<a href="https://kyzylorda-news.kz/">Kyzylorda-news.kz.</a> Көптеген халықтар Жыл басын күн мен түннің теңелген кезінде қарсы алады. Әзербайжан, Иран, Ауғанстан, Тәжікстан, Қазақстан, Қырғызстан, Өзбекстан сияқты Жібек жолы бойындағы барлық мемлекеттер жаңа жылды осы күні атап өтеді. Бұл мейрам – Жер-Ананың оянып, көктем мезгілі келуінің нышаны.
Ежелгі грек шежірешісі Страбон да Наурыз мейрамы туралы жазған.
«Өте ежелден қазіргі кезге дейін Месопотамия тұрғындары бұл күнді атап өтеді. Мейрам күні саудагерлер саудасын, қолөнер шеберлері жұмысын тоқтатады. Олар көңіл көтеріп, отқа қайнатылған сусын мен тағам дайындайды» деп жазған ол.
Бұл ежелгі мәдениеттен мұра болып қалған және ислам дінімен қатысы болмаса да – мұсылман халқы кең көлемде атап өтетін мейрам. 2010 жылғы 23 ақпанда Біріккен Ұлттар Ұйымы Бас Ассамблеясының қарарымен бұл мейрам Халықаралық Наурыз күні деп танылған және ЮНЕСКО-ның Адамзаттың материалдық емес мәдени мұралары тізіміне енген.
Жапонияда көктемгі күн мен түннің теңелуін Сюмбун но хи деп атайды және үш күн бұрын мерекелеуді бастап кетеді. Бұл кезде бақта сакура гүлдейді. Жапондықтар өмірден өтіп кеткен туған-туыстарын еске алып, бейіт басына барады.
Славяндардың ежелгі сенімі бойынша Наурыз мейрамы 14 күн бойы — 22 наурызға дейін бір апта және кейін бір апта мерекеленген. Сол күндердің бірі Ярила күні деп аталған. Ярила – көктем мен күннің құдайы, ол уақытымен келсе көктем шығып, күзде мол өнім болады деген сенім болған. Осы мерекеде олар от жағып, жамандықтан арылу үшін үстінен секірген. Бұл мереке кейін Масленица деп аталып кетті.
Биыл Шығыс жыл санауы бойынша – Тышқан жылы. Қазақ халқының мүшелдік жыл санауы тышқан жылынан басталады. Ол бүгін – 22 наурызда кіреді. Қазақ халқы тышқан жылын ырыс-ынтымақта, бақ-берекелі жыл деп санаған.
Астрологтардың айтуынша, Тышқан жылы жеке өмірде де, қоғамда да ауқымды өзгеріс ала келеді. Бұл жылы жалқаулыққа, әлсіздікке жол бермей, адал еңбек етуге ұмтылған жөн.
Батыс елдерінде тышқан зиянды, ауру таратушы ретінде саналса, Шығыс елдерінде батыл, ақылды, қу, мақсатқа жетпей қоймайтын болып сипатталады. Демек, бұл жыл мақсатқа ұмтылатын еңбекқор адамдардың жолы болатын жыл деуге болады.
<a href="https://lenta.inform.kz/kz/tyshkan-zhylynan-kanday-zhaksylyk-kutuge-bolady_a3628294">ҚазАқпарат</a>

Тышқан жылынан қандай жақсылық күтуге болады?

<a href="https://kyzylorda-news.kz/">Kyzylorda-news.kz.</a> Қазақстан президенті Қасым-Жомарт Тоқаев елімізде әлі күнге дейін тиісті көлемде бетперделердің жетіспейтіндігін мәлімдеді.
<blockquote>
 “Бізде әлі күнге дейін тиісті көлемде бетперделердің жетіспейтіндігін атап айтқым келеді. Бірақ қағаз жүзінде&nbsp;бәрі жеткілікті. Бір жағынан халық дәріханаларда бетперделердің әлі де жоқ екенін айтып шағымдануда. Неге? Бұл алыпсатарлық деп ойлаймын”, – деді ол.
</blockquote>
Мемлекет басшысы халықты бетперделермен жедел қамтамасыз етуді талап етіп, еліміздің барлық азаматтарын үнемі антисептиктерді пайдалануға және бетперде тағуға шақырды.
<blockquote>
 “Біз барлық қалалардағы негізгі көшелерде азаматтарымызға тегін маска тарата алатындай болуымыз керек. Бұл Үкіметтің алдында тұрған аса жедел әрі шұғыл міндет”, – деді президент.
</blockquote>
Қасым-Жомарт Тоқаев пандемияның 160-тан астам елге таралғанын атап өтіп, шекаралас мемлекеттердің Үкіметтерімен іс-қимылдарды үйлестірудің маңыздылығына назар аударды.
<blockquote>
 “Соңғы бірнеше күнде Ресейдің, Өзбекстанның, Қырғызстанның Президенттерімен сөйлестім. Негізінен біз Үкіметтеріміздің тығыз ықпалдаса жұмыс істеуі керектігі жайында әңгімелестік. Бұл ортақ мәселе болғандықтан бірлескен жұмыстарды арттыра түсуіміз керек. Бірлесе әрекет еткен жөн”, – деді мемлекет басшысы.
</blockquote>
Қазақстан Президенті елімізде карантин режимін сақтаудың маңыздылығына тоқталып, барлық азаматтарды, оның ішінде, мемлекеттік қызметшілерді белгіленген тәртіп бойынша жұмыс істеуге шақырды.
<blockquote>
 “Бақылау-өткізу бекеттерін қойғанымыз әзіл немесе қойылым емес. Карантин режимін қатаң сақтамай, біз бұл бағытта ешқандай табысқа қол жеткізе алмаймыз. Біз карантин жағдайын қатаң сақтауға тиіспіз”, – деді президент.
</blockquote>

Мемлекет басшысы медицалық бетперде мәселесін көтерді

<a href="https://kyzylorda-news.kz/">Kyzylorda-news.kz.</a> Ресейдің еңбек сіңірген дәрігері, медицина ғылымдарының докторы, профессор Александр Карабиненконың айтуынша, екпе инфекцияға, соның ішінде COVID-19-ға шалдығу қаупін төмендетеді.
Бұдан бөлек, тұмауға қарсы екпе адамның табиғи иммундық қорғанысын жақсартуға көмектеседі.
Дәрігер екпені бірінші кезекте, суық тию ауруларына жиі шалдығатындарға салдыру керектігін жеткізді.
Сондай-ақ маман иммунитеті жақсы адамдардың вирусқа шалдығу қаупі төмен екенін атап өтті.
Карабиненко иммунитетті күшейту үшін дұрыс тамақтанып, фаст-фудтан бас тартуға кеңес берді.
Дәрігер-терапевт Людмила Лапаның айтуынша, иммунды жүйені қатайту үшін лактобактериялар мен ферменттерді тұтыну қажет.
Ал вирус пен бактериялардың ағзаға түспеуі үшін мұрынға оксолин майы мен зәйтүн майын жағуға болады.

Дәрігерлер коронавирустан қалай қорғану керектігін айтты

<a href="https://kyzylorda-news.kz/">Kyzylorda-news.kz.</a> Қытайдың Ухань қаласынан тараған коронавирус табиғатта кездесетін басқа да қауіпті вирустардың жанында ештеңе емес. Мұндай вирустар бұдан да ауыр пандемияны өршітуі мүмкін. Қазіргі коронавирус бұрындары ауық-ауық тарап, елді жайпаған оба дертінен жеңілдеу. Мұны әскери дәрігер, РФ запастағы медициналық қызмет подполковнигі Алексей Водовозов айтты.
<a href="https://ria.ru/20200320/1568874984.html">РИА Новости-ге</a> сұхбат берген әскери дәрігер табиғатта коронавирустан да қауіпті вирустардың бар екенін әрі оған абай болмаса, кез келген уақытта әлемге тарап, пандемия туғызуы мүмкін екендігін айтады.
<blockquote>
 – Коронавирус пандемиясы бірінші рет тарап отырған жоқ, бірінші тарағаны – шошқа тұмауы, H1N1 инфекциясы. Қазір адамзаттың өмір сүру аймағы кеңейіп, жаңа жерлерді игеріп жатыр. Жаңа жерді игерген сайын сол ареалда мекендейтін жан-жануарларға да жақындап келеді. Ал жануарлардың ағзасында біз білмейтін қаншама қауіпті вирустар мен бактериялар бар. Олар адам ағзасына түссе, емін-еркін тарайды. Шошқа тұмауы да, мына коронавирус та адам үшін сабақ болуы тиіс, – дейді Водовозов.
</blockquote>
Дәрігердің айтуынша, мына коронавирустың «тактикалық-техникалық жағы» біршама әлсіз.
<blockquote>
 – Әрине, бұл коронавирусты қауіпсіз деп айтуға келмейді. Тұмаумен салыстырғанда әлдеқайда қауіпті әрі өлім көп. Алайда вирусқа шалдығып, жазылып жатқандар да көп. Көбі сауығып жатыр. Мұндай вирустардың адамға қасірет туғызар қауіппен келуі де мүмкін еді. Мәселен, ауырғандардың 90 пайызы қазаға ұшыраса… Ал табиғатта мұндай вирустар бар. Оған әлем дайын емес, – дейді дәрігер.
</blockquote>
Египетте 541-750 жылдары тараған Юстиниан обасынан әлем халқының 40 пайызын, 1346-1353 жылдары тараған Қара өлім обасынан Еуропа жұртының 60 пайызын қырылған.
<blockquote>
 – Мұндай ауруды қоздыратын микроағзалар әлі күнге дейін табиғатта бар, өмір сүруде. Ол тараса, адамзат қауқарсыз қалады, – дейді маман.
</blockquote>

Табиғатта коронавирустан да қауіпті вирустар бар

<a href="https://kyzylorda-news.kz/">Kyzylorda-news.kz.</a> 70 мыңға жуық қазақстандық кәсіпкер жыл соңына дейін 10% жеке табыс салығын төлемейді. Бұл туралы үкіметтегі брифингте Қазақстанның вице-премьері Ералы Тоғжанов мәлімдеді.
Оның айтуынша, кәсіпкерлікті қолдау мақсатында үкімет шағын және орта бизнестің жекелеген санаттары үшін бірқатар салықтық ынталандырулар әзірледі.
<blockquote>
 “Мүлік салығынан уақытша босату, салық берешегі бойынша өсімпұлды тоқтата тұру . Сондай-ақ, жыл соңына дейін жалпы белгіленген тәртіпте жұмыс істейтін кәсіпкерлердің 10 пайыздық ЖТС босату ұсынылады”, – деді Ералы Тоғжанов.
</blockquote>
Салық жеңілдіктері Қазақстанның 70 мыңға жуық кәсіпкерлеріне қатысты болады. Үкімет мүшелерінің пікірінше, бұл шаралар қаржылық жағдайы нашарлаған бизнесмендерді қолдауға мүмкіндік береді.

Қазақстанда 70 мыңға жуық кәсіпкер салықтан босатылады

Қазақты жаһанға танытқан желаяқ – Ғұсман Қосанов

<a href="https://kyzylorda-news.kz/">Kyzylorda-news.kz.</a> Кейде әлеуметтік желілерде ойға түрткі болатын кейбір мәселелер талқыланып жататыны бар. Сыншы, аудармашы, PhD докторы Арай Жүндібаева Facebook желісі арқылы «Көзімнің қарасы» сөз тіркесін ағылшын­шаға қалай жатық аударуға болады?» деген сауал тастаған еді. Осы сұраққа әлеуметтік желі қолданушылары өз көзқарастарын білдіріп, пікірлерін айтыпты.
Duisenali Alimakhyn:&nbsp;Black of my eye.
Janibek Aliken:&nbsp;Ай блак.
&nbsp;Aray Zhundibayeva:&nbsp;Қайнар Олжай&nbsp;аға, көмек сұраймыз. «Көзімнің қарасы» дегенде Абай нені меңзеп тұр?
Serik Kerey: &nbsp;my eyeslight болады. Көзімнің нұры болады. Көз дегенмен көздің ең асылы, алтыны, жарықты сезетін, саулені сезетін, ол көздің қарасы – жанары. 
Абай «ең түпкі сананың, жанның сәулесін сезетін асылым» дегісі келген болар.
Aibek Erezhepov:&nbsp;Көз – адамның ең аяулы, ең қымбат дене мүшесі. Ал көздің ішінде ең асылы, әлемді, бүкіл әдемілікті көретін, сол әдемілікті өзіне сыйдыра алатын бөлігі, ол – қарасы (қарашық). Абай осы мағынада айтып тұр. Аударма барысында «қара көз» деген мәндегі сөзді қолданбай, тікелей «көзімнің қарасы» десе, адамға осы мағынасы ашылу керек. «Көңілімнің сарасы» дегенде – көңілде мың түрлі қалау болуы мүмкін, сол қалаулардың ең жоғарғысы, ең мәртебелісі деген мағынаны меңзеп тұр.
Aray Zhundibayeva:&nbsp;Тамаша! Ал осыны аудармада аз сөзбен қалай беруімізге болады?
Aigull Ismakova: &nbsp;Бұл – мықты метафора. Ұлттық мәні зор. Бірақ тура осы мағынасында аудару қажет
Қайнар&nbsp;Олжай:&nbsp;«Көзімнің қарасы» яғни ең қымбат жан екенін айтып тұр.
Aray Zhundibayeva:&nbsp;Рақмет, Қайнар аға, өлеңде ең қымбат нәрсе турасында айтылып тұр. Көз туралы емес.
Данияр&nbsp;Саламат: &nbsp;Көзімнің қарасы – көзқарас.
Orazbek Saparhan:&nbsp;&nbsp;Адамның мынау әлемді көріп, оның өзіндік қызығын көру түйсігімен тамашалауы тек қана қарашық (көздің қарасы) арқылы ғана жүзеге аспақ. Онсыз өмір су қараңғы, белгілі тұрғыда тұл һәм мағынасыз. 
Ендеше, бұл тіркестің мәні онсыз күні – күн емес, түнек екенін, ол – тіршілігінің мәні, өмірінің жарығы екенін меңзеп отыр.
Aray Zhundibayeva:&nbsp;Тамаша! Ал осы ойды аударуда аудармада нені басшылыққа алу керек деп ойлайсыз?
Orazbek Saparhan: Өлеңнің толық композициясына қарай ағылшын тілінің орамына, әдеби мүмкіндігіне қарай көркемдікке құлаш ұрған жөн болар. 
Өлең Шығыс поэзиясы сарындас. Екі жастың бек ынтық көңілінен гөрі бекзада сұлулықтың, хаса сұлудың әдеби портретін жасап тілмен сурет салуға құлшынған. Ақын өлеңнің поэтикалық иіріміне суреткерлік шеберлігін сәтті үйлестіріп, көркем картина жасайды. Ойлау сферасы сондай кең, тілі өте құнарлы, ұлттық һәм шығыстық дүниетаным тоғысқан, зор шабыттың, мол ақындық қуаттың жемісі. 
Сол үшін, аудармашылық қуатыңыз жетсе, осы әдеби қуатты өз күшінде сақтайтындай, мағыналық дәлдікпен аударма жасамай болмас, тіке аударма пайда бермейді.
Тағы бір айтар ой, Шығыс шайырларының ғазалдарының аудармасындағы сәтті еңбектердің тәжірибесін ескерсеңіз нұр үстіне – нұр болмақ.
Сараш Қоңырбаева:&nbsp;&nbsp;«Ты зрачок моих глаз» емес пе еді?!
Бисмилләһи… Көзімнің қарасы – көзқарасым…
Bagay Nazarbaıuly:&nbsp;watch In my eyes.
&nbsp;Aray Zhundibayeva:&nbsp;Тамаша! watch in my eyes – көздеріме қара болып кетпей ме, қалай ойлайсыз?
Bagay Nazarbaıuly:&nbsp;&nbsp;Aray Zhundibayeva&nbsp;иә, келмейді екен, view, әлде екінші посттағы сөздердің бірін алу керек, болмаса басқа сөз табу керек.
Aray Zhundibayeva:&nbsp;&nbsp;Bagay Nazarbaıuly&nbsp;ал view болса, орысша айтсақ, «взглядқа» келеді, адамның бет әлпетінің белгілі бір күйіне (өзгеруі т.б.) келмей ме, қалай ойлайсыз?
Bagay Nazarbaıuly:&nbsp; Aray Zhundibayeva&nbsp;looking of my eyes
Bagay Nazarbaıuly:&nbsp;Осылай деп көрсек қалай?
Aray Zhundibayeva:&nbsp;&nbsp;Bagay Nazarbaıuly&nbsp;бұл да бір жақсы нұсқа екен?
Aray Zhundibayeva:&nbsp;looking my eyes – «көзіме қарашы» немесе «ал, қара, менің көзіме» (құлақ салғын сөзіме) деген өлең жолдарына сәйкес болып кетіп жүрмей ме?
Bagay Nazarbaıuly:&nbsp;«Қара, black» мағынасында «қара» деген түсті білдіреді. Абайдың қарасына black келмейді. «Қарау», «көру» деген сөзге жақын келетін сөздер: look, watch, view, see т.б. сөздердің бірін алған жөн. Мысалға “view of my eyes, look of my eyes, watch of my eyes….. “
Осы пікірлерді оқыған соң, біз Абайдың «Көзімнің қарасы» деген сөзінің түп мағынасына бойлау үшін, абайтанушы ғалым Мекемтас Мырзахметұлына хабарластық. Ол кісі: «Бұған бас қатырудың қажеті қанша? Бұл өлеңді Абай ғашығына арнағаны бесенеден белгілі ғой», – деді. Ал ғалым Тұрсын Жұртбай: «Абайды талқылау үшін, тым болмағанда, оның бір өлеңін 2-3-рет оқу керек. «Көзімнің қарасын» Әбішке арнады деген жаңсақ түсініктерді айтып, таратып жүргендер бар. Бұл дұрыс емес, олай тұмандануға болмайды.
&nbsp;«Иісің&nbsp;–&nbsp;гүл&nbsp;аңқыған,
Нұрың&nbsp;–&nbsp;күн&nbsp;шалқыған.
Көргенде&nbsp;бой&nbsp;еріп,
Сүйегім&nbsp;балқыған.
Сенсің&nbsp;–&nbsp;жан&nbsp;ләззаті,
Сенсің&nbsp;–&nbsp;тән&nbsp;шәрбаті.
Сұлуды&nbsp;сүймектік,
Пайғамбар&nbsp;сүннәті.
&nbsp;Ер&nbsp;емес&nbsp;қымсынар,
Әр&nbsp;кім—ақ,&nbsp;ұмсынар.
Құдай—ау,&nbsp;бұл&nbsp;көңлім
Күн бар ма бір тынар?»
&nbsp;Енді ойлашы, осыны қалай ер адамға арнады деуге болады», – деп өз ойын айтты.
<a href="https://qazaqadebieti.kz/23842/k-zimni-arasyn-a-ylshyn-tiline-alaj-audaramyz">qazaqadebieti.kz</a>

«Көзімнің қарасын» ағылшын тіліне қалай аударамыз?

<a href="https://kyzylorda-news.kz/">Kyzylorda-news.kz.</a> Эпидемияның аяқталуы екі процеске байланысты болады.
Бұл туралы Биология ғылымдарының докторы, GMU жүйелік биология мектебінің (АҚШ) профессоры Анча Баранова айтты, деп хабарлады <a href="https://24.kz/kz/zha-aly-tar/bylu-manyzdy/item/381757-koronavirus-pandemiyasy-alaj-basylady-biolog">РИА Новости</a>.
<blockquote>
 «Эпидемияның аяқталуы – екі процесс. Оның бірі – бұл вирустың эволюциясы. Вирустың жаңа қожайыны, яғни оны жұқтырған адам вирусты әлсіретеді. Біз оны басқа вирустардан да, коронавирустан да байқадық. Демек, вирус адамнан адамға жұққанда әлсірейді. Бұл вирус қазір бізге бейімделуде. Бірақ оның қанша уақытқа созылатыны белгісіз», – деді маман.
</blockquote>
Оның айтуынша, екінші процесс – адамдардың иммунитеті арқылы, яғни табиғи вакцинация процесінің жүруі.

Коронавирус пандемиясы қалай басылады – биолог

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясы коронавирусқа қарсы қадам ретінде маскалар тігуді бастады. Маскаларды аз қамтамасыз етілген, көпбалалы отбасыларға тегін тарату көзделуде.
Ұлыстың ұлы күні қарсаңында коронавирустың алдын алу мақсатында ұйымдастырылған қайырымдылық акциясына өңірдегі меценаттар, «Жаңғыру жолы» ЖҚ белсенділері және волонтерлер қолдау білдірді.
Облыстық ҚХА мүшелері, «Қоғамдық келісім» КММ қызметкерлері, волонтерлер, «Бітім» медиация орталығы, «Жаңғыру жолы» жастар қозғалысының белсенділері бүгінгі таңнан бастап мата алып, оны өз күштерімен тігуде.
Облыстық ҚХА мүшелері күніне 500-ден астам медициналық маска тігіп, оны тарату үшін бірлесіп, белсенді жұмыс жасауда.
<img src="https://kyzylorda-news.kz/wp-content/uploads/2020/03/img-20200322-wa0001.jpg" alt="" />

Қызылордада Қазақстан халқы ассамблеясының мүшелері медициналық маска тігуде

<a href="https://kyzylorda-news.kz/">Kyzylorda-news.kz.</a> Ақ ірімшік пен сары ірімшіктің жасалу жолы.
Ірімшік – қазaқтың ұлттық сүт тағамдарының ішіндегі ежелгі, ең көп таpаған және адам ағзасы үшін аса маңызды тaғам.
Ірімшіктің құрaмында адам ағзасының қызметі үшін маңызды макро-микро элементтердің барлығы бар, сондықтaн сүт тағамдары – күш-қуаттың қайнар көзі.
Ірімшікті әжелеріміз қойдың, ешкінің, сиырдың сүтінен әркім өз рецебі бойынша әзірлеген. Ендеше ақ ірімшік пен сары ірімшіктің дайындалу жолын назарларыңызға ұсынамыз.
Сары ірімшік сүтті мәйекпен ұйыту арқылы жасалады. Мәйек дегенміз – туғаннан кейін екі-үш күн ішінде оттықпай тұрып сойылған қозының ұлтабары. Мұндай ұлтабарда сары уыздан басқа ештеңе де болмайды. Егер ұлтабарда уыз аз болса, сауған сары уыздан үстемелеп үстіне құяды. Мәйектің ішекпен түйіскен жерін таза жіппен шалып байлап, артығын кесіп тастайды да, оның сыртына тұз сеуіп, көлеңкеде кептіреді. Осылай бапталған мәйекті ұйытқы ретінде пайдаланады.
Қой сүтінен сары ірімшік жақсы жасалды. Сүтті түбіне май жағылған қазанға сүзіп құяды. Бір ескеретіні міндетті түрде сүт жылы (қанжылым) болуы керек. Егер тым салқын болса, онда оны жылытыңыз. Қазандағы бапталған сүтке жылы сумен жуылған мәйектің үлпершек жағы батырылады.
Сонан соң қазанның қақпағын жауып, үстін бірнәрсемен тұмшалайды. 1-2 сағаттан соң сүттің ұйыған, ұйымағанын байқап, ұйыған болса бетін ашады да, қазанды ошаққа асады. Осы кезде мәйекті сорғытып алып, көлеңке жерге ілу керк. Күткен жағдайда ол келесіге де жарай береді. Қайнағанда ірімшіктің тым бөлшектеніп кетпеуі үшін бауырдай ұйыған сүтті ортасынан шақпақтай төртке бөлген жөн.
Енді қазан астына аздап от жағып, ұзақ қайнату керек. Суы суала келе сап-сары ірімшікке айналады. Суыған кезде ірімшікті сүзіп алып, өреге жайып, дегдіген соң мата дорбаға салып кептіреді. Бабында кепкен сары ірімшік ұзақ сақтауға төзімді келеді.
Ақ ірімшік сүтті айранмен іріту арқылы жасалады. 1 литрге 100 гр айран тамызу керек, қазандағы қайнап тұрған сүтке осы есеппен мөлшерлеп құяды да, бір-екі рет араластырады. Егер айраны көбірек болып кетсе, ірімшік дәмі қышқылдау тартып ойдағыдай болмайды.
Ал айраны аздау болса, сүттегі ірімшікке тән құнарлы нілі азайып, ірімшік босаңдау тартады. Бірақ ірімшіктің балбырап жұмсақ болғаны да жақсы. Сондықтан айранның ащы, тұщы, аз, көп болуының түрліше әсері бар. Әркім әртүрлі қышқылдықты қалайды, сондықтан ірімшікті өзіне ұнағанынша жасап жеген жөн. Жас ірімшікті сорғытып, табаққа салғанда үстіне сары май салса дәмдене түседі. Кейде үстіне қант себуге де болады. бірақ мұны көп кешіктірмей жылы күйінде жеген дұрыс.
Ұзақ сақталатын ірімшікті қазаннан сүзіп алысымен арнайы жасалған кең ши сүзгінің үстіне қалыңдығы екі елідей етіп жаймалап, сол ши сүзгінің бір жағын үстіне қайыра жауып, салмақты нәрсемен бастырып сорғытқан дұрыс. Алда-жалда ши сүзгі болмаса, ши сүзгінің орнына басқа сүзгі істеуге де болады, алайда тек шүберектен болмасын. Себебі матада болатын ұзақ түкті ірімшік жабыстырып алады. Суы сорғып болған соң, бетін ашып тұрған жерінде тақталап кертіп, өреге жайып кептіру қажет. Құрғаған ірімшікті жылдың кез келген мезгілінде жеуге болады.
Massaget
https://massaget.kz/kyizdarga/shayra/61384/

Ақ ірімшік пен сары ірімшіктің жасалу жолын білесіз бе?

<a href="https://kyzylorda-news.kz/">Kyzylorda-news.kz.</a> Бүгін 22 наурыз – Ұлыстың ұлы күні, әз-Наурыз мерекесі. Бірақ, бұл мейрамды қазақстандықтар тұңғыш рет отбасында қарсы алуда.
Еске салайық, Мемлекет басшысы Қасым-Жомарт Тоқаев елімізде коронавирустың таралуына жол бермеуге байланысты Наурыз мерекесіне арналған қоғамдық шараларды және елордада Жеңістің 75 жылдығына арналған әскери парадты <a href="https://kyzylorda-news.kz/bez-rubriki/qazaqstanda-nawryz-merekesine-arnalghan-sharalar-men-aeskeri-parad-oetpejdi-49187/">өткізбеу туралы шешім қабылдады.</a>
Сондай-ақ, елімізде Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты азаматтардың өмірі мен денсаулығын қорғау мақсатында Қазақстан Республикасының барлық аумағында 2020 жылғы 16 наурыздағы 08 сағат 00 минут пен 2020 жылғы 15 сәуірдегі 07 сағат 00 минут кезеңінде <a href="https://kyzylorda-news.kz/kogam/qazaqstan-respwblikasynda-toetenshe-zhaghdaj-engizildi-49698/">төтенше жағдай енгізілді.</a>
Осыған орай, елімізде Наурыз мерекесінен бөлек, <a href="https://kyzylorda-news.kz/kogam/qazaqstanda-otbasylyq-salt-daestuer-sharalaryn-oetkizwge-tyjym-salyndy-49706/">той-томалақ пен ас өткізуге</a> тыйым салынды. Еліміздегі барлық <a href="https://kyzylorda-news.kz/kogam/elimizdegi-ojyn-sawyq-ortalyqtarynyng-zhumysy-toqtatyldy-49700/">ойын-сауық орталықтарының жұмысы</a> тоқтатылды. Мейрамханалар мен қоғамдық тамақтану орындарының, базарлар мен сауда дүкендерінің <a href="https://kyzylorda-news.kz/kogam/qazaqstanda-iri-sawda-ortalyqtary-10-men-18-00-aralyghynda-ghana-zhumys-istewi-muemkin-49831/">жұмыс жасау уақыты өзгерді.</a>
Еліміздегі мекемелер мен кәсіпорын қызметкерлері <a href="https://kyzylorda-news.kz/kogam/toqaev-mekemelerdegi-qyzmetkerlerding-70-yn-qashyqtan-zhumys-istewge-koeshirwdi-tapsyrdy-50263/">қашықтықтан жұмыс жасауға көшті.</a>
Еліміздің қос қаласы – Нұр-Сұлтан жәнеАлматы қалалары <a href="https://kyzylorda-news.kz/kogam/nur-sultan-zhaene-almaty-qalalary-karantinge-zhabyldy-50219/">карантинге жабылды.</a>
ҚР Тұңғыш Президенті – Елбасы Нұрсұлтан Назарбаев қазақстандықтарды Наурыз мерекесімен құттықтап, көктемнің келуі мен мерекелік көңіл-күйге бөленуге <a href="https://kyzylorda-news.kz/kogam/elbasy-merekelik-koengil-kuejge-boelenwge-eshtenge-kedergi-bola-almajdy-51302/">ештеңе кедергі бола алмайтынын</a> жеткізді.
Мемлекет басшысы Қасым-Жомарт Тоқаев та Қазақстан халқын Ұлыстың ұлы күнімен <a href="https://kyzylorda-news.kz/kogam/memleket-basshysy-qazaqstan-halqyn-nawryz-mejramymen-quttyqtady-51304/">құттықтап,</a> әр шаңыраққа шаттық пен қуаныш тіледі.
Айта кетейік, ҚР Денсаулық сақта министрлігінің мәліметінше, 2020 жылдың 21 наурызындағы сағат 22-30-дағы жағдай бойынша Қазақстанда коронавирус жұқтырғандардың саны <a href="https://kyzylorda-news.kz/kogam/qazaqstanda-koronavirws-zhuqtyrghandar-sany-54-ke-zhetti-51368/">54-ке жетті.</a>

Биыл тұңғыш рет қазақстандықтар Наурыз мерекесін отбасында қарсы алуда

<a href="https://kyzylorda-news.kz/">Kyzylorda-news.kz.</a> Синоптиктер 22 наурыз күні Қазақстанда ауа райы қандай болатынын айтты.
«Қазгидромет» РМК мәліметінше, 22 наурызда солтүстік циклон және онымен байланысты атмосфералық фронттардың әсерінен Қазақстанның басым бөлігінде жауын-шашын (көбіне жаңбыр) болады. Еліміздің оңтүстік-шығысы мен шығысындағы таулы аудандарда нөсер жаңбыр жауады.
Тек еліміздің батысы мен оңтүстік-батысында ауа райы жауын-шашынсыз, күн ашық болады. Республиканың кей жерлерінде жел күшейіп, тұман, көктайғақ сақталады. Солтүстікте жаяу бұрқасын соғады.

Қазақстан және Қызылорда облысының жаңалықтары