<a href="https://kyzylorda-news.kz/">Kyzylorda-news.kz.</a> Жыл басынан бері жалақы берешегіне жол берген кәсіпорын басшыларына 136 миллион теңге айыппұл салынған. Үкімет отырысында Еңбек және халықты әлеуметтік қорғау министрі Біржан Нұрымбетов осылай мәлімдеді, деп хабарлайды <a href="https://www.inform.kz/kz/biyl-zhalaky-bereshegi-bar-kasiporyndarga-136-mln-tenge-ayyppul-salyndy_a3588772">ҚазАқпарат.</a>
<blockquote>
 «Соңғы үш жылда жалақы берешегін өтеу бойынша оң үрдіс байқалуда. Атап айтқанда, 2018 жылдың басымен салыстырғанда жалақы берешегі 34 пайызға немесе 744 миллион теңгеге, жыл басынан бері 560 млн теңгеге төмендеп, қазіргі таңда 1 млрд 420 млн теңгені құрады. Берешектің басым бөлігі Нұр-Сұлтан және Алматы қаласына, Ақтөбе облысына тиесілі», – деді Біржан Нұрымбетов Үкімет отырысында.
</blockquote>
Министрдің айтуына қарағанда, жыл басынан бері берешекке жол берген кәсіпорындар басшыларына 1 200 ұйғарым беріліп, 136 миллион теңге айыппұл салынған.
<blockquote>
 «Қабылданған шаралардың арқасында 36 мыңдай жұмысшының құқығы қорғалып, 5 млрд теңгенің ағымдағы берешегі өтелді. Шараларды күшейту мақсатында бүгінгі таңда еңбек инспекторларының ұйғарымын сот органдарының атқару құжаттар тізбесіне енгізу және жұмыс берушілердің жалақы төлемегені үшін әкімшілік жауапкершілікті күшейту мәселесі шешілуде», – деді ол.
</blockquote>
Еске сала кетсек, Үкімет басшысы жалақыны бермей қалу жұмыс беруші үшін тиімсіз болатындай етіп заңнама нормаларын күшейтуді тапсырды.

Биыл жалақы берешегі бар кәсіпорындарға 136 млн теңге айыппұл салынды

<a href="https://kyzylorda-news.kz/">Kyzylorda-news.kz.</a> Елімізде биылғы он айда жұмыс орнында оқыс жағдайға ұшырап, зардап шеккендер саны мың адамнан асты, деп хабарлайды <a href="https://24.kz/kz/zha-aly-tar/basty-zha-aly-tar/item/357007-elimizde-zhylyna-300-adam-zh-mys-ornynda-y-o-ys-zha-dajlardan-mert-bolady">«Хабар 24»</a>.
Яғни, күніне 3-4 адам жұмысқа өз аяғымен келіп, үйіне мүгедек күйде оралады. Аман қалса, әрине. Себебі, жазатайым оқиға кезінде жан тапсырып жатқандар да аз емес.
Еңбек жағдайында болатын осындай оқыс оқиғаларға кім жауапты? Қауіпсіздікті күшейту мақсатында қандай жұмыстар атқарылып жатыр?
Өткен жылы еліміздегі 191 кәсіпорында 221 жұмысшы қаза тапты. Қайғылы жағдайдың 65%-іне жұмыс беруші компанияның қателігі себеп болған. Мамандардың айтуынша, адам өлімімен аяқталатын оқыс оқиға көбіне құрылыс, қаржы саласы мен тау-кен өнеркәсібіне қарасты кәсіпорындарда тіркеледі.
<blockquote>
 «Қауіпсіздік техникасын орындамағандарға басшылық қатаң ескертулер жасап, айлығынан кессе, олар жұмыстан шығады. Өйткені өзінің қауіпсіздігі үшін жасалып жатқан жағдайды елеп-екшей бермейді. Оның үстіне нарықта құрылысшы жетіспейді. Олар бір құрылыс компаниясынан кетіп, екіншісіне оп-оңай орналаса алады. Сондықтан бригадирлер көбіне жақсы маманнан айырылмау үшін осындай кемшіліктерге көз жұма қарайды. Әрине, жұмысшының қауіпсіздігіне немқұрайлы қарайтын компаниялар да жоқ емес», – дейді «Қазақстан құрылысшылар одағының» төрағасы Талғат Ерғалиев.
</blockquote>
Бүгінге дейін еңбек инспекторларының талабы бойынша жұмысшының қауіпсіздігін ескермеген 47 лауазымды тұлға қызметінен босатылды. 11 құрал-жабдықтың, 2 өндірістік нысанның және 7 ұйымның жұмысына тыйым салынды. 820 іс құқық қорғау органдарына беріліп, олар бойынша 116 қылмыстық іс қозғалған. Жұмыс орнындағы қайғылы жағдайдың алу үшін кәсіподақтар федерациясы мың жарым адамды еңбек қауіпсіздігін сақтауға қатаң сақтауға үйреткен. Бұдан бөлек, еңбек заңына өзгеріс енгізу туралы заң жобасын әзірлеп мәжіліске ұсынған.
<blockquote>
 «Жауапкершілік бас мердігер ұйым дейді ғой. Бірыңғай солардың жауапкершілігінде болу үшін Еңбек кодексінің 184-бабында толықтырылған бір жақсы тармақшалар қосып, енгізіп жатырмыз. Құрылыс саласындағы бас мердігер ұйымдар қосалқы мердігер ұйымдардың қарамағында, сөйтіп, шығып кетіп отырады. Еңбек қорғауды айтпай тұрып, қарапайым еңбек келісім шарттары жоқ. Соған байланысты бірыңғай бас мердігер ұйымдарды жауапкершілікке тарту керек», – дейді кәсіподақ федерациясы сектор меңгерушісі Дәрмен Сәкенов.
</blockquote>
Жауапты органдар атқарған жұмыстың нәтижесінде биыл өндірісте жарақат алу дерегі 13%, ал өлім саны 23%-ке азайған. Десе де, бүгінде елімізде 300 мың адам қаупті еңбек жағдайында жұмыс істейді. Жылына 300 адам жұмыс орнында мерт болады. Мыңнан астам адам мүмкіндігі шектеулі жанға айналады. Өкінішті, әрине.

Қазақстанда жылына 300 адам жұмыс орнындағы оқыс жағдайлардан мерт болады

<a href="https://kyzylorda-news.kz/">Kyzylorda-news.kz.</a> «Әлеуметтік медициналық сақтандыру қоры» КЕАҚ жыл басынан бері мемлекеттік тапсырыс бойынша көрсетілген қызметтер үшін 38,5 млрд. теңге төледі. Бұл кепілдендірілген медициналық көмек пакеті шеңберінде бекітілген келісімшарттардың жалпы сомасының 86,1 %. Қаржы тегін медициналық кепілдендірілген көмек көлемі (ТМККК) шеңберінде бөлінді», – деді «Әлеуметтік медициналық сақтандыру қоры» Қызылорда облысы бойынша филиалының директоры Руслан Бектібаев.
&nbsp;2019 жылы МСҚ кепілдендірілген көмек түрлерін көрсетуге құлшыныс білдірген аймақтың медицина ұйымдарымен 44,7 млрд. теңгенің келісімшартын бекіткен болатын. Бұл өткен жылы бөлінген қаржыдан 14 % артық.&nbsp;&nbsp;
<blockquote>
 &nbsp;«Жұмыс кестеге сай жүріп жатыр. Бөлінген қаражат медицина мекемелерінің операциялық шығындарын өтеуге жеткілікті», – деді Руслан Бектібаев.
</blockquote>
Биыл мемлекеттік тапсырысты орындауға 73 медицина ұйымы атсалысып жатыр. Оның ішінде 43 жеке меншік клиника да бар. Биыл олардың саны 2018 жылмен салыстырғанда 7-ге артқан, яғни 14% құрайды.
Мемлекеттен тапсырыс алған жеке меншік клиникалар саны жағынан Шымкент, Нұр-Сұлтан, Алматы қалалары мен Қызылорда және Жамбыл облыстары көш бастап тұр.
Естеріңізге сала кетсек, МСҚ 2018 жылдан бастап ТМККК және міндетті әлеуметтік медициналық сақтандыру (МӘМС) пакеттерінің қаржылық операторы болып табылады және халыққа көрсетілетін медициналық қызметтерді ҚР Үкіметі бекіткен тәртіп бойынша сатып алады.

МСҚ Қызылорда облысы медицина ұйымдарына 38,5 млрд.теңге төледі

<a href="https://kyzylorda-news.kz/">Kyzylorda-news.kz.</a>&nbsp; Алматыда 1986 жылы Желтоқсан оқиғасына қатысып, оңалтудан өткендерге берілетін біржолғы әлеуметтік төлем мөлшері ұлғайтылмақ. Қалалық мәслихат депутаттары бұл бастаманы бірауыздан қолдады, деп хабарлайды&nbsp; Almaty.tv&nbsp;арнасы. &nbsp;
Бұдан былай, «Желтоқсаншылар» Тәуелсіздік күніне орай 150 мың теңге көлемінде көмек алады. Одан бөлек, шенділер арбаға танылған мүгедектер мен зағип жандарға қамқор болатын адамдардың да шығынын төлеп беру мәселесін қарады.
<blockquote>
 «Алматы қаласында 500 адам бар, 1- топтағы мүгедектер. Солардың көмекшілері бар. Өздері жалғыз бара алмайды, солардың тамақ мәселесін, жататын орнын ұйымдастырып, сол жағынан қолдау көрсетулеріңізді сұраймын», – деді Алматы қалалық мәслихатының депутаты Роза Бадаева.
</blockquote>
Одан өзге, мәслихат депутаттары 2019-2021 жылдарға арналған қала бюджетін қайта қарау мәселесін талқылады. Қайта бөлінген нақтыланған қаражат 601,5 миллиард теңгені құрады.
Бұған кембағал жандарға, көпбалалы аналарға және аз қамтылған отбасыларға әлеуметтік қолдау көрсету мақсатында жұмсалатын шығын кіреді. Сондай-ақ, жолайрық пен мектеп құрылысына, «Жаңа Алматы» инфрақұрылымын жақсартуға және қалада ұйымдастырылатын іс-шараларға жұмсалмақ.

Желтоқсан оқиғасына қатысқандар биыл 150 мың теңгеден көмек алады

<a href="https://kyzylorda-news.kz/">Kyzylorda-news.kz.</a> Аграрлық-өнеркәсіптік кешендеріне қолайлы бизнес орта қалыптастыру мақсатында астық қабылдау кәсіпорындарына қосымша қызметтер көрсету мүмкіндігі беріліп отыр, деп хабарлайды ҚР Ауыл шаруашылығы министрлігінің баспасөз қызметі.
<blockquote>
 «Бұл өзгерістер 2019 жылғы 28 қазанда Мемлекет басшысы қол қойған&nbsp;&nbsp; «Қазақстан Республикасының кейбір заңнамалық актілеріне агроөнеркәсіптік кешенді мемлекеттік реттеу мәселелері бойынша өзгерістер мен толықтыру енгізу туралы» Заңына сәйкес жүзеге асырылады, деп хабарлайды ҚР Ауыл шаруашылығы министрлігінің қоғаммен байланыс басқармасы.
</blockquote>
Атап айтқанда, ҚР «Астық туралы» заңына енгізілген өзгерістерге сәйкес агроөнеркәсіптік кешендері субъектілеріне келесідей қызметтер арқылы қосымша табыс табуға мүмкіндік беріледі:
&nbsp;–&nbsp; жеке меншік нысанындағы темір жол жолдарын өзге субъектілерге пайдалануға беру;
&nbsp;–&nbsp;&nbsp;&nbsp;&nbsp;&nbsp; жарма өнімдерін сату;
&nbsp;–&nbsp;&nbsp;&nbsp;&nbsp;&nbsp; май тұқымдарын өңдеу және сату;
&nbsp;–&nbsp;&nbsp;&nbsp;&nbsp;&nbsp; астық қалдықтарын сақтау.
<blockquote>
 Жаңа заң қабылданғанға дейін астық қабылдау кәсіпорындарына қоймаға жатпайтын қызметтермен айналысуға тыйым салынатын. Енгізілген өзгерістер оларға қосымша табыс табуға мүмкіндік беріп отыр», – делінген ҚР Ауыл шаруашылығы министрлігінің хабарламасында.
</blockquote>

Қазақстанда элеваторларға қосымша табыс табуға рұқсат берілді

<a href="https://kyzylorda-news.kz/">Kyzylorda-news.kz.</a> Бензиннің бір литрінің акцизі 2020 жылдың 1 қаңтарынан бастап 10 теңгеге көтеріледі, деп хабарлайды [Sputnik Қазақстан.](http:// https://sputniknews.kz/economy/20191125/12118742/benzin-aktsiz.html)
<blockquote>
 «Акциздердің өсуіне қатысты айтар болсақ, бүгінгі күні қаулы жобасы әзірленіп жатыр, бір литрдің акциз құнына қосымша 10 теңге қосылады деп жоспарлануда», – деді министр Руслан Дәленов дүйсенбіде сенат отырысында.
</blockquote>
Ол бағаның аздап өсетінін айтты. Есептеулер жағдайдың инфляцияға немесе шағын және орта бизнес өндірісінің өзіндік құнына айтарлықтай әсер етпейтіндігін көрсетуде, деп атап өтті Дәленов.
<blockquote>
 «Бүгінгі күні акциздің ең көп үлесі мұнай өңдейтін және сататын компаниялардың шығындары мен пайдасынан тұрады», – деп толықтырды ол. Ұлттық экономика министрлігінің баспасөз қызметі жаңашылдықты 2020 жылдың 1 қаңтарынан бастап енгізу жоспарланып отырғанын мәлімдеді.
</blockquote>

1 қаңтардан бастап бензиннің акциз бағасы көтеріледі

<a href="https://kyzylorda-news.kz/">Kyzylorda-news.kz.</a> &nbsp;«Қазгидромет» РМК 26 қарашаға арналған ауа райы болжамын ұсынады.
&nbsp;Республиканың солтүстік, орталық және шығыс аумақтарында атмосфералық фронтальді бөліктердің өтуімен құбылмалы ауа райы сақталады. Кей жерлерде қар жауады, көктайғақ, жаяу бұрқасын болады, шығыста – жел күшейеді.
Шығыс Қазақстан облысының кей жерлерінде жаяу бұрқасын, тұман күтіледі, жел 15-20 м/с күшейеді. Қостанай, Қарағанды облыстарының кей жерлерінде жаяу бұрқасын, тұман күтіледі, Қарағанды облысында көктайғақ күтіледі.
Ақмола, Жамбыл, Түркістан, Қызылорда, Атырау, Батыс Қазақстан, Актөбе, Солтүстік Қазақстан, Павлодар, түнде Алматы облыстарының кей жерлерінде тұман түседі.

Қар, бұрқасын, көктайғақ – cейсенбіге арналған ауа райы

Дүниежүзілік ақпарат күні
Қызметі ақпараттық технологиялар мен компьютерге негізделген кәсіп иелерінің мерекесі. 1988 жылы негізі қаланған Халықаралық ақпараттандыру академиясының (ХАА) бастамасымен атап өтіледі.
ХАА – БҰҰ Экономикалық және Әлеуметтік кеңесінде Бас консультативтік мәртебесі бар әлемдегі жалғыз академия. Әлемнің 140-тан астам елінде тіркелген, бірнеше ірі қалаларда штаб-пәтері орналасқан. Ақпараттық қызмет саласына байланысты іргелі және қолданбалы зерттеулер жасаумен айналысады.
Халықаралық етікшілер күні
Дизайнмен, аяқ киім дайындаумен, тігумен айналысатын шеберлер мен қолөнершілердің, сондай-ақ осы өндірісте жұмыс істейтін, аяқ киім жөндейтін мамандардың кәсіби мерекесі.
1993 жылы&nbsp;Оңтүстік Қазақстан облысының Төле би ауданында Төле бидің ескерткіші ашылды.
1997 жылы&nbsp;Алматыдағы көшелердің біріне ғалым Мүсілім Базарбаевтың есімі берілді.
2013 жылы&nbsp;ҚР Президентінің Жарлығымен Мәдениет және өнер қызметкерлері күні және Еңбек күні белгіленді. «Қазақстан Республикасындағы мерекелер туралы» 2001 жылғы 13 желтоқсандағы ҚР Заңының 4-бабына сәйкес Мәдениет және өнер қызметкерлеері күні 21 мамырда, Еңбек күні – қыркүйектің соңғы жексенбісінде аталып өтіледі.
2017 жылы&nbsp;Қазақстан тарихында алғаш рет 21 жастағы Жалғас Тайкенов Азия параканоэ чемпионатында топ жарды. Азияның он елінен 75 спортшы қатысқан турнирдің 200 метрге жарысының KL-3 квалификациясында жүйрік атанған отандасымыз финалда Иран өкілін артқа тастап, чемпион болды..

26 қараша: Атаулы күндер мен оқиғалар

Kyzylorda-news.kz ақпараттық агенттігінің 26 қарашаға арналған жұлдыз-жорамалы.
Тоқты
Сізге бүгін көпшілік көз тігеді. Сұлулығыңызға қызығатындар көп. Жалпы айтқанда ортаңыздың «гүлі» боласыз.
Торпақ
Бүгін барлық шаруаны кейінге қалдырып, тыныштықта, жайлы орында демалғанды қалайсыз.
Егіздер
Күніңіз сәтті өтеді. Барлығы сіз қалағандай болып, жоспарларыңыз жүзеге аса бастайды.
Шаян
Барлық мәселені күліп қарсы алыңыз. Бұл ең бірінші денсаулығыңызды күтуге, екіншіден мәселенің шиеленіспеуіне көмектеседі.
Арыстан
Бүгін алдыңызда маңызды мәселе кұтіп тұр. Оны шешуге ешкім көмектесе алмайды. Тіпті жан-жарыңызда.
Бикеш
Бүгін сіз шеше алмайтын мәселе, сіз бағындыра алмайтын асу болмайды. Сондықтан бұл мүмкіндікті пайдаланып қалыңыз.
Таразы
Бүгін жақындарыңыздың барлығы сізге қолдау көрсетуге дайын тұрады. Дегенмен барлық мәселені өзіңіз шешуге тура келеді.
Сарышаян
Бүгін зиянды әдеттермен күресті бастаңыз. Бойыңыздағы теріс әрекеттерді жеңуге тырысыңыз.
Мерген
Бүгін жаңа істі қолға аласыз. Бұл хобби сізді баурап алғаны соншалық, барлық шаруаңызды жиып қойып, жаңа іске барынша кірісесіз.
Тауешкі
Қаржылық жағдайыңыз тұрақты емес. Кейде басшылықпен келіспеушіліктер орын алып, әріптестеріңізбен сөзге келесіз.
Суқұйғыш
Бүгін жұмыс барысында бәсекелестік артады. Идеясы ұтқыр жандар жеңіске жететіні анық.
Балықтар
Бүгін орын алып жатқан оқиғаларға сырттай көз салып, ұсақ-түйек мәселелерге де мән бергеніңіз жөн.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Мәжіліс теміржол билеттерін алып-сататындарға ірі айыппұл салуды ұсынып отыр. Осы норманы әзірлеушілер Астанадан Алматыға жүретін пойыздың билеті 16 мың теңге тұратын болса, алыпсатарлар оны кейде 100 мың теңгеге дейін көтеріп жіберетіндерін айтады, деп хабарлайды <a href="https://sn.kz/sn-akparat-agyny/62441-temirzhol-biletterin-alyp-satatyndarga-iri-aiyppul-salynuy-mumkin">SN.KZ</a>.
Өткен сәрсенбіде Мәжіліс төрағасы Нұрлан Нығматуллин сол күні бірінші оқылымда мақұлданған теміржол транспорты мәселесі жайлы заң жобасында алыпсатарларды жазаға тартатын бірде-бір норманың жоқтығына наразылық білдірген. «Көмектесушілерге» салынатын 5 АЕК&nbsp;(12&nbsp;625 теңге)&nbsp;айыппұлды масаның шаққанымен пара-пар деді: «Бұл ақшаны олар бір билет сатып-ақ қайтарып алады». Нығматуллин заң жобасының екінші оқылымында нақты санкциялар әзірлеуді талап етті.
Енді заң жобасының жұмыс тобы теміржол билеттерін қайта сатуға және заңсыз саудаға қатаң шара ұсынып отыр. Мәселен, жеке адамдарға айыппұл 100 АЕК&nbsp;(биыл бұл 252,5 мың теңге), шағын бизнеске – 150 АЕК, ал ірі кәсіпкерлерге 250 АЕК болуы мүмкін.
Егер алыпсатар екінші рет қолға түссе, қарапайым қазақстандықтарға айыппұл 200 АЕК-ке&nbsp;(2019 жылы 505 мың теңге)&nbsp;дейін, шағын бизнес субъектілеріне – 300 АЕК, ірі бизнеске – 500 АЕК болады. Қаржы министрлігі, ІІМ және Бас прокуратура өкілдері осы айыппұл мөлшеріне келісім берді.
Жұмыс тобының отырысында депутаттар елімізде темір жол билеттерін сату ережелерін бұзуға кезінде арнайы бап болғанын, бірақ оны кішігірім қылмыс деп есептеп, бірнеше жыл алынып тасталғанын айтты. «Көмектесушілерге» тек екінші мәрте ғана ереже бұзған жағдайда 5 АЕК көлемінде айыппұл салынып, «қоғамдық орында жармасу» бабы бойынша ғана жауапкершілікке тартылатын болған. Бірінші мәрте транспорттық бақылау алыпсатарға тек қана ескерту жасауға міндетті еді.
Халық қаулаулыларының пікірінше, алыпсатарлар елге орасан зор зиян келтіріп отыр. Биыл солардың кесірінен туристер Алакөлге жете алмай қалған. Мейрам күндері мен жазғы демалыста тұрғындар Нұр-Сұлтаннан Алматыға дейін және Алматыдан Нұр-Сұлтанға дейін пойыз билетін жоғары бағамен сатып алуға мәжбүр болады. Баға айырмашылығы кейде 6-7 есеге дейін жетеді.
Еуропаның кейбір елдерінде алыпсатарларды әй-шәйға қарамай, бірден түрмеге тоғытады екен.
<blockquote>
 «Біз бұл мәселені талқылап, қылмыстық жауапқа тарту орынды емес деп ұйғардық. Қолданылатын шара құқық бұзушылықтың қоғамдық қауіптілігіне байланысты әртүрлі болуы тиіс. Қылмыстық жауапкершілік – қоғамдық маңызы бар нәрсе. Егер мен бір адамның есебінен пайда көрсем, оны ірі қоғамдық іс деуге келмейді. Мен 100 адамды сазға отырғызып кетуім керек, оған нақты дәлелдер қажет. Әкімшілік тұрғыдан алғанда, транспорттық бақылау өкілдері клиенттен: «Ол саған билет ал» – деді ме?» – деп сұрауы тиіс. Егер «иә» деп жауап берсе, ол адамды сол жерде, сол сәтте жауапқа тарту жеткілікті. Бірақ тәжірибеге қарайық, бір-екі жыл өткен соң, қылмыстық жауапкершілік тақырыбына қайта оралып қалармыз», – деп түсініктеме берді жұмыс тобының мүшесі Павел Казанцев.
</blockquote>
Парламент депутаттарының айтуынша, кассирлермен, жолсеріктермен бірігіп, алыпсатарлар жолаушылардың жөн білмейтінінен пайда тауып отыр. – Мәселен, заң бойынша көп ұйымдардың, атап айтқанда, құқыққорғау органдарының, төтенше жағдайлардың, президент әкімшілігі мен үкіметтің жедел жағдайларға броны болады. Бірақ олардың бәрі қолданыла бермейді. Төрт сағат бұрын&nbsp;(пойыз жүргенге дейін)&nbsp;жедел сапарлардың жоқ екені анықталғанда, бұл брон еркін саудаға шығарылады. Алаяқтар бұдан пайда көреді, – деп күледі Казанцев, – Делдал тағы да бронды 20 билет бар екенін біледі, бәріне екі есе баға ұсынады. Клиенттердің кассаға келіп, бронды сатып алуына да болады. Бірақ көп адамдар пойыз жүрердің алдында төрт сағат бұрын брондардың сатылатынын білмейді.
Отырыс барысында депуттар ұшақтан гөрі пойызда көп жүретінін айтты. Бәрі темір жолдағы құйтырқылықтарды біледі.
<blockquote>
 «Жұрт бізді пойызбен жүрмейді деп ойлайтын болар. Шындығында пойызбен көп жүреміз. Вагондардың ескі, лас екенін көріп жүрміз. Бұл саланы мен жақсы білемін. Жас кезімде Алматы – Ленинград, Алматы – Мәскеу, Алматы – Саратов пойыздарында жолсерік болғанмын. Вагондарды барынша таза ұстайтынбыз. Ескі болса да, жылы әрі таза еді. Қазір бұл да жоқ», – деп Экономикалық реформа және өңірлік даму жөніндегі комитеттің төрағасы Нұртай Сәбилянов жастық шағын еске түсірді.
</blockquote>
Жобаны әзірлеушілердің хабарлауынша, «теміржол мафиясына» қарсы заң жаңа жылдың 1 қаңтарынан бастап күшіне енеді. Сонда алыпсатарлық жойылады деп сендіріп отыр.

Еліміздегі пойыз билеттерін алып-сататын «теміржол мафиясы» туралы не білеміз?

<a href="https://kyzylorda-news.kz/">Kyzylorda-news.kz.</a> Желтоқсанда бес күн жұмыс істейтіндер 12 күн, ал алты күн жұмыс істейтіндер 8 күн демалады, деп хабарлайды&nbsp;<a href="https://kaz.zakon.kz/4996265-zhelto-san-ayynda-aza-standy-tar-ansha.html">Zakon.kz</a>.
ҚР Тұңғыш Президенті күні 1 желтоқсанда атап өтіледі әрі ол мемлекеттік мереке болып саналады. 2019 жылы бұл күн жексенбіге келеді, ал “ҚР-дағы мерекелер туралы” Заңның 5-бабына сәйкес, мереке күндері демалыс күніне сәйкес келген жағдайда демалыс күні мерекеден кейінгі келесі күн болып табылады.
Сондықтан Тұңғыш Президент күні:
– бес күн жұмыс істейтіндер үш күн: 30 қараша, 1 және 2 желтоқсан (сенбі, жексенбі, дүйсенбі);
– алты күндік жұмыс істейтіндер екі күн: 1 және 2 желтоқсан (жексенбі, дүйсенбі) демалады.
Тәуелсіздік күнін қазақстандықтар 16 және 17 желтоқсанда атап өтеді әрі ол ұлттық мереке болып саналады. Бұл күндер дүйсенбі және сейсенбіге келгендіктен, жұмысшылар:
– бес күн жұмыс істейтіндер төрт күн: 14, 15, 16 және 17 желтоқсанда (сенбі, жексенбі, дүйсенбі, сейсенбі);
– алты күн жұмыс істейтіндер үш күн: 15, 16 және 17 желтоқсанда (жексенбі, дүйсенбі, сейсенбі) демалады.
Сонда жалпы желтоқсан айында бес күн жұмыс істейтіндер 12 күн (1, 2, 7, 8, 14, 15, 16, 17, 21, 22, 28, 29); ал алты күн жұмыс істейтіндер 8 күн (1, 2, 8, 15, 16, 17, 22, 29) демалады.

Желтоқсан айында қазақстандықтар қанша күн демалады?

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов еліміздің жоғары оқу орындарын тексеру жұмысының қорытындысын жариялады, деп хабарлайды <a href="http://lenta.inform.kz/kz/aymagambetov-mugalimderdi-dayarlaytyn-zhoo-lardy-zhappay-kyskartpak_a3588354">ҚазАқпарат</a>.
<blockquote>
 «Бүгінгі таңда бағалау жүйесінің тізбесіне енген 13 университет тексерілді. Олардың 5-де бұған дейінгі ескертулер жойылмағандықтан, 5 университеттің лицензиясы бір айға тоқтатылды. Сондай-ақ, 12 жоғары оқу орнына айыппұл салынып, 1 университет бойынша іс сотқа жіберілді. Жыл соңына дейін тағы 12 ЖОО-ны бұрын берілген нұсқамалардың орындалуы бойынша тексеруді жоспарлап отырмыз. Бұзушылықтар қайта анықталған жағдайда, лицензиядан айыру және ЖОО жабу үшін құжаттар сотқа жіберіледі», – деп жазды министр&nbsp;Facebook-тегі&nbsp;парақшасында.
</blockquote>
Министрдің мәліметінше, қазіргі уақытта міндеттеріне жауапсыз қарайтын жоғары оқу орындарының лицензияларын кері қайтарып алуға құқық беретін заң нормаларын енгізу жоспарланып отыр.
<blockquote>
 «Бұл бастама Мемлекет басшысы тарапынан қолдауға ие болды. Қазір лицензияны қайтарып алу үшін сотқа жүгіну немесе қажет болған жағдайда барлық шағымдану процедурасынан өту керектігін естеріңізге саламын. Оған қоса, Премьер-Министрдің өкіміне сәйкес Үкімет жанынан жоғары оқу орындарын оңтайландыру комиссиясы құрылды. Бұдан бөлек, жоғары оқу орындарына қойылатын біліктілік талаптарын да күшейтудеміз. Әсіресе лицензияларында педагогтерді даярлауға арналған қосымшалары бар жоғары оқу орындарына қосымша талаптар дайындауда. Олардың саны – 85», – дейді ол.
</blockquote>
Асхат Аймағамбетов бүгін де көпбейінді университеттің барлығы мұғалімдерді даярлайтынын, алайда олардың сапасы сын көтермейтіндіктен, қойылатын талаптарды күшейту арқылы мұғалімдерді даярлайтын ЖОО санын 85-тен 20-25-ке дейін қысқарту жоспарланып отырғанын атап өтті.
<blockquote>
 «Олар басқа бағыттар бойынша мамандар даярлай береді. Ал педагогика бойынша лицензиялары қайтарылып алынуы мүмкін. Шамамен алғанда, әр аймақта мұғалімдерді даярлайтын 1 мықты ЖОО және Алматыда бірнеше оқу орны болмақ. Нашар сабақ үлгерімі үшін оқудан шығарылғандардың бәрін қабылдай беру есебінен кейбір жоғары оқу орнына 100 адам түсіп, 800-ге жуық түлек бітіретінін атап өткім келеді. Тағы бір жайт, биыл 37 мың студент таяу шетелдің ЖОО-да бір семестр немесе бір жыл оқыған соң қазақстандық шағын ЖОО-на ауысып келді. Ақпаратқа сүйенсек, ҰБТ сертификатының талап етілуін айналып өту үшін талапкерлер құжаттарын шетелдік ЖОО жіберіп, бір семестр немесе бір жылдан кейін виртуалды түрде қазақстандық университеттке ауысып алатын тенденция да бар. 20-23 мыңға дейін студент оқитын және олардың көпшілігі, әдетте, сабаққа да бармайтын кейбір өңірлік жеке меншік ЖОО да бар», – деді министр.
</blockquote>
Сондықтан да министрлік осындай жағдайлар мен жауапкершілігі төмен ЖОО қатысты қатаң саясат жүргізбек.
<blockquote>
 «Әлбетте, бұл шаралар барлығына бірдей ұнамай бермейтіні анық. Дегенмен, Елбасы мен Мемлекет басшысының тапсырмаларына сәйкес, министрлік жоғары білім беру саласында сапаны қамтамасыз ету саясатын одан әрі жалғастырады», – деп түйді министр.
</blockquote>

Қазақстан және Қызылорда облысының жаңалықтары