Kyzylorda-news.kz Қызылорда облыстық қоғамдық даму басқармасының “Қоғамдық келісім” КММ ұйымдастыруымен мекеме директоры Бақытжан Камалов бастаған топ облыстық ҚХА ардагерлеріне Ұлы Жеңістің 80 жылдығына орай құрмет көрсетті. Үй-үйлерді аралап, құттықтау хат табыстады. Тәттіге толы себеттер таратты.
Ұрпағының болашағын ойлап, елінің бейбіт тіршілігі үшін ерен еңбек еткен ардагерлер көрсетілген сый-құрмет үшін алғыстарын жаудырып, ақ баталарын берді.
Бүгінгі қоғамды отаншылдық рухта тәрбиелеуге, рухани құндылықтарды насихаттауға, ардагерлердің ерліктеріне сыйластық көзқарасты қалыптастыруға бағытталған бастаманың әлі де өз жалғасын табатыны сөзсіз.
