<a href="https://kyzylorda-news.kz/">Kyzylorda-news.kz.</a> Биыл Қазақстанда халық санағы маусым және қазан айларында өтеді. Бұған мемлекеттік бюджеттен 8,2 млрд теңге жұмсалады.
Биыл елімізде өтетін жалпыұлттық санаққа Қазақстанның барлық азаматы қатысады. Сондай-ақ, шарадан өзге мемлекетте уақытша немесе тұрақты тұратын отандастарымыз да, керісінше, Қазақстанда уақытша немесе тұрақты түрде тұратын шетел азаматтары да шет қалмайды.
Бұл – Қазақстан тәуелсіздік алғалы бергі үшінші санақ. Оның бұрынғылардан ерекшелігі қандай және оған бөлінген қазына қаражаты қалай жұмсалады? Санаққа қатысушылар қанша және қандай сұрақтарға жауап береді? Бұл сұрақтардың жауабын <a href="https://informburo.kz/kaz/haly-sanayna-4-ay-aldy-azastandytar-anday-sratara-dayyn-boluy-kerek.html">іnformburo.kz</a> порталы әзірледі.
Халық санағы екі кезеңде өтеді
Үкіметтің 2010 жылғы 11 қазандағы Ұлттық санақтарды өткізудің ережелері мен мерзімдері туралы&nbsp;қаулысына&nbsp;орай, республика азаматтарын санау әрбір он жыл сайын жүргізілуі тиіс. Соған сәйкес, 2009 жылдан кейін былтыр өтуі тиіс есеп бір жылға шегерілген болатын.
Халық санағының кезеңдері:
<ol>
<li>1-30 маусым аралығы.&nbsp;Бұл мерзімде интервьюерлер әрбір елді мекендегі тұрғын және тұрғын емес үй-жайлардың мекенжайын, онда тұратын адамдардың нақты санын анықтайды. Сонымен қатар, әрбір ғимаратты жергілікті картаға енгізеді.</li>
<li>1-30 қазан аралығы.&nbsp;Санақтың алғашқы 15 күнінде интернет арқылы сауал жүргізілетін болса, онымен қатар интервьюерлер планшеттік компьютерді қолдану арқылы жаппай сауалнама жүргізеді.</li>
</ol>
Биылғы санақтың басты ерекшелігі қандай?
Бұл жолғы санақтың бұрынғыларынан басты ерекшелігі – қағазсыз, яғни, электронды форматта өткізіледі. Бұл үшін арнайы планшеттер сатып алынады. Яғни, қазақстандықтар науқан басталғаннан кейін, интернет арқылы ЖСН нөмірімен жеке деректерін санақ жүргізілетін сайтқа тіркейді. Әрмен қарай онлайн түрде қойылған сауалдарға жауап береді. Жеке деректер бірден планшеттерге енгізіліп, ақпарат онлайн түрде sanaq.gov.kz сайтына жіберіледі.
Мұндай тәсіл елден жырақта жүрген отандастарымыздың да санаққа қатысуына мүмкіндік береді. Интернет жүйесі арқылы мәлімет берген респондеттерге интервьюерлер сауалнама жүргізбейді. Статистика комитетінің өкілдері “интервьюер эффектінің” болмауы азаматтардың сұрақтарға қысылмай жауап беріп, мәліметтердің толық алынуына әсер ететінін айтады .
Ауыл халқы жалпыұлттық санаққа іліге ме?
Сауалнама түгелдей ақпараттық технологиялардың көмегімен жүзеге асады деп жоспарланғандықтан, ғаламторға қосылмаған ауылдардың тұрғындарының санаққа қатысуы алаңдатары анық. Дегенмен, шалғай елді мекендердегі тұрғындардың саны мен әл-ауқатын санақшылар дәстүрлі түрде үй-үйді аралап есептейді. Тек адамдардан алынған жауаптар бұрынғыша қағазға жазылмайды, санақ жүргізушінің қолындағы планшеттік компьютерге толтырылады.
Санақ қалай жүргізіледі?
Респонденттер өзі және отбасы мүшелері үшін онлайн режимде Sanaq.gov.kz сайтында санақ парақтарын толтыра алады. Бұл жүйе тәулік бойы қолжетімді болғандықтан, азаматтардың сауалдарға қалаған уақытында жауа беруіне болады. Сондай-ақ, сауалнаманы толтыруды уақытша тоқтатуға және ыңғайлы уақытта жалғастыруға мүмкіндік бар.
Ал мамандандырылған сайт респондентке санақ парақтарын толтыру барысында қажетті нұсқаулықтар мен әзір жауаптар ұсынады. Сондай-ақ, виртуалды көмекші сауалнаманы толтырып, санақтан өтуге жәрдем береді.
Айта кетейік, Sanaq.gov.kz сайты жақын күндері тест режимінде іске қосылады.
Санақ кезінде қандай сұрақтар қойылады?
Санақ кезінде азаматтардан барлық санат бойынша жауап алынады. Санақ парақтарында жалпы саны 65 сұрақ қамтылған. Онда отандастарымыздың жеке басына қатысты сауалдар мен ғимараттардың жай-күйі де жазылмақ. Респонденттер:
<ol>
<li>тұрғылықты жері;</li>
<li>білімі;</li>
<li>тілді меңгеруі;</li>
<li>сауаттылығы;</li>
<li>діні;</li>
<li>некелік жағдайы;</li>
<li>туу көрсеткіші;</li>
<li>жұмыспен қамтылуы;</li>
<li>еңбек өтілі;</li>
<li>денсаулық жағдайы;</li>
<li>мүгедектігі;</li>
<li>күнкөрістің негізгі қаражат көзі;</li>
<li>тұрмыс-тіршілігіндегі шектеулері туралы сұрақтарға жауап береді.</li>
</ol>
Бұл жолы мемлекет тек өз азаматтары туралы ғана емес, сондай-ақ, елімізде тұрақты тұрып жатқан, жұмыс істеп табыс табатын шетелдіктер жайлы да мәліметтерді жинайды. Сондықтан, 2009 жылғы санаққа қарағанда, сауалнама қағаздарында қосымша жаңа сұрақтар пайда болады.
Ең қызығы, биыл қазақстандықтардың тұрып жатқан үйі туралы мәлімет те тізімге алынады. Сауалдар тізімінде баспананың қай жылы салынғаны, көлемі, бөлме саны, абаттандырылуы және қабырғаларының қандай материалдан жасалғаны да сұралады. Санақ кезінде қойылатын сауалдармен алдын ала&nbsp;<a href="http://adilet.zan.kz/kaz/docs/V1800016692">мына жерден</a>&nbsp;танысуға болады.
Санақ жүргізуге 30 мың адам жұмылдырылады. Олар кімдер?
Халық санағын өткізу үшін 18 жастан асқан, ынталы, жауапты, мінезі ашық интервьюерлер іріктеледі. Олардың жұмыс өтілі мен кәсіби біліміне қатысты еш шектеу қойылмайды. Бастысы – планшеттік компьютерде жұмыс істей алатын, Қазақстан азаматы болуы тиіс. Олармен өтемелі қызмет көрсету шарты жасалатын болады. Шарт жасалғаннан кейін барлық жұмысқа тартылған санақ персоналы арнайы оқытудан өтеді. Статистика комитетінің мәліметінше, 2020 жылғы санақ барысында осындай 30 мыңға жуық адам уақытша жұмыс істейді.
Санақ жүргізушілерге қанша ақы төленеді?
Халық санағын өткізу кезінде санақ персоналымен көрсетілген қызметтерді толық көлемде орындағанда 1-кезең интервьюеріне –&nbsp;75 743 теңге,&nbsp;2-кезең интервьюеріне –&nbsp;94 697 теңге&nbsp;төленеді. Ал нұсқаушы-бақылаушыларға –&nbsp;113 614 теңге&nbsp;сомасында төлем көзделген. Еңбекақы өтеулі қызмет көрсету туралы шарт аясында төленбек.
Биылғы санаққа бөлінген қаржы қалай жұмсалады?
Ауқымды шараға&nbsp;8 млрд 211 млн теңге&nbsp;жұмсалады деп көзделіп отыр. Бұл қаржы келесі мақсаттарға жұмсалмақ:
<ul>
<li>3 756 млн теңге – санақ жүргізушілер қызметтеріне төлем;</li>
<li>1 086 млн теңге – 27 412 планшетті сатып алу;</li>
<li>933 млн теңге – “е-Статистика” интеграцияланған ақпараттық жүйені дамыту;</li>
<li>845 млн теңге – 653 жұмыс станциясын, жиһаздар, кеңсе тауарларын сатып алу, көлік пен орын-жай жалдау, байланыс қызметтері және өзгелер;</li>
<li>634 млн теңге – деректерді өңдеу, дайындау, жинақтарды тираждау және тарату;</li>
<li>475 млн теңге – 139 автокөлік құралдарын сатып алу;</li>
<li>356 млн теңге – іссапар шығыстары;</li>
<li>126 млн теңге – нұсқаулықтарды тираждау бойынша көрсетілетін қызметтерді сатып алу, картографиялық материалдарды дайындау.</li>
</ul>
Санаққа бөлінген 8 млрд теңге талан-таражға түспей ме?
Қазақстанда жалпыұлттық санақ бұған дейін екі рет,&nbsp;1999 және 2009 жылдары&nbsp;өткен еді. Соңғы науқанға қазынадан&nbsp;1,1 млрд теңге&nbsp;бөлініп, соның 700 млн теңгесі ұрланғаны ел есінде. Бұл қылмысқа сол кездегі Статистика комитетінің басшысы Анар Мешімбаева кінәлі деп танылып, ол 2014 жылы 7 жылға&nbsp;сотталған болатын. Даулы оқиғаны ұмытпаған белсенді қазақстандықтар “биылғы санаққа бөлінген қыруар қаржы мақсатты жұмсала ма?” деп алаңдаушылық&nbsp;білдіруде.
Осыған орай, Informburo.kz Статистика комитетіне “Санақ кезінде қаржы жымқыру дерегі қайталанбас үшін қандай шаралар қолға алынады және қаржының жұмсалуы бойынша халыққа есеп беріле ме?” деген сауал жолдады. Статистика комитеті басшылығы биыл мұндай қылмыстың қайталанбайтынына сенімді. Олардың жауабынша, барлық көрсетілетін жұмыстар мен сатып алынатын тауарлар мемлекеттік сатып алу порталы арқылы ашық түрде жүзеге асады. Әрі қаржының мақсатты жұмсалуын Қаржы министрлігі бақылауға алады. Ал, ауқымды шара аяқталғасын 8 млрд теңгенің қалай игерілгені туралы ақпарат Статистика комитетінің сайтында “Азаматтық бюджет” бөлімінде жарияланады.
Қазақстан халқының саны қанша?
2009 жылғы өткізілген санақ нәтижелері бойынша халық саны&nbsp;16 009 597 адамды&nbsp;құрады. 2019 жылғы 1 желтоқсандағы мәлімет бойынша халық саны&nbsp;18 611 095 адамға&nbsp;жеткен. Оның ішінде қалалықтар – 10875,7 мың (58,4%), ауылдықтар – 7735,4 мың адамды (41,6%) құрады. Этникалық құрамы бойынша халықтың 68,5%-ы қазақ, 18,9%-ы орыс, 1,4%-ы украин және қалған 11,2%-ы басқа ұлт өкілдері.
Санақ не үшін жүргізіледі? Оның нәтижесімен қайдан танысуға болады?
Мамандар санақ жүргізу арқылы тек халық санын ғана емес, отандастарымыздың тұрмыс-тіршілігіндегі кем-кетігін анықтауға болатынын айтады. Сондықтан, мұндай шараны өткізудің әлеуметтік-экономикалық маңызы зор.
<blockquote>
 “Біз қандай да бір зерттеу жасағанда Қазақстанның барлық азаматтарына сауалнама жүргізе алмаймыз. Тек ірі қала тұрғындарын ғана қамтимыз. Ал шалғайдағы ауыл халқының жағдайы сұралмайды. Сондықтан мұндай шара ретімен өткізіліп тұрғаны дұрыс. Санақ қорытындысы ғылыми қызметкерлерге, әлеуметтанушыларға, демографтарға және экономистерге зерттеу жасауға көмектеседі. Мемлекеттік органдар осы есептің негізінде қай өңірдің өмір сүру деңгейі төмен, қай облыста қай саланы дамыту керек деген сауалдарға жауап іздеп, дұрыс шешім қабылдауы керек”, – деді Тұңғыш президент қоры жанындағы Әлемдік экономика және саясат институтының сарапшысы Камила Ковязина.
</blockquote>
<img src="https://kyzylorda-news.kz/wp-content/uploads/2020/01/28sanak2.jpg" alt="" />

Халық санағына 4 ай қалды. Қазақстандықтар қандай сұрақтарға дайын болуы керек?

<a href="https://kyzylorda-news.kz/">Kyzylorda-news.kz.</a> «Қазгидромет» РМК 28 қаңтарға арналған ауа райы болжамын ұсынады.
Қазақстанның басым бөлігі циклон жырасының әсерінде болғандықтан құбылмалы ауа райы сақталады. Республика бойынша кей жерлерде көбінесе қар түрінде жауын-шашын жауады. Кей жерлерде тұман, көктайғақ, бұрқасын, желдің күшеюі күтіледі, оңтүстікте желдің екпіні 30 м/с және одан аса күтіледі.
Жамбыл облысының кей жерлерінде тұман, көктайғақ, жаяу бұрқасын күтіледі, желдің күші 15-20, екпіні 23-28 м/с күшейеді, оңтүстік-батыста 30 м/с және одан жоғары күтіледі.
Шығыс Қазақстан, Қарағанды, Алматы, Ақтөбе облыстарының кей жерлерінде тұман, бұрқасын күтіледі, желдің күші кей жерлерде 15-20, екпіні 23-28 м/с күшейеді.
Түркістан, Кызылорда, Атырау облыстарының кей жерлерінде тұман, көктайғақ күтіледі, жел 15-20 м/с күшейеді, Түркістан облысында кей жерлерде жаяу бұрқасын күтіледі.
Ақмола, Қостанай, Солтүстік-Қазақстан, Павлодар облыстарының кей жерлерінде бұрқасын күтіледі, жел 15-20 м/с күшейеді, Қостанай, Солтүтік Қазақстан облыстарының кей жерлерінде тұман түседі.
Батыс Қазақстан, Маңғыстау облыстарының кей жерлерінде тұман болады.

Сейсенбі күні ауа райы қандай болады

Мәліметтерді қорғау күні
Жеке мәліметтерді қорғау туралы конвенцияға сәйкес 28 қаңтар Мәліметтерді қорғау күні болып белгіленді. Бұл күнді өткізу мақсаты азаматтардың өздері туралы қандай мәліметтер не үшін жиналып жатқанынан хабардар ету болды. Бұл күн 2007 жылы белгіленді және алғаш рет аталып өтті.
1955 жылы&nbsp;Қазақ КСР халық әртісі Асқар Тоқпанов Құрманғазы атындағы Алматы мемлекеттік консерваториясы жанынан театр факультетін ашты, 1977 жылы оның базасында Алматы театр-көркемсурет институты ашылды.
1989 жылы&nbsp;Алматы мемлекеттік театр-көркемөнер институтына Қазақстанның тұңғыш халық ағарту комиссары, мәдениет пен өнерді дамытуға сүбелі үлес қосқан Темірбек Қараұлы Жүргеновтің есімі берілді. 1993 жылы Т. Жүргенов атындағы Алматы мемлекеттік театр-көркемөнер институты Т. Жүргенов атындағы Қазақ мемлекеттік театр және кино институты болып өзгертілді. Қазақстан Республикасы Үкіметінің 2000 жылғы 14 ақпандағы №236 қаулысына сәйкес, бұрынғы Қазақ мемлекеттік театр және кино институты мен Қазақ мемлекеттік көркемөнер академиясы негізінде Т.Қ. Жүргенов атындағы Қазақ мемлекеттік өнер академиясы құрылды.
1992 жылы&nbsp;Қазақстан Республикасы мен Корея Республикасы арасында дипломатиялық қарым-қатынас орнату туралы хаттамаға қол қойылды.
1993 жылы&nbsp;ҚР Жоғарғы Кеңесі тәуелсіз Қазақстан Республикасының тұңғыш Конституциясын қабылдады.
1994 жылы&nbsp;Шығыс Қазақстан облысының Абай ауданында ұлы Абайдың шәкірті, ақын Көкбай Жанатайұлы атындағы қор ашылды.
1994 жылы&nbsp;«Қазақстан-Заман» бірлескен қазақ-түрік газетінің базасында қазақ тіліндегі халықаралық тәуелсіз апталық – «Түркістан» газетінің бірінші нөмірі жарық көрді. Бірінші бас редакторы – Қазақстанның халық жазушысы Қалтай Мұхамеджанов.
2011 жылы&nbsp;Қазақстан Президенті Нұрсұлтан Назарбаев ҚР Парламенті палаталарының бірлескен отырысында «Болашақты бірге жасайық!» Жолдауын таныстырды.

28 қаңтар: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 28 қаңтарға арналған жұлдыз-жорамалы.
Тоқты
Өте маңызды іспен айналысасыз. Ең алдымен өз мақсатыңызға жетуді көздейсіз. Сондықтан өзге істерге назар аудармайсыз, уақыт жоғалтпайсыз. Жақындарыңыз сіздің ойыңызды қолдайтын болады.
Торпақ
Іскерлік байланыстарды нығайтуға, серіктес болуға қолайлы күн. Өзіңіздің тың идеяларыңызбен өзгелерді тез қызықтырасыз. Сонымен қатар ойыңызды қолдайтын, көмек көрсететін жандарды көпшілік ішінен қателеспей таңдайсыз.
Егіздер
Жоспарңызды жүзеге асыруға қолайлы күн. Бірақ барлығы оңайлықпен келмейді. Ол үшін біраз тер төгуге тура келеді. Бірақ қиын шаруаны қолға алғаныңызға еш өкінбейсіз. Өйткені барлығы қызықты өтеді, нәтижесі ойдағыдай болады. &nbsp;
Шаян
Бүгінгі күн сіз ойлағандай болмайды. Өзіңізге де, өзгелерге де пайдаңызды тигізесіз. Бірақ соңында барлығы көңіліңізді қалдыратын болады. Жан-жағыңызға көз салып, өзгелердің қателігінен сіз сабақ алатын боласыз.
Арыстан
Жұлдыздар сіздің жақта. Сондықтан ешкімге өкпе арта алмайсыз. Ешкімге ренжуге де хақыңыз жоқ. Өзіңіздің не қалайтыныңызды жақсы білесіз. Сондықтан қай тұста қателік жібергеніңізді де ішіңіз біледі.
Бикеш
Басқалар күйгелектікке салынып жатады. Ал сіз болсаңыз сабырлылық сақтап, өз күшіңізге сенетін боласыз. Өзгелердің жолы болмаған істі қолға алып, оны соңына дейін жеткізетін боласыз.
Таразы
Тәуекелшіл болыңыз. Біршама жетістікке жетуге мүмкіндік туып тұр. Бүгін жұлдыздар өз қорқынышын жеңе алған және жауапкершілікті өз мойнына арта алатын жандарды қолдайтын болады.
Сарышаян
Жұмыс жасауға қолайлы күн. Көптен бері жиналып қалған жұмыстарды аяқтауға мүмкіндік туып тұр. Жұмыс көп болғанымен оларды орындау барысында күніңіз қызықты өтетін болады. Жаңашылдыққа тез үйренесіз.&nbsp;
Мерген
Мазасыз күн болмақ. Бір уақытта бірнеше тапсырманы орындауға тура келеді. Олардың біршамасы ойламаған жерден пайда болуы мүмкін. Жаныңыздағы адамдар кейде сіздің көңіл-күйіңізді әдейі түсіреді.
Тауешкі
Айналыңыздағы адамдарды талантыңызбен таңқалдыратын боласыз. Бұрын сіздің біліміңізге күмән келтіргендер де «қол соғып», өздерінің іс-әрекеті үшін ұялатын болады. Жұмыс көп, бірақ сіз шаршамайсыз.
Суқұйғыш
Бос әңгіме көп. Бірақ олардың барлығы сізге ұнайтын болады. Әңгімелескен адамдарыңыз сізге жылулық сыйлайды. Бұрын қарым-қатынастарыңыз дұрыс болмаған жандармен тіл табысасыз.
Балықтар
Ісіңізді алға қарай жылжытуға көмек көрсететін жаңа серіктес табуға және жұмысыңызды жандандыруға қолайлы күн. Сіз кімге арқа сүйеуге болатынын, кімнен бойды алыс ұстау қажет екенін жақсы білесіз.
Аударған Динара МАХАНОВА

Жұлдыздар не дейді?

Kyzylorda-news.kz. ҚР СІМ-нің ресми өкілі Айбек Смадияров «бірқатар мемлекет өз студенттерін Қытай Халық Республикасынан шығарып алып жатыр» деген ақпаратты жоққа шығарды. Ол іс жүзінде Қытай ешбір елге өз азаматтарын әкетуге рұқсат бермегенін айтты, деп хабарлайды&nbsp;<a href="https://kaz.zakon.kz/5004448-aza-stan-ytayda-alyp-oy-an-z.html">zakon.kz</a>.
<blockquote>
 “Жаңа вирус тараған Уханнан бірқатар мемлекет, оның ішінде Өзбекстан мен АҚШ өз азаматтарын эвакуациялағалы жатыр” деген ақпарат БАҚ беттерінде жарияланды.
</blockquote>
ҚР Сыртқы істер министрлігінің ресми өкілі Айбек Смадияров карантин енгізілгенге дейін министрлік осы қаладағы қазақстандықтардың саны туралы ақпарат жинап, түрлі сценарийге дайын болғандығын айтады. Бірақ Қытай билігі Уханды жауып тастап, қазір одан ешкімді шығармай жатыр.
ҚХР-дағы қазақстандық дипломаттар басқа елдердің елшіліктері сияқты қазақстандықтарды эвакуациялау жолдарын қарастыруды бастады. Карантин жариялаған алғашқы күні-ақ олар Қытай тарапына осындай мүмкіншілік беру туралы тиісті хаттар жолдады.
<blockquote>
 «Қытай тарапы әлі ешбір елге мұндай рұқсатты берген жоқ, қалалар карантинге жабылған. Бірақ әр ақпарат өзінше тарауда…», – деп жазды Смиядияров&nbsp;Facebook-тегі парақшасында.
</blockquote>

Қазақстан Қытайда қалып қойған өз азаматтарын неге алып шықпайды?

<a href="https://kyzylorda-news.kz/">Kyzylorda-news.kz.</a> ІІМ басшысының орынбасары бүгін журналистерге Қазақстанда тіркелгеннен кейін ЕАЭО елдерінен әкелінген барлық көліктерге ілу жоспарланған нөмірлік белгілердің алғашқы үлгісін көрсетті. Олар сары түсті және онда өңірлік нөмірдің орнына 18 саны болмақ деп хабарлайды&nbsp;<a href="https://kaz.nur.kz/1838045-kazakstanda-seteldik-klikterge-sary-tsti-nmir-ilinedi.html">KAZ.NUR.KZ</a>.
Сырттан кірген көліктерді 2020 жылдың ақпанына дейін тіркеу үшін қазақстандықтар көліктің барлық құжаттары мен өзінің жеке куәлігін алып мамандандырылған халыққа қызмет көрсету орталығына баруы керек.
Уақытша тіркеуден кейін көлікке сары түсті нөмір ілінеді. Марат Қожаев журналистерге нөмірдің алғашқы үлгісін көрсетті.
Шетелдік көліктерге қазақстандық өңірлік нөмір орнына “18” саны беріледі.
Сонымен бірге, көлік иесінің техникалық құжатында арнайы белгі жасалады. Яғни, тіркеу куәлігінің “«жарамдылық” күнін 2021 жылдың наурызына дейін қояды.
ІІМ айтуынша, “уақытша тіркеу” шетелдік көліктерге арналған Қазақстан президенті тапсырған бір реттік акция.

Қазақстанда шетелдік көліктерге сары түсті нөмір ілінеді

<a href="https://kyzylorda-news.kz/">Kyzylorda-news.kz.</a> Қызылорда қаласындағы А.Байтұрсынов атындағы №211 орта мектебінің ұйымдастыруымен «Мектебім жүрегімнің төріндесің» тақырыбында білім ордасының 30 жылдық мерейтойына арналған салтанатты жиын өтті.
Жиын барысында А.Байтұрсынов атындағы №211 орта мектебінің директоры Ә.Көшкінбаева мектептің 30 жылдық тарихына тоқтала келіп, мектеп ұстаздары мен шәкірттерінің айтулы жетістіктерімен таныстырды.
Шараға Қалалық білім бөлімінің басшысы М.Әбдіхалықова, Қызылорда облыстық білім және ғылым қызметкерлерінің кәсіподақ комитеті төрайымының орынбасары Г.Есқалиева, қалалық мәслихат депутаты М.Кәрімбаев, «Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институтының аға оқытушысы О.Маханбетов және мектеп директорлары, ардагер-ұстаздар, мектеп түлектері қатысты.
Салтанатты жиында мектепте әр жылдары қызмет жасаған басшылар мен ардагер-ұстаздар құттықтау лебіздерін білдірді.
«Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институтының аға оқытушысы, кәсіподақ комитетінің төрағасы О.Маханбетов мектеп ұжымы мен оқушыларды мектептің 30 жылдық мерейтойымен құттықтап, институт тарапынан Алғыс хатпен марапаттады.
<img src="https://kyzylorda-news.kz/wp-content/uploads/2020/01/27bilimordasy2.jpg" alt="" />
<img src="https://kyzylorda-news.kz/wp-content/uploads/2020/01/27bilimordasy3.jpg" alt="" />

Қызылордадағы білім ордасына – 30 жыл

<a href="https://kyzylorda-news.kz/">Kyzylorda-news.kz.</a> Бұл туралы Білім және ғылым министрі Асхат Аймағамбетов өзінің&nbsp;<a href="https://web.facebook.com/askhat.aimagambetov?__tn__=%2CdC-R-R&eid=ARBudckqSnulbIotJVJBbWUVkLy4ZjLftEx8y3CYrpmUqEp4BRlOIBDGJ_jJmwntXPWIWXRU_j6YNtrZ&hc_ref=ARTkfrt-w4dG5IlZMUaV3428B7n25kZTls0SXdekzBNaaOJ5pNVvWZRdeBpd4W38goI&fref=nf">Facebook</a>&nbsp;парағында толық жазды.
Аймағамбетовтың айтуынша, диссертацияны қорғау үшін қажетті басылымдарға қойылатын талаптарды өзгерту бойынша ҚР БҒМ бұйрығының жобасы дайындалды. ҚР БҒМ №127 бұйрығына сәйкес, докторантқа қорғауға шығу үшін міндетті түрде жеті мақала жариялау керек, бұл ретте сапасы бойынша ерекше талаптар қойылмайды.
<blockquote>
 “Нәтижесінде басты назар тек сандық көрсеткішке аударылып, мақалалар сапасы күмәнді журналдарда жариялана бастайды. Кейін ғалымдарымыздың мақалалары халықаралық базалардан шығарылған белгісіз бір журналдарда басылып шыққанда таң қалып жатамыз. Әлбетте, қалыптасқан бұл дәстүрді өзгерту керек. Яғни, сұранысқа ие емес “әлсіз” журналдарда мақалалардың көп жариялануына қарағанда, беделді журналдарда сапалы жарияланымдар аз шыққаны жақсырақ деп анық айтуға болады”, – дейді ол.
</blockquote>
Бұған қоса, диссертациялық кеңес туралы үлгілік ережеге диссертациялық кеңес мүшелеріне қойылатын талаптарды арттыру жөніндегі жаңа норма енгізіледі. Кеңес мүшелерінің кемінде 2/3 бөлігінде Хирш индексі мен рецензияланатын халықаралық ғылыми журналдарда кемінде үш жарияланым болуы тиіс. Әлеуметтік-гуманитарлық бағыттар үшін бұл көрсеткіштер төмен болады.
Сондай-ақ, магистрлік және докторлық диссертациялар жетекшілеріне қойылатын талаптар да өзгереді.
<blockquote>
 “Мәселен, егер бүгінгі таңда докторанттан күшті журналдарда жарияланым талап етілсе, онда ғылыми жетекшінің де осындай жарияланымдары болуы тиіс. Қазіргі уақытта іс жүзінде тиісті талаптар жоқ”, – дейді министр.
</blockquote>

Қазақстанда диссертация қорғау талаптары күшейтіледі

<a href="https://kyzylorda-news.kz/">Kyzylorda-news.kz.</a> Кәсіпкерлер палатасының кездесуі Шиелі ауданында жалғасты. Кәсіпкерлер палатасы директорының орынбасары Қожахмет Ілиясов, бөлім бастығы Ғаухар Елеусінова, аудандық филиал директоры Марлен Нұртазаев шиелілік кәсіп иелеріне Палатаның атқарған жұмысы туралы қысқаша ақпарат беріп, олардың проблемаларын тыңдады.
Жеке балабақша иелері өткен жылдан бері күшіне енген баланы 6 жастан мектепке беру тәртібінен кейін жаңа проблеманың шеті шығып тұрғанын жеткізді. Мемлекет тарапынан субсидия бұрын балабақшадағы 3-6 жас аралығындағы балаға берілсе, қазір 3-5 жас аралығындағы балаларға беріліп жатыр екен. Балабақша иелері қазір аналар ерте жұмысқа шығып кетуіне орай, балаларын балабақшаға 2 жастан беретінін, осыған сәйкес мемлекет тарапынан берілетін субсидия да осы 2 жастан бастап берілсе деген ұсыныстарын жеткізді. Ал мектепте балаларды ыстық тамақпен қамтамасыз етуші кәсіпкерлер мектеп ішінде жалға алынатын орын үшін 12 ай үзіліссіз, мереке, өзге де демалыс күндері үшін де ақша төлейтіндіктерін айтып, осы жағынан құқықтық қолдау көрсетуді сұрады.
Кездесу барысында кәсіппен айналысатын жалғызбасты аналар несие, жер телімін алу, салық төлеу барысында жеңілдіктер жасалса деген тілектерін де жеткізді. Мұнан өзге, шара барысында кәсіпкерлер «Бастау» жобасына, мемлекеттен кәсіпкерлік мақсатта беріліп жатқан қайтарымсыз қаржыға қатысты сауалдарына Палата мамандарынан тиісті жауаптарын алды.
Айта кету керек, Шиеліде жұмыс жасап тұрған кәсіпкерлік субъектілерінің саны 4488. Палатаның аудандық филиалына аудандағы 24 бизнес өкілінен құқығын қорғауды сұраған өтініш түсіп, әр өтінішке сәйкес жұмыс жасалған. Сондай-ақ, аудандық филиалдағы кеңесшілермен өткен жылы кәсіппен айналысуға ниетті 1120 адамға 1900 кеңес беріліп, 550 қызмет көрсетілген. 464 шиелілік азамат «Бастау» жобасы, 140 адам «Бизнес-кеңесші» оқу курсы бойынша оқып, арнайы сертификаттарға ие болды. «Бастаулықтардың» арасында 141 азаматтың жобасы 55,5 млн.теңге қайтарымсыз қаржыға ие болды.

Өткен жылы шиелілік 24 кәсіпкер құқығын қорғауды сұраған

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақовтың төрағалығымен актив отырысы өтті. Аймақ басшысы 24 қаңтарда Нұр-Сұлтан қаласында Президент Қасым-Жомарт Кемелұлы Тоқаевтың төрағалығымен Үкіметтің кеңейтілген отырысында берілген тапсырмалар туралы айтты.
Үкіметтің кеңейтілген отырысында Мемлекет басшысы елдің агроөнеркәсіп кешенін дамытуға жыл сайын бөлінетін қаражаттың көлемінің артуына қарамастан, жалпы ішкі өнімдегі ауыл шаруашылығы үлесінің әлі де төмен (4,5% аспайды) екенін атап өтті.
Облыста өндірілетін жалпы ішкі өнімде ауыл шаруашылығының үлесі 2,5 – 4 пайызға артқан. Аграрлық секторды қолдауға 2019 жылы 14,3 млрд. тг бөлініп, 2018 жылмен салыстырғанда 35% артып, салада өткен жылмен салыстырғанда айтарлықтай өсім қалыптасқан.
Аймақ басшысы агроөнеркәсіп кешенін дамытуда қалыптасқан қарқынды төмендетпей, облыстың жалпы ішкі өніміндегі ауыл шаруашылығы үлесін одан әрі арттыру бойынша тиісті шаралар қабылдауды тапсырды.
<blockquote>
 «Үкімет отырысында Президент ауыл шаруашылығына қатысты, экспорт әлеуетін арттыру және азық-түлікпен қамтамасыз ету мәселесі де толық шешілмегендігін атап өтті. Бұл бағытта да біздің өңірде пәрменді шаралар қолға алынуы тиіс»,- деді облыс әкімі.
</blockquote>
Облысты 2019 жылдың 10 айында 25,6 млн. долларды құрайтын 64,2 мың тонна ауыл шаруашылығы өнімі экспортталған. Оның ішінде өңделген өнім үлесі – 60,1 мың тоннаны құрап, өткен жылдың сәйкес кезеңімен салыстырғанда 6,1% артқан.
Аймақта іске асырылған және жоспарланған серпінді инвестициялық жобалар арқылы жергілікті өнімдердің үлесін арттыру және экспортқа бағытталған өнімдердің көлемін ұлғайту бойынша қажетті шараларды үйлестіру қажет.Сонымен қатар, азық-түлік қауіпсіздігін қамтамасыз ету және әлеуметтік тауарлардың бағасын тұрақтандыру бойынша аймақ басшысы 2020 жылғы 31 наурызға дейін тиісті шаралар қабылдауды тапсырды.
Мемлекет басшысы агроөнеркәсіп кешеніндегі субсидия беру ережелерінің жиі өзгеру салдарынан мемлекеттік қолдау шаралары тиімсіз. Енді, агроөнеркәсіп саласында мемлекеттік қолдаудың негізгі бағыттары мен қолдау тетіктерін Ауыл шаруашылығы министрлігі айқындайтыны айтылды.
Осы ретте өңір басшысы аймақтың ауыл шаруашылығы саласының ерекшелігі мен басымдықтарын ескеріп, бөлінетін тиісті қаражаттың уақытылы алынуын бақылауға алуды тапсырды.

Қызылорда облысында өткен жылы 64,2 мың тонна ауыл шаруашылығы өнімі экспортталған

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Кітап оқу мектеп оқушыларының тұлғалық құзіреттілігін қалай дамыта алады? Бұл сұрақ бойынша бүгін аймақтағы орта білім беретін мектептердің кітапханашылары өзара талқылау жүргізіп, шешу жолдарын қарастырды.
Назарбаев Зияткерлік мектебінің кітапхана қызметі мен мектеп жатақханасының оқытушылары бірлесіп ұйымдастырған кезекті облыстық семинарда көптеген жобалар арқылы оқушылардың ақпараттық және танымдық дағдыларын дамытуға бағытталған&nbsp;жұмыс тәжірибелерімен бөлісті.
Сондай-ақ, ұйымдастырушылар көрнекі оқулықтар балалардың шығармашылығын қалай дамыта алатыны туралы сөз қозғап, білім алушылардың көшбасшылық қасиеттерін қалыптастыруға бағытталған ойын тформатындағы тың әдістерімен таныстырды. Сонымен қатар, семинарға қатысушылар ZipGrade онлайн қосымшасы арқылы оқырмандарға тест тапсырмаларын дайындау тәсілдерін меңгерді.
Айта кету керек, бұл семинарға Жалағаш, Арал, Қазалы, Жаңақорған және Шиелі аудандарынан барлығы 30-дан астам мектеп кітапханашылары қатысып, заманауи кітапхананың жаңаша қызметі аясында білімдерін толықтырды.
<img src="https://kyzylorda-news.kz/wp-content/uploads/2020/01/27kitapkhana2.jpg" alt="" />
<img src="https://kyzylorda-news.kz/wp-content/uploads/2020/01/27kitapkhana3.jpg" alt="" />

Қызылорда облысының кітапханашылары бас қосты

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақовтың төрағалығымен актив отырысы өтті. Аймақ басшысы 24 қаңтарда Нұр-Сұлтан қаласында Президент Қасым-Жомарт Кемелұлы Тоқаевтың төрағалығымен Үкіметтің кеңейтілген отырысында берілген тапсырмалар туралы айтты.
Облыс әкімі индустриялық-инновациялық даму басқармасына, тиісті салалар бойынша тартылуы қажет инвестиция көлемін жинақтап, 2020 жылғы 7 ақпанға дейін бекітуге ұсынуды тапсырды.
<blockquote>
 “Инвестиция тартуда индустрияландыру бағдарламасы “магнит” болуы қажет. Биыл индустрияландыру бағдарламасының үшінші бесжылдығына аяқ бастық. Индустриялық-инновациялық даму басқармасына жоба бастамашысы “Орда гласс” ЖШС-мен бірлесіп, өңіріміздегі ірі жобалардың бірі – шыны зауытының биылғы жылы екінші жарты жылдықта іске қосылуы үшін тиісті жұмыстарды үйлестіріп, жүзеге асыруды тапсырамын”,- деді облыс әкімі Қ.Ысқақов.
</blockquote>
Үкіметтің кеңейтілген отырысында Мемлекет басшысы кәсіпкерлерді қорғайтын және дамытатын, экспорт нарығына жол ашатын, өнімділікті ұлғайтып, қазақстандық өнімдердің сапасы мен бәсекеге қабілеттілігін арттыратын тиімді өнеркәсіп саясатын, сонымен қатар, ашық әрі прагматикалық салықтық-бюджеттік саясат қалыптастыру керектігін айтты.
Өткен жылы кәсіпкерлікті дамытуда әртүрлі қаржы көздерінен 44 млрд. теңге бөлініп, 3 мыңнан аса жұмыссыз азаматтарға қайтарымсыз гранттар, өткен жылы 1,5 мыңға жуық азаматқа шағын несиелер беріліп олардың кәсіптерін ашуға қолдау жасалды.
<blockquote>
 “Екінші деңгейлі банктер арқылы тұрақты бизнеске 26,8 млрд. теңге, оның ішінде мемлекеттік бағдарламалар аясында 5,6 млрд. теңге қаражат бағытталған. Биылғы жылы да кәсіпкерлік саласын дамытуға әртүрлі көздерден бастапқы кезде 38 млрд. теңгеге жуық қаражат тарту көзделуде. Бұл қаржы жыл соңына дейін ұлғайтылады. Өнімділікті ұлғайту, қазақстандық өнімдердің сапасы мен бәсекеге қабілеттілігін арттыратын тиімді өнеркәсіп саясатын қалыптастыру мақсатында қаражаттың басым бөлігін жаңа өндіріс көздерін ашуға бағыттауды тапсырамын.Сонымен қатар, биылдан бастап микро және шағын бизнес салықтан және арнайы тексерулерден босатылып отыр. Бұл өңір кәсіпкерлері үшін үлкен мүмкіндік”,- деді облыс әкімі Қ.Ысқақов.
</blockquote>

Қазақстан және Қызылорда облысының жаңалықтары