<a href="https://kyzylorda-news.kz/">Kyzylorda-news.kz</a> Премьер-министрдің орынбасары – Ұлттық экономика министрі Серік Жұманғарин Үкіметтің кеңейтілген отырысынан кейін өткізілген брифинг барысында қосылған құн салығы (ҚҚС) мөлшерлемесін көтеру жоспарына түсініктеме берді. Министрдің айтуынша, бұл өзгерістер бағаға әсер етсе де, ұзақмерзімді перспективада ел экономикасына оң серпін береді. Ол «Үкімет қосылған құн салығын 20%-ға көтеру деген шешімге әлі нақты келген жоқ» <a href="https://egemen.kz/article/380737-qun-salyghy-nege-koteriledi">деді.</a>Серік Жұманғарин ҚҚС мөл­шерлемесінің артуы тауарлар ба­ғасының шамамен 4,5%-ға өсуі­не алып келеді деп отыр. Бірақ бұл өсім уақытша құбылыс болмақ. Мұн­дай­ды мамандар «күрделі экономика заңдылығы» дейді. Яғни салықтан түскен қосымша қаржының нақты секторға бағытталатынын жеткізді. Атап айтқанда, қарапайым заттар эко­но­микасы күшейіп, ішкі нарық пен экспорт әлеуеті артады.ҚҚС көтерілсе, инфляция деңгейі де уақытша өседі. Бірақ Үкімет бұл сынақ кезеңінде халықты қолдауды назардан тыс қалдырмақ емес. Бұған дейін С.Жұманғарин салық реформасымен қатар, жалақы, зейнетақы және жәрдемақы көлемінің ұлғаюы жоспарланғанын айтқан еді. Бұл – халықтың әл-ауқатын сақтауға ба­ғытталған кешенді шаралардың бір бөлігі. ҚҚС өсімі ел экономикасына біршама жүктеме әкелгенімен, ұзақ­мерзімді перспективада елдің эко­номикалық тұрақтылығын арттыруға бағытталған қадам.<blockquote>– Біз еңбекақы қорына түсетін жүктемені азайтып, бір мезгілде белгілі бір шектеу мен тұтынудың соңғы кезеңі үшін ҚҚС-ты арттырамыз. Меніңше, бұл екі шара бірін-бірі теңестіріп, әсерін жо­йып тұрады. Есептеулер көрсеткендей, бағалардың сәл өсуі күтіледі. Сондықтан біз бұл өсім әлеуметтік осал топтарға әсер ететінін түсініп, олардың зейнетақылары мен жалақыларын индексациялау жөнінде шешім қабылдаймыз, – деді С.Жұманғарин.</blockquote>Үкімет қосылған құн салығын қаншаға көтеретінін әлі анықтамаған. Десе де, ҚҚС-ты 16-20%-ға дейін көтеруі ықтимал. Қосылған құн салығы көтерілсе, тауар мен қызмет бағасы 6-7%-ға қымбаттауы мүмкін. Дегенмен Ұлттық экономика министрі Үкімет халықтың қалтасына қатты салмақ түсірмеуге тырысады деп уәде берді.<blockquote>– ҚҚС мөлшерлемесі қандай болатынын әлі шешкен жоқпыз, 16-дан 20%-ға дейін болуы мүмкін. Мұның әрине, ықпалы болады және ол түрлі секторға әртүрлі әсер етеді. Тұтынушы бағаның қымбаттағанын сезетіні сөзсіз. Бұл болады. Инфляция дәлізі есептелді, бір жерде өсім 4,5% болуы мүмкін. Қазір БАҚ-та қосылған құн салығының мөлшерлемесін бірден 20%-ға көтереді екен деген ақпарат тарап жатыр. 20% деген – әлемде ең көп таралған мөлшерлеме. Біз Үкімет ретінде әзірге нақты мөлшерлемені әлі нақты айқындаған жоқпыз. Өйткені біз бизнесмендермен, қауымдастықтармен түрлі консультация жүргізіп жатқанымызға бір ай болып қалды. «Атамекен» ұлттық кәсіпкерлер палатасының алаңдарында кездесулер өткізіп жүрміз. Бізде бірқатар консультанттар, жетекші экономистер, салық мамандары бар. Олар да түрлі есептер, стресс-сынақтар жүргізіп жатыр, – деді.</blockquote>Қосылған құн салығы мәселесі Үкімет дайындап жатқан жаңа Салық кодексіне енгізілмек. Ұлттық экономика министрлігі құжатты жақын арада Парламенттің қарауына ұсынуды жос­парлап отыр. Жаңа бюджет салық реформасының нәтижесінде қазынаға қосымша 6-7 трлн теңге қаржы түсуі көзделген. Бұл қаржы ел экономикасының нақты секторын дамытуға жұмсалмақ. Дегенмен бұл жаңалық ел арасында алаңдаушылық тудырғаны рас. Қазір көпшілікті ҚҚС-тың қанша пайызға көтерілетіні алаңдатып отыр. Бүгінде бизнес үшін еңбекақы төлеу қорының жүктемесі шамамен 40%-ға жеткен. Министрдің айтуынша, ҚҚС-ты көтеру осы жүктемені 10%-ға төмендетіп, 30%-ға дейін азайтуға мүмкіндік береді. Бұл кәсіпкерлер үшін өнімнің өзіндік құнын төмендетіп, бәсекеге қабілеттілігін арт­тырмақ.Сонымен қатар Үкімет бұл шешімді қабылдаудан бұрын Ұлттық банктің макроэкономикалық моделінің негізінде бірнеше есептеу жүргізген. Бірақ министрдің сөзінше, бұл бағытта нақты түпкілікті шешім қабылданған жоқ.<blockquote>– ҚҚС-ты көтеру қажет деп есеп­тейміз. Бұл реформаны іске асыруымыз керек. Мемлекет басшысы да бізді бұл тұрғыда қолдады. Біз бұрынғы шарттар­мен өмір сүре алмаймыз, – деді вице-премьер.</blockquote>Сонымен қатар ол ҚҚС-тың мәні бұрмаланып отырғанын атап өтті. Бұл жағдай, әсіресе, бұрынғы жылдары жүргізілген салық реформаларының салдары екенін алға тартты. Салық жүйесінде көптеген ресми «саңылаулардың» пайда болғаны кәсіпкерлерге салық көлемін заңды түрде қысқартуға мүмкіндік берді.<blockquote>– Егер қазір бәрі айтып жатқандай реформа жүзеге асатын болса, онда біз ҚҚС-ты табиғи түрде арттырамыз, оған түсетіндердің барлығын қамтитын боламыз. Біз барлық бюджеттік сала қызметкерлерінің жалақысын, зей­нетақысын және басқа да төлемдерді индексациялаймыз. Бірақ мұның аста­рындағы ой – бұл реформаны жағ­дайы төмен азаматтар сезбеуі керек. Сондықтан біз оған әлі де мұқият қа­раймыз. Реформаны Ұлттық банктің макроқаржылық үлгісінде есептедік – өте жақсы нәтиже береді: бұл елдің одан әрі дамуына қуатты серпін және сапалы жұмыс орындарын құруға мүмкіндік береді, – деді С.Жұманғарин.</blockquote>Фото: Нұрболат Нұржаубай

Құн салығы неге көтеріледі?

<a href="https://kyzylorda-news.kz/">Kyzylorda-news.kz</a> Сауал:– Қосылған құн салығы шегін төмендету барысында&nbsp;қандай фактор бірінші кезекте ескерілуі керек?Балжан Бақытқалиқызы, салық маманыЖауап:– Салық кодексінің 82-бабының 2-тармағына сәйкес, қазір ҚҚС төлеушісі ретінде тіркелу үшін айналым көлемі – 20 000 АЕК немесе 78 640 000 теңге. Алайда мемлекет бұл шекті 15 млн теңгеге дейін төмендетуді ұсынды. Бұл өзгеріс кәсіпкерлерге үлкен салмақ түсіруі мүмкін. Себебі есепке алынатын көр­­сеткіш таза пайда емес, айналым көлемі болып саналады. Қарапайым мысал ретінде Алматыда жұмыс істейтін такси жүргізушісін алайық. Ай сайын ол 7-8 млн теңге табыс табуы мүмкін. Бірақ бұл сомадан такси паркі өз үлесін ұстайды, банк комиссиясы алынады, жанармай шығыны төленеді. Сондай-ақ жүргізушінің еңбекақысы да осы айналымның ішіне кіреді. Бірақ бұл шығындар ҚҚС есебінде ескерілмейді.Сонымен қатар такси жүргізушісі қосымша табыс көзі ретінде «Kaspi.kz» платформасы арқылы тауар сатады делік. Базардан құжатсыз тауар алып, оған өз маржасын қосып сатып, оны такси қызметімен қатар жеткізіп отырады. Бұл саудадан ай са­йын 10-12 млн теңге айналым түсуі мүмкін. Бірақ тауардың өзіндік құны 8-9 млн теңгені құрауы ықтимал. Оның үстіне, бұл тауарлар көбіне несиеге немесе бөліп төлеу арқылы алынуы мүмкін, алайда бұл да есепке алынбайды. Осылайша, такси қызметінен жылдық айналым 7-8 млн теңгені, та­уар сатудан 10-12 млн теңгені құрайды. Егер бұл сомалар қосылса, кәсіпкердің жылдық айналымы 15 млн теңгеден асып кетеді. Нәтижесінде, ол ҚҚС төлеушісі ретінде тіркелуге міндетті болады. Бұл жағдайда кәсіпкер бұрын 3% патенттік немесе жеңілдетілген салық төлесе, енді оған қосымша 20% ҚҚС төлеу талабы қойылады. Осылайша, такси жүргізушісі экономикалық тұрғыда «Яндекс такси» паркімен теңестіріледі.Бұл жағдай Кәсіпкерлік кодекстің 24-бабына сәйкес, шағын (оның ішінде микро), орта және ірі кәсіп­кер­лік ара­­сын­дағы айыр­ма­шылық жойы­лып кете ме деген сұрақ туын­датады. Себе­бі аталған өзгерістер ша­ғын кәсіпкерлердің ірі бизнес субъектілерімен бір­дей салықтық жүктемеге ұшырауы­­на алып келеді. Сондықтан ҚҚС шегін төмендету мәселесін қарас­­­тыр­ғанда, тек айналымды есепке алып қана қоймай, таза пайда, шығын, салалық ерекшелік және кәсіпкерлік қызметтің нақты жағдайлары да ескерілуге тиіс. Әйтпесе, бұл өзгеріс шағын бизнеске ауыр салмақ түсіріп, оның да­муын тежейді.&nbsp;Сарапшыға сұрақ қойған –&nbsp;Елігімай ТӨҢКЕР,<a href="https://egemen.kz/article/381082-qqs-naqty-dgaghday-eskeriluge-tiis">«Egemen Qazaqstan»</a>&nbsp;Фото: Нұрболат Нұржаубай

ҚҚС: Нақты жағдай ескерілуге тиіс

<a href="https://kyzylorda-news.kz/">Kyzylorda-news.kz</a> Қазақстанда Төтенше жағдайлар министрлігі (ТЖМ) қызметкерлерінің жалақысы 10% өседі. Бұл туралы Мәжіліс кулуарында ведомства басшысы Шыңғыс Әрінов мәлім етті, – деп хабарлайды <a href="https://massaget.kz/">Massaget.kz</a> тілшісі.Министрдің сөзінше, айлық өсімі – операциялық, көмекші және жауынгерлік бөлімшелерді қамтиды."Біз жалақыларды шамамен 10%-ға арттыруды жоспарлап отырмыз. Жауынгерлік бөлімшелер үшін жалақының артуы бұрын жүргізілген болатын, ал 2026 жылы біз бұл тәжірибені ІІМ және басқа да құқық қорғау органдарымен бірге жалғастырамыз",–деді министр.Сонымен қатар, 2025 жылдан бастап құтқарушылар тұрғын үй төлемдеріне үміткер бола алады."Мұндай тәжірибе 2014 жылдан бастап әскерде, арнайы мемлекеттік органдарда және полиция қызметкерлерінде бар. Бірақ біздің жауынгерлік бөлімшелер әлі күнге дейін бұл өтемақыларды алған жоқ. Егер заң қабылданса, біз өз қызметкерлерімізге (шамамен 20 мың адам) тұрғын үй төлемдерін ұсына аламыз", – деп атап өтті министр.&nbsp;

Құтқарушылардың айлығы өсіп, үй кезегіне тұрады: ТЖ министрі

<a href="https://kyzylorda-news.kz/">Kyzylorda-news.kz</a> Елімізде салық жүйесіне жаңа реформа еңгізілмек. Ол қосымша құн салығының (ҚҚС) шегін төмендетуді, бірақ мөлшерлемесін арттыруды, сондай-ақ бөлшек салық бойынша экономикалық қызмет түрлерінің жалпы жіктеуіші (ЭҚЖЖ) санын қысқартуды <a href="https://abai.kz/post/194114">көздейді.</a>Қазір елімізде ҚҚС мөлшерлемесі 12 пайызды құрайды. Үкімет оны көтеруді ұсынып отыр. Дегенмен, нақты қанша пайызға көтерілетіні әзірге белгісіз, бұл мәселе әлі де талқыланып жатыр. Ұсынылған өзгерістер қандай себептерге байланысты және олар қалай жұмыс істейді? Бұл туралы Экономикалық зерттеулер институтының сарапшылары айтып берді. анаӨзгерістердің себептеріЭкономикалық зерттеулер институтының Фискалдық саясат орталығының директоры Ксения Загалдың айтуынша, ҚҚС шегін төмендетудің бірнеше себебі бар. Бұл – салық жүйесіндегі ашықтықты арттыру және салық базасын кеңейту.«Қазір Қазақстан салық заңнамасында салықтық жүктемені азайтудың заңды тәсілдері қарастырылған. Алайда кейбір кәсіпорындар заңды айналып өткен, сөйтіп олар ҚҚС төлеуші ретінде тіркелмеген. Салдарынан ҚҚС-тың экономикалық мәні бұзылып, оны толыққанды есепке алу механизмі дұрыс жұмыс істемей отыр. Мұндай жағдай салық жүйесіндегі ашықтықтың төмендеуіне, әкімшілік шығындардың артуына және бюджетке түсетін кірістердің азаюына әкеліп соғады, өйткені көптеген компания ҚҚС есепке алу процесіне толық қатыспайды. ҚҚС шегін төмендету салық базасын кеңейтіп, салықтық ауыртпалықтың әділ бөлінуін қамтамасыз етеді. Сонымен қатар, ҚҚС есепке алу тізбегінің үздіксіз жұмыс істеуі оның тиімді мөлшерлемесін 3-4 пайызға дейін төмендетуге мүмкіндік береді», дейді маман.Оның айтуынша, ҚҚС мөлшерлемесінің артуы бизнесте қосымша шығындардың пайда болуына әкеледі. Оны &nbsp;жеңілдету үшін Үкімет еңбекақы қорына салынатын салықты айтарлықтай төмендетуге дайын екенін мәлімдеді. Бұл шара компанияларға қаржылық қысымды азайтуға және іскерлік белсенділікті қолдауға көмектеседі.Баға өсуі мүмкін бе?ҚҚС мөлшерлемесінің артуы тауарлардың түпкілікті құнының қымбаттауына әсер етуі мүмкін. Алайда ұсынылып отырған реформаның аясында әлеуметтік көмек, жалақы және зейнетақыны инфляция деңгейіне сәйкес индекстеу қарастырылып отыр. Бұл әлеуметтік осал топтарды қолдап, реформа азаматтарға тигізетін кері әсерді барынша азайтуға болады.«ҚҚС мөлшерлемесінің артуы инфляциялық қысым тудыруы мүмкін, бірақ бұл қысқа мерзімді әсер болады. Экономика жаңа жағдайларға бейімделіп, ҚҚС-тан түсетін қосымша кірістер нақты секторды дамытуға және бизнесті қолайлы жағдайлармен қамтамасыз етуге бағытталады», дейді Ксения Загал.Жаңа ұсыныстардың айырмашылығы неде?Естеріңізде болса, 2023 жылы ҚҚС мөлшерлемесін 16 пайызға дейін көтеру ұсынылған. Алайда бұл шешім 2024 жылы Үкіметтің кеңейтілген отырысында Президенттің тікелей бастамасымен тоқтатылды. Осыған байланысты 2025 жылғы ұсыныстардың ерекшелігі қандай деген сұрақ туындайды.Экономикалық зерттеулер институтының Фискалдық саясат орталығы директорының орынбасары Эльмира Осипованың айтуынша, 2025 жылғы Үкімет ұсыныстары 2023 жылғы ұсыныстардан кешенді тәсіл мен қосымша шаралардың енгізілуімен ерекшеленеді.«2023 жылы тек ҚҚС мөлшерлемесін арттыру мәселесі қарастырылған болатын. Бұл бизнес пен тұтынушылар үшін кері әсер етуі мүмкін деген алаңдаушылық тудырды және мұндай шешімдерді қабылдауда неғұрлым теңгерімді тәсілді қолдану қажеттігін көрсетті. Ал Үкіметтің қазіргі ұсынысы ҚҚС мөлшерлемесін арттырудан бөлек, жалпы салық-бюджет жүйесін жақсартуға бағытталған қосымша шараларды қамтиды. Олардың қатарында – еңбекақы қорына салынатын салықтық ауыртпалықты төмендету, бұл бизнеске түсетін шығындарды азайтуға және ҚҚС-тың инфляцияға әсерін жұмсартуға көмектеседі. Сонымен қатар, әлеуметтік көмек, жалақы және зейнетақыны индекстеу жүргізіледі. Бұл азаматтарды бағаның өсуінен және инфляциялық процестерден қорғауды қамтамасыз етеді», дейді ол.Алдағы өзгерістерЭкономикалық реформалар енгізілгеннен кейін алғашқы өзгерістер бірнеше ай ішінде байқала бастайтынын айтады мамандар. Сөйтіп бизнес жаңа жағдайларға бейімделіп, 15 миллион теңге шегінен асқан кәсіпкерлердің міндетті түрде ҚҚС төлеуші ретінде тіркелуі және салықты тоқсан сайын төлеу тәртібі енгізіледі.«Бюджет тапшылығын толтыруға келетін болсақ, ҚҚС мөлшерлемесін көтеруден түсетін алғашқы кірістер реформа күшіне енген алғашқы тоқсандарда-ақ бюджетке түсе бастайды. Алайда тапшылықты толық өтеу бірнеше жылға созылуы мүмкін. Бұл көтерілген мөлшерлеменің ауқымына және салықтық-экономикалық шаралардың тиімді енгізілуіне байланысты», дейді Эльмира Осипова.Оның айтуынша, бұл өзгерістердің нәтижесінде – салық базасының тұрақтануы, бюджеттің қаржылық тұрақтылығының артуы және мемлекеттік кірістердің өсуі. Бұл әсер біртіндеп байқалады, өйткені жүйе жаңа ережелерге бейімделіп, нақты экономикалық пайда әкелетін деңгейге жетеді.Фото: Нұрболат Нұржаубай

ҚҚС мөлшерлемесін көтеру: Бұл бағаға қалай әсер етеді?

<a href="https://kyzylorda-news.kz/">Kyzylorda-news.kz</a> Бүгін Қызылөзек ауылдық округінің әкімі Сәкен Әбдіжаппар бұқаралық ақпарат құралдарының өкілдеріне өткен жылы ауылдық округ көлемінде атқарылған жұмыстар мен алдағы жоспарлар бойынша баспасөз конференциясын өткізді.<blockquote>- 2024 жылдан бастап 2025 жылға өтпелі кезеңмен 1 млрд. 645 млн. теңгені құрайтын ауылда үлкен жобалар жүзеге асырылуда. Жобалардың бірі, ауыл тұрғындарының ең өзекті болып келген мәселесі – электр желілерін қайта жаңғырту. Бұл жоба аяснда өткен жылы 1 дана КТПН орнатылып, 3,0 шақырым ВЛ-10 кВ заманауи СИП электр желісі жүргізілді. «ДСУ» учаскесіне электр желісі жеткізіліп, жаңа СНПЭ-500/10 электр насостық қондырғысы арқылы Қараөзек елді мекені аяқ сумен толық қамтамасыз етіліп, мәселе өз шешімін тауып отыр. Бұдан бөлек, 3,2 шақырымды құрайтын 3 көшеге жол құрылысы салынуда. Биыл жол жөндеу жұмыстары Д.Сариев, М.Жабағыұлы және Ж. Жабаев көшелерінде жалғасатын болады. 2024 жылы А.Құнанбаев көшесіне түнгі жарық бағаналары орнатылып, Арғын көшесінен жаттығу алаңы салынды. Осы жылы Қорқыт Ата көшесін жарықтандыруды, Қараөзек бекетіне балалар ойын алаңын салуды жоспарлап отырмыз. Сондай-ақ, Қараөзек ауылына кіре берістегі «Қожақ» автомобиль көпіріне күрделі жөндеу жұмыстары жүргізіледі, - деді ауылдық округ әкімі Сәкен Нысанұлы.&nbsp;</blockquote>Ауылдық округте 190 кәсіпкерлік нысан жұмыс істейді. Өткен жылы жаңадан 30 кәсіпкерлік нысан тіркеліп, 27 ауыл тұрғыны тұрақты жұмыспен қамтылды. Мемлекеттік бағдарламаларға жүгінген кәсіпкерлердің 75 млн. 400 мың теңгені құрайтын 13 жобасы қаржыландырылған. Оның ішінде, 4 тұрғын 5 млн. 920 мың теңге көлеміндегі мемлекеттік қайтарымсыз грант иеленіп, өз кәсіптерін бастады. Ауыл шаруашылығы саласы бойынша 476 гектар жерге картоп, көкөніс, бақша дақылдары егіліп, одан 1378 тонна картоп, 2536 тонна көкөніс, 2466 тонна бақша өнімдері жиналды. Ал мал саны 9 970 басқа жетті.<blockquote>- Өткен жылы ауылды газдандыру бағытындағы жұмыстар бастау алып, «Дос Строй Проект» ЖШС мекемесі газдандыру жұмысының жоба-сметалық құжаттарын әзірлеуде. Мемлекеттік сараптама қорытындысы алынған соң, жобаны қаржыландыру жөнінде республикалық бюджетке ұсыным беріледі, - деп қорытындылады ауыл әкімі.</blockquote>

Қызылөзек ауылдық округі: 2024 жылы атқарылған жұмыстар және алдағы міндеттер талқыланды

<a href="https://kyzylorda-news.kz/">Kyzylorda-news.kz</a> Қазақстанда қыз алып қашу әрекеті үшін 5 жылға дейін бас бостандығынан айыру ұсынысы жасалды. Тиісті түзету жұмыс тобында<a href="https://kaz.inform.kz/news/kiz-alip-kashkandarga-5-zhilga-deyn-bas-bostandiginan-ayiru-zhazasi-usinildi-a19dad/"> талқыланып жатыр</a>. Бұл туралы Мәжіліс депутаты Мұрат Әбенов айтты.<blockquote>– Тиісті түзетуді ұсындым. Қазір ол Қылмыстық кодексті оңтайландыру жөніндегі жұмыс тобында қаралып жатыр. Жауапкершіліктің әртүрлі дәрежесін, оның ішінде қылмыстық жауапкершілік те бар. Мәселен, бас бостандығынан айыру, айыппұлдар, қоғамдық жұмыстар қарастырылды.</blockquote>Мұның бәрі жағдайға байланысты сараланады. Кәмелетке толмаған адамға қатысты бір топ адамның әрекеті анықталса, қандай да бір зиян келтірілсе, тиісті жауапкершілік ұсынылып жатыр, – деді М.Әбенов Парламент Мәжілісінде тілшілер сұрағына жауап бере отырып.Оның айтуынша, 3 жылдан 5 жылға дейін бас бостандығынан айыру түріндегі қылмыстық жауапкершілікті енгізу ұсынды.<blockquote>«Бұл ретте біреуді өз еркіне қарсы алып қашып, үйінде ұстау, психологиялық және физикалық қысым көрсетсе, заң жәбірленген адам жағында болуы керек», – деді депутат.</blockquote>Фото: Нұрболат Нұржаубай

Қыз алып қашқандарға 5 жылға дейін бас бостандығынан айыру жазасы ұсынылды

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты Мархабат Жайымбетовтің ҚР Премьер-министрінің орынбасары С.Жұманғаринге жолдаған депуттатық сауалы ұсынылып отыр.Мемлекет басшысы Жолдауда көлеңкелі экономика үлесінің жоғары деңгейде қалуы қаржы саласындағы ахуалды ушықтырып тұрғанын атап өткен болатын.Осы бағытта Үкімет ауқымды жұмыстар жүргізіп жатыр. 3 жыл аралығында ішкі жалпы өнімдегі көлеңкелі экономиканың үлесін 27%-дан 20%-ға дейін қысқартып, бюджетке 2 трлн теңге қосымша кіріс түсірткен.Бүгінде көлеңкелі экономиканың үлесі –17 % шамасында болса, бұл кем дегенде бюджетке әліде 2-2,5 трлн теңге салық түспейді деген сөз.Бұл үлес ресми статистикаға сүйеніп, мемлекеттік органдардың берген ақпараты. Ал, біз білмейтін, ресми статистиканың назарынан тыс қалатын қызмет түрлері қаншама?Бір заң жобасын зерделеу кезінде келеңсіз жайтқа тап болдым. Елімізде көлеңкелі экономикаға қарсы іс-қимыл саласында бірыңғай саясатты қалыптастыруға және басқа ведомстволарды үйлестіруге жауапты мемлекеттік орган жоқ болып шықты. Әр мемлекеттік орган бір-біріне сілтейді. Әрбір мемлекеттік орган өз құзыреті шегінде шаралар қабылдайды, бірақ құзыретті нақты бөлетін, жауап беретін тұтас жүйе жоқ. Аталған проблема бойынша кешенді жоспарлармен барлық салалар қамтылмаған. Бұл бір.Екінші «Көлеңкелі» экономикаға көбірек үлес қосатын сала, бұл – сауда. Ал сауданың жүйесі – базар. Әлбетте, базардың аты – базар. Ондағы еркін сауданы қадағалау қиын. Бірақ дұрыс ұйымдастыруға мүмкіншілігіміз бар ғой. Елімізде қолма-қол ақшасыз айналым коэффициенті жыл сайын өсіп келеді. Яғни, көлеңкелі экономиканың бір көрінісі – салық төлеуден жалтару. Оның бірнеше себебі бар. Солардың бірі салықтық әкімшілендірудің әлсіздігі.Мемлекеттік кірістер комитетінің ақпратында Орталық Азия елдерінің азаматтары Қазақстанда үш жыл ішінде 136 млрд теңге табыс тапқан. Алайда, Ұлттық Банктің ақпараты бойынша, осы уақыт ішінде олар Отанына жалпы 1 трлн теңге аударған. Яғни, «көлеңкелі» тауарларды немесе қызметтерді өндіру ықтималдығы жоғары деген сөз. Уақыт тығыздығына байланысты мен келтіріп отырған ұсыныстар тек кіріспесі. Білек түріп, майшаммен қарайтын болсақ, бюджеттің кірісін толтыруға мүмкіншілігіміз жетіп артылады.Осы айтылғанды назарға ала отырып, алдымен келесі мәселелерді қарастыруды ұсынамыз.1.Көлеңкелі экономикаға қарсы іс-қимыл саласында бірыңғай саясатты қалыптастыратын және үйлестіріп, жүргізетін бір мемлекеттік органды анықтау.2. Жалған келісім-шарттарға қарсы тұру үшін тауарды жеткізу тізбегі бойынша қосылған құн салығымен құжаттар қатар жүретін нақты бір жүйе құру қажет. Бұл жүйе толықтай цифрландырылған болуы шарт. Нәтижесінде бюджетке төленуі тиіс салықты Үкімет автоматты түрде есептеп беруі керек. Бұл әсіресе шағын және орта бизнеске үлкен көмек болар еді.3.&nbsp;Халықты банктік карталар арқылы төлемдер жасауға ынталандыруымыз қажет. Оған әртүрлі іс-шаралар барысын ұсынуға болады. Олардың бірі – төлеген құн салығының бір бөлігін бонус ретінде қайтаруға болады деп санаймын.Депутаттық сауалға заңда белгіленген мерзімде жауап беруіңізді сұраймын.М.Жайымбетов,«AMANAT» партиясыфракциясының депутатыФото: ҚР Парламентінің Мәжілісі

Күрделі мәселеге тоқтам қажет

<a href="https://kyzylorda-news.kz/">Kyzylorda-news.kz</a> Облыс спортында жаңалық көп. Спорт нысандарының бой көтеруі, салаға лайықты көңіл бөлінуі облыстағы спорт әлеуетінен хабар берері анық. Сондай-ақ биыл футболдан “Қайсар” командасы чемпионатта жергілікті ойыншыларға ғана сенім артады. Жаңа маусымға дайындық қалай? Қызылордада олимпиадалық спорт түрлеріне қаншалықты назар аударылып жатыр? Бұл туралы облыстық дене шынықтыру, спорт және туризм басқармасының басшысы Бахтияр Артаев мәлімдеді.<blockquote>– Олимпиадалық және олимпиадалық емес спорт түрлеріне қаншалықты назар аударылып жатыр деген сұрақтар туындайды. Біз олимпиадалық спорт түрлеріне басымдық беруіміз керек. Қай жерде бокс жақсы дамыған, қай жерде ауыр атлетика мықты. Біз өзіміздің өрендерді сол жаққа жаттығу өткізуіне жағдай жасауымыз керек. Сол жақтағы мықтылармен тәжірибе алмасу керек. Бәсекелестік бар жерде нәтиже болады. Биыл футболдан “Қайсар” командасы жергілік ойыншылармен ойнайтын болады. Чемпионат басталуына да аз уақыт қалды. Бірден жеңіске жетеміз деп те айта алмаймыз. Себебі команданың ішінде дебютанттар көп.Алғашқы турларда есе жіберуіміз мүмкін. Бірақ көш жүре түзеледі. Неге сенім артып көрмеске? Сонда ғана футболшыларымыз намысты қолдан бермей нәтиже көрсетеді деп ойлаймын,- деді Бахтияр Ғарифоллаұлы.</blockquote>

Бахтияр Артаев: Олимпиадалық спорт түрлеріне басымдық беруіміз керек

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қазалы ауданына жұмыс сапары кезінде құқық қорғау органдарының басшыларымен бірге аудан әкімдігінде тұрғындарды жеке қабылдады.Қабылдауға келген 87 азамат «Карлаң» және басқа да көпірлердің құрылысын жалғастыру, әлеуметтік нысандар салу, тұрғын үй, электр, газ желісін тарту, әлеуметтік көмек, жер телімі, аяқ су тарту, жұмысқа орналасу, денсаулығына байланысты мүгедектік алу, тағы басқа мәселелерді көтерді.Облыс әкімі мен құқық қорғау органдарының басшылары азаматтар қойған сауалдарды жан-жақты қарап, заң аясында тиісті түсіндірме берді.Әйтеке би кентінің тұрғыны аудан орталығындағы тарихи ғимараттарды жаңғырту мәселесін көтерді. Аймақ басшысы бұл нысандардың тарихи-мәдени құндылығын, оларды келешек ұрпақ кәдесіне жарату үшін жұмыстар қолға алынатынын айтты.Сондай-ақ, қабылдауға келген тұрғын Қазалы ауданының сол жағалау алабының 1-ГД, 2-ГД, К-3-2 қашыртқылар жүйесін қайта жаңғырту мәселесін қозғады. Облыс әкімі бұл мәселе назарында екенін, сол жаға массивінің инженерлік жүйесін қайта жаңғыртуға облыстық, аудандық бюджеттен қаржы бөлініп, жоба әзірленіп, сараптаманың оң қорытындысы алынғанын атап өтті.Құқық қорғау органдарының басшылары келушілерді тыңдап, қойған сауалдарына қатысты заңдық кеңес берді. Барлық мәселе жан-жақты таразыланып, заң аясында шешім шығарылатынын айтты.Кейінгі жылдары дәстүрге айналған осындай қабылдаулар алдағы уақытта Арал және Қармақшы аудандарында ұйымдастырылады.Қабылдаудан кейін облыс әкімі еңбек ардагерлерімен және зиялы қауым өкілдерімен кездесіп, өңірдің әлеуметтік-экономикалық дамуындағы кейбір мәселелерді талқылады.Фото: Қызылорда облысы әкімінің баспасөз қызметі

Қазалы ауданында облыс әкімінің жеке қабылдауы өтті

<a href="https://kyzylorda-news.kz/">Kyzylorda-news.kz</a> 12 айға алдын-ала төлеу әдісін «сақтандырылған» мәртебесі бар, сондай-ақ жүйеге ешқашан төлем жасамаған немесе оны жүйесіз жасаған барлық дербес төлеушілер пайдалана алады. Бұл қалай жұмыс істейді және төлеушілерге қандай ерекшеліктерді білу керек Әлеуметтік медициналық сақтандыру қорының Қызылорда облысы бойынша филиалының директоры Жақсылық Абдусаметов түсіндірді.Төлем жасамас бұрын, мәртебеңізді және соңғы 12 айдағы төлемдердің болуын тексеріңіз. Мұны Qoldau-24/7 мобильді қосымшасы, Telegram-дағы SaqtandyruBot арқылы немесе eGov.kz электрондық үкімет порталындағы жеке кабинет арқылы жасауға болады.Үзінді көшірмеде сіз әр ай үшін төлемдерді жеке-жеке көресіз. Егер сізде бірнеше төленбеген ай болса, сізге олар үшін әлдеқайда аз мөлшерде төлем жасап, мәртебені алу тиімді болады. Бірақ осыдан кейін мәртебеңізді жоғалтпау үшін ай сайын жарналарды төлеуді ұмытпаңыз. Егер сізде ешқандай төлем болмаған жағдайда, онда төлемді өткен жылға емес, алдағы 12 айға жасаған тиімді.МӘМС жарналарын екінші деңгейдегі кез келген банктердің мобильді қосымшалары, жылдам төлем терминалдары және «Қазпошта» филиалдары арқылы төлеуге болады. Дербес төлеушінің төлем тағайындау коды-122Алдағы 1 жылға төлем жасағыңыз келсе, ағымдағы айдан бастап барлығы 12 айға жеке жеке әр айды, жылын көрсетіп төлеу керек. Егер ағымдағы айдың аяқталуына шамалы күндер қалса немесе осы айда медициналық көмекке жүгінуді жоспарламасаңыз, төлемді келесі айдан бастап жасаған жөн. Сонда Сіз бір жыл бойы сақтандырылған боласыз.Жүйе төлемдерді дұрыс есептеу үшін жарналар әр ай үшін бөлек төленеді. Төлем жасау кезінде ЖСН, төлем енгізілетін ай мен жылды дұрыс көрсету маңызды.Сіз 12 айға төлемдерді бірден бір төлеммен төлеп тастай алмайсыз, өйткені жүйе әр ай үшін төлемді бөлек оқиды. Қате жіберген кезде мәртебені жоғалтпау үшін осы кезең үшін жарналарды қайтадан төлеуіңіз керек, ал қате төленген соманы қайтаруға болады. Қате төленген соманы қайтару «Азаматтарға арналған үкімет» мемлекеттік корпорациясына өтініш берген жағдайда жүзеге асырылады.Жарналарды 3 жұмыс күні ішінде төлегеннен кейін жүйеге төлемдердің түсуін және мәртебенің берілуін тексеру қажет. Еске салайық, мұны Qoldau-24/7 мобильді қосымшасы, Telegram-дағы SaqtandyruBot немесе eGov.kz сайтындағы жеке кабинет арқылы жасауға болады.Төлем ұзақ уақыт бойы жүйеге түспесе, төлем кезінде қате жіберілген болуы мүмкін. Ең алдымен, тексерулерге енгізілген деректердің дұрыстығын қайтадан тексеру қажет. Содан кейін банкке қоңырау шалып, төлемнің бар-жоғын біліңіз. Егер жоқ болса, «Азаматтарға арналған үкімет» мемлекеттік корпорациясына қоңырау шалыңыз, өйткені МӘМС жүйесіне барлық төлемдер Ұлттық банктегі арнайы шотқа түседі, содан кейін халыққа медициналық көмек Қор арқылы бөлінеді.Еске салайық, МӘМС жүйесіндегі мәртебені келесі жолдармен тексеруге болады:&nbsp; • Әлеуметтік медициналық сақтандыру қорының сайты: msqory.kz • Telegram-бот (https://t.me/SaqtandyryBot) • Qoldau 24/7 мобильді қосымшасы • Кейбір екінші деңгейлі банктердің мобильді қосымшалары • egov.kz &nbsp;электронды үкімет сайтының «Медициналық қызметтерді тұтынушы ретінде қатысу және міндетті әлеуметтік медициналық сақтандыру жүйесіндегі төлемдер мен жарналар туралы ақпарат беру» мемлекеттік қызметі арқылы.

МӘМС жүйесінде бір жылға қалай сақтандырылуға болады?

<a href="https://kyzylorda-news.kz/">Kyzylorda-news.kz</a> «Есірткі, психотроптық заттар, сол тектестер, прекурсорлар мен күшті әсер ететін заттар мәселелері бойынша кейбір заңнамалық актілерге өзгерістер мен толықтырулар енгізу туралы» заңы бойыншаҚұрметті азаматтар! Қазақстан Республикасының Президентімен есірткінің заңсыз айналымына қарсы іс-қимыл мәселелері бойынша заңға қол қойылды (2024 жылғы 27.12.). Осыған байланысты 2025 жылғы 3 наурызда күшіне енетін оның құқықтық салдарын түсіндіріп кетейін. Бұл қандай өзгерістер? Біріншіден, есірткі бизнесін ұйымдастырушылар және есірткі таратушылар, оның ішінде «есірткі жасырушылар» үшін қылмыстық жауапкершілік бөлінген. Егер олар үшін Қылмыстық кодекстің 297-бабы бойынша бірыңғай жаза қолданылған болса, енді есірткі жасырушылар ҚК сол 297 бабы бойынша бірақ төмендетілген санкциялармен тартылатын болады:<ul><li style="text-align:justify;">1 бөлігі бойынша енді 5 жылдан 8 жылға дейін бас бостандығынан айыруды құрайды, бұрын 5 жылдан 10 жылға дейін болған. Бұл егер адам аз мөлшерде есірткі өткізгені үшін ұсталса (мысалға, марихуана 50 граммға дейін; гашиш 5 граммға дейін, мефедрон 0,02 граммға дейін, АльфаПВП 0,01 граммға дейін);</li><li style="text-align:justify;">2 бөлігі бойынша енді 6 жылдан 10 жылға дейін бас бостандығынан айыруды құрайды, бұрын 6 жылдан 12 жылға дейін болған. Бұл егер адам ірі мөлшерде есірткі өткізгені үшін ұсталса (марихуана 1 килограммға дейін; гашиш 200 граммға дейін, мефедрон 0,02 граммнан 1,5 граммға дейін, АльфаПВП 0,01 граммнан 1 граммға дейін);</li><li style="text-align:justify;">3 бөлігі бойынша енді 7 жылдан 12 жылға дейін бас бостандығынан айыруды құрайды, бұрын 10 жылдан 15 жылға дейін болған. Бұл егер адам ірі мөлшерде есірткі өткізгені үшін ұсталса (марихуана 1 килограммнан астам; гашиш 200 граммнан астам, мефедрон 1,5 граммнан астам, АльфаПВП 1 граммнан астам). Бас бостандығынан айыру орындарында отырған көптеген есірткі жасырушылар бұл заңды бірінші рет аттап өткен жастар. Сондықтан мемлекет түзету жолына тұрған жастарға ертерек еркіндікке шығып жаңа өмір бастауға мүмкіндік береді. Бұл да түрмеде отырған халық санының үлесін азайту бойынша маңызды қадам. Бұл жаңа енгізілімдер нені білдіреді? Заң енгізілгеннен кейін заңның кері күші әрекет ете бастайды (ҚК 6-бабы), себебі жаңа нормалар олардың жағдайын жақсартады. Бұл санаттағы адамдардың шартты-мерзімінен бұрын босатуға, сондай-ақ жазаның өтелмеген бөлігін одан да жұмсақ түрімен ауыстыруға құқығы болады (айыппұл, бас бостандығын шектеу). Анықтама ретінде: қазір колонияларда есірткі қылмыстары үшін шамамен 4 мың сотталушы отыр (9,4%), әйелдер -225 (0,5%) және 9 (0,02%) кәмелетке толмағандар. Бірден айта кетейін, әрбір үкім сотпен дербес қаралатын болады (айлық мерзім). Бұл үшін сотталушы жазасын өтеп жатқан мекеме әкімшілігінің ұсынымы немесе оның өзінің өтінішхаты қажет (ҚК 72, 73-баптары, ҚПК 161, 162 және 169-баптары). Болжам бойынша есірткі қылмыстарын жасаған 1 мыңнан астам сотталушы осы құқығын пайдалана алады. Анықтама ретінде: алдын ала деректер бойынша соттармен 2 430 сотталушыға қатысты істер қайта қаралады, оның ішінде:<ul><li style="text-align:justify;">бас бостандығынан айыру орындарынан 427 сотталушыны босату (әйелдер – 17, кәмелетке толмағандар – 0).</li><li style="text-align:justify;">ШМББ – 894 (әйелдер – 87, кәмелетке толмағандар – 0);</li><li style="text-align:justify;">ЖЖА-1109 (әйелдер – 152, кәмелетке толмағандар – 0). Екіншіден, заңмен біржола ҚК 297-1 жеке бабы енгізілуде, онымен есірткі бизнесін ұйымдастырушылар және есірткі өндірушілер, сондай-ақ лауазымды тұлғалар үшін жаза қатаңдайды. Оларға 15 жылдан 20 жылға дейін немесе бас бостандығынан айыру қаупі төніп тұр. Анықтама ретінде: 1 бөлім – 5 жылдан 10 жылға дейін; 2 бөлім – 6 жылдан 12 жылға дейін; 3 бөлім – 10 жылдан 15 жылға дейін; 4 бөлім – 15 жылдан 20 жылға дейін немесе өмір бойы. Және үшіншіден, күшті әсер ететін заттардың, сондай-ақ есірткіні өндіру, әзірлеу, қайта өңдеу кезінде қолданылатын прекурсорлардың заңсыз айналымы үшін қылмыстық жауапкершілік бірінші рет енгізілуде. Анықтама ретінде: прекурсорлар – қос мақсаттағы бұл заттар металлургиялық, фармацевтикалық, химиялық, мұнайгаз және басқа да салаларда кеңінен қолданулады (толуол, сірке, тұз, күкірт қышқылдары, ацетон, эфедра шөбі, сірке қышқылының ангидриді). Мысалға, тұз қышқылынсыз дәнекерлеу, сондай-ақ қалайылау кезінде металдар тез және тиімді тазаланбайды. Тұз қышқылынсыз марганец, өндірістік темір және басқа да кең тараған металлдарды алу да қиынға соғады. Ацетонды қолданбаса медицинада дәрілік препараттарды алу барысында экстракцияларды бөлуге мүмкін болмайды. Бұған дейін қылмыстық жауапкершілік тек прекурсорлардың контрабандасы үшін көзделген. Аталған өзгерістер прекурсорлар мен күшті әсер ететін заттардың айналымына бақылауды күшейтуге мүмкіндік береді. Енгізілген өзгерістер қылмыстық жауапкершіліктің бұдан да әділетті жүйесін құруға, сондай-ақ қоғамды есірткінің заңсыз айналымы салдарынан қорғау бойынша шараларды күшейтуге мүмкіндік береді деп пайымдаймыз.</li></ul></li></ul>Ардақ Әбішұлы ДөненовҚызылорда облысының Полиция департаменті&nbsp;Есірткі қылымысына қарсы іс-қимыл басқармасы бастығының орынбасары полиция подполковнигі

Есірткі, психотроптық заттар мәселелері бойынша кейбір заңнамалық актілерге өзгерістер енгізілді

<a href="https://kyzylorda-news.kz/">Kyzylorda-news.kz</a> "2024 жыл темір жол машина жасау саласындағы қазақстандық зауыттар үшін өндіріс көлемі бойынша рекордтық жыл болды: 124 локомотив, 2 565 «Болашақта Қазақстан Еуразия континентінің маңызды көлік торабы болуы керек. Бұған қол жеткізу үшін теміржол инфрақұрылымын дамытуды және отандық машина жасау салаларын жаңғыртуды жалғастыру қажет», – деді&nbsp; Президент Қасым-Жомарт Тоқаев.2024 жыл темір жол машина жасау саласындағы қазақстандық зауыттар үшін өндіріс көлемі бойынша рекордтық жыл болды: 124 локомотив, 2 565 жүк және 122 жолаушы вагоны. Өндіріс көлемінің артуы жылжымалы құрамды жаңартуға және импортқа тәуелділікті азайтуға мүмкіндік берді.Жыл сайын миллиондаған жолаушылар еліміздің түкпір-түкпіріне саяхат жасап, темір жол машина жасау кәсіпорындары жұмыс орындарын ашып, өңірлерді дамытып, Қазақстанның экономикалық әлеуетін арттыруда.Еліміздегі темір жолдардың ұзындығы 21 мың шақырымды құрайды, 2024 жылы сол жолдармен 21 миллионға жуық жолаушы мен 430 миллион тоннадан астам жүк тасымалданған.Соңғы 10 жылда Қазақстанда 600-ге жуық вагон жаңартылды. 2024 жылы 143 жаңа вагон, соның ішінде елімізде шығарылған вагондар пайдалануға берілді, бұл «Қызылорда-Семей», «Астана-Көкшетау», «Павлодар-Алматы», «Павлодар-Туркестан», «Жезқазған-Алматы», «Актөбе-Атырау» және «Маңғыстау-Атырау» бағыттарында тасымалдау сапасын арттыруға мүмкіндік берді.2025 жылы тағы 226 вагон беріледі деп күтілуде, бұл парктың тозу көрсеткішін 44-тен 38%-ға дейін төмендетіп, жолаушыларға қолайлы жағдай туғызады.Жаңа вагондар заманауи климаттық бақылау жүйелерімен, жақсартылған дыбыс оқшаулауымен және ыңғайлы ұйықтайтын орындарымен жабдықталған. Бұл ел бойынша саяхаттау ыңғайлы болып, қызмет көрсету деңгейінің жақсарғанының дәлелі.Темір жол машина жасау көлік инфрақұрылымының дамуына ғана емес, сонымен қатар жұмыс орындарын құру арқылы жұмыссыздықты азайтуға да әсер етеді. Саладағы 60 отандық кәсіпорында 8 мыңға жуық адам жұмыс істейді. 2024 жылы Астана, Қостанай және Екібастұз қалаларында 215 адамды жұмыспен қамтамасыз ететін жаңа өндіріс орындары ашылды.Алдағы екі жылда Қазақстанда 3000 жаңа жұмыс орнын құруға мүмкіндік беретін 12 инвестициялық жоба жүзеге асырылады. Саладағы жұмысшылардың орташа жалақысы қазірдің өзінде 440 мың теңгені құрап, мамандарға сұраныс артып келеді. Салада шамамен 3500 жаңа кадрлар қажеттілігі бар, оларды даярлау 39 жоғары оқу орны мен 39 колледжде жүргізілуде.2024 жылы темір жол машина жасау саласына 23,2 млрд теңге инвестиция салынды. Жылжымалы құрамды өндіру көлемі 5 есе өсті. Бұл жаңа зауыттарды іске қосып, импортқа тәуелділікті азайтуға мүмкіндік берді.2025 жылы Атырау облысында жүк вагондарын өндіру басталады. Зауыттың жобалық қуаттылығы жылына 6000 бірлік құрайды. Мұнда 20 миллиард теңге инвестиция тартылып, 180 жұмыс орны ашылады.Биыл Жамбыл облысында локомотивтеріне сервистік қызмет көрсететін зауыт іске қосылады, жобалық қуаты – жылына 50 бірлік.Солтүстік Қазақстан облысында платформалық вагондар мен жолаушылар вагондарын шығару, сондай-ақ тез бұзылатын жүктерді тасымалдауға арналған термос вагондарын шығарудың екінші кезеңі басталады.Сондай-ақ биылғы жылы Қарағанды облысында дөңгелек жұптары мен Атырауда локомотивтердің тіреу бөренелерінің өндірісі басталады.Ал 2028 жылға қарай Қазақстанда жаңа буындағы жүк электровоздары пайда болады, оларды өндіру 40%-ға арзанырақ және қолданыстағы үлгілерге қарағанда 20%-ға тиімдірек болады.Көлік министрлігінің мәліметінше, 2024 жылы 1 400 шақырым теміржол жөнделеді. Қазіргі уақытта 1 100 шақырым жаңа жолдар салынуда, оның ішінде «Достық-Мойынтыда», бұл учаскенің өткізу қабілетін 5 есеге арттырып, халықаралық транзитті жақсартады. Алматы айналмалы темір жолы өңірдің теміржол желісіне түсетін жүктемені азайтады, ал «Дарбаза-Мақтаарал» оңтүстік өңірлерде жаңа көлік байланыстарын жасайды.Сонымен қатар, «Қызылжар» мен «Мойынты» стансалары арасында теміржол құрылысын салу жоспарлануда, бұл халықтың ұтқырлығын арттырып, көлік логистикасын жеңілдетеді.Бүгінгі таңда Қазақстанның теміржол машина жасау саласында өндірісті оқшаулау 70%-ға жетеді, бұл сыртқы жеткізілімдерге тәуелділікті төмендетеді. Жаңа кәсіпорындардың ашылуы ел ішінде вагондарды, локомотивтер мен бөлшектерді көбірек өндіруге мүмкіндік беріп, теміржол көлігін сенімді әрі қолжетімді етеді.Қанат Шарлапаев, ҚР Өнеркәсіп және құрылыс министрі:<blockquote>«Қазақстанның теміржол саласы рекордтар жаңартып келеді. Өткен жылдың соңындағы 124 локомотив, 2 565 жүк вагоны және 122 жолаушылар вагоны – бұл жай ғана сандар емес, ол экономикалық өсу, жаңа жұмыс орындары мен Қазақстандағы қуатты өндірісіміздің, соның ішінде тәуелсіздігіміздің тірегі. Бүгінде біз вагондар мен локомотивтердің рекордтық санын шығарып қана қоймай, отандық өнеркәсіптің болашағын құрудамыз».</blockquote>Бұл шаралардың барлығы қазақстандықтардың өмір сүру сапасын жақсартуға бағытталған: жаңа вагондар азаматтарымызды тасымалдауды ыңғайлы етіп, жаңа зауыттар өңір тұрғындарын жұмыспен қамтамасыз етіп, ал инфрақұрылымды жаңғырту саяхат пен бизнес үшін көбірек мүмкіндіктер ашады.Фото: Нұрболат Нұржаубай

Қазақстан және Қызылорда облысының жаңалықтары