<a href="https://kyzylorda-news.kz/">Kyzylorda-news.kz.</a> Сот Мұхтар Жәкішевке әділ шешім шығаратындығына сенімдімін. Қазақстан Президенті Қасым-Жомарт Тоқаев&nbsp;<a href="https://informburo.kz/interview/kasym-zhomart-tokaev-vse-nacionalnosti-prozhivayushchie-v-kazahstane-po-suti-yavlyayutsya-edinoy-naciey.html">informburo.kz</a>&nbsp;ақпараттық-сараптамалық порталына берген эксклюзивті сұхбатында осылай айтты.
Мемлекет басшысы М.Жәкішевке қатысты мәселе тек қана соттың құзіретінде екендігін баса атап өтті.
<blockquote>
 «Әрине, Жәкішевтің денсаулығына байланысты шартты түрде мерзімінен бұрын босату туралы бірнеше рет жүгінгені маған да белгілі. 3 наурызда бірінші сатыдаға сот отырысы өтеді. Соның шешімін күтейік. Мен оның әділ болатындығына сенімдімін», – деді Қасым-Жомарт Тоқаев.
</blockquote>

Мемлекет басшысы: Сот Мұхтар Жәкішевке әділ шешім шығаратындығына сенімдімін

<a href="https://kyzylorda-news.kz/">Kyzylorda-news.kz.</a> Бұл туралы Кәсіпкердер палатасының директоры Ғалымбек Жақсылықов бизнес-қауымдастық алдындағы есепті кездесуінде айтты.
Палата басшысы 2017-2021 жылдарға арналған «Еңбек» мемлекеттік&nbsp; бағдарламасы аясында қысқамерзімді кәсіптік оқыту процесі «Атамекен» Ұлттық кәсіпкерлер палатасының Реестріне енген оқу орталықтарының өндірістік алаңдарында өткізілетіндігін айтты.
<blockquote>
 «Жұмыс жасап тұрған кәсіпорынның жағдайында жұмысшы кадрларды дайындау қысқа мерзімде сапалы, білікті жұмысшы мамандарды дайындау мүмкіндігін береді. 2017 жылы реестрге кәсіпорындардың жанында ашылған 8 оқу орталығы енген болса, 2019 жылы мұндай оқытатын кәсіпорындардың саны 19-ға, жеке оқу орталықтар – 7, ал колледждер саны – 4-ке жетті. Барлығы реестрге 30 оқу орталығы еніп, қысқамерзімді кәсіптік оқытуды ұйымдастыруға мүмкіндік алды. Айта кету қажет, оқу орталықтарында оқыған азаматтардың жұмыспен қамтылу деңгейі 60 пайыздан төмен болған жағдайда, оқу орталығы қысқамерзімді оқытуға қатыспайды», – дейді Ғалымбек Жақсылықов.
</blockquote>
Палата директорының айтуынша, өткен жылы облыстан 2194 азамат жұмыспен қамту орталықтары арқылы қысқамерзімді оқытуға 22 оқу орталығына жіберілген. Оның 2054-і оқуын сәтті аяқтап, біліктіліктерін дәлелдеген. Бүгінгі күнге тұрақты&nbsp; жұмыс орнымен қамтылған азаматтар саны 948. Сонымен қатар осы мемлекеттік бағдарлама аясында бітірушілер мемлекеттік қайтарымсыз қаржы алу үшін қорғауға қатысып, өз кәсібін бастауға мүмкіндік ала алады. Мәселен, 2019 жылы қысқа мерзімді оқытудан өткен 859 азаматтың жобасы қолдау тауып, 365 млн.теңге қайтарымсыз қаржы алған.

Қызылордада кәсіптік білім алған 948 азамат тұрақты жұмыспен қамтылды

<a href="https://kyzylorda-news.kz/">Kyzylorda-news.kz.</a> Қазақстан Президенті Қасым-Жомарт Тоқаев&nbsp;<a href="https://informburo.kz/interview/kasym-zhomart-tokaev-vse-nacionalnosti-prozhivayushchie-v-kazahstane-po-suti-yavlyayutsya-edinoy-naciey.html">informburo.kz</a>&nbsp;ақпараттық-сараптамалық порталына берген эксклюзивті сұхбатында белсенді Дулат Ағаділдің өліміне қатысты пікір білдірді.
<blockquote>
 «Қоғамдық үлкен резонансқа байланысты бұл іспен тыңғылықты танысып шықтым. Өкінішке орай, белсенді Ағаділ жүрек жетіспеушілігі салдарынан қаза тапқандығын нық сеніммен қуаттай аламын. Кері сендіруге тырысу – демек шындыққа қарсы шығу. Қаза тапқан азамат кім болса да, қандай көзқарасты ұстанса да ол ең алдымен адам. Адам өмірі бірегей әрі баға жетпейді. Бәріміз де Алла тағаланың жазмышына мойынсұнамыз. Иманды болсын», – деді ҚР Президенті.
</blockquote>

Тоқаев белсенді Дулат Ағаділдің өліміне қатысты іспен тыңғылықты танысты

<a href="https://kyzylorda-news.kz/">Kyzylorda-news.kz.</a> Армениядан машина әкелу барысындағы алаяқтық әрекет фактілері бойынша тергеу жүргізіліп жатыр. Бұл жайында Қазақстан Президенті Қасым-Жомарт Тоқаев&nbsp;<a href="https://informburo.kz/interview/kasym-zhomart-tokaev-vse-nacionalnosti-prozhivayushchie-v-kazahstane-po-suti-yavlyayutsya-edinoy-naciey.html">informburo.kz</a>&nbsp;ақпараттық-сараптамалық порталына берген эксклюзивті сұхбатында айтты.
<blockquote>
 «Проблема әлі күнге дейін өзекті болып тұрғанымен келісемін. Адам жолын тауып, көрші елдерден автомобильді көптеп алып келді. Менің тапсырмаммен Бас прокуратура осы ахуалға құқықтық бағалау жүргізді. Бірқатар мемлекеттік құрылымның қызметіне наразылық бар. Бұған қоса, жекелеген тұлғалар заңнаманы бұза отырып және адамдарды алдап, мұнан заңсыз бизнес құрып алған. Армениядан машина әкелу барысындағы алаяқтық әрекет фактілері бойынша тергеу жүргізіліп жатыр», – деді Мемлекет басшысы.
</blockquote>
ҚР Президентінің атап өтуінше, ЕАЭО бойынша Қазақстанның кейбір серіктестерімен өзара іс-қимылда да бірқатар мәселе бар. Қазіргі уақытта олармен алдағы уақытта мұндай проблемалардың қайталануына жол бермеу үшін жұмыс жүргізіліп жатыр.
<blockquote>
 «Үкіметке қазақстандық көлік иелерінің мүдделерін ескере отырып, Армениядан әкелінген автомашиналарды пайдалануды ретке келтіру бойынша қосымша ұйымдастырушылық шараларды әзірлеу тапсырылды», – деді Қасым-Жомарт Тоқаев.
</blockquote>

ҚР Президенті Армениядан машина әкелудегі алаяқтық фактілер бойынша тергеу жүргізіліп жатқанын мәлімдеді

<a href="https://kyzylorda-news.kz/">Kyzylorda-news.kz.</a> Қазақстан Президенті Қасым-Жомарт Тоқаев&nbsp;<a href="https://informburo.kz/interview/kasym-zhomart-tokaev-vse-nacionalnosti-prozhivayushchie-v-kazahstane-po-suti-yavlyayutsya-edinoy-naciey.html">informburo.kz</a>&nbsp;ақпараттық-сараптамалық порталына берген эксклюзивті сұхбатында қоғам талқылауына түскен бейбіт жиындар өткізу тәртібі туралы заң жобасына пікір білдірді.
<blockquote>
 «Жолдауымда айтқанымдай, бейбіт жиындар өткізу азаматтарымыздың Конституциямен кепілдік берілген құқығы және жергілікті билік бөлген, бұған қоса қаладан тысқары емес жерлерде өткізе алады. Конституциялық құрылымды бұзуға бағытталған кез келген ұмтылыс, сонымен қатар экстремистік зорлық-зомбылық көріністері заңнамаға сәйкес тоқтатылатын болады. Бұл еліміздің азаматтарының басым бөлігінің мүддесі үшін жасалады. Бұған қоса, бейбіт жиындарды өткізудің тек хабарландыру тәртібін енгізу түбегейлі маңызды деп санаймын», – деді Қазақстан Президенті.
</blockquote>
Мемлекет басшысының атап өтуінше, ұйымдастырушылар билікке жиынға қатысушылардың жоспарланып отырған санын хабарлауы тиіс. Бұл олардың қауіпсіздігін қамтамасыз ету үшін барынша маңызды.
<blockquote>
 «Сол арқылы ұйымдастырушылар да, жергілікті билік те қоғамдық тәртіпті сақтауға екіжақты жауапты болады. Дегемен, үкіметтік заң жобасындағы бейбіт жиындарға қатысушылардың санын 250 адам деп шектеу енгізу жөнсіз деп санаймын», – деді Қасым-Жомарт Тоқаев.
</blockquote>

ҚР Президенті бейбіт жиындар жайында пікір білдірді

<a href="https://kyzylorda-news.kz/">Kyzylorda-news.kz.</a> Қазақстанда тұрып жатқан барлық ұлттар, этникалық топтар шындығына келгенде бір ұлт саналады. Бұл жайында Қазақстан Президенті Қасым-Жомарт Тоқаев&nbsp;<a href="https://informburo.kz/interview/kasym-zhomart-tokaev-vse-nacionalnosti-prozhivayushchie-v-kazahstane-po-suti-yavlyayutsya-edinoy-naciey.html">informburo.kz</a>&nbsp;ақпараттық-сараптамалық порталына берген эксклюзивті сұхбатында айтты.
<blockquote>
 «Ертең, 1 наурызда Жамбыл облысына жұмыс сапарымен барамын. Қордай ауданының қазақтар мен дүнгендер тұратын ауылдарының тұрғындарымен кездесуді жоспарлап отырмын. Біз ұлтаралық, этносаралық қарым-қатынас мәселесіндегі амалдарымызды қайта ой елегінен өткізуге тиісті екендігіміз сөзсіз. Қазақстан достық пен келісім аумағы болды және болып та қала береді. Біздің ұранымыз: сан алуандықтағы бірлік. Осы жерде тұрып жатқан барлық ұлттар, этникалық топтар шындығына келгенде бір ұлт саналады. Шетелді бізді «қазақтар» деп біледі. Өйткені, біздің мемлекетіміздің атауы дәл осы сөзден астасып жатыр», – деді ҚР Президенті.
</blockquote>
Мемлекет басшысы Қазақстанда тұрақты тұратын әрбір этностың өзіндік ерекшелігіне нұқсан келтірмеуі тиістігін баса айтты.
<blockquote>
 «Олардың барлығы өздерінің тілдерін оқып, қолдануға, мәдениеттерін дамытып, әдет- ғұрыптарын сақтауға құқылары бар және болып та қала береді. Бұған қоса, қазақ тілі де жедел дамуы тиіс. Ол болашақта шын мәнінде ұлтаралық байланыс тіліне айналуы тиіс. Бізге әлемдік ғылым мен мәдениет біліміне жол ашқан орыс тілінің тарихи мәнін төмендетіп отырғаным жоқ. Қазақстан тұрғындары оны жоғары деңгейде білуі тиіс. Мұның бізге тек пайдасы бар», – деді Қасым-Жомарт Тоқаев.
</blockquote>

Қасым-Жомарт Тоқаев: Қазақстанда тұратын барлық этнос шын мәнінде бір ұлт саналады

<a href="https://kyzylorda-news.kz/">Kyzylorda-news.kz.</a> Omdia компаниясының зерттеуінше, қазіргі кезде әлемде ең танымал әрі ең көп қолданылатын смартфон – iPhone XR екен.
Компанияның есептеуінше, былтыр Apple компаниясы iPhone XR-дің 46 млн данасын сатқан. Одан кейінгі орында iPhone 11 тұр. Одан 37 млн дана сатылған. Ал үшінші орында – Samsung Galaxy A10. Сатылған данасының саны 30 миллионнан асады.
Алғашқы ондыққа Apple мен Samsung компаниясының өнімдерімен бірге қытайдың Xiaomi компаниясының өнімдері &nbsp;де кірген екен.&nbsp;
Omdia зерттеу компаниясының ресми өкілі Джуси Хонгтың айтуынша, әзірше Apple-ге жетер, оның девайсынан асып түсер құрылғы жоқ. Apple-дің алғашқы қос орынды бермей келе жатқанына биыл – бесінші жыл.
Мәселен, 2018 жылы жылдың үздік смартфоны iPhone 8 (31,5 млн дана), екінші және үшінші орындарды iPhone X пен iPhone 8 Plus бөлісіп алған. Ал биыл бас жүлдені алған&nbsp;iPhone XR-дің ол кезде 23 млн данасы сатылған.&nbsp;
<a href="https://massaget.kz/layfstayl/tehno/61044/">Massaget.kz</a>

Әлемдегі ең танымал смартфон қайсы?

<a href="https://kyzylorda-news.kz/">Kyzylorda-news.kz.</a> Қысқы киімдерден көктемгі киімдерге ауысатын уақыт келіп жетті. Сән апталықтары өтетін Нью-Йорк, Лондон, Милан және Париж қалаларының дизайнерлері келіп жеткен мерзімде қандай киімдер киюге болатынына көптеген идея ұсынып үлгерді. Ал street style кейіпкерлері бұл идеяларды үстіне “киіп көріп” үлгерді. Солардың ішінен стильді 3 киімді ұсынамыз.
Денимнен тігілген миди белдемше. Бұл киім жаңа маусымның деним-трендтерінің ішіндегі ең бастыларының біріне айналды. Оның артынан denim total look тенденциясы келеді. Мұндай белдемшені кеңсеге де, кештерге де киюге болады. Оны дөрекі бәтеңкемен немесе ковбой стиліндегі аяқ киімдермен үйлестіру ұсынылады. Денимнен тігілген миди белдемшені кез келген футболкамен немесе жейдемен киіп, сыртынан джинс күрткесін іліп алуға болады.
Поло. Көктем-жаз мерзімі гардеробының базалық киімдерінің бірі – поло. Бұл киім барлық мүмкін вариациясында сәнге қайта оралды. Мысалы, поло жейдені былғары белдемшемен немесе шалбармен үйлестіріңіз немесе сәнді шалбарлы костюмнің ішінен киіңіз. Поло жейдесі туралы қызықты фактілер
Көк пиджак. Pantone түстер институты жыл түсі ретінде көк түсті таңдағанын жазған болатынбыз. Бұл түс атақты брендтер топтамасынан жиі кездесті. Мұндай көк пиджакты көктемнің суықтау күндері капюшоны бар қалың толстовкалардың сыртынан киюге, ал жылы күндері футболканың немесе мойнында банты бар жейдемен үйлестіруге болады.
<a href="https://massaget.kz/kyizdarga/sn/61032/">Massaget.kz</a>

Көктемгі сән-2020: Стильді 3 киім

<a href="https://kyzylorda-news.kz/">Kyzylorda-news.kz.</a> Елдегі балалар мен жасөспірімдердің 38% ғана күн сайын жеміс жейді, 43% – көкөніс жеп жүр. Осындай жағдайға жеткенімізді ҚР БҒМ мен ҚР ДСМ-нің қолдауымен Ұлттық қоғамдық денсаулық сақтау орталығы жүргізген зерттеу көрсетті,&nbsp;деп хабарлайды&nbsp;<a href="https://kaz.zakon.kz/5008842-aza-standy-zhas-sp-r-mderd-shten-b-r.html">zakon.kz</a>.
Ұлттық орталықтың жастар мен балалар денсаулығын күшейту бөлімінің басшысы Ақбота Әбілдинаның айтуынша, 15 жасқа қарай жасөспірімдер арасында жемісті күн сайын жеу 33%-ға дейін азаяды.
Оның есесіне балалар күн сайын зиянды тамақтар жейді.
Сауалнама көрсеткендей, балалардың 60% күн сайын кола сияқты қанты көп сусын ішеді.
Зерттеу анықтағандай, көптеген мектеп оқушылары таңғы ас ішпейді.
Жеке бас тазалығына келсек, оқушылардың 49% ғана күніне екі рет тіс тазалайды, қыз балалардың 54%, ұл балалардың 45% пайызы жиі жуынып жүр.

Қазақстандық жасөспірімдердің үштен бірі ғана жеміс-жидек жейді

<a href="https://kyzylorda-news.kz/">Kyzylorda-news.kz.</a> Ұлыбританияда жас футболшыларға допты бастарымен соғуға тыйым салынады.
Англия, Шотландия және Солтүстік Ирландия футбол қауымдастықтары жаңа ережелер қабылдады, оған сәйкес жас балалар енді допты басымен ойнап жаттықпайды, деп хабарлады&nbsp;<a href="https://24.kz/kz/zha-aly-tar/bylu-manyzdy/item/376479-baspen-dop-ojnau-auipti-zertteushiler">«Хабар 24»</a>.
Жақында Глазго университетінің ғалымдары футболшылардың ми ауруларынан қайтыс болу ықтималдығы орташа көрсеткіштен үш жарым есе жоғары екенін анықтады.
<blockquote>
 «Жаңа ережелер жаттығу кезінде бастың көп соққы алуынан пайда болатын қауіптер айтарлықтай азайтуға көмектеседі», – деді Англия футбол қауымдастығының басшысы Марк Булингем.
</blockquote>
Ғалымдардың айтуынша, допты баспен соғу түрлі аурулардың пайда болуына әкеліп соғуы мүмкін. Альцгеймер ауруымен ауыру мүмкіндігі бес есеге, моторлы нейрон ауруының ықтималдығы төрт есе және Паркинсон ауруының ықтималдығы екі есе артуы мүмкін.

Баспен доп ойнау қауіпті – зерттеушілер

<a href="https://kyzylorda-news.kz/">Kyzylorda-news.kz.</a> Таңғы асты оянғаннан кейінгі алғашқы бір сағат ішінде ішу керек. Бұл туралы ресейлік диетолог Маргарита Королёва айтты, деп хабарлайды <a href="https://24.kz/kz/zha-aly-tar/bylu-manyzdy/item/376721-ta-y-asty-pajdasy-andaj">«Хабар 24»</a>.
Сарапшының пікірінше, таңертеңгі ас тәуліктік ағза қажеттілігінің кем дегенде 25% калориясын құрауы керек, деп хабарлады Nation News.
Сонымен қатар таңғы астан кейін инсулиннің ауытқуы реттелетінін атап өтті. Таңғы ас метаболикалық сағатты бастайды. Ол секреторлық және ферментативті белсенділікті ынталандырады.
Маманның айтуынша, кейде таңғы асқа фастфудты да тұтынуға болады.

Таңғы астың пайдасы қандай?

<a href="https://kyzylorda-news.kz/">Kyzylorda-news.kz.</a> Абай елге белгілі Құнанбайдың баласы еді. Күллі Тобықты руының бетке ұстар билер әулетінің ұлы еді. Әкенің атағы да, байлығы да жетіп артылатын.&nbsp;
Білім, ғылымға құмар Абайдың Қытайға барып кітап ақтарамын десе де, Бұхарға барып білім аламын десе де әкенің дәулеті мен ұзын қолы жететін. Алайда осынша дәулет бола тұра, ғылым мен білімге құмар Абай Семейден ұзап ешқайда барған жоқ. Бұл бір. Екіншіден, Абайдың діни сауаты терең болды. Шариғаттың шарттарын, сүннеті мен парызын жақсы білді. Бірақ&nbsp;тағы да сол бар мүмкіндігі бола тұра, Құнанбай қажының ұлы Меккеге бармады. Осы орайда “Абай неге Семейден ұзап шықпады?”, “Қажының баласы неге бесінші парызын орындамады?” деген сұрақтар туындайды. Біз осы сұрақтардың жауабын абайтанушы Асан Омаровтан сұрап көрдік.&nbsp;
<img src="https://kyzylorda-news.kz/wp-content/uploads/2020/02/29abaikaj2.jpg" alt="" />
Абайтанушы Асан Омаров өз сөзінде былай дейді.
Абай сол кездегі көзқараспен қарағанда өте көп көлемде білім алды. Ол заманда Семейде үлкен кітапхана болған. Ол жерде грек&nbsp;ойшылдарының, орыстың ақын-жазушыларының кітаптарынан бастап әлемдік деңгейдегі үлкен кітаптардың қоры бар еді. Абай жасатайынан сол кітаптарды оқып өсті. Кейін елден жыраққа шыққан, қажылыққа барған татар достары шығыстың айтулы ғұламалары мен ақындарының кітаптарын алып келетін. Шығыстың Низами, Науаи, Сәғди, Қожа Хафиз, Фзули сияқты ұлы ғұлама, классик ақындарын оқыды. Мен бала кезімде Семейдің мешітіндегі қабырғаға жағалай жиналған көп кітаптарды өз көзіммен көргенмін. Ол 1970 жылдар болатын. Кеңес заманы келіп, кітаптардың бәрін құртқан кез еді. Ал Абай заманында оның қандай болғанын елестетіп көріңіз.&nbsp;Осынша кітаптың арасында отырған Абайға Семейден ұзап шығудың қажеті де жоқ еді.&nbsp;
Ал қажылыққа бару мәселесіне келсек, Абайдың көп уақыты болған жоқ. Көбіне тіршілікке байлаулы болды. Күндіз Абайдың алды кісіден босамайтын. Түнде жазатын. Екінші жағынан ол заманда қажылыққа бару қиын болатын. Әкесі Құнанбай үш ай жүріп қиындықпен, бейнетпен барды. Абай бейнетке жоқ кісі болды.&nbsp;
Бұл туралы баласы Тұрағұл өзінің естелігінде Долгополовтың Абайды сынағанын жазады.&nbsp;
“Сенің басың алтын адамсың, бірақ&nbsp;үйренген әдет-салтың ұнамсыз, таңертең төсектен тұрасың, киімдеріңді біреу әкеліп береді, арқаңа шапаныңды жабады, есікті ашып тысқа шығарады, қайтып келген соң тағы да есікті ашып үйге енгізіп, алдыңа шылапшынды әкеліп, құманмен суды қолыңа құяды. Ас келсе, шайыңды құйып береді, етіңді жапырақтап береді, ұйықтамақ болсаң, төсегіңді салып, өзіңді біреу шешіндіріп, жатқызып, шақшаңды бір жағыңа, мұрын орамалыңды бір жағыңа тығып, үстіңе көрпеңді жауып салады. Өзің-өзің үшін не қыласың? Әр нешік ұйықтап көресің”, – депті Долгополов естелігінде.&nbsp;Осы Долгополовтың аз ғана сөзі менің әкемнің бірқатар әдетін, салтын көрсетер деп жаздым, бірақ бұл әкеме сырт берілген сын, оның оқу, жазу, ой қызметі – бәрінен де қиын ғой, Долгополов осы жағына көңіл бөлмеген сияқты, – деп жазады Тұрағұл.
<a href="https://baq.kz/news/othernews/abay-nege-qazhylyqqa-barmady/">Baq.kz</a>

Қазақстан және Қызылорда облысының жаңалықтары