<a href="https://kyzylorda-news.kz/">Kyzylorda-news.kz</a>. ҚР Премьер-министрі Асқар Мамин “Росатом” мемлекеттік корпорациясының бас директоры Алексей Лихачевпен кездесу өткізді, деп хабарлайды <a href="https://kaz.tengrinews.kz/kazakhstan_news/elmzde-jyilyina-kansha-tonna-uran-ondrled-302947/">Тengrinews.kz</a>.&nbsp;
<blockquote>
 “Атом саласындағы ынтымақтастық біздің елдеріміздің арасындағы екіжақты қарым-қатынастарда маңызды орын алады. Бүгінде бағыттардың кең спектрі бойынша бірлескен жұмыстар жүргізіліп жатыр”,&nbsp;– деді Асқар Мамин.&nbsp;
</blockquote>
Қазақстанда 5 қазақстандық-ресейлік бірлескен уран өндіруші кәсіпорын жұмыс істейді: “Заречное” БК АҚ, “Қаратау” ЖШС, “Ақбастау” БК” АҚ, “ОТХК” БК” ЖШС, “Хорасан-U” БК” ЖШС. 2018 жылы олар 8427 тонна уран (ҚР-да уран өндірудің барлық көлемінен 38,8&nbsp;пайыз), осы жылдың 9 айында – 6645,8 тонна уран өндірді.&nbsp;
Тараптар атом энергиясын бейбіт мақсатта пайдалану саласындағы Ресей-Қазақстан ынтымақтастығының кешенді бағдарламасын жүзеге асыру барысын, соның ішінде уранды өндіру және байыту, ғылыми-техникалық және инновациялық даму саласындағы, сондай-ақ Атом Қуаты Халықаралық Агенттігімен Төмен байытылған уран банкі бойынша өзара іс-қимылдың қазіргі жағдайы мен перспективаларын талқылады.

Елімізде жылына қанша тонна уран өндіріледі?

<a href="https://kyzylorda-news.kz/">Kyzylorda-news.kz.</a> Қазіргі таңда Қызылордада қосымша 45 бейнебақылау орнату үшін жұмыстар жүргізілуде. Бұл туралы Өңірлік коммуникациялар қызметінің ақпарат алаңында облыстық Полиция департаменті бастығының бірінші орынбасары Шамшидин Амитов мәлімдеді.
<blockquote>
 «Облысымызда орнатылған 272 бейнебақылау камерасының көмегімен 16 мыңнан астам әкімшілік құқық бұзушылық анықталып, оның ішінде 91 қылмысқа тергеу жүргізілді.Сонымен қатар, көлік&nbsp;құралын спирт ішіп басқарған 1288 жүргізуші анықталып, оларға әкімшілік шара көрілді. Бүгінде жол көлік оқиғаларының алдын алу бағытында бірнеше жұмыстар атқарылуда»,-деді Шамшидин Егенбердіұлы.
</blockquote>
Сонымен қатар сала мамандары мал ұрлығы да күрделі мәселелердің бірі екенін айтты. Бұл бағытта жыл басынан бері жеті рет «Мал ұрлауш» жедел-профилактикалық іс-шаралар өткізілген. Нәтижесінде мал ұрлығын кәсіпке айналдырған 98 азамат ұсталып, оларға шара қолданылды.
<img src="https://kyzylorda-news.kz/wp-content/uploads/2019/11/brifing-amitov.jpg" alt="" />

Жол қауіпсіздігін қамтамасыз ету үшін бейнебақылаулар орнатылуда

<a href="https://kyzylorda-news.kz/">Kyzylorda-news.kz.</a> Қазақстан Республикасының мемлекеттік хатшысы Қырымбек Көшербаевтың төрағалығымен шетелде кадрлар даярлау жөніндегі республикалық комиссияның кезекті отырысы өтті, деп хабарлайды Ақорданың баспасөз қызметі.
Жиынды ашқан мемлекеттік хатшы «Болашақ» бағдарламасының адами капиталды дамыту саласындағы серпінді жоба екенін атап өтті.
Комиссия отырысында білім және ғылым министрі А.Аймағамбетовтің шетелде кадрлар даярлау жөніндегі республикалық комиссияның хаттамалық тапсырмаларының орындалуы туралы есебі тыңдалды, сондай-ақ, «Болашақ» бағдарламасының іске асырылуына қатысты бірқатар мәселе талқыланды.
Комиссия шешімімен магистратура мен докторантурада білім алу үшін 234 үміткерге стипендия тағайындалды, сонымен қатар, олар әлемнің жетекші ғылыми және өндірістік ұйымдарына тағылымдамаға жіберіледі.
Отырыс қорытындысы бойынша Комиссия «Болашақ» халықаралық стипендиясының тиімділігі мен ашықтығын арттыру үшін бірқатар нақты тапсырма берді. Әсіресе экономика саласын дамытудың перспективалары негізінде еңбек ресурсы балансындағы өзгерістерді ескеру жайы айтылды.
Мысалы, 2020 жылдан бастап «Болашақ» халықаралық стипендиясын іске асырудың жаңа тәсілдері енгізілетін болады. Бұл конкурстық іріктеуді жүргізу тетіктерін жетілдіруді және автоматтандыруды, оның кезеңдерін қысқартуды, шетелде кадрлар даярлау жөніндегі республикалық комиссияның жұмысын оңтайландыруды, жұмыс органының жауапкершілігін арттыруды көздейді. Сонымен қатар стипендиаттарды оқытуға байланысты барлық академиялық үдеріс қосымша реттеледі.
<img src="https://kyzylorda-news.kz/wp-content/uploads/2019/11/bolashak-kosherbaev-1.jpg" alt="" />

«Болашақ» халықаралық стипендиясын тағайындаудың тәртібі өзгереді

<a href="https://kyzylorda-news.kz/">Kyzylorda-news.kz.</a> Мамандар отбасындағы зорлық-зомбылықтың неден туындайтынын, оның несімен қауіпті екенін, берекесіз отбасында өскен бала есейгенде ата-анасының әрекетін қайталауы мүмкін екенін айтты. Бұл туралы &nbsp;<a href="https://sputniknews.kz/society/20191121/12091907/mamandar-kenes.html">Sputnik Қазақстан</a> <a href="https://sputniknews.kz/society/20191121/12091907/mamandar-kenes.html">жариялады.</a>
Психолог Серікгүл Сәлі бұл қоғамдағы өзекті мәселе екенін, әрі кейбір әйелдер күйеуінің ерсі әрекетіне шыдап жүргенін жеткізді.
<blockquote>
 “Қазақ әйелдеріне оны түсіндіре алмай жүрміз. Отбасында зорлық-зомбылық болды ма? Онда ол жерде шыдап отырудың еш қажеті жоқ. Әйелін ұратын еркекті тастап кету керек. Бірақ бұл сөзді әйелге туысқандары мен жанында жүрген адамдар да айтады. Өкінішке қарай, олар бұл кеңеске құлақ аспайды”, – дейді ол.
</blockquote>
Оның пікірінше, мұндай әйелдер бала кезінде ата-анасынан зорлық-зомбылық көріп, психологиялық соққы алған болуы мүмкін.
Мамандар кейбір әйелдер ұрып-соғатын күйеуіне кешіріммен қарап, мәселенің түп-төркініне бармай, ары қарай өмір сүре беретінін айтады. Бұл шығыс қыз-келіншектеріне тән менталитет екен. Олар ешқашан өз ерін жаманатты қылғысы келмейді. Ал Серікгүл Сәлі “балаларым өсіп алсын, мүмкін күйеуім өзгеретін шығар деп уақыт өткізудің қажеті жоқ” деген пікірді ұстанады.
“Әйел өзін алдап жүр”
Осы орайда ол жаны мен дені сау әйел мұндай жағдайда қалай әрекет ететінін түсіндірді.
<blockquote>
 “Бұл сылтау. Адам өзін алдап жүр. Әкесі баласының көзінше оның өмірдегі ең сүйікті, ең жақын анасын ұрып жатқанда бала үшін жақсы өмір болмайды. Ол жастайынан психологиялық соққы алып өседі. Баласын ойлайтын әйел “оған мұндайды көрсетпеймін” деп мұндай адаммен байланысын үзеді”, – деді психолог.
</blockquote>
Айтуынша, ер адам бірінші рет қол көтергенде, әйелдердің көбі оны кешіреді. Алайда маман мәселені ушықтырмауға кеңес береді.
<blockquote>
 “Олар қайталап ұрмауы мүмкін деп үміттенеді.&nbsp; Бірақ екінші рет қол көтерді ме? Онда бұл жерде бір нәрсе дұрыс емес. Бірден отбасы психологының көмегіне жүгіну қажет. Бұл мәселені күрделендірмей, басынан шешіп алу керек”, – дейді Серікгүл Сәлі.
</blockquote>
Ал Нұр-Сұлтан қаласы Алматы аудандық сотының судьясы Айгүл Молдыбаева&nbsp; “Балапан ұяда не көрсе, ұшқанда соны іледі” дейді. Оның пікірінше, бала жастайынан әкесі анасын ұрып жатқанын көрсе, есейе келе ол да осындай әрекетке баруы мүмкін.
<blockquote>
 “Әйелдер балаларым кішкентай, шыдай тұрайын” дейді. Ол дұрыс емес. Сізге қарсы зорлық-зомбылық жасалса, оған шыдаудың еш қажеті жоқ. Әрине, заң аясында күресу керек. Мысалы, бір күні маған жас отбасы келді. Күйеуі әйеліне “мен сенің бетіңнен тек шапалақпен ұрдым. Мені әкем анаммен бірге аязда далаға қуып шығып, ұратын” дейді. Түсінесіз бе? Бұл өте қорқынышты жағдай. Бала есейіп, отбасы құрған кезде мұндай әрекетті істеуге болмайтынын түсінбей отыр”, – дейді судья.
</blockquote>
Заң аясында күресу керек
Ол зорлық-зомбылыққа шыдайтын әйел баласының алдында беделін жоғалтатынын айтады. Сондықтан судья мұндайға жол бермеуге кеңес береді. Себебі, бұл – қоғам үшін қауіпті құбылыс.
<blockquote>
 “Бүгін сот процесі өтті. Ерлі-зайыпты бірге 17 жыл өмір сүрген, 3 баласы бар. Қазір ажырасып жатыр. Әйелі зорлық-зомбылыққа 15 жыл шыдапты. Ол күйеуінің көңіл-күйі болмаса, өзін және балаларын ұратынын айтады. Балалар жылап, 21 жастағы үлкен ұлы “мама ажырасшы” деп айтады екен. Мұндай мәселені бірден шешіп алу керек. Егер бала кішкентай кезінде үйде зорлық-зомбылықты көрсе, бұл оның психикасына әсер етеді”, – дейді Айгүл Молдыбаева.
</blockquote>
Судья күйеуі ұрып-соққан, психологиялық қысым көрген әйелдер заңмен құқығын қорғай алатынын атап өтті.
<blockquote>
 “Ондай әйелдерге әкімдіктердің жанындағы орталықтарға бару керек. Онда психологтар жұмыс істейді. Ең маңыздысы, әйелдер өзіне қарсы жасалған жаман әрекетке шыдамауы тиіс. Неге басқа әйелді күйеуі ұрмайды? Себебі, олар мұндайға шыдамайды. Егер күйеуі әйеліне қоқан-лоққы көрсетсе, ұрып-соқса, біз ондай жұптарды бірден ажырастырамыз. Егер ол бұрынғы әйелінің артынан қалмай, оны аңдып, қысым көрсетсе, бұл әрекеттерде қылмыстық істің құрамы бар болып саналады”, – дейді ол.
</blockquote>
Мұндай адам қылмыстық жауапкершілікке тартылуы мүмкін. Айгүл Молдыбаева жастарға саналы түрде отбасы құруға кеңес береді. Айтуынша, отбасы құру, ерлі-зайыпты болу үлкен жауапкершілік пен үлкен еңбекті талап етеді. Ал бала өмірге келгенде, жауапкершілік екі еселенеді. Ата-аналар балаларға жақсы тәрбие мен білім беру керек. Отбасы мықты болса, қоғамда да келеңсіз жайттар азаяды.
Қайда хабарласу керек?
Егер отбасылық зорлық-зомбылықтың құрбаны болсаңыз, алдымен полицияға хабарласқаныңыз жөн. Әр облыста ішкі істер органдарының әйелдерді зорлық-зомбылықтан қорғау жөніндегі бөлімшелері бар. Телефон нөмірін&nbsp;мына жерден&nbsp;таба аласыз.
Сондай-ақ әкімдіктерге де хабарласа аласыз. Бұл жерде әйелдер істері және отбасылық-демографиялық саясат жөніндегі комиссиялар жұмыс істейді. Тұрғылықты тіркеудің қажеті жоқ.
Тұрмыстық зорлық-зомбылық құрбандарына арналған кризистік орталыққа баруға болады. Сенім телефоны (анонимді, тәулік бойы жұмыс істейді) – 150 немесе 8 (777) 225-53-26.

Күйеуі ұрып-соғатын әйелдер өзін қалай қорғай алады?

<a href="https://kyzylorda-news.kz/">Kyzylorda-news.kz</a>. Еңбек және халықты әлеуметтік қорғау министрі Біржан Нұрымбетов зейнетақы жинағын баспана мен білім алуға жұмсауға мүмкіндік беретін нақты тетіктер келесі айда жарияланатынын мәлім етті, деп хабарлайды <a href="https://www.inform.kz/kz/zeynetaky-zhinagyna-baspana-alu-tupkilikti-sheshim-zheltoksanda-shygady_a3588827?fbclid=IwAR2cCeC4-YJIG74pTysJGFW8DHLSc7JlvTeT_gaVwILrtnAGWulBDNZpO3M">ҚазАқпарат</a>.
<blockquote>
 «Қазір көптеген ұсынысты қарап жатырмыз. Жоспарымыз бойынша, алдағы желтоқсан айында біз ұстанымға келіп, сол жұмысшы топтың Президентке ұсынысын беруіміз керек. Әзірге бірыңғай шешімге келген жоқпыз. Біздің елімізде 10 миллионға жуық зейнетақы есепшоты бар. Жалпы, салымшылардың саны да 10 миллион деуге болады. Жиналғаны – 10 триллион теңге. Халықтың 70 пайызының жинаған зейнетақысы – 1 миллион теңгеге дейін ғана. Сондықтан, бұл мәселенің қиындықтары бар», – деді министр Үкіметтің баспасөз орталығында.
</blockquote>
Министр бұл ретте зейнетақы жинағы әр адамның зейнетке шыққаннан кейінгі өміріне жетуі керектігін атап өтті.
<blockquote>
 &nbsp;«Түпкі шешімдерімізді желтоқсан айында еститін боласыздар», – деді Біржан Нұрымбетов. Еске сала кетсек, Мемлекет басшысы Қазақстан халқына Жолдауында Үкіметке азаматтардың зейнетақы жинақтарын баспана алуға жұмсауын реттеуді тапсырған болатын. 
</blockquote>

Зейнетақы жинағына баспана алуға бола ма?

<a href="https://kyzylorda-news.kz/">Kyzylorda-news.kz.</a> Еңбек және халықты әлеуметтік қорғау министрі Біржан Нұрымбетов қаржы мәселесі шешілсе 57 мың адамның несиесі өтелетінін мәлім етті, деп хабарлайды <a href="https://www.inform.kz/kz/57-myn-adamnyn-nesiesi-oteledi-birzhan-nurymbetov_a3588896">ҚазАқпарат</a>.
<blockquote>
 «Өздеріңіз білетіндей, Президенттің тапсырмасы бойынша несиелік жеңілдіктерге бес санаттағы адамдар ие болған еді. Бұл бір мезгілдік акция. Ресми нормативті құқықтық құжаттарға сүйенер болсақ, ол акция 5 қыркүйекте біткен. Дегенмен, өздеріңіз білетіндей, көптеген азамат бізге хабарласты. Қабылдауды тоқтатып жатқан жоқпыз», – деді Біржан Нұрымбетов Үкіметтің баспасөз орталығында.
</blockquote>
Министр сонымен бірге бұл мәселеде туысқандық қатынасты дәлелдейтін құжаттардың ресми деректер қорында болмауы кедергі келтіріп тұрғанын айтып өтті.
<blockquote>
 «Сондықтан, ол кісілерге бұл мәселені реттеуге көмектестік. Екі ай бойы осы жұмыс істедік. 1 қарашаға дейін соның бәрін жасап, қосымша 57 мыңға жуық азаматты осы несиелік жеңілдікке құқығы бар адам ретінде белгіледік. Шарадан тыс көмекке ұсыныс жасап, тиісті қаражатты бөлу әрекетін жасадық. 9,4 миллиард теңге. 1 қарашаға дейін құжаттарын реттеген 57 мың адамның жылдың аяғына дейін қаржылық мәселесі шешілсе, несиесі өтелетін болады», – деді Біржан Нұрымбетов.
</blockquote>

Біржан Нұрымбетов: 57 мың адамның несиесі өтеледі

<a href="https://kyzylorda-news.kz/">Kyzylorda-news.kz</a> ақпараттық агенттігі 1 желтоқсан – Қазақстан Республикасының Тұңғыш&nbsp; Президенті күніне орай Қызылорда облысында өткізілетін іс-шаралар тізімін назарға ұсынады.
Қызылорда қаласы
29 қараша күні сағат 17.00-де Н.Бекежанов атындағы музыкалық драма театрында 1желтоқсан-Тұңғыш Президент күніне орай салтанатты мәдени шарасы;
30 қараша күні сағат 18.00-де Н.Бекежанов атындағы музыкалық драма театрында облыстық филармония өнер ұжымдарының «Жыл концерті» атты шарасы;
Арал ауданы
29 қараша күні сағат 17.00-де Арал аудандық мәдениет үйінде мерекелік салтанатты кеші;
Қазалы ауданы
29 қараша күні сағат 16.00-де Әйтеке би кенті, Р.Бағланова атындағы аудандық мәдениет орталығында «Бірегей тұлға-Елбасы» аудандық&nbsp; салтанатты кеші;
Қармақшы ауданы
29 қараша күні сағат 16.00-де Жосалы кенті, Ш.Төлепова атындағы аудандық мәдениет үйінде «Елін сүйген, Елі сүйген Елбасы» атты салтанатты жиыны;
Жалағаш ауданы
29 қараша күні сағат 11.00-де Жалағаш кенті, Қ.Қазантаев атындағы мәдениет үйінде «Елім деп соққан жүрегі» атты&nbsp; салтанатты жиыны;
Cырдария ауданы
29 қараша күні сағат 11.00-де Сырдария аудандық&nbsp; мәдениет үйінде «Елімнің бағы-Елбасы» атты мерекелік шарасы;
Шиелі ауданы
28 қараша күні сағат 17.00-де Шиелі кенті, «Арман» мәдениет үйінде «Елбасы жолы – ертеңге өнеге»атты &nbsp;мерекелік&nbsp; концерті;
29 қараша күні сағат 16.00-де Шиелі кенті, Б.Қабылұлы атындағы аудандық мәдениет үйінде «Ұлтының ұлы көшбасшысы!» атты&nbsp; мерекелік шарасы;
Жаңақорған ауданы
29 қараша күні сағат 17.00-де Жаңақорған кенті, М. Көкенов атындағы аудандық мәдениет үйінде «Ұрпағы ұлықтаған тұлға» атты мерекелік шарасы өтеді.

Қызылордада 1 желтоқсан күні қандай шаралар ұйымдастырылады?

<a href="https://kyzylorda-news.kz/">Kyzylorda-news.kz.</a> «Жолаушылар тасымалы» компаниясы желтоқсан айындағы мереке күндері 4 бағыт бойынша қосымша пойыздар шығарады.
Пойыздар Тұңғыш Президент күні, ҚР Тәуелсіздік күні, Жаңа жыл мерекесі күндері жүреді.
«Алматы-2 – Шымкент» бағыты бойынша 12 рейс «Алматы-2-ден» 28 қараша күні, желтоқсан айының 2, 5, 9, 12, 16, 19, 23, 26, 30 жұлдыздары және 2020 жылдың 2, 6 қаңтар күндері шықса, сәйкесінше Шымкент қаласынан 29 қараша, 3, 6, 10, 13, 17, 20, 24, 27, 31 желтоқсан және 3, 7 қаңтар күндері кері бағытта аттанады.
«Алматы-2 – Түркістан» бағыты бойынша 4 рейс «Алматы-2 –ден» 28 қараша және 5, 17, 24 желтоқсан күндері, ал Түркістаннан сәйкесінше 29 қараша және 6, 18, 25 желтоқсан күндері кері бағытта жүреді.
«Маңғыстау-Бейнеу» бағыты бойынша күнара Маңғыстаудан 28 қарашадан бастап 2020 жылдың 6 қаңтарына дейін жұп күндері, ал Бейнеуден 29 қарашадан бастап 2020 жылдың 7 қаңтарына дейін тақ күндері жүреді.
«Нұр-сұлтан-Шу» бағыты бойынша «Тұлпар-Тальго» вагондарымен жасақталған 2 рейс 31 желтоқсаннан бастап 2020 жылдың 2 қаңтарына шенйін қатынайды.
Сондай-ақ, №712/711 «Нұр-сұлтан-Нұрлы жол – Шымкент» коммерциялық пойызы 8 желтоқсанынан бастап күн сайын қатынайтын болады.
Пойыз кестесіне қатысты сұрақтар бойынша, ұлттық тасымалдаушының Бірыңғай анықтама қызметі «105» нөміріне хабарласуға болады (стационарлық телефоннан қоңырау тегін).

Желтоқсан айындағы мереке күндері қосымша пойыздар шығарылады

<a href="https://kyzylorda-news.kz/">Kyzylorda-news.kz.</a> Қазалы ауданы бойынша мемлекеттік кірістер басқармасының қызметкерлері көлеңкелі экономикаға қарсы тексеріс жұмыстарын жүргізді.
Тексеру барысында, ауданда орналасқан сауда үйінің бірінен ілеспе жүк құжатынсыз&nbsp;&nbsp; 4196 дана заңсыз сатылымдағы алкоголь өнімдері&nbsp; анықталып, айналымнан алынды.
Қазіргі уақытта,&nbsp;&nbsp; әкімшілік хаттамасы толтырылып, жинақталған құжаттар сотқа жолданды.

Қазалыда ірі көлемде заңсыз сатылған алкоголь өнімдері тәркіленді

<a href="https://kyzylorda-news.kz/">Kyzylorda-news.kz.</a> Жалағашта ауыл шаруашылығының көрнекті ұйымдастырушысы Мөрәлі Шәменовты еске алуға арналған дзюдодан 2003-2004 жылы туған жасөспірімдер арасында республикалық турнир өтті.
Дүбірлі бәсекеге Алматы, Шымкент қалалары, Ақтөбе, Батыс Қазақстан, Түркістан, Шығыс Қазақстан және Қызылорда облыстарынан 300-ге жуық татами шеберлері 9 салмақ дәрежесінде жүлделерді сарапқа салды.
Жарыс нәтижесінде Сыр дзюдошылары 6 алтын, 7 күміс, 12 қола медаль, барлығы 25 медаль еншілеп, жалпы командалық есепте 1-орынды жеңіп алды.
<img src="https://kyzylorda-news.kz/wp-content/uploads/2019/11/qyzylordalyq-dzjudoshylar-zhengimpaz-atandy-1.jpg" alt="" />
<img src="https://kyzylorda-news.kz/wp-content/uploads/2019/11/qyzylordalyq-dzjudoshylar-zhengimpaz-atandy-2.jpg" alt="" />

Қызылордалық дзюдошылар жеңімпаз атанды

<a href="https://kyzylorda-news.kz/">Kyzylorda-news.kz.</a> Мемлекеттік қызметшілерге жұмыс орнында смартфонды пайдалануға рұқсат берілгелі отыр. Бұл туралы Үкімет отырысынан кейін тілшілерге берген жауабында ҚР Цифрлық даму, инновациялар және аэроғарыш өнеркәсібі министрі Асқар Жұмағалиев айтты, деп хабарлайды <a href="https://www.inform.kz/kz/memkyzmetshige-zhumysta-smartfon-paydalanuga-ruksat-beretin-kaulyga-kol-koyyldy_a3588789">ҚазАқпарат</a>.
<blockquote>
 «Мемлекеттік органдар орналасқан ғимарат иелері полиция органдарымен бірге нұсқаулыққа қол қоюы тиіс. Осыдан кейін ғана мемлекеттік қызметкерлер ғимаратта смартфондарды қолдана алады. Десе де, ақпараттық қауіпсіздік мәселесін назардан шығармау керек. Тиісті қаулыға бүгін қол қойылды. Ғимарат иелері мен полиция таяуда нұсқаулыққа қол қояды», – деді министр Үкімет отырысынан кейін.
</blockquote>
Асқар Жұмағалиев азаматтар үшін мемлекеттік органдарға смартфондарды алып кіру мәселесі тиісті нұсқаулықтармен шешілетінін айтып өтті.
Өз кезегінде Ақпарат және қоғамдық даму министрі Дәурен Абаев мемқызметшілерге нақты қашан рұқсат берілетінін айтты.
<blockquote>
 «Нақты уақыт белгісіз. Мақұлдануы керек. Әрбір мемлекеттік органда бір айдың ішінде мақұлдануы керек», – деді ол.
</blockquote>
Айта кетсек, жақында мемлекеттік орган ғимараттарында мемлекеттік қызметшілерге смартфон пайдалануға рұқсат берілуі мүмкін екені бұған дейін де хабарланған болатын.

Мемқызметшіге жұмыста смартфон пайдалануға рұқсат беретін қаулыға қол қойылды

<a href="https://kyzylorda-news.kz/">Kyzylorda-news.kz.</a> Қазақстандағы төрт шайдың үшеуі импортпен келген, деп хабарлайды <a href="https://24.kz/kz/zha-aly-tar/o-am/item/357057-aza-standa-shaj-men-kofe-ymbattady">«Хабар 24»</a>.
Елімізде шай бағасы биылғы 10 айдың нәтижесі бойынша былтырғымен салыстырғанда бірден 10%-ға, ал кофе 4,4%-ға қымбаттады. Қазан айында жапырақты қара шайдың бір килограмы орта есеппен 3 063,3 теңгені құрады, бұл 2018 жылғы қазанмен салыстырғанда 6,8%-ға қымбат.
Қазақстандықтардың сүйікті сусыны, әсіресе Алматы, Қарағанды ​​және Қостанай тұрғындары үшін қымбат болып отыр. Үш тоқсанның қорытындысы бойынша, отандық өндірушілер шай мен кофеге деген сұранысты 27,3%-ға (былтыр 29,6%) ғана өтеді. Осылайша, импорттаушылар нарықтың төрттен үшіне ие болып отыр. Қазақстан нарығына негізінен Кения, Үндістан және Ресей елдерінен шай жеткізіледі.

Қазақстан және Қызылорда облысының жаңалықтары