<a href="https://kyzylorda-news.kz/">Kyzylorda-news.kz.</a> Мемлекет басшысы Қ.Тоқаев әрбір мемлекеттік қызметші халыққа қызмет етіп, абыройлы еңбегімен сенімін арттыру мақсатында қоғамдағы өзекті мәселелердің тез арада шешілуіне барынша қолдау көрсету қажеттілігін атап өткен болатын.
Осы орайда, Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) бастамасы негізінде, Қызылорда облысы бойынша департаментінің ұйымдастыруымен ағымдағы жылдың 11 наурызында «Антикор орталығында» және 11-12 наурыз аралығында барлық аудандарда «Халық заңгері» тегін құқықтық кеңес беру науқаны өткізілуде.
«Халық заңгері» тегін құқықтық кеңес беру науқаны «Антикор орталығында» және барлық аудандардаай-сайын ұйымдастырылып, азаматтар қала және аудан көлеміндегі бақылау-қадағалау, әлеуметтік, денсаулық, жер, тұрғын үй қатынастары, қаржы институттары&nbsp; және басқа да қажетті орган өкілдеріне қойылған сұрақтарына жауаптар алып, оң шешімін тапқан мәселелерде жеткілікті.
&nbsp;Бүгінгі күні сауатты да салауатты ел қалыптастыру мақсатында осы сынды шаралардың өткізілуі маңызды.
Бұл ретте, Сыбайлас жемқорлыққа қарсы іс-қимыл агенттігінің 1424 Call-орталығы тәулік бойы жұмыс істейді, аталған нөмірге қоңырау шалу тегін және сыбайлас жемқорлық сипатындағы кез келген құқық бұзушылық бойынша түскен хабарламалар міндетті түрде қаралады.
<img src="https://kyzylorda-news.kz/wp-content/uploads/2020/03/02-29.jpg" alt="" />

Қызылордада «Халық заңгері» науқаны жалғасуда

<a href="https://kyzylorda-news.kz/">Kyzylorda-news.kz.</a> Қызылордалық Маугли баланы жаңа отбасы асырап алды, – деп хабарлайды AstanaTV.
Телеарнаның хабарлауынша, қамыс арасынан табылған баланы танымал журналист Миуа Байназар асырап алған.
9 жастағы дұрыс сөйлей алмайтын жеткіншекті асырап алған анасы оны 1-сыныпқа апарды.
Бірнеше ай бұрын адам көрсе тұра қашатын, аштықтан әбден әлсіреп, әбден тоңып қалған кішкентай бала қала сыртындағы саяжай маңынан табылды.
Владиктің әкесі қайтыс болған, анасы із-түзсіз жоғалып кеткен. Бала қысты кәмелетке толмағандарға арналған бейімдеу орталығында өткізді. Сол жерден «Балалар ауылына» ауыстырылды. Ал төрт күн бұрын жеткіншекті мейірімді жандар өз қамқорлығына алды.
«Өзімнің туған інім сияқты етіп тәрбиелеп, қамқорлық көрсетіп жүретін боламын. Біз оның есімін өзгерткенді жөн көрдік. Нұртөре Жүсіп деген танымал журналисті білетін шығарсыздар? Міне, біз сол кісінің құрметіне оны кіші Нұртөре деп атайтын боламыз. Оның өзі келісімін берді», – дейді баланың жаңа ағасы Бердібек Мереев.&nbsp; &nbsp;&nbsp;
Бала әлі де тұйықтау, көпшілік арасында ақ қарғадай оқушауланып тұрады. Владик-Нұртөре бүгінде алғаш рет мектеп табалдырығын аттап отыр. 1-сыныпта әріптерді, түрлі түсті түстерді, жануар-өсімдік атаулыны үйренбек.
<blockquote>
 «Ең бастысы, баланың оқуға құштарлығы бар. Тек өзгелермен тіл табысып, балалар ортасына біраз үйренуі керек. Қазір өзінен үш жас кіші балалармен оқып жатыр. Жазғы демалыста біраз тапсырма береміз, келесі жылы да осы сыныппен оқуы мүмкін», – дейді №11 мектеп-лицейінің директоры Жанат Сәдуақасова.&nbsp;
</blockquote>
Журналист Миуа Байназар Маугли бала туралы естіген сәтте-ақ оны асырап алғысы келген екен. Оның бұл тілегіне ұлы мен қызы да қолдау білдіріпті. Алайда, бала асырап алуға жауапты комиссия көп кедергі болған көрінеді. Оның айтуынша, бала асырап алғысы келген ананы үш айлық курстан өтуге&nbsp;мәжбүрлепті, бірақ заң жүзінде ондай шара қарастырылмаған екен.
<blockquote>
 «Баланы асырап алуға қажетті құжаттарды жинаймын деп көп қиналдым. Мәселе тек «Астана» телеарнасы араласқан соң оң шешімін тапты. Балам үйден ешқайда шыққысы келмейді, «Бұл – менің үйім, бұл жерден ешқайда кетпеймін!» деп жиі айтады», – дейді Владик-Нұртөренің анасы Миуа Байназар.&nbsp;
</blockquote>
8 наурыз күні Владик-Нұртөре 9 жасқа толды.
<img src="https://kyzylorda-news.kz/wp-content/uploads/2020/03/mawgli.png" alt="" />

Қызылордадағы 9 жастағы Маугли баланы танымал журналист асырап алды

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев Наурыз мерекесіне арналған шараларды және әскери парадты өткізбеу жөнінде тапсырма берді. Бұл туралы Мемлекет басшысының баспасөз хатшысы Берік Уәли «Facebook»-тегі парақшасында хабарлады.
<blockquote>
 «Мемлекет басшысы елімізде коронавирустың таралуына жол бермеуге байланысты Наурыз мерекесіне арналған қоғамдық шараларды және елордада Жеңістің 75 жылдығына арналған әскери парадты өткізбеу туралы шешім қабылдады. Сонымен қатар бұған дейін жоспарланған халықаралық форумдарды кейінге шегеруді тапсырды. Дегенмен шағын және орта бизнес жұмысын жалғастыра беруі тиіс. Қасым-Жомарт Кемелұлы шектеу шаралары олардың жұмысына кедергі келтірмеуі керек екенін атап айтты. Ірі кәсіпорындар да үздіксіз жұмыс істей береді. Бүгін Президент коронавирус пандемиясына қарсы күрес мәселесі жөнінде бірқатар мемлекеттік орган басшыларымен шұғыл кеңес өткізді. Жағдай Мемлекет басшысының ұдайы бақылауында» делінген хабарламада.
</blockquote>

Қазақстанда Наурыз мерекесіне арналған шаралар мен әскери парад өтпейді

Kyzylorda-news.kz. Қазақстанда коронавирус жоқ. Балабақшалар жұмысын жалғастыра бергені дұрыс.
Бұл туралы ҚР Білім және ғылым министрі Асхат Аймағамбетов Орталық коммуникациялар қызметінде өткен брифингте айтты, деп хабарлайды <a href="http://lenta.inform.kz/kz/balabakshalar-zhumysyn-zhalgastyra-beredi-ashat-aymagambetov_a3624040">ҚазАқпарат</a>.
«Мектеп оқушыларының каникулы 21 наурыздан басталуы керек болатын, осы жағдайға байланысты 16 наурыздан, яғни ертерек басталады. Каникул аяқталғанға дейін эпидемиологиялық ахуалды қадағалап отырамыз, егер басқадай жағдай орын алса – қашықтықтан оқыту технологиясына сүйенуге тура келеді», – дейді ҚР Білім және ғылым министрі Асхат Аймағамбетов.
Оның айтуынша, балабақшалар жұмыс істей береді.
«Қазақстанда коронавирус жоқ, сол себепті балабақшалардың жұмысын тоқтатудың қажеті жоқ деп ойлаймын. Вирус анықталған жағдайда (коронавирус – автор) жедел шаралар қабылданады», – деді ол.

Балабақшалар жұмысын жалғастыра береді &#8211; Асхат Аймағамбетов

<a href="https://kyzylorda-news.kz/">Kyzylorda-news.kz.</a> Қызылорда облыстық полиция департаментінің қызметкерлері кезекті тексеру кезінде 10 наурыз күні есірткі сатқан полиция инспекторы ұсталды.
Қазір күдікті уақытша ұстау абақтысына қамалып, сот алды тергеу жұмыстары басталған.&nbsp;
Оқиғаға байланысты пікір білдірген ІІМ Өзіндік қауіпсіздік департаментінің бастығы Арман Саданов министр Ерлан Тұрғымбаевтың тапсырмасымен барлық өңірде жеке құрам арасында құқықбұзушылық пен қылмыстың алдын алуға арналған мұндай шаралар жалғасатынын, полиция қатарында тек қолы мен ары таза жандар ғана қызмет етуі керектігін атап өткен.

Қызылордада есірткі сатқан полиция инспекторы ұсталды

<a href="https://kyzylorda-news.kz/">Kyzylorda-news.kz.</a> Қазақстанда мектеп оқушылары 16 наурыздан бастап демалысқа шығады.
<blockquote>
 «2020 жылдың 16 наурызынан 5 сәуіріне дейін орта білім беру мекемелері уақытынан бұрын демалысқа шығады. 16-сынан бастап техникалық және кәсіптік білім беру мекемелері мен ЖОО-лар қашықтан оқыту түріне көшеді», – деді вице-премьер Ералы Тоғжанов бүгін Орталық коммуникациялар қызметінде өткен брифингте.
</blockquote>
Бұған дейін, Мемлекет басшысы Қасым-Жомар Тоқаев коронавирус пандемиясына байланысты Қазақстанда қоғамдық іс-шаралардың тоқтатылатындығын жария <a href="https://kyzylorda-news.kz/kogam/pandemijagha-bajlanysty-qazaqstanda-qoghamdyq-is-sharalar-toqtatylady-49126/">еткен болатын</a>.

Қазақстанда мектеп оқушылары мерзімінен бұрын демалысқа шығады

<a href="https://kyzylorda-news.kz/">Kyzylorda-news.kz.</a> «Нұрлы жер» мемлекеттік тұрғын үй құрылысы бағдарламасы аясында «Тұрмысы төмен отбасыларға тұрғын үй сатып алуға кредит беру» бағыты бойынша 2020 жылдың наурыз айының 12-нен 20-сы аралығында үміткерлерден құжат қабылдау жүргізіледі.
**Бағдарламаға: 
**– көп балалы отбасы; 
– толық емес отбасы; 
– мүгедек балалары бар немесе тәрбиелеп отырған отбасы қатыса алады.
**Қатысуға қойылатын негізгі талаптар: 
**1) Қазақстан Республикасының азаматтығы; 
2) өтініш берушінің және онымен бірге тұратын отбасы мүшелерінің (жұбайының, кәмелеттік жасқа толмаған балаларының) Қазақстан Республикасының аумағында меншік құқығында тұрғын үйінің болмауы; 
3) ағымдағы қаржы жылына отбасының әрбір мүшесіне шаққанда айына заңнамада белгіленген 1 (бір) ең төменгі айлық жалақы көрсеткішінен аспайтын, соңғы 6 (алты) айдағы орташа табысының болуы (балалы бар отбасыларға берілетін мемлекеттік жәрдемақыларды есепке алмағанда); 
4) некені бұзу сәтінен бастап 3 жылдық мерзімнің өтуі (толық емес отбасылар үшін); 
5) еңбек және (немесе) кәсіпкерлік қызметтен отбасылық жиынтық табыстың болуы; 
6) төлем қабілеттілігін растау; 
7) “Тұрғын үй қатынастары туралы” Қазақстан Республикасының Заңына сәйкес тұрғын үйге мұқтаж азаматтың мәртебесі мен тұрғын үйге мұқтаж Қазақстан Республикасының азаматтарын есепке қою санаты көрсетілген ЖАО-ның растауы.
Үміткерлер мынадай құжаттарды ұсынуы қажет: 
1) Бағдарламаға қатысуға білдірген өтініші (бұдан әрі – өтініш); 
2) өтініш беруші мен оның отбасы мүшелерінің жеке басын куәландыратын құжат; 
3) өтініш берушінің және онымен тұрақты бірге тұратын отбасы мүшелерін тұрғылықты жері бойынша тіркеу туралы мекенжай анықтамасы; 
4) неке қию/некені бұзу, жұбайының/зайыбының қайтыс болуы, балалардың туу туралы куәліктері, өтініш берушінің некеде тұрмайтындығы туралы нотариат куәландырған өтініш; 
5) өтініш берушінің және онымен тұрақты бірге тұратын отбасы мүшелерінің Қазақстан Республикасының аумағы бойынша меншік құқығындағы үйінің немесе сатып алу мүмкіндігімен берілетін тұрғын үйінің бар немесе жоқ екені туралы анықтама; 
6) соңғы 6 айдағы табысы туралы анықтама 
7) кезектілік нөмірін немесе бірегей нөмірді көрсете отырып тұрғын үйге мұқтаж (Бағдарламаға қатысуға өтініш берген кезде) есебіне қою туралы мәліметтер; 
8) Жоғарыда айқындалған санаттардың біріне өтініш берушінің қатысын растайтын құжаттар (көп балалы отбасы, толық емесе отбасы, мүгедек балалары бар немесе тәрбиелеп отырған отбасы). 
ҚТҚЖБ шотында қарыз сомасының 10 %-ынан кем емес мөлшерде бастапқы жарна болған жағдайда, ҚТҚЖБ 20 жылға дейінгі мерзімге жылдық 2 %-дан аспайтын сыйақы мөлшерлемесі бойынша тұрғын үй қарыздарын береді.
Кредит беру талаптары: 
– қарыздың нысаналы мақсаты – бастапқы және қайталама нарықтарда тұрғын үй сатып алу; 
– Нұр-Сұлтан, Алматы, Шымкент, Ақтау, Атырау қалаларында тұрғын үйді сатып алу кезінде ең жоғарғы қарыз сомасы – 15 млн.теңгеден аспайды, өзге өңірлерде – 10 млн. теңгеден аспайды; 
– кепілдікті қамтамасыз ету – сатып алынатын тұрғын үй немесе ҚТҚЖБ-ның тиісті талаптарына сай келетін өзге мүлік. 
Үміткерлерден өтініштер мен құжаттар қабылдау орны
М.Шоқай көшесі,147 үйі, №1, 2 терезелер, сағ. 9-00-18-00- ге дейін, байл. тел. 24-80-97, 24-80-61, «Қалалық тұрғын үй коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі» КММ.
<img src="https://kyzylorda-news.kz/wp-content/uploads/2020/03/twrgyn-wj-bagdarlamasy-kwzhat-kabyldaw-2-scaled.jpg" alt="" />

Қызылордада «Бақытты отбасы» тұрғын үй бағдарламасы бойынша құжат қабылдау басталды

<a href="https://kyzylorda-news.kz/">Kyzylorda-news.kz.</a> Қазақстанда коронавирус қаупіне байланысты қоғамдық іс-шаралар уақытша тоқтатылады. Бұл туралы ҚР Президенті Қасым-Жомарт Тоқаев&nbsp;<a href="https://twitter.com/TokayevKZ?ref_src=twsrc%5Egoogle%7Ctwcamp%5Eserp%7Ctwgr%5Eauthor">Twitter</a>-дегі парақшасында хабарлады.
<blockquote>
 «ДДСҰ коронавирусты пандемия деп жариялады. Үкімет арнайы алдын алу шараларын қолға алады. Қоғамдық іс-шаралар уақытша тоқтатылады. Азаматтар азық-түлікпен және ең қажетті тауарлармен үздіксіз қамтылады. Шағын және орта бизнес зардап шекпеуі тиіс. Ең бастысы – азаматтарымыздың денсаулығы. Біз қиыншылықтарды #Birge еңсереміз», – делінген хабарламада.
</blockquote>

Пандемияға байланысты Қазақстанда қоғамдық іс-шаралар тоқтатылады

Коронавирустың белгілері қандай?

Коронавирустан қалай қорғана аламыз?

Коронавирусқа қатысты жиі қойылатын сұрақтар

<a href="https://kyzylorda-news.kz/">Kyzylorda-news.kz.</a> Парламент Сенатының жалпы отырысында «ҚР Үкіметі мен РФ Үкіметі арасындағы «Байқоңыр» кешенін газбен жабдықтау туралы келісімді ратификациялау туралы» Заң қабылданды, деп хабарлайды <a href="https://lenta.inform.kz/kz/baykonyr-turgyndary-kolzhetimdi-ari-ekologiyalyk-taza-otynmen-kamtamasyz-etiledi_a3623956">ҚазАқпарат</a>.
«Байқоңыр» кешенін газбен жабдықтау туралы келісім 2019 жылғы сәуірде жасалды. Келісім «Байқоңыр» кешенін газбен қамтамасыз етудің құқықтық негіздерін айқындауға бағытталған және тұтынушыларды сұйытылған мұнай газынан табиғи газға көшіруді көздейді.
ҚР Энергетика министрі Нұрлан Ноғаевтың айтуынша, бұған дейін Байқоңыр қаласын газбен, яғни сұйытылған мұнай газы немесе пропан-бутанмен жабдықтау үшін ресейлік «Газовое хозяйство» кәсіпорны жауапты болған. Сұйытылған мұнай газының бағасы бір келісіне 343 теңге немесе текше метрге шаққанда 714 теңгені құрады.
<blockquote>
 «Үкіметаралық келісімге сәйкес, «ҚазТрансГаз Аймақ» АҚ-ға қала аумағында және «Байқоңыр» ғарыш айлағында табиғи газды өткізу құқығы беріледі. Осы қызмет ресейлік салық органдарында тіркелмей жүзеге асырылады. Бұл қосарланған салық салуға жол бермейді. Келісімде Байқоңыр қаласының аумағында табиғи газды бөлшек саудада өткізу бағасы Қызылорда облысының газ тұтынушылары үшін Қазақстанның монополияға қарсы органы белгілейтін бағаға сәйкес келуі тиіс деп бекітілген», – деді ведомство басшысы.
</blockquote>
Оның атап өтуінше, бүгінде Байқоңыр қаласы және Қызылорда облысындағы табиғи газдың бөлшек бағасы тұрғындар үшін қосымша құн салығын есептемегенде бір текше метрге 18,6 теңгені, заңды тұлғалар және бюджеттік ұйымдар үшін бір текше метрі 18,9 теңгені құрады.
«ҚазТрансГаз Аймақ» АҚ мен «Газовое хозяйство» кәсіпорнының бірлескен жұмысының нәтижелері бойынша қазіргі уақытта Байқоңыр қаласының барлық көпқабатты секторы, яғни 328 тұрғын үй, сондай-ақ 150 жеке үйдің 45-і табиғи газға қосылған.
<blockquote>
 «Осы келісім тұрғындар үшін коммуналдық қызмет шығындарын азайтуға мүмкіндік береді. Себебі сұйытылған газға қарағанда, табиғи газдың құны айтарлықтай арзан. Бұдан басқа, Байқоңыр қаласында газды бөлу инфрақұрылымы салыстырмалы түрде жаңа болып есептеледі», – деді Нұрлан Ноғаев.
</blockquote>

Қазақстан және Қызылорда облысының жаңалықтары

Қызылордада «Халық заңгері» науқаны жалғасуда

Қызылордадағы 9 жастағы Маугли баланы танымал журналист асырап алды

Қазақстанда Наурыз мерекесіне арналған шаралар мен әскери парад өтпейді

Балабақшалар жұмысын жалғастыра береді – Асхат Аймағамбетов

Қызылордада есірткі сатқан полиция инспекторы ұсталды

Қазақстанда мектеп оқушылары мерзімінен бұрын демалысқа шығады

Қызылордада «Бақытты отбасы» тұрғын үй бағдарламасы бойынша құжат қабылдау басталды

Пандемияға байланысты Қазақстанда қоғамдық іс-шаралар тоқтатылады

Коронавирустың белгілері қандай?

Коронавирустан қалай қорғана аламыз?

Коронавирусқа қатысты жиі қойылатын сұрақтар

Байқоңыр тұрғындары қолжетімді әрі экологиялық таза отынмен қамтамасыз етіледі

Қазақстан және Қызылорда облысының жаңалықтары

Қызылордада «Халық заңгері» науқаны жалғасуда

Қызылордадағы 9 жастағы Маугли баланы танымал журналист асырап алды

Қазақстанда Наурыз мерекесіне арналған шаралар мен әскери парад өтпейді

Балабақшалар жұмысын жалғастыра береді &#8211; Асхат Аймағамбетов

Қызылордада есірткі сатқан полиция инспекторы ұсталды

Қазақстанда мектеп оқушылары мерзімінен бұрын демалысқа шығады

Қызылордада «Бақытты отбасы» тұрғын үй бағдарламасы бойынша құжат қабылдау басталды

Пандемияға байланысты Қазақстанда қоғамдық іс-шаралар тоқтатылады

Коронавирустың белгілері қандай?

Коронавирустан қалай қорғана аламыз?

Коронавирусқа қатысты жиі қойылатын сұрақтар

Байқоңыр тұрғындары қолжетімді әрі экологиялық таза отынмен қамтамасыз етіледі

Балабақшалар жұмысын жалғастыра береді – Асхат Аймағамбетов