<a href="https://kyzylorda-news.kz/">Kyzylorda-news.kz</a> Абай Құнанбайұлының 180 жылдық мерейтойына орай ҚАЖ департаментіне қарасты №68 мекемесінде мазмұнды іс-шара өтті.&nbsp;Алдымен шаруашылық бөліміне қалдырылған сотталған азаматтарға ұлы ақынның ұлағатты өмірі мен шығармашылығы туралы деректі фильм көрсетілді. Сонымен қатар, олар ақылға азық боларлық қара сөздерге көз жүгіртіп, өнегеге толы өлеңіне зер салды. Бұл ретте, тұжырымы терең ақынның әр туындысы санаға серпін бергені сөзсіз.&nbsp;Арнайы контингент арасында әлеуметтік психологиялық тәрбие жұмысы бойынша бөлімінің жасақ бастығы әділет сержанты Қанат Сақтағановтың айтуынша, атаулы күндерді ұмыт қалдырмай, маңызын айқындап отыру артық етпейді. Қысқасы, жақсы ойлауға жетелеп, болашақты бағамдауға мүмкіндік береді.&nbsp;Тағылымды іс-шараның тынысын кеңейткен тағы бір сәт бар. Яғни, ұлттық ойындарға кезек беріліп, сотталған азаматтар өзара бақ сынасты. Тоғызқұмалақ тақтасында табандылық танытып, шахматта шеберлігін көрсетуге тырысты. Ойын нәтижесі бойынша жеңімпаздар марапатталып, арнайы Алғыс хаттар да табысталды.&nbsp;<blockquote>– Ойшыл Абайдың адамгершілікке бағыттап, адал еңбекке баулитын өлеңі, қара сөздері мені жігерлендірді. Қателіктен сабақ алып, түзелуіме ой түрткі болды. Іс-шарадан түйгенім мол. Оның үстіне, шахмат ойнап, көңіліміз де бөлінді, - дейді сотталушының бірі.&nbsp;</blockquote>Алдағы уақытта да игілік пен ізгілікке бағытталған іс-шара легі жалғасын таба бермек.

Рухани игілікке иек артқан іс-шара

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев апта басында қаладағы бірқатар әлеуметтік нысандарды аралап, құрылыс жұмыстарымен танысты.Алдымен қаладағы темір жол вокзалы ғимаратына жүргізіліп жатқан құрылыс жұмыстарын көрді. Жолаушылар арылмайтын темір жол бекетінің ғимараты әркез талапқа сай болуы керек екенін алға тартып, құрылыс жұмыстарын жүргізу барысында салғырттыққа бой алдырып, оқыс жағдайға ұрынып қалмау керектігін қатаң ескертті.Мұнан соң толық жаңғыртудан өтіп жатқан №14 мектеп-лицейдің бастауыш сыныптар ғимаратына аялдап, құрылыс жұмыстарымен танысты. Қазіргі таңда ғимаратты әрлеу-сырлау және тазалау сынды ішкі жұмыстары жүріп жатыр. Бұл жұмыстар жаңа оқу жылына дейін толық аяқталып, оқушыларға жайлы әрі заманауи білім ордасы дайын болмақ. Аудан әкімі ғимарат ішін аралап көріп, құрылыс жұмыстарын жүргізіп жатқан жауапты азаматтармен жүздесті. Ғимаратта әлі де кемшіліктер бар екенін айтып, жақын күндері жұмыстарды толық аяқтауды тапсырды.Мұнан соң «Qazaqstan halqyna» қоры ауданаралық оңалту орталығының құрылыс жұмыстарымен танысты. Аталған орталық 2-17 жас аралығындағы балалар мен жасөспірімдерді науқастарынан ерте оңалту мақсатында ашылмақ.&nbsp;Оңалту орталығында Қазалы ауданының және Ақтөбе облысының Шалқар ауданының мүгедек балдарына медициналық көмек көрсетуі мүмкіндігі қарастырылған. Бүгінгі таңда орталықта ішкі жабдықтау жұмыстары жүріп жатыр. Аудан әкімі ғимарат ішін аралап көріп, науқас балаларды сауықтыруда түрлі ем-шаралар қабылдауға бейімделген бөлмелерді көріп, жауаптыларға қажетті құрылғыларды орнату жұмыстарына ұдайы бақылау жұмыстарын жүргізу керектігін тапсырды.Аудан әкімі қаладағы Бақтыбай батыр көшесі бойында орналасқан екіқабатты көппәтерлі тұрғын үйді қалпына келтіру жұмыстарымен танысты. Жауапты тұлғаларға қолайсыз ауа райының салдарынан шатыры бүлінген тұрғын үйді тез арада қалпына келтіруді тапсырып, жұмысты сапалы жүргізу керектігін жеткізді.Сосын осы көшенің бойында жүгзіліп жатқан автомобиль жолын қайта жаңғырту жұмыстарына куә болды. Ағымдағы жылы жоба қосымша қаржыландырылып ұлттық қордан 976 146,0 мың теңге қаралды. Қазіргі таңда, аталған автомобиль жолының Байқоңыр көшесінен І.Жүсіпов көшесіне дейінгі аралығындағы көне асфальт жабындысы қырылып, астыңғы қабаты тегістелуде. Аудан әкімі мердігер мекеменің басшысымен кездесіп, жұмысты жақын арада бітіруге күш салу керектігін жеткізді.Аудан әкімі Аманжол Сақыпұлы кезекті жұмыс сапары барысында Ә.Нұрпейісов атындағы шығармашылық үйіне аялдады. Ғимарттың қатты дауыл салдарынан бүлінген бөлігін көріп, тез арада қалпына келтіру жұмыстарын қолға алуды тапсырды. Сонымен қатар әдебиет үйін күтіп ұстауда жауапкершілік жоғар болуы керектігін атап өтіп, мекеме басшысына кез келген жағдайды бақылауда ұстауды жеткізді.&nbsp;<img src="https://knadmin.beoblood.kz/uploads/Aral_audany_leumettik_nysan_0b8536313d.jpg" alt="Арал ауданы әлеуметтік нысан.jpg">

Әлеуметтік нысандардың құрылыс жұмыстары жүйелі жүруде

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Чунгвон Чоудың сапары Қазақстанның спорт қауымдастығы үшін маңызды оқиға саналатынын атап өтті. Сондай-ақ бұл Бүкіләлемдік таеквондо федерациясының елімізде аталған спорт түрінің дамуына жан-жақты қолдау көрсетуге дайын екенін білдіреді.Мемлекет басшысы таеквондо олимпиадалық спорт түрі ғана емес, үйлесім, тәртіп және өзара құрмет қағидаттарына негізделген, дүние жүзіндегі миллиондаған адамды біріктіретін философия деп санайды.Қасым-Жомарт Тоқаевтың айтуынша, елордада G1 санатындағы Kazakhstan Open 2025 халықаралық рейтинг турнирін өткізу отандық спортшылардың кәсіби тұрғыдан шыңдалуына, тәжірибе алмасуына әрі Ұлттық федерацияның бәсекеге қабілеттілігін көтеруге кеңінен жол ашады. Мемлекет басшысы бірлескен күш-жігердің нәтижесінде Қазақстанда таеквондоның танымалдылығы артып, халықтар арасындағы байланыс нығая түсетініне сенім білдірді.Чунгвон Чоу қонақжайлық танытып, Қазақстанда таеквондоның дамуына әрдайым қолдау көрсетіп келе жатқаны үшін Президент Қасым-Жомарт Тоқаевқа алғыс айтты. Бүкіләлемдік федерация басшысы ертеңгі турнирдің ұйымдастырылуына және еліміздегі осы спорт түріне қызығушылық деңгейіне жоғары баға берді. Сонымен қатар қазақ спортшыларының халықаралық аренадағы табысына тоқталды.Кездесу соңында Қазақстан Президенті әлемде таеквондоның дамуына елеулі үлес қосқаны үшін Чунгвон Чоуды ІІ дәрежелі «Достық» орденімен марапаттады.Бүкіләлемдік таеквондо федерациясының президенті Мемлекет басшысына ерекше құрметтің белгісі ретінде тоғызыншы дан қара белбеуін табыс етті.<img src="https://knadmin.beoblood.kz/uploads/Taekvando_federacziyasyny_prezide_c1633b2e2d.webp" alt="Таеквандо федерациясының президе.webp">

Мемлекет басшысы Бүкіләлемдік таеквондо федерациясының (WT) президенті Чунгвон Чоуды қабылдады

Құрметті жастар, форумға қатысушылар!Қадірлі қауым!Халықаралық жастар күні баршаңызға құтты болсын! Бұл – мән-мағынасы ерекше мереке. Бүгін осында нағыз отаншыл, дарынды және жанашыр жастар жиналды. Түрлі кәсіпті меңгерген азаматтар бас қосып отыр. Халқымыз қашанда талапты жастарды қолдаған. «Ақыл – жастан» деп, оларға зор сенім артқан. Сіздер барлық салада белсенді түрде еңбек етіп жатсыздар. Волонтер ретінде мұқтаж жандарға көмек беріп жүрсіздер. Маңызды бастамаларға, экологиялық іс-шараларға атсалысып, қолдау көрсетіп келесіздер. Спорт, білім сайыстарында топ жарып, елдің абыройын көтеріп жүрсіздер. Осылайша, Әділетті, Таза әрі Қуатты Қазақстанды құруға нақты үлес қосып жатсыздар. Мен баршаңызға шынайы ризашылығымды білдіремін!Жастар форумы Павлодар қаласында өтіп жатыр. Бұл аймақ – ұлт руханиятын байытуға өлшеусіз еңбек сіңірген көрнекті тұлғалардың мекені. Сондай-ақ Павлодар – еліміздегі өнеркәсіп орталығының бірі. Облыстың экономикамызды өркендетуге қосқан үлесі зор. Аймақ тұрғындары өндіріс, шаруашылық және басқа да салада адал еңбек етуде. Елімізді көркейтуге атсалысуда. Жастарымыз олардан үлгі-өнеге алып, облысты одан әрі дамытып, жаңа мақсаттарға жету үшін қызмет етуі керек. Еңбекқорлық пен білімпаздық, жанашырлық пен жауапкершілік – ең асыл қасиеттер.Биыл – Қазақстанда Жұмысшы мамандықтары жылы. Осыған орай, біз ауқымды шараларды қолға алдық. Елімізде еңбек адамына әрдайым ерекше құрмет көрсетілуі керек. Мұны өскелең ұрпақтың санасына сіңіру маңызды, себебі, еңбек – әрбір адамның өмірінің тұғыры, қозғаушы күші. Еңбексіз ешқандай даму, өркендеу болмайды. Бұл бастаманың мән-маңызы да – осында.Жастар қашанда және қай кезде де өзгерістің басы-қасында жүреді. Сіздер дүние әп-сәтте мың құбылатын заманда өмір сүріп жатсыздар. Жастардың өздерін танытуына мүмкіндік мол. Озық ойлы жастардың қоғам өміріне белсене араласуы, білімпаздығы, еңбек етуге және өзін-өзі дамытуға құштарлығы қуантады. Өйткені еліміздің бүгіні де, ертеңі де – Сіздер. Отанымыздың тағдыры белгілі бір дәрежеде жас буынның күш-қуатына, ой-пікіріне, білім-білігіне, табандылығы мен патриоттық қасиеттеріне байланысты.Мемлекет өскелең ұрпаққа тиісті жағдай жасайды. Қазақстанда білім алу және еңбекпен қамту мүмкіндіктерін кеңейтуге, таланттарды шыңдауға, жеңілдікпен баспана сатып алуға, сондай-ақ жастар кәсіпкерлігін қолдауға бағытталған көптеген бағдарлама әзірленіп, іске қосылуда.Бұл игіліктерді 600 мыңнан аса жас көріп отыр. Сондай-ақ олар арнаулы квота арқылы Мәжіліс пен мәслихат қызметіне белсенді атсалысуға мүмкіндік алды. Президенттік жастар кадр резерві мүшелері де іскерлік қырымен танылып, жоғары лауазымдарға тағайындалып жатыр. Ауыл мен аудан әкімдерін тікелей сайлау тәсілі көптеген жастың жергілікті атқарушы билік жүйесіне қызметке келуіне жол ашты.Дүние жүзінде жастарға арналған осындай мазмұнды бағдарламалар көп емес. Мемлекетіміз стратегиялық маңызы бар бұл саясатты міндетті түрде жалғастырады.Елімізге жауапкершіліктен қашпайтын, аянбай еңбек ететін әрі өзін ұдайы жетілдіріп отыратын жаңашыл жастар қажет.Хакім Абай «Өзіңе сен, өзіңді алып шығар, еңбегің мен ақылың екі жақтап» деп бекер айтпаған. Ұлы ойшылдың бұл өсиеті бүгін де – өзекті. Қазақстан жастары – көзі ашық, көкірегі ояу, ойы ұшқыр, жасампаз азаматтар. Еліміздің жарқын болашағы – өскелең ұрпақтың қолында. Мен Сіздерге сенемін! Қастерлі Отанымыз өсіп-өркендей берсін! Жолдарыңыз ашық болсын! Жастарымыз әрқашан бақытты және табысты болсын!Фото: Ақорда

Мемлекет басшысы Халықаралық жастар күніне арналған Jastar Fest форумына қатысушыларға үндеу жолдады

<a href="https://kyzylorda-news.kz/">Kyzylorda-news.kz</a> Биыл ұлт руханиятының темірқазығы, Абай Құнанбайұлының туылғанына 180 жыл толып отыр. Ұлы ақынның туған күнінде Қызылорда облысында екі отбасының ата-аналары өз ұлдарына Абай есімін берген. Бұл туралы «Азаматтарға арналған үкімет» мемлекеттік корпорациясының облыстық филиалы хабарлады.Жаңа туған сәбилердің бірі – Асылхан мен Айгерім Тоқтамырзаевтардың ұлы. Ата-анасының айтуынша, есімді таңдауға ұлы жазушыға деген терең құрмет себеп болған.<blockquote>Ұлымыздың дәл осы 10 тамызда, яғни Абай күнінде дүниеге келгенін білгенде біз мұны ерекше белгі деп қабылдадық. Абай – даналықтың, адалдықтың және білімге ұмтылудың символы. Ұлымыз да осы құндылықтарды бойына сіңірген азамат болып өссін дейміз, – деді сәбидің әкесі Асылхан Тоқтамырзаев.</blockquote>«Азаматтарға арналған үкімет» мемлекеттік корпорациясының облыстық филиалы директорының орынбасары Жанар Ахетова Абай есімін иеленген екі ұлдың дәл Абай күнінде дүниеге келуін өте символдық оқиға деп бағалады.<blockquote>Бұл – ұлы ақынның есімі мен мұрасы әлі де халық жадында екенінің, оның идеялары қазақстандықтардың жүрегінен орын алып отырғанының қуанышты белгісі, – деді ол.</blockquote>

Қызылордада Абай күні қарсаңында екі ұл бала дүниеге келді

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев кезекті жұмыс сапарымен Сексеуіл кентіне барып, «Жайлы мектеп» ұлттық жобасы аясында салынып жатқан 300 орындық мектеп ғимаратының құрылыс жұмыстарымен танысты.Бүгінгі күнде құрылыс жұмыстары қарқынды жүргізілу үстінде. Құрылысқа жалпы 100 ге жуық адам жұмылдырылған. Қазіргі таңда ғимарттың ішкі әрлеу жұмыстары жүруде. Білім ордасының аумағын абаттандыру бойынша да жұмыстар басталып кеткен. Жаңа әрі жайлы үлгідегі білім ордасы ағымдағы жылдың жаңа оқу жылына дейін пайдалануға беріледі деп күтілуде.Білім ордасының құрылысын көрген аудан әкімі жұмыстың әлі де мардымсыз жүргізіліп жатқанын алға тартып, нысанның мерзімінде әрі сапалы түрде халық игілігіне берілуі үшін барлық мүмкіндіктік қарастырып, қажет болса екі ауысыммен жұмыс жүргізу керектігін ескертті.Мұнан соң кент орталығындағы ескі темір жол бекетіне аялдады. Тозығы жеткен көне ғимарат қазірдің өзінде қабырғалары қисайып, жарық түскен күйде тұр.Аудан әкімі жолаушылар арылмайтын темір жол бекетінің ғимараты әркез талапқа сай болуы керек екенін баса айтып, ғимарат ескі болғандықтан құрылыс жұмыстарын жүргізу барысында салғырттыққа бой алдырмау керектігін қатаң ескертті.

Сексеуіл кентінде мектеп ғимараты салынуда

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Жетісу облысы Жаркент қаласына жұмыс сапары кезінде «Жаркент крахмал-сірне зауыты» жауапкершілігі шектеулі серіктестігінің өндірістік үдерісімен танысты.Кәсіпорынның негізгі өндірістік алаңдарын аралап, жүгеріден крахмал мен сірне өндіру технологиясын көрді. Зауыт басшылығымен өндірістік қуаттылық, шикізатпен қамтамасыз ету, экспорттық бағыттар және экологиялық қауіпсіздік мәселелерін талқылады.«Жаркент крахмал-сірне зауыты» – еліміздегі жүгеріні терең өңдейтін ірі кәсіпорындардың бірі. Жылына 200 мың тоннаға дейін жүгері өңдеуге қауқарлы зауытта крахмал, сірне, глютен, мал азығына арналған өнімдер шығарылады. Өнімнің бір бөлігі ішкі нарықты қамтамасыз етсе, қалғаны Қытай, Орталық Азия және ТМД елдеріне экспортталады.Облыс әкімі өңірлік өңдеу өнеркәсібін дамытуда мұндай кәсіпорындардың тәжірибесі ерекше маңызды екенін атап өтіп, аймақтағы ауыл шаруашылығы саласын дамытуға бағытталған жоспарларды бөлісті.Басқосуда осы өндірістік жобаны Қызылордада іске асыру мүмкіндігі, инвестициялық әріптестік жайы талқыланды.

Инвестиция тарту жұмыстарының ауқымы кеңейді

<a href="https://kyzylorda-news.kz/">Kyzylorda-news.kz</a> Биылғы жылды ішкі істер министрлігі “Профилактика жылы” деп жарияланған болатын. Атаулы жыл аясында Қызылорда облысы полиция департаментінің де атқарып жатқан жұмыстары ауқымды. Осы орайда, терроризімнің басқа да құқық бұзушылықтың &nbsp;алдын алуда, қоғамдық орындарда, білім беру мекемелері мен денсаулық сақтау нысандарында, адамдар көп шоғырланатын ойын-сауық орындарында полиция департаменті тарапынан тұрғындардың қауіпсіздігін қамтамасыз ету бағытында бірқатар нақты шаралар жасалып келеді. Жүзеге асырылып жатқан жұмыстарды Қызылорда облысы ПД күзет қызметін бақылау бөлімінің бастығы Нағашыбай Жалғасбаев тізбектеп берді. &nbsp;<blockquote>- Терроризмнің алдын алу, объектілердің қауіпсіздігін қамтамасыз ету бағытында объектілердің терроризмге қарсы қорғалуын жетілдіру, нысан аумағын заманауи қорғаныс құралдарымен жарақтау, нысандарды жеке күзет ұйымдарының күзетшілерімен күзетке беру бағытында тиісті жұмыстар ұйымдастырылып келеді. Қазіргі таңда полиция қызметкерлерімен объектілердің қауіпсіздігін қамтамасыз ету бойынша бірқатар шаралар атқарылып, объектілердің басшылары мен меншік иелеріне түсіндіру жұмыстары тұрақты түрде жүргізіліп, тексеру барысында анықталған кемшіліктерді жою туралы нұсқамалар берілді. Сонымен бірге, жеке күзет ұйымдары мен білім беру ұйымдарының 165 мектеп, 103 балабақша, 27 колледж, 1 жоғары оқу орынының 8 объектісі және 37 &nbsp;денсаулық сақтау саласының білім алушылар мен білім беру объектілері, ауруханалар мен емханалар күзетке алынып, “дабыл тетіктерімен” толық жабдықталды,- деді Нағашыбай Нұртайұлы.</blockquote>

Аймақта терроризмнің алдын алу және қорғаныс шаралары күшейтілді

<a href="https://kyzylorda-news.kz/">Kyzylorda-news.kz</a> 2025-2026 оқу жылына облыс әкімінің гранты аясында облыстық бюджеттен қажетті қаржы бөлінді. Грант тағайындалған 100 талапкердің оқу ақысы төленіп, 72 АЕК көлемінде жүріп-тұруына, тамақ шығындарына әлеуметтік көмек көрсетіледі. Биылғы ерекшелік – облыс әкімі грантының 70 пайызы жұмысшы мамандықтарға бөлініп отыр. Бұл туралы Өңірлік коммуникациялар қызметінің ақпарат алаңында облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев мәлімдеді.<blockquote>– Халықты жұмыспен қамту және әлеуметтік қорғауға мұқтаж жандардың өмір сүру сапасын арттыру бағытында ауқымды жұмыстар жүргізілуде. Өңірлік жұмыспен қамту жол картасы аясында биыл 46 560 жұмыс орнын құру жоспарланып, 7 айда 20 744 жұмыс орны ашылды. 5 942 адам бос жұмыс орындарына орналастырылып, 10 403 адам субсидияланатын жұмыс орындарына жолданды. Одан бөлек, Мемлекет басшысының «10 мың адамға 100 жұмыс орнын» құру тапсырмасына сәйкес 1988 жұмыс орны ашылды. Биыл инватакси қызметін іске асыратын 67 автокөлікке 268,9 млн теңге бөлініп, бүгінгі күнге дейін 1500-ден астам адам осы қызметті пайдаланды. Жыл басынан бері 3 708 отбасыға атаулы әлеуметтік көмек көрсетіліп, отбасыларындағы бір жастан алты жасты қоса алғанға дейінгі 5 920 балаға қосымша төлем төленді. Сонымен қатар, бюджеттен тыс көздерден көмекке мұқтаж халықтың әлжуаз топтарынан шыққан 5 242 адамға қайырымдылық көмек көрсетілді. Айта кету керек, облыс бойынша барлық санаттағы мүгедектігі бар адамдарға әрқайсысына 3 айлық есептік көрсеткіш мөлшерінде бір реттік әлеуметтік көмек беруге облыстық бюджеттен қаржы бөлініп, төленетін болады,- деді Ғабит Жұмабекұлы.</blockquote>

Облыста әлеуметтік қолдау артып келеді

<a href="https://kyzylorda-news.kz/">Kyzylorda-news.kz</a> Ақсуат ауылдық округінің әкімі Нұрболат Бақытов бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.<blockquote>- Өткен жылы ауылдық округтің инфрақұрылымын дамыту мақсатында ұзындығы 22,5 шақырым болатын &nbsp;32 көшеге электр желісін тарту және 4 көшеде жол жөндеу жұмыстары басталған болатын. Биыл бұл жұмыстарды жалғастыруға тиісті қаржы бөлінді. Сондай-ақ, 18 көшеге жол құрылысын жүргізу және 4 көшені қайта жаңғырту &nbsp;жалғасуда. Ал, 1,22 шақырым болатын А.Арысбаев, Орманбаев, О.Жакенов көшелеріне түнгі жарық бағаналары орнатылды. 7 көшеге түнгі жарық бағаналарын орнату үшін тұрғын үй – коммуналдық шаруашылығы, жолаушылар көлігі және автомобиль жолдары бөлімі &nbsp;арқылы мемлекеттік сатып алу конкурсы жарияланды. Мұнан бөлек, ұлттық спортты дамыту мақсатында жер телімі белгіленді, &nbsp;- деді ауылдық округ әкімі Нұрболат Бақытұлы.&nbsp;</blockquote>Мемлекеттің шағын және орта кәсіпкерлікті қолдауының нәтижесінде ауылдық округ бойынша 602 кәсіпкерлік субъекті жұмыс істеуде. Кәсіпкерлікті дамытудың түрлі мемлекеттік бағдарламалары аясында ұсынылған 11 жоба мақұлданып, 281 млн. теңгеге қаржыландырылды. Оның ішінде 8 жоба «Ауыл аманаты» жобасы аясында 46 млн. теңгеге қаржыландырылды. Мұнан бөлек, 18 кәсіпкердің 28,3 млн. теңгені құрайтын 18 жобасы &nbsp;мемлекеттік қайтарымсыз грантқа ие болды.&nbsp;Қаржылай қолдауға ие болған жобалар қатарында ағаш шеберханасы, ара шаруашылығы, темір бұйымдар өндірісі мен массаж орталығы, жылыжай кешені, кондитерлік, шағын тігін цехы, құрылысқа қажетті пескоблок, бордюр, брусчатка өнімдерін шығару және автокөліктерді жөндеу сынды цехтар бар.

Ақсуатта ауқымды жұмыс атқарылуда

<a href="https://kyzylorda-news.kz/">Kyzylorda-news.kz</a> Міндетті әлеуметтік медициналық сақтандыру жүйесіне қатысты сұрақтарға жауап беруді жалғастырамыз. Жиі қойылатын сауалдарға Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова жауап берді.Мен МӘМС жарналарын мемлекет төлейтін азаматтардың жеңілдетілген санатындамын, бірақ жүйеде мәртебе берілмеген. Неліктен?Жеңілдік мәртебесі азаматтарды тиісті реестрлер мен базаларға енгізу негізінде беріледі. Мұның бәрі төлеушінің санатына байланысты. Мысалы, күндізгі бөлімде оқитын студенттерді Ұлттық білім беру базасына, ал жүкті әйелдер жүкті және фертильді жастағы әйелдер тізіліміне қосылуы керек. Егер пациенттің деректері тиісті базаларда болмаса және Қор мемлекеттік органдардың ақпараттық жүйелерінен мәлімет алмаса, онда олар жеңілдік санатына кіре алмайды. Мұндай жағдайда студенттер өздерінің оқу орнының деканатына жүгінуі тиіс, ал әйелдер жүктілік бойынша есепке тұруы керек.Қызым студент (Ресей Федерациясында күндізгі оқу түрі бойынша оқиды), бірақ тұрғылықты жері бойынша емханада тегін медициналық көмек ала алмайды. Неліктен?Егер сіздің балаңыз Қазақстан Республикасынан тыс жерде оқитын болса, онда ол шетелде оқитын студент ретінде тіркелуі керек. Шетелдік жоғары оқу орындарында оқитын студенттерге МӘМС жүйесінде сақтандыру мәртебесін алу үшін egov.kz порталында «Шетелде оқитын студенттерді тіркеу» тіркелу қажет.Өтінішті толтыру, оқуды растайтын құжаттарды қоса беру және ЭЦҚ-ға қол қою керек. Әр семестрден кейін сақтандырудың мәртебесін тексеріп, қажет болған жағдайда оны жаңарту қажет.Мен ай сайын МӘМС жарналарын төлеймін, остеопатия бойынша кеңес ала аламын ба?Остеопаттың кенесі ТМККК шеңберінде және МӘМС жүйесінде көрсетілетін медициналық қызметтер тізбесіне енгізілмеген. Алайда, «Кеуде қуысының деформациясы» диагнозын емдеу МӘМС пакетінде қарастырылған.Сіздің диагнозыңыз бойынша МӘМС жүйесі аясында физиотерапия, массаж, ортопедиялық травматологтың кеңесі және басқа да манипуляциялар сияқты бірқатар медициналық қызметтерді ала аласыз.Фото: freepik.com

Неліктен жеңілдікті санаттағы азаматқа «сақтандырылған» мәртебесі берілмеген?

<a href="https://kyzylorda-news.kz/">Kyzylorda-news.kz</a> &nbsp;Қыркүйекте жоспарланған iPhone 17 желісінің таныстырылымынан кейін Apple компаниясы iOS 26, iPadOS 26 және macOS Tahoe 26 жүйелерінің соңғы нұсқаларын шығаруды жоспарлап отыр, деп хабарлайды <a href="https://kaz.inform.kz/news/iphone-17-openai-din-miimen-shigui-mumkn-apple-gpt-5-arkili-tehnologiyalik-serpls-zhasamak-c61fc0/">Қазақпарат</a> <a href="https://azertag.az/ru/xeber/iphone_17_vyidet_s_mozgom_ot_openai_apple_gotovit_tehnologicheskii_proryv_s_gpt_5-3696067">Азертаджға </a>сілтеме жасап.Бұл жаңартумен бірге Apple құрылғыларына OpenAI компаниясының ең жаңа GPT-5 нейрожүйесі Apple Intelligence қызметіне біріктіріліп енгізілуі мүмкін.Инсайдерлердің хабарлауынша, Apple GPT-5-ті ресурсты көп қажет ететін және жергілікті модельдер орындай алмайтын күрделі тапсырмаларды шешу үшін пайдаланбақ. Осылайша, компания GPT-4o моделінен бас тартып, Siri мен басқа да сервистердің мүмкіндіктерін айтарлықтай жақсартуды көздейді.АЗЕРТАДЖ шетелдік БАҚ-қа сілтеме жасай отырып хабарлағандай, қазіргі кезде Apple Intelligence шектеулі түрде GPT-4o моделін пайдаланып келеді. Бұл функцияны қосқан пайдаланушылар құжаттардың қысқаша мазмұнын жасау, мәтін жазу, Siri арқылы сұрақтарға жауап алу және камера көмегімен нысандарды тану сияқты әрекеттерді орындай алады.GPT-5 интеграциясы құпиялылықтың жоғары стандарттарын сақтай отырып жүзеге асырылады деп күтілуде. ChatGPT арқылы сұраныс жіберетін пайдаланушылардың IP-мекенжайлары жасырын болады, ал&nbsp;OpenAI бұл деректерді сақтамайды. Алайда OpenAI тіркелгісін Apple Intelligence жүйесімен байланыстыратын пайдаланушылар кеңейтілген мүмкіндіктерге қол жеткізеді, дегенмен бұл жағдайда OpenAI-дың деректерді өңдеу ережелері қолданылатын болады.OpenAI тек GPT-5 флагмандық моделін ғана емес, сонымен қатар ашық бастапқы кодтағы екі үлкен тілдік модельді де&nbsp;таныстырды. Олардың бірі Apple Silicon негізіндегі Mac құрылғыларына оңтайландырылған. Apple бұл модельдердің қолдауын ресми түрде растаған жоқ, бірақ бұл болашақта құрылғыларда жасанды интеллект автономды жұмыс істей алатынының белгісі болуы мүмкін.Қыркүйектегі жаңартудан кейін пайдаланушылар GPT-5 қана емес, сонымен бірге Apple Intelligence жүйесінің жаңа функцияларын да&nbsp;пайдалана алады. Мысалы, Live Translation FaceTime, Хабарламалар және қоңырау кезінде сөйлеуді нақты уақытта аудара алады. Visual Intelligence экрандағы контентті танып, әртүрлі қосымшаларда онымен әрекеттесуге мүмкіндік береді.GPT-5 моделін пайдалану үшін пайдаланушылар iPhone құрылғысына ChatGPT-ке қолжетімділікті қолмен берулері қажет болады.Еске сала кетейік, бұған дейін Apple компаниясы iPhone өндірісін Қытайдан Үндістанға шұғыл көшіріп жатқанын жазған едік. АҚШ президенті Дональд Трамптың ақпанда жариялаған «теңестірілген кеден салығы» бастамасынан кейін, Үндістаннан АҚШ-қа iPhone жеткізілімі айтарлықтай жылдамдаған.Фото: Азертадж

Қазақстан және Қызылорда облысының жаңалықтары