<a href="https://kyzylorda-news.kz/">Kyzylorda-news</a> Қазақстан Республикасы Конституциясының ең маңызды және алғашқы бабында еліміздің ең қымбат қазынасы адам және адамның өмірі, құқықтары мен бостандықтары делінген. Сондықтанда адамның құқықтары мен бостандықтарын әржақты қорғау - біздің мемлекетіміздің басты функциясы, ең бірінші мақсаты.Қазақстан Республикасындағы Адам құқықтары жөніндегі уәкіл бас бостандығынан айырылған азаматтардың құқықтарын қорғауды қамтамасыз ету үшін Азаптаулардың және басқа да қатыгез, адамгершілікке жатпайтын немесе ар-намысты қорлайтын іс әрекеттер мен жазалау түрлерінің алдын алу жөніндегі Ұлттық алдын алу тетігінің қатысушыларының жұмысын үйлестіреді.1998 жылы Қазақстан БҰҰ-ның азаптауларға және басқа да қатыгез, адамгершілікке жатпайтын іс-әрекеттер мен жазалауға қарсы Конвенциясын, 2008 жылы осы Конвенцияныңфакультативтік хаттамасын ратификациялады.2013 жылы 2 шілдеде Мемлекет басшысы азаптауға қарсы Конвенцияның факультативтік хаттамасына сәйкес қабылдаған міндеттемелерді орындау мақсатында азаптауға қарсы ұлттық алдын алу тетігін құру туралы Заңға қол қойды.Ұлттық алдын алу тетігі құрылғаннан бері, он жыл ішінде оның қатысушылары құқық қорғау органдарының, пенитециарлық мекемелер әкімшілігінің жұмысында бас бостандығынан айырылған адамдарды ұстау, азаптау, қатыгездік пен жазалауға байланысты бірқатар елеулі бұзушылықтарды анықтай алды.Жыл сайын Ұлттық алдын алу тетігі қатысушылары 500-ге жуық алдын-алу қатысуларды жүзеге асырады. Әр қатысудың қорытындысы бойынша тиісті мекеме әкімшілігіне ұсынымдар жолданады.Ұлттық алдын алу тетігі қатысушыларының және азаматтардың құқықтарын қорғау бағытындағы үкіметтік емес ұйымдардың Ұсынымдарының нәтижесінде Қылмыстық атқару жүйесінде қамаудағылардың құқықтық жағдайын жақсарту бағытында үлкен жұмыстар жасалды.Мәселен, медициналық қамтамасыз ету функциясын Денсаулық сақтау министрлігінің қарауына беру мәселесі толықтай шешілді. Бұл түрме реформасының маңызды қадамы болды. Яғни, 2023 жылдың 1 қаңтарынан бастап пенитенциарлық мекемелердегі медициналық бөлімшелердің барлығы Денсаулық сақтау министрлігінің қарауына өтті.Бүгінде сотталғандарға медициналық көмек 85 емдеу мекемесінде көрсетіледі. Денсаулық сақтау министрлігінің мәліметінше, 2024 жылдың бірінші жартыжылдығында 45 572 сотталушыға медициналық көмек көрсетілсе, оның 44 608-і амбулаторлық, 964-і стационарлық ем алған.Қол жеткізілген ілгерілеушіліктерге қарамастан, үйлестіруді және тұрақты бақылауды талап ететін шешілмеген мәселелер әлі де бар. Олардың ішінде медициналық қызметтерді көрсетуді бөлек ашық есепке алу қажеттілігі, медициналық көмектің қолжетімділігін жақсарту, оларға тегін шұғыл стоматологиялық көмек көрсету, әсіресе денсаулығына байланысты қылмыстық-атқару жүйесінен босатылған тұлғалар үшін медициналық көмек көрсетудің қажеттілігі және т.б. мәселелері бар.Сонымен қатар, Мемлекет басшысы Қасым-Жомарт Тоқаев іс жүзінде саяси деңгейде азаптауларға қарсы соғыс жариялады. Ол бұл әрекеттің біздің қоғам үшін мүлдем жат екенін жеткізді.Қазақстанда азаптау үшін қылмыстық жауапкершіліктің бұрыннан бар, дегенмен азаптауларды болдырмау және ондай фактілерді тергеудің тиімділігін арттыру мақсатында 2023 жылдан бастап азаптау істерін тергеуді прокуратураның айрықша құзыретіне берді және азаптауларға қатысты жаза күшейтіліп, 12 жылға дейін бас бостандығынан айыру жазасы белгіленді.Қазақстан Республикасындағы Адам құқықтары жөніндегі уәкіл А.Е.Ластаев және оныңөңірлердегі өкілдері қамаудағылардың құқықтары мен оларды ұстау жағдайларының сақталуын бақылау үшін қылмыстық-атқару жүйесі мекемелеріне үнемі барып тұрады.Уәкіл назар аударатын негізгі аспектілердің бірі - бейнебақылауды қолданудың тиімділігі. Қазіргі таңда түзеу мекемелерінің барлығында дерлік соқыр бұрыштарды бейнебақылаумен қамтамасыз ету 100%-ға жуықтады. Барған кезде ең бірінші назар аударылатын мәселе, бұл бейнекамералардың жабдықталуы, бейнекамералардағы жазбалар тікелей прокуратура мен қылмыстық атқару жүйесі комитетіне түсуі, қылмыс (азаптау) жасаған адамдардың қылмыстық жауапкершіліктен құтылмауын қамтамасыз етуге қатысты шара қолданылатындығы қаралады.Сонымен қатар, барлық колонияларда шағым түсіруге арналған электронды терминалдар орнатылған. Сотталғандар тікелей сотқа және қадағалау органдарына шағымдана алады, бұл түрме әкімшілігі тарапынан цензураны жояды. Олар терминал арқылы бірнеше рет басу арқылы Бас прокуратураға немесе Ішкі істер министрлігіне хабарласуға мүмкіндік беретін жеңілдетілген жүйелік қолдаумен жабдықталған. Сондай-ақ, сотталушы өзінің процессуалдық мәселелері бойынша сот органдарына өтініш жаза алады.Ішкі істер министрлігі Қылмыстық атқару жүйесі департаментінің мекемелерінде бүгінде 612 электронды терминал бар.Қызылорда облысының түзеу мекемелерінде сотталғандардың электронды талап-арызын жолдауға арналған 14терминалдар, 1290 бейнебақылау камералары штаттық режимде жұмыс жасауда.Омбудсменнің Қызылорда облысы бойынша өкілі тарапынан облыстағы түзеу мекемелерінде қамаудағылардың құқықтарын қорғау бағытында барулар жүргізуде.Мәселен, бару барсында қамауда отырған бір азамат жанындағы ІІ топ мүгедек сотталушының санитарлық жағдайын жақсартуға көмек сұрады.Жеке қабылдаудан кейін Өкіл Қазақстан Республикасы Ішкі істер министрлігі Қылмыстық-атқару жүйесі комитетінің Қызылорда облысы бойынша Қылмыстық-атқару жүйесі департаментіне ұсыныс жолдады.Нәтижесінде қамау орнында пандус орнатылды, сондай-ақ түзеу орнында мүгедекті бар жандарға арнайы демалыс бөлме ашылды.Қамаудағылардың құқықтары мен оларды ұстау жағдайларының сақталуын бақылау үшін түзеу мекемелеріне барулар жалғасын табатын болады.Берікбол Байхожаев6Адам құқықтары жөніндегі уәкілдіңҚызылорда облысы бойынша өкіліФото: freepik.com

Қамаудағылардың құқықтарын сақтау мәселесі үнемі назарда

<a href="https://kyzylorda-news.kz/">Kyzylorda-news</a> ҚР Премьер-министрі Олжас Бектеновтің төрағалығымен Үкімет отырысы өтіп, күн тәртібінде «Ауылда денсаулық сақтауды жаңғырту» ұлттық жобасын іске асыру, құрылыс саласын цифрландыру, қала құрылысы кадастры мәселелері қаралды. Оған облыс әкімі Нұрлыбек Нәлібаев селекторлық режим арқылы қатысты.​Аймақта «Ауылда денсаулық сақтауды жаңғырту» ұлттық жобасымен 28 медициналық нысан салынып, ауыл тұрғындарына қызмет көрсетуде. Шұғыл медициналық көмек көрсетудің тиімділігін арттыру үшін 9 млрд. 773 млн. теңгенің 4 жобасы қолға алынған.​Өткен жылы Шиелі ауданындағы қосымша ғимарат пен жұқпалы аурулар бөлімшесінің құрылысына Үкімет резервінен 3 млрд. теңге бөлініп, жұмыс жүруде. Нысандар маусым айында іске қосылады. Биыл Арал, Жаңақорған, Қазалыдағы көпбейінді аудандық ауруханалар ғимараттарына қосымша құрылыс салуға арнаулы мемлекеттік қордан 6 млрд. 900 млн. теңге қаралып, құрылысы басталды. Жыл аяғында пайдалануға беру жоспарланған.<img src="https://knadmin.beoblood.kz/uploads/Oblys_kimdigi_zhiyn_29_04_f1f15732eb.jpg" alt="Облыс әкімдігі жиын 29.04.jpg">Фото: Қызылорда облысы әкімінің баспасөз қызметі

Ұлттық жобаны іске асыру барысы қаралды

<a href="https://kyzylorda-news.kz/">Kyzylorda-news</a> Мемлекет басшысы Қасым-Жомарт Тоқаевтың тапсырмасына сәйкес, ҚР Үкіметінің қаулысымен «Энергетикалық және коммуналдық секторларды жаңғырту» атты ұлттық жоба бекітілді. Ұлттық жобаның мақсаты – халыққа коммуналдық қызметтерді сенімді әрі сапалы көрсетіп, ел экономикасының орнықты дамуын қамтамасыз ету үшін ҚР энергетикалық және коммуналдық инфрақұрылымды жаңғырту болып табылады.&nbsp;<blockquote>– Ұлттық жобаны іске асырудың жоспар-кестесі бекітіліп, біздің облыс бойынша бұл аталған жобаға 3 ірі табиғи монополия субъектілері «Қызылордажылуэлектрорталығы» МКК, «Қызылорда су жүйесі» МКК мен «Қызылорда электр тарату тораптары компаниясы» АҚ қатысады. Қазіргі таңда департаментке 2 субъектіден инвестициялық бағдарламаларына өзгерістер енгізуге өтінімдер ұсынылды. Аталған өтінімдер бюджет қаражат есебінен болғандықтан тарифтің өсуіне әкеп соқпайды. Ұлттық жоба аясында департамент облыстық энергетика басқармасымен бірлесіп өңірдегі ірі табиғи монополия субъектілерінің инвестициялық бағдарламаларына өзгерістер енгізілетін болады, – деді ҚР Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті басшысының орынбасары Зура Сардарбек.</blockquote>

Энергетикалық және коммуналдық секторларды жаңғырту жобасы бекітілді

<a href="https://kyzylorda-news.kz/">Kyzylorda-news</a> Қармақшы аудандық мәдениет үйінде жасөспірімдер арасында құқық бұзушылықтың алдын алу және болдырмау мақсатында «Заң мен тәртіп – жас ұрпақ тәрбиесіндегі темірқазық» тақырыбында кеңейтілген мәжіліс өтті.Іс-шараға аудан әкімі Жандос Еркінбек, аудан прокуроры Мейрамбек Маханбетжанов, құқық қорғау органдарының басшылары, ардагерлер кеңесінің мүшелері, үкіметтік емес ұйымдардың өкілдері, аудандық мекемелер мен бөлімдердің басшылары, сондай-ақ кент және ауылдық округтердің әкімдері қатысты.Кеңейтілген мәжіліс барысында Қармақшы аудандық полиция бөлімінің бастығы аудан аумағындағы құқық бұзушылық пен қылмыстың жағдайы және оның алдын алу бағытында атқарылып жатқан іс-шаралар туралы баяндама жасады. Сонымен қатар, білім бөлімінің басшысы білім беру ұйымдарында жасөспірімдер арасындағы құқық бұзушылықтың алдын алу бойынша жүргізіліп жатқан жұмыстар жөнінде ақпарат ұсынды.Аудан әкімі өз сөзінде жасөспірімдер арасында құқық бұзушылықтың алдын алу бағытындағы құқық қорғау және мемлекеттік органдардың өзара іс-қимылын күшейтудің маңыздылығына тоқталып, «Жасөспірім», «Түнгі қаладағы балалар» жедел-профилактикалық іс-шараларын тұрақты түрде ұйымдастыруды, сондай-ақ құқық бұзушылықтың, лудоманияның, есірткі және алкоголь өнімдерін тұтынудың, әлімжеттік пен жол қозғалысы ережелерін бұзудың алдын алу мақсатында кешенді түсіндіру жұмыстарын күшейтуді тапсырды.Мәжіліс барысында аудан прокуроры және аудандық ардагерлер кеңесінің төрағасы сөз сөйлеп, жастар арасында құқықтық мәдениетті қалыптастыру, заң талаптарын сақтау және қоғамдық тәртіпті нығайту мәселелері бойынша өз ой-пікірлерін білдірді.Жиын қорытындысында аудан әкімі құқық бұзушылықтың алдын алу бағытындағы жұмыстарды жүйелі түрде жүргізуді, әрбір жасөспірім үшін қауіпсіз әрі қолайлы орта қалыптастыруды қамтамасыз етуді тапсырды.<img src="https://knadmin.beoblood.kz/uploads/arma_shy_zhiyn_2_69953c3b0d.jpg" alt="Қармақшы жиын 2.jpg">

Жасөспірімдер арасындағы құқықбұзушылық мәселесі қаралды

<a href="https://kyzylorda-news.kz/">Kyzylorda-news</a> Халықаралық би күні — әлемнің түкпір-түкпірінде жыл сайын 29 сәуірде атап өтіледі. Бұл күнді 1982 жылы ЮНЕСКО жанындағы Халықаралық театр институты бекіткен. Датаның таңдалуы — балет өнерінің негізін қалаушылардың бірі, француз хореографы Жан-Жорж Новеррдің туған күніне орайластырылған. Қазақ халқы үшін би — сөзбен айтып жеткізе алмайтын сезімді қимыл арқылы өрнектейтін ерекше өнер. Ежелден келе жатқан алтыбақан маңындағы ойындар, қыз ұзату тойларындағы шырайлы билер қазақ би мәдениетінің бастауы болды. Атаулы күн қарсаңында “Томирис” би ансамблінің көркемдік жетекшісі Мөлдір Тойбазарова мен “Ai-aru” заманауи би ансамблінің көркемдік жетекшісі Замира Стықбаева мерекенің маңызын тілге тиек етті.<blockquote>- Би өнері – ең алдымен үлкен талғампаздық пен нәзіктікті талап ететін ерекше сала. Бишінің сахнадағы ғұмыры ұзақ емес, себебі уақыт өз талабын қояды: жастың келуі, дене мүмкіндігінің өзгеруі – бәрі де сахналық өмірдің уақытша екенін дәлелдейді. Дегенмен, қысқа уақыттың ішінде өз есімін өнер тарихында қалдырған бишілеріміз аз емес. Ұстазымыз, “Томирис” би ансамблінің бас балетмейстері Гүлбану Елубайқызының жетекшілігімен жұмыс жасап келеміз. Ол кісінің кәсіби біліктілігі мен талапшылдығының арқасында талай додада топ жарып, көптеген республикалық және халықаралық би байқауларында биіктен көріндік. Ұжымымыз би өнерінің мәнін терең түсініп, әр қимыл, әр ырғақ арқылы қазақтың бай мәдениетін, ұлттық рухын сахна төрінде паш етіп жүр,- деді Мөлдір Ақтілеуқызы.</blockquote><img src="https://knadmin.beoblood.kz/uploads/Haly_araly_bi_k_ni_4_1b0419f20a.jpg" alt="Халықаралық би күні 4.jpg"><blockquote>- Би арқылы адам өз сезімін, ойы мен армандарын жеткізеді. Бұл өнер түрі уақыт пен кеңістікті, тіл мен ұлтты бөле алмайтын ұлы күшке ие. Әр ұлттың өз биі бар, әр бидің өз тарихы, өз үні бар. Кеше ғана Түркістан облысында өткен “Turan Dance” халықаралық би байқауында қаншама талантты қатысушылар арасынан суырылып шығып, үздік өнер көрсетіп, арнайы жүлдені жеңіп алдық. Бұл — біздің ұзақ уақыт бойғы еңбегіміздің, өз ісімізге деген шынайы махаббатымыздың жемісі. Бұл жеңіс әрбір бишінің табанды дайындығының нәтижесі екенін мақтанышпен айтамын. Алда да талай биіктерді бағындырып, қазақ өнерін әлем сахналарында паш етеміз деп сенемін,- деді Замира Тоқтарқызы.</blockquote><img src="https://knadmin.beoblood.kz/uploads/Haly_araly_bi_k_ni_2_a3bc6905c8.jpg" alt="Халықаралық би күні 2.jpg"><img src="https://knadmin.beoblood.kz/uploads/Haly_araly_bi_k_ni_3_fd0408f0dd.jpg" alt="Халықаралық би күні 3.jpg">

29 сәуір – Халықаралық би күні

<a href="https://kyzylorda-news.kz/">Kyzylorda-news</a> Қазалылық Нұрбек Қазбергеновті сырбойылықтар «Қазалы кәмпитін» шығаратын кәсіпкер ретінде көптен таниды. Бизнеске ерте араласқан, осы салада 15 жылға жуық тәжірибесі бар азамат.«Қазалы кәмпитінің» шығу тарихы, кешегі мен бүгіні туралы жиі айтылып, жазылып та жүр. Бүгін біз қазалылық кәсіпкердің жаңа бастамасы жайлы сөз қозғамақпыз.Халықтың тәттіге деген сұранысын ескере келе Нұрбек Қазбергенов қантты тұтынушыларға әрлеп, заман талабына сай қылып беру жағын ойластырады.<blockquote>«Қантты күнделікті тұрмыста жиі қолданатынын жақсы білесіздер. Алайда жолда алып жүруге немесе той, өзге де шараларда қолдануға келгенде халық рафинадталған қантты пайдаланады. Осы жағын ескере келе құмшекерді рафинадтап қана қоймай, оны әдемілеп қаптап ұсыну идеясын жүзеге асырғым келді», - дейді кәсіпкер.</blockquote>Бұл жобаны жүзеге асыру үшін арнайы құрал-жабдық керек. Ол жабдықтарды елімізден таппай, кәсіпкер шет елдерден іздестіреді. Бірін Ресейден, енді бірін Қытайдан табады. Қажет қаржыны қарастырғанда кәсіпкерлік саласындағы мемлекеттік бағдарламаға жүгінуді жөн санайды.<blockquote>«Жобаны жүзеге асыру үшін мемлекеттік қолдау тетіктерін зерттедім. Қандай бағдарламамен қаржыландыруға болатынына талдау жасадым. Облыстық бюджеттен аймақтың кәсіпкерлік саласын қолдауға қаржы бөлінген екен. Оны жүзеге асырып жатқан «Қызылорда» Өңірлік орталығына барып өтініш бердім», - дейді Нұрбек Қазбергенов.</blockquote>Өңірлік орталық мамандары кәсіпкердің өтінішін қысқа мерзімде қарап, жеңілдікпен 18,5 млн теңге несие береді. Кәсіпкер аз ғана уақыт аралығында қажет құрал-жабдықтарын шет елдерден алдырып, бүгінде жұмысын бастап кетті.<blockquote>«Бұл жоба аясында 3 адам жұмыс істеп жатыр. Арнайы қаптамамен дайындалған өніміміз «Айару» атауымен нарыққа шықты. Тапсырыс өңіріміздің аудандарынан түсуде. Әзірге күніне 100 кг-ға дейін өнім шығарып жатырмыз. Енді бастап жатырмыз ғой. Сол үшін алдағы уақытта сұраныс бұдан да жоғары болады деп үміттенемін», - дейді қазалылық кәсіпкер.</blockquote><img src="https://knadmin.beoblood.kz/uploads/azaly_ant_2_883b30b4b4.jpg" alt="Қазалы қант 2.jpg">Фото: Өңірлік коммуникациялар қызметі

Қазалыда рафинадталған қант нарыққа шықты

<a href="https://kyzylorda-news.kz/">Kyzylorda-news.kz</a> Банктік картаны бұғатталуы – бұл, өкінішке орай, жиі кезедесін және жағымсыз жағдай. Ол жөнінде сіз кез-келген уақытта: мәселен, төлем жасамақ болған кезде шотыңыздың бұғатталғаны жөнінде білуіңіз мүмкін.Неліктен бұлай және не істеуге болатыны, болашақта өзіңізді қалай қорғауға керектігі жөнінде &nbsp;Fingramota.kz-пен бірге қарастыралық. &nbsp;Әдетте, картаны бұғаттаудың бірнеше негізгі себептері бар: ірі немесе жиі аударымдар жасау — әсіресе, шетелден; ПИН-кодты қатарынан бірнеше рет қате енгізу; картаның қолданыс мерзімінің аяқталуы; банк жұмысындағы &nbsp;техникалық ақаулар; кредит бойынша мерзімін өткізу немесе сот шешімдері. Әр себепті егжей-тегжейлі талдап, не істеу керектігін қарап көрелік.Алаяқтық әрекеттерге немесе күмәнді операцияларға күдіктену&nbsp;Банк клиенттің іс-қимылына тән емес операциялар анықтаған кезде картаны уақытша бұғаттай алады. Мұндай операцияларға мыналар жатады:<ul><li style="text-align:justify;">ірі аударымдар, әсіресе&nbsp;шетелдік шоттардан;</li><li style="text-align:justify;">әр түрлі шоттарға жиі аударымдар;</li><li style="text-align:justify;">шетелдік немесе күмәнді онлайн -платформаларда сатып алулар жасау.</li></ul>Карта бұғатталған болса, дереу банкпен байланысып, операцияны сіз жасағаныңызды растауыңыз қажет. Мұндай жағдайлардың алдын алу үшін банкке жоспарланған ірі немесе стандартты емес транзакциялар жөнінде алдын ала хабарлап қойыңыз.&nbsp;ПИН-кодты қате енгізу&nbsp;Қазіргі заманның адамы басында көптеген ақпарат ұстап тұруы қажет: электрондық поштаның (жеке және жұмыс) құпия сөзі мен ЭЦҚ-дан бастап, мемлекеттік қызметтер мен маркетплейстердің қосымшаларына кіру кодтарына дейін, ал егер сізде бірнеше банктік карта болса, шатасу оңай. Алайда, біз сізге кодтарды қойын кітапшаңызға немесе телефонға жазып қою қажет деп кеңес бермейміз, себебі маңызды ақпаратқа бөгде адамдар қол жеткізе алмаулары тиіс. PIN- кодты есте сақтау үшін бірнеше нұсқаулар береміз:Оны бір оқиғаға айналдырыңыз. Мысалы, 0582 коды туралы мынаны ойлап табуға болады: тағы да (05) шексіздік (8) екі (2);туған күніңізді емес, маңызды күнді таңдаңыз, себебі туған күнді алаяқтар әлеуметтік желілер арқылы есептей алады. Сүйікті жазушының туған күнін таңдап алыңыз, себебі бұл деректерді бөгде адамдарға есептеу әлдеқайда қиын болады;көрнекілікке жүгініңіз: кәдімгі банкоматтың пернетақтасында кез келген фигураны ойша салыңыз: мысалы, латын L 1478-ге тең болады.Бірақ егер сіз қате ПИН-кодты бірнеше рет қате енгізген болсаңыз, банкке хабарласып, мәселе туралы хабарлаңыз. Қазір ол тез шешіледі.Картаның қолданыс мерзімі аяқталды немесе жеке деректер өзектілігін жоғалттыБүгінгі күні банктік қосымшалар eGov.kz-пен тығыз байланысты, егер &nbsp;сіздің жеке куәлігіңіздің немесе төлқұжатыңыздың мерзімі өтіп кетсе, онда банк қызмет көрсетуді уақытша тоқтата алады. Сондықтан барлық маңызды құжаттарды алдын-ала жаңартып, қосымшалардағы ақпаратты өзектендіріп отырыңыз – бұл сіздің көп уақытыңызды үнемдейді. Бұған картаның қолданыс мерзімі де кіреді: оның бет жағында қолданыс мерзімі туралы ақпарат бар. Сатып алу немесе кез келген басқа қаржылық операциялар үшін төлем жасағанда қиындыққа тап болмау үшін картаның қолданыс мерзімін қадағалап отырыңыз.Банк тарапынан техникалық ақауларКейбір жағдайда бұғаттау техникалық себептерге байланысты болуы мүмкін: жүйедегі іркіліс, апаттық жаңартулар немесе банктің ішкі теңшеулері. Мұндай жағдайларда банктің байланыс орталығына хабарласып, жұмыс қабілеттілігін қалпына келтіруді күту керек. Егер техникалық жұмыстар аяқталғаннан кейін шотқа кіру қалпына келтірілмесе, мәселені шешу үшін банкке жеке өтініш беріңіз.Соттың немесе мемлекеттік органдардың шешімі бойынша шотқа тыйым салуАлименттер, салықтар, айыппұлдар, қарыздар және басқа да міндеттемелер бойынша берешек болған кезде шотқа уәкілетті органдардың (мысалы, сот орындаушыларының немесе Мемлекеттік кірістер комитетінің) сұрау &nbsp;салуы бойынша тыйым салынуы мүмкін. Ал банк бұл талапты орындауға міндетті. Егер өзіңізде қарыздың бар екенін білсеңіз, оны мүмкіндігінше тезірек жабыңыз немесе мәселені шешіңіз. Берешектің бар-жоғын eGov.kz арқылы немесе салық кабинетінде (cabinet.kgd.gov.kz) тексеруге болады.Егер картаңыз ескертусіз бұғатталса, не істеу керек?Заңнамаға сәйкес банк клиентке шотты пайдаланудың тоқтатыла тұрғаны туралы хабарлауға міндетті. Егер бұғаттау себепсіз орын алса, Сіздің:<ul><li style="text-align:justify;">банкке ресми сұрату жіберуге;</li><li style="text-align:justify;">қажет болған жағдайда – Қаржы нарығын реттеу және дамыту агенттігіне шағымдануға;</li><li style="text-align:justify;">әрекеттерге сот тәртібінде шағымдануға құқығыңыз бар.</li></ul><img src="https://knadmin.beoblood.kz/uploads/Bank_kartasy_b_attau_2_463311b984.jpg" alt="Банк картасы бұғаттау 2.jpg">Фото: Fingramota.kz

Картаны бұғаттау: егер шотыңыз бұғатталған болса не істеу қажет?

<a href="https://kyzylorda-news.kz/">Kyzylorda-news.kz</a> Қазақстан халқы Ассамблеясының 30 жылдығына орай, 1 мамыр - Қазақстан халқының бірлігі күні қарсаңында Қызылорда облысында “Қазақстан – Достық мекені” атты форум ұйымдастырылды.Іс-шара аясында қатысушылар үшін Қызылорда қаласына арнайы экскурсия жүргізілді. Алғашқы аялдама - “Анаға тағзым” орталығы болды, мұнда тағылымды дәрістер тыңдалып, қала тарихымен танысуға мүмкіндік берілді. Қаланың ел астанасы болғанына 100 жыл толуына орай, тарихи-мәдени экскурсия ұйымдастырылды. Жаңартылған Орталық алаңымен танысқан қонақтар, “Достық үйі” ғимаратында экскурсия жасап, этномәдени бірлестіктердің жұмыс кабинеттерімен танысты. Экскурсия барысында Қазақстан халқы Ассамблеясының 30 жылдығына арналған бейнеролик Лэд экраннан көрсетілді.<img src="https://knadmin.beoblood.kz/uploads/Assambleya_forum_4_3dc4edfd56.jpg" alt="Ассамблея форум 4.jpg">Келесі кезеңде дөңгелек үстел форматында мазмұнды пікір алмасу ұйымдастырылып, қатысушылар өңірдегі белсенді этнос өкілдерімен кездесіп, достық пен ынтымақтастықты одан әрі нығайтуға бағытталған бастамалар талқыланды. Дөңгелек үстелде “Қоғамдық келісім” КММ директорының орынбасары Дәулет Омаров сөз сөйлеп, қатысушыларды құттықтап, еліміздегі этносаралық келісім мен бірлікті нығайтудағы маңызды қадамдарды атап өтті.Шара қорытындысында Жалағаш ауданындағы белсенді этнос өкілдері Қызылорда облысының қоғамдық даму басқармасының басшысы Руслан Каюповтың Алғыс хатымен марапатталды.<img src="https://knadmin.beoblood.kz/uploads/Assambleya_forum_6bb7e4fa1b.jpg" alt="Ассамблея форум.jpg"><img src="https://knadmin.beoblood.kz/uploads/Assambleya_forum_2_a1f0b967f0.jpg" alt="Ассамблея форум 2.jpg">&nbsp;

"Қазақстан – достық мекені" атты форум өтті

<a href="https://kyzylorda-news.kz/">Kyzylorda-news.kz</a> Қызылорда облыстық қоғамдық даму басқармасының «Қоғамдық келісім» коммуналдық мемлекеттік мекемесі және «Құранға қызмет» қайырымдылық қорының ұйымдастыруымен «Жомарт жан» орталығының мүшесі Қуаныш Ерболаттың қолдауымен Талсуат оңалту орталығында ерекше жандарға арналған спартакиада өтті.Бұл шараның мақсаты – қоғамда қолдауды қажет ететін жандарға көңіл бөліп, олардың әлеуметке бейімделуіне көмектесу болып табылады.Іс-шараға облыстық қоғамдық даму басқармасының «Қоғамдық келісім» КММ директорының орынбасары Азамат Мукеев қатысып, жарысқа қатысушы командаларға сәттілік тілеп, ем алушыларға мықты денсаулық пен толық сауығу тілектестігін білдірді.Спартакиада 5 кезеңнен тұрып, ем қабылдап жатқан жеткіншектер белсенді түрде қатысты. Жарыстың әділ өтуін қамтамасыз ету үшін қазылар алқасының құрамында «Қоғамдық келісім» КММ бөлім басшысы Шахизат Абдраманова және аға сарапшы Нұргүл Ақсақалова болды.Жарыс қорытындысы бойынша жеңімпаздар мен барлық қатысушыларға бағалы сыйлықтар мен «Қоғамдық келісім» мекемесінің дипломдары табысталды. Шараның соңында 60 ем алушыға арнайы дастархан жайылды.<img src="https://knadmin.beoblood.kz/uploads/Spartakiada_57927347b6.jpg" alt="Спартакиада.jpg">

Ерекше жандарға арналған спартакиада өтті

<a href="https://kyzylorda-news.kz/ru">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте &nbsp;аудандарда пайдалануға берілген құрылыс нысандарының, жүзеге асырылу сатысындағы жобалардың &nbsp;жай-күйі талқыланды.Аймақ басшысы жауапты сала басшылары мен аудан әкімдеріне бірқатар тапсырма берді. Атап айтқанда, әлеуметтік маңызы бар нысандарды сапалы әрі кестеге сай мерзімінде аяқтауды, тазалыққа және абаттандыруға қатысты жұмыстардың қарқынын күшейтуді жүктеді.<blockquote>«Құрылысқа жауапты мердігер мекемелермен ұдайы байланыста болуды тағы да ескертемін. Бірінші әрі басты талап – сапа, сосын жұмысты мерзімінде аяқтау керек. Осыған дейін берілген тапсырмалар бақылаудан, күн тәртібінен түспейді», – деді Н.Нәлібаев.</blockquote>Сонымен қатар, мәжілісте барлық елді мекенде санитарлық тазалық жұмыстарын үздіксіз жүргізу, абаттандыру және көркейту-көгалдандыруды белсенді қолға алу тапсырылды.Фото: Қызылорда облысы әкімінің баспасөз қызметі

Құрылыс сапасы мен мерзімі басты назарда болуы керек

БЕС ЖАҢАЛЫҚ: Апталық шолу

<a href="https://kyzylorda-news.kz/ru">Kyzylorda-news.kz</a> Қорқыт Ата атындағы Қызылорда университеті және Қызылорда облыстық қоғамдық даму басқармасының «Қоғамдық келісім» КММ бірлесіп, Қызылорда қаласының астана болғанына 100 жыл толуына орай «Алаштың Астанасы – Қызылорда» тақырыбында интеллектуалды сайыс ұйымдастырды.Сайыстың мақсаты – Қызылорданың қазақ мемлекетінің тарихындағы алатын орнын ұлықтау, жас ұрпақтың санасына елдік пен бірліктің маңызын сіңіру, ұлттық тарихымызға деген құрметті арттыру.1925 жылы Орынбор қаласынан астана мәртебесі Ақмешітке көшіріліп, халқымызға «қазақ» атауы ресми түрде қайтарылған болатын. Осы тарихи оқиғаның 100 жылдығы аясында өткен интеллектуалды сайыс барысында қатысушылар тарихи деректерге негізделген сұрақтарға жауап беріп, ұлттық бірегейлікті сақтау мен дамыту мәселелеріне қатысты білімдерін ортаға салды.Сайыс қорытындысына сәйкес үздік нәтижеге қол жеткізген қатысушылар диплом және арнайы сыйлықтармен марапатталды.

Қазақстан және Қызылорда облысының жаңалықтары