<a href="https://kyzylorda-news.kz/">Kyzylorda-news.kz</a> Аудан әкімі Ардақ Ибраимов құқық қорғау органдарының басшыларымен бірге тұрғындарды жеке қабылдады.Жалағаш аудандық «Руханият» орталығының ғимаратында өткен жеке қабылдауға 30 азамат қатысты.Қабылдауда тұрғындар көгілдір отынмен қамту, Жалағаш кенті мен ауылдық округтердің ішкі көшелеріне жөндеу жұмыстарын жүргізу, жұмысқа орналасу және кәсібін кеңейту мәселелері бойынша жүгінді.Аудан әкімі мәселелерді сала мамандарымен мұқият зерделеніп, заңдылығына қарай шешім қабылданатынын жеткізді және жауапты бөлім басшыларына нақты тапсырмалар берді.Көтерілген мәселелердің әрқайсысы жіті зерделеніп, жан-жақты талданып, шешім қабылданады.Фото: Жалағаш ауданының әкімдігі

Жалағаш: Аудан әкімі тұрғындарды жеке қабылдады

<a href="https://kyzylorda-news.kz/">Kyzylorda-news.kz</a> Елордада 2017 жылдан бері жүзеге асырылып келе жатқан “Сергек” жобасы биыл 13 наурызда аяқталады. Бұл туралы Астана қаласының Цифрландыру және мемлекеттік қызметтер басқармасының басшысы Дидар Сүлейманов мәслихат отырысында мәлімдеді, деп хабарлайды <a href="https://baq.kz/astanada-sergek-kameralarynyn-zhumysy-toqtaytyn-boldy-200007646/">BAQ.KZ тілшісі.</a>“Сергектің” орнына Астанада жасанды интеллект негізіндегі қалалық инфрақұрылымды басқарудың жаңа жүйесі іске қосылады. Бұған дейін мәслихат отырысында жаңа жоба таныстырылғанын жаздық.Дидар Сүлеймановтің сөзінше, жаңа жоба G42 холдингіне кіретін халықаралық Presight компаниясымен (БАӘ) бірлесіп жүзеге асырылады.<blockquote>Жаңа жобаны әзірлеу кезінде қазіргі жүйенің кемшіліктері ескерілді. Атап айтқанда, аппараттық-бағдарламалық кешеннің үздіксіз жұмыс істеуі үшін тұрақты электр қуатымен қамтамасыз ету жоспарланған. Сонымен қатар жүйенің негізгі элементтері, соның ішінде жалпы бейнебақылау камералары, оптикалық байланыс желісіне қосылады, бұл бейнеағынды тұрақты түрде беруге мүмкіндік береді, – деді Дидар Сүлейманов.</blockquote>Қазіргі таңда операторлар бейнеағынды беру үшін 4-5 түрлі WMS-жүйелерін пайдаланады, бұл олардың жұмысын қиындатады. Жаңа жоба аясында бірыңғай бейнеағын беру жүйесі енгізіліп, мониторинг тиімділігі арттырылады.Қолданыстағы инфрақұрылым жаңа жеке серіктестің басқаруына беріледі, бұл жүйенің тұрақты жұмысын қамтамасыз етеді. Жоба аясында:• 22 мың жалпы бейнебақылау камерасы, • 732 аппараттық-бағдарламалық кешен – жол қиылыстарында, • 470 аппараттық-бағдарламалық кешен – сызықтық учаскелерде орнатылады.Жүйе ЖҚЕ-нің 15 түрін бұзуды және 35 түрлі бейнеаналитиканы тіркейді.Спикер атағандай, жоба 2030 жылға дейін жоспарланған, ал оның инвестиция көлемі – 53 миллиард теңгені құрайды. Қаржыландыру толығымен жеке серіктес есебінен қамтамасыз етіледі, ал жұмыстың 60%-ын қазақстандық компаниялар орындайды. Инвесторға төлемдер тек нысан толық пайдалануға берілгеннен кейін ғана жүргізіледі.Фото: Артём Чурсинов

Астанада "Сергек" камераларының жұмысы тоқтайтын болды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев «AMANAT» партиясының аудандық филиалында аудандық мәслихат төрағасы Ержан Әжікенов және құқық қорғау органдарының бірінші басшылары – аудан прокуроры Абай Әлімбаев және аудандық полиция бөлімі бастығының міндетін атқарушы Әділхан Қанзадаевпен бірге қоғамдық қабылдау өткізді.Қоғамдық қабылдау барысында аудан басшысы тұрғындардың арыз-шағымдары мен өтініштерін тыңдап, сауалдарына жауап берді. Қабылдауға келген азаматтар жұмыс, тұрғын үй, инфрақұрылым және өзге де өзекті мәселелер бойынша жүгінді.Аудан әкімі өтініш берушілердің барлық ұсыныстарын мұқият тыңдап, мәселелер назардан тыс қалмайтынын жеткізді. Тиісті сала басшыларына қолданыстағы заңнама шеңберінде мәселелерді шешуге көмектесуді тапсырды.Фото: Сырдария ауданы әкімінің баспасөз қызметі

Сырдария ауданының әкімі қоғамдық қабылдау өткізді

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында «Еңбек тәуекелдер картасы» ақпараттық жүйесіндегі тәуекел аймағындағы кәсіпорындарда туындауы мүмкін наразылықтардың алдын алу, әрі мерзімінде шаралар қабылдау мақсатында еңбек саласындағы ахуал бойынша мәжіліс өтті. Отырысты аудан әкімінің орынбасары Е.Әбішев жүргізді.Мәжіліске қала, кент және ауылдық округ әкімдері, тиісті мекемелер мен кәсіпорын басшылары, жеке кәсіпкерлер, шаруа қожалық иелері және бұқаралық ақпарат құралдарының өкілдері қатысты.Сондай-ақ, жиынға Мемлекеттік еңбек инспекциясы комитетінің Қызылорда облысы бойынша департаментінің басшысы Б. Жұмағұлов, Халықты әлеуметтік қорғау саласындағы реттеу және бақылау комитетінің Қызылорда облысы бойынша департаментінің бөлім басшысы Т. Жолымбетов және Мемлекеттік еңбек инспекциясы комитетінің Қызылорда облысы бойынша департаментінің еңбек иснпекторы Д. Бектұрсынов арнайы келіп, еңбек жағдайлары туралы түсіндірме жұмыстарын жүргізді.Күн тәртібіне сәйкес, мемлекеттік еңбек инспекциясы комитетінің облыстық департаментінің еңбек инспекторы Досхан Мұсаханұлы баяндама жасады. Хабарламада еңбек саласындағы өзекті мәселелерге тоқталып, жұмыскерлердің еңбек жағдайлары мен қауіпсіздігін сақтау бағытында атқарылған бірқатар жұмыстарды баяндап өтті.Мұнан соң, Халықты әлеуметтік қорғау саласындағы реттеу және бақылау комитетінің облыстық департаментінің бөлім басшысы Төреахмет Сайлаубайұлы сөз алып, әлеуметтік саладағы бақылау және реттеу жұмыстары мен жеке сектор кәсіпорындарындағы арнаулы әлеуметтік көмектер туралы мәлімдеді.Жиын барысында мемлекеттік еңбек инспекциясы комитетінің Қызылорда облысы бойынша департаментінің басшысы Бектемір Ұлыбекұлы қолданыстағы заңға жаңадан енгізілген өзгерістерді түсіндірді.Бірінші кезекте, әлеуметтік қорғау департаменті тарапынан кәсіптік зейнетақы қорынан төленетін 5 пайыздық арнайы әлеуметтік көмектің маңыздылығын айтып, осы мәселе бойынша облыстық әлеуметтік қорғау департаментіне жүгінуге болатынын атап өтті.Сондай-ақ, ҚР Еңбек және халықты әлеуметтік қорғау министрлігі тарапынан «Еңбек тәуелкелдер картасы» арнайы жүйесі туралы да мәліметтер берді.Мұнымен қоса, департамент басшысы жеке сектордағы азаматтардың міндетті түрде қолданыстағы заң бойынша қызметкерлерді жазатайым оқиғалардан сақтандыру керектігін айтып, орындалмаған жағдайда кәсіпорындар тарапынан төленетін айыппұлдар сомасын да айта өтті.Кездесуде қатысушылар өз сұрақтарын қойып, ұсыныстарын білдірді. Мәжілісті қорытындылаған аудан әкімінің орынбасары еңбек қатынастары саласындағы заң талаптарын сақтау, еңбеккерлердің құқықтарын қорғау және әлеуметтік тұрақтылықты қамтамасыз ету бойынша бірлескен жұмыс жалғасатынын білдірді.Фото: Арал ауданы әкімінің баспасөз қызметі

Еңбек саласындағы әлеуметтік ахуал бойынша мәжіліс өтті

<a href="https://kyzylorda-news.kz/">Kyzylorda-news.kz</a> Қызылорда облыстық ҚХА және Ж. Нұрсейітов атындағы №233 орта мектебінің ұйымдастыруымен Қадыр Мырза Әлі шығармашылығына арналған «Қазақтың дана Қадыры» атты әдеби-сазды кеш өтті.Кештің мақсаты - Қадыр Мырза Әлі шығармашылығын насихаттау, оқушыларға ақынның өлеңдерінен үлгі алып, әдебиетке қызығушылықтарын арттыру. Сонымен қатар, сөйлеу мәдениетін қалыптастыру, сөздік қорларын байыту.Кеш аясында ақынның өмірі мен шығармашылығы жайлы қысқаша баяндама айтылып, өлеңдерінен үзінділер оқылды, Қадыр Мырза Әлінің шығармашылығына арналған бейнемазмұн қойылды. Күй шертіліп, &nbsp;жыр шумақтары оқылды.Қызылорда қаласының құрметті азаматы, қоғам қайраткері, «Темірбек Қараұлы Жүргенов» қоғамдық қорының төрағасы Сәпен Аңсатов дарынды тұлға туралы пікір білдірді.<blockquote>- Қадыр Мырза Әлі – қазақ поэзиясының айрықша тұлғасы, оның шығармашылығы өзіне тән терең философиямен, өмірдің нәзік сырларын ашатын сөздермен ерекшеленеді. Қадыр ағамыздың өлеңдерінде ұлттың болмысы мен тарихы, адамның ішкі дүниесі мен сезімдері, қоғамның рухани қажеттіліктері терең тебіреніспен өрнектеледі. Оның поэзиясының тұңғиығына бойлап, әрбір шумақтың астарынан жаңа мағыналар мен ойлар ашылады. Әсіресе, жас ұрпаққа осы поэзияны түсініп, терең оқып, ұғынуға мүмкіндік беру – үлкен маңызға ие,-деп, ақынмен дидарласқан сәттерінен естеліктерін айтты.</blockquote>Облыстық қоғамдық даму басқармасының «Қоғамдық келісім» мекемесінің бөлім басшысы Шакизат Абдраманова барша қатысушыларға алғысын білдіріп, Қазақстан халқы Ассамблеясының 30 жылдығы аясындағы жаңа жобаларға тоқталып өтті. Шараны ұйымдастыруға атсалысқан бірқатар мектеп мұғалімдеріне “Қоғамдық келісім” КММ директорының Алғыс хатын табыстады. Сондай-ақ, ҚХА энциклопедиясын мектеп кітапханасы мен оқушыларға сыйға тартты.

Қадыр Мырза Әлінің 90 жылдығына арналған әдеби кеш өтті

<a href="https://kyzylorda-news.kz/">Kyzylorda-news.kz</a> Соңғы кезде азық-түліктен бөлек коммуналдық қызметке төлейтін ақының да өскені байқалады. Кейбір мамандар мұның барлығы тариф саясатын ұстанудан болып отыр деп топшылаған. Тіпті енді қазақстандықтар арзан тарифті армандамай-ақ қойса да болады деп болжап отырғандар да бар.&nbsp;Мәселе неден басталды?Несін жасырамыз біздің елдегі жылу мен энергия жүйесінің әбден ескіріп, тозығы жеткені белгілі. Мұны жауапты министрлік пен жергілікті әкімдіктер де айтып отыр. Себебі желілердің басым бөлігі кеңес кезінен қалған. Бұл өз кезегінде апатқа алып келуі ықтимал. Басқасын айтпағанның өзінде сәл жел болып, жауын жауса жарықтың өшіп қалатыны тағы бар. Қазақстанның бірнеше өңірінде жылу жүйелерінен ақау шығып, апат та болды. Дәл қыстың қақаған суығында болған апатты жағдай біздегі ахуалдың шынымен нашар екенін айғақтады. Республика жұрты Риддер, Степногор, Екібастұз қалаларындағы жағдайды әлі ұмытқан жоқ. Мемлекет басшысы Қасым-Жомарт Тоқаев &nbsp;мұндай жағдайдың қайталанбауы тиіс екенін қатаң тапсырды. Сол сәтте үкімет, нақтырақ айтсақ жауапты министрлік тариф саясатын жүзеге асыру жобасын ұсынды. Мәселе осы жерден басталды.Министрліктің ұстанымы қандай?Тариф саясаты әуел баста халыққа да, билікке де тиімді болып көрінген.Себебі жауапты министрліктің айтуы солай болды. Бағдарламаны іске асыратын кезде энергетика министрі Алмасадам Сәтқалиев біз мақалаға арқау еткен тариф саясатын энергетика секторына инвестиция тартуға мүмкіндік беретінін мәлім еткен. «Бұл жаңа тарифтік саясат энергетика секторына инвестиция тартуға мүмкіндік береді.Тарифтерді қымбаттату арқылы елдегі электр станцияларының тозуын ең кемі 15 пайызға төмендетеміз, станцияларды жаңғыртуға және реконструкциялауға кең мүмкіндіктер ашылады» деген министр. Әйтсе де тарифтердің кезең-кезеңімен халықтың қалтасына ауырлық салмай қымбаттайтынын, «тарифтің өсуі инфляцияға ең минималды түрде әсер ететінін айтқан. Ақпарат көздеріне сүйенсек, жауапты сала тарифтің қымбаттауы халыққа әсер де етпейді деген сыңай танытқан. Осылайша Қазақстан жаңа, мүлде жаңа тарифтік саясатқа көшті. Министрліктің ұстанымы – тарифті көтеріп, түскен қаржыға ескірген жылу және энергетика желілерін жаңарту. Ал ол халыққа пайдалы ма? Себебі тарифтің қымбаттауы соны төлейтін халыққа әжептеуір әсер етіп отыр. Қымбатшылық алқымнан алған заманда қарапайым жұртқа бұл министрлік ойлағандай оңай болмады.&nbsp;Сейілмеген күмәнЭнергетика министрлігі қанша жерден мақтаса да тариф саясатына күмәнмен қарағандар да жетіп-артылады. Соның бірі Сенат депутаты Сергей Ершов. Ол жаңа бағдарламадан Үкіметтің нәтиже шығара алатынына күмәнданатынын жеткізген.– Үкіметтің болжамынша, тарифтерді көтеру салаға инвестиция тартуға мүмкіндік береді. Бірақ «Тарифті инвестицияға айырбастау» бағдарламасы бұдан бұрын да, 2009-2015 жылдары жүзеге асырылған. Алты жыл ішінде алпауыттардың тарифтері екі есеге көтерілді, осы арқылы тұтынушылардан олар 1 триллион теңгеден астам қаражат жинады. Сонымен бір мезгілде энергия өндіруші кәсіпорындар инвестициялық міндеттемелерден босатылған. Ақыр соңында жылу-электр жүйесінің тозуы бұрын-соңды болмаған алапат ауқымға жетті. Бағдарлама&nbsp; күтілген үміттерді ақтамады, – деді сонда сенатор.Экономист-сарапшы Тоғжан Шахметова «Жас Алаш» газетіне берген пікірінде бұл мәселені әлі де зерттеу керектігін жеткізген. Оның ойынша&nbsp; &nbsp;қазіргідей геосаяси жағдай ушығып, сыртқы және ішкі экономикалық ахуал дағдарып тұрғанда бұл саясаттың жеміс бере қоюы екіталай.&nbsp;«Ұлттық банк жыл басында «инфляцияны белгілі бір межеден асырмаймыз» деп есеп береді. Былтыр, мысалы, инфляцияны 6 пайыз болады деп болжаған. Бірақ жыл соңындағы инфляция деңгейі 8,5 пайыздан асып кетті. Бас банк қымбатшылықтан сақтану үшін табиғи монополиялардың тарифіне де белгілі бір шектеу енгізіп барып болжам жасайды. Ал үкіметтің соңғы екі жылдағы «Инвестиция орнына тариф» саясаты Ұлттық банктің инфляцияны бұғаттау саясатына кері әсер етіп жатыр. Тарифтер өскен сайын инфляция да қоса өседі. Жылу мен жарыққа, суға қымбат төлеген кәсіпорын, өз өнімін арзанға сатпайды. Сондықтан тарифтер қымбаттаған сайын елдегі инфляция көрсеткіші кем дегенде 2 пайызға өсім беріп отырады. Былайынша айтқанда, үкіметтің жоспары мен Ұлттық банктің жұмысы үйлеспей отыр», – дейді экономист.Қызылордадағы ахуал2025 жыл есігімізден аттағанда қызылордалықтар электр энергиясына төлейтін қаржының едәуір өскенін айтып жатты. Кейбірі бұрынғыға қарағанда біршама артық төлегенін жеткізді. Мәселе ушығып бара жатқан соң жауапты мекемелер журналистердің алдына келіп, баспасөз мәслихатын өткізді.&nbsp;Облыстық энергетика және тұрғын-үй коммуналдық шаруашылығы &nbsp;басқармасы басшысының орынбасары Тахир Нәдірбек электр энергиясының құны қымбаттамағанын айтты.&nbsp;– Аймақ тұрғындарын энергиямен жабдықтаушы «Энергосервис» ЕЖШС, «Шиелі жарығы» ЖШС және «Даулетэнерго» ЖШС ұйымдары өздерінің қызметін тоқтатып, 2025 жылдың 1 қаңтарынан бастап бұл қызмет түрі «ҚЭТТК» АҚ-ға өткізілді. 2024 жылдың 18 желтоқсанындағы лицензия негізінде энергиямен жабдықтау қызметін «ҚЭТТК» АҚ жүзеге асыруда. 2025 жылдың ақпан айына дейін Қызылорда қаласында «Энергосервис» ЕЖШС тарапынан электрэнергиясын тұтыну көрсеткіші бойынша есеп жүргізілуде. Халыққа ұсынылған есеп тариф бағасының көтерілу салдарынан емес, тұтыну көрсеткішінің қабылдау уақытының ұзаруынан көбейген. Бұрын жарық тұтыну көрсеткіші ай сайын тұрақты 30 күнге есептелетін. Өткен жылдың соңында 45 күнге есептелген. Яғнитұтынушыдан соңғы көрсеткіш 15 қарашада алынса, аталған мекеменің жабылуына байланысты одан кейін желтоқсан айының соңына дейін есебі алынған. Алдағы уақытта мұндай болмайды. Бүгінде 1 қаңтардан бастап тұтыну көрсеткіші алынды, бұрыңғыдай пайдаланған жарық үшін ғана төлем төленеді. Сараланған тариф деңгейі осы уақытқа дейін интернет желісінде ашық көрсетілген, сонымен қатар халық арасында БАҚ арқылы түсіндірме жұмыстары жүргізілді, – дейді Тахир Қуанышбекұлы.Түйін.Кейбір ақпарат көздеріне сүйенсек, ақпан айынан бастап электр энергиясының құны қымбаттауы мүмкін. Оның өзі нақты емес. Әйтсе де «жел тұрмаса шөптің басы қимылдамайтынын» ұмытпайық. Тариф саясатынан ұтамыз ба, ұтыламыз ба? Осыны да ойлау керек. Себебі ескіні халықтың есебінен жаңарту осы идеяны ойлап тапқандарға ғана тиімді, ал қарапайым жұрттың қалтасына әжептеуір салмақ. Тарифті өсіру мәселені шеше ме? Тарқатылмаған түйін осы жерде.Әзиз ЖҰМАДІЛДӘҰЛЫФото: Нұрболат Нұржаубай

Тарифті өсіру мәселені шеше ме?

<a href="https://kyzylorda-news.kz/">Kyzylorda-news.kz</a> Қазалы ауданында былтыр жалпы өнімнің көлемі 25,7 млрд. теңгені құрап, 100,1 пайызға артқан.&nbsp;Бұл туралы Өңірлік коммуникациялар қызметінің ақпарат алаңында Қазалы ауданының әкімі Мейрамбек Шермағамбет баяндады.<blockquote>«Өткен жылы 7276,5 тонна ет, 9916,5 тонна сүт және 961,6 мың дана жұмыртқа өндірілді. Осылайша, ет өндірісі 100,4 пайызға, сүт 54,1 пайызға және жұмыртқа өндірісі 95,2 пайызға орындалып отыр. Ауыл шаруашылығы дихандары биыл 17 мың 29 гектарға ауыл шаруашылығы дақылдарын орналастырып, егін мерзімінде толық жиналды. Негізгі дақыл күріш 6 мың 200 гектарға егіліп, әр гектардан 40,4 центнерден өнім алынып, 26 мың 95 тонна күріш жиналды» - деді аудан әкімі.</blockquote>Ал 2025 жылы аудан бойынша 17 377 гектар жерге ауыл шаруашылығы дақылдарын орналастыру жоспарлануда. Оның ішінде негізгі дақыл 6436 гектар күріш егіледі деп күтілуде. Бұл былтырғы жылмен салыстырғанда 236 гектарға артық.Қазалы ауданында ауыл арасындағы жолдар мен елді мекенішілік көшелердің жағдайы дұрысталып келеді. Былтыр ауданда 27,5 шақырым маңызы бар автомобиль жол құрылысы жөндеуден өткізілді. Бұл туралы Өңірлік коммуникациялар қызметінің ақпарат алаңында Қазалы ауданының әкімі Мейрамбек Шермағамбет айтты.<blockquote>«Жолдың жақсы және қанағаттанарлық жағдайдағы үлесі 88,2 пайызды құрайды. Өткен жылы Қазалы ауданында бірнеше жыл бұрын басталып тоқтап қалған Әйтеке би мен Қазалы қаласы аралығындағы 7 шақырымды құрайтын жолға күрделі жөндеу жұмыстары аймақ басшысының тікелей қолдауымен қайта жанданды. Бүгінгі таңда 4 жолақты жол пайдалануға берілді» - деді аудан басшысы.</blockquote>Фото: Өңірлік коммуникациялар қызметі

Қазалы ауданында ауқымды істер атқарылуда

<a href="https://kyzylorda-news.kz/">Kyzylorda-news.kz</a> Қазақстан халқы Ассамблеясының 30 жылдығына орай Қызылорда медициналық жоғары колледжінде «Бірлігіміз әралуандылықта» тақырыбында ашық тәрбие сағаты өткізілді. Іс-шара Қызылорда облыстық Қазақстан халқы Ассамблеясы жанындағы ақпараттық түсіндіру тобының ұйымдастыруымен жүзеге асты.Ашық тәрбие сағатына Қызылорда медициналық жоғары колледжінің студенттері қатысты. Тәрбие сағаты барысында ақпараттық түсіндіру тобының мүшесі Бауыржан Үсенбаев өңірдегі этносаралық тұрақтылық пен қоғамдық келісімнің маңызы туралы сөз қозғады. Ол Қазақстандағы бірлікке бағытталған маңызды қағидаларын атап, елдегі әртүрлі этнос өкілдері арасындағы өзара құрмет, түсіністік және бейбітшілік жағдайын сақтау қажеттілігін жеткізді.Студенттер бірлік, достық, татулық тақырыбында ән шырқап, жыр шумақтарын оқыды. Жастар өнері арқылы барлық қатысушыларды ынтымақтастыққа шақырды.Тәрбие сағатының қорытындысында студенттер этносаралық қатынастар мәселелері бойынша сұрақтар қойып, көкейлерінде жүрген ойларымен бөлісті.

Қоғамдық келісім – бірліктің негізі

<a href="https://kyzylorda-news.kz/">Kyzylorda-news.kz</a> Бұған қатысты бұйрық жобасы «Ашық НҚА» порталында жарияланды.&nbsp;<blockquote>«Ашық реанимация» қағидаты — анестезиология және реанимация және қарқынды терапия бөлімшесінде балалардың тәулік бойы заңды өкілдерімен бірге болуын ұйымдастыруды көздейді, — делінген құжатта.</blockquote>Осылайша «Ашық реанимация» қағидаты мүгедектігі бар, онкогематологиялық аурулары бар, паллиативтік көмекке мұқтаж балаларға, өлім аузындағы балаларға, жетім және ата-анасының қамқорлығынсыз қалған балаларға қолданылмақ.&nbsp;Денсаулық сақтау министрлігінің мәліметінше, аталған стандартты енгізу балаларға анестезиологиялық және реаниматологиялық көмек көрсетуге оң ықпал етеді. Сонымен қатар теріс салдары жоқ және қосымша шығынды қажет етпейді.&nbsp;Құжат жобасы 28 ақпанға дейін қоғамдық талқылауға ұсынылып отыр.&nbsp;Айта кетсек, Қазақстанда В және С вирустық гепатиттерін анықтауға арналған скрининг енгізіліп жатыр.&nbsp;Сондай-ақ ендігі уақытта жеке медициналық кітапшалар қазір онлайн режимінде қолжетімді.Фото: Freepik.com

Ата-анаға жансақтау бөлімінде баламен бірге болуға рұқсат беріледі

<a href="https://kyzylorda-news.kz/">Kyzylorda-news.kz</a> Қызылорда облысына жұмыс сапарымен келген ҚР Премьер-министрінің бірінші орынбасары Роман Скляр жаңа жылу-электр орталығының құрылыс барысымен және шыны зауытының жұмысымен танысты.Мемлекет басшысының, Үкіметтің қолдауының арқасында бүгінде өңірдің энергетика саласының даму қарқыны жоғары. Қызылорда қаласында 215 млрд. теңгеге қуаттылығы 240 мегаваттық жаңа жылу-электр орталығы бой көтеріп келеді. Бүгінде инвестор &nbsp;«Акса Энерджи» түрік компаниясы құрылысқа 127 млрд. теңгеден астам инвестиция салды. &nbsp;Жаңа жылу-электр орталығы – тәуелсіздік жылдарындағы инвестор қаржысына салынған ең ауқымды, теңдесіз жобалардың бірі. Ол іске қосылғанда өңірдің электр энергиясына деген қажеттілігін толық қамтамасыз етеді. Өндірілген электр энергиясының бір бөлігін аймақтан тыс жерлерге сатуға мүмкіндік туады. &nbsp;Өңір үшін айрықша маңызға ие нысан биыл ел игілігіне табысталады. «Orda Glass Ltd» ЖШС шыны зауытындағы жаңа желінің жұмысы да қарқынды. Зауытта жылына 197,1 мың тонна шыны өндіріліп, Ресей Өзбекстан, Қырғызстан және Тәжікстанға экспортталады. Бүгінде онда 366 маман жұмыс істейді, оның &nbsp;269-ы – қазақстандық, 97-сі – шетелдік. Өткен жылы шыны зауыты ішінен энергия үнемдейтін шыны өндірісінің жаңа желісі іске қосылған болатын. Қытайлық инвестор алдағы уақытта 2 кезеңге жоспарланған жаңа инвестициялық жобаны жүзеге асырмақ. Бірінші кезеңде, яғни 2026 жылы жылына 200 мың тонна кварц құмын өңдейтін цех, екінші кезең – 2028 жылы тәулігіне 500 тонна күн фотоэлектрлік шыны өндірісі ашылады.Айта кетейік, облыста негізгі капиталға 640 млрд. теңге инвестиция тартылып, өсім 21,7 пайыз болды. Оның 70,5 пайызы – жеке инвестиция. Шетел инвесторларымен жүргізілген жұмыстардың арқасында 2024 жылдың 9 айында 171 млн. доллар тікелей инвестиция тартылды. Экономиканы әртараптандыру мақсатында өткен жылы 37 млрд. теңгенің 21 инвестициялық жобасы жүзеге асты. 2025-2029 жылдарға 1 трлн. 900 млрд. теңгенің 65 инвестициялық жобасы межеленген.&nbsp;Фото: Қызылорда облысы әкімінің баспасөз қызметі

Роман Скляр жылу-электр орталығы мен шыны зауытына барды

<a href="https://kyzylorda-news.kz/">Kyzylorda-news.kz</a> - Әділбек Бөрібайұлы, ашық сұқбатқа келісім бергеніңізге рақмет. Соңғы жылдары сайлау комиссиялары ашықтық қағидатына сай жұмыс жасауға көшті. Бұл қоғамның талабы ма, әлде саяси бәсекелестіктің жандана бастағанының көрінісі ме? - Рақмет! Өзіңіз айтқан ашықтық – талап ғана емес, қазіргі уақытта нағыз қажеттілікке айналды. Себебі қоғам дамуына керек әрбір шешім, әрбір реформа халықтың қатысуымен іске асады. Ал, біздің сайлау жүйесіндегі басты принцип – әділдікпен ашықтық. Соңғы жылдары ғана емес, сайлау комиссиялары әділдік ұстанымын, ашықтық қағидатын, алқалылық талабын орындап келеді. Оны сайлау өтіп жатқан саяси процестерден көрсеңіз болады. Саяси науқан кезінде сайлау комиссиялары кандидаттармен жұмыс жүргізуде, үгіт кезеңінде болсын әрбір комиссия отырыстарын алдын ала анонстайды.Комиссия отырыстары жабық өтпейді, яғни комиссия мүшелері БАҚ өкілдеріне, онлайн платформа иелеріне ашық ақпарат ұсынудан бас тартқан емес.&nbsp; Мемлекет басшысыҚасым-Жомарт Кемелұлы сайлаудың басты құндылығы әділдікке негізделіп, азаматтардың сайлау құқығының сақталуына жол ашуы тиіс екенін жеткізді. Бұл ретте Президент реформаларының дені – тікелей сайлау жүйесін енгізумен байланысты өрбуде.&nbsp; Бұрынғыдай емес, кент және ауылдық округ, аудан және облыстық маңызы бар қала әкімдерін, депутаттарды халық тікелей сайлай алатын мүмкіндікке ие болды. Соның нәтижесінде біздің қоғамға бұрын әкімдік қызмет атқармаған жаңа деңгейдегі, жаңа көзқарастағы әкімдер келуде. Бұл сөзсіз бәсекелестікті күшейтті.&nbsp; ҚР Орталық сайлау комиссиясының төрағасы Нұрлан Мәжитұлы еліміздегі демократиялық өзгерістер эволюциялық жолмен жүзеге асырылып, ауыл, аудан әкімдерін тікелей сайлауға көшіру соның айғағы екенін жеткізген болатын.&nbsp; - Білуімізше, партия мүшесі болуды қаламайтын азаматтар да сайлауға түсіп әкім бола алады екен... - Иә, қала, аудан, кент және ауылдық округ әкімінекандидат болуға үмітті азаматтар партия атынан және өзін-өзі ұсыну жолымен кандидаттыққа түсе алады. Егер азамат партиядан емес, өзін-өзі ұсынатын болса ҚР Сайлау туралы Конституциялық заңының 113-бабы 4-тармағына сәйкес кандидат &nbsp;сайлаушылардың жалпы санының кемінде 1 пайыз дауысымен қол жинауы керек.&nbsp; Таяуда ғана аймақтағы сайлау науқандарына талдау жасадық. 2021 жылы кент және ауылдық округ әкімдері сайлауында кандидаттардың 87,2 пайызы партиядан ұсынылса, тек 12,7 пайызы өзін-өзі ұсынып келген екен. Ал, 2024 жылы партиямен ұсынылған кандидаттардың үлесі 36,3 пайызды көрсетті. Керісінше, 3 жыл ішінде өзін-өзі ұсыну деңгейі 63,6 пайызға көтерілді. Демек, азаматтардың өзін-өзі ұсынуға деген ұмтылыстары жоғары екенін байқау қиын емес. Түптеп келгенде кандидат саяси партиялардан немесе өзін-өзі ұсынса да әкімдер мен депутаттарды халық тек сайлау арқылы шешеді.&nbsp; - Бәселекестік қыза түсті деп айтып қалдыңыз. Қай ауылдардың әкімі жиі ауысады? - Жергілікті өзін-өзі басқару туралы заңға сәйкес әкімдер 4 жыл мерзімге сайланады. Дегенмен өкілеттілігі ерте тоқтатылған әкімдердің орнына сайлау тағайындала береді. Облыста 146 кент және ауылдық округ әкімі бар. 3 әйел әкім әкімдік қызметін абыроймен атқаруда.&nbsp; Барлық әкімдердің 94 пайызы тікелей сайлау арқылы қызметке келді. Қалған 6 пайыз яғни 9 ауылдың әкім сайлауын биылғы жылдың сәуір айына дейін өткізетін боламыз. Жақында ғана Жаңақорған ауданындағы Қандөз, Жалағаш ауданындағы Еңбек ауылдық округ әкімдерінің сайлауы ұйымдастырылды. Жыл ішінде 48 ауылдық округ әкімінің өткізу жоспарымызда тұр.&nbsp; Бәсекелістік қай кезде де бар. Әсіресе, дауыс беру сәтінде байқалады. 1 дауыстың өзі үлкен рөл ойнайды. Себебі сайлауда басым дауыс алған кандидат сайланады.&nbsp; Өмір болғаннан кейін әкімдердің басқа өңірге қоныс аударуы, мемлекеттік қызметке немесе жеке кәсіпке ауысуының салдарынан тұрғындар 4 жыл мерзімді күтпей-ақ жаңа әкімдерді сайлай береді. Тиісінше, сол ауылдарда әкімдердің жиі ауысуы байқалады.<img src="https://knadmin.beoblood.kz/uploads/Whats_App_Image_2025_02_14_at_17_49_43_a22f08e381.jpeg" alt="WhatsApp Image 2025-02-14 at 17.49.43.jpeg"> - Ал, олардың білім деңгейлері ше? Оған қаншалықты талдау жасалады?Бізде жас әкімдер, депутаттардың үлесі қандай? - Әкім, депутат болуға келген 146 кент және ауылдық округ әкімнің 144-і жоғары білімді, 2-нің арнаулы орта білімі бар. Аймақтағы 152 мәслихат депутатының 144-і жоғары білімді, 8-нің орта арнаулы білімі бар.&nbsp; Сайланған әкімдердің 111-і мемлекеттік құрылымдарда, 16-ыкоммерциялық құрылымдардан келген.&nbsp; Статистикаға көз салсақ, облыста 18-35 жас аралығындағы 7 жас әкім, 4 жас депутат бар. Олардың ішінде ең жас әкім –28 жаста, ең жас депутат – 27жаста. Білесіз бе, тұрғындармен етене араласатын ауыл әкімін таңдауды елдің еркіне салу елді мекендегі кез келген мәселені жедел әрі тиімді шешудің бір тетігі. Әрі бұл билікке талапты жастардың келуіне жол ашады. Мәселен, 28 жастағы Арал ауданындағы Жаңақұрылыс ауылының жас әкімі Елнұр деген азамат осыған дейін мал шаруашылығымен айналысатын қожалық төрағасы ретінде бастама көтеріп, ауылдардағы арықтарды тазалап, бақша егетіндердің жерін жыртып, жолын тегістеп беріп келген. Халық қолдап, өздері сайлағандығын бізге жеткізді. Бұл Президент реформаларының өңірде іске асып жатқандығының нақты көрінісі деуге болады. Мұндай мысалдар аз емес.&nbsp; - Сайлауға баратын халыққа қолайлы жағдай жасау – тікелей міндетіміз дедіңіз. Қазір халықтың сайлауға бару деңгейі қалай? Естуімізше, өткен жылдан бастап шақыру қағаздарын жаңа форматта шығара бастапсыздар... - Сыр өңірі кез келген саяси науқанда ауызбіршіліктің жоғары үлгісін көрсетіп келеді. Ауыл, аудан әкімі, депутаттар мен Президент сайлауында ауылдық жердегі азаматтардың дауыс беру белсенділігі жоғары екенін өзіңіз де көріп жүрсіз.&nbsp; Мәселен, Сырдария ауданында тұратын 103 жастағы қарт сайлаушымыз Яхия Тасыров 80 жылдан аса саяси науқандарға үзбей қатысып келеді. Учаскеге алғаш келуші азамат ретінде де майдангер ақсақалымызға комиссия мүшелерінің құрметі зор.&nbsp; Отбасымен бірге келіп, таңдау жасауға асығатындар сайлаушылар да аз емес. Мәселен, Жаңақорған ауданындағы Қыраш ауылының тұрғыны, еңбек ардагері Сұлтанхан Ақылбеков есімді ағамыз 20 жылдан аса немерелерін ерте келіп отбасымен бірге өз таңдауын жасап, азаматтық үн қосып келеді. Өткен жыл ел үшін маңызды шешім қабылдайтын АЭС салу мәселелеріне арналған референдумда Қызылорда облысындағы дауыс беруге құқығы бар сайлаушылардың 405892-сі, яғни82,2 пайызы учаскеге келіп, таңдау жасады. Біз сайлаушыларды ел үшін маңызды науқандарға шақыру үшін түрлі форматта ақпараттық жұмыстарды үйлестірдік. Жаңа үлгідегі шақыру қағаздарынаQR белгісі қосылды. Сондай-ақ, бұрынғыдай емес шақыру қағаздары әр үйге және әр азаматқа таратылды. Сонымен қатар азаматтардың өз учаскесіноңай анықтауға мүмкіндік беретін referendum.orda.gov.kz сайты, «Smart Qyzylorda» мобильді қосымшалары іске қосылған болатын.&nbsp; Референдум кезінде 109 бірыңғай call орталықтың байланыс қызметі 24/7 жұмыс жасап, 1000-ға жуық қоңырауға жауап берді.&nbsp; Дауыс беру күні тізімде жоқ азаматтарды тіркеу қызметімен айналысатын 5 учаскеде онлайн сервис ашылып, азаматтардың тіркелген жері жөніндегі мәліметтерді тексерудің онлайн-сервисін орнату үшін 169 сайлау учаскесі жұмысістеді. Мұның бәрі сайлаушылардың уақытын үнемдеу жолында жасалған қадамдардың бірі.&nbsp;<img src="https://knadmin.beoblood.kz/uploads/miks_6c44a1c71d.png" alt="микс.png">- Жасыратыны жоқ, сайлауға өз аяғымен баратын азаматтардан бөлек мүгедектігі бар сайлаушылардың учаскеге келуі үлкен проблеманың бірі. Оларға кедергісіз орта қалыптастыру тікелей міндеттеріңіз екенін ескерсек, қазіргі ахуал қалай? - Облыстағы барлық 380 учаске 1-қабатта орналасқан. Өндірістік және режимдік нысандарды есепке алмағанда барлық учаскелер қолжетімділік картасына енген. Мүгедектігі бар сайлаушылар үшін арнайы құрылғылар, көру қабілеті төмен азаматтар арнайы трафареттермен қамтамасыз етілген. Сондай-ақ, инватакси, сурдоаударма, ымдау тілінің мамандарының қызметі де жолға қойылған. Мәселен, Қызылорда қаласында тұратын Анаргүл есімді сайлаушымыз 8 жылдан бері инватаксидің қызметін пайдалану арқылы науқандарға қатысып келеді. Дауыс беруші азаматтарға қолайлы және тең мүмкіндік ұсыну – біздің міндетіміз. Президент пәрменімен 2023 жылы сайлау комиссиялары кәсіби негізде тұрақты жұмыс жасауға көшті. Бұл өз кезегінде әрбір саяси науқанды өткізетін комиссия мүшелері үшін үлкен жауапкершілік жүктеді. Соның нәтижесінде 31 комиссия мүшесі тұрақты жұмыс атқаруда. Яғни бұрынғы жылдармен салыстырғанда кадрлар құрамы 1,7 есеге өсті.&nbsp; Өткен жылы облыс, қала, аудандық сайлау комиссиялары мен учаскелік комиссия мүшелерінің құрамы жаңадан жасақталды. - Қоғамда комиссия мүшесі болуға асығатындар аз емес екен. Олардың білім-деңгейлері қаншалықты талданады? - Өңірдегі сайлау жүйесінде 3385 комиссия мүшесі еңбек етеді. 380 учаскеде 2652 комиссия мүшесі қызмет атқарады. Ал, 134 округтік комиссияда 670 мүше бар. Ал, аумақтық сайлау комиссияларында 63 маман қызмет етіп жүр.&nbsp; ҚР Сайлау туралы Конституциялық заңның 10-бабына сәйкес комиссиялар 5 жыл мерзімге сайланады. Әлбетте, олардың білім деңгейіне, кәсіби біліктілігіне жеткілікті деңгейде мән беріледі. Орталық сайлау комиссиясының аппараты өңірлерге инспекторлық сапарлар жасап, комиссия құрамындағы мүшелерге оқу-әдістемелік көмектер беріп келеді.&nbsp; Комиссия мүшелеріне офлайн және онлайн форматта каскадтық әдіспен оқыту семинарлары ұйымдастырылды. Бірнеше кезеңді қамтитын оқуға 63 аумақтық комиссия мүшелері оқытылып, біліктілік деңгейін анықтайтын тестілеуден өткізілді.&nbsp; Ал, қала және аудандардағы көшпелі оқытуға аумақтық сайлау комиссиясының 56 мүшесі мен учаскелердегі 1692 комиссия мүшесі қамтылды. Қалған 960 комиссия мүшесіне каскад әдісімен оқыту жүргізілді.&nbsp; Барлық 3385 комиссия мүшесінің біліктілік сертификаты бар. Сондай-ақ, арнайы жаттықтырушы сертификатқа ие 16 тұрақты комиссия мүшесі спикерлер пулының құрамына енді. Оқыту-семинары іскерлік ойын элементтері форматына негізделіп, комиссия мүшелерінің практикалық кейстерді талқылауы және қолданыстағы заңнамалардың сақталуына баса мән берілді.&nbsp; Комиссия мүшелерінің білім деңгейін жетілдіруге арналған оқыту жұмыстары үздіксіз жүргізіледі.- Сұқбатыңызға рақмет!Әңгімелескен Айдос Мырзалы&nbsp;&nbsp;&nbsp;Фото: автордікі &nbsp;

Әділбек Ерсұлтанов: «Сайлауда бір дауыстың өзі үлкен рөл ойнайды»

<a href="https://kyzylorda-news.kz/">Kyzylorda-news.kz</a> ҚР Премьер-министрінің бірінші орынбасары Роман Скляр Сыр еліне жұмыс сапары аясында шағын өнеркәсіп аймақтарына барып, жаңа жобалар мен өндіріс алаңдарын көрді.Облыс әкімі Нұрлыбек Нәлібаев алдымен «Жолаушылар вагондарын жөндеу, техникалық қызмет көрсету кешені және вагон құрастыру зауытының» жобасымен таныстырды.Инвестициялық жобаның құрылтайшысы «Марал-Нұр» ЖШС директоры Мұрат Нұрсаитовтың айтуынша, 15,4 млрд теңге инвестиция салынатын жоба 2 кезеңде жүзеге асады. Бірінші кезеңде жылына 560 жолаушылар вагонын ағымдағы жөндеу, 180 вагон депо жөндеу кешені жоспарланған. Құрылыс 100% аяқталды, &nbsp;қазір ішкі әрлеу жұмыстары қарқын алды. Ресейден 60 жабдық жеткізіліп, &nbsp;монтаждалуда. Серіктестік бұған шамамен 3,2 млрд теңге жеке инвестиция салды. Одан бөлек, жобаны «Даму» кәсіпкерлікті дамыту қоры» АҚ &nbsp;2,2 млрд теңгеге қаржыландырды. Пайдалануға беру 2025 жылдың ІІ тоқсанына жоспарланған.Екінші кезеңде жаңа технологияларды пайдаланып вагон құрастыратын өндіріс құрылмақ. Ол – жылына 30-40 вагон шығаратын «Қызылорда вагон құрастыру зауыты». Дайындық жұмыстары осы жылдың екінші жартыжылдығында басталады. Ресейден және ҚХР-дан жабдықтар сатып алуға қажетті 8 млрд теңге &nbsp;«Өнеркәсіпті дамыту қоры» АҚ арқылы қарастырылуда.Әрі қарай Премьер-министрдің бірінші орынбасары шағын өнеркәсіп аймақтарындағы жаңа жобалар мен өндіріс алаңдарын аралады. Қызылорда қаласының сол жағалауынан шағын өнеркәсіп паркін салу туралы 2 кәсіпкердің өтінімі мақұлданған. «Тұмар» және «Техоснастка-Ремсервис» шағын өнеркәсіп аймақтары жобасының техникалық серіктесі – «Өнеркәсіпті дамыту қоры», «Байқоңыр» ӘКК АҚ. Бұл аумақтан ауыл шаруашылығы, азық-түлік өнімдерін шығару жоспарлануда. Сүт өнімдерін, жартылай фабрикаттарды, нан-тоқаш өнімдерін өндіретін аймақта 10-80 жұмысшы еңбек етеді. Қазіргі уақытта іргетасы құйылып, бағаналары орнатылған.Айта кетейік, «Ауыл аманаты» жобасы аясында соңғы екі жылда 601 жоба &nbsp;жүзеге асырылып, 917 жаңа жұмыс орны құрылды. Биыл 815 жоба шеңберінде 1 мыңнан астам жұмыс орны ашылмақ. Сонымен қатар, шаруашылық құрылымдарының әлеуметтік жауапкершілігі аясында кәсібін бастаушыларды ғимаратпен, кепілдікпен қамтамасыз ету тәжірибесі енгізілді.<img src="https://knadmin.beoblood.kz/uploads/Roman_Sklyar_1_899b46b285.jpg" alt="Роман Скляр 1.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары