<a href="https://kyzylorda-news.kz/">Kyzylorda-news.kz</a> Қызылорда облысы бойынша Экономикалық тергеп-тексеру департаментінің өндірісінде жыл басынан бері 29 қылмыстық іс болып, тіркелген қылмыстық істер саны өткен жылмен салыстырғанда азайған. Ал аяқталған 14 істің 13-і сотқа жолданып, мемлекет пен азаматтарға келтірілген залалдың басым бөлігі өндірілді. Сонымен қатар, қылмыстық процестерді цифрландыру жұмыстары жалғасып, істердің негізгі бөлігі электрондық форматта жүргізілген. Бұл туралы Қызылорда облысы бойынша Экономикалық тергеп-тексеру департаменті басшысының орынбасары Руслан Сатыбалдиев мәлімдеді.&nbsp;Спикердің айтуынша, департамент қызметі тек заң бұзушылықтарды анықтаумен шектелмейді.&nbsp;<blockquote>«Басты мақсатымыз экономикалық және қаржылық құқық бұзушылықтардың алдын алу, азаматтардың қаржылық сауаттылығын арттыру және қоғамда заң талаптарын сақтау мәдениетін қалыптастыру. Мемлекет басшысы айқындаған "Заң мен тәртіп" қағидаты осы бағыттағы жұмысымыздың негізгі өзегі болып табылады», – деді Руслан Сатыбалдиев.</blockquote>Жыл басынан бері өңірде құқықтық сауаттылықты арттыруға бағытталған 22 профилактикалық іс-шара өткізіліп, 3 мыңнан астам тұрғын қамтылды. Мектеп оқушылары мен студенттерге дропперлік, қаржы пирамидалары, лудомания, кибербуллинг, ақпараттық гигиена және жасанды интеллектіні қауіпсіз пайдалану мәселелері түсіндірілді. Сондай-ақ мемлекеттік қызметшілерге арналған арнайы кездесулер ұйымдастырылып, тұрғындармен көшпелі қабылдаулар өткізілді. Бұған қоса, құқықтық мәдениетті қалыптастыру мақсатында әлеуметтік желілерге бейнематериалдар жарияланып, жастар арасында «Жайдарман» жобасы аясындағы профилактикалық шаралар жүзеге асырылды.Департамент алдағы уақытта да өңір тұрғындарының құқықтық және қаржылық сауаттылығын арттыруға бағытталған түсіндіру жұмыстарын жалғастырып, барлық аудандарда көшпелі кездесулер өткізуді жоспарлап отыр.<img src="https://knadmin.beoblood.kz/uploads/FB_IMG_1784437688627_40ca4cddf3.jpg" alt="FB_IMG_1784437688627.jpg">

Заң мен тәртіп қағидаты – экономикалық қауіпсіздіктің негізі 

<a href="https://kyzylorda-news.kz/">Kyzylorda-news.kz</a> Аптап ыстық күндері Қызылорда облысы Полиция департаменті мен Төтенше жағдайлар департаментінің қызметкерлері «Заң мен тәртіп» қағидаты аясында балалардың қауіпсіздігін қамтамасыз етуге бағытталған профилактикалық акция ұйымдастырды.Іс-шараның негізгі мақсаты – балаларға көтеріңкі көңіл күй сыйлау, жазғы демалыс кезеңінде қауіпсіздік ережелерін түсіндіру және олардың өмірі мен денсаулығын қорғауға бағытталған профилактикалық жұмыстар жүргізу.Акция барысында тәртіп сақшылары мен төтенше жағдайлар қызметінің мамандары ата-аналарға және бүлдіршіндерге балмұздақ ұсынып, олармен еркін форматта әңгімелесті. Сонымен қатар, балаларға жол қозғалысы ережелерін сақтау, көшеде сақ жүру, су айдындарында қауіпсіздік талаптарын орындау, сондай-ақ аптап ыстық кезінде денсаулыққа мұқият қарау жөнінде қарапайым әрі маңызды кеңестер берілді.<figure class="image"><img src="https://knadmin.beoblood.kz/uploads/shara3_8d0f739562.jpeg" alt="бала қауіпсіздігі басты назарда"></figure>Қызметкерлер ата-аналарға балаларды қараусыз қалдырмаудың, олардың бос уақытын бақылауда ұстаудың және қауіпсіздік талаптарын сақтаудың маңыздылығын түсіндірді. Ұйымдастырушылар жазғы демалыс кезінде әрбір баланың қауіпсіздігі – барша қоғамның ортақ міндеті екенін атап өтті.Полицейлердің бұл игі бастамасы балаларға көтеріңкі көңіл күй сыйлап қана қоймай, ата-аналардың да оң бағасына ие болды. Мұндай профилактикалық шаралар полиция мен қоғам арасындағы өзара сенімді нығайтып, халықпен тиімді байланысты дамытуға ықпал етеді.Қызылорда облысы Полиция департаменті тұрғындарды жаз мезгілінде қауіпсіздік талаптарын сақтауға, балаларды қараусыз қалдырмауға, жол қозғалысы ережелерін орындауға және аптап ыстық кезінде өз денсаулығына жауапкершілікпен қарауға шақырады.<figure class="image"><img src="https://knadmin.beoblood.kz/uploads/shara_56c81360f3.jpeg" alt="бала қауіпсіздігі басты назарда"></figure>

Аптап ыстықта – бала қауіпсіздігі басты назарда

<a href="https://kyzylorda-news.kz/ru">Kyzylorda-news.kz</a> Қазақстан Республикасы Ішкі істер министрлігінің бастамасымен 2010 жылдан бері дәстүрлі түрде өткізіліп келе жатқан «Парасатты полицей» облыстық байқауы биыл да өз жалғасын тапты.Тәртіп сақшылары арасында мемлекеттік тілдің қолданыс аясын кеңейту, тілдік ортаны қалыптастыру, шығармашылық қабілеттерін дамыту, патриоттық рухты нығайту және қоғамдағы полиция қызметінің оң имиджін қалыптастыру мақсатында ұйымдастырылған байқау Қызылорда облысы Полиция департаментінің ұйымдастыруымен А.Тоқмағамбетов атындағы Мәдениет үйінде өтті.Байқаудың ашылу салтанатында Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы сөз сөйлеп, қатысушыларға сәттілік тіледі.<blockquote>– «Парасатты полицей» байқауы – мемлекеттік тілдің мәртебесін арттыруға, полиция қызметкерлерінің кәсіби және шығармашылық әлеуетін дамытуға бағытталған маңызды жоба. Бұл сайыс тәртіп сақшыларының мемлекеттік тілді еркін меңгеруіне, ұлттық құндылықтарды дәріптеуіне және қоғам алдындағы жауапкершілігін арттыруға ықпал етеді. Барша қатысушыларға сәттілік тілеймін!, – деді Оралбек Тәубақабылұлы.</blockquote>Жыл сайын дәстүрлі түрде өткізілетін байқауға биыл Арал, Қазалы, Қармақшы, Жалағаш, Сырдария, Шиелі және Жаңақорған аудандық полиция бөлімдерінен құрылған 7 команда қатысты.Конкурс екі кезең бойынша ұйымдастырылды. Алғашқы кезеңде қатысушылар «Мамандығым – мақтанышым» тақырыбында өз командаларын таныстырып, полиция қызметінің қоғамдағы рөлін, «Заң мен тәртіп» қағидатын жүзеге асырудағы тәртіп сақшыларының маңызын және мемлекеттік тілдің мәртебесін шығармашылық тұрғыда көрсетті. Екінші кезеңде «Елдің тарихы – ұлы тарих» тақырыбында қазақ халқының ұлы тұлғаларының өмірі мен шығармашылығын сахналық қойылым арқылы дәріптеп, өнерлерін ортаға салды. &nbsp;Байқауға ұсынылған шығармашылық жұмыстарды Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы төрағалық еткен қазылар алқасы бағалады. Оның құрамында Қызылорда облыстық филармониясының режиссері, Қазақстан Республикасының «Ерен еңбегі үшін» мемлекеттік медалінің және «Мәдениет саласының үздігі» төсбелгісінің иегері Іздіқұлова Азиза Ғәжденбекқызы, Н.Бекежанов атындағы қазақ академиялық музыкалық драма театрының әртісі, «Мәдениет саласының үздігі» төсбелгісінің және «Мәдениет майталманы» медалінің иегері Төлепов Серік Садықұлы, Қызылорда облысының Ішкі істер органдары мен Ұлттық ұлан Ардагерлер кеңесінің төрағасы, Қазақстан Республикасы Ішкі істер органдарының құрметті қызметкері Шаймағамбетов Әмірбек Бердібекұлы, А.Байтұрсынұлы атындағы республикалық байқаудың І орын иегері, тіл жанашыры әрі әдіскер Сембиева Гүлбану Ғарифуллақызы және «Еңбек даңқы» төсбелгісінің иегері, өнертану магистрі Қалдыбайұлы Мейрамбек Нұртаза болды.<img src="https://knadmin.beoblood.kz/uploads/parasatty_policzej_97c8b0b409.jpeg" alt="парасатты полицей .jpeg">Байқау қорытындысы бойынша І орынды Қазалы аудандық полиция бөлімінің «434» командасы иеленді. ІІ орын Шиелі аудандық полиция бөлімінің «Тәртіп Times» командасына бұйырса, ІІІ орынды Жалағаш аудандық полиция бөлімінің «Алмағанбетов арландары» командасы жеңіп алды.Сондай-ақ қазылар алқасының шешімімен Жаңақорған аудандық полиция бөлімінің «Сығанақ» командасы «Көрермен көзайымы», Сырдария аудандық полиция бөлімінің «Сыр сақшылары» командасы «Өнерлі команда»,Қармақшы аудандық полиция бөлімінің «Қорқыт қырандары» командасы «Ұйымшыл команда», Жалағаш аудандық полиция бөлімінің «Алмағанбетов арландары» командасы «Үздік сахналық көрініс», ал Арал аудандық полиция бөлімінің «Арал толқындары» командасы «Мемлекеттік тіл – менің тілім» номинациясының иегері атанды.Жеңімпаздар мен жүлдегерлерге Қызылорда облысы Полиция департаментінің алғыс хаттары мен кубоктар табысталды.«Парасатты полицей» облыстық байқауы мемлекеттік тілдің мәртебесін көтеруге, полиция қызметкерлерінің шығармашылық әлеуетін шыңдауға және құқық қорғау органдары қызметкерлері арасында кәсіби бірлік пен рухани құндылықтарды нығайтуға бағытталған игі бастама ретінде өз мәресіне жетті.<figure class="image"><img src="https://knadmin.beoblood.kz/uploads/parasatty_policzej_f8d693f430.jpeg" alt="парасатты полицей .jpeg"></figure>

Қызылордада «Парасатты полицей» облыстық байқауы өтті

<a href="https://kyzylorda-news.kz/">Kyzylorda-news.kz</a> Қармақшы аудан әкімінің тапсырмасына сәйкес, аудан аумағындағы қоғамдық тамақтану, сауда және кәсіпкерлік нысандарының қызметіне мониторинг жүргізілді. Іс-шараға арнайы құрылған жұмысшы топ қатысып, аудан аумағындағы бірқатар кәсіпкерлік субъектілерін аралады.Мониторинг барысында кәсіпкерлердің қолданыстағы заңнама талаптарын сақтау деңгейіне назар аударылды. Атап айтқанда, санитариялық-гигиеналық талаптардың орындалуы, тамақтан уланудың алдын алу шаралары, өрт қауіпсіздігі ережелерінің сақталуы, тұтынушылардың құқықтарын қорғау, баға белгілеудің ашықтығы және көрсетілетін қызмет сапасы зерделенді.Жұмысшы топ мүшелері кәсіпкерлерге қолданыстағы заң талаптары бойынша түсіндіру жұмыстарын жүргізіп, анықталған кемшіліктерді жоюға қатысты тиісті ұсынымдар берді. Сондай-ақ кәсіпкерлік қызметті заң талаптарына сай ұйымдастырудың маңыздылығы түсіндіріліп, тұрғындарға сапалы әрі қауіпсіз қызмет көрсетудің басымдығы атап өтілді.Аталған мониторингтік іс-шаралар кәсіпкерлік нысандарындағы қызмет көрсету сапасын арттыруға, тұтынушылардың құқықтарын қорғауға және аудан тұрғындары үшін қолайлы әрі қауіпсіз қызмет көрсету ортасын қалыптастыруға бағытталған. Бұл бағыттағы мониторинг жұмыстары алдағы уақытта да тұрақты түрде жалғасатын болады.<figure class="image"><img src="https://knadmin.beoblood.kz/uploads/arma_shy_monitoring_da91cf275a.jpg" alt="қармақшы мониторинг.jpg"></figure>

Қармақшы ауданында қоғамдық тамақтану және сауда орындары тексерілді

<a href="https://kyzylorda-news.kz/">Kyzylorda-news.kz</a> Аймақ басшысы Мұрат Ергешбаев қаладағы бірқатар нысандарды аралады. Алдымен аймақ басшысы сол жағалаудағы «Қайсар Арена» стадионына барды.<figure class="image"><img src="https://knadmin.beoblood.kz/uploads/stadion_3bd2cb0534.jpg" alt="стадион.jpg"></figure>Бірегей нысанда жасыл алаңнан бөлек бокс, спорттық гимнастика, таеквондо, ауыр атлетика және күрес түрлеріне арналған арнайы жаттығу залдары қарастырылған. Қазіргі таңда мұнда грек-рим күресі мен таеквондо үйірмелері ашылып, спортшылар күнделікті жаттығуда. Алдағы қыркүйек айынан бокс және дзюдо секциялары да өз қызметін бастайды.<figure class="image"><img src="https://knadmin.beoblood.kz/uploads/akimat_arena_stadion_6b42b31a35.jpg" alt="акимат арена стадион.jpg"></figure>Аймақ басшысы үйірмелер жұмысымен танысып, спортшылардың жаттығуына қажетті құрал-жабдықтардың сапасына, материалдық-техникалық базасына назар аударды. Бұдан кейін сол жағалауда бой көтерген 7 қабатты 84 пәтерлік алты тұрғын үйдің құрылыс алаңына барды. Құрылысына 12,5 млрд теңге бөлінген жобаның бас мердігерлері – «Дәнекер» және «Сәт Сервис» ЖШС, тұрғын үйдің аумағы – 35 898 шаршы метр. Жұмыс жоспарға сәйкес жүріп жатыр, тамыз айында аяқталып, ел игілігіне беру көзделген.Келесі нысан – 2003 жылдан бері жиһаз өндірісінде табысты жұмыс істеп келе жатқан «Панабек» ЖШС. Кәсіпорында жылына 20 мың жиһаз шығарылады. Бүгінде өндіріс үдерісі автоматтандырылып, цифрлық басқару жүйелері толық енгізілген. Өндірістің барлық кезеңін қамтитын цифрлық бақылау жүйесі жұмыс істейді. Ақауларды автоматты түрде анықтайтын кешен дайын өнімнің сапасын тұрақты бақылауға мүмкіндік береді. Соның нәтижесінде өндіріс толықтай басқарылатын цифрлық ортаға көшкен.Қазіргі уақытта мұнда жасалған кеңсе, ас үй, мектеп және өзге де жиһаз түрлері ішкі нарыққа бағытталған. Алдағы екі жылда өнімін Өзбекстан мен Қырғызстанға экспорттау жоспарланып отыр.Облыс әкімі кәсіпорынның цифрландыру бағытындағы бастамаларына оң бағасын берді.<figure class="image"><img src="https://knadmin.beoblood.kz/uploads/akimat_8302135fdf.jpg" alt="акимат.jpg"></figure><figure class="image"><img src="https://knadmin.beoblood.kz/uploads/akimat_1_04174738e2.jpg" alt="акимат 1.jpg"></figure>

Облыс әкімі қаладағы стратегиялық нысандардың жай-күйімен танысты

<a href="https://kyzylorda-news.kz/">Kyzylorda-news.kz</a> 20 шілдеде Қазақстанның бірқатар өңірінде күн 45 градусқа дейін ысиды, деп хабарлады Қазгидромет.<blockquote>«Солтүстік-батыс циклоны және атмосфералық фронтальды бөлімдердің әсерінен республикамыздың басым бөлігінде құбылмалы ауа райы сақталады, найзағайлы жаңбыр, еліміздің батысында, солтүстік-батысында, солтүстігінде қатты жаңбыр, бұршақ жауып, дауыл болады. Тек республикамыздың оңтүстігінде, оңтүстік-шығысында құрғақ және ыстық ауа райы сақталады», - деп хабарлады синоптиктер.</blockquote>Республика бойынша жел күшейеді, еліміздің оңтүстігінде шаңды дауыл болады. Түнде және таңертең еліміздің солтүстік-батысында, солтүстігінде тұман болжанып отыр. Павлодар, Қарағанды, Шығыс Қазақстан, Абай, Ұлытау облыстарында, Алматы облысының шығысында, Жетісу облысының шығысында және таулы аудандарында 35-38 градус қатты ыстық, Маңғыстау облысының оңтүстігінде 38-40 градус қатты ыстық, Түркістан облысында 40-44 градус қатты ыстық күтіледі.Жамбыл облысында 43-45 градус өте қатты ыстық, Алматы және Жетісу облыстарында 40-45 градус өте қаты ыстық, Шығыс Қазақстан және Абай облыстарының оңтүстігінде 41 градус өте қатты ыстық күтіледі.Бірқатар өңірде жоғары өрт қаупі болжанған.Сурет: pixabay

Синоптиктер 20 шілдеге арналған ауа райы болжамын жариялады

Қармақшы ауданы әкімдігінде аудан әкімі Жандос Еркінбектің қатысуымен ел игілігі жолында адал еңбек етіп жүрген және азаматтық ерлігімен көпшілікке үлгі болған жерлестерді салтанатты қабылдау рәсімі өтті.Жиын барысында аудан әкімі алдымен белгілі сазгер, әнші, ұлағатты ұстаз Құлмырзаев Керекжан Қожанұлын мерейлі 70 жасқа толуымен құттықтап, оның білім беру саласы мен ұлттық өнерді дамытуға қосқан елеулі үлесін жоғары бағалады. Көп жылдық шығармашылық және ұстаздық еңбегі арқылы өңірдің рухани дамуына зор үлес қосқан мерейтой иесіне аудан жұртшылығының атынан ізгі тілектерін жеткізді.Сонымен қатар, адам өмірін сақтап қалуда ерекше ерлік көрсеткен жерлестер – Астана қаласы полиция департаментінің жылдам қимылдайтын арнайы жасақ бөлімінің аға инспекторы, полиция капитаны Мұхамбетов Салават Серікұлы мен Жосалы кентіндегі жағажай құтқарушысы Орынбеков Дәулет Бақытжанұлына құрмет көрсетілді.Аудан әкімі өз сөзінде олардың батыл әрекеті мен жоғары азаматтық жауапкершілігі елге үлгі екенін атап өтіп, мұндай игі істердің қоғамда адам өмірінің қадірін арттырып, жастарды отансүйгіштікке, жауапкершілікке тәрбиелеуде ерекше маңызға ие екенін айтты.Іс-шара барысында аудандық мәслихат төрағасы Әділ Қошалақов, аудандық қоғамдық кеңестің төрағасы Әбдірахман Құлдүйсенов және аудандық ардагерлер кеңесінің төрағасы Асқар Мереков сөз сөйлеп, құрмет иелеріне тілектерін білдірді.Өз кезегінде құрметке ие болған азаматтар көрсетілген ілтипат пен жоғары бағалау үшін аудан басшылығына және аудан тұрғындарына ризашылықтарын жеткізді.

Ел игілігіне қызмет етіп жүрген азаматтарға құрмет көрсетті 

Қармақшы ауданы әкімінің тапсырмасына сәйкес, «Заң мен тәртіп» қағидатын ілгерілету мақсатында аудан аумағында «Қауіпсіз жол» профилактикалық іс-шарасы өткізілді.Іс-шара аясында аудан әкімдігі, аудандық полиция бөлімі, ҚР Төтенше жағдайлар министрлігінің трассалық медициналық-құтқару пункті және жедел медициналық көмек қызметінің мамандары бірлесіп рейдтік жұмыстар ұйымдастырды.Рейд барысында жүргізушілер мен жаяу жүргіншілерге жол қозғалысы ережелерін қатаң сақтау, жол-көлік оқиғаларының алдын алу, көлік құралдарын қауіпсіз басқару және жол қозғалысына қатысушылардың өмірі мен денсаулығын қорғау бағытында түсіндіру жұмыстары жүргізілді.Сонымен қатар, ҚР Төтенше жағдайлар министрлігінің трассалық медициналық-құтқару пункті мен жедел медициналық көмек қызметінің мамандары жүргізушілерге жолға шығар алдындағы денсаулық жағдайына мән беру, ұзақ сапар кезінде демалыс режимін сақтау, аптап ыстықтың адам ағзасына әсері, алғашқы медициналық көмек көрсету және төтенше жағдайлар кезінде дұрыс әрекет ету тәртібі жөнінде кеңестер берді.Сондай-ақ, жол бойындағы қоғамдық тамақтану орындарында кәсіпкерлер мен тұрғындарға қауіпсіздік талаптарын сақтау бойынша ақпараттық-түсіндіру жұмыстары ұйымдастырылды.Мұндай профилактикалық іс-шаралар жол-көлік оқиғаларының алдын алуға, азаматтардың құқықтық мәдениетін арттыруға және қоғамдық қауіпсіздікті қамтамасыз етуге бағытталған.

«Қауіпсіз жол» профилактикалық іс-шарасы өтті 

Облыс әкімі Мұрат Ергешбаев «Fabe Agro» компаниясының басшысы Ахмет Буданмен кездесті. Кездесуде Қазақстан-Түркия ынтымақтастығы аясында Қызылорда облысында заманауи жылыжай кешенін салу барысы және инвестициялық әріптестікті одан әрі кеңейту мәселелері талқыланды. «Қазақстан-Түркия форумы аясындаоблысымызда заманауи жылыжай кешенін салужобасы бойынша меморандумға қол қойып, бірлескен жұмыстың жаңа кезеңіне негіз қалаған болатынбыз.Бұл кездесуіміз қол жеткен келісімдерді іске асыруға, инвестиция, ауыл шаруашылығы және өзге де салалардағы ынтымақтастықты кеңейтуге тың серпін береді деп сенеміз», – деді аймақ басшысы.Сондай-ақ жылыжайда өндірілетін қызанақты ішкі және сыртқы нарыққа жіберуге қажетті қорап-жәшік шығаратын өндіріс орнын ашу бастамасы да талқыланды. Бұл өнімдерді заманауи талаптарға сай қаптауға, логистикалық шығындарды азайтуға және өнімнің бәсекеге қабілеттілігін арттыруға мүмкіндік береді.Аймақ басшысы өңірде жаңа өндірістерді орналастыруға қолайлы жағдай жасалғанын атап өтті. «Қорқыт Ата арнайы экономикалық аймағынан» инвесторларға жер учаскесін беру, инфрақұрылым шығындарының бір бөлігін өтеу және «бір терезе» қағидаты бойынша кешенді қолдау шаралары қарастырылған. Аталмыш жобаны жүзеге асыру бойынша инвестициялық келісімшарт жасасуға қажетті құжаттарды рәсімдеу жұмыстары жүргізілуде.<img src="https://knadmin.beoblood.kz/uploads/FB_IMG_1784437526916_a9d43e771f.jpg" alt="FB_IMG_1784437526916.jpg">

Инвестициялық әріптестікті одан әрі кеңейту мәселелері талқыланды 

Қармақшы ауданы әкімінің тапсырмасына сәйкес, тұрғындардың қауіпсіздігін қамтамасыз ету мақсатында қоғамдық тамақтану, сауда және кәсіпкерлік объектілерінің қызметіне мониторинг жүргізу жөніндегі құрылған жұмысшы топ жоспарға сәйкес кезекті мониторинг жұмыстарын жүргізді.Мониторинг барысында жұмысшы топ Жосалы кентіндегі бірқатар кәсіпкерлік нысандарын аралап, қолданыстағы заңнама талаптарының сақталуын, санитариялық-гигиеналық нормалардың орындалуын, өрт қауіпсіздігі ережелерінің сақталуын, тамақтан уланудың алдын алу шараларын, тұтынушылардың құқықтарының қорғалуын және көрсетілетін қызмет сапасы бойынша түсіндірме жұмыстарын жүргізді.Сонымен қатар кәсіпкерлерге қолданыстағы заңнама талаптары түсіндіріліп, анықталған кемшіліктерді жою бойынша тиісті ұсынымдар берілді. Жұмысшы топ мүшелері кәсіпкерлік қызметті заң талаптарына сәйкес ұйымдастырудың, санитариялық және өрт қауіпсіздігі талаптарын қатаң сақтаудың, сондай-ақ тұрғындарға сапалы әрі қауіпсіз қызмет көрсетудің маңыздылығына ерекше тоқталды.Алдағы уақытта бұл бағыттағы мониторинг жұмыстары жоспарға сәйкес тұрақты түрде жалғасатын болады.<img src="https://knadmin.beoblood.kz/uploads/FB_IMG_1784438294842_eaa9dc9142.jpg" alt="FB_IMG_1784438294842.jpg">

Кәсіпкерлік нысандарда кезекті мониторинг жұмыстары жүргізілді 

"Руханият" орталығында ҚР Cу ресурстары және ирригация Министрі Нұржан Нұржігітов, облыс әкімінің орынбасары Бахыт Жахановтың қатысуымен су шаруашылығы саласының өзекті мәселелеріне арналған кеңейтілген жиын өтті. Жиынға облыстық басқарма, салалық инспекция және мекеме басшылары, облыстық, аудандық мәслихат депутаттары, аудан ардагерлері, шаруашылық құрылымдарының төрағалары мен су шаруашылығы саласының қызметкерлері қатысты.Жиында Министр су ресурстарын тиімді пайдалану, су қауіпсіздігін қамтамасыз ету және су үнемдеу технологияларын енгізу бағытында мемлекет тарапынан атқарылып жатқан жұмыстарға тоқталды. – Су үнемдеу технологияларын кеңінен енгізу, су ресурстарын тиімді пайдалану және су қауіпсіздігін қамтамасыз ету – негізгі бағыттардың бірі. Биыл вегетациялық кезеңге қажетті су көлемін тұрақты қамтамасыз ету бойынша тиісті жұмыстар жүргізіліп, Қызылорда облысына қажетті су көлемі кезең-кезеңімен бөлінуде. Шаруашылықтар суару жұмыстарын белгіленген кестеге сәйкес жүргізіп, суды ұтымды пайдалану бағытында жұмыс істеуде. Мемлекет басшысының тапсырмасына сәйкес суды көп қажет ететін дақылдардың көлемін оңтайландырып, су үнемдеу технологияларын енгізу мен егісті әртараптандыру жұмыстары жалғасады. Сонымен қатар, су пайдалану кезінде заң талаптарын қатаң сақтау, белгіленген лимиттерді ұтымды пайдалану және су ысырабына жол бермеу – баршаға ортақ міндет, – деді Нұржан Молдиярұлы.Жиында "Арал-Сырдария" бассейндік су инспекциясының басшысы Зейнулла Қазтоғанов Сырдария өзені бассейніндегі су шаруашылығының қазіргі жағдайы, су ресурстарының көлемі, вегетациялық кезеңдегі су бөлу және бақылау шаралары жөнінде баяндама жасады. Сондай-ақ, «Қазсушар» РМК Қызылорда филиалы директорының міндетін атқарушы Нажмадин Шамуратов биылғы суару науқанының барысы, шаруашылықтарды сумен қамтамасыз ету, гидротехникалық нысандардың жай-күйі және вегетациялық кезеңде атқарылған жұмыстар туралы кеңінен ақпарат берді.Жиын барысында сала ардагерлері, шаруашылық басшылары өздерін толғандырған мәселелерді көтеріп, ұсыныс-пікірлерін білдірді. Министр көтерілген сұрақтарға жауап беріп, су ресурстарын тиімді басқару, су үнемдеу технологияларын енгізу және ирригациялық инфрақұрылымды жаңғырту бағытындағы жұмыстар алдағы уақытта да жүйелі түрде жалғасатынын жеткізді.<img src="https://knadmin.beoblood.kz/uploads/FB_IMG_1784349987245_ce41072f70.jpg" alt="FB_IMG_1784349987245.jpg">

Су шаруашылығының өзекті мәселелері талқыланды 

Жыл басынан бері облыста «Өңірлік жұмыспен қамту картасы» аясында 14 486 жаңа жұмыс орны құрылып, жоспардың 55 пайызы орындалды. Нәтижесінде Қызылорда облысы бұл көрсеткіш бойынша республикада екінші орынға тұрақтады. Ашылған жұмыс орындары электронды еңбек шарттары мен міндетті зейнетақы аударымдары арқылы расталған. Бұл туралы Өңірлік коммуникациялар қызметінің ақпарат алаңында Қызылорда облысының жұмыспен қамтуды үйлестіру және әлеуметтік бағдарламалар басқармасы басшысының міндетін атқарушы Жанар Дәулетбаева мәлімдеді. Брифингте халықты жұмыспен қамту, әлеуметтік қолдау және мүгедектігі бар азаматтарға көрсетілетін қызметтердің жай-күйі баяндалды.Мемлекеттік бағдарламалар шеңберінде бос жұмыс орындарына орналасу, субсидияланған жұмыс орындарын ашу және жеке бастамаларды қолдау бағытында жүйелі жұмыстар жүргізілуде. Соның нәтижесінде өңірдегі жұмыссыздық деңгейі 4,8 пайыздан 4,5 пайызға дейін төмендеп, республикалық көрсеткішпен теңесті.- Биыл 50 бос жұмыс орындары жәрмеңкесі ұйымдастырылып, 4 761 вакансия ұсынылды. Мыңнан астам азамат тұрақты және уақытша жұмысқа жолдама алды. Сонымен қатар «Бастау Бизнес» жобасы бойынша 3 852 адам кәсіпкерлік негіздерін меңгерсе, 17 мыңнан астам тұрғын электронды еңбек биржасы арқылы онлайн оқудан өтті. Өңіраралық еңбек ресурстарының ұтқырлығын арттыру мақсатында ұйымдастырылған «Enbek Hub – Qyzylorda» жәрмеңкесінде 10 мыңнан астам бос жұмыс орны ұсынылып, 200-ден астам азамат жұмыспен қамтудың белсенді шараларына жолданды. Солтүстік Қазақстан, Шығыс Қазақстан және Қарағанды облыстарымен еңбек ресурстарын алмасу жөніндегі меморандумдарға қол қойылды, - деді Жанар Жұмабекқызы.Брифинг барысында мүгедектігі бар азаматтарды әлеуметтік қолдау мәселесіне де ерекше назар аударылды. Бүгінде облыста 34,8 мыңнан астам мүгедектігі бар адам тіркелген. Оларды оңалтудың жеке бағдарламаларын іске асыруға биыл 6,9 млрд теңге бөлініп, 28 мыңнан астам азамат техникалық оңалту құралдарымен қамтамасыз етілді. Сонымен қатар инфрақұрылымдық нысандарды бейімдеу жұмыстары жоспарлы түрде жүргізілуде.Аз қамтылған тұрғындарды қолдау бағытында да кешенді шаралар қабылдануда. Жыл басынан бері 3 438 отбасыға атаулы әлеуметтік көмек төленіп, мыңдаған отбасы тұрғын үй көмегі мен жергілікті бюджет есебінен әлеуметтік төлемдер алды. Арнаулы әлеуметтік қызмет көрсету орталықтарында 2 мыңнан астам адам қызмет алуда.Басқарма басшысының міндетін атқарушы Жанар Дәулетбаеваның айтуынша, жұмыспен қамту және әлеуметтік қолдау шаралары алдағы уақытта да жүйелі түрде жалғасады.- Біздің басты мақсатымыз халықты тұрақты жұмыспен қамту, жұмыссыздық деңгейін төмендету және әлеуметтік қолдауды нақты мұқтаж азаматтарға тиімді жеткізу. Сонымен қатар мүгедектігі бар адамдардың өмір сүру сапасын арттыруға бағытталған қызметтердің қолжетімділігі мен сапасын одан әрі жақсарту жұмыстары жалғасады, – деді спикер.Биыл өңірде жұмыспен қамту жол картасының барлық индикаторларын орындау, жұмыссыздық деңгейін 4,6 пайыздан асырмау, әлеуметтік төлемдердің уақытылы берілуін қамтамасыз ету және арнаулы әлеуметтік қызметтерді жетілдіру негізгі міндеттердің бірі болып қала береді.

Қазақстан және Қызылорда облысының жаңалықтары