<a href="https://kyzylorda-news.kz/">Kyzylorda-news.kz</a>&nbsp; Қызылорда облысы прокуратурасының ұйымдастыруымен балалардың құқықтық сауаттылығын арттыруға бағытталған көрнекі профилактикалық іс-шара ұйымдастырылды.Оның барысында 500-ден астам жасөспірімге жолды қауіпсіз өту тәртібі және қоғамдық көліктен түсу жолдары түсіндірілді.Сонымен қатар жасөспірімдердің құқықтық санасын қалыптастыру мәселелеріне арналған бейнероликтер көрсетілді және өрт қауіпсіздігі, жаз мезгілінде су айдындарында шомылу қағидаларын сақтау, құқыққа қайшы мінез-құлыққа жол бермеу тақырыптарындағы ақпараттық жадынамалар таратылды.Шараның негізгі мақсаты – балалардың құқықтық мәдениетін арттыру, жол қозғалысы ережелерін түсіндіру және кәмелетке толмағандардың қатысуымен жол-көлік оқиғаларының алдын алу болып табылады.Аталған іс-шара облыс прокуратурасының «Adal Bala» және «Саналы ұрпақ» жобалары аясында жүзеге асырылып жатқан жүйелі профилактикалық жұмысының бір көрінісі болды.<figure class="image"><img src="https://knadmin.beoblood.kz/uploads/balalar_auipsizdigi_2_29baf5b77a.jpeg" alt="балалар қауіпсіздігі 2 .jpeg"></figure>

Балалардың қауіпсіздігі басты назарда 

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында заманауи криминалистикалық ғылыми-техникалық құралдардың көрмесі өтті.Қазақстан Республикасы Ішкі істер министрлігінің тапсырмасы негізінде, Мемлекет басшысы Қасым-Жомарт Кемелұлы Тоқаевтың «Заң мен тәртіп» қағидатын іске асыру аясында Қызылорда облысы полиция департаментінің ұйымдастыруымен заманауи криминалистикалық ғылыми-техникалық құралдардың көрмесі өткізілді. Іс-шара Қызылорда облысы әкімінің орынбасары Шермағанбет Мейрамбек Зинабдинұлының төрағалығымен өтті.&nbsp;Көрмеге Қызылорда облысының Ішкі істер органдары мен Ұлттық ұлан Ардагерлер кеңесінің төрағасы, Қазақстан Республикасы Ішкі істер органдарының құрметті қызметкері, облыстық мәслихат депутаты Шаймағамбетов Әмірбек Бердібекұлы, Қызылорда облысы полиция департаменті бастығының орынбасары Әлтай Нұрсұлтан, жедел-криминалистикалық басқармасының бастығы Жүсіпов Әділби, сондай-ақ облыстық мәслихат депутаттары, экономика және қаржы, цифрлық технологиялар басқармаларының басшылары, полиция департаментінің басшылық құрамы мен жедел-криминалистикалық бөлініс қызметкерлері қатысты.&nbsp;Көрмеде республикадағы және шетелдегі жетекші өндіруші компаниялардың өкілдері өздерінің озық технологиялық әзірлемелерін ұсынып, криминалистикалық жарық көздерін, атыс қаруы мен көлік құралдарындағы өшірілген сәйкестендіру нөмірлерін қалпына келтіруге арналған арнайы кешендерді, мобильді құрылғылардан цифрлық дәлелдемелерді алуға және талдауға арналған жабдықтарды, сондай-ақ заманауи жылжымалы криминалистикалық зертханаларды таныстырды.&nbsp;Іс-шара барысында ұсынылған инновациялық ғылыми-техникалық шешімдердің оқиға орнын қарау сапасын арттыруға, заттай және цифрлық дәлелдемелерді тиімді анықтауға, бекітуге және зерттеуге мүмкіндік беретіні ерекше атап өтілді. Бұл өз кезегінде қылмыстарды жедел әрі сапалы ашуға бағытталған жедел-криминалистикалық бөліністердің техникалық әлеуетін нығайтып, қоғамдық қауіпсіздікті қамтамасыз ету тиімділігін арттыруға ықпал етеді.&nbsp;Іс-шара қорытындысында жедел-криминалистикалық бөліністерді заманауи цифрлық ғылыми-техникалық құралдармен қамтамасыз ету, материалдық-техникалық базасын нығайту және қажетті жабдықтарды сатып алу мәселелері талқыланды. Сонымен қатар криминалистикалық қызметтің мүмкіндіктерін кеңейту арқылы құқық қорғау органдарының қылмыспен күрес тиімділігін арттырудың маңыздылығы айтылды.&nbsp;Қызылорда облысы полиция департаменті алдағы уақытта да құқық қорғау қызметіне заманауи технологияларды енгізу арқылы Мемлекет басшысының «Заң мен тәртіп» қағидатын іске асыру бағытындағы жұмыстарды жүйелі түрде жалғастыра береді.Фото: Polisia.kz

Қызылорда облысында заманауи криминалистикалық құралдардың көрмесі өтті  

<a href="https://kyzylorda-news.kz/">Kyzylorda-news.kz</a>&nbsp;​Қызылорда қаласындағы Президент саябағында Қазақстан Республикасы Ұлттық ұланы 5547 әскери бөлімінің 200 жас сарбазының әскери ант қабылдау салтанатты рәсімі өтті.​Салтанатты іс-шараға Қызылорда облысы әкімінің орынбасары Б. Жаханов, облыс прокуроры Р.Ожаров, әскери проркурор Р.Снопов және сала ардагері С.Ршауов, әскери бөлімнің басшылығы, құқық қорғау органдарының өкілдері, жас сарбаздардың ата-аналары қатысты.​Іс-шара барысында Қазақстан Республикасының Мемлекеттік Әнұраны орындалып, сарбаздар салтанатты сапқа тұрғызылып, Қазақстан халқына адал қызмет етуге ант берді.<figure class="image"><img src="https://knadmin.beoblood.kz/uploads/ant_ba3c61ac4d.jpg" alt="ант.jpg"></figure>Облыс әкімінің орынбасары әскери қызметте үздік нәтиже көрсеткен 10 жас сарбазға облыс әкімінің Алғыс хаттарын табыстады.​Шара барысында қонақтарға әскери бөлімнің қару-жарағы мен арнайы техникалардың көрмесі таныстырылды.<figure class="image"><img src="https://knadmin.beoblood.kz/uploads/ant_928838117d.jpg" alt="ант.jpg"></figure>

Қызылордада Ұлттық ұланның 200 жас сарбазы әскери ант қабылдады

<a href="https://kyzylorda-news.kz/">Kyzylorda-news.kz</a>&nbsp;«Қазгидромет» 2026 жылдың 27 шілдесіне жасалған арналған ауа райы болжамын жариялады.Синоптиктердің болжамына сәйкес, дүйсенбі күні еліміздің батысында, солтүстік-шығысында, шығысында, орталығында және оңтүстік-шығыс өңірлерінің таулы аймақтарында найзағай ойнап, жаңбыр жауады. Кей жерлерде бұршақ жауып, қатты жел соғуы мүмкін. Шығыс өңірлерде нөсер жаңбыр жауады деп болжанып отыр.Ал оңтүстік-батыс, оңтүстік, солтүстік-батыс және солтүстік аймақтарда ауа райы жауын-шашынсыз болады.Қазақстанның басым бөлігінде жел күшейеді. Батыс, оңтүстік-батыс, солтүстік және оңтүстік өңірлерде шаңды дауыл соғуы ықтимал. Солтүстік және шығыс аймақтарда түнгі және таңертеңгі уақытта тұман түсуі мүмкін.Фото: жасанды интеллект көмегімен жасалған

«Қазгидромет»: Қызылорда облысында 42 градусқа дейін ыстық болады

<a href="https://kyzylorda-news.kz/">Kyzylorda-news.kz</a>&nbsp;«Заң мен Тәртіп» тұжырымдамасын іске асыру аясында бала қауіпсіздігін қамтамасыз ету, кәмелетке толмағандар арасындағы құқық бұзушылықтың алдын алу және олардың түнгі уақытта заңды өкілінсіз жүру деректерін анықтау мақсатында Қызылорда қаласында профилактикалық рейд ұйымдастырылды.Іс-шараға Қызылорда облысы Полиция департаменті мен прокуратура қызметкерлері, Балалардың құқықтарын қорғау басқармасының мамандары, сондай-ақ қоғам белсенділері мен блогерлер қатысып, қоғамдық орындарда жасөспірімдермен және олардың заңды өкілдеріне түсіндірме жұмыстарын жүргізді.Рейд барысында түнгі сағат 23:00-ден кейін заңды өкілінсіз қоғамдық орындарда жүрген 54 жасөспірім анықталды. Заң талаптарына сәйкес тиісті әкімшілік шаралар қабылданып, қараусыз қалған 3 жасөспірім Кәмелетке толмағандарды бейімдеу орталығына орналастырылды.Қызылорда облысы Полиция департаменті ата-аналар мен заңды өкілдерді балалардың қауіпсіздігіне ерекше назар аударып, олардың түнгі уақытта қараусыз жүруіне жол бермеуге шақырады.Бала қауіпсіздігі – әр отбасының жауапкершілігі, ал Заң мен Тәртіп – қауіпсіз қоғамның кепілі.

Қызылордада түнгі профилактикалық рейд өтті

<a href="https://kyzylorda-news.kz/">Kyzylorda-news.kz</a>&nbsp;Бүгін тамызда өтетін ұлттық біріңғай тестілеуге өтініш қабылдау басталды, деп хабарлайды <a href="https://sputnik.kz/20260725/tamyzdagy-ubt-ga-otinim-qabyldau-bastaldy-65189044.html">Sputnik</a> Қазақстан.Өтінімдерді қабылдау 5 тамызға дейін жалғасады. Ал тестілеудің өзі 10-15 тамыз аралығында өтеді.ҰБТ-ға тіркелу Ұлттық тестілеу орталығының app.testcenter.kz сайтында жүргізіледі. Тестілеуге қатысу құны - 5 640 теңге.Тамыз айындағы ҰБТ-ға қатысатындар:<ul><li style="text-align:justify;">биылғы және өткен жылғы мектеп және колледж түлектері;</li><li style="text-align:justify;">қандастар (Қазақстан азаматы болып табылмайтын ұлты қазақ азаматтар);</li><li style="text-align:justify;">шетелде білім алған орта білім беру ұйымдарының бітірушілері;</li><li style="text-align:justify;">шығармашылық мамандықтардан басқа мамандықтарға ауысқысы келетін студенттер;</li><li style="text-align:justify;">жоғары оқу орындарына шартты түрде қабылданған студенттер қатыса алады.</li></ul>ҰБТ-ға қатысқан талапкерлер бейіндік пәндер комбинациясын тамыз тестілеуінде өзгерте алады. Ал колледж түлектері оқуға әңгімелесу қорытындысы бойынша қабылданады.Айта кетері, тамыздағы ҰБТ шекті балл жинай алмаған талапкерлерге тағы бір мүмкіндік беріп отыр. Тестілеуден қайта өтіп, жоғарғы оқу орнына ақылы негізде түсуге болады.

Тамыздағы ҰБТ-ға өтінім қабылдау басталды

<a href="https://kyzylorda-news.kz/">Kyzylorda-news.kz</a>&nbsp;Белгілі қаржыгер-экономист, «Ерен еңбегі үшін» медалінің иегері Мүбәраков Қамбарбек Амангелдіұлын еске алуға арналған мемлекеттік қызметшілер арасында футзалдан облыстық турнирдің салтанатты ашылу рәсімі өтті.&nbsp;Оған облыс әкімі Мұрат Ергешбаев, облыстық мәслихат төрағасы Мұрат Тлеумбетов, облыстық қоғамдық кеңестің төрағасы, Қорқыт ата атындағы Қызылорда университетінің басқарма төрағасы-ректоры Наурызбай Байқадамов, мемлекет және қоғам қайраткері Руслан Рүстемов, зиялы қауым өкілдері және отбасы мен ағайын-туыстары қатысты.&nbsp;Рәсімде аймақ басшысы Қамбарбек Амангелдіұлының &nbsp;қажырлы еңбегі мен адал қызметін еске алып, қатысушыларға сәттілік тіледі.&nbsp;<blockquote>«Баршаңызды бүгінгі турнирдің ашылуымен құттықтаймын! Жарыстың ашылу салтанатына орай Қазақстан Республикасы Премьер-министрінің бірінші орынбасары Нәлібаев Нұрлыбек Машбекұлы арнайы құттықтауын жолдады.&nbsp;Қамбарбек Амангелдіұлы саналы ғұмырын Сыр өңірінің өсіп-өркендеуіне арнап, мемлекеттік қызметте адал еңбектің жарқын үлгісін танытты.&nbsp; Қызмет жолында Шиелі ауданының әкімі, облыстық тексеру комиссиясының төрағасы, ауыл шаруашылығы және жер қатынастары, кәсіпкерлік және өнеркәсіп, экономика және қаржы басқармаларының басшысы болған уақытта ел мүддесін негізге ала отырып, аймағымыздың әлеуметтік-экономикалық дамуына, тұрғындардың әл-ауқатын арттыруға, байыпты бастамалар мен тың жобаларды жүзеге асыруға ерекше үлес қосты.&nbsp;Әріптесіміз қай қызметте де биік парасатымен абыройға кенеліп, азаматтық ұстанымымен, іскерлік қасиетімен, мол тәжірибесімен көпке үлгі болды.&nbsp; Бүгінгі спорт сайысы асыл азаматтың есімін ел жадында мәңгі сақтап, жастарға үлгі-өнеге ретінде насихаттау мақсатында ұйымдастырылып отыр. Алдағы уақытта бұл бағыттағы жұмыстарды жүйелі түрде жалғастырамыз. Осындай спорттық шараларда шыңдалған жастарымыз байрақты бәсекелерде ел мерейін үстем етіп, көк Туымызды биікте желбірете берсін!», - деді аймақ басшысы.&nbsp;</blockquote>Шарада үзеңгілес досы, әріптесі Руслан Рүстемұлы, Қамбарбек Амангелдіұлының ағасы Бақытжан Амангелдіұлы сөз сөйледі.&nbsp;Айта кетейік, турнирге облыстағы барлық мемлекеттік мекемелерден 27 команда қатысуда. Жарыс қорытындысы бүгін шығады.&nbsp;<figure class="image"><img src="https://knadmin.beoblood.kz/uploads/akimat_1cdddc875e.jpeg" alt="акимат.jpeg"></figure>

Ардақты азаматтың есімі ұлықталды

<a href="https://kyzylorda-news.kz/">Kyzylorda-news.kz</a>&nbsp;26 шілдеде Қазақстанның бірқатар өңірлерінде дауылды ескерту жарияланды. Синоптиктердің болжамынша, елдің көптеген аймақтарында найзағай ойнап, нөсер жаңбыр жауады, бұршақ түседі, екпінді жел соғып, шаңды дауыл көтеріледі. Сонымен қатар аптап ыстық сақталып, бірқатар өңірде өрт қаупінің деңгейі өте жоғары болады.&nbsp;Қызылорда облысында күндіз облыстың солтүстігінде, оңтүстігінде және орталығында шаңды дауыл көтерілуі мүмкін. Желдің екпіні 15–20 м/с. Ауа температурасы +40…+42°С-қа дейін көтеріліп, аптап ыстық болады. Облыс бойынша төтенше өрт қаупі сақталады. Қызылорда қаласында күндіз +40…+41°С ыстық күтіледі, төтенше өрт қаупі сақталады.Фото: pixabay

26 шілдеде бірқатар өңірде дауылды ескерту жарияланды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде студенттердің шығармашылық әлеуетін дамыту мен жастар бастамаларын қолдауға ерекше мән беріледі. Бүгінде университетте түрлі бағытта жұмыс істейтін 20 жастар ұйымы белсенді қызмет атқарып келеді.Сол ұйымдардың бірі – студент қыздардан құралған «Матриархат» жайдарман командасы. Қосшы қаласының туған күніне арналған республикалық «Туған күніңмен, Қосшы!» мерекелік жайдарман ойынына қатысып, елдің әр өңірінен келген үздік командалармен бірге өнер көрсетті. Өздерінің тапқырлығы мен сахна мәдениетін көрсеткен университет жастары көрерменнің ыстық ықыласына бөленіп, мерекелік іс-шараның жоғары деңгейде өтуіне үлес қосты.Шара қорытындысында Қосшы қаласының әкімі Азамат Қапышев «Матриархат» командасын мерекелік іс-шараның жоғары деңгейде өтуіне қосқан үлесі үшін Алғыс хатпен марапаттады.

Қорқыт ата университетінің КВН командасы республикалық турнирде үздік өнер көрсетті

<a href="https://kyzylorda-news.kz/">Kyzylorda-news.kz</a> Өңірдегі су ресурстарын тиімді пайдалану бағытындағы жұмыстар жүйелі түрде жалғасуда. Биыл вегетациялық кезеңде Шардара су қоймасына жоспарланған көлемнен артық су келіп, Солтүстік Арал теңізіндегі су көлемі 23,4 млрд текше метрге жеткен. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облысының табиғи ресурстар және табиғат пайдалануды реттеу басқармасы басшысының міндетін атқарушы Қайрат Жансұлтанұлы баяндады.<blockquote>«Су үнемдеу технологияларын енгізу мақсатында 68 каналды бетондау жобалары әзірленіп, олардың бір бөлігі халықаралық қаржы ұйымдарының қолдауымен жүзеге асырылмақ. Сонымен қатар Қызылжарма науа каналының құрылысы, Қазалы ауданындағы коллекторлық жүйені қайта жаңғырту және бірқатар каналдарды тазалау жұмыстары қарқынды жүргізілуде», - деді Қайрат Жансұлтанұлы.</blockquote>Спикердің айтуынша орман шаруашылығы саласында жыл басынан бері мыңдаған гектар аумаққа сексеуіл және өзге де ағаш көшеттері отырғызылып, орман қорын толықтыру шаралары қолға алынды. Орман өрттерінің алдын алу мақсатында жаңа техникалар сатып алынып, өртке қарсы жолақтар салу және қалпына келтіру жұмыстары атқарылуда. Елді мекендерді көгалдандыру жоспары аясында облыс бойынша бүгінге дейін ондаған мың ағаш көшеті егілді.<blockquote>«Балық шаруашылығында да оң көрсеткіштер қалыптасты. Алты ай ішінде өңірде 2300 тонна балық ауланып, 1808 тонна балық өнімі 12 мемлекетке экспортталды. Қазіргі таңда облыста 11 балық өңдеу зауыты жұмыс істейді. Сонымен қатар акваөсіру бағытында көл-тауарлы балық шаруашылықтарының саны 80-ге жетіп, бұл салаға мемлекеттік қолдау көрсетілуде», - деді спикер.</blockquote>Баспасөз конференциясында тұрмыстық қатты қалдықтарды басқару мәселесіне де ерекше назар аударылды. Жыл басынан бері өңірде жиналған қалдықтардың 35 пайызы өңделген. Қалдықтарды сұрыптау және қайта өңдеу бойынша жаңа өндірістік жобалар іске асырылып, бірнеше ауданға арналған сұрыптау кешендері кезең-кезеңімен пайдалануға берілуде. Сонымен бірге жаңа полигондар салу және қолданыстағы инфрақұрылымды жетілдіру жұмыстары жалғасуда.«Таза Қазақстан» республикалық экологиялық бағдарламасы аясында облыста кең көлемді сенбіліктер ұйымдастырылып, тұрғындардың белсенді қатысуымен мыңдаған тонна қоқыс шығарылды. Сондай-ақ тұрғындардың өтініштері «Таза Қазақстан» онлайн-платформасы арқылы жедел қаралып, басым бөлігі оң шешімін тапқан.<blockquote>«Экологияны қорғау, су ресурстарын тиімді пайдалану, орман қорын молайту және қалдықтарды басқару бағытындағы жұмыстар алдағы уақытта да кезең-кезеңімен жалғасады. Бұл бағыттағы негізгі мақсатымыз өңірдің экологиялық ахуалын жақсартып, табиғи ресурстарды ұтымды пайдалану арқылы халыққа қолайлы өмір сүру ортасын қалыптастыру», – деді басқарма басшысының міндетін атқарушы Жансұлтанұлы Қайрат.</blockquote>

Экология саласында кешенді жобалар жүзеге асырылуда

<a href="https://kyzylorda-news.kz/">Kyzylorda-news.kz</a> Шілденің 23–24-і күндері Ақтау қаласында ҚР Премьер-министрі Олжас Бектеновтің төрағалығымен сауда-экономикалық байланыстарды кеңейту, өнеркәсіптік кооперацияны дамыту және мәдени-гуманитарлық ынтымақтастықты нығайту мақсатында Қазақстан Республикасы мен Өзбекстан Республикасы арасындағы Өңірлер басшылары кеңесінің I отырысы өтті.<figure class="image"><img src="https://knadmin.beoblood.kz/uploads/OL_Zh_AS_BEKTENOV_4fa9cbef73.jpg" alt="ОЛЖАС БЕКТЕНОВ.jpg"></figure>Оған Қызылорда облысы әкімінің орынбасары Нұриддин Аманқұл қатысты.Кеңес отырысы аясында «Инвестициялар, сауда және көлік байланысы» тақырыбындағы пленарлық отырыс, Қазақстан–Өзбекстан бизнес-диалогы, сондай-ақ екі елдің мемлекеттік органдары мен бизнес қауымдастықтарының қатысуымен B2B кездесулер ұйымдастырылды.&nbsp;Сонымен қатар, Өзбекстан Республикасының Әндіжан облысы хокимияты мен Қазақстан Республикасының Қызылорда облысы әкімдігі арасында 2026–2028 жылдарға арналған сауда-экономикалық, ғылыми-техникалық және гуманитарлық салалардағы ынтымақтастық туралы келісімді іске асырудың жол картасына қол қойылды.Аталған жол картасы тараптар арасындағы өзара іс-қимылды жаңа деңгейге көтеруге бағытталған. Құжат аясында инвестиция тарту, өнеркәсіптік кооперацияны дамыту, ауыл шаруашылығы, сауда, білім, ғылым, мәдениет және туризм салаларындағы ынтымақтастықты кеңейту бойынша нақты іс-шараларды кезең-кезеңімен жүзеге асыру көзделген.Қол қойылған құжат екі өңір арасындағы серіктестікті одан әрі нығайтып, жаңа инвестициялық жобаларды іске асыруға, өзара тауар айналымын ұлғайтуға, тәжірибе алмасуға және халықтар арасындағы достық байланыстарды дамытуға мүмкіндік береді деп күтілуде.

Бірқатар саладағы ынтымақтастық туралы келісімді іске асырудың жол картасына қол қойылды  

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаевтың төрағалығымен өткен мәжілісте егін шаруашылығының қазіргі жағдайы талқыланды.Биыл облыста 185,8 мың гектарға ауыл шаруашылығы дақылдары егілгені белгілі. Оның ішінде дәндi дақылдар 89,7 мың гектар, майлы дақылдар 6,1 мың гектар, мал азықтық дақылдар 73,2 мың гектар, картоп, көкөнiс, бақша 16,8 мың гектар. Мемлекет басшысының тапсырмасына сәйкес, &nbsp;өткен жылмен салыстырғанда күріш көлемі 10,9 мың гектарға қысқарды, бүгінде 70 мың гектар күріш суға толық бастырылған.Жалпы 7 541 гектар мақсары, 415 гектар жаздық арпа, 4 338 гектар жаздық бидай, 21 394 гектар жаңа жоңышқа, 428 гектар қант құмайы, 873 гектар судан шөбі, 409 гектар сүрлемдік жүгері, 373 гектар соя, 30 гектар күнбағыс, 120 гектар жемдік асқабақ, 326 гектар тары, 1 366 гектар картоп, 6 743 гектар көкөніс, 8 735 гектар бақша егілді. Күріштің 53,4 мың гектары үстеп қоректендіріліп, 61,2 мың гектары арамшөптерге қарсы өңделді.Осыған сәйкес, 16,7 мың гектары (23,9%) түтікке шығу, 44,8 мың гектары (64%) масақтану, ал 8,5 мың гектары (12,1%) гүлдену кезеңіне өтті.<figure class="image"><img src="https://knadmin.beoblood.kz/uploads/akimat_736e247ee5.jpg" alt="акимат.jpg"></figure>Күздік бидай, сұлы толық &nbsp;жиналып бітті. Шаруашылықтар күтімге алған 49 мың гектар ескі жоңышқаның 2380 гектарын тұқымға қалдырып, 46,6 мың гектардан екі орымнан жалпы 142,7 мың тонна жоңышқа дайындады. Мал азығын дайындау жұмыстары жалғасуда.Шілденің 23-індегі мәліметке қарағанда, &nbsp;Шардара су қоймасына жоғарыдан секундына 113,4 текше метр су түсуде. Қоймадағы су көлемі 3,3 млрд. текше метр. Сырдария өзенінің төменгі ағысына 550 текше метрі &nbsp;жіберілуде.Көксарай су реттегішінде жинақталған су көлемі 23 млн. текше метр, былтырғыдан 2,76 млн. текше метр артық.Биыл гидротехникалық құрылыстарға, ішкі шаруашылық каналдарына жөндеу жүргізілді.Мәжіліс қорытындысында аймақ басшысы жауапты сала жетекшілеріне бірқатар тапсырма берді.<figure class="image"><img src="https://knadmin.beoblood.kz/uploads/akimat_208b01cd49.jpg" alt="акимат.jpg"></figure>

Қазақстан және Қызылорда облысының жаңалықтары