<a href="https://kyzylorda-news.kz/">Kyzylorda-news.kz</a> Өткен жексенбі күні Қазалы ауданының әкімі Алмасбек Есмаханов Қарақұм беткейінде орналасқан елді мекендер мен мал шаруашылықтарын аралап, олардың бүгінгі тыныс-тіршілігімен танысты. Елді мекендерге жасаған жұмыс сапары барысында Қожақазған, Аққұдық, Тапа, Шилі, Шәкен және Шөлқұм елді мекендеріне арнайы барып, жергілікті тұрғындармен кездесті.Аталған аймақтағы халықтың негізгі кәсібі – мал шаруашылығы. Жалпы аудан бойынша 200 мыңнан астам төрт түлік мал болса, соның шамамен 60 пайызы, яғни 120 мыңнан астамы Қарақұм беткейінде шоғырланған. Бүгінде бұл өңірде 235 шаруашылық мал өсірумен айналысып келеді. Бұл – аудан экономикасының маңызды саласының бірі екенін айқын көрсетеді.Аудан әкімі Алмасбек Есмаханов елді мекендерді аралау барысында шаруалардың жай-күйімен танысып, олардың күнделікті жұмыс барысын көзбен көрді. Сонымен қатар, тұрғындармен пікір алмасып, өзекті мәселелерін тыңдады. Кездесулер барысында бірқатар түйткілді мәселелер көтерілді. Атап айтқанда, мал суаруға арналған су ұңғымаларын қазу қажеттілігі, Байқоңыр ғарыш айлағына жақын орналасқан шаруашылықтарда жабайы иттердің малға шабуылы, қасқырдың қауіпі, сондай-ақ алдағы уақытта шегірткелердің көбею қаупі сөз болды.Өз кезегінде аудан әкімі көтерілген мәселелердің барлығы назарға алынатынын атап өтіп, жауапты сала басшыларына нақты тапсырмалар жүктеді. Атап айтқанда, аудандық ауыл шаруашылығы бөлімі, ветеринариялық инспекция және ветеринариялық станция басшыларына мал қауіпсіздігін қамтамасыз ету, су көздерін көбейту, зиянкестерге қарсы күрес шараларын күшейту және аудандық полиция бөлімі мен елді мекендердегі учаскелік полиция инспекторларына жергілікті жердегі мал ұрлығының алдын алу бойынша тиісті жұмыстар жүргізуді тапсырды.<img src="https://knadmin.beoblood.kz/uploads/azaly_sharuashyly_tardy_aralau_2_8ce2f1897e.jpg" alt="Қазалы шаруашылықтарды аралау 2.jpg">

Қазалы: Ауылдық елді мекендерді аралап, тұрғындармен жүздесті

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде экономика салаларына жасанды интеллектіні енгізу мәселесі қаралды. Оған облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін осы және өзге де мәселелер талқыланды.<blockquote>«Мемлекеттік қызметкерлердің жасанды интеллект дағдылары бойынша 100% оқудан өтуін бақылау керек. Денсаулық сақтау ұйымдарының жұмысына цифрлық технологиялар мен жасанды интеллектіні енгізу қарқынын жеделдетіңіздер. Жасанды интеллект көмегімен инсульттің алдын алуда нәтиже көрсеткен «Церебра» жобасын өңірімізде енгізу үшін зерделенген нақты ұсыныс беріңіздер. Құқықбұзушылық пен қылмыстың алдын алуда тәулік бойы жұмыс жүргізіп, рейдтік шараларды күшейту қажет. Интернет алаяқтықпен күресіп, киберқауіпсіздікті қамтамасыз ету үшін цифрлық технологиялар мен жасанды интеллект мүмкіндіктерін кеңінен пайдаланып, тұрақты мониторинг жүргізу керек», – деді Нұрлыбек Машбекұлы.</blockquote>Бұдан бөлек, аймақ басшысы инвестициялық жобаларды, бюджет қаражатының мақсатты әрі тиімді жұмсалуын, жол бойындағы нысандар мен жол белгілерінің жай-күйін бақылау, тазалықты күнделікті қадағалауды тапсырды.Өңірде 2023 жылдан бері Қорқыт Ата университеті базасында Сеул ұлттық ғылым және технология университетімен бірлесіп ашылған Жасанды интеллект институты жұмыс істейді. Онда 240 студент білім алады, түлектер өндіріс, білім беру, денсаулық сақтау және қызмет көрсету салаларына жасанды интеллектіні енгізумен айналысады.Қоғамдық қауіпсіздікті арттыруда 7 аудан орталығы мен Байқоңыр қаласында 616 бейнекамера, 54 жылдамдық өлшегіш орнатылған, облыс орталығында 1400 камера, 80 «зияткерлік қиылыс», 96 стационарлық құрылғы бар.Биыл сәуір айынан бастап өңірлер арасында алғашқы болып 10 «Сұңқар» құрылғысы іске қосылды. Оның көмегімен қауіпсіздік белдігінің тағылмауы, жүргізушінің ұялы телефонмен сөйлесуі автоматты режимде анықталады. «Қазақтелеком» компаниясымен бірлесіп, қолданыстағы бейнебақылау камераларын Ұлттық бейнебақылау жүйесіне қосу жоспарлануда.Бас прокуратураның бастамасымен қолға алынған «Цифрлық қадағалау» пилоттық жобасы елімізде бірінші болып Қызылорда облысынан бастау алды. Жедел әрекет ету орталығының «109-Бірыңғай байланыс орталығы», «112 – Бірыңғай кезекшілік-диспетчерлік қызметі» ақпараттық жүйелерімен интеграция жүргізілді.

Экономика салаларына жасанды интеллектіні енгізу мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;Арал&nbsp;ауданы әкімінің міндетін атқарушы Шерхан Есжанов қала әкімі Б.Ұзақовпен бірге Арал қаласында тазалықты қамтамасыз ету мақсатында бірқатар көшелер мен көпшілік орындарды аралап, қаланың тазалығына байланысты жан-жақты зерделеу жұмыстарын жүргізді.Алдымен қала кіреберісіндегі қақпа маңындағы абаттандыру жұмыстары қаралып, оның баяу жүріп жатқаны үшін жауаптыларға қатаң ескерту берілді. Тапсырмаларды уақытында орындамағандарға тиісті шаралар қолданылатыны айтылды.Қала ішін аралау барысында көшелерде ұзақ уақыттан бері жиналып тұрған қоқыстар анықталып, тазалық жұмыстарының жеткіліксіз деңгейде жүргізіліп жатқаны сынға алынды. Кейбір көше бойындағы үйілген қоқыстардың қанша уақыт өтсе де ретке келмегенін көрген аудан әкімінің орынбасары қала әкіміне ескерту жасап, Арал қаласы бойынша тазалық жұмыстары әлі де өз деңгейінде жүргізілмей келе жатқанын атап өтті.Ал кейбір көше бойындағы көріністер қала тұрғындарының тазалық мәдениетіне деген көзқарастары әлі де төмен екенін байқатты. Мұны қаланың кейбір талапшыл тұрғындары да растап отыр.Мәселен, қаланың шанхай мөлтек ауданында орналасқан орыс қорым атанып кеткен аумақтың іші де сырты да толған қоқыс екені көзге алыстан байқалып тұр.Бүгін тазаланған аумақ көзді ала бере лезде қоқысқа толып қалатыны бұған дейін де белгілі болған. Мұны сол маңда тұратын Алматы көшесінің тұрғыны да растады.<img src="https://knadmin.beoblood.kz/uploads/Aral_tazaly_1_408268bd1a.jpg" alt="Арал тазалық 1.jpg">Мән-жайға қаныққан аудан әкімінің міндетін атқарушы Ш.Есжанов қала әкіміне қоқыстар жиі төгілетін аумақтарға жылдам басқарылып, заңбұзушылықты анықтайтын бейнебақылау қондырғыларын орнатуды қолға алу жөнінде тапсырма берді. Сол арқылы қоқыс тастаушы тұлғалар анықталып, әкімшілік хаттамаға сай ірі көлемдегі айыппұлдар салынатын болады.Мұнан өзге қала көшелеріндегі жол жөндеу жұмыстарының барысымен танысып, мердігер мекеме өкілдерімен тілдесу барысында жұмыстардың барлығын сапалы жүргізу жөнінде бірқатар тапсырмалар жүктелді.Қаланың басқа аймақтарында да мұндай жағдайларды болдырмау мақсатында арнайы шаралар қабылданатын болады.Фото: Аудан әкімдігінің баспасөз қызметі

Арал: Тазалық жұмыстары жүргізілді

<a href="https://kyzylorda-news.kz/">Kyzylorda-news.kz</a> Қазіргі таңда табиғатты қорғау – адамзат алдындағы ең маңызды міндеттердің бірі. Қоршаған ортаның ластануы, ормандардың азаюы, жануарлар санының кемуі – бәрі де адамның табиғатқа немқұрайлы қарауының нәтижесі. Дегенмен, табиғатты қорғау үшін үлкен істер ғана емес, күнделікті өмірдегі қарапайым әрекеттер де үлкен рөл атқарады.Ең алдымен, қоқысты дұрыс тастау мәдениетін қалыптастыру қажет. Әр адам қоқысты арнайы жәшіктерге бөліп тастаса (пластик, қағаз, шыны), қайта өңдеу үдерісі жеңілдейді. Бұл табиғи ресурстарды үнемдеуге көмектеседі.Екінші маңызды қадам – суды үнемдеу. Көп жағдайда адамдар суды босқа ағызып қояды. Тіс жуғанда немесе ыдыс жуған кезде суды қажетсіз ағызбай, үнемдеп пайдалану – табиғатты қорғаудың қарапайым әрі тиімді тәсілі.Сонымен қатар, электр энергиясын үнемдеу де маңызды. Бөлмеден шыққанда жарықты сөндіру, энергия үнемдейтін шамдарды қолдану арқылы біз табиғи ресурстарды сақтай аламыз.Пластик қолдануды азайту да үлкен үлес қосады. Дүкенге барғанда көп реттік сөмке пайдалану, бір рет қолданылатын ыдыстардан бас тарту – қоршаған ортаға деген жанашырлықтың белгісі.Тағы бір қарапайым жол – ағаш отырғызу. Әр отырғызылған ағаш ауа сапасын жақсартып, табиғаттың тепе-теңдігін сақтауға көмектеседі.Қорытындылай келе, табиғатты сақтау әр адамның өзінен басталады. Кішкентай әрекеттердің өзі үлкен өзгерістерге әкелуі мүмкін. Егер әрқайсымыз табиғатқа қамқорлықпен қарасақ, болашақ ұрпаққа таза әрі әдемі әлем қалдыра аламыз.Аяжан МахамбетәліҚорқыт ата атындағы Қызылорда университетінің 4-курс студентіФото: freepik.com

Табиғатты сақтаудың қарапайым жолдары

<a href="https://kyzylorda-news.kz/">Kyzylorda-news.kz</a> Қазіргі заманда пластик адам өмірінің ажырамас бөлігіне айналды. Ол арзан, жеңіл әрі қолдануға ыңғайлы болғандықтан, тұрмыста, өндірісте және медицинада кеңінен пайдаланылады. Алайда пластиктің пайдасымен қатар, оның қоршаған орта мен адам денсаулығына тигізетін зияны да өте зор.Ең басты мәселе – пластиктің табиғатта өте баяу ыдырауы. Көптеген пластик түрлері жүздеген жылдар бойы жойылмайды. Соның салдарынан жер бетінде, мұхиттарда және ормандарда пластик қалдықтары жиналып, экожүйеге үлкен қауіп төндіреді. Әсіресе теңіз жануарлары пластикті қорек деп ойлап, жұтып қояды, нәтижесінде олардың қырылуы жиілеп барады.Сонымен қатар пластикті жағу кезінде ауаға улы заттар бөлінеді. Бұл заттар адам ағзасына түсіп, түрлі ауруларға әкелуі мүмкін. Кейбір пластик өнімдерінің құрамындағы химиялық заттар тағамға өтіп, денсаулыққа зиян тигізеді.Пластик мәселесін азайту үшін әр адам өз үлесін қоса алады. Біріншіден, бір рет қолданылатын пластик заттардан бас тарту қажет. Мысалы, полиэтилен пакеттердің орнына көп рет қолданылатын мата сөмкелерді пайдаланған дұрыс. Екіншіден, пластик қалдықтарды сұрыптап, қайта өңдеуге тапсыру маңызды. Бұл жаңа пластик өндіру көлемін азайтады. Үшіншіден, экологиялық таза өнімдерді таңдап, табиғатты қорғауға бағытталған әдеттерді қалыптастыру керек.Қорытындылай келе, пластиктің зияны – бүкіл адамзатқа ортақ мәселе. Оны шешу үшін мемлекет деңгейінде де, жеке адам деңгейінде де нақты әрекеттер қажет. Табиғатты қорғау – болашақ ұрпақ алдындағы басты міндетіміз.&nbsp;Аяжан МахамбетәліҚорқыт ата атындағы Қызылорда университетінің 4-курс студенті&nbsp;Фото: ru.freepik.com

Пластиктің зияны және оны азайту жолдары

<a href="https://kyzylorda-news.kz/">Kyzylorda-news.kz</a> Қазіргі заманда цифрлық технологиялардың қарқынды дамуы білім беру саласына да үлкен өзгерістер әкелді. Соның айқын көрінісі – онлайн білім беру жүйесінің кең таралуы. Бұл формат оқушылар мен студенттерге білім алудың жаңа мүмкіндіктерін ашып, дәстүрлі оқыту тәсілдеріне балама ретінде қалыптасты.Онлайн білім берудің ең басты артықшылықтарының бірі – қолжетімділік. Географиялық орналасуына қарамастан, кез келген адам интернет арқылы әлемнің үздік оқу орындарының курстарына қатыса алады. Сонымен қатар, уақытты тиімді пайдалану мүмкіндігі де маңызды рөл атқарады. Студенттер өздеріне ыңғайлы уақытта оқып, жеке кесте құра алады.Тағы бір артықшылығы – оқу ресурстарының көптігі. Видеодәрістер, интерактивті тапсырмалар, электронды кітаптар білім алушыларға материалды терең меңгеруге көмектеседі. Бұдан бөлек, онлайн оқу қаржылық тұрғыдан да тиімді болуы мүмкін, себебі жол ақысы немесе жатақхана шығындары қажет емес.Дегенмен, онлайн білім берудің кемшіліктері де жоқ емес. Ең алдымен, тікелей қарым-қатынастың болмауы студенттердің мотивациясына әсер етуі мүмкін. Оқытушымен және топтастармен бетпе-бет байланыс болмағандықтан, кейбір студенттер өзін оқшау сезінеді. Сонымен қатар, өзін-өзі бақылау деңгейі жоғары болуы талап етіледі, өйткені онлайн форматта тәртіпті сақтау қиынырақ.Тағы бір мәселе – техникалық қиындықтар. Интернеттің тұрақсыздығы немесе қажетті құрылғылардың болмауы оқу процесіне кедергі келтіреді. Сондай-ақ, барлық пәндер онлайн форматта бірдей тиімді оқытылмайды, әсіресе тәжірибелік дағдыларды қажет ететін мамандықтарда қиындықтар туындайды.Онлайн білім беру – заманауи қоғамның ажырамас бөлігі. Оның артықшылықтары көп болғанымен, кемшіліктерін де ескеру қажет. Ең тиімді нәтиже алу үшін онлайн және дәстүрлі білім беру әдістерін үйлестіре қолдану маңызды.Аяжан Махамбетәлі&nbsp; Қорқыт ата атындағы Қызылорда университетінің 4-курс студентіФото: freepik.com

Онлайн білім берудің артықшылықтары мен кемшіліктері

<a href="https://kyzylorda-news.kz/">Kyzylorda-news.kz</a> &nbsp;Қазіргі заманда адам тек біліммен ғана емес, үнемі дамуға деген ұмтылыспен де ерекшеленеді. Өзін-өзі дамыту – бұл адамның жеке қасиеттерін жетілдіруі, жаңа білім мен дағдыларды меңгеруі, сондай-ақ ішкі әлеуетін толық ашуы. Бұл үдеріс адамның өмір сапасын жақсартып қана қоймай, оны бәсекеге қабілетті, саналы тұлға ретінде қалыптастырады.Ең алдымен, өзін-өзі дамыту адамға өз мүмкіндіктерін тануға көмектеседі. Көп жағдайда адамдар өз қабілеттерін толық білмейді немесе бағаламайды. Ал даму арқылы адам өз күшті және әлсіз тұстарын анықтап, мақсаттарын нақтылай алады. Бұл оның өмірде дұрыс бағыт таңдауына ықпал етеді.Сонымен қатар, өзін-өзі дамыту – табысқа жетудің негізгі кілттерінің бірі. Қандай салада болмасын, үздік болу үшін адам үнемі үйреніп, жаңарып отыруы қажет. Жаңа технологиялар мен ақпараттық өзгерістер дәуірінде білімнің ескіруі өте жылдам жүреді. Сондықтан өз білімін үнемі толықтырып отыратын адам ғана заман талабына сай болады.Тағы бір маңызды қыры – өзін-өзі дамыту адамның сенімділігін арттырады. Жаңа дағдыларды меңгеру, мақсаттарға жету адамға ішкі қанағат сезімін береді. Бұл өз кезегінде оның өзін бағалауына, қоғамда белсенді болуына әсер етеді.Сонымен бірге, өзін-өзі дамыту адамның ой-өрісін кеңейтеді. Әртүрлі кітап оқу, жаңа адамдармен танысу, тәжірибе жинау арқылы адам дүниетанымын байытады. Бұл оның сыни ойлау қабілетін арттырып, күрделі мәселелерді шешуге көмектеседі.Түйін: &nbsp;Өзін-өзі дамыту – табысты әрі мағыналы өмір сүрудің негізі. Өз-өзімен жұмыс істейтін адам ғана өмірде биік жетістіктерге жете алады. Сондықтан әр адам күн сайын өзін жетілдіруге уақыт бөліп, дамуға ұмтылуы қажет.&nbsp;Аяжан МахамбетәліҚорқыт ата атындағы Қызылорда университетінің 4-курс студентіФото: Нұрболат Нұржаубай

Өзін-өзі дамыту не үшін маңызы

<a href="https://kyzylorda-news.kz/">Kyzylorda-news.kz</a> Кітап оқу – адам өміріндегі ең пайдалы әрі маңызды әдеттердің бірі. Ол тек білім көзі ғана емес, сонымен қатар адамның ой-өрісін кеңейтетін, дүниетанымын қалыптастыратын құрал. Қазіргі заманда ақпараттың көптігіне қарамастан, кітаптың орны ерекше болып қала береді.Біріншіден, кітап оқу адамның білімін арттырады. Әрбір оқылған кітап жаңа ақпарат, жаңа идеялар мен тың көзқарастар сыйлайды. Әсіресе көркем әдебиет адамды түрлі өмірлік жағдайлармен таныстырып, тәжірибесін байытады. Ал ғылыми және танымдық кітаптар нақты білім беріп, кәсіби дамуға ықпал етеді.Екіншіден, кітап оқу ойлау қабілетін дамытады. Оқырман мәтінді түсіну, талдау, салыстыру арқылы логикалық және сыни ойлау дағдыларын жетілдіреді. Сонымен қатар, кітап оқу адамның сөздік қорын көбейтіп, тіл байлығын арттырады. Бұл өз кезегінде дұрыс әрі әсерлі сөйлеуге көмектеседі.Үшіншіден, кітап оқу адамның қиялын дамытады. Әсіресе көркем шығармаларды оқу кезінде оқырман кейіпкерлердің бейнесін, оқиға орнын өз ойында елестетеді. Бұл шығармашылық қабілетті арттырып, жаңа идеялардың пайда болуына ықпал етеді.Төртіншіден, кітап оқу – рухани тынығудың бір жолы. Күнделікті күйбең тіршіліктен шаршаған адам кітап оқу арқылы тынығып, өз-өзімен сырласа алады. Бұл адамның ішкі жан дүниесін байытып, көңіл-күйін жақсартады.Түйін: кітап оқу – жан-жақты дамыған тұлға қалыптастырудың маңызды шарты. Сондықтан әр адам күнделікті өмірінде кітап оқуға уақыт бөліп, осы пайдалы әдетті қалыптастыруы тиіс.&nbsp;Аяжан МахамбетәліҚорқыт ата атындағы Қызылорда университетінің 4-курс студентіФото: freepik.com

Кітап оқудың пайдасы неде?

<a href="https://kyzylorda-news.kz/">Kyzylorda-news.kz</a> Қазіргі таңда адамзат алдында тұрған ең өзекті мәселенің бірі – қоршаған ортаны қорғау және табиғи ресурстарды тиімді пайдалану. Климаттың өзгеруі, ауа ластануы және қазба отындарының сарқылуы сияқты&nbsp;мәселелер баламалы энергия көздерін дамыту қажеттілігін арттырды. Осы тұрғыда жасыл энергия – болашақтың басты бағыты ретінде қарастырылады.Жасыл энергия дегеніміз – табиғатқа зияны аз немесе мүлде зиян келтірмейтін, жаңартылатын энергия көздері. Оларға күн, жел, су, геотермалдық және биомасса энергиясы жатады. Бұл энергия түрлері сарқылмайды және қоршаған ортаға зиянды қалдықтар шығармайды. Мысалы, күн энергиясы арнайы панельдер арқылы жиналып, электр қуатына айналады, ал жел энергиясы турбиналар көмегімен өндіріледі.Жасыл энергияның басты артықшылығы – экологиялық тазалығы. Ол көмірқышқыл газының бөлінуін азайтып, жаһандық жылыну үдерісін бәсеңдетуге көмектеседі. Сонымен қатар, бұл энергия көздері ұзақ мерзімді перспективада экономикалық жағынан да тиімді. Алғашқы инвестициялар жоғары болғанымен, уақыт өте келе олар өзін-өзі ақтайды және тұрақты энергия көзіне айналады.Қазақстан үшін де жасыл энергияны дамыту – маңызды бағыттардың бірі. Ел аумағында күн мен жел ресурстары мол. Әсіресе, оңтүстік өңірлерде күн сәулесінің молдығы күн энергетикасын дамытуға мүмкіндік береді. Ал желі күшті соғатын аймақтарда жел электр станцияларын салу тиімді. Мемлекет тарапынан бұл салаға қолдау көрсетіліп, түрлі бағдарламалар жүзеге асырылуда.Дегенмен, жасыл энергияны дамыту жолында бірқатар қиындықтар да бар. Олардың қатарында жоғары технологиялық жабдықтардың қымбаттығы, инфрақұрылымның жеткіліксіздігі және энергия сақтау мәселелері жатады. Сонымен бірге, кейбір аймақтарда табиғи жағдайлар тұрақсыз болуы мүмкін, бұл энергия өндіру көлеміне әсер етеді.Қорытындылай келе, жасыл энергия – болашақтың кепілі. Ол тек экологиялық мәселелерді шешіп қана қоймай, экономиканың тұрақты дамуына да ықпал етеді. Сондықтан әрбір мемлекет, соның ішінде Қазақстан да, жасыл энергияны дамытуға ерекше назар аударуы тиіс.&nbsp;Аяжан МахамбетәліҚорқыт ата атындағы Қызылорда университетінің 4-курс студентіФото: freepik

Жасыл энергияның болашағы

<a href="https://kyzylorda-news.kz/">Kyzylorda-news.kz</a> Қазіргі&nbsp;уақытта&nbsp;әлеуметтік желі адам өмірінің ажырамас бөлігіне айналды. Таңертең көзімізді ашқаннан бастап, ұйықтар алдында уақыт&nbsp;та телефонға үңілу – көпшілігімізге таныс әдет. Бұл құбылыс біздің өмір салтымызға, ойлауымызға және қарым-қатынасымызға үлкен әсер етуде. Технологияның қарқынды дамуы әлеуметтік желілерді тек байланыс құралы ғана емес, сонымен қатар ақпарат көзі, ойын-сауық алаңы және табыс табу мүмкіндігіне айналдырды.Бір жағынан, әлеуметтік желілердің пайдасы зор. Олар арқылы біз алыстағы достарымызбен, туыстарымызбен оңай байланыса аламыз. Бұрын хат жазып, ұзақ күту қажет болса, қазір бір сәтте хабар алмасуға мүмкіндік бар. Сонымен қатар, кез келген ақпаратты жылдам тауып, білімімізді арттыруға болады. Түрлі онлайн курстар, вебинарлар мен танымдық парақшалар адамның өзін-өзі дамытуына ықпал етеді. Көптеген адамдар әлеуметтік желіні пайдаланып, өз кәсібін ашып, жарнама жасап, табыс тауып жүр. Бұл әсіресе шағын бизнес үшін үлкен мүмкіндік болды.Әлеуметтік желілер қоғамдағы пікір алмасудың да маңызды алаңына айналды. Адамдар өз ойларын еркін жеткізіп, түрлі мәселелерді талқылай алады. Бұл кейбір әлеуметтік&nbsp;мәселелердің көтерілуіне және олардың шешімін табуға ықпал етеді. Сонымен қатар, шығармашылық адамдар үшін де әлеуметтік желілер өз талантын көрсетуге үлкен мүмкіндік береді. Ән айту, сурет салу, жазу немесе видео түсіру сияқты қабілеттерін көпшілікке таныстырып, танымал болуға жол ашады.Алайда, әлеуметтік желілердің зиянды жақтары да аз емес. Ең алдымен, ол уақытты көп алады. Кейде адам өзіне маңызды істерді кейінге қалдырып, сағаттап телефон қарап отырады. Бұл өнімділіктің төмендеуіне, тіпті жалқаулыққа әкелуі мүмкін. Уақытты дұрыс жоспарламау күн тәртібінің бұзылуына әсер етеді.Сонымен қатар, әлеуметтік желілер адам психологиясына кері әсер етуі мүмкін. Басқалардың әдемі, «мінсіз» өмірін көргенде, кейбір адамдар өз өмірін солармен салыстырып, өз-өзіне сенімсіздік пайда болады. Бұл күйзеліске, көңіл-күйдің төмендеуіне әкеледі. Шын мәнінде, әлеуметтік желілерде көрсетілетін өмір әрдайым шынайы бола бермейді, бірақ оны көп адам түсіне бермейді.Тағы бір маңызды мәселе – тәуелділік. Әлеуметтік желіге үйреніп кеткен адам бос уақытын тек сол жерде өткізгісі келеді. Бұл әсіресе жасөспірімдер арасында жиі байқалады. Олар виртуалды әлемге көбірек көңіл бөліп, шынайы өмірдегі қарым-қатынастан алыстай бастайды. Нәтижесінде достарымен бетпе-бет сөйлесу дағдылары әлсірейді.Денсаулыққа да әсері бар екенін ұмытпау керек. Ұзақ уақыт телефонға қарау көздің көру қабілетін нашарлатып, омыртқа мен жүйке жүйесіне зиян келтіруі мүмкін. Сонымен қатар, ұйқы режимі бұзылып, адам шаршаңқы күйде жүретін болады.Ақпараттық қауіпсіздік мәселесі де маңызды. Әлеуметтік желілерде жеке мәліметтерді қорғау әрдайым қауіпсіз бола бермейді. Кейбір алаяқтар адамдардың сеніміне кіріп, түрлі жолдармен зиян келтіруі мүмкін. Сондықтан&nbsp;ғаламторда сақтық таныту өте маңызды.Қорытындылай келе, әлеуметтік желілер – екі қырлы құрал. Оны дұрыс пайдалана білсек, ол бізге үлкен пайда әкеледі: білім алуға, байланыс орнатуға, дамуға көмектеседі. Ал шамадан тыс қолдану керісінше зиян тигізуі мүмкін. Сондықтан әр адам өз уақыты мен назарын бақылап, әлеуметтік желіні саналы түрде қолдануы қажет. Тек сонда ғана біз технологияның пайдасын көріп, зиянынан сақтана аламыз.Аяжан МахамбетәліҚорқыт ата атындағы Қызылорда университетінің 4-курс студентіФото: freepik &nbsp;

Әлеуметтік желінің адам өміріне әсері

<a href="https://kyzylorda-news.kz/">Kyzylorda-news.kz</a> Кеше Қармақшы ауданындағы «Руханият» орталығында аудан әкімі Жандос Еркінбектің қатысуымен «Білімді ұрпақ – жарқын болашақ кепілі» атты дарынды оқушылармен кездесу өтті. Еркін форматта ұйымдастырылған жиынға білім, ғылым, спорт және өнер салаларында облыстық, республикалық, халықаралық деңгейде жеңіс тұғырынан көрініп жүрген аудан оқушылары қатысты.Тағылымды шара «Үздік инновациялық жобалар көрмесімен» бастау алып, дарынды оқушылар өздерінің тың идеялары және ізденістері үйлескен ғылыми жобаларын таныстырып өтті.<blockquote>&nbsp;«Халқымызда «Ақыл – тозбайтын тон, білім – таусылмайтын кен» деген мағыналы сөз бар. Сіздер – сол үмітті ақтап келе жатқан, ауданымыздың ғана емес, еліміздің абыройын асқақтатып жүрген дарынды ұл-қыздарысыздар. Қай салада жүрсеңіздерде, ең бастысы – елге адал қызмет ету, туған жердің дамуына үлес қосу. Сіздерге артылар сенім мол. Алға қойған мақсаттарыңыз айқын, білім жолындағы еңбектеріңіз сәтті болсын! Біз әрдайым сіздерді қолдауға дайынбыз»,- деді аудан әкімі.</blockquote>Жиында жастар өздерін толғандырған сұрақтарын қойып, балалық шақтағы арманы, жетістікке жету барысындағы еңбек пен табандылық, уақытты тиімді пайдалану, болашақ мамандық таңдау, сондай-ақ қоғамдағы жастардың рөлі секілді маңызды тақырыптар қозғалды. Оқушылар өздерінің орамды ойы мен салмақты сауалдарын ортаға салса, өнерлі жастар түрлі аспаптарымен концерттік бағдарлама да ұсынды.<img src="https://knadmin.beoblood.kz/uploads/Bilimdi_rpa_zhar_yn_bolasha_kepili_92894f9d04.jpg" alt="«Білімді ұрпақ - жарқын болашақ кепілі».jpg">Шара соңында ауданның абыройын арттырып жүрген дарынды оқушылар аудан әкімінің «Алғыс хаты» және сыйлықтарымен марапатталды.Жандос Еркінбек: «Бүгін өздеріңізбен кездескеніме қуаныштымын. Ата-ананы сыйлап, ұстаздарыңызды құрметтеңіздер. Жарқын күндеріңіз көп болсын. Алдағы күндеріңізге тек сәттілік тілеймін»,- деп жиынды қорытындылады.Айта кету керек, бүгінде мемлекет тарапынан жыл сайын республикалық және халықаралық деңгейде пәндік олимпиадалар, ғылыми жарыстар мен шығармашылық байқаулар ұйымдастырылып, жеңімпаздар мен жүлдегерлерге білім гранттары және жоғары оқу орындарына түсу кезінде жеңілдіктер берілуде. Сонымен қатар дарынды балаларға «Қазақстан халқына» қоры және Президенттік білім гранттары ұсынылады. Ал «Болашақ» бағдарламасы аясында жас талапкерлерге шетелдің үздік оқу орындарында білім алуға мүмкіндік бар.Фото: Қармақшы ауданы әкімінің баспасөз қызметі

Аудан әкімі дарынды оқушылармен кездесті

<a href="https://kyzylorda-news.kz/">Kyzylorda-news.kz</a> Облыста өткен жылу беру маусымы өрт қауіпсіздігі мәселесінің әлі де өзекті екенін көрсетті. Тұрғын үй секторларында тіркелген өрт оқиғалары мен олардың себептері халықтың қауіпсіздік талаптарына немқұрайлы қарауының салдарын айқындап берді. Осыған байланысты Төтенше жағдайлар департаменті алдын алу шараларын күшейтіп, кең ауқымды түсіндіру және бақылау жұмыстарын жүргізді. Бұл туралы Өңірлік коммуникациялар қызметінің ақпарат алаңында облыстық ТЖД Мемлекеттік өрт бақылау басқармасының бастығы Бейбітхан Спанов баяндады.<img src="https://knadmin.beoblood.kz/uploads/irde_rt_auipsizdigini_aldyn_alu_zh_mystary_zhal_asuda_d20cf4a5da.jpg" alt="Өңірде өрт қауіпсіздігінің алдын алу жұмыстары жалғасуда.jpg">Жылу беру кезеңінде облыс аумағындағы тұрғын секторларда 105 өрт оқиғасы тіркеліп, 3 адам жарақат алған. Спикердің айтуынша, өрт оқиғаларының басым бөлігі тұрғындардың қауіпсіздік талаптарына немқұрайлы қарауынан туындайды. Атап айтқанда, пештердің техникалық жағдайын уақытылы тексермеу, электр желілерін дұрыс пайдаланбау және балаларды қараусыз қалдыру негізгі себептердің қатарында.<img src="https://knadmin.beoblood.kz/uploads/682441254_2592356457826517_523326585689475160_n_651a2024a0.jpg" alt="ТЖД Мемлекеттік өрт бақылау басқармасының бастығы Бейбітхан Спанов"><blockquote>– Жергілікті атқарушы органдармен бірлесіп әлеуметтік осал топтағы 6 825 тұрғын үйдің тізімі нақтыланып, осы отбасыларға түсіндіру жұмыстары жүргізілді. Жергілікті бюджет есебінен 484 табиғи газды және 100 көмірқышқыл газын анықтайтын датчик орнатылды. Алайда бұл бағыттағы жұмыстар барлық аудандарда бірдей деңгейде жүргізілмей отыр. Апта сайын полиция департаменті және волонтерлік ұйымдардың қатысуымен профилактикалық жұмыстар ұйымдастырылып, барлығы 129 874 тұрғын үйдің ауласы араланды. Сонымен қатар, тұрғындармен 350 кездесу өткізіліп, өрт қауіпсіздігі ережелері кеңінен түсіндірілді. Одан бөлек, «Атамекен» кәсіпкерлер палатасында да арнайы жиын ұйымдастырылып, кәсіпкерлерге өрт қауіпсіздігі талаптары таныстырылды. Тұрғындардың қауіпсіздік мәдениетін арттыру, улы газдан улану фактілерінің алдын алу және өрттің санын азайту бағытындағы жұмыстар алдағы уақытта да жалғасады. Бұл-баршаға ортақ жауапкершілік, - деді Бейбітхан Оразайұлы.</blockquote>Жаз мезгілінің басталуымен өңірде су айдындарындағы қауіпсіздік шаралары күшейтілді. Әсіресе, шомылу маусымында азаматтардың қауіпсіздігін қамтамасыз ету және балалардың жазғы демалыс кезіндегі қауіпсіздігін сақтау басты назардаБұл туралы брифинг барысында облыстық ТЖД бастығының орынбасары Бекболат Әбдіқадыров атқарылып жатқан жұмыстар туралы мәлімдеді.<figure class="image"><img src="https://knadmin.beoblood.kz/uploads/683713807_2592120084516821_7064367884221977256_n_3a771a69aa.jpg" alt="облыстық ТЖД бастығының орынбасары Бекболат Әбдіқадыров"></figure><blockquote>– Суға шомылуға тыйым салынған қауіпті 63 аймаққа 398 ескерту тақтайшасы орнатылып, 20 мобильді бақылау бекеті қойылған. Сонымен қатар, қауіпті орындарға орнатуға ыңғайлы, өзіндік құны төмен тыйым салу белгілерінің жаңа түрлері қолданылуда. Тұрғындар мен қала қонақтарының қауіпсіздігін қамтамасыз ету мақсатында полиция қызметкерлері, жергілікті атқарушы органдар және еріктілермен бірлесіп тәулік бойы рейдтік жұмыстар жүргізілуде. Одан бөлек, жыл басынан бері облыс аумағындағы су айдындарында 448 рейд ұйымдастырылып, 13 954 тұрғынға судағы қауіпсіздік ережелері түсіндірілді. Оның ішінде 6 мыңнан астамы - жасөспірімдер. Бұл жұмыстарға 168 ерікті жұмылдырылған. Балалардың жазғы демалыс кезінде қауіпсіздігін қамтамасыз ету мақсатында түсіндіру жұмыстары тұрақты түрде жүргізілуде. Су айдындарында қауіпсіздік талаптарын сақтау - әр азаматтың жауапкершілігі, - деді Бекболат Қайырбекұлы.</blockquote>Сонымен қатар, спикердің айтуынша, облыс әкімінің қаулысына сәйкес өңірде 9 жағажай белгіленген. Алайда биыл оның тек 7-еуі ғана жұмыс істейді. Қызылорда қаласындағы «Сыр самалы» және Жаңақорған ауданындағы «Борықты» жеке жағажайлары бұл маусымда ашылмайды.Фото: Нұрболат Нұржаубай

Қазақстан және Қызылорда облысының жаңалықтары