<a href="https://kyzylorda-news.kz/">Kyzylorda-news.kz</a> Павлодардағы&nbsp;жекеменшік&nbsp;балабақшалардың бірінде үш қабатты кереует 2 жасар баланың үстіне құлап кетті.&nbsp;Бұл туралы&nbsp;<a href="https://stan.kz/pavlodardagi-balabakshada-ush-kabatti-kereuet-balanin-u-403051/">Stan.kz</a>&nbsp;ақпарат агенттігі хабарлайды.Оқыс жағдай ақпан айында болған. Төсектің баланың үстіне құлаған сәті бейнебақылау камерасына түсіп қалған. Видеодан үш бүлдіршіннің кереуетке шығуға талпынып жатқанын көруге болады. Сол кезде тербеліп тұрған төсек баланың үстіне құлап кеткен. Жиһаздың астында қалған бүлдіршіннің иығы сынып,&nbsp;жарақат алды.Тәрбиеші ойыншықтарды жинап жүріп, балаларды назардан тыс қалдырған. Сорақысы, мекеме қызметкерлері болған жағдай туралы баланың ата-анасына ешетеңе айтпаған. Анасы ұлының жарақаты туралы кездейсоқ&nbsp;білген. Сөйтіп полицияға шағым түсірген.Аталған дерек бойынша қылмыстық іс қозғалды.&nbsp;Білім басқармасының өкілдерінің айтуынша, міндетін тиісінше атқармаған тәрбиешінің мәселесі&nbsp;сотта қаралады.Фото: Нұрболат Нұржаубай

Павлодардағы балабақшада үш қабатты кереует баланың үстіне құлап кетті

<a href="https://kyzylorda-news.kz/">Kyzylorda-news.kz</a> &nbsp; Арал ауданының әкімі Аманжол Оңғарбевтың төрағалығымен мәжілістің кеңейтілген отырысы өтті. Аудан басшысы алдымен облыс әкімінің жиналысында көтерілген мәселе – автожол саласын дамыту жұмыстарына тоқталды.Биылғы жылы жол инфрақұрылымын дамытуға бюджеттен барлығы 3,9 млрд. теңге бөлінген болса бүгінгі күнге дейін сол қаржының 43,5 пайызы игерілген. Ал жылдың соңына дейін қалған қаржыны толығымен игеру межесі тұр. Осы мәселені сын садағына алған аудан басшысы жауапты сала мамандарын мәселеге сергек қарауға шақырды.Сондай-ақ ауданаралық жолдарды жөндеу жұмыстарының барысы туралы тиісті сала басшыларының жауабын тыңдады. Жол мәселесіне қатысты индикаторлық көрсеткіштер көңіл көншітпейтінін айтқан аудан әкімі бұл мәселеде салыстырмалы көрсеткіш белгіленген межеге сай болуы керектігін тапсырды. Сонымен қатар осы мәселеге жауапты сала басшыларына бірқатар тапсырмалар жүктеді.Келесі мәселе аудан аумағында орын алып жатқан жол көлік оқиғалары. Ағымдағы жылдың 6 айындағы көрсеткіш 8,3 пайызға төмендегенмен жарты жылдықта 5 адам қаза тауып, 16 адам түрлі дене жарақатын алған. Демек мәселеге әлі де сергек қарау керек. Жыл басынан бері жол ережесін бұзғаны үшін 18 мопед жүргізушісіне әкімшілік шара қолданылса, қауіпсіздік ережелерін сақтамаған 4 скутер жүргізуші жасөспірім тиісті жауапкершілікке тартылған. Аудан әкімі осы көрсеткіштерден туындайтын мәселені ұдайы назарда ұстап, жол қауіпсіздігі ережелерін қатаң сақтау керектігіне баса мән берді. Сондай-ақ жауапты сала мамандарына тапсырма жүктеп, Арал қаласынан мопед, скутерлердің жүруіне арналған арнайы жолақтарды салу бойынша арнайы ұсыныс әзірлеуді тапсырды.Мәжіліс барысында аудан әкімі жылу беру маусына дайындық барысын пысықтап, қыстың қамын жаз ойлау керектігін ауыл әкімдері мен жауапты сала мамандарына тапсырды. Әсіресе ауданда қатты отын қорының жеткілікті мөлшерде болуын назарға алып, осы мәселеде операторлармен келссөздерді осы кезден бастап жүргізу керектігін жеткізді. Жауапты кезеңде ешқандай мәселе туындамауы керектігін ескерткен аудан басшысы осы бастан жылу беру маусымына дайындықты қатаң бақылауда ұстайтындығын айтты.2024 жылы ауданда жаңадан 2 999 жұмыс орнын ашу жоспарланса, 6 айдың қорытындысымен 1 652 жұмыс орны ашылып, жоспар 55,1 пайызға орындалған. Оның ішінде, тұрақты жұмыстың ашылуы 39 пайызды құрайды. Демек жарты жылдың қорытындысы бойынша көрсеткіш әлі де көңіл көншітпейді. Осы мәселені назарға алған аудан әкмі ауыл әкімдеріне жұмысты жандандыру керектігін, сонымен қатар көрсеткіштер мен қолға алынған жұмыстар уақытылы дерекқорға енгізіліп отыру керектігін айтып өтті.Кезекті мәселе «Адал адам» тұжырымдамасының орындалу барысы. Осы жылы облыс әкімінің бастамасымен «Адал адам» рухани-мәдени орталығының тұжырымдамасы қабылданып, 7 бағыт бойынша түрлі іс-шаралар ұйымдастырылуда. 6 айдың қорытындысымен тұжырымдама аясында ірілі-ұсақты 599 шара өткізілген. Бұл бағытта әлі де жұмыс істеу керектігін айтқан аудан әкімі мамандардың уәжін тыңдап, жыл соңына дейін мәселені толық шешуді тапсырды. Сондай-ақ нәтиже қатаң сұралатынын айтып, қала, кент, ауылдық округтердегі «Адал адам» орталықтарының жұмысына қатысты бақылау ұдайы назарда болатындығын жеткізді.Аудан әкімі А.Оңғарбев мәжілісті қорытындылай келе «Таза Қазақстан» ауқымды акциясы аясында өтінім беру сервисі іске қосылғандығын жеткізді. Платформаға еліміздің әрбір тұрғыны қала мен елді мекендердің экологиялық проблемаларын, жинақталған тұрмыстық қатты қалдықтарды суретке түсіріп, өз өтініштерін жолдайды. Алдағы уақытта өтініштерге шұғыл түрде кері байланыс орнатылуы керектігін жауапты бөлімге жүктеді.

Үйлесімді жұмыс ілгері басады

<a href="https://kyzylorda-news.kz/">Kyzylorda-news.kz</a> &nbsp;ҚР Ұлттық қауіпсіздік комитетінің Қызылорда облысы және Байқоңыр қаласы бойынша департаменті Қармақшы аудандық полиция бөлімінің екі қызметкерін ұстады.Департамент мамандары 19 маусымда сыбайлас жемқорлық қылмыс жасау дерегі бойынша аудандық полиция бөлімі миграция қызметінің маманы Т.Н мен полицияның учаскелік инспекторы Ж.К-ні қолға түсірді.21 маусымда тергеу соты күдіктілерге қатысты үй қамағына алу түріндегі бұлтартпау шарасына санкция берген.<blockquote>«Қазіргі уақытта қылмыстық іс Қармақшы аудандық сотының қарауына ұсынылған. Қазақстан Республикасы Қылмыстық-процестік кодексінің 201-бабының талаптарына сәйкес өзге де деректер жария етуге жатпайды», – деп мәлім етті Қызылорда облыстық прокуратурасынан.</blockquote>Еске салсақ, бұдан бұрын Қызылорда облысында прокуратура жалған дипломмен қызмет атқарған 9 «мұғалімді» анықтады.Фото: Нұрболат Нұржаубай

Қызылордада жемқорлықпен байланысты қылмыс жасады деген күдікпен екі полицей ұсталды

<a href="https://kyzylorda-news.kz/">Kyzylorda-news.kz</a> Облыстық прокуратураның бастамасымен түрлі қылмыстың алдын алу бағытында прокуратура, полиция және пробация қызметкерлерінен құралған арнайы топтар құрылды. Сондай-ақ қылмысқа бейім тұлғалардың тәуекел тобы анықталып, олармен тиісті жұмыстар жүргізілуде. Қадағалау сапасы артып, прокурордың құқық қорғау рөлі күшейтілді.Прокурорлық сүзгіден үш жарым мыңдай шешім өткізіліп, 152 заңсыз шешімдердің қабылдануына жол берілмеді. Тергеп тексеру мерзімі бұзылған істер 20%-ға азайды. Бұл алты айда атқарылған жұмыстың тең жартысы ғана. Саладағы соны серпілістерді Қызылорда облысының прокуроры Ризабек Ожаров Өңірлік коммуникациялар қызметінің ақпарат алаңында баяндап берді.&nbsp;<blockquote>– Өздеріңізге белгілі, облысымызда Қылмыстық атқару жүйесі департаментіне қарасты 3 мекеме орналасқан. Онда ахуал тұрақты, жаппай тәртіпсіздік фактілері орын алмаған. Осы мекемелерде барлық соқыр аймақтар жойылып, бейнебақылау камераларымен жабдықталды. Жергілікті бюджеттен ұялы байланысты бұғаттау құралдарын сатып алуға 200 млн. теңге бөлінуіне қол жеткізілді. Қазірдің өзінде бұл құрылғы ақша қаражаттарының онлайн-транзакциясын бұғаттауда өзінің оңды нәтижесін көрсетуде. Қоғамдық мүдделерді қорғау бағытында халықтың өзекті мәселелері мен аймағымыздың әлеуметтік-экономикалық жағдайына басты назар аударылды. Осы ретте 211 тексеріс жүргізіліп, заңдылықты бұзушылықтарды жоюға бағытталған 310 қадағалау актісі енгізілді, - деді Ризабек Кәрімұлы.</blockquote>Сондай-ақ өңірімізде прокуратураның бастамасымен «Смарт-білезік» жобасы пилотты режимде іске асырылуда. Жаңа жобаның негізі міндеті - сотталғандар мен күдіктілерді бақылау процесін цифрландыру болып табылады. Облыс прокуроры жобаның жұмысын таныстырып өтті. – Білезіктер мен бағдарлама отандық өндірушімен смарт-сағат ретінде әзірленіп, ол биометриялық деректерді оқу, геолокацияны дәл көрсету, білезікті шешу немесе бүлдіру туралы хабарлама жіберу және білезікті бүлдіруден қорғау функцияларымен қамтылған. Алдын ала есептеулер бойынша 1,2 млрд теңге бюджет қаражатын үнемдеуге болады. Қазіргі таңда қылмыстық қудалау және қылмыстық атқару органдары 299 «Смарт-білезікті» пайдалануда. Осы жобаны іске асыру үшін мүдделі органдармен өзара жұмыс топтары құрылып, арнайы мобильді қосымша әзірленді,- деді өз сөзінде Ризабек Кәрімұлы.Фото: Қызылорда облысының Өңірлік коммуникациялар қызметі

Прокуратураның бастамасымен жүйелі жұмыстар атқарылуда

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында автожол саласын дамыту мәселелері қаралды. Көлік министрі Марат Қарабаев қолға алынған жобалар туралы баяндама жасады.Үкімет отырысынан кейінгі арнайы мәжілісте облыс әкімі Нұрлыбек Нәлібаев жауапты тұлғаларға бірқатар тапсырма берді.&nbsp;<blockquote>«Қызылорда облысының аумағындағы жергілікті маңызы бар автомобиль жолдарының ұзындығы 3580 шақырым. Оның 1014 шақырымы – республикалық, 555 шақырымы – облыстық, 2011 шақырымы – аудандық маңызы бар автомобиль жолдары. Биылға республикалық бюджеттен қаржыландыруға 101 жоба ұсынылды. Жол инфрақұрылымын дамытуға 33 млрд. 300 млн. теңге бөлініп, 266 шақырым автомобиль жолдары, көшелер және көпір өткелдері жөнделуде», – деді аймақ басшысы.</blockquote>Жиында облыс аумағындағы жол салу және қайта жаңғырту жобаларының іске асырылу барысы қаралды. Орындалу мерзімі кешіккендері үшін жауапты тұлғалар тиісті тәртіптік жауапкершілікке тартылмақ.&nbsp;Облыстық жолаушылар көлігі және автомобиль жолдары басқармасына Қызылорда қаласы, аудан әкімдіктерімен бірлесіп, биылғы меже – жақсы жағдайдағы жолдар үлесін 92 пайызға жеткізу тапсырылды. Анықталған кемшіліктер шұғыл арада жөнделуі тиіс.Мұнан бөлек, мәжілісте күн тәртібінен тыс коммуналдық мекемелердің қызметі, қоғамдық тәртіпті сақтау және елді мекендердің санитарлық тазалығы мәселелері қаралып, жауапты мекеме басшыларына тиісті тапсырмалар жүктелді.Бұған дейін облыс аумағындағы саябақтарды жаңартудың, оларды көркейту-көгалдандырудың жобасын жасап ұсыну туралы тапсырма берілген болатын. Саябақтарды атына сай саялы орынға айналдыру ісінде шалағайлық басым, жаз ортасы болса да жауаптылар асығар емес. Демалыс маусымында көпшілік жиналатын мұндай орындар таза, жанға жайлы болуы тиіс.&nbsp;Жаз басталғалы суға кету оқиғалары да жиі тіркелуде. Белгіленбеген орындарға суға түскеннің, судағы қауіпсіздікті сақтамағанның соңы қайғылы жағдайға ұрындыруда. Бұл ретте де құзырлы мекемелер жауапкершілігіне айтылар сын жетерлік.Кейінгі уақытта қала және аудан орталықтарының, ауылдардың тазалығына қатысты мәселе күн тәртібінен түспей келеді, айналаны күтіп ұстау жөнінде тапсырмалар нақтыланып берілуде. Бірақ кемшіліктер түбегейлі түзетілген жоқ. Бүгінгі жиында жоғарыда аталған кемшіліктерге жол бергені үшін барлық аудан әкімдеріне сөгіс жарияланды.6 шілде күні Орталық стадиондағы "Қайсар – Жеңіс" командалары арасындағы ойында электр жарығы сөніп қалған. Бұл жағдай көпшілік жиналатын іс-шарадан бұрын желілердің жай-күйін жіті бақыламағандықтан орын алды. Осы кемшілікке жол берген облыстық спорт, дене шынықтыру және туризм басқармасының басшысы Жанмұрат Сейіловке, «КРЭК» АҚ-ның басшысы Батыржан Қаракөзовке қатаң сөгіс жарияланды.Оқушылардың суға кетуіне, білім саласында орын алған кемшіліктерге байланысты облыстық білім басқармасының басшысы Асқарбек Есжановқа да қатаң сөгіс берілді.Фото: Қызылорда облысы әкімінің баспасөз қызметі

Бірнеше басшыға қатаң сөгіс берілді 

<a href="https://kyzylorda-news.kz/">Kyzylorda-news.kz</a> Мемлекет басшысы «Қазақстан Республикасының кейбір заңнамалық актілеріне ойын бизнесі, лотерея қызметі, денсаулық сақтау, мемлекеттік еңбек инспекциясы, мемлекеттік бақылау және артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.Заң арқылы халықтың ойынға тәуелділігін төмендетуге бағытталған шектеуші және ынталандырушы нормалар енгізіледі. Атап айтқанда, құмар ойындарға/бәс тігуге қатысуына тыйым салынатын адамдар санатының тізімі кеңейтілді. Енді олардың қатарына Борышкерлердің бірыңғай тізілімінде тұрған тұлғалар (атқарушылық іс жүргізу бойынша борышкерлер туралы мәліметтерді қамтитын электрондық деректер банкі) қосылды. Сонымен қатар сыбайлас жемқорлыққа қарсы шектеу енгізу арқылы жауапты мемлекеттік лауазымды атқаратын, мемлекеттік функцияларды орындауға уәкілеттік берілген адамдардың, оларға теңестірілген адамдардың құмар ойындарға/бәс тігуге қатысуына шектеу қойылады.Бұдан былай мемлекеттік қызметшілер, әскери қызметшілер, арнайы және құқық қорғау органдарының қызметкерлері, бюджеттік ұйымдардың басшылары құмар ойындарға/бәс тігуге қатыса алмайды. Бұл шектеуді сақтамағаны үшін оларды жұмыстан шығару шарасы қарастырылған. Ойын бизнесін ұйымдастырушылардың қызметін реттеу тетіктері күшейтілді. Туризм және спорт министрлігі ойын мекемесінің, букмекерлік кеңсенің, тотализатордың, ставкаларды қабылдау және құмар ойындардың/бәс тігудің бірыңғай ережелерін бекітеді.Букмекерлік кеңселер мен тотализаторлардың жарнамаларына шектеу қойылды. Атап айтқанда, букмекерлік кеңселер мен тотализаторларды сыртқы (көрнекі) жарнамасына, сондай-ақ олардың қызметін көлік құралдарында, бұқаралық ақпарат құралдарында, кино -, видео-және анықтамалық қызмет көрсету орындарында жарнамалауға тыйым салынады.Тек букмекерлік кеңсе немесе тотализатор орналасқан жердегі сыртқы жарнамаға; спорт ғимараттарының ішінде және спортшылардың киімінде; спорттық тақырыпқа маманданған және ресми тіркелген БАҚ-та, сондай-ақ отандық телеарналар халықаралық спорттық жарыстарды тікелей трансляция жасаған кезде жарнамалауға рұқсат етіледі.Сонымен қатар лотерея қызметін реттеу тетіктері жаңартылды. Нақтырақ айтқанда, тұрғын үйлерде, жатақханаларда, ғибадат үйлерінде, мәдениет ұйымдарының ғимараттары мен құрылыстарында, әлеуметтік объектілерде (білім беру, денсаулық сақтау), сондай-ақ олардан жүз метр қашықтықтағы радиуста лотерея билеттерін таратуға және лотерея терминалдарын орнатуға тыйым салынады. Өскелең ұрпақтың денсаулығын энергетикалық сусындардың зиянды салдарынан қорғау үшін мұндай сусындарды 21 жасқа дейінгі адамдарға сатуға тыйым салынады.Фото: Akorda

Мемлекет басшысы жаңа Заңға қол қойды

<a href="https://kyzylorda-news.kz/">Kyzylorda-news.kz</a> Мектептердің бірінде ішек таяқшасы бактериялары анықталды.Қарағанды облысының Нұра ауданында 19 мектеп директоры әкімшілік жауапкершілікке тартылды, деп хабарлады <a href="https://halyq-uni.kz/">Halyq Uni</a>.Нұра ауданының прокуратурасы аудандағы білім беру ұйымдарында өткізген тексеру нәтижесінде санитарлық-эпидемиологиялық бақылау, өрт қауіпсіздігі және денсаулық сақтау салаларындағы көптеген заңбұзушылықтарды анықтады. Атап айтқанда, ауданның кейбір мектептерінде жарамдылық мерзімі өтіп кеткен дәрілік заттар табылып, белгіленген стандарттарға сәйкес келмейтін дезинфекциялық ерітінділер анықталды.Сондай-ақ, мектептердің бірінде ішек таяқшасы бактериялары анықталды.<blockquote>Аудан прокуратурасының қадағалау актісі негізінде барлық анықталған бұзушылықтар жойылды. Қабылданған шаралардың нәтижесінде 2 мыңнан астам баланың құқығы қорғалды, – делінген прокуратура хабарламасында.</blockquote>Тексеру нәтижелері бойынша өрт қауіпсіздігі талаптарын бұзғаны үшін 19 мектеп директоры әкімшілік жауапкершілікке, 17 лауазымды азамат тәртіптік жауапкершілікке тартылды.Фото: Нұрболат Нұржаубай

Қарағанды облысында 19 мектеп директоры жауапқа тартылды

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласында 1-6 шілде аралығында отбасы жанжалына байланысты <a href="https://kaz.inform.kz/news/kizilordada-bes-kunde-otbasi-zhanzhalina-baylanisti-4-kilmistik-s-trkeld-f9646f/">4 қылмыстық іс </a>тіркелді.Облыс орталығында шілде айының 1-6 аралығында Қызылорда қалалық полиция басқармасының 102 арнасына 59 отбасы жанжалына байланысты хабарлама келіп түскен.<blockquote>«Аталған хабарламалар бойынша ҚР Әкімшілік құқық бұзушылық туралы кодексінің 73-бабының талабына сәйкес 55 құқық бұзушыға әкімшілік шара қолдану үшін сотқа жолданды. Сондай-ақ ҚР Қылмыстық кодексінің 108-1 бабымен (денсаулыққа қасақана жеңіл зиян келтіру дерегі)– 2, 109-1 бабымен (ұрып-соғу дерегі бойынша) – 2 қылмыстық іс тіркелді. Олар бойынша сотқа дейінгі-тергеп тексеру жұмыстары жүргізілуде», – деп мәлім етті Қызылорда қалалық Полиция басқармасынан.</blockquote>Фото: Нұрболат Нұржаубай

Қызылордада бес күнде отбасы жанжалына байланысты 4 қылмыстық іс тіркелді

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында ірі көлемде қаржы жымқырған есепші сотталды, деп хабарлады <a href="https://paryz.kz/">Paryz.kz.</a>&nbsp;Арал ауданының прокуратурасы «Бөген» ауылдық клубы коммуналдық қазыналық кәсіпорнына тексеру жүргізді. Оның барысында клуб есепшісі қызмет бабын пайдалана отырып, өзіне сеніп тапсырылған 2,7 млн теңгеден астам қаржыны жымқырғаны анықталды.Аталған дерек аудандық прокуратурамен СДТБТ-не ҚК-тің 189-бабы 2-бөлігінің 3)-тармағымен тіркеліп, Қызылорда облысы бойынша экономикалық тергеп-тексеру департаментіне жолданды.Арал аудандық сотының 2024 жылдың 27 мамырдағы үкімімен есепшіге 3 жыл бас бостандығын шектеу түрінде жаза тағайындалды.Фото: Нұрболат Нұржаубай

Қызылорда облысында ірі көлемде ақша жымқырған есепші сотталды

<a href="https://kyzylorda-news.kz/">Kyzylorda-news.kz</a> Асаба ақын Құрманай Бақтиярқызы түрмеге қамалған Қайрат Нұртас, Әбдіжаппар Әлқожа, Тұрсынбек Қабатовқа қатысты пікір білдірді, - деп хабарлайды <a href="https://paryz.kz/">paryz.kz.</a>&nbsp; Ол бұл туралы әлеуметтік желідегі парақшасында жазба жариялады."Абақтыда дөкей біреудің туған күні болып жатқан жоқ па? Қылыштан өткір, өжет жүректі, өзгеше ұлдарыңа қарай көңіл аудартқызатындай Қазақстанда не боп жатыр екен, а? Әдейі қасақана көңілімізді бұзып, заңсыз шұжық пісіріп жатпасын. Аллаға аманат, қазағым тыныш болсын..", - деп жазды ол.Ал желі қолданушыларының пікірі екіге бөлінді."Осы өнер жұлдыздарын жамандаудан басқа не білеміз біз!", "Олар ел алдында жүрген азаматтар! Үшеуі де ақыл тоқтатқан, отбасылы еркектер. Саясатты араластырудың қажеті жоқ", "Білмеймін, үшеуіне де жүрегім ауырып отыр. Не дегенімен үшеуінің де ойып алар орны ерекше жандар", "Өздері тыныш жүрсе болады ғой. Есіріп кеткен ғой жұрт "керемет" дегесін", деп жазды олар.&nbsp;Фото: Инстаграм парақшадан

«Абақтыда дөкей біреудің туған күні болып жатқан жоқ па?»: Белгілі ақын түрмеге түскен әртістер туралы айтты

<a href="https://kyzylorda-news.kz/">Kyzylorda-news.kz</a> &nbsp; Ұлттық тестілеу орталығы педагогтердің білімін бағалайтын тест қашан өтетінін хабарлады.&nbsp;2024 жылғы 9-12 шілде аралығында&nbsp;<a href="https://web.telegram.org/a/app.testcenter.kz">app.testcenter.kz</a>&nbsp;сайтында (сондай-ақ UTO қосымшасында) мұғалімдердің білімін бағалауға өтініш қабылданады.ПББ-ның өзі 10 шілде-13 тамыз аралығында өтеді.Бұл тестілеуге санаты жоқ үміткерлер, біліктілік санатын өсіретін және растайтын педагогтер (барлығы) қатыса алады.Білім мекемесінің педагогтері ПББ-ға 12 айда екі рет өтініш бере алады: бір рет тегін, бір рет ақылы.Фото: freepik.com

Қазақстан және Қызылорда облысының жаңалықтары