<a href="https://kyzylorda-news.kz/">Kyzylorda-news.kz</a> Қазақстан Халық партиясы Қызылорда облыстық филиалы партия активінің қатысуымен Қазақстан Республикасының жаңа Конституциясы жобасына арналған жиын өткізді.Іс-шара барысында Конституция жобасына енгізіліп отырған негізгі өзгерістер мен толықтырулар, олардың ел дамуына, мемлекеттік басқару жүйесін жетілдіруге, сондай-ақ азаматтардың құқықтары мен бостандықтарын қорғауға ықпалы жан-жақты түсіндірілді. Сонымен қатар Қазақстан Халық партиясының конституциялық реформаларға қатысты ұстанымы, саяси жаңғыру жолындағы бастамалары мен алдағы кезеңге арналған жоспарлары таныстырылды.Аталған жиын партия құрылымдарының үйлесімді жұмысын күшейтуге, ортақ мақсаттарды нақтылауға және жүзеге асырылып жатқан реформаларды тиімді іске асыруға бағытталды.Жиын барысында Абай атындағы Қазақ ұлттық педагогикалық университетінің докторанты, Қорқыт ата атындағы Қызылорда университетінің аға оқытушысы, Қазақстан Халық партиясы Қызылорда облыстық филиалының белсендісі Талғат Телеубаев, Қорқыт ата атындағы Қызылорда университетінің «Құқықтану» білім беру бағдарламасының аға оқытушысы, заңтану магистрі Жадыра Шукенова, сондай-ақ Қызылорда «Болашақ» университетінің «Құқықтану және қоғамдық пәндер» кафедрасының аға оқытушысы, заң ғылымдарының магистрі Абдукерова Айгуль Мұратбекқызы сөз сөйлеп, конституциялық реформаның маңыздылығына кеңінен тоқталды.Айта кету керек, алдағы уақытта мұндай ақпараттық-түсіндіру шаралары еңбек ұжымдары арасында да жалғасын табатын болады.

Жаңа Конституция жобасы – саяси жаңғырудың құқықтық негізі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев кинорежиссер, суретші, Қазақстанның еңбек сіңірген қайраткері, «Тарлан» сыйлығының иегері Рүстем Әбдірашовпен кездесті.Кездесуде режиссер отандық кино өндірісінің бүгінгі жай-күйі, күрескер тұлғалар туралы тарихи фильмдер түсіруге қатысты жоспарын бөлісті. Қазақстандық киноиндустриядағы ең табысты картиналар, Мемлекет басшысының тапсырмасымен қолға алынған «Кинематография туралы» заңға өзгерістер мен толықтырулар енгізудің бүгінгі бағыты туралы әңгіме қозғады.Рүстем Әбдірашев суретші ретінде еңбек еткен «Отырардың күйреуі», «Көзімнің қарасы» фильмдері Мемлекеттік сыйлыққа ие болған. 2004 жылдан бері кинорежиссердің «Қаладан келген қыз» фильмі ТМД және Балтық елдеріндегі, «Шәкен жұлдыздары» кинофестивальдерінің бас жүлдесін, «Золотой витязь» фестивалінде «Ең үздік режиссура» номинациясымен марапатталған. «Сталинге сыйлық» туындысы Францияда өткен XV халықаралық Азия фильмдерінің «Синемас Азия» фестивалінде Гран-приді жеңіп алды.«Құрақ көрпе», «Қазақ хандығы. Алтын тақ», «Алмас қылыш» фильмдері көрермен мен сыншылардың жоғары бағасына ие болған.

Аймақ басшысы кинорежиссер Рүстем Әбдірашовпен кездесті

<a href="https://kyzylorda-news.kz/">Kyzylorda-news.kz</a> ҚР Сыртқы істер министрінің орынбасары Әлібек Қуантыров, облыс әкімінің орынбасары Ардақ Зебешев, «KAZAKH INVEST» ҰК» АҚ сервистік қолдау департаменті директордың орынбасары – мемлекеттік органдармен және жұртшылықпен өзара іс-қимыл жөніндегі өкілі Марат Есенов Қызылорда қаласындағы құрылысына ауқымды инвестиция салынған нысандарды аралап шықты.Алдымен қонақтарға жаңа жылу-электр орталығы таныстырылды. Президент қолдауымен Aksa energy түрік инвесторы Қызылорда қаласында 215 млрд. теңгеге қуаттылығы 240 мегаваттық жаңа жылу-электр орталығын салды.Орталықта 176 мегаваттық 2 газтурбиналық қондырғы, 95 мегаваттық бу турбинасы, 2 бу қазандығы мен 4 жылу қазандығы орнатылған. Инвестор жылу орталығын тесттік режимде іске қосып, бүгінде 176 мегаватт электр энергиясы өндірілуде. Осы жылы бу турбинасы іске қосылып, қосымша 95 мегаватт электр энергиясын шығарады. Аймақ электр энергиямен толық қамтамасыз етіліп, бұл өндірістің дамуына тың серпін береді.Одан кейін қонақтар «Қызылорда-Нан» ЖШС-нің нан-тоқаш, кондитерлік және макарон өнімдерін өндіру кешеніне, Orhun Medical компаниясының жаңа медициналық орталығына барды.«Қызылорда-Нан» зауыты қазан айында іске қосылды. Өндіріс толық автоматтандырылған. Жоба 2 кезеңнен тұрады. Қазіргі уақытта 4 өндірістік цех жұмыс істейді. Өнімнің 30%-ы кәсіпорынның жеке сауда желісі арқылы, ал 70%-ы Қызылорда қаласы мен оған іргелес елді мекендердегі тұтынушыларға жеткізіледі.Жобаны мемлекеттік қолдау аясында 5 гектар жер телімі бөлініп, қажетті инфрақұрылым, су және кәріз желілері тартылды. «Қазақстан халық банкінен» жеңілдікпен алынған 1,2 млрд. теңге несиенің пайыздық мөлшерлемесі субсидиялануда.Екінші кезеңде, яғни биыл ұн комбинаты іске қосылады. Қазір цехта 120 адам еңбек етсе, алдағы уақытта оның саны 170-ке көбейеді.<img src="https://knadmin.beoblood.kz/uploads/Syrt_y_ister_ministrini_orynbasary_yzylordada_zh_zege_as_an_investicziyaly_zhobalarmen_tanysty3_f451142c92.jpg" alt="Сыртқы істер министрінің орынбасары Қызылордада жүзеге асқан инвестициялық жобалармен танысты3.jpg">​Жаңа медициналық орталықтың негізгі бағыты – позитронды-эмиссиялық томография мен компьютерлік томографияны біріктіретін жоғары технологиялық диагностика. Бұл онкологиялық ауруларды ерте анықтауға, дерттің таралу деңгейін бағалауға және емдеу тиімділігін бақылауға мүмкіндік береді.Бұрын осы диагностикалық қызметті алу үшін өңір тұрғындары Алматы және Астана қалаларына баратын. Енді бұл қызмет тұрғылықты жері бойынша көрсетіледі. Медициналық орталықтың жобалық қуаты жылына 3 500 ПЭТ/КТ, 16 000 магниттік-резонанстық томография, 20 000 компьютерлік томография, 25 000 рентгенологиялық зерттеу және 10 000 маммография жүргізуге есептелген.Бұдан бөлек, медициналық орталықта халыққа МРТ, КТ, рентгенография, маммография, ультрадыбыстық диагностика, бейінді мамандардың кеңестері, зертханалық зерттеулер және емшара бөлмелерінің қызметтері қолжетімді болады. Орталық жақын күндері ашылады деп жоспарлануда.Фото: Қызылорда облысы әкімінің баспасөз қызметі

Сыртқы істер министрінің орынбасары Қызылордада жүзеге асқан инвестициялық жобалармен танысты

<a href="https://kyzylorda-news.kz/">Kyzylorda-news.kz</a> &nbsp;Талдықорғанда үш жасар қызын соққыға жықты деген күдікпен ер адам ұсталды. Белгілі болғандай, жәбірленуші бала бұған дейін күрделі операция, яғни бауыр трансплантациясын жасатқан. Бұл туралы <a href="https://stan.kz/biz-oni-bylay-bolsin-dep-kytkargan-zhokpiz-taldikorgand-429741/">Stan.kz</a> ақпарат агенттігі хабарлады.Бұған байланысты "Солнце в Ладошках" қайырымдылық қорының өкілі Юлия Плахотник Instagram парақшасында мәлімдеме жасады. Оның айтуынша, қор екі жыл бұрын дәл осы қыз балаға бауыр ауыстыру операциясына қаражат жинаған.Юлия Плахотниктің сөзінше, сол кезеңде баланың әкесі емделуге қарсы болып, тіпті қызын шетелге шығаруға кедергі келтірген. Тек қор тарапынан құқықтық жауапкершілік жөнінде ескертілгеннен кейін ғана анасы мен бала Түркияға емделуге жіберілген.<blockquote>"Қыз бала ауруханаға өте ауыр жағдайда жеткізілген. Бауыр циррозынан бөлек, оған ұзақ уақыт бойы тиісті күтім жасалмағаны анықталған. Бүкіл әлем сенің қызыңды бауыр циррозынан құтқару үшін жұмылды, оны кейін өз қолыңмен өлтіру үшін емес! Дене мүшелерінде қатты асқынған бөртпелер мен жаралар болған. Анасының көзқарасы мен күйі оның зорлық-зомбылық көргенін аңғартып отыр. "Ол сені ұра ма?" деген сұраққа әйел "иә" деп жауап берген. Анасы сол кезеңде терең депрессияда болып, психологиялық тұрғыда өте ауыр жағдайда жүрген. Көп ұзамай балаға күрделі операция жасалып, медициналық қызметкерлер тарапынан ерекше күтім көрсетілген. Қызды жуындырып, тазалап, жағдайын қалпына келтіруге барынша күш салынған",&nbsp;–&nbsp;деді қор өкілі.</blockquote>Қор қызметкерлері анасы мен балаға киім-кешек пен қажетті заттарды алып берген. Осыдан кейін Жадыра күйеуіне қайта оралмайтынын айтып, уәде еткен.Алайда осы уақытта баланың әкесі қор өкілдеріне және ұйым басшылығына қоқан-лоқы көрсете бастаған. Қор өкілі бұл жағдайдың шын әрі аса қауіпті екенін атап өтті. Алғашында ер адамның психикалық ауруы бар деген күдік болғанымен, кейін оның әрекеттері алкоголь мен басқа да зиянды әдеттердің салдары екені белгілі болған. Ол кезде Жадыра балаларымен бірге онымен бірге тұрмаған.<blockquote>"Түркиядан оралғаннан кейін Жадыраның анасы қайтыс болып, дәл осы қиын кезеңде бұрынғы күйеуі қайта пайда болғаны айтылды. Әйел қатты күйзеліске түсіп, психологиялық тұрғыда мүлде әлсіреген. Ол өзіне көрсетілген зорлыққа қарсы тұра алмайтын жағдайға жеткен", –&nbsp;деді Юлия Плахотник.</blockquote>Юлия Плахотник мұндай жағдайға үнсіз қалуға болмайтынын атап өтті. Оның айтуынша, егер анасы берген куәлігінен бас тартып, видеоматериалдарды өшіруге келіссе, ол да заң алдында жауапқа тартылуы мүмкін.<blockquote>"Біз оны бұлай болсын деп құтқарған жоқпыз. Ұзақ уақыт үнсіз келдім, бірақ мұндай жағдайды жасырып қалуға болмайды. Мен Ақжарды аман алып қалу үшін түн ұйқымды төрт бөліп, қаражат іздедім. Егер баланың анасы өз сөзінен бас тартып, айғақтарды жоққа шығарса (оның ауруханадағы видеоны өшіруді сұрап жүргенін білемін), ол да әкесімен бірге жауапқа тартылады. Қазақстанға келіп, баланың әкесінің маған өліммен қорқытқанын дәлелдейтін дауыс жазбаларын ұсынуға дайынмын", –&nbsp;деді Юлия Плахотник.</blockquote>Қазір күдікті қамауға алынған.&nbsp;Фото: Видеодан скрин

«Бауыр трансплантациясы жасалған»: Талдықорғанда әкесі сабаған бала жайлы тың дерек 

<a href="https://kyzylorda-news.kz/">Kyzylorda-news.kz</a>&nbsp;1 наурыздан бастап FlyArystan әуекомпаниясының жолаушылары осыған дейінгі 5 кг орнына салмағы 7 кг-ға дейінгі қолжүгін алып жүре алады. Бұл туралы қазақстандық лоукостерге сілтеме жасаған <a href="https://kaz.nur.kz/society/2338908-otandyq-auekompaniia-tegin-qolzhuk-normasyn-7-kilogrammga-ulgaitady/">KAZ.NUR.KZ</a> хабарлайды.Әуекомпаниясының мәліметінше, норма 7 кг-ға дейін ұлғайтылғанымен, қолжүк өлшемдері өзгеріссіз (56×23×36 см) қалады.<blockquote>"Бұл шешім жолаушылар сұранысының құрылымын, операциялық үдерістерді және әуе тасымалдаушылардың нарықтағы тәжірибесін қамтыған кешенді бизнес-талдау нәтижесінде қабылданды", - делінген хабарламада.</blockquote>Жаңа ережелер 2026 жылғы 1 наурыздан бастап күшіне енеді және осы күннен бастап орындалатын рейстерге рәсімделген барлық әуе билетіне, оларды сатып алу күніне қарамастан, қолданылады. Ал 2026 жылғы 28 ақпанға дейін (қоса алғанда) орындалатын рейстер бұрынғы талаптар бойынша, яғни бір жолаушыға 5 кг-ға дейінгі қолжүк нормасымен жүзеге асырылады.<blockquote>"Сонымен қатар әуекомпаниясы one-piece concept қағидатын сақтайды: жолаушы өзімен бірге белгіленген салмақ пен өлшем талаптарына сәйкес келетін бір ғана қолжүк алып жүре алады. Әуекомпаниясының 2024-2025 жылдардағы деректеріне сәйкес, FlyArystan жолаушыларының шамамен төрттен үшеуі сапарға тек ең аз көлемдегі қолжүкпен шыққан", - делінген хабарламада.</blockquote>Фото: freepik.com

Отандық әуекомпания тегін қолжүк нормасын 7 килограммға ұлғайтады

<a href="https://kyzylorda-news.kz/">Kyzylorda-news.kz</a>&nbsp;Мемлекет басшысы ұсынған «Қуатты өңірлер – қуатты ел» қағидаты ел дамуының темірқазығына айналды. Бұл халықтың ынтымағын нығайтып, мемлекеттің қуатын арттырады.&nbsp;Ауданға тартылған инвестициялық жобалар бүгінде ел өмірінің маңызды бөлігіне айналды. Өткен жылдың соңында ашылған «Батыс Еуропа – Батыс Қытай» автожолының ауданы аумағындағы «PetroRetail» ЖШС-нің жол бойы сервистік қызмет көрсету орталығы соның айқын дәлелі.&nbsp;«PetroRetail» серіктестігінің В санатты кешені 2 млрд. теңгеге салынған. Инвестициялық жоба аясында заманауи талаптарға сай келетін 31 орындық қонақ үй, 20 келушіге қызмет көрсететін қоғамдық тамақтану орны іске қосылды, 20 адам тұрақты жұмыспен қамтылды.Айта кетейік, «Батыс Еуропа – Батыс Қытай» халықаралық автомобиль дәлізінің бойында 55 жол бойы сервистік кешені жұмыс істейді.<img src="https://knadmin.beoblood.kz/uploads/Investicziyaly_zhoba_ccc885d634.jpg" alt="Инвестициялық жоба.jpg">

Арал: Инвестицилық жоба аясында жол бойы сервистік қызмет көрсету орталығы ашылды

<a href="https://kyzylorda-news.kz/">Kyzylorda-news.kz</a>&nbsp;Қорқыт ата атындағы Қызылорда университетінде «Ұлттық құрылтай және конституциялық реформалар: қоғамдық келісімнің жаңа үлгісі» тақырыбында дөңгелек үстел өтті.Іс-шараның мақсаты – елімізде жүзеге асырылып жатқан конститутциялық реформалардың мазмұны мен маңызын түсіндіру, ұлттық құрылтайдың қоғамдағы рөлін айқындау және қоғамдық келісім мен бірлікті нығайту мәселелерін талқылау болды.&nbsp;Жиынды Экономика және құқық институтының директоры Айнұр Исаева ашып, Конституция баптарында айқындалған азаматтық құқықтар мен қоғамдық келісім қағидаттарына тоқталды. Ол өз сөзінде Ұлттық құрылтайдың қоғамды біріктірудегі маңызын атап өтіп, жастарды ел тағдырына бейжай қарамауға, өз пікірін ашық білдіруге шақырды.Дөңгелек үстелге Қызылорда облыстық аумақтық сайлау комиссиясының мүшесі Абай Тағыберген, “Қоғамдық келісім” коммуналдық мемлекеттік мекемесі директорының орынбасары Дәулет Омаров, университеттің профессор-оқытушылар құрамы мен студенттер қатысты. &nbsp;Іс-шара соңында қатысушылар қоғамдық келісім мен ұлттық бірлікті нығайту жолында жастардың белсенділігі мен азаматтық ұстанымының маңызды екендігін атап өтті.

Ұлттық құрылтай мен конституциялық реформалар талқыланды

<a href="https://kyzylorda-news.kz/">Kyzylorda-news.kz</a>&nbsp;Қорқыт ата атындағы Қызылорда университетінде доцент, филология ғылымдарының кандидаты, «Ахмет Байтұрсынұлы» төсбелгісінің иегері Сара Бахтиярқызының 70 жасқа толуына арналған Ғылыми кеңестің салтанатты мәжілісі өтті.Салтанатты жиынды Ректордың міндетін атқарушы Дана Абдрашева ашып, университет ұжымы атынан мерейтой иесін құттықтап, адресат табыстады.Іс-шараға зиялы қауым өкілдері, университеттің профессор-оқытушылар құрамы, мерейтой иесінің әріптестері, шәкірттері мен туыстары қатысты.Іс-шара барысында Сара Бахтиярқызының өмір жолы мен ғылыми-педагогикалық қызметін қамтыған бейнеролик көрсетілді.Ғылыми кеңесте филология ғылымдарының кандидаты, тілтанушы ғалым Күлдірсін Сарышова мерейтой иесінің ғылыми және педагогикалық еңбектеріне арналған баяндама жасады. Сонымен қатар, «Amanat» партиясы Қызылорда облыстық филиалының төрағасы Жандос Базартай, университет кәсіподақ ұйымының төрағасы Айтжан Оразбақов, Ашық университеттің проректоры Бақытхан Жунайдұлы, И.Әбдікәрімов атындағы жоғары колледж директоры Абайбек Талғатұлы, Орда жоғары колледжінің директор орынбасары Алайдар Сануарұлы, шәкірті Самал Ілиясова және университеттің профессор-оқытушылары Сара Бахтиярқызына жылы лебіздерін арнады. Жиын соңында студенттер ұстаздарына арналған өлең шумақтарын оқып, мерейтой иесі өз алғысын білдірді.Сара Бахтиярқызы – саналы ғұмырын ұлт руханиятына, қазақ тілі мен әдебиетінің дамуына арнаған көрнекті ғалым, білікті ұстаз. Ол 1978 жылы еңбек жолын мектеп мұғалімі қызметінен бастап, 1993 жылдан бастап жоғары оқу орнында оқытушы, кейін кафедра меңгерушісі қызметтерін атқарған. Қазіргі уақытта Қорқыт ата атындағы Қызылорда университетінің Қазақ тілі мен әдебиеті кафедрасында доцент болып еңбек етеді. 2003 жылы «XX ғасыр басындағы қазақ поэзиясындағы көркемдік-стильдік ізденістер» тақырыбында кандидаттық диссертация қорғаған. Ғалымның «Балалар әдебиеті», «Ақпараттық оқыту технологиясы негізінде заң терминдерін оқыту жолдары» атты оқу құралдары, бір монографиясы және 70-тен астам ғылыми мақаласы жарық көрген.Ғылыми-зерттеу бағыты Абайтану мәселелеріне арналған. Ол Абайдың дүниетанымы, ұлы ақын мен Алаш қайраткерлері шығармашылығындағы рухани үндестік, Абай мен Пушкин арасындағы әдеби байланыс, сондай-ақ халық ауыз әдебиеті мен батырлар жырындағы көркемдік тұтастық жайында құнды еңбектер жазған.Ұзақ жылдар бойғы еңбегі үшін Сара Бахтиярқызы «Тәуелсіздіктің 25 жылдығы» медалімен, «Қорқыт ата атындағы Алтын медальмен», Қызылорда облысының «Құрмет грамотасымен», сондай-ақ «Үздік түлек», «Үздік ұстаз», «Үздік оқытушы» төсбелгілерімен марапатталған. Сонымен қатар университеттің 70 және 75 жылдық мерейтойлық медальдарының иегері.Салтанатты мәжіліс ұстаз еңбегіне көрсетілген құрметтің, ғылым мен білім саласындағы табандылық пен ізденістің айқын көрінісіне айналды.<img src="https://knadmin.beoblood.kz/uploads/korkyt_2_9bbdad5a14.jpeg" alt="коркыт 2.jpeg">

Ғалым-ұстаз Сара Бахтиярқызының 70 жылдығына арналған Ғылыми кеңес өтті

<a href="https://kyzylorda-news.kz/">Kyzylorda-news.kz</a> Кері іс пен теріс шешімнің салдары сан соқтыратыны рас. Әсіресе, жасөспірімдер арасындағы жаға ұстатар жағдайлардың алдын алу – күн тәртібінен түспеуі керек мәселе. Бұған бейжай қарамаған Қызылорда облысының прокуратурасының бастамасымен ҚАЖ департаментіне қарасты №68 мекемесінде колледж студенттеріне экскурсия ұйымдастырылды. Мақсаты сол, қылмыс атаулыдан аулақ болуға шақырып, бостандықтың қадірін сезіндіру.Оқу ордасынан келген отыз шақты студент мекеменің жұмыс тәртібімен, қауіпсіздік талаптарымен және шаруашылық бөліміне қалдырылған жазасын өтеушілердің орналасқан жатақханасын аралап, жан-жақты барлады. Қатаң режимдегі ортаның жастарға терең ой салғаны анық.Оның үстіне, мекеме қызметкерлері де ашық әңгіме өрбітуде аялдап қалмады. Мәселен, мекеменің тәрбие ісі жөніндегі орынбасары әділет майоры Мирамбек Тұрымбетов ала жіпті аттамай, адал өмір сүрудің артықшылығына тоқталып, бұрыс жолдың болашақты бұлыңғыр ететінін баяндады.<blockquote>– Қылмыссыз қоғам құруда әр азаматтың рөлі зор. Қазір килігудің соңы да бітіспес дауға айналып барады. Сондықтан профилактикалық шараларды жиі өткізуге басымдық беріп келеміз. Студенттерге өткізілген экскурсия да сөзімізге тұздық. Тәртіпке бағыну – талай кеселге тосқауыл бола алады. Мұны жас буынға түсіндіруде тосылып қалмадық, - дейді мекеменің режим және күзет бөлімінің бастығы әділет капитаны Азат Батырбеков.</blockquote>Студенттер өмірлік бағыт-бағдар берген жүздесуден терең оймен тарқасты.

Жасөспірімдерге түсіндірме жұмысы жүргізілді

<a href="https://kyzylorda-news.kz/">Kyzylorda-news.kz</a> Қаржылық жоспарлау&nbsp;— бұл&nbsp;тек&nbsp;ағымдағы шығындарды басқару емес,&nbsp;ол&nbsp;қаржылық тәуекелдерді азайта отырып, болашаққа қаражат&nbsp;жинау. Осы міндеттерді біріктіретін құралдардың бірі&nbsp;—&nbsp;өмірді жинақтаушы сақтандыру (ӨЖС).Бұл өнімнің қалай жұмыс істейтіні, кімге&nbsp;жарайтыны&nbsp;және шартты ресімдемес бұрын нелерге&nbsp;назар аудару керектігі туралы&nbsp;«МАК» ӨСК»&nbsp;АҚ Шығыс Қазақстан облысы бойынша филиалының бас менеджері Раушангүл Мұратбек айтып берді.Өмірді жинақтаушы&nbsp;сақтандыру дегеніміз не және оның классикалық сақтандырудан айырмашылығы неде?Өмірді жинақтаушы сақтандыру — бұл екі өнімді біріктіретін өнім түрі. Бір жағынан, клиент тұрақты жарналар есебінен жинақтар қалыптастырады, екінші жағынан - шарттың бүкіл қолданыс мерзіміне өнім шартына сәйкес күтпеген оқиғалар жағдайына сақтандыру қорғанысы.Классикалық өмірді сақтандыру басқаша жұмыс істейді: ол нақты тәуекелдерді (жазатайым оқиға, мүгедектік, күтпеген аурулар) өтейді, алайда сақтандыру жағдайы басталмаса, ақшаны қайтаруды көздемейі. Өмірді жинақтаушы сақтандыруда төленген жарналар жойылмайды, олар капиталды қалыптастырады, ол әрқашан болжамды өмір сүру жағдайында кіріспен қайтарылады; немесе бұл соманы күтпеген жағдай орын алса ең жақын адамдары кіріспен алады.Қарапайым тілмен айтқанда, ӨЖС — бұл тұрақты кірістілікпен ақша жинау және сонымен бір уақытта сақтандыру қорғанысына ие болу мүмкіндігі, ол көп жағдайда жеке төлемсіз қосылған. &nbsp;Логика бойынша мұндай құрал классикалық сақтандыруға қарағанда ұзақ мерзімді қаржылық жоспарлауға жақын.Жинақтаушы сақтандыру қандай мерзімге ресімделеді және не нәрсеге назар аудару керекӨмірді жинақтаушы сақтандыру негізінен ұзақ мерзімді уақытқа - көбінесе 5 жылдан 20 жылға дейін ресімделеді. Мұндай мерзім өнімнің мақсатына байланысты: жинақтарды қалыптастыру және ұзақ мерзімге сақтандыру қорғанысын ұсыну. Ең бастысы, ең жоғары кірістілікке сақтандырудың ең ұзақ мерзімімен қол жеткізуге болады: 20 жылға сақтандыру шартын жасасу кезінде жылдық 6,5%, мұндай кірістілік пайызы нарықта ең жоғары болып келеді және клиент салған кез-келген соманы екі есеге арттыруға кепілдік береді.Бұл ретте ӨЖС шартын бір жылдан аз мерзімге де ресімдеуге болады. Жарналардың мерзімі мен мөлшері әрқашан сіздің мақсатыңызға байланысты әр түрлі болады – мейлі ол балаларға білім беру, баспана, көлік сатып алу, қосымша табыс көзін құру болсын.Көп жағдайда клиенттер ай сайынғы кірістің ≈5-10% мөлшерінде ай сайынғы жарналарды төлеу опциясын таңдайды, мұны қаржылық жоспарлау бойынша сарапшылар ұсынады, басқа клиенттер ыңғайлы болу үшін тоқсандық/жартыжылдық/ жылдық төлемдер ретінде сирек төлемдерді қалайды; барлық соманы бір рет салу және жинақтардың өсуін және күрделі пайыздың жұмысын бақылау мүмкіндігі бар.Сақтандыру жарналарын төлеуді мерзімінен бұрын тоқтату мүмкін екенін ескеру маңызды, бірақ ол сақтандыру сомасының азаюына әкеледі (нақты төленген сыйлықақыларды ескере отырып). ӨЖС шартын мерзімінен бұрын бұзу жасалған күннен бастап бірінші жыл өткеннен кейін де мүмкін, бірақ бұл жағдайда сақтандыру компаниясы сақтандыру құнын ұстап қалады, бұл жағдайларды шартқа қол қойылғанға дейін білу қажет.Қазақстанда жинақтаушы сақтандыру қызметтерін тиісті лицензиясы бар өмірді сақтандыру компаниялары ұсынады. Нарықта осындай он компания бар. Кейбір компаниялар инвестициялық құрауышы бар гибридті шешімдерді ұсынады, бірақ мұндай бағдарламалар қосымша нарықтық тәуекелдерге әкелуі мүмкін.Клиенттер сақтандыру компаниясының сенімділігіне ерекше назар аударады. «МАК» ӨСК» АҚ 100% мемлекеттік компания болып табылады, ол 20 жыл бұрын алғашқы зейнетақы аннуитеттерін іске қосу мен іске асыру және өндірістегі жазатайым оқиғалардан міндетті сақтандыру үшін құрылған.Demeu өмірді сақтандырудың ерікті жинақтаушы өнімі қолжетімділік пен икемділікке баса назар аудара отырып әзірленді. Шартты 1 жылдан 20 жылға дейін жасауға, ал ең төменгі сақтандыру жарнасын 50 доллардан бастап салуға болады. Клиент төлем мерзімділігін өз кірісіне және қаржылық мақсаттарына байланысты дербес таңдайды.Бұл тәсіл ӨЖС-ны қысқа мерзімді және ұзақ мерзімді жоспарлау құралы ретінде пайдалануға мүмкіндік береді – «қор» ретіндегі жинақтардан бастап болашаққа капиталды дайындауға дейін.Жас бойынша шектеулерӨЖС шартын 18 жастан бастап жасауға болады, балалар да 14 жастан бастап сақтандырылушы бола алады. Полистің қолданысы аяқталған кезде сақтандырылған адамның жасы 63 жастан аспауы керек.Мұндай сақтандыру өзіңіз үшін де, балалар үшін де ыңғайлы: оның көмегімен сіз білім алуға, қаржылық жастық құруға немесе отбасының болашағын қамтамасыз ете аласыз. Сонымен қатар, ӨЖС жинақтау мен қорғауды біріктіреді, бұл ақшаны жинақтауға ғана емес, сонымен қатар күтпеген өмірлік жағдайларда қаржылық тәуекелдерді азайтуға көмектеседі. Бұл оны бүкіл отбасы үшін болашақты жоспарлаудың сенімді құралына айналдырады.Іс жүзінде көпшілік жағдайда ӨЖС шарты отбасының бір мүшесіне, содан кейін жұбайына, сондай-ақ балаларға жасалады. Бұған қуанатын жағдай, өйткені бұл біздің қоғамда дамыған елдердегі сияқты қаржылық сауаттылық пен өмірді сақтандыру мәдениетінің дамып келе жатқанын білдіреді.Кірістілік және ол қалай қалыптасадыБағдарлама бойынша кірістілік тіркелген және компанияның инвестициялық саясаты негізінде қалыптастырылады.Агенттік желінің болмауы қазақстандық өмірді сақтандыру нарығында АҚШ долларымен жылдық 6,5%-ға дейін барынша жоғары және тіркелген кірістілік ұсынуға мүмкіндік береді. Қорытынды мөлшерлеме шарттың мерзіміне байланысты, мысалы:1 жылға дейінгі мерзімде 1,5%; &nbsp; 10 жыл мерзімде 5%; 15 жыл мерзімде 5,75 %; 20 жыл мерзімде 6,5%. Осылайша, жинақтау мерзімі неғұрлым ұзақ болса, соңғы қаржылық нәтиже соғұрлым жоғары болады.Шартты мерзімінен бұрын бұзу: нені білу маңыздыШартты ол жасалан сәттен бастап 12 ай өткеннен кейін бұзуға болады – &nbsp;бұл сақтандырушы талаптарының икемді екендігінің бір элементі, бұған да назар аудару керек.Дегенмен, шартты мерзімінен бұрын бұзу экономикалық тұрғыдан тиімсіз екенін түсіну маңызды. Бұл жағдайда клиент жинақтардың нақты мерзімі мен енгізілген жарналар негізінде есептелген, азайтылған сақтандыру сомасын алады. Сонымен қатар, шарт мерзімінен бұрын бұзылған кезде компания шарттың қолданылу кезеңінде көтерген тәуекелі үшін өмірді сақтандыру төлемін ұстап қалады.Барлық басқа жағдайларда сақтандыру қорғанысы өнімнің ішіне енгізіледі және тегін болады. Сондықтан ӨЖС-ны 5-20 жылға арналған ұзақ мерзімді құрал ретінде қарастырған жөн.Қосымша опциялар: олардың қажеті бар ма?Нарықта ауыр аурулардан бастап мүгедектік пен жарақатқа дейін сақтандыратын түрлі қосымша қызметтер бар. Мұндай опциялар қорғау аясын кеңейткенімен, кірістілікті азайтады, себебі олар сақтандыру тәуекелінің құнын өсіреді.Demeu өнімі аясында нақты, белгіленген және кепілдік берілген кірістілігі бар жинақтауға баса назар аударылады. Қосымша сақтандырумен қамтуды қажет ететін клиенттер үшін жеке сақтандыру өнімдері ұсынылады.Сақтандыру компаниясын қалай таңдауға боладыНегізгі өлшем – сенімділік пен қаражаттың қайтарымдылығы. Сақтандыру компаниясының акционері кім екенін, қаржылық тәуекелдері мен коммерциялық құрылымдармен байланысы бар-жоғын ескеру маңызды.«МАК» ӨСК» АҚ жағдайында жалғыз акционер мемлекет болып табылады, 2025 жылдан бастап Кепілдік беру қорының кепілдіктері өмірді жинақтаушы сақтандырудың барлық түріне қолданылады, бұл клиенттерді қорғауды одан әрі күшейте түседі.Клиенттер әдетте жіберетін қателіктерІс жүзінде негізгі қателіктер шарттың талаптарымен емес, нақты қаржылық мақсаттың болмауымен байланысты.Өзіңізге мына сұрақтарға алдын-ала жауап беру маңызды: сіз нақты не үшін жинайсыз, қандай мерзімде, қанша ақшаны тұрақты түрде жинауға дайынсыз.Жарналардың мерзімі мен мөлшерін таңдау да осыған байланысты. ӨЖС-ға саналы түрде келу қаржылық тәртіпті қалыптастырады және болашақты асықпай және ретсіз шешімдерсіз жоспарлауға көмектеседі.ӨЖС-ны балаларды оқыту және ірі мақсаттар үшін пайдалануға бола маӨмірді жинақтаушы сақтандыру ұзақ мерзімді мақсаттарға қажет: балаларды оқыту, бастапқы капитал, жылжымайтын мүлік сатып алу немесе қаржылық қауіпсіздік жастығын қалыптастыру.Өкінішке қарай, сақтандыруға қатысты барлық шешім бос нәрсе деген ой әлі де бар, бірақ адамдар автокөлікті сақтандыру немесе туристік полистер үшін үнемі ақша төлейді және бұл – қайтарылмайтын тәуекел төлемінің бір түрі. ӨЖС жағдайында сіз капиталды қалыптастыру арқылы болашақта қалыпты өмір сүру деңгейін қамтамасыз ете отырып, өзіңізге ғана төлейсіз.<img src="https://knadmin.beoblood.kz/uploads/5_abb68f6ce8.png" alt="5.png">Фото: fingramota.kz

Өмірді жинақтаушы сақтандыру: ол қалай жұмыс істейді және не үшін қажет

<a href="https://kyzylorda-news.kz/">Kyzylorda-news.kz</a> Ел қауіпсіздігі жолында өз өмірін қатерге тігіп, қызмет атқарып жүрген полицейлер еңбегінің жауапкершілігі зор. Оның ішінде қоғамдық тәртіпті қамтамасыз етуде учаскелік полиция инспекторларының рөлі ерекше.Қоғаммен ашық тіл табысу, азаматтардың сеніміне ие болу, атқарылған жұмыстарды ашық көрсету және көпшілікпен бірлесе қылмыстың алдын алу жұмыстары әрбір учаскелік полиция инспекторының басты мақсаты. Оларға артылатын жүк ауыр. Сондықтан да қоғамдық тәртіпті сақтауда әрдайым шепте тұратын олардың қызметі қашанда өзекті.Бүгінгі кейіпкеріміз – Белкөл кентіндегі № 17 учаскелік полиция бөлімшесінің учаскелік полиция инспекторы полиция капитаны Жұмаділдаев Рахымжан Айғалиұлы. Ол 1990 жылы 11 маусымда Қызылорда облысында дүниеге келген. 2008 жылы Қызылорда гуманитарлық-заң колледжін тәмамдаған. Қызмет жолын 2019 жылы Қызылорда қаласы Полиция басқармасының қоғамдық қауіпсіздік бөлімінде патрульдік полиция инспекторы ретінде бастаған. 2024 жылдан бері учаскелік полиция инспекторы қызметін абыроймен атқарып келеді.№ 17 учаскелік полиция пунктіне 2 елді мекен кіреді. Аймақта 5 мыңға жуық халық тұрады. Бұл аймақта учаскелік полиция инспекторы мен оның көмекшісі қызмет атқарып келеді.<img src="https://knadmin.beoblood.kz/uploads/policziya_bb5136693a.jpeg" alt="полиция.jpeg">Профилактикалық есепте 7 азамат тіркелген. Учаскелік полиция инспекторы олармен күнделікті түсіндіру жұмыстарын тұрақты жүргізеді. Жүйелі профилактикалық шаралардың нәтижесінде 2025 жылы аталған аумақта 1 ғана қылмыс тіркелген. Бұл мал ұрлығы дерегі учаскелік полиция инспекторы Рахымжан Жұмаділдаевтың жедел әрекетінің арқасында дер кезінде ашылған.Таңмен жарыса тұрып, халық игілігіне қызмет атқаратын полиция капитаны Рахымжан бөлім басшылығынан берілген тапсырмаларды, нұсқауларды бұлжытпай орындауда аса жауапкершілікпен қарап, уақытпен санаспай, өзіне бекітілген учаскелік аймағында қоғамдық тәртіпті сақтау, қылмысты болдырмау және алдын алу бағытында профилактикалық жұмыстарды тиісті деңгейде жүргізеді.<blockquote>«Учаскелік полиция қызметкерлерінің басты мақсаты – әкімшілік аумақта қылмыстың алдын алу, тұрғындармен тығыз байланыс орнату. Халықты тану, олармен тұрақты сұхбат жүргізу арқылы көптеген құқық бұзушылықтың алдын алуға болады» дейді учаскелік полиция инспекторы.</blockquote>Айта кету керек полиция пункті күн сайын түнгі сағат 00:00-ге дейін жұмыс істейді, ал шақырулар тәулік бойы қабылданады. Әрбір шақыру барысында полиция қызметкерлері түсіндіру жұмыстарын жүргізіп, жағдайға байланысты тиісті шаралар қабылдайды.<img src="https://knadmin.beoblood.kz/uploads/policziya_062b814e48.jpeg" alt="полиция.jpeg">Қоғамдық тәртіп пен заңдылықты қамтамасыз ету — баршаға ортақ міндет. Заңды сақтау, құқық қорғау органдарының қызметіне қолдау көрсету – әрбір азаматтың борышы.

Қызылорда облысы бойынша учаскелік полиция инспекторының өмірінен бір күн

<a href="https://kyzylorda-news.kz/">Kyzylorda-news.kz</a> Қармақшы ауданы,&nbsp;Жосалы кентіндегі №250 мектеп-лицейінде Мемлекет басшысы Қасым-Жомарт Тоқаевтың «Әділетті Қазақстан: Заң мен тәртіп, экономикалық өсім, қоғамдық оптимизм» атты Қазақстан халқына Жолдауында белгіленген «Заң мен Тәртіп» қағидатын іске асыру аясында құқық бұзушылықтың алдын алу, балалардың қауіпсіздігін қамтамасыз ету және құқықтық тәрбиені күшейту мәселелеріне арналған кеңейтілген жиын өтті.Жиынға&nbsp;Қармақшы&nbsp;ауданының&nbsp;әкімі, аудандық мәслихат төрағасы, құқық қорғау органдарының басшылары, мекеме, бөлім басшылары, ардагерлер кеңесінің төрағасы, әйелдер кеңесінің төрайымы, ата-атаналар комитетінің төрағалары, аудандық білім бөлімі, мектеп директорлары және жоғарғы сынып оқушылары қатысты.Жиын барысында қоғамдық тәртіпті қамтамасыз ету, азаматтардың қауіпсіздігін сақтау, құқық бұзушылықтың алдын алу, сондай-ақ жастар арасында құқықтық мәдениетті қалыптастыру мәселелері қаралды. Отбасы мен білім беру ұйымдарының өзара ынтымақтастығын күшейту, жастарға әлеуметтік қолдау көрсету және қоғамдық, цифрлық қауіпсіздік шараларын жетілдіру қажеттігі атап өтілді.Сонымен қатар, ауданда жүзеге асырылып жатқан «Қылмыссыз өңір – кемел келешек кепілі» жобасы аясында атқарылған жұмыстардың нәтижелері таныстырылды. Аталған жобаның қоғамдағы құқық бұзушылық деңгейін төмендетуге, салауатты өмір салтын насихаттауға және жастар тәрбиесін нығайтуға оң әсер еткені айтылды.Күн тәртібіне сәйкес аудандық прокуратура, полиция бөлімі және аудандық білім бөлімі басшылары 2025 жылы атқарылған шаралар туралы баяндама жасап, алдағы кезеңге арналған жұмыс бағыттарын ұсынды. Сондай-ақ аудандық мәслихат төрағасы, ардагерлер кеңесі және ата-аналар комитетінің өкілдері өз пікірлерін білдірді.Жиын қорытындысында қоғамдық тәртіп пен азаматтардың қауіпсіздігін қамтамасыз ету барлық мүдделі тараптардың бірлескен әрекетін талап ететіні атап өтілді. Заң мен тәртіп қағидатын сақтау әр азаматтың жауапкершілігі екені айтылып, құқық бұзушылықтың алдын алу бағытындағы жұмысты жүйелі түрде жалғастыру қажеттігі көрсетілді.

Қазақстан және Қызылорда облысының жаңалықтары