<a href="https://kyzylorda-news.kz/">Kyzylorda-news.kz.</a> Ұлыбританияда жас футболшыларға допты бастарымен соғуға тыйым салынады.
Англия, Шотландия және Солтүстік Ирландия футбол қауымдастықтары жаңа ережелер қабылдады, оған сәйкес жас балалар енді допты басымен ойнап жаттықпайды, деп хабарлады&nbsp;<a href="https://24.kz/kz/zha-aly-tar/bylu-manyzdy/item/376479-baspen-dop-ojnau-auipti-zertteushiler">«Хабар 24»</a>.
Жақында Глазго университетінің ғалымдары футболшылардың ми ауруларынан қайтыс болу ықтималдығы орташа көрсеткіштен үш жарым есе жоғары екенін анықтады.
<blockquote>
 «Жаңа ережелер жаттығу кезінде бастың көп соққы алуынан пайда болатын қауіптер айтарлықтай азайтуға көмектеседі», – деді Англия футбол қауымдастығының басшысы Марк Булингем.
</blockquote>
Ғалымдардың айтуынша, допты баспен соғу түрлі аурулардың пайда болуына әкеліп соғуы мүмкін. Альцгеймер ауруымен ауыру мүмкіндігі бес есеге, моторлы нейрон ауруының ықтималдығы төрт есе және Паркинсон ауруының ықтималдығы екі есе артуы мүмкін.

Баспен доп ойнау қауіпті – зерттеушілер

<a href="https://kyzylorda-news.kz/">Kyzylorda-news.kz.</a> Таңғы асты оянғаннан кейінгі алғашқы бір сағат ішінде ішу керек. Бұл туралы ресейлік диетолог Маргарита Королёва айтты, деп хабарлайды <a href="https://24.kz/kz/zha-aly-tar/bylu-manyzdy/item/376721-ta-y-asty-pajdasy-andaj">«Хабар 24»</a>.
Сарапшының пікірінше, таңертеңгі ас тәуліктік ағза қажеттілігінің кем дегенде 25% калориясын құрауы керек, деп хабарлады Nation News.
Сонымен қатар таңғы астан кейін инсулиннің ауытқуы реттелетінін атап өтті. Таңғы ас метаболикалық сағатты бастайды. Ол секреторлық және ферментативті белсенділікті ынталандырады.
Маманның айтуынша, кейде таңғы асқа фастфудты да тұтынуға болады.

Таңғы астың пайдасы қандай?

<a href="https://kyzylorda-news.kz/">Kyzylorda-news.kz.</a> Абай елге белгілі Құнанбайдың баласы еді. Күллі Тобықты руының бетке ұстар билер әулетінің ұлы еді. Әкенің атағы да, байлығы да жетіп артылатын.&nbsp;
Білім, ғылымға құмар Абайдың Қытайға барып кітап ақтарамын десе де, Бұхарға барып білім аламын десе де әкенің дәулеті мен ұзын қолы жететін. Алайда осынша дәулет бола тұра, ғылым мен білімге құмар Абай Семейден ұзап ешқайда барған жоқ. Бұл бір. Екіншіден, Абайдың діни сауаты терең болды. Шариғаттың шарттарын, сүннеті мен парызын жақсы білді. Бірақ&nbsp;тағы да сол бар мүмкіндігі бола тұра, Құнанбай қажының ұлы Меккеге бармады. Осы орайда “Абай неге Семейден ұзап шықпады?”, “Қажының баласы неге бесінші парызын орындамады?” деген сұрақтар туындайды. Біз осы сұрақтардың жауабын абайтанушы Асан Омаровтан сұрап көрдік.&nbsp;
<img src="https://kyzylorda-news.kz/wp-content/uploads/2020/02/29abaikaj2.jpg" alt="" />
Абайтанушы Асан Омаров өз сөзінде былай дейді.
Абай сол кездегі көзқараспен қарағанда өте көп көлемде білім алды. Ол заманда Семейде үлкен кітапхана болған. Ол жерде грек&nbsp;ойшылдарының, орыстың ақын-жазушыларының кітаптарынан бастап әлемдік деңгейдегі үлкен кітаптардың қоры бар еді. Абай жасатайынан сол кітаптарды оқып өсті. Кейін елден жыраққа шыққан, қажылыққа барған татар достары шығыстың айтулы ғұламалары мен ақындарының кітаптарын алып келетін. Шығыстың Низами, Науаи, Сәғди, Қожа Хафиз, Фзули сияқты ұлы ғұлама, классик ақындарын оқыды. Мен бала кезімде Семейдің мешітіндегі қабырғаға жағалай жиналған көп кітаптарды өз көзіммен көргенмін. Ол 1970 жылдар болатын. Кеңес заманы келіп, кітаптардың бәрін құртқан кез еді. Ал Абай заманында оның қандай болғанын елестетіп көріңіз.&nbsp;Осынша кітаптың арасында отырған Абайға Семейден ұзап шығудың қажеті де жоқ еді.&nbsp;
Ал қажылыққа бару мәселесіне келсек, Абайдың көп уақыты болған жоқ. Көбіне тіршілікке байлаулы болды. Күндіз Абайдың алды кісіден босамайтын. Түнде жазатын. Екінші жағынан ол заманда қажылыққа бару қиын болатын. Әкесі Құнанбай үш ай жүріп қиындықпен, бейнетпен барды. Абай бейнетке жоқ кісі болды.&nbsp;
Бұл туралы баласы Тұрағұл өзінің естелігінде Долгополовтың Абайды сынағанын жазады.&nbsp;
“Сенің басың алтын адамсың, бірақ&nbsp;үйренген әдет-салтың ұнамсыз, таңертең төсектен тұрасың, киімдеріңді біреу әкеліп береді, арқаңа шапаныңды жабады, есікті ашып тысқа шығарады, қайтып келген соң тағы да есікті ашып үйге енгізіп, алдыңа шылапшынды әкеліп, құманмен суды қолыңа құяды. Ас келсе, шайыңды құйып береді, етіңді жапырақтап береді, ұйықтамақ болсаң, төсегіңді салып, өзіңді біреу шешіндіріп, жатқызып, шақшаңды бір жағыңа, мұрын орамалыңды бір жағыңа тығып, үстіңе көрпеңді жауып салады. Өзің-өзің үшін не қыласың? Әр нешік ұйықтап көресің”, – депті Долгополов естелігінде.&nbsp;Осы Долгополовтың аз ғана сөзі менің әкемнің бірқатар әдетін, салтын көрсетер деп жаздым, бірақ бұл әкеме сырт берілген сын, оның оқу, жазу, ой қызметі – бәрінен де қиын ғой, Долгополов осы жағына көңіл бөлмеген сияқты, – деп жазады Тұрағұл.
<a href="https://baq.kz/news/othernews/abay-nege-qazhylyqqa-barmady/">Baq.kz</a>

Абай неге қажылыққа бармады?

<a href="https://kyzylorda-news.kz/">Kyzylorda-news.kz.</a> Төрімізден орын алған 2020 жыл – Юлиан күнтізбесі бойынша, Кібісе (високосный) жылы. Әлем халықтары басқа жылдармен салыстыра қарағанда, Кібісе жылына ерекше көңіл бөліп, үреймен қарап жатады? Мұндай ерекше қызығушылық пен үрейдің астарында не жатқанын білгіңіз келе ме? Ендеше назар аударыңыз!
Түрлі наным-сенімдер, ырым-тыйымдар Кібісе жылының атымен байланысты. Бір жағынан қорқытып тұрса, екінші жағынан қызықтырып, қиялыңды дүрліктіріп тұрады. Ал кейбіреулер керісінше, дәл осы жылды ең бір сәтті, бақыт әкелетін жыл деп есептейді. Сонымен кімдікі дұрыс, кімдікі бұрыс?&nbsp;Ең кең таралған ырымдарды бірге отырып талқылайық. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;
&nbsp;Бірінші ырым – Кібісе жылы үйленуге болмайды.&nbsp;Кібісе жылы қиылған неке бақытсыз болады: ерлі-зайыптылар ерте ажырасады, не екеуінің біреуі тым ерте суынып кетеді я болмаса, жас жұбайлар бірге тату-тәтті өмір сүре алмағандықтан, тойдан кейін бір-бірінің көзіне шөп салады деген ырымдар бар. Ал статистикаға сүйенер болсақ, жоғарыда аталған ырымға ешқандай дәлелдер жоқ, яғни осы жылы басқа жылдарға қарағанда ажырасып не табысатындар санында ешқандай айырмашылықтар байқалмайды. Ырымды халық арасында кең тараған 07.07.07, 08.08.08, 09.09.09 күндеріне сай келетін «бақытты» күндермен қарама-қарсы алып қарауға болады. Дәл осы күні некелерін қиып үлгеруге қаншама жастарымыз асығып жатады. Ал осы күні ерлі-зайыпты атанғандардың бүгінде қаншамасы ажырасып, бір-бірінен бөлекте жүр. Мұндай ерекше күндерге қарамастан, тұрмыс құрған қанша миллиондаған адамдар бақытты өмір сүріп, бірге қартаюда. Сондықтан бұл ырымды «себетке» салып тастаңыз да, ұмытыңыз!
Екінші ырым – Кібісе жылы өлген адамдар саны көбейеді.&nbsp;Десе де, бұл ырымның да нақты дәлелі жоқ. Бұл да кібісе жылына деген үрейден туа салған наным-сенім десек артық айтқандық емес. Тап бір басқа жылдарда өлім-жітім болмайтындай-ақ…
Үшінші ырым – Кібісе жылы табиғатта «аласапыран» орнайды.&nbsp;Адамдарға салсаң, жамандық шақырудың шеберлері. Бұл да бір бос наным. Мәселен, ұзаққа бармай-ақ, 2011 жылғы Жапониядағы сұмдықты алып қарайық, оның кібісе жылымен ешқандай байланысы жоқ. 1812 жылы Напалеонмен болған соғыстың дәл осы Кібісе жылы болғандығы осы ырымның шығуына себеп болуы мүмкін. Бірақ қаншама адамның өмірін жалмаған 1941 жылғы соғыс бұл жылға сәйкес келмейді. Осыған орай, ғалымдар да осы жылы болатын жер сілкіністері мен вулкан атқылаулардың, апаттардың, террористік актілердің санын есептеп шығарды, кәдімгі жылдардан ешқандай ерекшелігі жоқ!&nbsp;&nbsp;
Төртінші ырым – Кібісе жылы ештеңе өзгертуге болмайды.&nbsp;Кібісе жылы болатын кез келген өзгеріс қауіпті екен… Ырым дәл осы жылы сізге жұмысыңызды, тұрғылықты жеріңізді, тіпті шашыңыздың түсін өзгертуге тыйым салады. Бұл да бір тиіп-қашпа әңгіме. Мәселен, сізге жаңа, жоғары қызметтегі, қызықты қызмет ұсынылды. Сіз Кібісе жылы болғандықтан ғана тамаша мүмкіндіктен бас тартпайсыз ғой?!&nbsp;
Бесінші ырым – бұл жылы ештеңе бастауға болмайды. Кібісе жылы бизнесті бастауға, үй немесе монша тұрғызуға, салымға ақша салуға болмайды деп есептелінеді. Астрологтардың пайымдауынша, бұл ырым рас! Кібісе жылы төртжылдық циклді бастайтын болғандықтан, сіз өз бастамаңызға салғырт қарайтын болсаңыз, бастаған ірі ісіңіз құрдымға кетеді. Ал бұл проблемалардың Келесі кібісе жылына дейін жалғасып кетуі ғажап емес. Сондықтан бұл ырым «жеті рет өлшеп, бір рет кесуді» қажет етеді. Жоғарыдағы бастамаларды кез келген басқа жылда іске асырыңыз, тек Кібісе жылында емес!
Алтыншы ырым – аяғы ауыр әйелдерге шаш кесуге болмайды. Орыс халқының қалыптасқан салты бойынша, Кібісе жылы өмірге нәресте әкелетін ананың шашын кесуіне үзілді-кесілді тыйым салынған. Ырым орындалмаған жағдайда, сәби ақылсыз, әлсіз болып қалыптасады екен. Бұл ырымға сенейін десек, Кібісе жылы туылған небір ұлы тұлғаларымыздың аналары оларды құрсағында көтеріп жүргенде шашатарын қимай жүрді дегенге сену қиын.&nbsp;&nbsp;
Жоғарыдағы біз талдаған ырым-тыйымдарды ақиқат деп қабылдау да, қабылдамауда сіздің құзырыңызда. Жалпы барлық нәрсе ішкі наным-сенімнен деп жатады. “Адамның емес, Алланың айтқаны болады”. Біз де Кібісе жылының бәріміз үшін сәтті өтуін тілейміз!
<a href="https://massaget.kz/kyizdarga/psihologiya/758">Massaget</a>

Кібісе жылы. Үрей мен ақиқат

<a href="https://kyzylorda-news.kz/">Kyzylorda-news.kz.</a> Кібісе жылы&nbsp;— төрт жыл сайын бір айналып келетін, басқа жылдарда 365 күн болса, бұнда 366 күн бар&nbsp;жыл.
Кібісе жы­лының пайда болуы&nbsp;ежелгі Мысырдан&nbsp;бастау алған. Осы елдің ғалымы&nbsp;Сотис&nbsp;сонау жылдардың өзінде «Сүмбіле»&nbsp;ең жарық жұлдызын біраз уақыт зерттеген. Оның таңертеңгі­­лік оңтүстік&nbsp;көкжиектен&nbsp;көрінуінен бастап, әр жылдың 365 күннен тұратынын анықта­ған. Ал Сотистің Сүмбіле жұлдызын зерт­теуі көк­тем кезінде ағыл-тегіл таситын&nbsp;Ніл&nbsp;өзені суының шаруалардың үлкен еңбек­пен ек­кен егістік алқаптарын шайып кетуіне байланысты болды. Осылайша, жұлдыздардың жай-күйін терең зерттеген египеттік ғалымдар күндерді жаңылмай санай отырып, халыққа Сүмбіленің туатын мезгілін дер кезінде ескертіп жүрді.
Осын­дай санақтың нәтижесінде өзіміз бүгінгі күні қолданылып жүрген күнтізбе пайда болды. Сөйтіп, ғалымдар күн мен түннің теңелу уақытының арасын жыл деп атады. Жылдың төрт мезгілін аңғарып, бір жылды жылдың мезгілдеріне сәйкес төртке бөлді. Бұған қоса, ғалымдар өздерінің зерттеуінде әр үш жылдың 365 күнге аяқталып, ал әрбір төртінші жылдың күн саны алдағы үш жылда бір күннің артық қалуы салдарынан 366 күнге толатынын дәлме-дәл есептеп шығарды. Міне, осыдан келіп,&nbsp;славьяндар&nbsp;«ви­сокосный», ал&nbsp;мұсылман&nbsp;елдері «Кібісе жыл» деп атайтын жыл пайда болды. Ал үш жылда бір рет қайталанып келетін басы артық бір күн ақпан айының үлесіне тиді. Осылай Кібісе жылы пайда болды.

29 ақпан – Кібісе күні

29&nbsp;ақпан – Кібісе күні. &nbsp;Яғни төрт жылда бір келетін, 366 күнге созылатын жыл. Кібісе жы­лының пайда болуы&nbsp;ежелгі Мысырдан&nbsp;бастау алған. Осы елдің ғалымы&nbsp;Сотис&nbsp;сонау жылдардың өзінде «Сүмбіле»&nbsp;ең жарық жұлдызын біраз уақыт зерттеген. Оның таңертеңгі­­лік оңтүстік&nbsp;көкжиектен&nbsp;көрінуінен бастап, әр жылдың 365 күннен тұратынын анықта­ған. Ал Сотистің Сүмбіле жұлдызын зерт­теуі көк­тем кезінде ағыл-тегіл таситын&nbsp;Ніл&nbsp;өзені суының шаруалардың үлкен еңбек­пен ек­кен егістік алқаптарын шайып кетуіне байланысты болды. Осылайша, жұлдыздардың жай-күйін терең зерттеген египеттік ғалымдар күндерді жаңылмай санай отырып, халыққа Сүмбіленің туатын мезгілін дер кезінде ескертіп жүрді. Осын­дай санақтың нәтижесінде өзіміз бүгінгі күні қолданылып жүрген күнтізбе пайда болды. Сөйтіп, ғалымдар күн мен түннің теңелу уақытының арасын жыл деп атады. Жылдың төрт мезгілін аңғарып, бір жылды жылдың мезгілдеріне сәйкес төртке бөлді. Бұған қоса, ғалымдар өздерінің зерттеуінде әр үш жылдың 365 күнге аяқталып, ал әрбір төртінші жылдың күн саны алдағы үш жылда бір күннің артық қалуы салдарынан 366 күнге толатынын дәлме-дәл есептеп шығарды. Міне, осыдан келіп,&nbsp;славьяндар&nbsp;«ви­сокосный», ал&nbsp;мұсылман&nbsp;елдері «Кібісе жыл» деп атайтын жыл пайда болды. Ал үш жылда бір рет қайталанып келетін басы артық бір күн ақпан айының үлесіне тиді. Осылай Кібісе жылы пайда болды.
1992 жылы Ташкент қаласындағы Халықтар достығы сарайында Қазақстан мен Өзбекстан ақындарының айтысы өтті. Айтыстың бас жүлдесі Қазақстан ақыны Әсия Беркеноваға берілді.
2012 жылы Ақордада Мемлекет басшысы Нұрсұлтан Назарбаевтың төрағалығымен Қазақстан Республикасы Ұлттық қорын басқару жөніндегі Кеңестің отырысы болып өтті. Отырыс барысында Ұлттық қорды одан әрі дамытудың және басқару тиімділігін арттырудың өзекті мәселелері талқыланды.

29 ақпан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 29 ақпанға арналған жұлдыз-жорамалы.
Тоқты
Іскерлік жобаларды достарыңызбен, жақындарыңызбен бірігіп жүргізетін боласыз. Барлығы өз ойыңыздағыдай жүзеге асады.
Торпақ
Барлық адаммен тіл табыса аласыз. Сізге сеніп сырын айтқан жандардың құпиясын сақтайсыз. Бірақ өзіңіз туралы ешкімге сыр алдырмайсыз.&nbsp;
Егіздер
Бүгін ескі досыңызбен кездесесіз. Бұл кездесуде қуанышқа кенелесіз. Келер жылы досыңыздың арқасында біраз жетістікке жететін боласыз.
Шаян
Бүгін жеке өміріңіз түбегейлі өзгереді. Жақын адамыңыз баға жетпес сый жасайды. Осыдан кейін оның сізге деген құрметі зор екеніне көзіңіз жетеді.
Арыстан
Күніңіз сәтті өтеді. Барлық шаруаны игере аласыз. Өткен күндерде өкінішіңіз болғанымен, бүгін өзіңізді жайлы сезінесіз.
Бикеш
Аздап қиындықтар туындайды. Бұрын барынша сенім арта алатын жаннан көңіліңіз қалады. Бірақ қамықпаңыз, түстен кейін барлығы өз орнына келеді.
Таразы
Көтеріңкі көңіл-күй барлық мәселенің шешілуіне оң ықпалын тигізетін болады. Ең бастысы денсаулығыңызды күтіңіз.
Сарышаян
Жұлдыздар бүгін жаңа махаббат дастанын бастан өткеретініңізді айтады. Сондай-ақ денсаулығыңызға зиян тағамдардан алыс болуды ескертеді.
Мерген
Үй тіршілігі шаршатады. Дегенмен аз уақытқа болса да оңаша қалып, тыныштықта серуендеңіз. Бұл сізге пайдалы болмақ.
Тауешкі
Барлық ісіңіз алға басады. Кез келген мүмкіндікті жіберіп алмауға тырысасыз. Жолыңыз болғыш. Кейбір адамдар мұны қызғануы да мүмкін.
Суқұйғыш
Күніңіз сәтті өтеді. Көптен бергі жоспарыңыз жүзеге асып, барлығы сіз қалағандай болады. Ағайын-туыстарды көріп, риза боласыз.
Балықтар
Өміріңіз түбегейлі өзгереді. Барлығы сізге қызыға да, қызғана қарайды. Жетістікке жетуге мүмкіндік мол. Сәттілік серігіңізге айналады.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда мемлекеттік университетінің студенттері Абай өлеңдерін шырқап, өзге оқу орындарына жыр эстафетасын жолдады.
Әдеби-сазды шарада жастарды толғандырып жүрген бірқатар мәселе де сөз болды. 80 жылдан астам тарихы бар Қорқыт ата атындағы Қызылорда мемлекеттік университетінде тәлім алатын шәкірттер мамандық таңдау мен еңбек нарығын реттеу жүйесін қалыптастыру керектігін айтады. Білім ордасында құрылған 19 жастар ұйымы мен 9 студенттік кеңес тарапынан ұсынылған жобалар республикалық «Jas Otan»-ға бағдарламасына енгізілетін болды.
<blockquote>
 «ҚР 645-тен астам жатақхана болса, колледж, ЖОО-да соның 66-сы ешқандай санитарлық нормаға сай келмейді. Жекеменшік ЖОО-да біз 35 мың жастан анкета өткіздік. Соның қорытындысын 3 наурыз күні шығарамыз. Қандай ЖОО-да жемқорлық деңгейі жоғары болатын болса, біз тікелей Білім және ғылым министрлігімен осы мәселені шешумен айналысамыз», – дейді «Jas Otan» жастар қанатының төрағасы Елнұр Бейсенбаев.
</blockquote>

Қызылордалық жастар әуенді челлендж бастады

<a href="https://kyzylorda-news.kz/">Kyzylorda-news.kz.</a> Бүгін қаладағы «Мұрагер» мектебінде Абай Құнанбайұлының 175 жылдығына арналған&nbsp; «Абай – ақыл-ойдың алыбы» атты әдеби-сазды кеш өтті.
Шараны қала әкімінің орынбасары Мира Қазбекова ашып берді.
<blockquote>
 «Абай – қазақ болмысының айнасы. Ақынның дара тұлғасы халқымыздың руханиятын әлемге танытатын теңдесі жоқ құндылық. Дүние жүзі әдебиетінде Абай секілді ақын, ағартушы, ойшыл, сыншы кемде кем. Баршаңызға белгілі «Абай – челлендж» поэтикалық эстафетасы бүгінде республика көлемінде жалғасуда. Бұл эстафетаға қала әкімдігіне қарасты бөлімдер мен білім беру ұйымдары ерекше үлес қосып, кеңінен насихаттауда. Дара ақын Абайдың тағылымын жастардың санасына сіңіріп, ұлы тұлғаның ой-толғамдарын кеңінен дәріптеу, Абай Құнанбайұлының 175 жылдығын кеңінен насихаттау бүгінгі шараның негізгі мақсаты болып отыр», – деді қала әкімінің орынбасары.&nbsp;
</blockquote>
Кеш барысында Мира Жомартқызы «Абай – челлендж» поэтикалық эстафетасына өз үлесін қосқан балабақша тәрбиеленушілері мен оқушыларды және ардагер ұстаздарды қала әкімінің Алғыс хатымен марапаттады.
<img src="https://kyzylorda-news.kz/wp-content/uploads/2020/02/28abaimurager1.jpg" alt="" />
Шара қала мектептерінің қатысуымен дайындалған Ұлы ақын Абай Құнанбайұлының өмірі мен шығармашылығынан сыр шертетін әдеби-сазды кешке ұласты.
<blockquote>
 «Қалалық білім бөлімінің ұйымдастыруымен өтіп жатқан кезекті шарамыз Абайдың 175 жылдығына арналып отыр. Шара «Мұрагер» мектебінде ұйымдастырылғанымен қаладағы білім беру ұйымдарының оқушылары мен мұғалімдері қатыстырылуда. Кеш барысында М.Әуезовтің «Абай жолы» роман-эпопеясының «Қайтқанда» бөлімінен Абайдың бала күнінен көрініс қойылып, ақынның әндері орындалып, оқушылардың Абайға арнаған өлеңдері оқылды. Айта кетейін, осы Абайдың 175 жылдығы аясында мұғалімдердің жазғы еңбек демалысында Абайдың елі Жиделі-Байсын жеріне саяхат ұйымдастырмақшымыз. Оған ниет білдірген қаладағы мектеп мұғалімдері бара алады», – дейді қалалық білім бөлімінің әдіскері Рита Мұқашева.
</blockquote>
Абай мұрасы мәңгілік өміршеңдігімен құнды. Олай дейтініміз, жыл сайын өтетін Абай оқулары байқауына қатысуға ниет білдіретін, сөз ұғар оқушылар өсіп келеді. Тіпті осы байқау арқылы респубикалық кезеңдерде топ жарып, жоғарғы оқу орындарына білім грантын жеңіп алған қызылордалық оқушылар да бар.
<blockquote>
 «8 сыныптан бастап Абайдың өлеңдері мен қара сөздерін жатқа айтып, Абай оқулары байқауына қатысып жүрдім. Қазірде №7 орта мектеп-лицейінде қазақ тілі мен әдебиеті пәнінің мұғалімімін. Бұл мамандықты таңдауыма да осы Абай шығармашылығы әсер етті десем болады. Бүгінде Абайдың 130 өлеңін жатқа білемін. Бала күнімде жол көрсеткен Ұлы Абайдың кітаптары өмірлік серігіме айналды десем артық емес. Шәкірттерім де Абай оқуларына қатысып, жүлделі орындардан көрініп жүр», – деді мектеп мұғалімі Элиза Сұлтанова.
</blockquote>
«Өлмейтұғын артына сөз қалдырған» ұлт мақтанышы заманының ұлы ойшылы, ақын сазгер Абай Құнанбайұлы ұрпағымен бірге жасайды. Ақынның өнегілі өмірін елге таныстырып, кемеңгер ойшылдың шығармашылығын ұрпаққа насихаттаудан жалықпауымыз керек.
Кешті қорытындылаған №264 мектептің оқушылары ақынның әндерін орындап, өлеңдерінен үзінді оқыды.
Фариза ОМАРОВА
<img src="https://kyzylorda-news.kz/wp-content/uploads/2020/02/28abaimurager2.jpg" alt="" />
<img src="https://kyzylorda-news.kz/wp-content/uploads/2020/02/28abaimurager3.jpg" alt="" />
<img src="https://kyzylorda-news.kz/wp-content/uploads/2020/02/28abaimurager4.jpg" alt="" />
<img src="https://kyzylorda-news.kz/wp-content/uploads/2020/02/28abaimurager5.jpg" alt="" />
<img src="https://kyzylorda-news.kz/wp-content/uploads/2020/02/28abaimurager6.jpg" alt="" />
<img src="https://kyzylorda-news.kz/wp-content/uploads/2020/02/28abaimurager7.jpg" alt="" />
<img src="https://kyzylorda-news.kz/wp-content/uploads/2020/02/28abaimurager8.jpg" alt="" />
<img src="https://kyzylorda-news.kz/wp-content/uploads/2020/02/28abaimurager9.jpg" alt="" />

Қызылордада Абайдың 175 жылдығына арналған әдеби-сазды кеш өтті

<a href="https://kyzylorda-news.kz/">Kyzylorda-news.kz.</a> Биыл жыл соңына дейін Қазақстанда 250-ден астам тұрғыны бар елді мекендер жоғары жылдамдықты мобильді интернетпен қамтамасыз етілетін болады. Бұл туралы Қазақстан Президенті ҚР Цифрлық даму, инновациялар және аэроғарыш өнеркәсібі министрі Асқар Жұмағалиев айтты, деп хабарлайды Ақорданың баспасөз қызметі.
Бүгін мемлекет басшысы Қасым-Жомарт Тоқаев министр Асқар Жұмағалиевті қабылдады.
Кездесу барысында мемлекеттік қызметтерді автоматтандыру, телекоммуникациялық инфрақұрылымды, инновациялық экожүйені және адами капиталды дамыту, экономика салаларын цифрландыру бойынша жүргізіліп жатқан жұмыстар туралы баяндалды.
Асқар Жұмағалиев Мемлекет басшысына 250-ден асатын тұрғыны бар елді мекендердің барлығы осы жылдың соңына дейін жоғары жылдамдықты мобильді интернетпен қамтамасыз етілетінін жеткізді.
Сонымен қатар Қазақстан Президентіне қалаларды цифрландыру және ақпараттық қауіпсіздік саласындағы атқарылып жатқан жұмыстар туралы мәлімет берді.
Кездесу соңында Қасым-Жомарт Тоқаев Асқар Жұмағалиевке бірқатар нақты тапсырма берді.

Биыл 250-ден астам тұрғыны бар ауылдарға интернет тартылады

<a href="https://kyzylorda-news.kz/">Kyzylorda-news.kz.</a> Халықаралық әйелдер күніне орай Түрікменстан әйелдеріне үш доллардан ақшалай сыйлық беріледі, деп хабарлайды&nbsp;<a href="https://kaz.tengrinews.kz/world_news/8-nauryizda-turkmenstan-ayelderne-ush-dollardan-berled-305635/">Tengrinews.kz</a>.&nbsp;
Бұл туралы 27 ақпанда Үкімет отырысында мәлім болды. Мұндай тапсырманы президент Гурбангулы Бердімухамедов экономика және қаржы жөніндегі вице-премьер Гадыргелді Мушшиковқа берді.
Түрікменстан әйелдері халықаралық әйелдер күніне орай 60 манат (елдің ақша бірлігі) көлемінде ақшалай сыйлық алады. Бұл қара нарықтың бағамы бойынша шамамен үш долларға тең.
Ақша жұмыс істейтін әйелдер мен оқушыларға, сондай-ақ зейнетақы мен жәрдемақы алатындарға беріледі. Сыйлық балабақшаға бармайтын қыздарға және үш жасқа дейінгі балалары жоқ жұмыссыз әйелдерге (балаға арналған жәрдемақы алмайтындарға) берілмейді. Бұл оларға ақшаның жалақы, жәрдемақы немесе зейнетақы беретін ұйымдардың бюджетінен бөлінуіне байланысты.
<img src="https://kyzylorda-news.kz/wp-content/uploads/2020/02/28dollberedi1.jpg" alt="" />

8 наурызда әйелдерге үш доллардан беріледі

<a href="https://kyzylorda-news.kz/">Kyzylorda-news.kz.</a> Бұл туралы Кәсіпкерлер палатасының директоры Ғалымбек Жақсылықов бизнес-қауымдастық алдындағы есепті кездесуінде айтты.
Бүгін «Кәсіпкерлер үйінде» Қызылорда облысы кәсіпкерлер палатасының директоры Ғалымбек Жақсылықовтың бизнес-қауымдастық алдындағы есебі өтті.
Кездесуге облыс әкімінің орынбасары Мұрат Имандосов, мүдделі мемлекеттік орган басшылары, өңірлік кеңес, аудандық кәсіпкерлер кеңесі, Кәсіпкерлердің құқығын қорғау кеңесі мүшелері, жалпы аймақтың бизнес-қауымдастық өкілдері қатысты.
Кездесу басталмас бұрын «Бастау» жобасы бойынша оқып, кәсіптерін ашқан бизнес өкілдерінің өнімдерінен көрме көрсетілді.
<blockquote>
 «Қызылорда облысының экономикасы мұнай өндірісіне тәуелді екені білгілі. Өткен жылы мұнай өндірісі көлемінің 13 пайызға төмендеуі тиісінше өнеркәсіптік өнімнің 10,7 пайызға азаюына алып келді. Жалпы, соңғы 7 жылда облыста мұнай өндірісі екі есеге дейін азайып, 5,5 млн тоннаға дейін төмендеген. Биыл да 1 млн тоннаға кемиді деген болжам бар. Сондықтан өндеу өнеркәсібі бағытында облыс экономикасын әртараптарандыру – күн талабы. Оны тек шағын және орта бизнесті дамыту арқылы қол жеткізе аламыз», – деді Ғалымбек Жақсылықов.
</blockquote>
Биылғы жылдың 1 қаңтар айындағы көрсеткіш бойынша аймақта 46&nbsp;297 шағын және орта кәсіпкерлік субъектісі жұмыс жасауда (дара кәсіпкерлер –&nbsp; 70%, шаруа қожалықтары – 17,8% және заңды тұлғалар – 12,2%). Өсім – 9,3 пайыз.
Өткен жылдың 9 айында шағын және орта кәсіпкерлікте 285,5 млрд теңгенің өнімі өндірілген. Өсім – 9,9 пайызға тең.
Соңғы 3 жылда шағын және орта бизнестің жалпы өңірлік өнімдегі үлесі 14,2 пайыздан 18 пайызға өскен. Өткен жылдың 9 айында шағын және орта кәсіпкерлік саласында 92 223 адам жұмыс жасады. Өсім – 2,5 пайызды көрсетуде.
2019 жылы шағын және орта кәсіпкерліктен бюджетке 
73,8 млрд теңге салық түсіп, өсім 10,6 пайызды құрады.
<img src="https://kyzylorda-news.kz/wp-content/uploads/2020/02/28dinamika2.jpg" alt="" />
<img src="https://kyzylorda-news.kz/wp-content/uploads/2020/02/28dinamika3.jpg" alt="" />
<img src="https://kyzylorda-news.kz/wp-content/uploads/2020/02/28dinamika4.jpg" alt="" />

Қазақстан және Қызылорда облысының жаңалықтары