмын. Сол кезде Жолдыбай Бақзалбайұлы деген жаттықтырушы ағайым болды. Міне, осы арқылы спортқа деген қызығушылығым артып, болашақ осы саланы өзімнен кейінгілерге үлгі ететін боламын деп мақсат қойдым. Кейін Сексеуіл кентінде 2-3 жылдай уақыт бокстан жаттықтырушы болып істедім,–деп бастады Ербақыт Сүлейменов еңбек жолын.</blockquote><blockquote>–Алғаш жұмыс іздеп жүрген кезімде аудандық білім бөлімінен "Дипломмен ауылға" бағдарламасы бар екенін және соған байланысты кеңес алдым. Сол кезде "неге ауыл балаларын дамытпасқа?" деген ой келді. Елімізде «Дипломмен ауылға» деген бағдарламаның қарқынды түрде қолға алынып жатқандығынан да хабардар болдым. Оның тиімді тұстарымен таныса бастадым. Бағдарлама расымен біз секілді жандарға тиімді екен. Жұмысқа сіңісіп, елдегі ақ ниетті жандардың жайдары ортасына оңай еніп, Сексеуіл кентінің бір баласындай болып кеттім,–деді.</blockquote>Алғашында ауылға, өзге орта мен үлкен білім ошағына үйіренісіп кету оңай болмағанын айтты маман. Міне, қазір сол елдің бір тұрғыны. Бүгінде &nbsp;Ербақыт Рахатұлы атаулы бағдарлама арқылы 2010 жылдан бастап Сексеуіл кентінде еңбек етіп келеді.<blockquote>– Осылайша, 21 жасымнан бастап осы бағдарлама арқылы Сексеуіл кентіндегі №177 білім ордасында дене шынықтыру пәнінің мұғалімі қызметін атқарамын. Мемлекетіміздің қолдауымен осыдан 3 жыл бұрын осы бағдараламамен кенттен үйді де алдым. Бұл бағдарламаға айтар алғысым шексіз. Себебі жалғыз менің емес, қаншама жастарды жұмыспен қамтып, ауылды өркендетуіне септігін тигізіп жатыр. Кент балаларын да спортпен жүйелі түрде айналысуына ықпал етіп, үлгілі тәрбие беруге тырысудамын, –деді Ербақыт Сүлейменов.</blockquote>Жалпы аудан бойынша «Дипломмен ауылға!» жобасы аясында осы 2024 жылы 18 маманға тұрғын үй сатып алуға бюджеттік кредит рәсімдеу үшін 18 маманға 132912,0 мың теңге және 30 маманға бір жолғы көтерме жәрдемақы алуға 11 760 мың теңге бөлінді.2024 жылдың 6 ай қорытындысымен 30 маманға 11760,0 мың теңге көлемінде көтерме жәрдемақы берілген. Оңталап ЖОЛДАСОВ

Арал: ауыл спортына серпін берді

<a href="https://kyzylorda-news.kz/">Kyzylorda-news.kz</a> Халық саны 80 мыңға жуық Арал аудан орталығында жол жүру мәдениеті әлі қалыптаса қоймаған. Оған себеп кей көше бойында жол-көлік оқиғасының көптеп орын алуы. Кей кездері көшедегі асфальт жолда адамдардың қатарласа жүруі барлық көлік тізгініндегілердің ашуын келтірері анық. Тіпті жаяу жүргінші өтетін арнайы жолдан темір тұлпарлардың жоғары жылдамдықпен өте шығатытын да көріп жүрміз. Осы сынды әрекеттер соңы оқыс оқиғаға әкеліп жатады.Соңғы жылдары өзектілігін жоғалтпаған атаулы мәселеге Президент Қасым-Жомарт Тоқаев ерекше назар аударып, заң бұзушыларды қатаң жазалауды тапсырған болатын. Сонымен бірге мемлекет басшысы мас күйінде автокөлік жүргізгендерді қатаң жазалау керектігін де тапсырды. Қалаларды дамыту мәселелері жөніндегі кеңесте Президент: «Елімізде жол-көлік оқиғаларының көп тіркелетіні алаңдатады. Адамдар қаза тауып, жарақаттанып жатыр. Жол апатынан зардап шеккендер саны басқа елдердегі қарулы қақтығыстардан қаза табатындардың санынан кем емес. Жол қозғалысы мәдениеті айтарлықтай төмендеп кетті» &nbsp;деген еді.Көлік құралына деген сұраныстың жоғарылығы апатты жағдайлардың артуына да әкеліп отыр. Тәртіп сақшыларының жол қауіпсіздігі жөнінде айтқандарына мән беріп жатқан жан жоқ секілді. Керсінше, жоғары жылдамдықпен жолдың қарсы жолағына шығып кетіп, кайғылы оқиғаға тап болады. Осыдан келіп жолдың сапасыздығы мен қараусыз жүрген малды кінәлайтыны тағы бар.<blockquote>– Аудан тұрғындарына арнайы жол қауіпсіздігі жөнінде көптеген ескертпе жұмыстары жүргізіліп жүр. Таяуда «Автобус», «Тасмалдаушы», «Қауіпсіз жол», «Мотоцикл» сынды көптеген іс-шара өткізілді. Көпшілік көкейінде жүрген сауалдарына құқықтық көмек берілді. Атаулы шараның басты мақсаты – жолда жүру қауіпсіздігін қамтамасыз ету. Қазақстан Республикасы азаматтарының тіркелген жекелеген көлік құралдарын Қазақстан Республикасына әкелуі мен пайдалануының кейбір мәселесі туралы 2020 жылғы 20 мамырдағы Үкіметтің №306 қаулысына сәйкес ішкі істер органдары көрсетілген санаттағы автомобильдерді тіркеу бойынша халық арасында құқықтық түсіндіру жұмыстарын жүргізу болып табылады. Сондай-ақ жүргізушілердің шамадан тыс жұмыс істеуі нәтижесінде рульде ұйықтап кетуі себебінен орын алатын жол-көлік оқиғаларының алдын алу және жол қауіпсіздігін арттыру мақсатында жедел профилактикалық шаралар өткізіліп келеді, – деді Арал Апб-нің әкімшілік полиция бөлімшесінің бастығы полиция капитаны Еркебұлан Ғарифуллаұлы.</blockquote>Тағы бір мәселе, кәмелет жасқа толмаған жасөспірімдердің көлік жүргізуі. Түнгі уақытта көлік тізгінін бермейтін жасөспірімдер арасындағы бір-бірімен жарыса айдауы жол көлік оқиғасының басты себебі екені &nbsp;белгілі. Жол бермей «мен бірінші жүруім керек» немесе «менің жолыма түсіп, алдыма шығып кетті» деп ерегесіп жарысатын жасөспірімдер өз өмірлерін қиып келе жатқандығын сезбейді. Салдарынан қателік орын алып, жазықсыз бөтен көлікке соғылып жатады. Бұл мәселенің алдын алу алдымен ата-ананың қолында. Сол себепті кәмелет жасқа толмаған балаға көлік айдауға рұқсат бермей, баласының саулығын ойлаған дұрыс.<blockquote>– Жол жөнделген. Тіпті қаланың көптеген көшелеріне асфальт түскен. Оның сапасы да жақсы. Дегенмен балаларымызды көше бойына ойнатуға қорқамыз. Кей адамдар тегіс әрі тура жол бойында көліктердің жоғары жылдамдықпен жүргенінің нәтижесінде оқыс оқиғаға ұшырап жатады. Көбіне балалар жол жүрісі қағидаларын біл¬меген соң немесе оларға немқұрайлы қарау салдарынан жолдың бойында ойнап жүрген, белгіленбеген жерлерден көшені кесіп өтуінің салдарынан жол апатына себепші болып жатады, – деді қала тұрғыны Марат Рысбекұлы.</blockquote>Тағы бір мәселе, 18 &nbsp;жасқа толмаған жасөспірімнің мопед, скутер сынды тұлпар мінуі. Олар жол ережесін білмеуінің кесірінен оқыс оқиғаға тап болады. Атаулы көлік тізгініндегі кішкентай балаларды көріп «байқап жүрсе екен» дейсің де, жандарынан өтіп кете береміз. Бұл мәселеге заң да үнсіз қарап қалмады. Өткен жылы мамыр айында Мәжілісте «Қазақстан Республикасының кейбір заңнамалық актілеріне жол жүрісін ұйымдастыру мәселелері бойынша өзгерістер мен толықтырулар енгізу туралы» Заң қабылданды.Кешкілік серуенге шыға қалсақ, түрлі электросамокат, мопед түрлерін кездестіреміз. Оны тіпті балалардың үлкені де, кішісі де айдап жүреді. Ал мұндай көлік құрылғысын жалға беріп те кәсібін айналдырып отырғандар жетерлік.<blockquote>– Бүгінде жаяу жүргіншілер қатары азайды десек қате болмас. Себебі технология күн санап дамыған заманда түрлі көлік құрылғылары пайда болып жатыр. Мәселен, мектепке немесе жұмысқа күнделікті қатынауға электросамокат, мопед секілді түрлі көлік құрылғыларын тізгіндеген жандар қатары көбейіп келеді. Дегенмен жол ережесін білмейтін жандардың салдарынан оқыс оқиғалар болып жататыны көңілге қаяу салады. Сол үшін мұндай құрылғы түрлерін айдауға шектеу қойылғаны жөн секілді. Яғни жол ережесін білетін, жүргізуші куəлігі бар адамдар айдағаны дұрыс. Бұл барлығымыздың қауіпсіздігіміз үшін тиімді болар еді, – дейді қала тұрғыны Ж.Әбденова.</blockquote>Соңғы кездері жол көлік оқиғасы орын алғандығы туралы жиі құлағымыз шалатын болды. Әрине, бұл жаңалыққа көңіліміз құлазып қалады. Жауапты мамандар да барынша ескерту жұмыстарын жүргізіп, қауіпсіздік шараларын ұйымдастыруда. Дегенмен мұны тыңдайтын құлақ болмағанның салдарынан қаншама адам өмірі қиылды десеңізші?!. Жетер жерімізге асықпай-ақ жетуге болады. Осыны есте сақтап, көлік тізгінін ережеге бағына отырып басқарғанымыз дұрыс-ақ.&nbsp;А.НҰРЛАНОВА Фото: ашық көздерден

«Соқыр» жолда сақтық керек

<a href="https://kyzylorda-news.kz/ru">Kyzylorda-news.kz</a> Онлайн-алаяқтар күн сайын алдау әдістерін жетілдіріп жатыр, егер бұрын,&nbsp;цифрландыруға&nbsp;дейінгі кезеңде, олардың әдістері қарапайым болса, қазір олар соңғы технологияларды – нейрондық желілерді, виртуалды нөмірлерді, танымал банктердің сайттары мен қызметтерінің имитациясын қолдануда. Жаңа технология пайда болғаннан кейін көп ұзамай қаскүнемдер оны өз мақсатында пайдаланатыны сөзсіз.Киберқылмысқа&nbsp;қарсы күрес орталығының аса маңызды істер жөніндегі аға жедел уәкілі Ерлан Асанов Fingramota.kz-ке&nbsp;алаяқтық шабуылдардан қалай қорғануға болатынын айтып берді.Ішкі істер министрлігінің деректеріне сәйкес, 2024 жылдың тоғыз айында Қазақстанда интернет-алаяқтықтың 15,9 мыңнан&nbsp;астам оқиғасы тіркелген, бұл барлық алаяқтық түрлерінің (33 832) шамамен 47%-ын құрайды. Жалпы шығын шамамен 26 миллиард теңгені құрады. Қаскүнемдерден зардап шеккендердің қатарында болмас үшін, сергектікті жоғалтпау және алаяқтықты тани білу маңызды.Алаяқтар қандай әдістерді қолданады?Интернет-алаяқтықтың ең кең тараған түрі фишинг деп аталады. Жыл сайын фишинг әдістері одан әрі жетілдіріліп келеді, бірақ оның басты мақсаты өзгеріссіз қалады – азаматтардың жеке және банк деректерін алу.«Фишерлер белгілі бір компанияның сайтын жасап, оның атынан хабарламалар, сілтемелер жіберіп, қандай да бір жобаға қаржы салуды немесе мұқтаж жандарға көмек көрсетуді сұрай алады. Азаматтар осыған сеніп, өздерінің жеке деректерін, оның ішінде банк картасы&nbsp;және шот туралы ақпараттарын береді.Телефонияның дамуымен вишинг пайда болды, мұнда алаяқтар телефон арқылы байланысқа шығады. Схемалардың бірі – SIP-телефонияны қолдану, ол компаниялар немесе қарапайым азаматтардың нөмірлерін қайталауға және солардың атынан құпия төлем ақпаратын беруді сұрауға мүмкіндік береді», – деп түсіндірді Ерлан Асанов.Кейде қаскүнемдер банк қызметкері ретінде көрініп, несие рәсімдеуді немесе банктік шотқа шабуыл жасалып жатқанын айтады. Олар қашықтан қол жеткізу&nbsp;бағдарламаларын пайдалана отырып, азаматтарды оларды телефонына орнатуға итермелейді, бұл күдіктіні анықтау үшін қажет деп сендіреді. Аталған нұсқауларды орындағаннан кейін азаматтар автоматты түрде алаяқтарға қол жеткізуге мүмкіндік береді, олар телефонды бақылауға алып, жәбірленушінің атынан әрекет етеді.Соңғы уақытта алаяқтар салық және коммуналдық қызметтердің, ювеналды полицияның, курьерлік жеткізу қызметінің, дүкендердің қызметкері ретінде де көрінеді.Банктік жүйе дами бастаған кезде QR-код арқылы төлем жасауға арналған қосымшалар пайда болды, алаяқтар бұл технологияны тез игерді. Мысалы, маркетплейстерде қаскүнемдер сатушыларды да, сатып алушыларды да алдайды. Кейбір жеке кәсіпкерлер өз аккаунттарына немқұрайлы қарайды, оларды адал емес адамдарға береді. Нәтижесінде олар тауарсыз және сатып алушылар алданып қалады, олар тауарды төлегенімен, қолына алмаған. Кейде алаяқтыққа назар аудармаған сатушыны сотқа беріп жатады және ол өзінің кінәсіздігін дәлелдеу қиынға соғады, себебі операциялар оның аккаунты арқылы жүргізілген.Тағы бір «сұр» схема – алаяқтардың сәлемдемені төлеу туралы өтінішпен хаттары. Адам ештеңе тапсырыс бермегенін айтады, және одан бас тартуды автоматты түрде рәсімдеу үшін QR-кодты сканерлеуді сұрайды. Сканерлеуді өткізгеннен кейін жәбірленуші автоматты түрде қаскүнемдерге деректерін береді, олар әрі қарай қалағанын істей алады.Дипфейк деп аталатын жаңа технологияны қылмыскерлер ақша немесе банктік деректерді алдау мақсатында пайдалануда. Олар белгілі тұлғалардың немесе шынайы өмірде жоқ адамдардың бейнелерін жасайды. Әдетте, дипфейк фишингтік сайтқа сілтемемен бірге жүреді, оны алаяқтар жеке деректерді ұрлау үшін алдын ала жасайды.Мессенджерлер де интернет-алаяқтар арасында танымал, әсіресе WhatsApp. Мессенджердегі аккаунт – адамның телефонына кірудің ең оңай жолы. Бұл үшін алаяқтар кездейсоқ құрбанның нөміріне қауіпсіздікті жақсарту үшін авторизация кодымен SMS жіберіп, осы кодты айтуды сұрайды. Адам мұны жасаса, алаяқтар оның аккаунтына автоматты түрде қосылады және барлық контактілерден қарызға ақша сұрайды немесе құпия ақпаратты алдап алады.<figure class="image"><img src="https://knadmin.beoblood.kz/uploads/fingramota_kaz_98b98d7138.jpeg" alt="финграмота каз.jpeg"></figure>Интернет-алаяқтардың құрбаны болмау үшін не істеу керек?Алаяқтықтан ешкім сақтандырылмаған. Сондықтан, егер сіз алаяқтардың құрбаны болғаныңызды түсінсеңіз, ең алдымен, шоттар мен карталарды бұғаттау үшін банкке хабарласыңыз. Тек содан кейін полицияға шағым беріңіз. Кез келген қаржылық операцияларды мүмкіндігінше тезірек тоқтату маңызды, бұл шығынды азайтуға мүмкіндік береді. Енді қауіпсіздік бойынша негізгі ережелерді қарастырайық.«Ең алдымен, ешқашан жеке деректеріңізді, соның ішінде банк реквизиттерін интернет немесе телефон арқылы бермеңіз. Тіпті сізге таныс нөмірден қоңырау шалса да, басқа жақта кімнің шын мәнінде отырғанын әрдайым тексеріңіз. Банк және басқа қаржы ұйымдарының қызметкерлері, сондай-ақ салық органдары, ҰҚК сізден SMS-тен&nbsp;кодтарды немесе басқа құпия деректерді сұрамайды және сізден күмәнді мобильді қосымшаны жүктеуді өтінбейді.Сондай-ақ телефонға екі факторлы аутентификация бағдарламаларын орнату және мессенджерлерде, әсіресе WhatsApp-та қосылған құрылғыларды үнемі тексеріп тұру ұсынылады», – деп атап өтті Ерлан Асанов.Ол күмәнді хабарламалардан немесе хаттардан сілтемелерге ешқашан өтпеу керек екенін еске салды, тіпті олар ресми көрінсе де. Алаяқтар жиі ірі компаниялардың сайттары мен қосымшаларын қолдан жасайды. Егер күмәндансаңыз, әрдайым ұйымның ресми сайтында көрсетілген нөмір бойынша өзіңіз қоңырау шалыңыз.Тағы бір маңызды ереже – жеке деректеріңізге мұқият қарау. Құжаттарыңыздың немесе банктік карталарыңыздың фотосуреттерін мессенджерлер арқылы ешқашан жібермеңіз. Туыстар мен жақын достар арасында да деректердің таралу қаупі болуы мүмкін.Ақпарат көздерін тексеріңіз, әсіресе ол қаржылық операцияларыңызға қатысты болса. Егер сізден құпия деректерді беру сұралса, әңгімені тоқтатып, ақшамен байланысты бейтаныс адамдарға сенбеңіз. Антивирустық бағдарламаларды ұмытпаңыз. Осы шаралардың барлығы қарапайым, бірақ деректеріңізді қорғауда өте тиімді.&nbsp;Өзіңізді және жақындарыңызды қорғаңыз, Fingramota.kz-пен бірге қаржылық сауаттылығыңызды арттырыңыз!Фото: Fingramota.kz

Фишинг, дипфейктер және QR-код: интернет-алаяқтар арасында қандай схемалар кең тараған 

<a href="https://kyzylorda-news.kz/">Kyzylorda-news.kz</a> Заманның өзгергені ме, әлде қоғамның дамуға бет бұрғаны ма қазір темір тұлпар тізгіндегендер көп. Бұрындары ер азаматтар ғана руль ұстаса, бүгін қыз-келіншектер де көлік басқарып, жүйткіп бара жатқанын көргенде таң қалмайтын болдық. Көлік тұрмысқа қажетілігімен қоса, бәсекеге де айналып бара жатқан сыңайлы. «Бір үйге бір көлік керек-ақ» дегенді қанатты сөздей құлақ шалатын. Ал қазір жағдай жеткендердің үйінде адам басына бір көлік бар. Әр нәрсенің жақсы, жаман жағы болатын секілді темір тұлпардың да төңірегінде мәселе жоқ емес. Жол - көлік оқиғаларын күнде құлақ естіп, көз көріп, үйреншікті құбылысқа айналып кетті. Көбіне мұндай жағдайлар жол ережесін білмейтін жүргізуші себебінен болып жатады. Ақшасы бардың айы оңынан туған заманда жүргізуші куәлігін еншілеу де оңайлаған.&nbsp;Жүргізуші куәлігін алуға байланысты өзгеріс көп. Тіпті тест тапсыру кезінде шикілік шығып, түк білмейтін адамдар да рөлде отыратын болды. Сондықтан куәлік алу жеңіл жолмен келмейді. Алғашқы сыннан өтпесе, меселі қайтпай қайта тапсыратындар бар. Ол үшін талап пен тәртіпке бағыну керек. Биылдың өзінде жүргізуші құжатын алудың жаңа заңдылығы енгізілді. Бұрындары біліктілікті анықтайтын теориялық тестті облыс орталықтарына барып тапсыратын. Қазір ол оңтайландырылды. Аудандық халыққа қызмет көрсету орталықтарында сынақтан өтсеңіз, тәжірибелік сынаққа ғана барасыз.&nbsp;<blockquote>– Жүргізуші куәлігін алу үшін теориялық сынақ тапсыруға жеке басыңызды анықтайитын куәлік, 73 формалы медициналық анықтама, оқығаны туралы куәлік және 4615 теңге жүргізуші куәлігі үшін жарнапұл төлейсіз. Биылғы жылдың сәуір айында жүргізуші куәлігін алуға арналған №862 бұйырыққа өзгерістер енгізілді. Бұған дейін А және В санаты үшін куәлік алушыларға оқу куәлігі талап етілмеген болса, бұдан былай барлық санат бойынша құжат алушыларға оқу міндеттеліп отыр. 4 айға жуық уақыт ішінде &nbsp;ауданда 3 адам жүргізуші куәлігін алу үшін сынақтан өтіп, құжатты болды. Тестілеуде 40 сұрақтың 32-сіне дұрыс жауап беру керек. Тапсырушыны екі жақтан камера түсіріп отырады. Бұған қоса дыбыс жазғыш аппарат орнатылған. Сондықтан заңсыздықтың орын алмауы үшін бақылау қатаң – дейді аудандық халыққа қызмет көрсету орталғының маманы Азамат Мұратұлы. &nbsp;</blockquote>Мұндай сынақты алғаш құжат алар кезде және өрескел заң бұзушылық жасап, жүргізуші куәлігінен айырылған жағдайда қайта тапсырады.&nbsp;Жаңа заңдылыққа сәйкес, оқу куәлігіннің міндетті болуы автомектептердің жұмысының жүруіне оң ықпалын тигізуде. Ауданда 3 жылдан бері жұмыс істеп тұрған «Отан-Арал» ЖШС-нің қарқыны артқан.<blockquote>– Біз теориялық білім береміз. Сондай-ақ тестте келетін сұрақтар бойынша дайындаймыз. Курс 3 апта жүреді. Осы кезде 13 адам курстан өтуде. Олардың арасында 60 жасқа таяған егде кісілер де, жастар мен әйелдер де бар. Көбі көлікті практика жүзінде үйренгендер. Бірақ жол ережесінің кейбір тұстарынан бейхабар, – дейді оқу бөлімінің жауапты маманы Анар Сәбитқызы.</blockquote>Әрине автомектепте оқу ақылы. Әлеуметтік желіде өздерінің қызметін жарнамалаған мұндай мектептерден көз сүрінеді. Олар онлайн, офлайн негізде даярлықтан өткізіп, куәлік береді. Желідегі жарнама бойынша автомектеп деп көрсетіліп, өз қызметін ұсынған нөмірге хабарласып көрдім. Әрбі-бері сөйлескен соң «оқуға қатыспай-ақ куәлік алуға бола ма?» және «қомақты қаржы төлесем теориялық, практикалық сынақтан өткізіп бере аласыз ба?» деп сұрадым. Өздерін Шымкент қаласынанбыз деп таныстырған телефонның арғы жағындағы жарнама иесі ол үшін мені аталған қалаға келуге шақырды. Оңай куәлікті болу да бірнеше жүзмыңдықты санап берумен тынатын шаруа екен.&nbsp;Жоғарыда айтылған қаптаған камера мен бақылаудан соң «бұл мүмкін бе?» деуіңіз заңды. Мұның бәрі алдын-ала келісіліп, сіздің төлқұжатыңызбен өзгенің сынақ тапсырып шығуына, ал соңында құжаттың сізге жазылуына мүмкіндік береді.&nbsp;Бұл заңды белден басу болса, құжатсыз да емін-еркін көлік рөліне отыратындар да бар арамызда. Жыл басынан бері ауданда құжатсыз көлік тізгіндеген 377 адамға Қазақстан Республикасы Әкімшілік құқық бұзушылық туралы кодекстің 612-бабына сәйкес хаттама толтырылған. Мұндай келеңсіздік жастар мен әйелдер арасында көп кездеседі.&nbsp;Қазақстан Республикасының заңдарына сай жүргізуші кәлігі тек кәмелетке жасы толғандарға ғана беріледі. Сәйкесінше көлік рөліне де жүргізуші куәлігін алмай тұрып, он сегіз жасқа толмай отыруға рұқсат жоқ. Бірақ шалғай елді мекендерді былай қойғанда, жолдағы көлігі сапырылысқан ірі қалалардың өзінде құжатсыз көлік жүргізетін балалар азаймай келеді.Олардың көпшілігі әке-шешесінің рұқсатынсыз, ата-анасы үйінде жоқ кезде көлікті рұқсатсыз мініп кетеді. Ал кей жағдайда үлкендер жағы баласын еркелетіп, өтінішін аяқсыз қалдыра алмай көлігінің кілтін өз қолымен табыстап жатады. Мұндай азаматтар «Балаға пышақты бермесең, бір жылайды, пышақты берсең екі жылайды», «Балаңды аясаң аяма» деген бағзыдан келе жатқан ата-бабамыздың даналық сөздерін қаперіне ала бермейді.Өйткені, көліктің кілтін құжатсыз балаға өз қолымен ұсынып тұрған ата-ана өз ұл-қызын ғана емес, жолдағы жүргізушілер мен жүргіншілердің басын да қауіпке тігіп тұр. Бүгінде тәжірибесі бар, жол ережесін жетік білетін жүргізушілердің өзі жол апатына ұшырап жатады. Ал көлікте тосыннан техникалық ақау пайда болса, жолда аяқ асты апаттық жағдай туындаса, ешқандай тәжірибесі жоқ баланың тез шешім қабылдай алмайтыны түсінікті. Бұл баланың өзіне ғана емес, айналасына төнген қауіп.Осы ретте 8 сыныптан бері көлік тізгіндеп үйренген 32 жастағы қала тұрғыны Гүлназ Қайырбекқызы былай дейді:<blockquote>– Отбасында төрт қыз болдық. Ер бала болмаған соң әкем мені ер балаша тәрбиеледі. 8 сыныптан бастап көлік жүргізуді үйрендім. Біз ауылда тұратын болғандықтан бұл кезде менің құжатсыз көлік басқауыма еш кедергі болған жоқ. Кейін 18 жасқа толғанда жүргізуші куәлігін әкем өзі алып берді. Ол кезде қазіргідей заң күшті емес болатын. Бірақ мен практика &nbsp;жүзінде өз бетіммен барлық жол ережесін меңгеріп, көліктің автоматты, механика түрін басқаруды меңгеріп алғандықтан осы кезге дейін ешқандай өрескел заң бұзушылық жасап немесе жол апатына себепші болған емеспін. Қазір Астана қаласында тұрамын. Нәпақа табу үшін жалдамалы көлік алып, такси қызметін атқардым. Ерте жастан көлік айдаудың, құжатты сатып алудың дұрыс емес екендігін білемін. Бірақ жылдар бойғы тәжірибенің арқасында көліктің ақауын оңай тауып, өз бетімше жөндей де аламын. Нәзік болмысым бұған кереғарлық келтірген &nbsp;емес.</blockquote>Ал Ерлан Бержанұлы өзінің 3 жылдан бері жүргізуші куәлігін ала-алмай сенделіп жүргендігін айтады.&nbsp;<blockquote>– Көлік жүргізуді жақсы білемін. Жалған айтпай-ақ қояйын ең бірінші көлік айдап үйрендім. Құжатсыз да басқардым. Бірақ ол қылығым әшкере болып, айыппұл арқалаған соң көлік айдауды доғарып, құжат алудың қамына кірістім. Алғашқы барғанымда теориялық тесттен оңай өтіп, &nbsp;практикалық сынақтан сүрініп қайттым. Кейін тест сұрақтары өзгеріп, қиындай түскендігін байқадым. Практика алаңының да жол белгілері жаңартылған. Сондықтан бұл жолы тағы да жүргінші жолғанына 5 сантиметр жақын тоқтағаным үшін маған куәлік бермей қойды. Шынымды айтсам қайта-қайта сынақ тапсыру менің қалтама салмақ салды. Оның үстіне облыс орталғына барып тапсыру керек. Сондықтан көбінің бұған шамасы жете бермеген соң амалдың жоғынан тәуекелге бел буып, қажеттіліктен құжатсыз көлік айдап жүрмін. Менің ойымша, құжат алудың жолдарын қиындату тек қарапайым халыққа ғана әсерін тигізіп жатыр. Қалталылар үшін мұның да оңай шешімі табылған. Сол себепті, әр ауданда сынақ тапсыруға мүмкіндік жасалса,– дейді ол.&nbsp;</blockquote>Оңтүстік Кореяның Чха есімді тұрғыны жүргізуші куәлігін алу үшін 2005 жылдан бастап 950 рет теориялық, 10 рет тәжірибелік сынақ тапсырған екен. Емтиханның бәрінен сүрінбей өтіп, куәлік қолына тигенде оның жасы 70-ке таяп қалған. Кейуананың табандылығына тәнті болған полиция қызметкерлері «Чха жүргізуші куәлігін қолына ал¬ған күні өз қолымызбен ескерткіш қойып береміз» деген екен. Алайда бұл қарияның қажырлығына қойылған белгі ме, әлде осы елдегі жем¬қорлықтан ада жүйесінің тазалығын мойындатқаны ма... мұны өзіңіз таразылай жатарсыз.Түйін. Көлік – алысты жақындатып, діттеген жеріңе тез жеткізудің құралы. Бұл – техника. Сондықтан оның сан алуан қыры мен сыры бар. Жол үсті сан мың адамның қозғалысын қамтамасыз етіп отырғандықтан онда өмір бар. Сол өмірдің өлшеуі жол үстінде таусылмас үшін темір тұлпарды тақымдар алдында жауапкершілікті сезіне біру керек. Құжат алу үшін заң күшейсе де айлалының көк қағазы түйткілді оңай шешуде. Ал құжатсыз көлік басқарғанның айыппұлмен құтылуы &nbsp;жеңіл жаза секілді. &nbsp;Иә, ақша жүргізуші куәлігін сатып алған адам мен сатқан адамның мәселесін шешер. Бірақ оның арты қанша адамның өліміне ұласып, қанша отбасы қара жамылуы мүмкін. Назерке МАРАТҚЫЗЫ Фото: ашық көздерден

Көлік жүргізу жауапкершілікті қажет етеді

<a href="https://kyzylorda-news.kz/">Kyzylorda-news.kz</a> Өткен күнімізге көз тастап, ой елегінен өткізіп қарайық. Әріге бармай-ақ, кейінгі жылдардың өзінде елімізде қаншама игі істер атқарылды. Осындай толымды тірлік Арал ауданынан шалғай, яғни 165 шақырым қашықтықта орналасқан Жаңақұрылыс елді мекенінде де бар. Бұл туралы Жаңақұрылыс ауылдық ардагерлер кеңесінің төрағасы Сердалы Шалбаев хабарлады.– Негізгі тақырыпқа көшпей тұрып, өткенді тізбелесек. Әрине, халықтың тілегі бір күнде орындала бермейді. Бірақ билік халықты ескерусіз қалдырған емес. Тұрғындардың сұрауындағы қажеттіліктер кезең-кезеңімен жүзеге асуда. Солардың қатарында екі қабатты жаңа мектеп, фельдшерлік-акушерлік пункт, мал дәрігерлік пункт, ұялы байланыс мұнарасы, сондай-ақ әр шаңыраққа тартылған таза ауыз су. Ал ел болашағына баланған жастардың игілігіне демалатын, жазда ойын-сауық кештерін өткізетін жастар алаңы салынды. Өткенін ұмытпай Ұлы Отан соғысынан оралмаған боздақтарға арнап «Тағзым алаңы» ашылса, Ақбасты көлдерін суландыру үшін Сырдария өзенінің бойындағы «Нұралы» жарнасына үш қақпалы шлюз салынды. Ал Аманөткел елді мекенінің тұсынан, Сырдария өзенінен бастау алатын «Ералы» каналы қазірде бірнеше көлді, мал жайылымдарын, шабындық жерлерді суландыруға, егіс егуге және де балық өсіретін тоғандар жасауға өте тиімді болып отыр. Бұл каналдың да арнасы кеңейіп, жиегі биіктеді.Міне, осының барлығы ел басқарған азаматтардың іскерлігі мен ауыл халқының ауызбіршілігінде. Осындай бірліктің тағы бір көрінісі жаңадан салынған "Өтеш ахун" шаңына қарамай 14 шақарым жолда жұмыс жасаған &nbsp;мешіті мен жанынан салынған 100 орындық асхана десек болады.Бұл тек тілге тиек етілгені ғана. Жемісті жұмыс жайында айта берсек таусылмайды. Алайда ауыл халқына ерекше қуаныш сыйлаған жаңалық көршілес қос ауданды жалғап жатқан автожол құрылысы болды. Қазалыға қарасты Бекарыстан би мен Жаңақұрылыс ауылын жалғап тұрған 35 шақырым жолдың азабын мұндағы ел жақсы біледі. 30 жылдам астам уақыт бойы жөндеу көрмеген қара жолда қаншама қиындық болғанын білетін халық жылдар бойы айтып та, жазып жүрді.Осы жолдың 13 шақырымы Қазалыға қарайтын. Мұхтар Оразбаев Қазалының әкімі болып тұрған тұста өздеріне қарасты бөлігі асфальтталып, халық игілігіне берліген. Ал ауданға қарасты 22 шақырымның 8 шақырымы 2018 жылы жөнделіп, құрылысы жұмысы тоқтап қалған еді. Бұл халықтың үмітін оятқанымен "қалғаны не болады?" деген сұрақ мазалады. Жиі айтылып, аудандағы атқарушы билікке әркез сауал ретінде қойылып келді.Міне, бүгін сол жұмыстың жемісін көріп отырмыз. Жаңақұрылыстырдың арманындай болған тақтайдай түзу жол толық аяқталды. «Нұрас и Компания» ЖШС жауапкершілігіне алған міндетті тиянақты түрде тындырып, ауыл тұрғындарының ақ батасын алып отыр. «Нұрас и Компания» ЖШС басшысы Нұркен Ботабаев сөз арасында "2022 жылы Қазалы ауданына қарасты 13 шақырым жолды біз асфальттап едік. Енді міне, сәтін салып 14 шақырым жолдарыңызды ойдағыдай сапалы түрде аяқтап, ел игілігіне бердік. Рахаттарыңызға пайдаланыңыздар. Сәтті жол болсын" деп ойын түйіндеді.Осы аталған автожолмен жүру халық үшін өте қиындық туғызды. Жолдың жөнделуі жөнінде ауыл тұрғындары облыстық мәслихаттың депутаты Ібайдулла Тілеп мырзаға өтініш айтып, аманат етіп тапсырған. Елдің аманатын орындау мақсатында халық қалаулысы жоғарғы орындарға талап қойып, жолды жөндеуге қаражат бөлу жөнінде көптеген жұмыстар атқарып, жолдың сапалы істелуіне бір кісідей атсалысты.&nbsp;Мемлекет басшысы Қасым-Жомарт Кемелұлы өз Жолдауында елдегі автожол &nbsp;құрылысына, оның ішінде жергілікті жолдардың сапасына мән беру керектігін айтқан болатын. Тапсырма орындалуымен құнды деген осы емес пе?! Расында облыс, аудан, ауыл аралық автомобиль жолдарының талапқа сайлығы, ауылдық жерлерде тұратын халықтардың әлеуметтік-тұрмысының жақсаруына бірден-бір көзі деген. Жолдың жақсысы ауылдың дамуына, кәсіп көздерінің жаңадан ашылуына ықпал жасайды.&nbsp;Ел үшін, халық үшін осындай игі істер жалғасын таба берсе, халықтың әлеуметтік-тұрмыстық жағдайы жақсартары сөзсіз, – деді Сердалы Шалбаев.

Сердалы Шалбаев: Елдің өркенін білгің келсе, жолына қара

<a href="https://kyzylorda-news.kz/">Kyzylorda-news.kz</a> Тәуелсіздік жылдарында өсіп-өркендеудің өнегелі жолына түскен ауылдардың арасында Қызылорда қаласына қарасты Талсуат ауылдық округі де бар.Тоғыз жолдың торабында қоныс тепкен Қызылорда қаласына қарасты Талсуат ауылдық округі өзге ауылдар секілді өркениетке көш бастаған елдімекеннің бірі. Түтіні түзу, бірлігі жарасқан бұл ауылдың тыныс-тіршілігі қалыпты.Қала іргесіндегі «Талсуат» ауылдық клуб үйінің жұмысы жанданып келеді. Ұлт руханиятының, мәдениеттің шырағын жаққан мекеменің істері ауқымды.Бұрын ауылдардағы клуб үйі шағын, ескі ғимаратта орналасты. Концерт, кино көруге болатын. Күнделікті бас сұғатын адам жоқтың қасы еді. Кейде аудан орталығынан &nbsp;келген өнерпаздар концерт қойып кететін. Қазір жағдай өзгерген. Келушілер қатары артқан. Қайнаған тіршілік. Бірі кітапханаға, енді бірі үйірмеге, дайындық жұмыстарына келеді. Адам қарасы үзілмейді. Бюджет қаржысына мәдениет үйлері жаңғыртылып, кітапхана, қолөнер, отбасы бұрыштары жасақталды. Кейбірінде дыбыс жазу студиялары ашылған. Ауыл балаларының уақытын тиімді ұйымдастыру мақсатында үйірмелер жұмыс істейді. Текемет басу, тоқыма тоқу, ұршық иіру сынды &nbsp;ата-бабадан келе жатқан қолөнерді сақтап қалу үшін жұмыс атқарылуда. Нәтижелі істердің арқасында дарынды өнерпаздар байқауларда топ жарып, ауыл мерейін үстем етуде.Осы орайда «Талсуат» ауылдық клуб үйінің жеткен жетістіктері аз емес. Бұл жайында клуб үйінің директоры Айнагүл Жайдариева кеңінен айтып берді.<blockquote>– «Адал адам» мәдени-тәрбие беру орталығы жобасы мәдениет үйлері мен клубтардың жанынан ашылған. Жобаның мақсаты – елді мекендердегі халықтың мәдениет нысандарына қолжетімділігін арттыру, балалар мен жасөспірімдердің бос уақытында шығармашылықпен айналысуына &nbsp;мүмкіндік беру. Жобада «Кино time», «Әлем BOOK», «ART уақыт», «Отбасы шуағы», «Еріктілер тобы», «Сыр сұхбат», «Креативті хабар» және арнайы мамандардың қатысуымен медиация, кеңес беру бағыттары қарастырылған. Осы бағыттар бойынша жүйелі жұмыстар атқарылып жатыр. Талант та, дарын да ауылдан шығады. Өнерлі жастар өсіп келеді. Біз де өз кезегімізде осындай дарынды балалардың шығармашылығын шыңдау мақсатында аянбай еңбек етудеміз. Нәтижесі жаман емес. Жетістікке жеткен өнерпаздар көп, –деді клуб директоры.</blockquote>Жыл басынан бері «Адал адам» мәдени-тәрбие орталығы тұжырымдамасының 7 бағыты бойынша 83 іс-шара ұйымдастырылған. «АРТ уақыт» клубы бағыты бойынша 2 шығармашылық &nbsp;үйірме қосылды. Олар – «Ақкербез» би үйірмесі және «Алақай» балалар қуыршақ театры. Құрамына талантты жастар шоғырланған. Күләш Жанахметованың жетекшілігімен құрылған театр «Жеті лақ» ертегі-қойылымының премьерасын қойып, көпшілік көңілінен шықты. Қазір «Ит пен мысық» ертегісіне дайындық үстінде.<blockquote>– Клубта 6 үйірме жұмыс істейді. Оның ішінде «Жас дәурен» ән, «Әсем әуен» дәстүрлі ән, «Ақкербез» би, «Ана тілі – жүрек үні» көркемсөз оқу шеберлері, «Ісмер» қолөнер, «Ақ әже» әжелер ансамблі, «Талсуат еріктілері» еріктілер тобы бар. Үйірмеге қатысушылар – ауыл өнерпаздары. Олар мәдени іс-шараларға белсене қатысып келеді. Мәселен, «Жас дәурен» ән үйірмесінің өнерпаздары ХVІ республикалық «Tanm art» өнер байқауына қатысып, жас әнші Жәнібек Жақия бас жүлдені, Жайсаң Рамазан І орынды жеңіп алды. Республикалық «Жарқын болашақ» ғылыми-әдістемелік орталығының ұйымдастыруымен өткен VІІ республикалық «Жарқын жұлдыз» балалар өнер байқауында Жайсаң Рамазан ІІ орынды, «Айғаным» шығармашылық орталығының ұйымдастыруымен өткен І республикалық «Starmen» өнер байқауында Шынболат Жәнібеков І орын иегері атанды. Ал «Әсем әуен» дәстүрлі ән үйірмесінің өнерпаздары ХVІ республикалық «Tanm art» өнер байқауында бас жүлдені еншіледі. Сондай-ақ клубтың жас өнерпазы Аружан Болат пен Гүлназ Еділбаева XXVI облыстық «Бозторғай» конкурсына қатысып, дипломант атанды. «Ақкербез» би үйірмесі республикалық «Жұлдызды сәт» байқауына &nbsp;қатысып, олжалы оралды. Балалардың бәрі де дарынды. Олар клубта күнделікті дайындық жұмысын жүргізеді. Әлі де талай додаларда топ жаратынына сенім мол, – дейді А.Жайдариева.</blockquote>Клуб ішіндегі орталықтардың да жұмысы жүйеленген. «Креатив HUB» орталығы ай сайын жергілікті қолөнер иелерімен кездесу, мастер-кластар, жәрмеңкелер ұйымдастырады. Тоқымашы, қолөнерші, кәсіби тігінші, мүсінші, шеберлермен бірге мастер кластарға жастар қатысып, шеберлік сағаты жүргізіледі. «Жанұя шуағы» бұрышында тәрбиелік мәні бар «Келінге кеңес», «Әке – жауапты лауазым», «Зорлық-зомбылыққа жол жоқ», «Шаңырақ күні» сынды мәдени шара, дөңгелек үстелдер ұйымдастырылып, өнегелі құндылықтарды жаңғыртуға үлес қосып келеді. «СұхбатTIME» фото-видео подкаст бұрышында &nbsp;ауылға сыйлы еңбек адамдарымен &nbsp;сұхбат &nbsp;жүргізеді.&nbsp;Сондай-ақ, клуб жанынан тазалық, қайырымдылық жұмыстарына жұмылатын «Талсуат еріктілері» клубы құрылып, еңбек жасағына 10 адам тартылған. Еріктілер тобының қатысуымен тазалық шаралары, қайырымдылық акциялары ұйымдастырылуда. Ал «КиноTIME» &nbsp;көрерменге жас ерекшеліктеріне байланысты &nbsp;кино фильм және &nbsp;мульттоптама ұсынады. «Әлем BOOK» жобасы аясында ауылдық клубта оқырмандар клубы және ақын Ақжол Түменбайдың жетекшілігімен жұмыс жасайтын «Рух» жас қаламгерлер клубы құрылған. Бүгінге дейін жастар арасында «Жырлайды жүрек», «Абай даналығы жас ұрпаққа», «Сөнбес сәуле» және тағы да басқа қазақ жазушыларының шығармашылығына арналған әдеби-сазды кеш өткізіліп, саясаткер, өлкетанушы Сағат Жүсіптің «Талсуат» атты кітабының тұсауы кесілген. «Әлем book» атанған руханият ордасында 10 983 кітап қоры бар. Оның 7411-і &nbsp; қазақ тілінде.«Талсуат» ауылдық округі әкімі аппаратының қолдауымен ауыл мәдениеті мен өнерін дамыту, клубтардың жұмысын уақыт талабына сай түрлендіру, үйірме жұмысын жүйелі ету мақсатында «Жүйелі жұмыс – нәтижелі жетістік» атты қалалық мәдениет қызметкерлерінің тәжірибе алмасу семинары өтті. Клуб жұмысының озық тәжірибедегі жаңа бағыттарын игеру, мамандардың біліктілігін жоғарылату мақсатында &nbsp;тиімді шаралар &nbsp;атқарылуда.Халықаралық, республикалық, облыстық және қалалық байқаулардан ауыл өнерпаздары олжалы оралуда. Мәселен, жақында Қазақстанның еңбек сіңірген артисі Мәдина Ералиеваның 70 жылдығына арналған «Қазақтың Ақбаяны» атты облыстық және Республика күніне арналған «Қазақстан – туған елім, туған өлкем» атты қалалық патриоттық ән байқауына қатысқан Әйгерім Шүкірова 1-орынды жеңіп алды. Ал VIII &nbsp;Халықаралық балалар, жасөспірімдер және жастардың &nbsp;«Music art Festival» байқауынан «Әсем әуен» домбырамен ән айту үйірмесі 1-орын иемденді. Қызылорда қаласында өткен республикалық «Жұлдызды сәт» балалар байқауына қатысқан би үйірмелері топ жарып, Дубайға жолдама жеңіп алды. Бұл бағыттағы нәтижелі жұмыстар өз ретімен жалғаса бермек.Клуб үйінің директоры Айнагүл Жайдариеваның айтуынша алда әлі атқарылар іс көп. Соның бірі – этноауыл жобасы. Онда түрлі ұлт өкілдерінің мәдениеті мен дәстүрі дәріптеледі. Жоба тиісті мекемелерге ұсынылған. Қолдау тапса жарқын бастаманың бірі болары сөзсіз.&nbsp;

Мәдениеттің шырағын жаққан мекеменің істері ауқымды

<a href="https://kyzylorda-news.kz/">Kyzylorda-news.kz</a> Қазақстан футбол федерациясының қолдауымен «ALAN» жобасы аясында Ғани Мұратбаев атындағы орталық стадионның қосалқы алаңы қайта жаңғыртудан өтті. Бұл алаңда енді «Қайсар» футбол орталығының тәрбиеленушілері жаттығады.Салтанатты шараға Қазақстан футбол федерациясының басшылығы, ұлттық құраманың ойыншылары, спорт журналистері мен жоба демеушілері қатысты. Сондай-ақ жоба амбассадорлары ретінде ұлттық құраманың бас бапкері Станислав Черчесов пен футбол ардагері Самат Смақов балалармен ашық жаттығу өткізіп, оларға қолтаңба берді.<blockquote>– Облыс әкімінің тікелей бастамасымен аймақта спорт саласын дамытуда серпінді жобаларға басымдық берілуде. Биыл өңірде 15 кешеннің құрылысы жүргізілсе, соның 9-ы ел игілігіне пайдалануға берілді. Қаланың сол жағалауында заманауи үлгіде салынған «Үстел теннисі» орталығы табысталды. Облыс орталығында 10 мың орындық жаңа стадионның құрылысы жүргізілуде. Енді жаңадан ашылған алаң жас футболшылардың жоғары деңгейде жаттығуына үлкен мүмкіндік береді, – деді облыстық дене шынықтыру, спорт және туризм басқармасы басшысының орынбасары Жігер Айекешов.</blockquote>Қазақстан футбол федерациясының президенті Әділет Барменқұловтың айтуынша, мұндай спорттық нысандар еліміздің көптеген қаласында салынып жатыр.<blockquote>– Сыр топырағынан Марат Есмұратов, Телеухан Тұрмағанбетов, Мақсат Байжанов, Асхат Тағыберген сынды талай футболшы шықты. Алдағы уақытта сол жарасымды үрдіс жалғасын табады деген үміттеміз. Жас өрендерге жағдай жасау – біздің міндетіміз, – деді Қазақстан футбол федерациясының президенті.</blockquote>Футбол алаңдарын реновациялау аясындағы ҚФФ-ның «ALAÑ» жобасы 2023 жылы басталған болатын. Бұл игілікті іс Мемлекет басшысының бұқаралық спортты дамытуға бағытталған тапсырмасын орындау мақсатында қолға алынып отыр. Нәтижесінде көптеген футбол алаңы қайта жаңғыртылды. Бағдарлама үш жылға созылады. Ол УЕФА қолдауымен жүзеге асуда.

«ALAN» жобасы: Орталық стадионның қосалқы алаңы қайта жаңғыртудан өтті

<a href="https://kyzylorda-news.kz/">Kyzylorda-news.kz</a> Қызылорда қаласына қарасты ауыл шаруашылығы құрылымдары егін-терім науқанын табысты аяқтады. Негізгі капиталға салынған инвестиция көлемі артты. Түрлі дақылдардан жиналған өнім көлемі жоғарылады. Осылайша диқанның ала жаздайғы бейнеті ақталды.Қалалық ауыл шаруашылығы және жер қатынастары бөлімінің мәліметіне сүйенсек, биыл 8298 гектарға егін егілді. Оның ішінде негізгі дақыл – күріш 3856, бидай 368, қант құмайы 40, жаздық арпа 2, жаңа жоңышқа 286, ескі жоңышқа 1297, картоп 130, көкөніс 1329, бақша дақылдары 990 гектар.– Бүгінде ауыл шаруашылығы дақылдары толық жиналды. Күріштен жоғары өнім алынды. Оның әр гектарынан орта есеппен 51,5 центнер өнім жиналып, 19858 тонна астық құйылды. Сондай-ақ бидайдан 379, арпадан 3 тонна өнім алынды. Шаруашылық құрылымдары бойынша 7098 тонна малазықтық жоңышқа жиналды. Айта кетерлігі, биыл жоңышқадан өнім жоғары болды. Былтыр орта есеппен 35,1 центнерді шамаласа, биыл 44,8 центнерге жетті. Оған қоса картоптан 1625, көкөністен 16612,5, бақша дақылдарынан 13464 тонна жиналды, – деді қалалық ауыл шаруашылығы және жер қатынастары бөлімінің басшысы Мейрамбек Әжібеков.Бөлім басшысының айтуынша, егін жинау жұмыстарына 20 жатка, 29 комбайн, 83 трактор, 21 трактор тіркемесі және 5 жүк көлігі қатысты. Оған қажетті 202,4 тонна дизель отыны жеткізілді. Жанар-жағармайды жеткізуге «РК Мұнай» және «Жібек жолы ЛТД» жауапкершілігі шектеулі серіктестіктері белгіленді. Дизель отынының әр литрі 250 теңгеден сатып алынып, ауыл шаруашылығы құрылымдарының қажеттілігіне жұмсалды.Сондай-ақ алдағы жылдың егісіне қажетті 1080 тонна күріш, 66 тонна бидай, 0,3 тонна арпа, 34 тонна жоңышқа, 8 тонна қант құмайы тұқымдары бар. Олардың барлығы жоғары репродукциялы сапалы тұқым қоры ретінде бағаланады. Биыл 2900 гектар сүдігер айдау жоспарланған еді. Қазір бұл жұмыстар жалғасын табуда.Қызылорда қаласы мен оған қарасты елді мекендерде 24922 бас сиыр, 32751 уақ мал, 17393 жылқы, 3170 түйе және 17 мыңнан астам құс есепке алынған. Қала бойынша 1695,1 тонна ет, 2444,7 тонна сүт, 591,4 мың жұмыртқа өндірілді. Ет өндіру 4,2, сүт 0,2, жұмыртқа өндіру 0,9 пайызға көбейген.Биыл «Дипломмен – ауылға!» бағдарламасы бойынша көтерме жәрдемақыға 40,6 млн теңге бөлінген. Сол арқылы 110 маманның әрқайсысына 369200 теңгеден берілген. Бөлінген қаржы толығымен игерілген. Ал бюджеттік кредитке 524,2 млн (71 маман) қаралған.

Қызылордада түрлі дақылдардан жиналған өнім көлемі жоғарылады

<a href="https://kyzylorda-news.kz/">Kyzylorda-news.kz</a> Жаңақорған ауданындағы М.Көкенов атындағы мәдениет үйінде еңбек және соғыс ардагері, «Қызыл Жұлдыз», «Ұлы Отан соғысы», «Октябрь революциясы» ордендерінің, «СССР және Қазақ ССР-і Оқу ісінің үздігі» белгісінің иегері, «Қазақ ССР-нің еңбек сіңірген мұғалімі», Жаңақорған ауданының құрметті азаматы Әбіласан Әшірбековтің еңбек жолына арналған «Ұлағатты ұстаз жолы» атты ғылыми-танымдық конференция өтті. Конференцияға алыс-жақыннан келген ғалымдар, ауданның зиялы қауым өкілдері, ұстаздар қауымы қатысты.Жаңақорған аудандық мәслихат төрағасы Ғалымжан Жарқынбектің модераторлығымен өткен ғылыми-танымдық конференцияда ардагер-ұстаз Батырхан Жоланов және Жаңақорған ауданының құрметті азаматы, журналист Ерубай Қалдыбек Әбіласан Әшірбековтің өнегелі өмірі мен еңбек жолы туралы баяндама оқыды.Сонымен қатар аудандық «Білім беру саласының ардагерлер ұйымы» қоғамдық бірлестігінің төрағасы, ардагер-ұстаз Аллаберген Ахметов және ардагер-ұстаз Күләнда Жақыпбекова мінбеге көтеріліп, құнды деректерді ортаға салды. Туған жердің төл перзенті туралы естеліктер айтылып, мағыналы әңгімелер өрбіді.Мәдениет үйінің фойесіне ұстаздың еңбек жолын баяндайтын фотошежіре, альбомдар, әр жылдары мерзімді баспасөзде тұлға туралы жазылған материалдардан жасақталған көрме қойылды.Әрқашан адамгершілікті ту етіп, бойындағы білімі мен білігін жас ұрпақтың тәрбиесіне арнап қана қоймай, қоғамшыл, қайраткерлік қабілетімен елдің арбасын ілгері сүйреуге азаматтық үлесін аямаған асыл ағамыз – Әбіласан Әшірбековті бұл өңірде білмейтін, құрметтемейтін адам жоқ.<blockquote>Әбіласан Әшірбеков туралы әріптесі, ардагер-ұстаз, облысымыздың құрметті ардагері Зинабдин Шермұхамедұлы «Ұрпаққа аманат» кітабында былай деп толғанады: «Әбекеңнің басшылығы, яғни ұйымдастырушылығы, басқару, талап қою, тәртіп-талғамы – бәрі де ешкімге ұқсамайтын ерекше мектеп екен. Мен сол мектептен қажетімше сусындап, келешек өміріме азық болар үлгі-өнегеге қанықтым. Аз уақытта көп нәрсе үйрендім. Ол кісінің ұқыптылығына, тазалығына, жүріп-тұру әдебіне, тіпті сәлемдесу мәдениетіне ерекше мән беріп, бойыма сіңіруге тырыстым.</blockquote>Соның ішінде ол өзі ерекше қадағалайтын тәртіп мәселесін талап етуі айрықша болатын. Мектеп үйінде баланың білім алуына тап-таза жағдай қалыптасуы керек. Тіпті дәліздің өзінде артық қозғалыс, жүріс-тұрысқа, сырттан бөгде кісілердің бей-берекет кіруіне мүлде рұқсат жоқ. Мұның барлығы, білімгерлердің сабақ оқуына барынша жағдай жасауға келіп тірелетін мәселе еді» деп жазды.«Кілемге бергісіз алаша болады, ханға бергісіз қараша болады» дегендей, жасынан тағдыры еншілеткен тауқыметті тастай талабымен жеңіп, ақылы мен қайратын қара тұтып, содан қуат тауып, қатарының алды бола білген азамат өмірдің барлық сынында мұқалмай, баяғының батырларындай мұздай құрсанып, жел мен дауылға қасқая қарсы тұра біліпті. Ұстаз-аға туралы тебірене сыр шерткен алдыңғы толқын осылай дейді.Ардагер-ұстаз Аллаберген Ахметов ағаның көзін көріп, тәрбиесін алғанын мақтаныш тұтатынын жасырмады. Сондықтан оның пікірін түгел келтіруді жөн көріп отырмыз.– Отан соғысынан аман-есен келіп, енді өзінің сүйікті кәсібі – ұстаздықты ұлықтап, елдің баласын тәрбиеледі. Ұстаз ғана емес, білікті басшы, аяулы әке, ардақты ата, асыл жар, бір сөзбен айтқанда, айналасына айрықша нұрын шашқан қамқор тұлға бола білді.Өзі басқарған білім ордасында қарамағындағы жас мұғалімдерге әкесіндей болып, жанашырлығын аямады. Олардың бойындағы талантын танып, білімін жетілдіріп, әлеуетінің артып отыруына өзі бас-көз болып отырды. Жүрген жерінде ортасына өзінің ұстанымымен, жүріс-тұрысымен, киім-киісімен, жалпы зияткерлік болмысымен үлгі болып, ұстаз интеллектісінің шынайы келбетін қалыптастыра білді.Жоғарыдан ешкім бақылап тұрмай-ақ мектеп ұжымының өз-өзіне мықты талап қоя білуі, бұл сайып келгенде, әрбір тәлімгердің өз-өзіне деген жауапкершілігін арттырса керек. Сондықтан осындай қатаң күн режимін қалыптастырған білікті басшыны мектеп беделін биіктетіп, ұстаз ұлықтығын бекемдеген тұлға деп айтуымызға әбден болады. Әбекеңнің бойындағы тағы бір айрықша қасиеті – интуициясының мықтылығы, таным-түйсігінің тереңдігі еді. Осы қасиетімен ол адам жанын түсіне білді. Кадрларды дұрыс іріктей алуы, шәкірт жанына терең бойлауы арқылы мектеп мазмұнын да заманға сай дамыта алды. Соның арқасында қаншама жақсы нәтижелерге қол жетті. Мектепте жақсы мұғалімдер мен үздік шәкірттердің тәрбиеленіп шығуына жол ашты.Оның соңғы басшылық еткен №3 мектеп-интернаты, осы оқу ордасында кезінде Әбекең қалыптастырып кеткен үлгі-өнегенің іздерін әлі де көріп қалғанымызда, ұстаздың тәрбиесін алған темірқанат әріптестерімізге іштей риза болып отыратынымыз жасырын емес.Енді осы азаматтар осы сабақтастықты үзіп алмай, келесі буынға аманаттай алса, бұл мектептің бағы басынан кетпейді деп сенеміз. Сондай-ақ аудандағы барлық мектеп басшылары талапшыл ұстаздың қамқор әкедей ізгілік пен темірдей тәртіп қағидалары егіз ұштасқан ұлағатын, алдымен өз ар-ожданына кір жуытпаған тазалықты ту еткен қадір-қасиетін үлгі тұтып, бойтұмардай сақтай білсе деймін.Менің бұл жерде айтпағым, қасиетті қара шаңырақта қалыптасқан асыл құндылықтарымыздың қадірін қашырмай, «қайыңның қатты безіндей» о баста қалыптасқан қаранар қағида, қасиетті құндылықтарымызды көздің қарашығындай сақтай білсек, аға аманатына адалдығымыз осы болар.Бота тірсек бозбала күнімізден тәлімін бойымызға сіңіріп, нардың жүгін артарлық дәрежеге жеткізген асыл азаматтың көзін көрген, тәрбиесін алған әрбіріміздің бұл асыл міндетіміз, – деді ол.Бұлақтың да көзі суалады, көл тартылады. Бірақ бар ділімен, жанымен, таза пейілімен елге болсын деп, соңғы демі қалғанша өмірін халықтың қызметіне арнаған арда азаматтардың соңында қалдырған ұлағаты болашақ кәдесіне жарап, сана саулығына сәулесін түсіріп, ұрпақтан-ұрпаққа жалғаса беретініне кәміл сенеміз. Ата тағылымынан біз осыны түсіндік.&nbsp;Жәмила ЕРМАХАН &nbsp;

Жаңақорғанда «Ұлағатты ұстаз жолы» атты конференция өтті

<a href="https://kyzylorda-news.kz/">Kyzylorda-news.kz</a> Спорт дені сау ұлтты қалыптастыруда маңызы зор. Тәуелсіздік алған жылдан бастап салаға ерекше мән беріліп келеді. Салауатты өмір адамды да, әлемді де өзгертеді. Оның құндылықтары адамдардың бірлігі мен ынтымақтастығы, сонымен қатар &nbsp;бейбіт өмір сүруіне, денсаулық пен көңіл-күй деңгейін көтеруге қызмет етеді. Біз де қалыс қалмай, №19 Арал ауданының олимпиадалық резервтің мамандандырылған балалар-жасөспірімдер мектебінің жұмысымен танысқан болатынбыз.Құтты мекеннің іргетасы 1964 жылы Арал қаласындағы №220 орта мектебінің спорттық базасында қаланған. Ашылған жылдары баскетбол, волейбол сынды спорт түрлері ұйымдастырылып, жастардың спортқа қызығушылығын оятты. 2005 жылдың мамыр айында Қызылорда облысы «Дене тәрбиесі және спорт бөлімінің» Арал аудандық «Балалар мен жасөспірімдер спорт мектебі» мемлекеттік мекемесі болып қайта құрылады. 2022 жылға дейін осы атаумен жұмыс істеп, сол жылдың маусым айынан бастап Қызылорда облысының мәдениет және спорт басқармасының «№19 Арал ауданының олимпиадалық резервтің мамандандырылған балалар-жасөспірімдер мектебі» КММ болып қайта тіркелді.Бүгінде мекемеге тиесілі аудан орталығында бас ғимарат (спорттық сауықтыру кешені, стадион), күрес залы және бокс залы жұмыс істейді. Сонымен қатар Аманөткел, Қамыстыбас ауылдық округтерінде «Ауыл – ел бесігі» мемлекеттік бағдарламасы негізінде салынған спорт кешені ауыл жастарының жиі бас қосатын орнына айналған.Спорт мектебі ашылған уақыттан бері 2014 жылдың тамыз айына дейін мекеменің директорлық қызметін Ерғали Жұмамұратов, Иван Шульга, Көлбай Данабаев, Ерболат Қараев және Жалғас Бітімбаев секілді спорт майталмандары атқарды. Ал 2014 жылдың тамыз айынан бастап мектеп директоры қызметіне Серік Алмағамбетов тағайындалып, абыройлы қызмет етіп келеді.Мектеп құрылған кезеңнен бастап қазіргі кезге дейін көптеген саңлақ спортшыларды даярлап шығарды. Оның бір мысалы, 2024 жылдың 6 айлық есеп көрсеткішінде спорт мектебінен Азия чемпионатынан 1 қола, республика чемпионатынан 11 алтын, 9 күміс, 7 қола жүлдегері шығып отыр.<blockquote>– &nbsp;Мекемеде арнайы жоғары білімді 31 жаттықтырушы, арнайы орта білімді 6 жаттықтырушы, жоғары санатты 2 жаттықтырушы, І санатты 5 жаттықтырушы, ІІ саннатты 6 жаттықтырушы жұмыс істейді. 136 топта 1750 оқушыны спортқа баулып отырмыз.Жаттықтырушылардың ерен еңбегі бар. Қай істің болсын, оңайы жоқ. Кейде қателіктер болып, жарақат алатын кездер болады. Оның бәріне бапкерлер жауап береді. Алайда «берілмеймін, чемпион боламын» деген оқушыны «шебер» етіп шығаруда ешқашан аянған емеспіз. Соның арқасында өткен жылдың қорытындысы бойынша үздіктер қатарында болдық. Жалпы есепте 6 Әлем чемпионы, 6 Азия чемпионы және 14 ҚР чемпионы шықса, сонымен бірге 13 күміс, 14 қола медалін иеленген жас спортшыларымыз бар. Болашақта олардан әлі де талай жеңістің хабарын күтеміз және сол жолда күш саламыз, – дейді мекеме басшысы Серік Алмағамбетов.</blockquote>Аудан атын асқақтатқан өрендердің спорт саласына кең қанат қағып, өздерін танытуына мүмкіндік берген №19 Арал ауданының олимпиадалық резервтің мамандандырылған балалар-жасөспірімдер спорт мектебінің алар орны ерекше. Айтулы мереке қарсаңында ұжым мен жас спортшыларға тек жеңісті күндер тілейміз. &nbsp;Гүлмарал САҚТАПОВА&nbsp; Фото: ашық көздерден

Арал ауданының спортында серпін бар

<a href="https://kyzylorda-news.kz/">Kyzylorda-news.kz</a> &nbsp;«Әлемнің әміршісі – еңбек», «Еңбек түбі – береке» дейді дана халқымыз. Қай-қай істі бастағанда айқын мақсат пен тәуекелге бел буып, бар күш-қуатыңды соның жолына салсаң, ешқандай еңбектің еш кетпейтінін көпшілігіміз жақсы білеміз.&nbsp;«Еңбектің наны тәтті» — деген мақалды есімізге түсірер болсақ еңбекпен келген табыстың үйге берекесін кіргізетініне көзіміз жетеді. Сондықтан еңбек адамы қашан да көпке үлгі. Адал асын маңдай терімен тапқан жандарды көргенде іштей қуанып қаласың. Бүгінде дайын дүниеге құмартқандар оңай олжа тапқысы келеді. Жеңіл жұмыс іздеп, қалада сабылып жүрген жастар да жетерлік. Бірақ ауылда сан кәсіптің кілті бар, мүмкіндікті пайдалана білгенге. Ала жаздай егін алқабында бел жазбай еңбек етіп, күзде несібесі артатын жандар қаншама?! Шиелі ауданында «Ортақшыл» деген ауыл бар. Ерекшелігі тары дақылын егеді. «Тары түйген ауыл» атанған. Мұндағы шаруалардың кәсібі осы. Тары өсірумен айналысатындардың бірі – Алмасбек Құрманбекұлы. Ол жары Гауһар Оспанова екеуі бірігіп, отбасылық кәсіпті дөңгелентіп отыр.Ерлі-зайыптылар әлеуметтік желіде де белсенді. Тарыны егіп, жинап алғаннан кейін қалай дайындалатынын желіге жүктейді. Сапалы жасалған өнімді көрген тұтынушылар жер-жерден тапсырыс береді. Жергілікті тауар өндірушілердің жәрмеңкесіне де қатысып, арзан бағада халыққа ұсынуда.<blockquote>– Бала кезімнен әке-шешемнің осы кәсібін көріп, қолғабыс етіп өстік. Есейгенде мен де шаруашылықпен айналыса бастадым. Тары егіп, тәжірибе жинадым. Отбасын құрғаннан кейін жолдасым екеуміз жалғастырдық. Жыл сайын 2-3 гектар жерге тары егемін. Мамыр айында басталған қызу тіршілік 90 күннен кейін жемісін береді. Тары егу де оңай шаруа емес. Жаз бойы егін басында боламыз. Уақытылы суарып, құстан қорғап, қырманға бастырғанша қадағалаймыз. Біздің сорт – жергілікті өнім. Сондықтан өнім мол болады. Суы қанық, жері тың болғандықтан гектарына 80-90 қап аламыз. Осылайша адал еңбегімнің жемісін көріп келемін. Тары сөгі мен талқаны адамға күш-қуат береді. Денсаулыққа пайдасы зор. Қан қысымын реттеп, асқазан жұмысын жақсартады, бауырға да пайдалы, – дейді Алмасбек Құрманбекұлы.</blockquote>Алмасбек тарыны қырманға жинап, кептіреді. Сабағынан бөліп, үгітеді. Қаптап, үйіне әкеледі. Одан әрі тіршілікті Гауһар екеуі жүргізеді. Қайнап тұрған суға салып, 40 минут ұстайды. Одан кейін қуырып, түйеді. Дайын өнімді саудаға шығарады. Бұдан бөлек тарыдан талқан жасайды. Қалдығынан мал азығын алады.<blockquote>– Біз тарыны қолдап орамыз. Техникамен оруға болмайды. Себебі, қауызынан төгілуге дайын тұрады. Қысқасы, піскенінен бастап, дастарқанға жеткенге дейінгі жұмысты тек қол еңбегімен атқарамыз. Содан да болар дәмі ерекше. Тапсырыс көп, кейде үлгермей қаламыз. Неше жылдан бері келе жатқан тұрақты тұтынушылар да бар. Бағасы да қалтаға қонымды. Тары сөгі мен талқан 1300 теңгеден, – дейді ол.</blockquote>Шағын кәсібін берекелі етіп отырған азаматтың ендігі жерде, мемлекеттік бағдарламалардың игілігін көрсем деген ниеті бар.

Еңбек адамы қашан да көпке үлгі

<a href="https://kyzylorda-news.kz/">Kyzylorda-news.kz</a> Бүгінге дейін қаламызда көпқабатты үйлердің тек бес қабатты болғанына көз үйренген. Тек бірен-саран ғана тоғыз қабатты үш ғимарат болатын. Енді бүгінде бой көтеріп жатқан жеті-тоғыз қабаты тұрғын үйлер шаһарымызға өзгеше көрік беріп келеді.&nbsp;Қаланың даму кезеңіндегі ең айтулы жобалардың бірі – жаңа тұрғын аудандардың бой көтеруі. Сол жағалаудың өзі шаһардың жаңа келбетін айқындап берген сәтті жоба болды. Бүгінде басқа аумақтардан да көпқабатты үйлер бой түзеп, тұрғындар қуанышын еселеуде. Оған қоса, қала орталығындағы бірқатар үйдің қасбеті &nbsp;жөндеуден өтіп, жаңа кейіпке енді.Мәселен, құрылысы былтыр басталған Сырдария өзенінің сол жағалауындағы жеті қабатты 84 пәтерлі 6 ипотекалық тұрғын үйдің құрылысын жалғастыруға биыл облыстық және қалалық бюджеттерден 1,7 млрд теңге қаралды. Осы шағын ауданда тағы 40 пәтерлі 10 тұрғын үйдің құрылысын бастауға облыстық бюджеттен 2 762,5 млн теңге бөлініп, конкурс өтуде. Жоба құны – 8 929,9 млн теңге. Сонымен қатар осал топтағы отбасыларға 200 пәтер және жалғыз баспанасы апатты деп танылған тұрғындарға 135 пәтер сатып алуға 4,2 млрд теңге бөлінді. Өткен жылы аймақта 4108 пәтерлік 300 тұрғын үй салынған. Нәтижесінде 2400-ге жуық пәтер табысталып, 11 мыңнан астам тұрғын қоныстой тойлады.Биыл бюджет қаражаты есебінен 13,3 млрд теңгеге 1269 пәтерлік 67 тұрғын үй құрылысы жүргізілмек. Алдағы уақытта бұл көлем тағы да ұлғаяды. Жыл басынан бері 2800 тұрғынға 853 пәтер кілті табысталды. Оның ішінде «Тасбөгет» кентінде 323 отбасы баспаналы болса, Наурыз мерекесі қарсаңында Жаппасбай батыр көшесіндегі көпқабатты үйден 380 отбасыға үй берілді. Сондай-ақ 150 отбасыға сол жағалаудан пәтер кілті табысталды. &nbsp;Мұнан бөлек, осы айда &nbsp;«Отбасы банк» АҚ арқылы «Тұрғын үй-коммуналдық &nbsp;инфрақұрылымды дамытудың 2023-2029 жылдарға арналған бағдарламасы» аясында 1400 тұрғынға 470 пәтер пайдалануға берілді. Жыл аяғына дейін 1 595 пәтер ел игілігіне табысталмақ.<blockquote>– Жалпы қалада 3911 пәтерлі 74 көпқабатты тұрғын үйдің құрылысы жүргізілуде. Біз тұрғындардың талап-тілектеріне орай мақсатты шараларды жүзеге асырып, жайлы баспана ұсыну үшін көпқабатты тұрғын үй құрылысын қарқынды жүргізудеміз. Оның ішінде 3139 пәтерлі 58 тұрғын үй бюджет есебінен, 772 пәтерлі 16 тұрғын үй жеке инвестиция есебінен салынуда. Жыл соңына дейін 7 қабатты 10 үйдің жоба-сметалық құжаттарын және сараптама қорытындысын алу жоспарлануда, – делінген қала әкімдігінің мәліметінде.</blockquote>Ал өткен жылы бастау алған қала орталығындағы 12 көпқабатты тұрғын үйдің қасбетіне күрделі жөндеуді аяқтау үшін облыстық бюджеттен 120,8 млн теңге бөлінді. Сондай-ақ қосымша 20 көпқабатты тұрғын үйдің қасбетіне 740 млн теңге бөлініп, мердігер «Асар» және «Бест Строй Групп» ЖШС жұмыс жасауда. Оған қоса 77 көпқабатты тұрғын үй мен 2 әлеуметтік нысан қасбеті заманауи үлгіде әрленуде.Тұрғындардың арыз-шағымына сәйкес, көппәтерлі тұрғын үйлерге кондоминиум объектісінің ортақ меншіктегі мүліктеріне күрделі жөндеудің жекелеген түрлері бойынша 21 көпқабатты тұрғын үйді қайта жаңғырту үшін республикалық бюджеттен 1,9 млрд теңге бөлінді. Оның 18-інде жұмыс жасалуда, қалған 3-і бойынша тұрғындармен келісім жүргізілуде. Қазір &nbsp;мердігер мекемелер анықталып, келісім-шарт Өнеркәсіп және құрылыс министрлігі Құрылыс және тұрғын үй-коммуналдық шаруашылық істері комитетіне жолданды. Мамандардың айтуынша, келісім алынғаннан кейін мердігер мекемелер жұмыс бастайды.Алдағы жылы 20 көпқабатты тұрғын үйдің жоба-сметалық құжаттары дайындалып, облыстық энергетика және тұрғын үй-коммуналдық шаруашылық басқармасына 2,2 млрд теңгеге бюджеттік өтінім ұсынылған.Сонымен бірге «Халық қатысатын жоба» бағдарламасы аясында қалалық бюджеттен бөлінген 332 млн теңгеге аулаларды абаттандыру, ойын алаңдарын, аяқсу лотоктарын &nbsp;салу бағытындағы 11 жоба жүзеге асырылуда.

Қазақстан және Қызылорда облысының жаңалықтары