<a href="https://kyzylorda-news.kz/">Kyzylorda-news.kz.</a> Шетелдік азаматтарды жұмысқа тартқан ұйымдарға 92 миллион көлімінде айыппұл салынды. Олар жұмысшы тарапқа еңбек ақысын дұрыс төлемей, бірқатар заңбұзушылықтарға жол беріпті. Бұған қоса еңбек және халықты әлеуметтік қорғау&nbsp;министрі Біржан Нұрымбетовтың айтуынша, 2019 жылдың тамыз айынан бері 393 шетелдік азамат ел аумағынан шығарылыпты, деп хабарлайды&nbsp;<a href="https://stan.kz/news-324689/">Stan.kz</a>&nbsp;ақпарат агенттігі.&nbsp;
<blockquote>
 “Мемлекеттің батысында жұмыс беруші тарап қазақстандық және шетелдік азаматтарға еңбек ақысын төлеуде бірқатар кемшіліктер жіберіп отырған. Бас прокуратура басқарған инспекция 30-дан&nbsp; астам шетелдік маман жұмысқа тартылған 95 ұйымға тексеріс жүргізді”, – деді министр.&nbsp;
</blockquote>
Біржан Нұрымбетовтың сөзінше, тексеріс барысында еңбек және миграция заңдарына қайшы&nbsp;930 әрекет анықталыпты. Бұған қоса 25 мекемеде еңбекақы төлеуде шетелдік және қазақстандық жұмысшылар арасында тепе-теңдік сақталмағауы бойын 474 әрекет&nbsp;анықталған. Осы жағдайға байланысты ұйымдарға 92 миллион теңгені құрайтын 400-ден астам айппұл салынған. Қазақстанда жұмыс істеуге берілген 681 рұқсат негізсіз деп танылып, 393 шетелдік жұмыскер мемлекет аумағынан шығарылыпты.&nbsp;
онымен қатар министр, егер шетелдік мамандарды жұмысқа тартып, оларға айлық төлеуде қателіктер жіберген ұйымдарға жазаны күшейту керек деп ескертті. Қазіргі таңда бұл бастама мәжілісте қаралып жақан көрінеді.&nbsp;
<blockquote>
 “Қазіргі еңбек туралы заңнамада мемлекеттік инспектор жұмыс беруші ұйымдарға 5 жылда бір-ақ рет тексеріс жасай алады. Біз алдағы уақытта осы мәселені бірыңғай етіп, тексерісті жыл сайын өткізіп тұруды алға қойып отырмыз”, – деді Нұрымбетов.&nbsp;
</blockquote>
<img src="https://kyzylorda-news.kz/wp-content/uploads/2019/11/27shetelzhum1.jpg" alt="" />

400-ден астам шетелдік жұмысшы Қазақстан аумағынан шығарылды

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Бәйтерек» шағын ауданында газ баллоны жарылып, онда зардап шеккен ерлі-зайыптылардың туыстары көмек сұрайды.
Аталған жағдай ағымдағы жылдың 20-қарашасында орын алған болатын.&nbsp; Тұрғын үйде газ баллонының редукторындағы ақау салдарынан жарылыс орын алып, қабырғасы құлап, өрт тұтанған.&nbsp; Оқыс оқиға салдарынан 26 жастағы үй қожайыны мен оның 1995 жылы дүниеге келген жұбайы күйік шалғандықтан ауруханаға жеткізілді. Дәрігерлердің айтуынша, ер адамның денесінің 45 пайызын, ал әйелдің денесінің 75 пайызын күйік шалған.
<blockquote>
 «Күйік жарақатымен ауруханаға түскен ерлі-зайыптылар жансақтау бөліміне жатқызылды. Олар 2-3 және 3-1 дәрежесінде күйік жарақатын алған. Науқастардың ауыр жарақатына байланысты Нұр-Сұлтан қаласынан мамандар шақыртылды. Ем тағайындалды. Қазіргі таңда жағдайлары тұрақты ауыр», – дейді қалалық аурухана дәрігері Сабыржан Оразбек.
</blockquote>
Қазір Сәдібековтер отбасы қандай да болсын көмекке зәру. Зардап шеккен жандардың туыстары дәрігерлер тарапынан барлық жағдай жасалып, ем-домдар жүргізіліп жатқандығын айтуда. Алайда науқастар аяғына тұрғанымен оларға алдағы уақытта түрлі оталар жасалу қажет.
<blockquote>
 «Дәрігерлерге рақмет, қолдан келген көмекті, барлық ем-домдарды жасап жатыр. Енді інім мен келінімнің беті бері қараса, әрі қарай да емді жалғастыруға көмек көрсетілсе. Себебі бет-әлпеттері қатты күйген. Сырт дене жарақаттарын жазуға әлі түрлі ота жасалады», – дейді Асланның апасы Айгүл Сәдібекқызы. &nbsp;&nbsp;
</blockquote>
Ерлі-зайыптылар бұдан біраз уақыт бұрын мемлекет тарапынан берілген «Бәйтерек» шағын ауданынан жер телімін алған. Жерді жалға алу мерзімінің аяқталуы жақын қалғандықтан банктерден несие алып, шағын баспана салған. Қазіргі таңда үйдің қабырғалары мен шатыры жарылыс салдарынан толық құлаған.&nbsp; &nbsp;&nbsp;
Каспи голд: 5169 4931 8803 6654
ЖСН: 811&nbsp;031&nbsp;401&nbsp;808
Ұялы телефон: 8&nbsp;747&nbsp;180 98 17 Айгүл Сәндібекқызы.

Қызылордада газ баллоны жарылысынан зардап шеккендердің туыстары көмек сұрайды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстандықтардың ажырасуына жиі себеп болатын мәселелер аталды. “Бақытты отбасы” Жанұяны ресурсты қолдау орталығының мәліметінше, елде тек биылғы жарты жылда 20-77 жас аралығындағы 2030 отбасы ажырасу туралы шешім қабылдаған деп жазады&nbsp;&nbsp;<a href="https://baigenews.kz/news/kazakhstantsy_stali_chashche_razvoditsya_iz-za_kreditnoy_zadolzhennosti_/">BaigeNews.kz</a>.
Орталықтың Нұр-Сұлтан қаласындағы өкілдерінің айтуынша, ажырасуға жиі себеп болатын жағдай несие мен қаржылық мәселе екен.
<blockquote>
 “Сол сияқты ойынқұмарлық салдарынан да ойрандалып жатқан отбасылар бар. Бұған қоса көзге шөп салу сияқты себеп те бар”, – дейді мамандар.
</blockquote>
Айта кетерлігі Нұр-Сұлтан қаласы жергілікті полиция қызметінің басқару жүйесінде әйелдерді тұрмыстық зомбылықтан қорғайтын арнайы бөлімше бар. Жыл басынан бастап сенім телефонына 300-ге жуық әйел хабарласқан.
Олар қоңырау шалғанда түрлі мәселелерді көтереді екен. Алайда басым көпшілігі тұрмыстық зомбылықтан шаршағандықтарын, сол себепті ажырасу туралы шешім қабылдағандарын айтатын көрінеді.
<blockquote>
 “Біз арнайы журнал жүргіземіз және онда барлық қоңырауларды тізіп отырамыз. Кейін осы қоңыраулар бойынша сараптама жасаймыз. Әйелдер көп жағдайда жылап тұрған күйде, біреуге қатты ренжігенде, күйзеліске түскен уақытта хабарласады.
</blockquote>
Көбінесе олар несиені жаба алмағандықтарын, салдарынан қаржылық қиындықтарға тап болғандықтарын жеткізеді. Бұл үлкен әлеуметтік мәселе және оны біз жоққа шығара алмаймыз”, – дейді полиция өкілдері.
<blockquote>
 Еске саларлығы бұған дейін Қазақстанда ажырасу көрсеткіші ұлғайғандығы туралы хабарланған еді. Кей уақытта тіпті көп балалы отбасылардың АӘК алу үшін, ажырасқан жағдайлар да кездесіп жатты.
</blockquote>
Аталған мәселені шешу үшін, президент Қасым-Жомарт Тоқаев үкімет пен президент әкімшілігіне цифрландыруды тездетіп енгізіп, алаяқтық бұл түрінің алдын алу туралы мәлімдеген еді.

Қазақстандықтар көзге шөп салу мен несие салдарынан жиі ажырасатын болған

<a href="https://kyzylorda-news.kz/">Kyzylorda-news.kz.</a> “Google&nbsp;мен&nbsp;Facebook компанияларының бизнес-модельдері адам құқықтарына қауіп төндіреді”, деп жазды өзінің 60 беттік есебінде ең танымал құқық қорғаушы ұйым Amnesty International. Бұл туралы <a href="https://sputniknews.kz/world/20191125/12120188/Google-Facebook-sogys.html">Sputnik Қазақстан</a> хабарлайды.
“Google мен Facebook платформалары қоғамға қауіпті. Бұл компаниялардың аңдуға негізделген бизнес-модельдері адамдарды “шайтанмен келісімге” келуге мәжбүрлейді. Яғни, адамдар желіде өз құқықтарын жүйеге бағыну арқылы ғана пайдалана алады”, – деп есептен үзінді келтірді&nbsp;<a href="https://ria.ru/20191124/1561504317.html">РИА Новости</a>.
Ал бұл жүйенің өзі адам құқығын бұзып отыр. Бірінші кезекте, олар жеке өмірге қол сұқпаушылыққа қарсы шығады.
Осыдан басқа бірқатар құқық үшін үлкен қауіп төндіретін салдар пайда болады. Бұл құқықтар қатарында наным-сенім мен оларды білдіру бостандығы, ойлау еркіндігі және кемсітпеушілік құқығы да бар.
Бұған қоса, есепте Google мен Facebook өз қолданушыларына “тегін кіруге” мүмкіндік береді, бірақ бұның орнына “адамдардан жеке мәліметтер беруді талап етеді” делінген.
Есеп соңында мемлекет пен жекеменшік компанияларға кеңестер беріледі. Қысқаша айтқанда: құпиялықты құрметтеу керек, мемлекет өз азаматтарын қорғауы тиіс, саланың өзін-өзі реттеуі жұмыс істемейді, жекеменшік компанияларды қатаң түрде ретке келтіру қажет.
Сөз еркіндігіне мемлекеттік ықпалдың жасалуына әрдайым қарсы күресетін құқық қорғау ұйымының керісінше интернетті мемлекеттік реттеуді барынша күшейтуге шақырады.
Ол мемлекеттік сарапшылардың күшімен медиа платформалардың алгоритмдері мен кодын тұрақты түрде талдауға, ішкі саясаттарға аудит жасауға және тағы басқасына үндейді. Бұл таң қаларлық жайт.
Неліктен бұл коммерциялық емес ұйымның есебін талқылау керек? Amnesty International әрдайым америкалық арнайы қызметтердің идеологиялық құралы болды.
Бұған қоса, Greenpeace, WWF пен басқа “құқық қорғаушы” және “экологиялық” ұйымдар сияқты АҚШ-тың “жұмсақ күші” элементі болған.
Егер бұл ұйым АҚШ ішінде IT-саласының көшбасшыларымен қарсыласа бастаса, Facebook пен Google-ге тікелей шабуылдаса, бұл есеп берген ұйым басшысының көзі аяқ астынан ашылғаннан емес.
Сонда ол бірнеше жыл бұрын Сноуден мен “Викиликс” әшкереулерін оқымады ма? Әрине, оқыды.
Олар өз есебінің 24-ші бетінде Сноуденнің 2013 жылғы әшкереулеріне сілтеме жасайды. Бірақ қазір 2019 жылдың соңы. Олар бұрын қайда болды?
Әрине, FB, Instagram, Whatsapp, YouTube бүкіл әлемді бақылап отыр. Олар пайдаланушылар айналасында “ақпараттық көпіршік” жасап, аудитория назарын қолда ұстауда.
Бұл он жыл бұрын да белгілі болған. Сондай-ақ, олар АҚШ мемлекетінің қажеттілігі үшін аңдумен айналысады. Қажетті ақпаратты беріп те отырады.
Ал бізге АҚШ ықпалы жоқ “қолданушылар мәліметтері” мен “медиа платформалар міндеттері” туралы өз заңдарымыз қажет.
АҚШ-тың идеологиялық қарама-қайшылығы жалғасады деп күтуге болады. Және ол 2020 жылғы сайлауда шарықтау шегіне жетеді, одан кейін де ол ешқайда түбегейлі жоғалып кетпейді.
Ол мемлекетте екі жаққа, бүкіл ел бойынша қаққа бөліну байқалады. Amnesty International есебінде АҚШ-та бұл дау шешілмесе, бұл біз үшін жаман болады делінген.

Құқық қорғаушылар Google мен Facebook-ке соғыс жариялады

<a href="https://kyzylorda-news.kz/">Kyzylorda-news.kz.</a> Қазақстандықтарға 2017 жылдан бастап өзі қалаған медициналық мекемеге тіркеуге тұруға рұқсат берілген болатын. Алайда бұл жүйе тиімсіз болып шықты.
Бұдан былай ел тұрғындарының қалаған емханасына тіркеуге тұруына енді рұқсат етілмейді. Олар өзінің тұрғылықты жеріндегі медициналық мекемелерге жүгінетін болады. Бұл туралы “Әлеуметтік медициналық сақтандыру қоры” КЕАҚ Алматы қалалық филиалының директоры Тілеухан Әбілдаев мәлімдеді, деп хабарлайды <a href="https://informburo.kz/kaz/azastandytar-end-tadaan-emhanalaryna-trkele-almaydy.html">Informburo.kz</a>.
Оның айтуынша, қазірдің өзінде Алматыда&nbsp;екі мыңнан астам адамға&nbsp;таңдаған емханасына тіркелуге рұқсат берілмеген.
<blockquote>
 “Ерікті тіркеу жүйесін әзірлеуге түрлі мамандар атсалысып, ол Денсаулық сақтау министрлігі деңгейінде қабылданды. Бірақ бұл жүйе іс жүзінде халыққа&nbsp;қызмет көрсете&nbsp;бастағанда,&nbsp;оның қате екенін түсіндік.&nbsp;Қаланың бір шетінде тұрып, екінші шетіндегі емханаға тіркелгендерге кейбір қызмет түрлерін алу мүмкін болмады. Кей тұрғындардың өзі тіркелген емханадан өте алыс тұруына байланысты дер кезінде дәрігерге жүгінбей, аурулары асқындап кеткен жағдайлар бар. Жалпы, бұл жүйе медициналық көрсеткіштерге де кері әсерін тигізді. Сондықтан, бұл жүйеден бас тартамыз. Келесі жылдан бастап емханалардың барлығы жаңа нұсқаулық бойынша жұмыс істейді. Яғни, азаматтар тек өздерінің тұрғылықты жеріне жақын емханаларды ғана таңдай алады”, – деді Тілеухан Әбілдаев.
</blockquote>
“Әлеуметтік медициналық сақтандыру қоры” КЕАҚ Алматы қалалық филиалының директоры жаңа талаптарды барлық емханалар орындауға міндетті екенін жеткізді. Егер медициналық мекемелер тұрғындарды тұрғылықты мекен-жайына қарамастан тіркеуге алатын болса, жазаланатын болады. Бірақ, дәрігерлердің қандай жауапкершілікке тартылатыны әзірге белгісіз.
<blockquote>
 “Емханаларды айыппұлмен жазалай отырып, оларды басқа жақта тұратын тұрғындарды тіркеуге алудан бас тартуға мәжбүрлейміз”, – деді Әлеуметтік медициналық сақтандыру қорының өкілі.
</blockquote>
Айта кетейік,&nbsp;бір емханаға 1700-ден артық адамды тіркеуге алуға рұқсат етілмейді.
<blockquote>
 “Қыркүйектің 15-і мен 15-қараша аралығында тіркеу науқаны жүргізілді. Бұл кезеңде 9 мың алматылық тұрғын емхана таңдау құқығын иеленді. Тұрғылықты жеріндегі емдеу мекемесінің қызметіне жүгінетін тұрғындар саны артып отыр. Себебі, жақын маңдағы емхана арқылы үйге дәрігер шақырту ыңғайлы”, – деді “Әлеуметтік медициналық сақтандыру қоры” КЕАҚ Алматы қалалық филиалының директоры Тілеухан Әбілдаев.
</blockquote>
Қазір Алматы қаласының емдеу мекемелерінде&nbsp;2 млн 15 мыңнан астам адам&nbsp;тіркелген екен. Ал ресми дерек бойынша, қалада&nbsp;1,9 млн адам&nbsp;тұрақты тіркелген.

Қазақстандықтар енді таңдаған емханаларына тіркеле алмайды

<a href="https://kyzylorda-news.kz/">Kyzylorda-news.kz.</a> Қызылорда қаласындағы &nbsp;«Aray city mall» сауда кешенінде «Әйелдерге қатысты зорлық-зомбылықсыз 16 күн» атты акциясы өтті. Акция барысында ерікті жастар «Зорлық-зомбылықсыз қоғам» атты ұранымен флэшмоб ұйымдастырды.
Акцияның негізгі мақсаты– әйелдерге қатысты зорлық-зомбылық туралы айту, тұрмыстық зорлық-зомбылықтың алдын алу, ана мен баланы қорғауға хабардар ету деңгейін арттыру, отбасылық-тұрмыстық қарым-қатынастар саласындағы ақпараттық-насихаттау жұмысы болып табылады.
Сонымен&nbsp; қатар&nbsp; ұйымдастырушылық мәселелерін шешу үшін іс-шараға мүдделі мемлекеттік органдардың және үкіметтік емес ұйымдардың өкілдері қатарынан жұмыс топтары&nbsp; құрылды.
Аталған мәселе туралы жадынамалар, ақпараттық түсіндірмелер қоғамдық орындарда таратылды. &nbsp;
<blockquote>
 «Аймақта жыл басынан бері әйелдерді зорлық-зомбылықтан қорғау тобымен 69қылмыстық әрекет тіркелген. Бұл көрсеткіш өткен жылдың 10 айында 93-і құраған болатын. Былтырғыға қарағанда биыл қылмыстық әрекет азайды дегенмен, статистикалық мәліметтер бойынша, тұрмыстық зорлық-зомбылық әрбір үшінші отбасында кездесіп, тіркелген қылмыстардың 30 пайызын құрайды. &nbsp;&nbsp;&nbsp;&nbsp;&nbsp;&nbsp;&nbsp;Орын алған қылмыстардың негізгі себептері ұрыс-керіс, қызғаныш, маскүнемдік, әлеуметтік жағдайдың төмендігі. Үйдегі жанжал кәмелетке толмағандар арасындағы қылмыстың өсуіне де әкеп соғуда», – делінген облыстық Полиция департаментінің баспасөз қызметінің хабарламасында.
</blockquote>
<img src="https://kyzylorda-news.kz/wp-content/uploads/2019/11/27dvdzorlyk2.jpg" alt="" />

Қызылордада тұрмыстық зорлық-зомбылық әрекеті азайған

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>&nbsp;«Қазгидромет» РМК 27 қарашаға арналған ауа райы болжамын ұсынады.
Атмосфералық ауа ағындардың өтуімен республиканың басым бөлігінде қар жауады, оңтүстікте жауын-шашын, көбінесе қар түрінде жауады, тек еліміздің батыс бөлігі антициклон жотасы ықпалында болады, сондықтан жауын-шашынсыз ауа райы сақталады. Кей жерлерде тұман, көктайғақ, бұрқасын күтіледі, жел күшейеді.
&nbsp;Алматы облысының кей жерлерінде тұман, көктайғақ күтіледі, Жаланашколь ауданында жел 17-22, екпіні 25 м/с күшейеді.Түркістан облысының кей жерлерінде тұман, көктайғақ, бұрқасын күтіледі, күндіз желдің жылдамдығы 15-20 м/с жетеді.
Шығыс Қазақстан облысының кей жерлерінде бұрқасын күтіледі, жел 15-20 м/с күшейеді. Ақмола облысының кей жерлерінде бұрқасын күтіледі, күндіз кей жерлерде жел 15-20 м/с күшейеді. Жамбыл, Қостанай облыстарының кей жерлерінде тұман, көктайғақ, Жамбыл облысының кей жерлерінде жаяу бұрқасын соғады.
Солтүстік Қазақстан облысының кей жерлерінде тұман, бұрқасын күтіледі. Қарағанды облысының күндіз кей жерлерінде көктайғақ, жаяу бұқасын күтіледі. Атырау, Ақтөбе облыстарының кей жерлерінде тұман түседі.

Сәрсенбіде еліміздің басым бөлігінде қар жауады

1963 жылы «Әуезов үйі» ғылыми-мәдени орталығы ашылды. Ол ұлы жазушы М.Әуезовтің өмірі мен шығармашылығын көпшілікке таныстыру, насихаттау, зерттеу жұмыстарымен айналысады. Орталық 1951-1961 жылдары Алматыда жазушының өзі тұрған Төлебаев көшесіндегі №155 үйде орналасқан. Орталық негізінен, үш бағытта жұмыс жүргізеді: Бірінші бағыты – жазушының өмірі мен шығармашылығы мұрасын жинақтау, оны ғылыми жүйеге түсіріп саралау, жариялау және әуезовтану саласы бойынша жарық көрген еңбектерді жинау. Екінші бағыты – мұражайдағы қолжазбалар мен экспонаттарды, кино, фото, дыбыс қорларындағы мұраларды ғылыми жүйеге түсіру, көрме ұйымдастыру. Қолжазба қорында 72 мыңнан астам мұрағат, сирек кездесетін кітаптар, жазушының күнделіктері мен жолжазбалары, мұрағаттардан жинаған құнды деректер, жеке құжаттары, т.б. бар.
2012 жылы Мемлекет басшысы Нұрсұлтан Назарбаев «ЭКСПО-2017» халықаралық мамандандырылған көрмесіне әзірлік және оны өткізу жөнінде Мемлекеттік комиссия құру туралы Жарлыққа қол қойды.
2014 жылы Германия астанасында Махмұд Қасымбековтің неміс тілінде шығарылған «Нұрсұлтан Назарбаев. Биография» атты кітабының таныстырылымы өтті.
2015 жылы Халықаралық Түркі академиясы ISESCO байқаушысы мәртебесін алды. Ислам Білім, Ғылым және Мәдениет ұйымының (ISESCO) қызметі – ислам елдерінде ғылым мен білімді және мәдениетті дамытуға бағытталған.

27 қараша: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 27 қарашаға арналған жұлдыз-жорамалы.
Тоқты
Маңызды шаруаларды кейінге қалдырыңыз. Бүгінгі уақытыңызды бос әңгімеге жұмсамаңыз.
Торпақ
Бүгін салтанатты шараның жұмысымен жүріп, өз жұмысыңыз кейінге қалады. Басы бос жандар екінші жартысын кездестіреді.
Егіздер
Бүгін жұмыста өрлеу бар. Сізге көмек көрсететін адамдар табылады. Тек олармен тіл табыса білуіңіз қажет.
Шаян
Бүгін үй шаруасында жарақат алып қалудан сақтаныңыз. Байқаусызда алған соққы кейін асқынып кетуі мүмкін.
Арыстан
Отбасыңызбен алыс сапарға шығуға немесе табиғатта серуендеуге қолайлы күн. Бұл жақындарыңызға керемет көңіл-күй сыйлайды.
Бикеш
Ойнаймын деп өзгелердің көңіліне кірбің түсіріп алмаңыз. Ниетіңіз түзу болғанымен, сізді дұрыс түсінбеуі мүмкін.
Таразы
Маңызды мәселелерді шешіп, құжаттарды реттеуде заңгерден кеңес алғаныңыз дұрыс. Себебі сізді алдағысы келетіндер бар.
Сарышаян
Асығыстық танытып, тез шешім шығармаңыз. Жұмыс барысында абыр-сабырдан қателік жіберіп алуыңыз мүмкін.
Мерген
Бүгін сіздің көңіл-күйіңізді түсіргісі келетіндер бар. Бірақ олардың бұл ойы жүзеге аса қоймайды.
Тауешкі
Бүгін барлық шаруаны назарда ұстаңыз. Барлық хабарламалар мен қоңырауларға мұқият болыңыз.
Суқұйғыш
Бүгін жұмысыңыз жанданады. Шығармашылық бағыттағы ізденісіңіздің арқасында көпшілік ісіңізді бағалайды.
Балықтар
Бүгін моншаға баратын жандар сақ болыңыздар. Себебі жеке бас тазалығының сақталмауынан сырқаттанып қалуыңыз мүмкін.

Жұлдыздар не дейді?

<a href="https://kyzylorda-news.kz/">Kyzylorda-news.kz</a>. Бүгін Қазалыда КСРО спорт шеберлігіне кандидат Тарғын Нұралиевты еске алуға арналған бокстан облыстық турнир басталды. Жасөспірімдер арасындағы бокс бәсекесіне Қызылорда облысының былғары қолғап шеберлерімен қатар, Қарағанды және Шығыс Қазақстан облысы, Байқоңыр қаласының спортшылары да бақ сынауда.
Турнирдің ашылу салтанатында аудан әкімі Мұрат Ергешбаев құттықтау сөз сөйлеп, боксшыларға сәттілік тіледі.
<img src="https://kyzylorda-news.kz/wp-content/uploads/2019/11/qazalyda-bokstan-oblystyq-twrnir-bastaldy.jpg" alt="" />

Қазалыда Тарғын Нұралиевті еске алуға арналған бокстан облыстық турнир басталды

<a href="https://kyzylorda-news.kz/">Kyzylorda-news.kz</a>. Қызылорда облысының Төтенше жағдайлар департаменті облыс тұрғындарын қыс мезгілінде төтенше жағдайлардың алдын алу және адам шығынын болдырмау мақсатында төмендегі ережелерді ескеруге шақырады.
Көмірқышқыл газымен улану жағдайлары:
2018-2019 жылғы жылыту маусымында көмірқышқыл газымен 11 &nbsp;улану жағдайынан 26 &nbsp;адам &nbsp;жарақат алған. &nbsp;Улы газ өте «зұлым», оның иісі мен түсі де жоқ, ғимарат немесе тұрғын үй ішіне газ тарағанда қабырғалар мен айналадағы заттарға қонбайды, суға сіңбейді. Адамдардың улы газбен улану жағдайы көбінесе түнгі уақытта орын алып отырады. Түтіндеген кезде ұйықтап жатқан адам үшін, улы газдың мөлшерін алу үшін бірнеше минут жеткілікті, пештің немесе газ қондырғысы орнынан алыс тұрса да, оның салдары адамға зиян келтіріп тұрады. Көбіне улы газдың зардабы балалар және қарт адамдарға тиеді. Аяқ астынан шыққан улы газдың зардабы, орны толмас өкінішке душар етеді. Бұл апаттан сақтану үшін әрбір тұрғын үй иесі сақтық шараларын жасауы керек.&nbsp; &nbsp;
Табиғи газбен улану жағдайлары:
2018-2019 жылғы жылыту маусымында табиғи газбен 3&nbsp; улану жағдайынан 2&nbsp; адам&nbsp; жарақат алып, 1 адам қаза болған.&nbsp; Табиғи газды пайдалану кезінде де&nbsp; қауіпсіздік ережесі талаптарын қатаң сақтаған жөн.
Қыста жолға шыққанда есте сақтауды кажет ететiн қарапайым ережелер бар:
<ul>
<li>метеорологиялық мәлiметтердi тыңдап немесе қоршаған табиғатты бақылап, ауа райының өзгерiсiн байқауға тырысыңыз;</li>
<li>аязды күні ең алдымен адамдардың аяқтары, қолдары және бетi жиiрек және тезiрек тоңады, сондықтан жылы киімдер киініңіз, аяқ киiм кез-келген жағдайда кең болуға тиiс;</li>
<li>автокөлікпен алыс сапарларға шыққан жағдайда, көліктің ақаулығын жөндеңіз, өзіңізбен бірге қағаз түріндегі картаны алып жүріңіз, автожолдардың бойында орналасқан жылыту пункттерін (қонақ үй, дүкен, кафе және т.б.) және медициналық көмек көрсету бекеттерін нақтылап алыңыз; &nbsp;</li>
</ul>
Мұзда жүру ережесі:
–&nbsp;&nbsp;&nbsp;&nbsp;&nbsp;&nbsp;&nbsp; тәуліктің қараңғы уақытында және нашар көрінетін кезде (тұман, қар басу, жаңбыр) ешқандай жағдайда мұзға шығуға болмайды;
–&nbsp;&nbsp;&nbsp;&nbsp;&nbsp;&nbsp;&nbsp; өзеннен өтерде мұз өткелдерін пайдаланыңыздар;
–&nbsp;&nbsp;&nbsp;&nbsp;&nbsp;&nbsp;&nbsp; аяқ соққысымен мұздың қаттылығын тексеруге болмайды. Егер бірінші қатты соққыдан кейін, шаңғы таяқшасымен қатты ұрғаннан кішкене су көрінсе – бұл мұздың жұқалығын білдіреді, онымен жүруге болмайды. Мұндай жағдайда өз ізіңмен жылжып, адымдармен мұздан аяғыңды алмай және иықтың өлшемімен салмақ салмай жағаға қайтадан шығу қажет. Мұздың жарылуы кезінде де дәл осылай жасау керек.
–&nbsp;&nbsp;&nbsp;&nbsp;&nbsp;&nbsp;&nbsp; амалсыз су айдындарынан өтер кезде, ең бастысы&nbsp; қауіптілігі тапталған соқпақтардан немесе салынған шаңғы жолымен жүру қажет. Егер де ондай жол болмаса, мұзға түспес бұрын, жүретін бағытыңды, ізіңізді нақтылап алыңыз;
–&nbsp;&nbsp;&nbsp;&nbsp;&nbsp;&nbsp;&nbsp; топпен су айдынынан өтер кезде, бір-біріңіздің араларыңыздағы қашықтықты сақтау қажет.(5-6 м)
–&nbsp;&nbsp;&nbsp;&nbsp;&nbsp;&nbsp;&nbsp; қатқан су айдындарында&nbsp; жүкпен бірге соңында ілмегі бар, ұзындығы 20 – 25 м болатын берік бау алып жүру қажет. Жүк суға түсіп кеткен жолдасына&nbsp; бауды лақтыруға көмектеседі, ілмек жәбірленген адам сенімді ұстап алу үшін қажет. &nbsp;
Төтенше жағдайлар мен&nbsp; оқиғалар орын алған кезде «101», «102», «112» телефондарына хабарласуға болады.

Қыс мезгілінде төтенше жағдайлардың алдын қалай алуға болады?

<a href="https://kyzylorda-news.kz/">Kyzylorda-news.kz.</a> Қызылорда облысы бойынша&nbsp; экономикалық тергеу департаментімен, жыл басынан бері 19 қылмыстық іс «Е-қылмыстық іс» электронды форматында тергелді.
&nbsp;«Электрондық қылмыстық іс» жобасы экономикалық тергеу органдарында «Цифрлы Қазақстан» мемлекеттік бағдарламасы аясында жүзеге асырылуда.&nbsp;
Аталған бағдарламамен және Қазақстан Респуликасының 2025 жылға дейінгі стратегиялық&nbsp; даму жоспары негізінде, құқық қорғау және сот органдарына &nbsp;қылмыстық істерді кезеңді түрде электронды форматқа ауыстыруды қамтамасыз ету тапсырылған.
Бекітілген цифрландыру кестесіне сәйкес, экономикалық тергеу қызметі азаматтардың өтініштерін қарау процестерін қосқанда, 2018 жылдан бастап онша ауыр емес және орташа қылмыстардың электронды істерін тергеуге көшті, 2021 жылға дейін барлық санаттағы қылмыстарға көшу жоспарлануда.
Электронды қылмыстық істерді жүргізу, қылмыстық процесті –қылмысты тіркеуден, сотқа дейінгі тергеу, соттың істі қарауы және жазаның орындалуына дейін толық қамтиды. Тергеу барысы онлайн режимде, қадағалаушы прокурорға, сондай-ақ Қылмыстық процессуалдық кодекспен белгіленген көлемде, қорғаушы жаққа&nbsp; да қолжетімді болды.

Қазақстан және Қызылорда облысының жаңалықтары