<a href="https://kyzylorda-news.kz/">Kyzylorda-news.kz</a> Мемлекет басшысы отандық бизнес өкілдерімен кездесуде Үкіметке қосымша құн салығы мәселесін тағы да пысықтауды тапсырды.<blockquote>– Кез келген реформаны жан-жақты сараптап, байыппен жүргізген жөн. Экономика салаларының ерекшеліктерін ескере отырып, түрлі нұсқаларды әзірлеу керек. Қосымша құн салығына қатысты бұған дейін көзқарасымды білдірмеген едім. Өйткені қызметтік дәрежеме сәйкес, менің әрбір сөзім, пікірім қатаң тапсырма сияқты қабылданады. Соған қарамастан бұл мәселе бойынша ойымды жеткізгім келеді. Қалай десек те, қосымша құн салығының мөлшерлемесі сараланып белгіленуге тиіс.</blockquote>Үкімет түпкілікті шешімді білікті сарапшылардың, қайталап айтамын, білікті сарапшылар мен кәсіпкерлердің, әлбетте депутаттардың пікіріне құлақ аса отырып, нақты есептеулер негізінде қабылдағаны дұрыс.<blockquote>Бір анығы, Үкіметтің қазіргі ұсынып отырған мөлшерлемесі тым жоғары. Сіздер нақты цифрды айттыңыздар. Оны қоғам қызу талқылады. Тіпті, кей жағдайда артық сөздер де айтылды. Дегенмен, бұл қоғам талқысына алдын ала салынған ұсыныс болатын. Тағы қайталап айтамын, Үкіметтің бұл бағыттағы жұмысы бизнес, қоғам, кәсіпкерлер, сарапшылардың, яғни барлық тараптың пікірі ескеріле отырып жалғасуы керек. Биыл нақты шешім қабылдануға тиіс. Мен бұған дейін де айттым: Үкімет бұл мәселені депутаттармен және сарапшылармен егжей-тегжейлі талқылауы керек. Бүгін айтылған ой-пікірлер де ескеріледі. Мемлекетке барынша оңтайлы шешім қажет. Яғни бір жағынан бизнес жүргізуге кедергі келтірмей, қолайлы жағдай жасайтын, ал екінші жағынан, салыққа қатысты тәртіпті күшейтіп, бюджет кірісін арттыратын тиімді жолды табуымыз қажет, – деді Қасым-Жомарт Тоқаев.</blockquote><img src="https://knadmin.beoblood.kz/uploads/Whats_App_Image_2025_02_07_at_16_11_23_910fac2e0c.jpeg" alt="WhatsApp Image 2025-02-07 at 16.11.23.jpeg">Фото: Akorda.kz

Президент қосымша құн салығына қатысты мәселені егжей-тегжейлі талқылауды тапсырды

<a href="https://kyzylorda-news.kz/">Kyzylorda-news.kz</a> Қазалылық Талғат Ембергенов көпбалалы әке, негізгі мамандығы дизайнер. Қолына диплом алғаннан кейін білім саласына бет бұрып, балаларға суреттен сабақ беруді, олардың шығармашылығын дамытуға үлес қосуды көздейді. Жұмыс істеп те көреді. Алайда кейін жоспарын &nbsp;өзгертеді. Халықтың арасында сол кезеңде кең сұранысқа ие болған евро жөндеумен айналысады. Бұл салада 10 жылдай еңбек етіп, тәжірибе жинайды.<blockquote>«Ағаштан түйін түю маған таңсық дүние емес. Атадан келе жатқан мұра. Жай сөз үшін айтып тұрғаным жоқ, шынымен солай. Атам, әкем, әулеттегі ағаларым осы кәсіппен айналысқан. Бала күннен ағаларыма, әкеме көмектесіп, ағашты кәдеге асырудың қыр-сырын көріп өстім. Ағаларымның цехында көмекші болдым, әкем құлпытас жазады. Оған қолғабыс еттім. Соның бәрі бекер болмапты. Евро жөндеумен айналысып жүргенде арзандау бағада ағаштан бұйым жасайтын станоктар алдым. Қазіргі кәсіпке жолым осылай басталды», - дейді Талғат Ембергенов.</blockquote>Талғатқа кәсібін бастауда, жүргізуде, дамытуда «Қызылорда» Өңірлік инвестициялық орталығы айтарлықтай көмектескен.<blockquote>«Бастапқыда кәсіпке қаржы тарту оңай болмады. Қаржы институттарының алдында нақты мақсат-мүддеңді дәлелдеу керек. Бұл дұрыс та. «Қызылорда» Өңірлік орталығы 2018 жылы сеніп, бизнесімен алғаш жеңілдетілген несие берген ұйымның бірі. Сенімді кәсіпкер екеніне көздері жеткеннен кейін, әріптестік байланысты жалғастырдық», - дейді кәсіпкер.</blockquote>Осылайша Талғат Ембергенов одан кейін де Өңірлік орталықтан кәсібін дамытуға бірнеше рет несие алып, аяққа тұрып кетеді. Несие мемлекеттік бағдарлама аясында жеңілдікпен 6 пайызбен берілген.Кәсіпкер Қазалы ауданында тұрғын үй, ғимараттарға арналған баспалдақтар, түрлі жихаздар шығарады.<blockquote>«Алғашқыда айына 1-2 тапсырыс қана түсетін. Қазір халықтың бізге сенімі артты. Айына ең кемі 30 тапсырыс аламыз. Бұдан да көп қабылдауға болатын еді, бірақ әзірге бізге тиімсіз болып тұр. Себебі жабдықтарымыз жартылай автоматтандырылған. Бұл жағдайда адам қолы көбірек керек. Ал ол қосымша шығын», - дейді Талғат Ембергенов.</blockquote>Кәсіпкер қазір 8 адамды жұмыспен қамтып отыр. Өнім жасауда жаңа деңгейге шығуды көздеуде. Қазір шығарып жатқан өнімдерімен қоса, ерекше балаларға қажет ойыншықтар жасауды қолға алмақ. Ол үшін алдағы 2 жылдықта құрал-жабдықтарының барлығын автомоттандыруды жоспарлауда.Ол замандастарын кәсіппен айналысуға шақырады. Өнім шығарып, тұрғындарға жұмыс тауып беру арқылы еліміздің дамуына әр адам үлес қоса алады деген сенімде.<img src="https://knadmin.beoblood.kz/uploads/K_sip_6e91443821.jpeg" alt="Кәсіп.jpeg">Фото: «Қызылорда» Өңірлік инвестициялық орталығы

Қазалылық кәсіпкер ағаш бұйымдарынан мүмкіндігі шектеулі балаларға ойыншық жасамақ

&nbsp;<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде қазақ поэзиясының жарық жұлдызы Мұқағали Мақатаевтың туған күніне арналған әдеби-сазды кеш өтті.Кеш барысында студенттер ақын өлеңдерін жатқа оқып, Мұқағалидың шығармашылығына арналған әндерді орындады.Тағлымды шара жастардың әдебиетке деген сүйіспеншілігін арттырып қана қоймай, Мұқағали мұрасының мәңгілік екенін тағы бір дәлелдеді.Кешке белгілі ақындар, университеттің түлектері, оқытушылар құрамы мен студенттер қатысты.Сонымен қатар, кеш қонақтары ақын туралы өз ойларымен бөлісіп, оның мұрасының ұрпақтан-ұрпаққа жалғасатынын ерекше атап өтті.Фото: Қорқыт ата атындағы ҚУ

«Мұқағали мәңгі жыр» атты әдеби-сазды кеш өтті

<a href="https://kyzylorda-news.kz/">Kyzylorda-news.kz</a>&nbsp; Ісін жаңадан бастаған инвесторлар қандай қателіктер жіберулері мүмкін екендігі жөнінде Fingramota.kz-пен бірге қарастырайық!Ойластырылмаған стратегияІсін жаңадан бастаған инвесторлардың басты қателіктерінің бірі — нақты стратегияның және мақсаттардың болмауы. Қор нарығында ісін жаңадан бастаушылар көп жағдайда тәуекелге бел буып, бірден көп кіріс алуды қалайды. Олар тәуекелдерге талдау жасамай, кірістілігі жоғары акциялар сатып алады. Бұл олардың бүкіл салған қаржысын жоғалтып алуына әкелуі мүмкін.&nbsp;Егер сіз ұзақ мерзімге инвестиция салып, табыс тапқыңыз келсе, алдымен стратегия құрып алыңыз. Бұл ретте, сіз қандай активтермен сауда жасайтыныңызды, мәмілелерді қаншалықты жиі жасайтыныңызды және шешім қабылдау кезінде нені басшылыққа алатыныңызды &nbsp;білу маңызды. Қарапайым стратегиялардан бастаңыз, тәжірибе жинақтаған соң күрделіге көшіңіз.Қысқа мерзімді көрсеткіштерді пайдалануІсін жаңадан бастаған инвесторда сапалы талдау болмаса, ол акцияларды оның соңғы жыл ішіндегі, ай, тіпті бір апта ішіндегі кірістілігін басшылыққа ала отырып сатып алулары мүмкін. Бұл инвестордың қысқа мерзімді көрсеткіштерді ғана болжап отырғанын білдіреді. Сондай оның шешіміне достарының, әріптестерінің, таныстарының және туысқандарының пікірлері де әсер етуі мүмкін. Нәтижесінде ол мұндай акциялар жоғары кіріс әкеледі деген сеніммен жоғары бағамен акциялар сатып алу тәуекеліне барады, одан кейін оның құны күрт түсіп кеткенін көреді. &nbsp;Компанияның акцияларының бағасы өзгеріп, құбылмалы болып, бағасы бір көрсеткіште тұрмайды. Тәжірибесі жоқ инвестор бір компанияның акцияларын сатып алуы мүмкін, алайда жағымсыз ішкі немесе сыртқы факторлардың салдарынан осы компанияның акцияларының құны түсіп кетуі мүмкін. Одан қорқып қалған инвестор тіпті бұл кірістен айырылып, шығынға ұшыратса да акцияларды сатып жіберуге асығады. &nbsp;&nbsp;Ісін жаңадан бастаған инвесторлармен салыстырғанда тәжірибелі инвесторлар &nbsp;неғұрлым тұрақты және құбылмалылығы төмен акцияларға басымдық береді. Баға неғұрлым аз құбылып тұрса, болжам соғұрлым дәл болады. Тәжірибелі инвесторлар нәтижеге тез жетуге ұмтылу және эмоциямен жасаған әрекеттер көбінесе шығынға әкелетінін жақсы біледі.Сондай-ақ, брокерлердің мүдделерін де ескеру маңызды. Олар мәмілелер үшін жоғары комиссия алуға мүдделі және олардың мүдделері инвесторлардың мүдделерімен сәйкес келмеуі мүмкін. Брокерлер үшін мәмілелердің жасалғаны, ал қағаздар портфельде ұзақ уақыт қалмағаны маңызды. Бұл факторды инвестициялық стратегияда ескеру қажет.Консервативті стратегияТіпті бағалы қағаздарға салған кезде де ортасын сақтау маңызды, шектен тыс консервативтілік те қажет, бірақ ол оң нәтижелерге әкеле бермейді. Консервативті тәсіл биржада сауда-саттық басталған кезде өзін ақтайды. Бұл тәсіл кірістілігі төмен және тұрақты, сол сияқты тәуекелі орташа аздаған қағаздар болуы мүмкін неғұрлым теңдестірілген инвестициялық портфель туралы білімнің жетіспеуінен туындауы мүмкін.Бұл стратегияда мүмкіндікті жіберіп алмаған және бағалы қағаздарды сатуда немесе сатып алуда ұзақ күтпеген маңызды.«Fortuna»-ға сенуЖаңадан бастаған инвесторлар көбінесе акцияларды тек сәтінің түсуіне немесе олардың қысқа мерзімді кірістеріне сүйеніп сатып алады, бұл болашақта үлкен шығындарға әкелуі мүмкін. Белгілі инвестор Уоррен Баффет айтқандай: «Түсінген нәрсеңізге инвестиция салыңыз және эмоцияңыздың шешімдеріңізді басқаруына жол бермеңіз».Сондықтан, акцияларды сатып алмас бұрын, компанияға байыппен қаржылық талдау жүргізіп, тарихын зерттеп, жалпы көрсеткіштеріне және беделіне көңіл аудару қажет. Сонымен бірге ел экономикасындағы, нарықтағы, саладағы және жалпы әлемдегі ахуал сияқты сыртқы факторлар да бар. Компанияның бизнес-жоспарын, жылдық есептерін және даму стратегиясын мұқият зерделеу қажет. Осы деректерді зерттеу арқылы талдау жасау үшін қажетті пайдалы дағдылар мен табысты инвестордың тәжірибесін алуға болады.Мерзімдерді дұрыс бағаламауЖаңа инвесторлар көбіне қысқа мерзімде табыс табуға тырысады. Бұл көбіне қателіктерге әкеледі, себебі бұл тәуекелі жоғары және көп жарнама жасалған акцияларды сатып алуға итермелейді. Нәтижесі: жаңадан бастаған адам ақшасын тез жоғалтып, инвестициялаудан да көңілі қалады. Ол үшін жаңадан бастаған инвестор «лонг» және «шорт» мәмілелердің түрін мұқият зерделеуі керек. «Лонг» акцияларды ұзақ мерзімді перспективада олардың өсуіне қарай сатып алуды көздейді. Мәміленің бұл түрі көп білімді қажет етпейді, акцияларды сатып алып, өскенін күтуге болады. «Шорт» қысқа мерзімді мәмілелерді білдіреді. Бұл жағдайда трейдер акцияларды брокерден қарызға алады, оларды «сол күнгі» бағамен сатады, кейінірек айырмасын өзіне қалдырып, одан да төмен бағамен сатып алады. Бірақ мәмілелердің бұл түрі инвестордың жоғары біліктілігін талап етеді, себебі бұл – күрделі және тәуекелді процесс.&nbsp;Сондықтан жаңадан бастаған адамның «лонг» мәміледен бастағаны жақсы әрі жеңіл болады.Барлық активті бір себеткеТек бір компанияның және тек бір саланың (мұнай секторы, банк, сақтандыру және басқалары) акцияларын сатып алу арқылы сіз ақшаңызды жоғалтуыңыз мүмкін. Бұл жағынан алғанда экономиканың түрлі салаларындағы бірнеше компанияның акцияларынан қоржын құру қажет. Әртараптандырылған портфель ең қолайлы болып табылады, себебі бір компанияның акциялары төмендеген кезде, басқалардың акциялары қаражатты жоғалтпай, инвестицияларды теңестіруге көмектеседі. Мысалы, егер бір бағалы қағаз құлдыраған кезде салымыңыздың тек 10%-ын жоғалтуға әкелетін болса, екіншісі 50% кіріс алуға көмектесуі мүмкін. Сонымен бірге инвестициялаудағы сараланған тәсіл сізді бір лотқа салған салымыңыздан гөрі көбірек кіріс әкелуі мүмкін.Ірі компанияларды ғана емес, шағын және орта бизнес компанияларын да қарастырған жөн.Қызмет көрсетумен байланысты комиссиялар мен шығыстарды дұрыс есептемеу&nbsp;Брокердің қызмет көрсетумен байланысты тіпті 2,5%-ды құрайтын комиссиясы, мысалы 10-20 жылдан кейін кем дегенде сіздің қор нарығындағы тұтастай кезеңдегі кірісіңіздің жартысын немесе одан астам мөлшерді құрауы мүмкін.Мысалы, 2,5%-ды құрайтын комиссиямен орташа жылдық кірістілігі 10% болатын 10 000 АҚШ доллары мөлшеріндегі инвестициялар жағдайында кірістіліктің шамамен 60%-ын жұтып қояды. Сондықтан инвестор басқарумен байланысты барлық комиссияны, сондай-ақ қаражаттың енгізілуі мен шығарылуын ескеруі керек. Басқа ілеспе шығыстарды айтпағанның өзінде осылай болуы тиіс. Бұл шығыстарды алдын ала есептеген жөн.Кірістілік кепілдігіҚазақстан Республикасы Қаржы нарығын реттеу және дамыту агенттігінің сайтында инвестициялық қызметтер көрсететін лицензияланған брокерлер мен дилерлердің тізімі бар.Алайда, интернет арқылы жарнамалық роликтерде алаяқтықтың белгісі болып табылатын жоғары кірістілікке кепілдік беретін ұйымдар бар. Әдетте, оларда қаржы реттеушісі берген лицензия болмайды.Инвестициялардың әрқашан тәуекелмен қатар жүретінін білу қажет, &nbsp;сондықтан ешкім, соның ішінде лицензиясы бар брокерлер де жоғары кірістілікке кепілдік бере алмайды.Инвестициялаудың өзіндік тәуекелдері болады.&nbsp;Барлық жағымсыз сценарийлерді алдын-ала болжау, сондай-ақ алдын-ала толыққанды есептеулер жүргізу өте қиын. Сіз негізгі қажеттіліктерді анықтап және сізде кредиторлар болмайтын, кемінде бір жылға қауіпсіздік жастықшаңыз болған уақытта ғана компанияның акцияларына ақша салуға болады. Тағы бір қате әрі қауіпті қадам инвестициялар үшін алғашқы операуцияларға қарызды, оның ішінде достарыңыздан/таныстарыңыздан алған қарызды немесе кредитті, оның ішінде брокерден алған кредитті пайдалану болып табылады. Сіз сәтсәз инвестициялар нәтижесінде бұл ақшаны жоғалтып қана қоймай, банкке немесе брокерге қарыз болып қаласыз. Шығындарды азайту үшін аз мөлшердегі қаражаттан керек.Сондай-ақ, брокерлік компаниямен инвестициялау үшін келісімге қол қоймас бұрын, оның беделін тексеру маңызды. Брокердің ҚР Қаржы нарығын реттеу және дамыту агенттігі берген лицензияның бар екеніне көз жеткізіңіз. Мұны қаржы реттеушісінің www.gov.kz сайтынан және Қазақстан қор биржасының сайтында www.kase.kz сайтынан білуге болады. Лицензиясы жоқ брокерлермен жұмыс істеу&nbsp;сіздің барлық қаражатыңыздың жоғалуына әкеп соғуы мүмкін. Сондықтан қаржы реттеушісінің сайтында қол жетімді болатын жосықсыз компаниялардың тізімін мұқият қарап шығыңыз. Инвестициялық брокерлік компанияның консультантымен шартқа қол қоймас бұрын ТАЛАПТАРМЕН МҰҚИЯТ ТАНЫСЫП ШЫҒЫҢЫЗ. Шартты заңгерге көрсетіп, сарапшылардан консультация алған дұрыс.<img src="https://knadmin.beoblood.kz/uploads/fingramota_f73e4d9d80.png" alt="fingramota.png">Есіңізде болсын, компаниялар әртүрлі себептермен жабылуы мүмкін және алдағы ұзақ мерзімді кезеңде сіздің инвестицияларыңыздың табысты болатынына ешкім кепілдік бере алмайды. Бағалы қағаздар мен акцияларға инвестициялар салу әрқашан тәуекелдермен байланысты. Алайда, дұрыс әрекет жасаған және нарықты үнемі зерттеп отырған жағдайда сіз бұл тәуекелдерді азайта аласыз.&nbsp;Оқыңыз, дамыңыз, арнайы ақпаратты зерттеңіз және өзіңіздің қаржылық сауаттылығыңызды үнемі арттырып отырыңыз!fingramota.kz

Ісін жаңадан бастаған инвесторлардың басты қателіктері: қалайша олардың алдын алуға болады?

<a href="https://kyzylorda-news.kz/">Kyzylorda-news.kz</a> Елімізде бұдан былай бензин мен дизельді үстіне баға қосып сатқан компаниялардың табысының 80 пайызын мемлекет алып отырады. Ұлттық экономика министрлігі жанармай саудасына қатысты жаңа қаулы дайындады. Бұл туралы <a href="https://stan.kz/endi-elimizde-benzin-men-dizeldin-ustine-baga-kosip-sat-413478/">Stan.kz</a> ақпарат агенттігі Информбюро арнасына сілтеме жасап хабарлайды.Заң күшіне енсе мұнай өнімін өндірушілер мен сатушыларға қосымша салық ретінде салынып жүрген акциз мөлшері көбеймек. Осы орайда бұл жанармай бағасына әсер ете ме, деген сауал туындайды.Ұлттық экономика министрлігі салық және кеден саясаты департаментінің бас сарапшысы Жазира Мыңбаеваның сөзінше, баға өсетін болса, оған қосымша аксиц салынады.<blockquote>“Мемлекеттік бағаны алып тастаған кезде мұнай өнімдерін өндірушілер мен сатушылардың маржаларының артуына әкеліп соғады. Баға өсетін болса, сол бағаға қосымша акциз салынады. Бұл үстеме салық сияқты”, – деді Мыңбаева.</blockquote>Министрлік жанармай қымбатшылығының салдарын осылай жеңілдетпек. Акциз түрінде бюджетке түскен қаражат кейін жәрдемақыны, зейнетақы мен бюджетке жұмыс істейтіндердің жалақысын арттыруға мүмкіндік береді деген жоспар бар.Ал экономистердің пікірінше, отын сатушылар бұл салық түрін де шығынға санап, бензин мен дизельдің инфляциясына әкелуі мүмкін.<blockquote>“Акциз салығы бензин мен дизельді қымбаттатып, пайда тапқысы келгендердің табысын алып қоя берген соң баға өседі. Жанармай компаниялары кірісті арттыру үшін осындай қадамға барады. Осылайша бағаның артынан баға қуу бәйгесі басталады деген қауіп бар. Сондықтан Үкіметтің осы мәселені ескергені жөн. Инфляциялық спираль пайда болса жалпы экономикаға кесірі тиеді”, –&nbsp;деді экономист Арман Бейсембаев.&nbsp;</blockquote>Экономистің пікірінше, акцизді көбейту бензин мен дизель қымбатшылығын ырықта ұстайтын жаңа әдіс болуы да мүмкін.Айта кетейік, әзірге жанармай нарығында бағаның өскені, не түскені байқалған жоқ.Фото: Нұрболат Нұржаубай

Бензин мен дизельдің үстіне баға қосып сатқандар табысының 80 пайызын мемлекетке береді

<a href="https://kyzylorda-news.kz/">Kyzylorda-news.kz</a> Ахмет Ясауи университетінің ғалымдары оқу орны кампусында жасыл энергетиканы дамыту және тұрақты даму мақсатында жалпы қуаты 30 кВт болатын күн электр станциясын іске қосты. Бұл туралы <a href="https://kaz.inform.kz/news/ahmet-yasaui-universitetnn-galimdari-kun-elektr-stantsiyasin-ske-kosti-fd56bb/">ҚазАқпарат</a> Ғылым және жоғары білім министрлігіне сілтеме жасап хабарлайды.Бұл станция «Күн энергетикасы саласында STEM жобаларды іске асыру негізінде студенттердің зерттеушілік және инженерлік іс-әрекеттерін дамыту» атты гранттық жоба шеңберінде құрылды. Жоба студенттердің оқу-тәжірибелік жұмыстарына да орасан пайда әкеледі деп жоспарланған.Күн электр станциясы инженерлік-техникалық бағыттағы болашақ мамандарды даярлау үдерісіне елеулі үлес қоспақ. Білім алушылар күн панельдерінің өнімділігін өлшеу, инсоляция бұрышының әсерін зерттеу, жылу мен шаңданудың ықпалын талдау сияқты оқу-зерттеу жұмыстарын жүргізеді. Сонымен қатар студенттерге панельдердің орналасуын оңтайландыру, тиімді түрлендіргіштерді пайдалану, аккумуляция жүйелерін интеграциялау, күн энергетикасын физика, инженерия және экология сабақтарына енгізу арқылы жобалық және зертханалық жұмыстарды ұйымдастыру мүмкіндігі беріледі. Бұған қоса, экономикалық және экологиялық талдау жүргізу мен цифрлық басқару жүйелерінде жұмыс істеуге дағдыланады.&nbsp;Жас зерттеушілер күн электр станциясының жұмысын бақылау және басқару үшін SolarMan SMART платформасын қолдана алады. Бұл жүйе инвертордың жұмыс көрсеткіштерін онлайн режимде қадағалауға, деректерді талдауға, ақауларды анықтауға және қашықтан басқаруға мүмкіндік береді. SolarMan SMART сервері арқылы нақты уақыттағы өнімділік, өндірілген және тұтынылған энергия көлемі, жүйенің тиімділігі туралы толық ақпарат алуға болады.Күн электр станциясының басты артықшылықтарының бірі – кампустың энергетикалық тәуелсіздігін арттыру және экологиялық таза энергия көздерін қолдану. Мұндай жобалар студенттердің зерттеу дағдыларын дамытуға, теориялық білімді нақты практикалық қолданумен байланыстыруға және жаңартылатын энергия көздерінің маңыздылығын түсінуге ықпал етеді.Ахмет Ясауи университетінің ғалымдары бұл жоба еліміздегі жоғары оқу орындарында жасыл энергетика мен тұрақты даму қағидаттарын енгізудің жарқын үлгісі болады деп сенеді.Фото: Ғылым және жоғары білім министрлігі

Ахмет Ясауи университетінің ғалымдары күн электр станциясын іске қосты

<a href="https://kyzylorda-news.kz/">Kyzylorda-news.kz</a> Қосшыңырау ауылдық округінің әкімі Сейдуали Әбдіқадыров бұқаралық ақпарат құралдарының өкілдеріне өткен жылы ауылдық округ көлемінде атқарылған жұмыстар мен алдағы жоспарлар бойынша баспасөз конференциясын өткізді.<blockquote>- «Елдi мекендердi абаттандыру мен көгалдандыру» бағдарламасы аясында Абай, Досан ауылдарындағы балалар ойын алаңдары ағымдағы жөндеуден өтіп, ауыл көшелеріне ағымдағы жол жөндеу жұмыстары жүргізілді. Сонымен қатар, үнемделген қаржы есебінен 2 аялдама орнатылды. Биыл округке қарасты Досан елді мекенін талапқа сай электр қуатымен қамтамасыз ететін боламыз. Сондай-ақ, осы ауылдағы №2, №12, №7 көшелерге тас жол төсеу, Абай ауылына жарық бағаналарын орнату жоспарланған, - деді ауылдық округ әкімі Сейдуали Әлайдарұлы. &nbsp;</blockquote>Ауылдық округте 363 кәсіпкерлік нысан жұмыс істейді. Өткен жылы жаңадан 74 кәсіпкерлік нысан тіркеліп, мемлекеттік бағдарламаларға жүгінген кәсіпкерлердің &nbsp;152 млн.теңгені құрайтын 19 жобасы қаржыландырылды. Оның ішінде, 12 тұрғын мемлекеттік қайтарымсыз грант иеленіп, өз кәсіптерін бастады. Ауыл шаруашылығы саласы бойынша 1659 гектар жерге күріш, 854 гектар жерге ескі жоңышқа және 110 гектар жерге жаңа жоңышқа, 92 гектар жерге бидай егілді. Ал мал саны 15 015 басқа жетті.Фото: Қызылорда қаласының әкімдігі

Қосшыңырау ауылдық округі: Алдағы міндеттер айқын

<a href="https://kyzylorda-news.kz/">Kyzylorda-news.kz</a> Қазақстандық арнайы бөліністердіңкомандалары БАӘ-ден елге оралды. Халықаралық «UAE SWAT Challenge» жарыстарында мемлекет намысынқорғап, үздік нәтиже көрсетті.Элиталық турнирдің жүлдегерлері мен қатысушыларын елорда әуежайында жақындары, әріптестері, сондай-ақ күштік құрылымдардың басшылығы салтанатпен қарсы алды. &nbsp;<blockquote>«Жауынгерлеріміздің жетістігі - бұл жеке жеңістері ғана емес, бүкіл Қазақстанның жеңісі. Бұл еліміздің күштік құрылымдарының қауіпсіздікті қамтамасыз ету бойынша міндеттерін тиімді орындауға әрдайым дайын екендіктерін көрсетеді. Сіздер баршаға өз күштеріңізді, төзімділік пен кәсібиліктеріңізді көрсетіп, әлемдік деңгейде арнайы бөліністердің элитасы арасында еліміздің позициясын нығайттыңыздар», - деді Ішкі істер министрі Ержан Саденов.</blockquote>Бес күн бойы өткізілген «арнайы жасақ арасындағы олимпиада» әлемнің түкпір-түкпірінен 100-ден астам команданы біріктірді. Қазақстанның күштік құрылымдарының атынан 12 команда қатысты.Әлемнің үздік жауынгерлері шынайы операциялар негізінде жасалған бес күрделі кезеңнен өтті. Әртүрлі тактикалық сценарийлер бойынша әзірленген сынақтар әлемдік стандарттарға сай жабдықталған Дубай полициясының оқу орталығының базасында жүргізілді. Бұл тактикалық операциялар, шабуылдау, адамдарды құтқару, биік нысандарды еңсеру және кедергілерден өту.Тартысты турнирде қазақстандық командалар жеделдік, ұйымшылдық, дәлдік және біліктіліктерін көрсетті. ІІМ «Сұңқар» командасы үш кезеңде жүлделі орынға ие болды - олардың екеуі «алтын». Жалпы көрсеткіш бойынша«Сұңқар» сайыпқырандары жарыстың күміс жүлдегері атанды.Басқа да командалар қазақстандық жанкүйерлерді жоғары нәтижелерімен қуантты. Екінші кезеңде Мемлекеттік күзет қызметінің «Sardar А» командасы «алтын» алса, ҚР ҰҚК-ның «Arystan Team» командасы екі кезеңде үздік үштіктен көрінді.ҚР ІІМ-нің «Tomiris» әйелдер командасы ерекше көзге түсті. Қазақстан атынан нәзік жандылардың құрамасы мұндай жарысқа алғаш рет қатысуда. Бәсекелестіктің жоғарылығына қарамастан олар әйелдер командалары арасында 2-ші орынға ие болды.Арнайы бөліністер арасындағы бұл турнир биыл алтыншы рет өткізілді. Әр жыл сайын қатысушылар саны да артып келеді. Аталмыш сайысқа алғаш рет 2019 жылы ІІМ Ұлттық ұланының командасы қатысқан. 2023 жылдан бастап бұл қатарға еліміздің басқа да арнайы бөліністері белсенді түрде қосыла бастады.Өткен жылы қазақстандық арнайы бөліністердің арасында ҚР Мемлекеттік күзет қызметінің «Sardar» командасы елімізге тарихи жеңіс – жүлделі үшінші орынды сыйлады. Олар тек Дубай полициясының екі командасына есе жіберген болатын.Турнир заманауи тәсілдер бойынша тәжірибе алмасуға, арнайы жасақтың дайындық деңгейі мен халықаралық ынтымақтастықты арттыруға септігін тигізіп, жалпы жаһандық қауіпсіздікті нығайтуға оң әсер етеді.<img src="https://knadmin.beoblood.kz/uploads/Ishki_ister_ministrligi_2_ba61139fc3.jpeg" alt="Ішкі істер министрлігі 2.jpeg">Фото: Ішкі істер министрлігі

Қазақстандық арнайы жасақтардың командалары халықаралық жарыстан елге оралды

<a href="https://kyzylorda-news.kz/">Kyzylorda-news.kz</a> Қызылорда жүк тасымалы бөлімшесінің Сексеуіл станциясынан 2024 жылы жаңа кен орнында өндірілетін темір кені – жүктің жаңа түрін тасымалдау басталды. 2024 жылдың соңғы екі айында 2 мың тоннадан астам кен шығарылды.Жаңақорған станциясынан 2024 жылдың наурыз айынан бастап сөндірілмеген әктас сәтті тасымалданып келеді. Осы кезеңде 24 мың тоннадан астам тасымалданды.&nbsp;Шиелі станциясынан Қазақстанның батыс өңіріндегі автожолдар үшін белсенді пайдаланылатын минералды ұнтақты тасымалдау басталды. 2024 жылы осы материалдың 10 мың тоннасынан астамы тиелді.Қызылорда станциясы түрлі-түсті және айна әйнектерін тасымалдауға кірісті. Осы жылдың 11 айында шыны зауытының өнімдерін әкету үшін 2,2 мыңнан астам вагон берілді. Тасымалдардың жалпы көлемі 148 мың тоннадан асты, бұл өткен жылдың сәйкес кезеңімен салыстырғанда 63,4% артық.Жүктердің жаңа түрлерін тасымалдау теміржолшылардың қызмет көрсету аясын кеңейтеді және аралас салалардың дамуына ықпал етеді.Батырхан Базарбаев,Қызылорда облыстық мәслихатының депутаты,&nbsp;"ҚТЖ-Жүк тасымалы" ЖШС "ГП Қызылорда бөлімшесінің" директорыФото: автордан

Жүк тасымалы аралас салалардың дамуына ықпал етеді

<a href="https://kyzylorda-news.kz/">Kyzylorda-news.kz</a> «Болашақ» университетінде&nbsp;«Қазақстан Республикасы Бас Прокуратурасы құқықтық статистика және арнайы есепке алу жөніндегі комитетінің қызметкерлерімен «Құқықтану» және «Құқық қорғау қызметі» білім беру бағдарламаларының білім алушылары арасында кездесу өтті.Кездесудің мақсаты – білім алушыларға құқықтық статистика және есепке алу органдары қызметінің негізгі бағыт-бағдарларын, комитетпен жүзеге асырылатын жұмыстардың заманауи ерекшеліктерін, Мемлекет басшысының 2024 жылғы 2 қыркүйектегі «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына жолдауын қоғамдағы заң мен тәртіп иедологиясын жан-жақты талқылау, сонымен қатар &nbsp;қызметке қабылдау мен орналасу тәртібі бойынша түсіндіру жұмыстарын жүргізу.Шараны ұйымдастырған «Қазақстан Республикасы Бас Прокуратурасы құқықтық статистика және арнайы есепке алу жөніндегі комитетінің қызметкерлері қылмыстық саладағы құқықтық ақпаратты қалыптастыру бөлімінің бастығы&nbsp;Е.Жукашев, қылмыстық саладағы құқықтық ақпаратты қалыптастыру бөлімінің прокуроры Т.Искаков, ақпараттандыру және&nbsp;ақпараттық қауіпсіздік жөніндегі аға прокуроры А. Көпболсын білім алушыларға тақырып аясындағы мәселелерді егжей-тегжейлі баяндады.Кездесуде қызметкерлер білім алушыларға «Тәртіпті өзіңнен баста»&nbsp;тақырыбы аясында комитетпен жүргізіліп жатқан жобалардың «Qamqor.gov.kz» порталы интернет-ресурс сайты арқылы толық көруін, қолжетімділігін, қылмыстық құқық бұзушылық пен географиялық&nbsp;карталарын, жол-көлік оқиғасының картасы бойынша «Ақпараттық-сервис» жүйесін қолданылуын терең түсіндірді.Білім алушылар арасында комитеттің прокурорлық қадағалау мен ІТ-технологияларды қолдану бөлігіндегі өзіндік қызметтің ерекшелігі мен &nbsp;қоғамдағы беделі айрықша қызығушылық тудырды. Қызметке қабылдау тәртібі, кәсіби &nbsp;шыңдалу тағылымдамасынан өту туралы мансаптық өсу мәселелері атап өтілді. Сонымен қатар, білім алушылар қылмыстық істерді тергеп-тексеру мен әкімшілік құқық бұзушылықтар туралы істерге арналған процестерге ІТ-технологияларды енгізу туралы жұмыс барысымен &nbsp;танысып мағлұмат алды.Кездесуде «Құқықтану және қоғамдық пәндер» кафедрасының з.ғ.к., профессоры Молдабек Меңлібайұлы Ахметов осындай білім алушы жастарға арналған кездесулердің жиі өткізіліп, басқосулар болашақ мамандарға пайдасы зор деп пікірін білдірді.Прокурорлар заңның барлық азаматтарға бірдей екенін түсіндіріп, қоғамдағы тәртіп бұзу фактілері анықталған жағдайда қалай әрекет ету қажеттілігі туралы түсіндірді. Кездесу ашық диалог формасында өтіп, білім алушылармен ұстаздар қауымы сауалнамалар қойып сұрақ жауап алмасты.Кездесу соңында «Құқықтану және қоғамдық пәндер» кафедрасының меңгерушісі з.ғ.к. проф.м.а., Гулнар Ишанбекқызы Аргинбекова прокуратура қызметкерлеріне осындай шараны бірлесіп ұйымдастырғаны үшін алғысын білдірді.<img src="https://knadmin.beoblood.kz/uploads/Prokuratura_5887ca8c02.jpg" alt="Прокуратура.jpg">

Прокуратура қызметкерлері студенттермен кездесті

<a href="https://kyzylorda-news.kz/">Kyzylorda-news.kz</a> Арал-Сырдария бассейндік инспекциясының Қызылорда және Түркістан және облыстарынан бөлек, Шымкент қаласында бөлімдері бар. Бассейннің өзегі болған Сырдария өзені Нарын мен Қарадария өзендерінің қосылған жерінен бастау алады.Өзеннің Қазақстан қамтитын жалпы ұзындығы 1746 шақырымды құрайды, оның 465 шақырымы Түркістан облысы және 1281 шақырымы Қызылорда облысы төңірегінен өтіп, Солтүстік Арал теңізіне құяды. Салада атқарылған жұмыстардың бірқатарын Су ресурстарын реттеу, қорғау және пайдалану жөніндегі Арал-Сырдария бассейндік инспекциясының басшысы Зейнулла Қазтоғанов Өңірлік коммуникациялар қызметінің ақпарат алаңында баяндап берді.<blockquote>- Инспекцияда су шаруашылығы жағдайы туралы мәліметтер күнделікті есепке алынып, мәліметтерге мониторинг жасалып келеді. Арал-Сырдария бассейндік инспекциясы негізгі міндеттерін Қазақстан Республикасы Су Кодексінің 40 бабының талаптарына сәйкес жүзеге асырады. Инспекцияның негізгі функциялары: бассейндiк принцип негiзiнде гидрографиялық бассейннiң су ресурстарын кешендi басқару, оң экономикалық әсерге, орынды, әдiл және экологиялық жағынан тұрақты су пайдалануға қол жеткізу мақсатында су қатынастары субъектiлерiнiң су ресурстарын пайдалану жөніндегі қызметiн үйлестiру, су қорын пайдалану мен қорғау, жеке және заңды тұлғалардың Қазақстан Республикасының су заңдарын сақтауына мемлекеттік бақылауды жүзеге асыру. Арал-Сырдария бассейндік инспекциясымен мемлекеттік қызметтің 4 түрі көрсетіледі. Олар: Арнайы су пайдалануға рұқсат, су объектiлерiнде, су қорғау аймақтары мен белдеулерiнде кәсiпорындар мен басқа да құрылыс жайларды орналастыруды, сондай-ақ құрылыс және басқа да жұмыстар жүргiзу шарттарын келісу, Арнайы су пайдалану құқығын жүзеге асыратын жеке және заңды тұлғалардың суды алу немесе ағызу құрылыстарында немесе құрылғыларында орнатылатын суды есепке алу аспаптарын пломбалау, Тіркеу шифрларын беру үшін бөгеттің қауіпсіздігі декларациясын тіркеу,- деді Зейнулла Молдағалиұлы.</blockquote><img src="https://knadmin.beoblood.kz/uploads/Su_ory_t_ra_ty_ba_ylauda_a3a2395211.jpg" alt="Су қоры тұрақты бақылауда.jpg">Фото: Нұрболат Нұржаубай

Су қоры тұрақты бақылауда

<a href="https://kyzylorda-news.kz/">Kyzylorda-news.kz</a> Қызылорда облысы халқының саны 2025 жылдың 1 қаңтарында 846,3 мың адам болса, оның ішінде қала халқы 398,4 мың адам және ауыл халқы – 447,9 мың адамды құрады. Сондай 1 жылдың қорытындысы бойынша аймақтың әлеуметтік-экономикалық дамуында да өсім байқалады.&nbsp;Өңдеу өнеркәсібі – 19,6%, ауыл шаруашылығының жалпы өнімі – 2,3%, негізгі капиталға салынған инвестициялар – 21,7%, құрылыс жұмыстары көлемі – 53,8%, пайдалануға берілген тұрғын үйлер көлемі– 16,9% және сауда көлемі – 6,6% артқан. Бұл туралы ҚР Статистика агенттігі Қызылорда облысы бойынша статистика департаменті мемлекеттік мекемесінің басшысы Қайрат Әбсұлтанов Өңірлік коммуникациялар қызметінің ақпарат алаңында мәлімдеді.<blockquote>- Өнеркәсіп саласындағы көрсеткіш 2023 жылдың қаңтар- желтоқсанымен салыстырғанда 19,6% өсті. Сондай-ақ, өңірімізде 12 айдың қорытындысы бойынша 3695 тұрғын ғимараттары, оның ішінде 3403 жеке тұрғын үйлер және 287 көппәтерлі тұрғын үйлерді пайдалануға берілді. Олардың жалпы ауданын 2023 жылмен салыстырғанда 16,9%–ға өсіп, 866 мыңнан астам шаршы метрді құрады. Соның ішінде көппәтерлі тұрғын үйлердің жалпы алаңы 90,8%-ға, пайдалануға берілген жеке тұрғын үйлердің жалпы алаңы 5,1%-ға көбейді. Халық саны қаншалықты артты? Соңғы 5 жылдың ішінде халықтың саны 42,8 мың адамға өскендігі байқалады. Бала туу көрсеткішінің үздіксіз өсуі аймақ тұрғындарының әлеуметтік жағдайының жақсара түскендігін және халықтың жастығын көрсетеді. Яғни босанатын жастағы әйелдер саны көп. Бір қуанарлығы, 5-6, тіпті 7-ші перзентін дүниеге әкелген алтын құрсақты аналардың саны да кейінгі кезде артып отыр. Жалпы біздің өңірдің туу көрсеткіші және табиғи өсімі тұрақты. Облыстар арасында 1000 тұрғынға шаққанда туу көрсеткіші және табиғи өсім көрсеткіші бойынша тұрақты төртінші орындамыз,- Қайрат Байғабылұлы.</blockquote><img src="https://knadmin.beoblood.kz/uploads/Oblys_hal_yny_sany_artuda_448e2f1915.jpg" alt="Облыс халқының саны артуда.jpg">Фото: Нұрболат Нұржаубай

Қазақстан және Қызылорда облысының жаңалықтары