Аймақта бюджет қаражатының тиімді әрі мақсатты жұмсалуына бақылау күшейтілуде. Бұл туралы Өңірлік коммуникациялар қызметінің ақпарат алаңында өткен брифингте облыстық Ішкі мемлекеттік аудит департаментінің басшысы Ербол Күзембаев мәлімдеді.Спикердің айтуынша, облыс бойынша Ішкі мемлекеттік аудит департаменті есепті кезеңде бірқатар аудиторлық іс-шара жүргізіп, нәтижесінде қаржылық және рәсімдік сипаттағы бұзушылықтарды анықтаған. Анықталған қаржылық бұзушылықтардың басым бөлігі бюджетке қайтарылып немесе атқарылмаған жұмыстарды орындау арқылы қалпына келтірілген.-Анықталған кемшіліктерді жою мақсатында аудит объектілеріне нұсқамалар жолданып, жауапты тұлғалар тәртіптік және әкімшілік жауапкершілікке тартылған. Кейбір аудит материалдары бюджет қаражатын ұрлау және артық аудару фактілеріне байланысты құқық қорғау органдарына жолданған.Бұдан бөлек, департамент тарапынан «Онлайн бюджеттік мониторинг» жүйесі арқылы білім беру, денсаулық сақтау, мәдениет және спорт салаларындағы еңбек ақы төлемдерінің заңдылығына бақылау жүргізіліп келеді. Мониторинг барысында тәуекелді төлемдер анықталып, негізсіз жұмсалған қаражаттың бір бөлігі бюджетке қайтарылды ,- деді Ербол Қабаштайұлы.Спикер мемлекеттік мекемелер мен квазимемлекеттік сектор субъектілерін қаржы-шаруашылық қызмет барысында заң талаптарын қатаң сақтауға, бюджет қаражатының әр теңгесіне жауапкершілікпен қарауға және жауапты мамандардың біліктілігін тұрақты арттырып отыруға шақырды. Сонымен қатар, бюджет қаражатының мақсатты жұмсалуына бақылау алдағы уақытта да тұрақты түрде жалғасатынын жеткізді.

Қызылордада бюджет қаражатының жұмсалуына бақылау күшейді 

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында оқу жылының қорытындысы және білім алушылардың жазғы демалысын ұйымдастыру мәселелері талқыланды. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейін аймақ басшысы арнайы жиын өткізіп, жауапты сала басшыларына маңызды тапсырмалар жүктеді.Биылғы оқу жылын аймақтағы 320 мектепте 189 288 оқушы аяқтады, 10 мыңнан астам жас түлек мектеппен қоштасып, жаңа өмірге қадам басты. Олардың ішінде 987 оқушы «Алтын белгіге», 1141 оқушы «Үздік аттестатқа» үміткер. 10 мамыр – 10 шілде аралығында өтетін Ұлттық бірыңғай тестілеудің шешуші кезеңіне 9 250 оқушы қатысады.«Күні кеше облыстағы барлық мектепте оқу жылының аяқталуына арналған салтанатты іс-шаралар өз деңгейінде өтті. Енді аттестат табыстау шарасы бар. Бірінші кезекте жас түлектердің қауіпсіздігін қамтамасыз етуіміз керек. Білім басқармасына полиция департаментімен, құзырлы мемлекеттік органдармен бірлесіп, аттестат табыстау шарасында және жазғы каникул кезінде кезекшілік, рейд ұйымдастыруды, қоғамдық қауіпсіздікті қамтамасыз етуді тапсырамын.Жазғы тынығу лагерьлері 1 маусымнан өз жұмысын бастайды. Дайындық жұмыстары алдын ала зерделенгенде анықталған кемшіліктерді жауапты сала басшылары 30 мамырға дейін жөнге келтіруі тиіс.Жақында Президент паркінің аумағында жыл он екі ай жұмыс істейтін 300 орындық «Ай-Керім» оқу-сауықтыру орталығы ашылды. Онда азаматтық-патриоттық, рухани-мәдени құндылықтарды қалыптастыруға бағытталған іс-шараларды тұрақты өткізу керек.Президентіміздің, Үкіметтің қолдауымен салынған «Сыр жұлдыздары» академиясы, «Құзыреттілік орталығы», «Оқушылар сарайы», «Теннис орталығы», облыстық тарихи-өлкетану музейінің әлеуетін барынша пайдалануымыз қажет. Жаңа нысандардың барлығы жыл бойы балаларымыздың игілігі үшін қызмет етуі тиіс», – деді Мұрат Нәлқожаұлы.Сондай-ақ, жиында «Таза Қазақстан» республикалық экологиялық бағдарламасын жалғастыру, стихиялық қоқыс орындарын жою, су тапшылығының алдын алу және су үнемдеу технологияларын тиімді пайдалану, республикалық маңызы бар жолдар, әуежай, теміржол және автовокзалдардың жолаушыларға сапалы қызмет көрсетуі мен тазалығына қатысты мәселелер талқыланып, тиісті сала басшыларына, қала және аудан әкімдіктеріне нақты тапсырмалар берілді.Мәжілісте облыс әкімі «Қазақстан темір жолы» ұлттық компаниясы Қызылорда магистральдық желі бөлімшесі филиалының директоры қызметін атқарған Ербол Сәулебековті жаңа қызметке ауысуымен құттықтап, оған өңірдің әлеуметтік-экономикалық дамуына қосқан үлесі үшін Қызылорда облысының Құрмет грамотасын табыстады.

Оқу жылының қорытындысы мен жазғы демалысты ұйымдастыру мәселесі қаралды 

Қызылорда облысында спидкубингтен — Рубик текшесін уақытқа құрастыру бойынша ашық жарыс ұйымдастырылды. Іс-шараның негізгі мақсаты — бос уақытты ұтымды пайдалану, облыс жастары мен кәмелетке толмағандарды бос уақытын тиімді пайдалануға және салауатты өмір салтына тарту, балалар мен жасөспірімдердің шығармашылыққа және спортқа деген қызығушылығын арттыру, жарыстар арқылы ұжымдық қарым-қатынастар орнату, сондай-ақ спидкубингті жастар мен жасөспірімдер арасында спорт түрі ретінде танымал ету және одан әрі дамыту болып табылады. Жарысқа облыстың әр ауданның мектеп оқушылары мен жастары қатысып, логикалық ойлау қабілеттерін, жылдамдықтарын, зейіндерін және қол қимылдарының шапшаңдығын көрсетті. Қатысушылар арасында тартысты бәсеке өрбіп, өзара қолдау мен достық атмосферасы қалыптасты. Жарыс қорытындысы бойынша бірінші орын иегерлері: Әмірханұлы Мейірхан (Арал ауданы N260 орта мектеп), Алмағанбетов Беруди (Қазалы ауданы №226 мектеп-гимназия), Алмасов Жомарт (Қармақшы ауданы N80 мектеп-гимназия), Қыдырбек Нұрәділ (Жалағаш ауданы N32 мектеп-лицей), Әлиева Нұрдана (Шиелі ауданы N207 орта мектеп). Екінші орын алғандар: Әлиева Жайна (Арал ауданы N262 орта мектеп), Тасбосын Ислам (Қазалы ауданы №204 орта мектеп), Канатбеков Расул (Қармақшы ауданы N274 орта мектеп), Қақарша Айбын (Жалағаш ауданы N122 мектеп-гимназия), Бөлеген Нұрасыл (Шиелі ауданы N243 мектеп-гимназия). Үшінші орын иегерлері: Тұрсынхан Санжар (Жаңақорған ауданы N51 орта мектеп), Садық Алдияр (Жаңақорған ауданы N51 орта мектеп). Аталған іс-шара Қызылорда облысының Полиция департаменті Есірткі қылмысына қарсы іс-қимыл басқармасы тарапынан ұйымдастырылып, жастар арасында салауатты өмір салтын насихаттауға, бос уақытты тиімді өткізу мәдениетін қалыптастыруға және есірткіге қарсы профилактикалық жұмыстарды күшейтуге бағытталды.

«Жылдам ойлау — жарқын болашақ кепілі!» — Қызылорда облысында спидкубингтен ашық жарыс өтті

<a href="https://kyzylorda-news.kz/">Kyzylorda-news.kz</a> Мемлекет басшысының бастамасымен жүзеге асырылып жатқан «Таза Қазақстан» республикалық экологиялық акциясы аясында Қазалы ауданында санитарлық тазалық пен абаттандыру жұмыстары күнделікті жүйелі түрде жалғасуда.Тазалық жұмыстарына мемлекеттік мекеме қызметкерлері, коммуналдық сала мамандары мен тұрғындар белсенді қатысып, туған өлкенің тазалығы мен көркеюіне өз үлестерін қосты.Бүгінгі тазалық жұмыстары барысында аудан орталығында мәдени-демалыс кешені, Рәміздер алаңы, Жанқожа батыр кесенесі, Теміржол вокзалы аумағы және О. Жанәділов, В. Счастнова, Р. Бағланова, Желтоқсан көшелерінің бойында тазалық жұмыстары жүргізілді. Атап айтқанда, көше бойындағы аяқсу арықтары тазартылып, ретсіз өскен шөптер шабылды.Сонымен қатар электр бағаналары, қоршаулар мен ағаштар әктеліп, жол жиектеріндегі бордюрлер сырланды. Қоғамдық орындар мен көшелер қоқыстан тазартылып, аумақтарды абаттандыру жұмыстары қарқынды түрде атқарылды.Сондай-ақ «Таза Қазақстан» акциясы аясындағы тазалық шаралары барлық ауылдық округтерде де ұйымдастырылып, елді мекендердің көшелері, әлеуметтік нысандардың маңы мен қоғамдық орындар ретке келтірілуде.Тазалық – мәдениеттің айнасы, ал таза әрі көрікті орта – тұрғындардың жайлы өмір сүруінің кепілі. Осыған орай аудан тұрғындарын қоршаған ортаны таза ұстауға, қоғамдық орындардың тазалығына жауапкершілікпен қарап, экологиялық акцияларға белсенді қатысуға шақырамыз.

Таза Қазақстан: Қазалы ауданында тазалық жұмыстары жүргізілуде

<a href="https://kyzylorda-news.kz/">Kyzylorda-news.kz</a> «TURGYNDAR AMANATY» партиялық жобасы аясында бүгін «AMANAT» партияның облыстық филиалының атқарушы хатшысы Ләйлә Төрешова, партиялық бақылау комиссиясының және партияның облыстық филиалы жанындағы Өңірлік даму жөніндегі кеңес мүшелері, жауапты басқарма, бөлімдер өкілдері және пәтер иелері ассоциациясының Қызылорда қаласы бойынша төрайымы Илимжаухар Сартовамен бірге «Центр-Айрис» ЖШС қызмет көрсететін Сәулет мөлтек ауданындағы тұрғын үйлерге мониторинг жүргізді.Мониторинг барысында тұрғын үйлердің жай-күйі, аулалардың тазалығы, коммуналдық қызмет көрсету сапасы мен абаттандыру жұмыстары назарға алынды. Сонымен қатар, тұрғындармен кездесіп, олардың ұсыныс-пікірлері тыңдалды. Бүгінде Сәулет мөлтек ауданындағы 12 тұрғын үйде 700-ден астам тұрғын қоныстанған. Аталған аумақ 2022 жылы «Үздік аула» номинациясымен марапатталған. Тұрғындар «Центр-Айрис» ЖШС-нің жұмысына ризашылықтарын білдіріп, аумақтың тазалығы мен күтіп ұсталуы талапқа сай екенін атап өтті.Сонымен қатар, тұрғындар тарапынан балалар ойын алаңдарына күрделі жөндеу жұмыстарын жүргізу және ауладағы бос орынға жаңа ойын алаңын салу жөнінде ұсыныстар айтылды. Партия өкілдері көтерілген мәселелер назардан тыс қалмайтынын жеткізді.Мониторинг барысында сөз алған партияның облыстық филиалының атқарушы хатшысы Ләйлә Төрешова «TURGYNDAR AMANATY» жобасының негізгі мақсаты халықпен ашық байланыс орнатып, тұрғындардың тұрмыс сапасына қатысты мәселелерді бірлесіп шешуге қолдау көрсету екенін атап өтті.<blockquote>«TURGYNDAR AMANATY» жобасының басты мақсаты – халықпен тұрақты кері байланыс орнатып, тұрғындарды толғандырған мәселелерді тікелей өз аулаларында талқылау. Біз үшін әр тұрғынның пікірі маңызды. Осындай мониторингтер арқылы нақты мәселелер анықталып, оларды шешу бағытында тиісті жұмыстар жүйелі түрде жүргізіледі. Халықтың жайлы әрі қауіпсіз ортада өмір сүруіне жағдай жасау – партияның негізгі міндеттерінің бірі. Сонымен қатар, жоба аясында алдағы уақытта «Үздік аула», «Үздік МИБ», «Үздік ПИК» сынды байқаулар ұйымдастырылып, тұрғындардың белсенділігі мен аумақтардың тазалығы, күтімі жан-жақты бағаланатын болады. Сәулет мөлтек ауданы тұрғындарын осы жетістікті сақтап, «Үздік аула» тұғырынан түспеуге шақырамын», – деді ол.</blockquote>Шара аясында тұрғындардың ұсыныстары назарға алынып, тиісті мекемелермен бірлесіп жұмыс жүргізілетін болды.

«Turgyndar amanaty»: Қала тұрғындарының ұсынысын назарға алды

<a href="https://kyzylorda-news.kz/">Kyzylorda-news.kz</a> Бүгін Руханият орталығында және Шижаға ауылдық мәдениет үйінде мемлекеттік қызмет саласындағы заңнамаға енгізілген өзгерістерді түсіндіруге арналған семинар-кеңес өтті. Оған аудан әкімі аппаратының басшысы Серік Раимбетов төрағалық етті.Жиынға Қазақстан Республикасы Мемлекеттік қызмет істері агенттігінің Қызылорда облысы бойынша департаменті басшысының орынбасары, Әдеп жөніндегі кеңес хатшылығының меңгерушісі Мейрамкүл Бибітова, Адам құқықтары жөніндегі уәкілдің облыстағы өкілі Берікбол Байхожаев, облыс әкімі аппаратының Әдеп жөніндегі уәкілі Бағдат Әбдіқадыр, сондай-ақ аудан әкімдігіне қарасты мекеме басшылары, қала, кент және ауылдық округ әкімдері, сонымен қатар білім беру ұйымдары мен квазимемлекеттік сектор басшылары, аумақтық мекеме басшылары мен жергілікті бюджеттен қаржыландырылатын мекеме қызметкерлері қатысты.Кездесу барысында Мемлекет басшысы қол қойған «Қазақстан Республикасының мемлекеттік қызметі туралы» Заңының жаңа редакциясындағы негізгі өзгерістер жан-жақты түсіндірілді. Атап айтқанда, мемлекеттік қызметтің сервистік моделін дамыту, кадрлық үдерістерді цифрландыру және мемлекеттік аппараттың тиімділігі мен кәсібилігін арттыру мәселелері кеңінен сөз болды.Сондай-ақ семинарда спикерлер тарапынан мемлекеттік қызметшілердің Әдеп кодексін сақтау, сыбайлас жемқорлықтың алдын алу, құқық бұзушылықтарға жол бермеу, қызметтік тәртіпті күшейту және қоғам сенімін нығайту бағытындағы міндеттер талқыланды.Баяндамашылар мемлекеттік қызметшілердің қызмет барысында заң талаптарын қатаң ұстануы, қызметтік өкілеттікті жеке мақсатта пайдаланбауы, азаматтармен және әріптестермен қарым-қатынаста ашықтық пен әдептілік қағидаларын сақтауы маңызды екенін атап өтті.Іс-шара соңында қатысушылар арасында сауалнама жүргізіліп, азаматтарды жеке қабылдау ұйымдастырылды.<img src="https://knadmin.beoblood.kz/uploads/Memlekettik_yzmet_salasynda_y_zekti_m_seleler_araldy_2_010fdd4dbb.jpg" alt="Мемлекеттік қызмет саласындағы өзекті мәселелер қаралды 2.jpg">

Мемлекеттік қызмет саласындағы өзекті мәселелер талқыланды

<a href="https://kyzylorda-news.kz/">Kyzylorda-news.kz</a> Оқу-ағарту министрі Жұлдыз Сүлейменова Үкіметтегі брифингте оқушылар үшін бөлім бойынша жиынтық бағалау (БЖБ) мен тоқсандық жиынтық бағалауды (ТЖБ) алып тастау мүмкіндігіне қатысты пікір білдірді.Министрдің айтуынша, қазір Оқу-ағарту министрлігі БЖБ мен ТЖБ мәселелері бойынша үлкен аналитикалық жұмыс жүргізіп жатыр.<blockquote>—&nbsp;БЖБ мен ТЖБ Қазақстан Республикасының білім беру стандартында қарастырылған критериалды бағалау жүйесі. Сондықтан біз стандартқа диктант, шығарма, мазмұндама секілді жеке бақылау жұмыстарын енгізіп жатырмыз. Сол себепті БЖБ мен ТЖБ-дан біртіндеп бас тартамыз деп ойлаймыз. Мұндай өзгерістерді енгізу үшін нақты негіздеме мен жан-жақты сараптама қажет,&nbsp;— деді министр.</blockquote>Сонымен қатар спикер биыл Оқу-ағарту министрлігінің Орта білім комитеті 2025–2026 оқу жылындағы 1–11 сыныптар бойынша тек БЖБ мен ТЖБ-ға қатысты талдау жүргізіп, тапсырмалар мен жауаптарды қарастырғанын атап өтті.<blockquote>—&nbsp;Алайда кейбір жүйелер БЖБ мен ТЖБ жауаптарын жүктемейді. Сондықтан тамыз конференциясына дейін қай сыныптарда бұл жүйе сақталатынын, ал&nbsp;қай сыныптарда басқа бағалау түрімен алмастырылатынын нақты айтамыз,&nbsp;— деп толықтырды ведомство басшысы.</blockquote>Фото: Нұрболат Нұржаубай

Мектептерде БЖБ мен ТЖБ толық алынып тастала ма — министрлік жауабы

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмахановтың тапсырмасына сәйкес жасөспірімдердің қауіпсіздігіне, түрлі құқықбұзушылықтардың алдын алуға бағытталған күшейтілген рейд жұмыстары жүргізілуде.&nbsp;Қазалы ауданының әкімінің орынбасары Дәурен Тлеумбетов пен аудандық білім бөлімінің мамандары, учаскелік полиция инспекторлары, мектеп басшылары мен ерікті ұстаздар аудандық оқушылар үйінің ауласына жиналып, рейд жұмыстарын бастады.&nbsp;Рейд барысында аудан аумағындағы қоғамдық орындар, ойын-сауық мекемелері мен көшелер бақылауға алынып, кәмелетке толмағандардың түнгі уақытта заңды өкілдерінсіз жүру деректері, қоғамдық тәртіптің сақталуы және құқық бұзушылықтың алдын алу мәселелері назарға алынды.Мектеп бітіруші түлектерге байланысты рұқсат етілмеген мерекелік жиындардың, түнгі серуендердің және түрлі құқық бұзушылықтардың алдын алу мақсатында кәсіпкерлік нысан иелеріне, ата-аналарға профилактикалық және түсіндіру жұмыстары жүргізілді.Мұндай профилактикалық іс-шаралар алдағы уақытта Қазалы ауданы аумағында күнделікті жалғасын табатын болады. Жасөспірімдердің қауіпсіздігі әркез бақылауда.<img src="https://knadmin.beoblood.kz/uploads/azaly_rejd_zh_mystary_2_be1496f8db.jpg" alt="Қазалы рейд жұмыстары 2.jpg">

Жасөспірімдердің қауіпсіздігіне бағытталған рейд жұмыстары жүргізілді

<a href="https://kyzylorda-news.kz/">Kyzylorda-news.kz</a> Қауіпсіздік– өмір кепілі. Бір сәттік салғырттық орны толмас өкінішке әкелуі мүмкін. Сондықтан жол-көлік оқиғаларының алдын алу, тұрғындардың қауіпсіздігін сақтау және әрбір азаматтың жауапкершілігін арттыру мақсатында 17-25 мамыр аралығында «Қауіпсіз жол» жедел-профилактикалық іс-шарасы өтті.Іс-шараның негізгі мақсаты – жол-көлік оқиғаларының алдын алу, жол қозғалысы ережелерін сақтау мәдениетін қалыптастыру және тұрғындардың қауіпсіздігін қамтамасыз ету.Осы ретте &nbsp;полиция қызметкерлері жүргізушілер мен жаяу жүргіншілер арасында түсіндіру жұмыстарын жүргізіп, құқық бұзушылықтардың алдын алуға бағытталған рейдтік шараларды іске асырды. Әсіресе, жылдамдықты шамадан тыс асыру, қауіпсіздік белдігін тақпау, мас күйінде көлік басқару, қарсы бағытқа шығу және жаяу жүргіншілердің белгіленбеген жерден өтуі сынды заңбұзушылықтарға бақылау күшейтілді.Сонымен қатар, жол-көлік оқиғаларының болуын болдырмау, адам өмірі мен денсаулығын сақтау мақсатында тұрғындарға жолда барынша мұқият болу, жол қозғалысы ережелерін қатаң сақтау қажеттігі түсіндірілді. Мамандардың айтуынша, жолдағы қауіпсіздік – әрбір азаматтың жауапкершілігі. Сондықтан жүргізушілер де, жаяу жүргіншілер де тәртіпке бағынып, сақтық шараларын естен шығармауы тиіс.«Қауіпсіз жол» акциясы аясындағы профилактикалық жұмыстар алдағы уақытта да жалғасып, тұрғындарды жауапкершілікке және жол мәдениетін сақтауға шақырды.&nbsp;Фото: polisia.kz

«Қауіпсіз жол» жедел-профилактикалық іс-шарасы өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың қатысуымен «Марал Нұр» жауапкершілігі шектеулі серіктестігінің жолаушы вагондарын жөндеу және техникалық қызмет көрсетуге арналған жаңа өндірістік кешені іске қосылды.Салтанатты іс-шарада аймақ басшысы елімізде машина жасау саласын дамытуға ерекше көңіл бөлініп отырғанын атап өтті. Мемлекет басшысының Жолдауында айтылған міндеттерге сәйкес, тұрақты әрі болжамды инвестициялық орта қалыптастыру бағытында жүйелі жұмыс жүргізіліп жатыр.Кейінгі жылдары өңірде машина жасау саласы қарқынды дамып келеді. Жыл басынан бері 7,9 млрд теңгенің өнімі өндіріліп, өсім 4,7 пайыз болған.Өңірдің географиялық жағынан тиімді орналасуы да көлік-логистикалық әлеуетті арттыруға мүмкіндік беріп отыр. Атап айтқанда, Қызылорда облысы халықаралық маңызы бар «Батыс Еуропа – Батыс Қытай» көлік дәлізінің бойында орналасқан.<img src="https://knadmin.beoblood.kz/uploads/Zapushhen_kompleks_dlya_remonta_i_tehobsluzhivaniya_passazhirskih_vagonov1_b1efc7cba9.jpg" alt="Запущен комплекс для ремонта и техобслуживания пассажирских вагонов1.jpg">Облыс аумағынан 1 мың шақырымнан асатын магистральдық теміржол желісі өтеді. Жыл басынан бері 400 мыңнан астам жолаушы және 6 млн тоннадан астам жүк тасымалданған.Жаңа кешен жылына 600-ден астам вагонға техникалық қызмет көрсетеді, 100 жаңа жұмыс орны ашылады. Облыс әкімі шетелдік серіктестерге, соның ішінде Қытай Халық Республикасынан келген инвесторларға көрсетілген сенім мен ынтымақтастық үшін алғыс білдірді. Отандық және шетелдік инвесторлармен ашық әрі тиімді әріптестікті одан әрі дамытуға дайын екенін атап өтті.Жиында жобаны жүзеге асыруға үлес қосқан азаматтар облыс әкімінің Алғыс хатымен марапатталды. &nbsp;Облыс прокуроры Ризабек Ожаров, «Марал Нұр» ЖШС құрылтайшысы Мұрат Нұрсайытов сөз сөйлеп, &nbsp;ел ағасы Айтбай Көшербаев ақ батасын берді.Айта кетейік, өңір экономикасын әртараптандыру және жаңа өндіріс орындарын ашу мақсатында алдағы үш жылға &nbsp;1,9 трлн теңгенің 48 инвестициялық жобасы жоспарланып отыр. Бұл жобалар аясында 10 мыңнан астам жаңа жұмыс орны ашылады.&nbsp;Биыл 100 млрд теңгеге 21 инвестициялық жобаны іске қосу көзделсе, алдағы уақытта құны 1 трлн теңгеден асатын 14 ірі жобаның құрылысы қолға алынады.Жақын күндері испандық «Roca Group» компаниясының санитарлық-техникалық бұйымдар зауыты мен «Seven Rivers» компаниясының неміс технологиясы негізінде шыны ыдыстар шығаратын зауытының құрылысы басталады.<img src="https://knadmin.beoblood.kz/uploads/Zapushhen_kompleks_dlya_remonta_i_tehobsluzhivaniya_passazhirskih_vagonov2_0404ad008c.jpg" alt="Запущен комплекс для ремонта и техобслуживания пассажирских вагонов2.jpg">

Жаңа өндірістік кешен іске қосылды

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қаласында 26 маусым — Халықаралық нашақорлыққа және есірткінің заңсыз айналымына қарсы күрес күніне орай ұйымдастырылған айлықтың салтанатты ашылуы өтті. Іс-шараны Қызылорда облысы Полиция департаментінің Есірткі қылмысына қарсы іс-қимыл басқармасы ұйымдастырды.Айлықтың ашылуы аясында қаладағы жоғары және арнаулы орта оқу орындарының студенттері қатысқан кең көлемді профилактикалық акция ұйымдастырылды.<img src="https://knadmin.beoblood.kz/uploads/V_Kyzylorde_sostoyalos_otkrytie_antinarkoticheskogo_mesyachnika1_3fd23624f9.jpg" alt="В Кызылорде состоялось открытие антинаркотического месячника1.jpg">Іс-шараның басты мақсаты — жастар арасында есірткі заттарына деген теріс көзқарасты қалыптастыру, салауатты өмір салтын насихаттау және жасөспірімдер мен жастардың құқықтық сауаттылығын арттыру.Акция барысында тұрғындар мен қала қонақтарына есірткіге қарсы мазмұндағы полиграфиялық өнімдер — тақырыптық буклеттер, жадынамалар мен ақпараттық парақшалар таратылды. Онда зиянды әдеттерден бас тартып, денсаулық пен белсенді өмір салтын таңдауға шақыратын үндеулер қамтылды.<img src="https://knadmin.beoblood.kz/uploads/V_Kyzylorde_sostoyalos_otkrytie_antinarkoticheskogo_mesyachnika2_0c0e5ccd70.jpg" alt="В Кызылорде состоялось открытие антинаркотического месячника2.jpg">Қатысушылардың ерекше қызығушылығын кинологиялық қызметтің көрсетілімдері тудырды. Құқық қорғау органдарының қызметкерлері қызметтік иттердің көмегімен тыйым салынған заттарды анықтау, қауіпті бұйымдарды іздестіру және қоғамдық қауіпсіздікті қамтамасыз ету бағытындағы жұмыстарын көрсетті. Студенттер кинолог мамандардың жұмысымен жақын танысып, өздерін қызықтырған сұрақтарға жауап алды.Сонымен қатар іс-шара аясында профилактикалық түсіндіру жұмыстары, интерактивті алаңдар мен ақпараттық кездесулер ұйымдастырылып, жастар арасында есірткі қолданудың алдын алу мәселелері кеңінен түсіндірілді. Қатысушыларға есірткіні қолданудың зияны, заңсыз айналымға қатысты жауапкершілік және өз денсаулығын сақтаудың маңыздылығы туралы айтылды.Ұйымдастырушылар мұндай іс-шаралардың жастардың азаматтық жауапкершілігін арттырып, қоғамды нашақорлыққа қарсы күресте біріктіретінін атап өтті. Бүгін бастау алған айлық аясында алдағы уақытта облыс көлемінде түрлі профилактикалық, спорттық, шығармашылық және ақпараттық шаралар өткізілетін болады.

«Қызылордада есірткіге қарсы айлықтың ашылу салтанаты өтті»

<a href="https://kyzylorda-news.kz/">Kyzylorda-news.kz</a> «Халық әуені» жобасы аясындағы шығармашылық сапардың қорытынды кеші Байқоңыр қаласында өтті.Кеш барысында көрермендер қазақтың дәстүрлі халық әндерін тыңдап, әлемге танымал хит шығармаларды тамашалады. Сондай-ақ театрландырылған қойылымдар мен әйгілі мюзиклдерден қойылған әсерлі үзінділер кештің көркін аша түсті.Өнер мен мәдениетті ұштастырған тағылымды шара көрермендерге ерекше әсер қалдырып, ұлттық рухты дәріптеген мазмұнды кешке айналды. Әуезді ән мен сахналық көріністер үйлесім тапқан кеш соңында жиналған жұртшылық көтеріңкі көңіл күймен тарқасты.

Қазақстан және Қызылорда облысының жаңалықтары