<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде итальяндық жазушы, эколог Роберто Болтридің «Ұмытылған қасірет / Забытая трагедия» атты кітабының тұсаукесер рәсімі өтті.Мәдени шараға университеттің профессор-оқытушылары, студенттері мен зиялы қауым өкілдері қатысты.Кездесу барысында университеттің Басқарма мүшесі – Ғылыми жұмыстар және халықаралық байланыстар жөніндегі проректоры Майнура Бурибаева автордың Арал теңізі мәселелері мен Орталық Азияның тарихи-мәдени тақырыптарын зерттеуге үлес қосып жүрген әлем азаматы екенін атап өтті.Шара барысында Роберто Болтри кітаптың тарихи маңызына тоқталып, еңбектің басты мақсаты – ХХ ғасырдағы қазақ халқы бастан өткерген нәубет жылдардың шынайы тарихын халықаралық деңгейде таныту екенін жеткізді.<img src="https://knadmin.beoblood.kz/uploads/Whats_App_Image_2026_05_26_at_12_39_18_52f9babcf6.jpeg" alt="WhatsApp Image 2026-05-26 at 12.39.18.jpeg">Тағылымы терең еңбекте қазақ халқының ең ауыр тарихи кезеңдерінің бірі – ашаршылық пен саяси қуғын-сүргін оқиғалары архивтік деректер мен куәгерлер естеліктері негізінде баяндалған. Автор кеңестік саясаттың салдары, халықтың жаппай қырылуы мен босуы, сондай-ақ қуғын-сүргінге ұшыраған қазақ зиялыларының тағдырын жан-жақты зерттеген.Сонымен қатар кітаптың қазақ және орыс тілдерінде жарық көруі оның кең аудиторияға қолжетімділігін арттыратыны айтылды.Кездесу соңында кітаптың ресми тұсауы кесіліп, қатысушылар авторға сұрақтарын қойып, пікір алмасты.«Ұмытылған қасірет / Забытая трагедия» – тарихи шындықты зерделеп, оны болашақ ұрпақ санасына жеткізуге бағытталған маңызды еңбек.

Итальяндық жазушының қазақ тарихына арналған кітабы таныстырылды

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында Ғазиз Байтасов атындағы «Жас жол инспекторларының» ХХІ республикалық слетінің ауданаралық кезеңі өтті. Шараға 7 ауданнан 7 команда қатысты.&nbsp;Салтанатты шараның ашылуына Қызылорда облысы Полиция департаменті бастығының орынбасары полиция полковнигі Е.Абдраманов қатысып, жас жол инспекторларының қоғамдағы рөліне тоқталды. Өз сөзінде ол жасөспірімдер арасында жол қозғалысы қауіпсіздігін насихаттау маңызды міндеттердің бірі екенін атап өтіп, мұндай шаралар балалардың жауапкершілігін арттырып, жол-көлік оқиғаларының алдын алуға ықпал ететінін жеткізді. Сонымен қатар қатысушыларға сәттілік тілеп, білім мен шеберлік сындарында жоғары нәтиже көрсетуге шақырды.Ауданаралық слет жасөспірімдердің жол қозғалысы ережелерін жетік меңгеруіне, құқықтық сауаттылығын арттыруға және қауіпсіздік мәдениетін қалыптастыруға бағытталды. &nbsp;Байқау бірнеше кезең бойынша ұйымдастырылды. Қатысушылар үгіт-насихат жұмыстары бойынша көрініс қойып, шығармашылық өнерлерін ортаға салды. Сонымен қатар жол жүрісі қағидаларын білу бойынша тест тапсырмаларын орындап, эрудиттік және логикалық сұрақтарға жауап берді.«Жас санитар» кезеңінде алғашқы көмек көрсету бойынша теориялық және тәжірибелік тапсырмалар орындалса, «Жас реттеуші» кезеңінде жол қозғалысын реттеу машықтары сынға түсті. Сондай-ақ қатысушылар велосипедті мәнерлеп жүргізу сайысында өз шеберліктерін көрсетті. Іс-шара барысында жас инспекторлар жол қауіпсіздігін сақтау мәдениетін насихаттап, өздерінің білімдері мен дайындық деңгейін көрсетті.Қорытынды бойынша І орынға — Байқоңыр қаласының командасы, ІІ орынға — Сырдария ауданының командасы, ІІІ орынға — Қазалы ауданының командасы ие болды. Жеңімпаздар мен қатысушылар арнайы дипломдармен және алғыс хаттармен марапатталды.

Қызылорда облысында жас жол инспекторларының ауданаралық слеті өтті

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінде «Заң мен тәртіп» қағидаты аясында сыбайлас жемқорлыққа қарсы тәуелсіз сарапшы, заңгер Дидар Смагуловпен «Заңды сыйлау – өзіңді сыйлау» тақырыбындағы&nbsp;білім алушылармен&nbsp;кездесу өткізді.Іс-шараның басты мақсаты – жастар арасында құқықтық мәдениетті қалыптастыру, заңға құрмет пен азаматтық жауапкершілікті арттыру болды.Кездесу барысында спикер қоғамда заң мен тәртіп идеологиясын ілгерілету жөніндегі 2025-2030 жылдарға арналған тұжырымдамаға тоқталып, оның негізгі бағыттарын түсіндірді. Атап айтқанда, заң үстемдігі және заңның жалпыға бірдейлігі, ашықтық пен есептілік, адам құқықтарын құрметтеу және әділеттілік қағидаттарының қоғамдағы маңызы кеңінен талқыланды.Сонымен қатар, Дидар Смагулов жастардың кез келген реформаның негізгі қозғаушы күші екенін атап өтті. Ол білім алушыларға заңдық, азаматтық, саяси және экономикалық құқықтар туралы түсіндіріп, құқықтық сауаттылықтың маңызын жеткізді.Танымдық кездесу жастардың құқықтық мәдениетін қалыптастыруға және қоғамдағы заң мен тәртіп құндылықтарын насихаттауға бағытталды.

«Заңды сыйлау – өзіңді сыйлау» тақырыбындағы кездесу өтті

<a href="https://kyzylorda-news.kz/">Kyzylorda-news.kz</a> &nbsp;Қызылордадағы Достық үйінде облыстық Қазақстан халқы Ассамблеясы Ақсақалдар кеңесінің ағымдағы жылдың екінші тоқсанындағы кезекті отырысы ұйымдастырылды. Жиынды кеңес төрағасы Нұрмұрат Ерманов ашып, жүргізді.Төраға қатысушыларды Құрбан айт мерекесімен құттықтап, биыл өңірде өткен Ұлттық құрылтайдың бесінші отырысының маңыздылығын атап өтті. Сонымен қатар Қазақстан халқы Ассамблеясының атауын «Халықтық кеңес» деп ауыстыру және оның құзыреттерін қайта қарау мәселесі талқыланып жатқанын, бұл өзгерістер нақты бекітілгеннен кейін толық ақпарат берілетінін мәлімдеді.Күн тәртібінде рухани құндылықтарды сақтау, ата-баба дәстүрін дәріптеу және жат ағымдардың алдын алу мәселелері қаралды.Жиында Қазақстан мұсылмандары діни басқармасының Қызылорда облысы бойынша бас имамы Дастан Құрманбаев баяндама жасап, дәстүрлі дінді, ұлттық құндылықтарды насихаттау бағытындағы шаралар туралы ақпарат берді.Баяндамадан кейін кеңес мүшелері пікір алмасып, ұсыныстарын білдірді. Төраға Нұрмұрат Ерманов жат ағымдардың алдын алудағы бірлескен жұмыстың маңызына тоқталып, айтылған барлық ұсыныстарды хаттамаға енгізуді тапсырды.Жиын соңында облыстық ҚХА Ақсақалдар кеңесі мен ҚМДБ-ның аймақтық филиалдарына салт-дәстүрді, мемлекеттік тілді және ұлттық киім үлгілерін бірлесе насихаттау туралы үндеу жолданды.

Сыр өңірінде Ақсақалдар кеңесінің отырысы өтті

Шиелі ауданының әкімі Айтбай Жандарбековтың төрағалығымен мәжіліс отырысы өтті. Мәжіліске аудандық мәслихат төрағасы, аудан әкімінің орынбасарлары, «Amanat» партиясы аудандық филиалының атқарушы хатшысы, дербес бөлім басшылары, кент және ауылдық округ әкімдері қатысты.Мәжіліс барысында оқу жылының қорытындысы және білім алушылардың жазғы демалысын ұйымдастыру мәселелері талқыланды.Мәжілісте аудан әкімі Айтбай Жандарбеков қазіргі кезең - қорытынды емтихандар мен балалардың жазғы демалысын сапалы әрі қауіпсіз ұйымдастырудағы ең жауапты уақыттардың бірі екенін атап өтті. Осыған байланысты барлық жауапты сала басшыларына нақты тапсырмалар жүктелді.Атап айтқанда, балалардың қатысуымен өтетін іс-шараларда құқықтық тәртіптің, қоғамдық және жол қауіпсіздігінің сақталуын қамтамасыз ету, төтенше жағдайлардың алдын алу, білім беру ұйымдары мен демалыс орындарында қауіпсіздік талаптарын күшейту қажеттігі айтылды. Сонымен қатар, балалардың жазғы демалысын тиімді ұйымдастыру басты міндеттердің бірі екені ерекше назарға алынды. Әрбір баланың жазғы кезеңде қауіпсіз әрі мазмұнды демалыспен қамтылуы тиіс екені айтылып, әсіресе әлеуметтік осал санаттағы, көпбалалы және аз қамтылған отбасылардың балаларына басымдық беру қажеттігі тапсырылды. Жазғы сауықтыру лагерлерінің дайындығы, санитарлық талаптардың сақталуы, балалардың тамақтану сапасы, судағы және өрт қауіпсіздігі мәселелері жан-жақты пысықталып, жауапты &nbsp;сала басшыларына нақты міндеттер жүктелді. Сонымен бірге, жазғы демалыс маусымы кезінде балалардың белгіленбеген аймақтарда суға түсуінің алдын алу бағытындағы түсіндіру және профилактикалық жұмыстарды күшейту қажеттігі айтылды.Күн тәртібіндегі мәселе бойынша аудандық білім бөлімінің басшысы Дәуренбек Насибеков баяндама жасап, оқу жылының аяқталуы, қорытынды аттестаттау жұмыстары, жазғы сауықтыру лагерлерінің дайындығы және балалардың жазғы демалысын ұйымдастыру шараларының барысы туралы жан-жақты баяндап өтті.Мәжіліс қорытындысында аудан әкімі жауапты сала басшылары мен ауылдық округ әкімдеріне балалардың қауіпсіздігі мен жазғы демалысын ұйымдастыру мәселелерін тұрақты бақылауда ұстауды тапсырды.

Шиелі ауданында мәжіліс отырысы өтті

&nbsp;<a href="https://kyzylorda-news.kz/">Kyzylorda-news.kz</a> &nbsp;Шиелі ауданы әкімдігінде аудан әкімі Айтбай Жандарбеков республикалық және облыстық пән олимпиадалары мен түрлі білім байқауларында топ жарып, аудан мерейін асқақтатқан дарынды оқушыларды, білім гранттарының иегерлерін және олардың жетекші ұстаздарын арнайы қабылдап, марапаттады.Салтанатты жиында аудан басшысы жас жеткіншектердің білім жолындағы табандылығы мен ұстаздардың қажырлы еңбегіне жоғары баға беріп, бұл жетістіктер &nbsp;ауданның білім саласындағы жүйелі жұмыстардың нақты нәтижесі екенін атап өтті.<blockquote>– «Білімді ұрпақ – елдің жарқын болашағы. Сіздердің жетістіктеріңіз тек ата-ана мен ұстаздардың ғана емес, барша аудан жұртшылығының мақтанышы. Осындай биік белестерді бағындырып, ел сенімін ақтай беріңіздер», – деді аудан әкімі.</blockquote>Кездесу барысында үздік оқушылар мен жас түлектер аудан әкімдігіне өз алғыстарын білдіріп, еркін форматта пікір алмасты. Сонымен қатар, аудан әкімінің қабылдауында болып, көкейлеріндегі сұрақтарын қойып, ашық әңгіме өрбітті. Жастардың ұсыныс-пікірлерін тыңдаған аудан басшысы олардың бастамаларына әрдайым қолдау көрсетілетінін жеткізді.Айта кетейік, биыл аудан бойынша 1118 оқушы мектеп қабырғасымен қоштасып, оның 938-і Ұлттық бірыңғай тестілеуге қатысқан. Сонымен қатар, 93 оқушы «Алтын белгіге», 108 бітіруші «Үздік аттестатқа» ұсынылып отыр. Қазіргі таңда Шиелі ауданында 37 жалпы білім беретін мектеп жұмыс жасайды. Ауданда үш ауысымдық әрі апатты жағдайдағы білім беру ұйымдары жоқ. Бұл - білім саласына көрсетіліп отырған тұрақты қолдау мен жүйелі жұмыстың нәтижесі.Дарынды жастар қатарында аудан мақтанышына айналған №127 Ш.Уәлиханов атындағы орта мектеп-лицейінің егіз түлектері – Алтынсары Кәусар мен Алтынсары Гауһардың жетістігі ерекше аталды. Білім мен табандылықты серік еткен қос шәкірт Ұлттық бірыңғай тестілеуде жоғары нәтиже көрсетіп, аудан абыройын асқақтатты.Жиын соңында аудан әкімі дарынды оқушылар мен ұстаздарға арнайы алғыс айтып, алдағы оқу мен еңбек жолдарына сәттілік тіледі.

Шиелілік оқушылардың жетістігі жоғары бағаланды

Облыс әкімі Мұрат Ергешбаевтың төрағалығымен мәжіліс өтіп, онда биылғы оқу жылының аяқталуы, балалардың жазғы демалысын ұйымдастыру, суға шомылу мезгіліндегі сақтық шаралары талқыланды. Бұл жиындағы міндеттер бойынша қала әкімдігінде шаһар басшысы Нұржан Ахатов тиісті сала жетекшілеріне бірқатар тапсырмалар жүктеді.Биыл қала бойынша 4 436 оқушы 11 сыныпты аяқтауда. Осыған орай, орта білімі туралы аттестаттарды салтанатты табыстау рәсімін жоғары деңгейде ұйымдастыру, қоғамдық қауіпсіздікті сақтау мәселесі қатаң бақылауда болады. Ал, шомылуға тиым салынған су айдындарында күнделікті рейдтік шараларды жүргізу, қала тұрғындары мен ата-аналарға профилактикалық түсіндірме жасау - басты талап.Сондай-ақ, аумақтардың стихиялық қоқысқа айналуын болдырмау, шаруашылықтар мен ауылдарды аяқ сумен қамтамасыз ету кезек күттірмейтін мәселе.– Қала - ортақ үйіміз. Республика бойынша Қызылорда қаласы ең таза қала атағына ие болғанын жақсы білесіздер. Сол үшін санитарлық тазалық күн тәртібінен түспейді. Әсіресе, еңбек адамдарының жасаған жұмыстарына құрметпен қарап, тазалық сақтауға барлық тұрғындарды шақыру қажет. Сондай-ақ, айтылған барлық мәселе сапалы әрі уақтылы орындалуы тиіс, – деді Нұржан Сәбитұлы.

Жазғы демалысты тиімді пайдалану жұмыстарын пысықтады

Арал ауданы әкімдігінде аудан әкімі Аманжол Оңғарбаевтың төрағалығымен әкімдік мәжілісі өтіп, оқу жылының аяқталуы және балалардың жазғы демалысын қауіпсіз әрі сапалы ұйымдастыру мен бірқатар маңызды мәселелер қаралды.Жиында Үкімет отырысы мен аймақта өткен мәжілісте көтерілген оқу жылының аяқталуы және балалардың жазғы демалысын қауіпсіз әрі сапалы ұйымдастыру мәселесі талқыланды.Аудан әкімі тарапынан балалардың қауіпсіздігі басты назарда болуы қажеттігі айтылып, жауапты мекемелерге бақылауды күшейту тапсырылды. Сонымен қатар, аудандық полиция бөліміне күшейтілген режимде жұмыс жасау міндеттелді.Сондай-ақ, алдағы Құрбан айт мерекесінде қоғамдық-саяси тұрақтылықты сақтау мәселелері де назардан тыс қалған жоқ. Бұл бойынша қала, кент және ауылдық округ әкімдеріне тиісті тапсырмалар берілді.Жиын барысында алдағы уақытта ашылатын әлеуметтік нысандардың сапасы, құжаттарының талапқа сай болуы, санитарлық тазалық мәселелері де пысықталды.Бұдан бөлек, «Таза Қазақстан» акциясы аясындағы сенбілік жұмыстарын жандандыру, елді мекендердің тазалығын сақтау, коммуналдық қызметтердің тұрақты жұмысын қамтамасыз ету бойынша нақты міндеттер қойылды.Кемшіліктер айтылып, қала аумағы бойынша тазалыққа байланысты кемшіліктер арнайы слайд арқылы көрсетіліп, оларды жою бойынша жауапты тұлғаларға бірқатар тапсырма жүктелді.Жиынды қорытындылаған аудан әкімі Аманжол Сақыпұлы көтерілген мәселе мен анықталған кемшіліктерді қалпына келтіру жұмыстары қатаң бақылауға алынатынын ескертті.

Арал: Балалардың қауіпсіздігі басты назарда 

Облыс әкімі Мұрат Ергешбаевтың төрағалығымен өткен мәжілісте оқу жылының аяқталуы және балалардың жазғы демалысын ұйымдастыру мәселелері қаралды. Аймақ басшысының мәжілісте беріген тапсырмаларына сәйкес Қазалы ауданының әкімі Алмасбек Есмаханов арнайы аппарат мәжілісін өткізіп, күн тәртібіндегі мәселелер бойынша тиісті сала басшыларына бірқатар нақты тапсырмалар жүктеді.Биыл Қазалы ауданындағы 37 мектепте 2025-2026 оқу жылын барлығы 16 701 оқушы аяқтап отыр. Ал 11 сыныпты 1015 оқушы бітіруде. Оның 943-і Ұлттық бірыңғай тестілеуге қатысып, 116 оқушы Үздік аттестатқа, 99 оқушы Алтын белгіге үміткер атанып отыр. Ал биыл ауданда 14 975 оқушына яғни оқушылардың 95,2 пайызын жазғы демалыс шараларымен қамту жоспарланып отыр.Мәжілісте аудан әкімі аудандық білім бөлімінің басшысына оқу жылының аяқталуына байланысты аттестат табыстау рәсімдерін және Ұлттық бірыңғай тестілеуді жоғары деңгейде ұйымдастыруды тапсырды. Мектеп бітіру шараларында ысырапшылдық пен даңғазалыққа жол бермеу, ата-аналардан қаражат жинаудың алдын алу, аниматорлар мен мерекелік агенттіктерді тартпау, мектеп әкімшілігі мен мұғалімдерге сыйлық жинауға тыйым салу қажеттігін қатаң ескертті. Аудандық полиция бөлімі мен бірлесе отырып, оқушылардың кортеж ұйымдастыруына, жалға алынған көліктермен экскурсияларға шығуына жол бермеу бойынша тиісті шаралар қабылдауды міндеттеді.Аудан басшысы балалардың жазғы демалысын қауіпсіз әрі мазмұнды ұйымдастыру мәселесіне де ерекше тоқталды. Осыған байланысты аудандағы «Шағала» балаларды сауықтыру демалыс орталығы мен мектеп жанындағы лагерьлердің жаңа маусымға толық дайын болуы, балалардың бос уақытын тиімді ұйымдастыру, мәдени-көпшілік және спорттық іс-шараларды көбейту, жазғы лагерьлердегі азық-түлік сапасы мен санитарлық талаптардың сақталуын күшейту, балаларды тасымалдау кезінде жол қауіпсіздігін қамтамасыз ету және суға шомылу маусымында қауіпсіздік шараларын күшейту бойынша тиісті сала басшылары бірлесе жұмыс жасауды тапсырды.Мәжілісте күн тәртібіндегі мәселелерден бөлек көктемгі мерзімді әскерге шақыру науқанының орындалу барысы да қаралды. Аудан әкімі жоспар көрсеткіштері төмен ауылдық округ әкімдерінің есептерін тыңдап, шақыру жұмыстарын жандандыру керектігін айтты. Сонымен қатар жауапты мекемелерге әскерге шақыру жоспарының толық орындалуын қамтамасыз ету, әскери қызметтен жалтарып жүрген азаматтарға қатысты заң аясында тиісті шаралар қабылдау жөнінде нақты міндеттер жүктеді.Бұдан бөлек «Таза Қазақстан» республикалық экологиялық акциясы аясындағы санитарлық тазалық және көркейту-көгалдандыру жұмыстарының жай-күйі де талқыланды. Мониторинг барысында анықталған кемшіліктер сараланып, аудан әкімі кент, қала және ауылдық округ әкімдеріне елді мекендердің тазалығын қамтамасыз ету, бей-берекет қоқыс орындарын жою, абаттандыру жұмыстарын күшейту және нәтижесін тұрақты түрде бақылауда ұстау жөнінде тапсырмалар берді.

Күн тәртібіндегі негізгі жұмыс барысын талқылады 

Мемлекет басшысының ауылдық елді мекендердің инфрақұрылымын жаңғыртып, тұрғындарға жайлы орта қалыптастыру жөніндегі тапсырмасы аясында Жалағаш ауданында ауқымды жұмыстар атқарылуда. Соның ішінде Ақсу ауылында жол инфрақұрылымын дамыту бағытында нақты істер қолға алынып, ел игілігіне бағытталған маңызды жобалар кезең-кезеңімен жүзеге асуда.&nbsp; Қазіргі таңда ауылдағы М.Әуезов, Т.Қожақұлов және Ақбөгет көшелеріне күрделі жөндеу жұмыстары басталды.Сонымен қатар, тағы үш көшеге күрделі жөндеу жұмыстарын жүргізу мақсатында жобалық-сметалық құжаттар әзірленіп, тиісті ұсыныстар жолданды.Айта кету керек, өткен жылы Беркінбай кәлпе – Жалағаш бағытындағы автожолға жаңғырту жұмыстары жүргізіліп, жол толықтай асфальт төселіп пайдалануға берілген болатын.Бүгінде Ақсу ауылы тұрғындары көгілдір отынның игілігін көріп отыр. Бұдан бөлек, электр желілерін жаңарту бағытындағы жұмыстар да кезең-кезеңімен жалғасуда. Ауылдың әлеуметтік және инженерлік инфрақұрылымын дамыту – халықтың тұрмыс сапасын арттырудың басты кепілі. Осы бағыттағы жұмыстар алдағы уақытта да жалғасын табады.<img src="https://knadmin.beoblood.kz/uploads/FB_IMG_1779823225220_3d668bdbdb.jpg" alt="FB_IMG_1779823225220.jpg">Жалағаш кентінде кәсіпкерлік пен әлеуметтік инфрақұрылымды дамыту бағытындағы маңызды жобалардың бірі – «TATTI Kids» сауда-ойын-сауық орталығы.Заманауи талапқа сай бой көтерген жаңа орталық аудан тұрғындары үшін сауда мен демалысты қатар ұштастыратын қолайлы кеңістікке айналды. Екі қабатты ғимаратта сауда орындары мен балаларға арналған арнайы ойын алаңдары орналасқан.Орталық жыл он екі ай үздіксіз қызмет көрсетіп, бір мезетте 60 адамға дейін қабылдауға мүмкіндік береді. Бұл балалардың бос уақытын тиімді ұйымдастырумен қатар, отбасылық демалыс мәдениетін қалыптастыруға және жергілікті кәсіпкерлердің жұмысын жандандыруға тың серпін бермек.Аудан аумағында осындай жаңа нысандардың бой көтеруі – кәсіпкерлік белсенділіктің артып келе жатқанын және өңірдің инвестициялық әлеуетінің нығайып келе жатқанын айқын көрсетеді.<img src="https://knadmin.beoblood.kz/uploads/FB_IMG_1779823393948_fcb855ee9f.jpg" alt="FB_IMG_1779823393948.jpg">Жалағаш кентінде бұқаралық спортты дамыту бағытындағы тағы бір маңызды нысан тұрғындар үшін қызмет көрсетуде.Жоғары санаттағы стандартқа сай жасанды шөп төселген алаңда бүгінде мектеп оқушыларынан бастап ересектерге дейін тұрақты түрде жаттығып, бос уақыттарын тиімді өткізуде.Арнайы сағаттық жүйемен жұмыс істейтін спорт нысаны тұрғындарға қолайлы жағдай жасап қана қоймай, салауатты өмір салтын насихаттауға және аудан спортшыларының дайындық деңгейін арттыруға оң ықпалын тигізуде.Спорт – денсаулықтың ғана емес, ұлт сапасының көрсеткіші. Сондықтан ауданда бұл бағыттағы жұмыстар тұрақты түрде жалғасады.<img src="https://knadmin.beoblood.kz/uploads/FB_IMG_1779823543236_4b9e8c0382.jpg" alt="FB_IMG_1779823543236.jpg">Жалағаш ауданында халықты сапалы ауыз сумен қамтамасыз ету бағытындағы жұмыстар тұрақты бақылауда. Бүгінде аудан халқы 100 пайыз орталықтандырылған ауыз сумен қамтылған. Бұл – жүйелі атқарылған жұмыстың нақты нәтижесі. Соның жалғасы ретінде Есет батыр елді мекенінде ауыз су жүйесін қайта жаңғырту жобасы жүзеге асырылуда.Жоба аясында ауылдағы темір-бетоннан жасалған су құдықтары толық жаңартылып, әрбір тұрғын үйге заманауи радиомодульді су есептегіш құрылғылары орнатылады.Халықтың тұрмыс сапасын арттыруға бағытталған мұндай маңызды жобалар ауданның тұрақты дамуы мен елді мекендердің әлеуетін арттыруға негіз болмақ.<img src="https://knadmin.beoblood.kz/uploads/FB_IMG_1779823611585_0bccb1f0da.jpg" alt="FB_IMG_1779823611585.jpg">Жалағаш ауданында ауыл шаруашылығы саласын жаңа деңгейге көтеретін ауқымды инвестициялық жоба – «HARVEST AGRO» агроиндустриалды кластерінің алғашқы кезеңі іске қосылды.Жоба аясында алғашқы кезеңде 8,7 мың гектар суармалы жерге жүгері егілсе, екінші кезеңде 32 мың гектар алқапқа жүгері, соя және техникалық қарасора орналастырылады.Жаңа өндіріс орны жоғары технологиялармен жабдықталып, 140 адамды тұрақты жұмыспен қамтиды. Қазіргі таңда инфрақұрылымдық жұмыстар қарқынды жүргізілуде. Қараөзек өзенінен суару арналары тартылып, 142 жаңбырлатқыш қондырғы орнатылуда. Бұл су ресурстарын тиімді пайдаланып, үнемдеуге мүмкіндік береді.Сонымен қатар, цифрлық жүйелер мен жасанды интеллект элементтері енгізіліп, аграрлық саланы басқарудың жаңа тетіктері қолданылуда.Бұл – өңірдің аграрлық әлеуетін арттырып, өнім өндіру мен өңдеу көлемін ұлғайтуға бағытталған стратегиялық маңызы зор жоба.<img src="https://knadmin.beoblood.kz/uploads/FB_IMG_1779823709509_4119f06446.jpg" alt="FB_IMG_1779823709509.jpg">

Жалағаш ауданында ауқымды жобалар жүзеге асуда 

Аймақта бюджет қаражатының тиімді әрі мақсатты жұмсалуына бақылау күшейтілуде. Бұл туралы Өңірлік коммуникациялар қызметінің ақпарат алаңында өткен брифингте облыстық Ішкі мемлекеттік аудит департаментінің басшысы Ербол Күзембаев мәлімдеді.Спикердің айтуынша, облыс бойынша Ішкі мемлекеттік аудит департаменті есепті кезеңде бірқатар аудиторлық іс-шара жүргізіп, нәтижесінде қаржылық және рәсімдік сипаттағы бұзушылықтарды анықтаған. Анықталған қаржылық бұзушылықтардың басым бөлігі бюджетке қайтарылып немесе атқарылмаған жұмыстарды орындау арқылы қалпына келтірілген.-Анықталған кемшіліктерді жою мақсатында аудит объектілеріне нұсқамалар жолданып, жауапты тұлғалар тәртіптік және әкімшілік жауапкершілікке тартылған. Кейбір аудит материалдары бюджет қаражатын ұрлау және артық аудару фактілеріне байланысты құқық қорғау органдарына жолданған.Бұдан бөлек, департамент тарапынан «Онлайн бюджеттік мониторинг» жүйесі арқылы білім беру, денсаулық сақтау, мәдениет және спорт салаларындағы еңбек ақы төлемдерінің заңдылығына бақылау жүргізіліп келеді. Мониторинг барысында тәуекелді төлемдер анықталып, негізсіз жұмсалған қаражаттың бір бөлігі бюджетке қайтарылды ,- деді Ербол Қабаштайұлы.Спикер мемлекеттік мекемелер мен квазимемлекеттік сектор субъектілерін қаржы-шаруашылық қызмет барысында заң талаптарын қатаң сақтауға, бюджет қаражатының әр теңгесіне жауапкершілікпен қарауға және жауапты мамандардың біліктілігін тұрақты арттырып отыруға шақырды. Сонымен қатар, бюджет қаражатының мақсатты жұмсалуына бақылау алдағы уақытта да тұрақты түрде жалғасатынын жеткізді.

Қызылордада бюджет қаражатының жұмсалуына бақылау күшейді 

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында оқу жылының қорытындысы және білім алушылардың жазғы демалысын ұйымдастыру мәселелері талқыланды. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейін аймақ басшысы арнайы жиын өткізіп, жауапты сала басшыларына маңызды тапсырмалар жүктеді.Биылғы оқу жылын аймақтағы 320 мектепте 189 288 оқушы аяқтады, 10 мыңнан астам жас түлек мектеппен қоштасып, жаңа өмірге қадам басты. Олардың ішінде 987 оқушы «Алтын белгіге», 1141 оқушы «Үздік аттестатқа» үміткер. 10 мамыр – 10 шілде аралығында өтетін Ұлттық бірыңғай тестілеудің шешуші кезеңіне 9 250 оқушы қатысады.«Күні кеше облыстағы барлық мектепте оқу жылының аяқталуына арналған салтанатты іс-шаралар өз деңгейінде өтті. Енді аттестат табыстау шарасы бар. Бірінші кезекте жас түлектердің қауіпсіздігін қамтамасыз етуіміз керек. Білім басқармасына полиция департаментімен, құзырлы мемлекеттік органдармен бірлесіп, аттестат табыстау шарасында және жазғы каникул кезінде кезекшілік, рейд ұйымдастыруды, қоғамдық қауіпсіздікті қамтамасыз етуді тапсырамын.Жазғы тынығу лагерьлері 1 маусымнан өз жұмысын бастайды. Дайындық жұмыстары алдын ала зерделенгенде анықталған кемшіліктерді жауапты сала басшылары 30 мамырға дейін жөнге келтіруі тиіс.Жақында Президент паркінің аумағында жыл он екі ай жұмыс істейтін 300 орындық «Ай-Керім» оқу-сауықтыру орталығы ашылды. Онда азаматтық-патриоттық, рухани-мәдени құндылықтарды қалыптастыруға бағытталған іс-шараларды тұрақты өткізу керек.Президентіміздің, Үкіметтің қолдауымен салынған «Сыр жұлдыздары» академиясы, «Құзыреттілік орталығы», «Оқушылар сарайы», «Теннис орталығы», облыстық тарихи-өлкетану музейінің әлеуетін барынша пайдалануымыз қажет. Жаңа нысандардың барлығы жыл бойы балаларымыздың игілігі үшін қызмет етуі тиіс», – деді Мұрат Нәлқожаұлы.Сондай-ақ, жиында «Таза Қазақстан» республикалық экологиялық бағдарламасын жалғастыру, стихиялық қоқыс орындарын жою, су тапшылығының алдын алу және су үнемдеу технологияларын тиімді пайдалану, республикалық маңызы бар жолдар, әуежай, теміржол және автовокзалдардың жолаушыларға сапалы қызмет көрсетуі мен тазалығына қатысты мәселелер талқыланып, тиісті сала басшыларына, қала және аудан әкімдіктеріне нақты тапсырмалар берілді.Мәжілісте облыс әкімі «Қазақстан темір жолы» ұлттық компаниясы Қызылорда магистральдық желі бөлімшесі филиалының директоры қызметін атқарған Ербол Сәулебековті жаңа қызметке ауысуымен құттықтап, оған өңірдің әлеуметтік-экономикалық дамуына қосқан үлесі үшін Қызылорда облысының Құрмет грамотасын табыстады.

Қазақстан және Қызылорда облысының жаңалықтары