<a href="https://kyzylorda-news.kz/">Kyzylorda-news.kz.</a> Қазгидромет 2 сәуірге арналған ауа райы болжамын ұсынады.
Республиканың басым бөлігінде атмосфералық ауа ағындардың өтуіне байланысты оңтүстік-шығыста түнде және таңертең таулы аймақтарда қатты жаңбыр, солтүстікте түнде жауын-шашын (жаңбыр, қар) жауады, тек батыста жауын-шашынсыз ауа-райы күтіледі.
Республика бойынша кей жерлерде тұман, желдің күшеюі, оңтүстік-шығыста найзағай күтіледі.
Қызылорда облысының кей жерлерінде тұман түседі, желдің жылдамдығы 15-20, күндіз екпіні 23-28 м/с жетеді.

Ауа райы: Қызылорда облысында тұман түсіп, жел соғады

1992 жылы&nbsp;БҰҰ Бас Ассамблеясының 46-шы сессиясының пленарлық мәжілісінде Қазақстан Республикасы Біріккен Ұлттар Ұйымына мүшелікке кірді. Шешім дауысқа салынбай, бірауыздан мақұлдау негізінде қабылданды. Қазақстан Республикасы БҰҰ-ға мүшелікке қабылданғаннан кейін, бірден Тынық мұхиты және Азия аймақтары Экономикалық және Әлеуметтік Комиссиясының мүшелігіне өтті.
1992 жылы&nbsp;Алматыда Қазақстан Республикасының Президенті Нұрсұлтан Назарбаев Түркияның сыртқы істер министрі Хикмет Четин бастаған үкіметтік делегациясын қабылдады. Өзара мүдделі мәселелер бойынша ауқымды келіссөздер жүргізілді. Сол күні екі елдің сыртқы саяси ведомстволарының басшылары Дипломатиялық қарым-қатынастар орнатылғаны туралы хаттамаға және өзара теңдік негізінде екі елдің азаматтарын кіру-шығу визаларынан босату туралы Келісімге қол қойды.
1999 жылы&nbsp;Қазақстан Гидрометеорология қызметіне «Қазгидромет» республикалық мемлекеттік кәсіпорны (РМК) мәртебесі берілді.
1922 жылдың қаңтарында негізі қаланған «Қазгидромет» 190 елдің қызметтерімен бірге Бүкіләлемдік метеорология ұйымының құрамына кіреді.
2010 жылы&nbsp;Париждегі ЮНЕСКО-ның штаб-пәтерінде Қазақстан Республикасының Президенті Н.Ә. Назарбаевтың бастамасымен Халықаралық мәдениеттердің жақындасуы жылының салтанатты ашылу рәсімі болды.
2010 жылы&nbsp;Қазақстан Республикасының Ұлттық банкі номиналы 100 теңгелік «Барыс» монетасын айналымға шығарды. Монетаның бет жағының орталық бөлігіндегі ою-өрнектің аясында Қазақстанның елтаңбасы бейнеленген. Төменгі бөлігінде «100 ТЕҢГЕ» деген жазумен оның номиналы басылған. Сондай-ақ оның сол жағында Қазақстан теңге сарайының тауар белгісі және монета дайындалған металдың сынамын білдіретін (Ag 925) белгі жазылған, ал оң жағында оның салмағын айқындайтын (31,1 gr) белгі басылған. Мұнымен қоса монетаның сыртқы бетінде тау шатқалының бейнесінде екі барыстың суреті бейнеленіп отыр. Монета 925 сынамалы күмістен дайындалған. Диаметрі 38,67 мм, таралымы 7000 дана (3 мың данасы еліміздің ішкі нарығы үшін).

2 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 2 сәуірге арналған жұлдыз-жорамалы.
Тоқты
Табысты күн. Өзіңізді жақсы қырыңыздан танытып, жаныңыздағы адамдарға өзіңіз туралы жағымды пікір қалыптастырасыз. Ақшаңызға абай болыңыз. Қарызға бермеңіз. Көп шығындалып қалудан сақтаныңыз. 
Торпақ
Бүгін қуанасыз. Өзіңізді мақтан тұтып, жеңістеріңіз туралы айтып мақтанатын боласыз. Сіздің табыстылғыңыздың сырын білгісі келетіндер көп. Бірігіп жұмыс жасағысы келетіндер ұсыныс та жасайды. Бүгін қонақ күтетін күн. 
Егіздер
Қолға алған әрбір ісіңізге мұқият болыңыз. Ойланбай жасаған қадамдарыңыз қиындық туғызады. Бағалы бұйымдар, құжаттар және қаражатыңызға сақ болыңыз. Жоғалтып алу қаупі бар. Ескі достарыңыздың ақыл-кеңесіне құлақ түріңіз. 
Шаян
Алыстан хабар келеді. Оның қаншалықты маңызды екенін кейін түсінетін боласыз. маңызды шаруалар мен өз жауапкершілігіңізге алған кездесулерді түскі уақытқа белгілемегеніңіз жөн. Кешке қарай айналаңыздағылармен тіл табысуыңыз оңай болады. &nbsp; 
Арыстан
Сәтті күн. Қызықты ұсыныстар түсіп, өз ісіңізге қатысты пайдалы кеңестер аласыз. Сонымен қатар кейбір жандар қызметтік сатыда жоғарылайды. Өз ойларыңыздан, жоспарларыңыздан бас тартпаңыз. 
Бикеш
Айналаңыздағылармен қарым-қатынасыңыз жақсара түспек. Өзіңізге қымбат жандармен ашық пікірлесіп, өз ойыңызды жеткізесіз. Сондай-ақ бұрын кикілжіңде болған жандармен тіл табысасыз. 
Таразы
Бүгінгі күн сіз жоспарлағандай болмайды. Сондықтан барлық жоспарыңызды өзгерткеніңіз жөн. Бірақ оған бола еңсеңізді түсірмейсіз. Ескі достармен хабарласып қойыңыз. Олар өздерінің қызықты ақпараттарімен бөлісетін болады. 
Сарышаян
Көп істе табысқа қол жеткізуге болады. Жаңа іс бастамас бұрын, бұған дейін қолға алған ісіңізді аяқтаңыз. Шешім қабылдар кезде өзгелердің ақыл-кеңесіне құлақ түргеннен гөрі, өз ақылыңызға жүгініңіз.
Мерген
Тез қимылдаңыз. Барлық жағынан да үлгеруіңіз керек. Көп меселенің түйінін жүгіріп жүріп шешесіз. Өйткені уақыт тапшы. Кейбір мәселелерді шешуде ескі таныстарыңыз көмек көрсетеді. Ал маңыздыларына өзіңіз бас қатырасыз. &nbsp; 
Тауешкі
Күтпеген жаңалықтар болады. Сондай-ақ бүгін сізді қызықты тосынсыйлар күтіп тұр. Кейбір шаруалар мен кездесулерді кейінге қалдырасыз. Алдыңыздан жаңа мүмкіндіктер шығып, оларды пайдалануға тырысасыз. 
Суқұйғыш
Асықпаңыз. Туындаған кикілжіңдерді шешіп, бастаған істі соңына дейін жеткізіп, көптен бері мазалап жүрген сауалдарға жауап табасыз. Маңызды жұмыспен айналысасыз. Жаныңызда көмекшілеріңіз көп болғаны дұрыс. 
Балықтар
Табандылық танытсаңыз, табысқа қол жеткізесіз. Табысқа жету кезінде өз жолыңызбен жүріңіз. Өзгелердің мықты тәжірибелерінің өзі сізге сәттілік әкелмеуі мүмкін. сондықтан мақсатқа жету үшін өз жолыңызды таба біліңіз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Сырбойылық зиялы қауым өкілдері облыс тұрғындарын сабырға шақырып, хат жазды. Облыс тұрғындарына арналған үндеудің толық нұсқасын төменде ұсынып отырмыз.
Мынау індеттің таралуы бір елдің, бір жұрттың басындағы ауырлық емес, күллі адам баласын алаңдатқан ахуал. Халқымыз сындарлы шақта келген қауіпті ауызбірлікпен, тәртіпке бағынған анық іспен аластаған. «Төртеу түгел болса, төбедегі келеді» деген даналықтың түп мәніне бойлай білгуге тиіспіз. «Төбе» деп отырғаны – Жаратаушының жарылқауы. Бүгінгі күні бізге жақсы сөз айтып, ниетімізді жақсылыққа бұрудың маңызы зор. «Ауызбен орақ орғанның белі ауырмайды» деген, әр жерден шыққан әсіре ақпаратқа сенбейік, бойымызды үрейге алдырмайық, болып жатқан жағдайға сауатты көзқараспен, салауатты санамен байып жасайық.
Облыс әкімі Гүлшара Әбдіқалықованың аймақта короновирус індетінен қалыптасқан жағдайға байланысты тұрғындарға үндеу жариялағанын бәріңіз білесіздер. Үндеуде: «Короновирус індеті таралуының алдын-алу талаптарын қатаң сақтауға тиіспіз. Қазір кез келген адам вирус жұқтыруы мүмкін. Барлық тұрғындар дерттен оқшауланғаны дұрыс. Елді&nbsp;жөнсіз дүрліктірмес үшін ресми&nbsp;ақпараттарға сүйенуіміз қажет. Төтенше жағдай талаптарын бұзғандарға заң аясында қатаң шаралар қолданылатынын ескертемін», – деп атап өтті аймақ басшысы. «Тәртіпке бағынған құл болмайды» дейді Бауыржан атамыз. Бізге – қала, аймақ тұрғындарына дәл осы сәтте заңға бағынып, тәртіпке мойынсұнып, үйде отыру ең абзал іс болмақ. Бұл өз басымыңыздың қауіпсіздігі ғана емес, қоғамға деген құрмет екенін түсінетін боларсыз.
Ақпарат көздерінен хабардар болып отырғанымыздай, облыс, қала басшылығы ат үстінде жүр. Облыс орталығы мен аудандар тосқауыл бекеттер арқылы жабылып, әскерилер, медица қызметкерлері, әкімшілік, кәсіпкерлік өкілдері күн-түні күзет басында қалып отыр.
Коронавирус – құрбанын алғанда ғана көрінетін, асынған қаруын жасырып келген жау. Біздің аталарымыз талай соғысты бастан өткеріп, жан берді. Қазір халықты қауіпсіз баспасына отырғызып, қауырт іс істінде жүрген қызмет адамдары – бүгінгі күннің батырлары. Үйде отырғандар мен онлайн жұмыс тәсіліндегілерге қарағанда оларға «жаудың» оғына ұшырау қаупі сәт сайын төніп тұр. Қарапайым жұрт ат үстіндегі ел ағалары мен жанкешті қызметкерлердің, антына адал дәрігерлердің осы еңбегін бағалауы керек. Бұл баға олардың тәртіпке бағынып, ережені бұзбауы болмақ.
Өкінішке қарай, ауданаралық жолдардағы бекеттерді айналып өтушілер мен кісі басын жинап, тіршілік түйткілі толас таппай отырғандар да кездеседі. Бүкіл қоғам болып қолы ұзын індеттің аяғын қысқарта алмай жатқанда, жер астынан жік шыққандай бұлардыкі қандай ақылға сыятын іс? Осы жайлы естігенде біз оларды есіктегі жауды төрге шығарғандар немесе ел мүддесін ескермеген есерлер деп есептеуге мәжбүрміз.
Құрметті Сыр елінің игі-жақсылары, бүгінгі сәт ел болашағына жаны ашитын әр азаматтың сабырды сауыт, ақылды қорған қылатын кезеңі.
Қатаң да болса ережеге сай іс қылайық, бұл да өтпелі кезең, «күн жаманы кетеді» деген қазақ. Жайдары, жақсы күндерге бірге жету үшін, қай кезде де бірге болғанымыз абзал, ағайын.
Құрметпен, бір топ қызылордалық зиялы қауым өкілдері.

Сырбойылық зиялы қауым өкілдері облыс тұрғындарын сабырға шақырды

<a href="https://kyzylorda-news.kz/">Kyzylorda-news.kz.</a> Қасым-Жомарт Кемелұлы әулетінің тарихының өзі сынаққа толы. Осыған дейін жүріп өткен жолымен танысқан адамның бей-жай қалмасы анық. Әке мен шешеден, бауырларынан айрылып, соңында Қасым мен Кемелдің соғыс басталып, бір-бірінен ажырайын деп тұрған сәттер төбе-құйқаңды шымырлатады.
Сол майдан даласында хабарсыз кеткен Қасым ағасының атын ұлының есіміне ендіріп жіберген Кемел ақсақалдың арманы орындалды.
Осы тақырыпта жазған Ұларбек Нұрғалымұлының “Тағдыр мен майдан” деген кітабын оқып отырып көп нәрсеге көзің жетеді.
Айтайын дегенім – әулетінің де, елінің де тарихы түрлі нәубет сынақтарға тіреліп, сол сынақтардан сүрінбей сабырлы, байсалды қалпынан таймай өткен салмақты саясаткер тағы да үлкен сынның алдында тұр.
Ел тізгінін қолға алғаннан бері оңай болып жатқан жоқ. Түрлі мәселелер елде де, әлемде де мүлде басқа сипат алып, күннен-күнге күрделеніп барады.
“Түйені жел шайқаса, ешкіні аспаннан ізде” дегендей, небір алпауыт мемлекеттер теңселіп тұрған бұл кезең бізге оңай тимейтіні анық.
Алла сақтасын, жұт жеті ағайынды.
Мемлекет басшысы мүмкіндігінше барын салып дағдарысқа қарсы, пандемияға қарсы шараларды қолға алып жатыр. Осындайда енді біз де ел болып бірігіп, жұрт болып жұмылатын шақта бір-бірімізді етектен тартқылап, есеп түгендемей, бірігу қажет деп ойлаймын.
Алла көріп тұр ғой, бұл жағымпаздықпен айтылған сөз емес, оған мен де ол кісі де зәру емес. Тырнаққа ілініп зорға тұрған осындай шақта тырнақ астынан кір іздей бермей, ортақ мақсатқа, игілікке ұмтылайық.
Біздің халықтың жәй күндері басшы, қосшы, би, батыр, бала, келін, ақсақал, ене болып бөлек-бөлек міндет атқарып жүргенімен жау келгенде бәрі жауынгерге айналып кететін қасиеті бар.
“Тәңір асыраған тоқтыны қасқыр жемейді” деген, осы алып империялардың ортасынан қазақты қалқайтып аман алып келе жатқан ақ пейілі мен мейірімі, иман сабыры шығар.
Алла адамзат баласын, Алаш жұртын амандықта қылғай!
Мұхтар НИЯЗОВ,
айтыскер ақын

Мұхтар Ниязов: &#8220;Бізге дәл қазіргі сәтте бірігу қажет&#8221;

<a href="https://kyzylorda-news.kz/">Kyzylorda-news.kz</a>. Аймақ басшысы Гүлшара Әбдіқалықова облыстық Әйелдер кеңесінің төрайымы Райкүл Байназарованы қабылдады.
Кездесуде нәзік жандылардың қоғамдағы рөлі мен құқықтары және өңірдің әлеуметтік-экономикалық дамуы тұрғысында мәселелер талқыланды.
Облыстық әйелдер кеңесі 2015 жылы облыс әкімі жанындағы әйелдер істері және отбасылық-демографиялық саясат жөніндегі комиссияның ұсынысымен құрылған. Аудандарда өкілдіктері жұмыс істейді.
«Біз қашанда қыз-келіншектерді қолдауға әзірміз. Ел болып коронавирус індетін еңсерсек, сіздермен бірге «Зорлық-зомбылыққа қарсы», «Отбасы» пилоттық жобасы аясында бірге жұмыс істейміз деп сенемін», – деді облыс әкімі.
Кеңестің мақсаты – отбасы құндылықтарын насихаттау, белсенді әйелдер қауымымен тығыз байланыс орнату. Мемлекеттік әлеуметтік тапсырыс негізінде рухани танымдық шаралар ұйымдастырып, қоғамдағы қазақ әйелдерінің образын қалыптастыру да қоғамдық ұйымның міндеттеріне кіреді. Сондай-ақ, облыстық әйелдер кеңесінің төрайымы Райкүл Байназарова көп балалы аналарға қолдау көрсетіп, мемлекеттік марапаттарға ұсыну бағытында жұмыс істейтінін айтты.
Облыста 19 мың көпбалалы аналар бар. Оның 17 мыңы алтын мен күміс алқа иегерлері.
Кеңес төрайымы аймақ басшысының Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрағасы қызметінде сырбойлық қыз-келіншектерге ерекше қолдау көрсеткенін және гендірлік саясаттың дамуына игі ықпал еткенін атап өтті.
<img src="https://kyzylorda-news.kz/wp-content/uploads/2020/04/bajnazarova-ishine.jpeg" alt="" />

Гүлшара Әбдіқалықова Райкүл Байназарованы қабылдады

<a href="https://kyzylorda-news.kz/">Kyzylorda-news.kz</a>. Қазақстанда коронавирус инфекциясынан қайтыс болғандарды жерлеу алгоритмі жарияланды. Бұл туралы ҚР Бас санитарлық дәрігері Айжан Есмағамбетова&nbsp;жаңа қаулысында&nbsp;тапсырма берді.
<blockquote>
 «Алгоритмге сәйкес, мәйітті туыстарына беруге болмайды. Жақын туыстарға ғана 3 метр қашықтықта қоштасуға 30 минут уақыт беріледі. Жерлеу рәсіміне бір ғана діни қызметкер қатысады», – деді бас санитарлық дәрігер Орталық коммуникациялар қызметіндегі брифингіде.
</blockquote>
Оның айтуынша, жерлеу рәсімі санитарлық-эпидемиялық қызметтің қызметкердің бақылауымен және жергілікті атқарушы органның қатысуымен өтеді және эпидемияға қарсы барлық шаралар қатаң сақталады.
Еске сала кетсек, аталған қаулының қосымшасына сәйкес, COVID-19-ға күдікті адам қайтыс болғанда эпидемиологиялық тексеру және осы жағдайға байланысты басқа да іс-шаралар эпидемияға қарсы режім талаптарын сақтай отырып тез арада жүргізіледі.

Коронавирустан қайтыс болғандармен қоштасуға 30 минут уақыт беріледі

<a href="https://kyzylorda-news.kz/">Kyzylorda-news.kz</a>. Өзгеге қол ұшын созу, кез келгенді құдайы қонақ деп қабылдап, асарлату – біздің қанға сіңген қасиет. Әрі ол қоғамды өркениетке бастайтын ниеті оң, жүрегі кең адамдардың жұмысы. Бұл бүгінде заманның көшіне еріп, талапқа сай түрленіп, волонтерлік деген атауға ие болды. Президент те биыл оған ерекше пәрмен берді. Еліміздің түкпір-түкпірінде ауқымды істер іске асырылды. Сыр еріктілері де жұмыла көтерген жүктің жеңіл болатынын дәлелдеуде. Жуырда облыстық «Жастар ресурстық орталығы» КММ директоры Бауыржан Мастековпен атаулы жылда қолға алынған бастамалар мен алға межеленген жоспарлар жайын тарқатқан едік.
– Бауыржан Қайырбекұлы, алдымен нақты статистиканы сөйлетсек. Бүгінде облыс бойынша қанша жас бар? Соның ішінде волонтер ретінде тіркелгені қанша?
– Бізде 188 790 жас бар. Оның ішінде қала жастары 41,4 процентті, ал ауыл жастары 58,6-ді құрайды. Ресми еріктілер ұйымдарына тіркелгендер саны 10 мыңға жуықтады.
– «Еріктілер жылы» несімен ерекшеленуде? Аз уақыт ішінде қандай шаруа атқарылды және алға қойылған мақсат қайсы?
– Айтулы жыл аясындағы шаралар ауқымды. Мемлекет басшысы Қасым-Жомарт Кемелұлы жылдың ашылуына өзі арнайы қатысып, жаңа жобаларға дем берілетінін айтты. Аталған жиынға біздің облыстан 30-дан астам делегат қатысып, жақсы әсермен оралды. Республика бойынша алғашқылардың бірі болып бізде, яғни орталық жанынан «Волонтерлар штабы» құрылды. Қазіргі таңда штаб 7 бағыт бойынша қарқынды жұмыс жүргізіп келеді. Олардың қатарында «Құқықтық кеңес», «Ардагерлерді ардақтайық!», «Іздестіру» және тағы да басқа акциялар мен волонтерлық қозғалыстар бар. Жалпыұлттық «Біз біргеміз» челленджі, бірқатар еріктіліктің жарқын жобалары да жүзеге асты. Жалпы, еріктілердің мақсаты мен қоғамдағы миссиясы жалғыз. Ол – көмек беру, қоғамға пайдасын тигізу.
– Қазіргі таңда елде төтенше жағдай жарияланғалы белгілі. Әлеуметтік желіні парақтасақ, Сыр еріктілері осындай қысылтаяң шақта да тұрғындарға қол созып, індетпен күреске өзіндік үлес қосып жүр екен…
– Төтенше жағдайға байланысты бізде бірқатар шаралар тоқтатылды. Бүгінде волонтерлық негіздегі жұмыстарды қашықтықтан жүзеге асыру бойынша арнайы жоспар түзіп, жұмыс атқарудамыз. Соның ішінде көркемсөз оқу бейнебайқауын, қашықтықтан оқытатын «Қолжетімді ағылшын» жобасын іске қостық. Электронды оқулық платформалары арқылы «ҰБТ-ға дайындық шеберлік сабақтары», «Математика онлайн», «Спорт онлайн» сабақтары жүргізілуде. Бір сөзбен айтқанда, біз «Bilim» бағыты бойынша үздік ұстаздар арасынан ерікті түрде онлайн режимде сабақ беруге келіскен оқытушыларға барлық мүмкіндіктерді қарастырудамыз. Еріктілер қашан да елмен бірге. Сын сағатта жұмылып, көмек көрсетуге де даяр. Мәселен, қазір «Сабақтастық» бағыты бойынша олар тұрғындарға 28736 дана медициналық бетперде мен 1000-ға жуық антисептикалық құрал таратты. Әлеуметтік азық-түлік тауарларымен қамтамасыз етуде үлесі бар. Олар аймақтағы блок бекеттерде жұмыс жасап жатқан дәрігерлер мен полиция қызметкерлеріне де көмек көрсету жұмыстарына атсалысуда.
– Еріктілердің елге көмегі көп. Ал, оларды қандай да бір ынталандыру шаралары қолға алынған ба?
– Сыр еріктілерінің атқарар шаруасы әлі алда. Жастар жаңа жобаларды жетілдіріп, қоғамға пайда тигізуге асық. Бірақ, еңбек бағаланған кезде ғана нәтиже болады. Тым болмағанда қандай да бір негіздегі қолдау қажет екені сөзсіз. Қазір Үкімет тарапынан, жергілікті атқарушы билік тарапынан оларды ынталандырудың жаңа тәсілдері қарастырылуда. Елдегі төтенше жағдай шешімін тапқаннан кейін бұл мәселе де елеусіз қалмайды.
– Әдетте волонтер дегенде ең бірінші көз алдымызға үлкен мерекелердегі, мәдени шаралардағы және флэшмобтағы сабақтан еркінен тыс босатылған студенттер мен оқушылар елестейтіні жасырын емес. Сол көзқарастан қалай арылуға болады?
– Еріктілердің көбі жастар санатынан. Ерікті түрде волонтер атану да жастардың таңдауы, солардың ынтасы. Олар бұл шараларға өз қалауымен ғана қатыса алады. Бұл пікір әлі д еріктілікке ынталандыру, волонтерлік мәдениет туралы таным, түсініктің толық қалыптасуын қажет ететінін көрсетеді деп білемін.
– Сіздің ойыңызша, волонтерлар саналы қоғам жасай алады ма?
– Волонтерлік қызмет – өз еркіңмен баратын жүректің жұмысы. Ал, жүректің жұмысы жанданса, қоғам өркениетке өздігінен қадам басады.
– Волонтер болу үшін не істеу қажет?
– Еріктілік – бұл ұстаным, бұл болмыс. Ол үшін қоғамдағы келеңсіздіктерге бейжай қарай алмайтын азаматтық ұстаным керек. Ең бастысы – жақсылық жасауға деген ынта мен ниет.
– Сұхбатыңызға рахмет!
<img src="https://kyzylorda-news.kz/wp-content/uploads/2020/04/mastekov-kaz-1.jpg" alt="" />
<img src="https://kyzylorda-news.kz/wp-content/uploads/2020/04/mastekov-kaz-2.jpg" alt="" />
<img src="https://kyzylorda-news.kz/wp-content/uploads/2020/04/mastekov-kaz-3-scaled.jpg" alt="" />

Бауыржан Мастеков: Сыр еріктілері елмен бірге екендігін күн сайын дәлелдеп келеді

<a href="https://kyzylorda-news.kz/">Kyzylorda-news.kz.</a> Білім министрлігі әзірге ұлттық бірыңғай тестілеудің мерзімін ауыстыруды көздеп отырған жоқ. Бірақ нақты шешім мамыр айына қарай, елдегі эпидемиологиялық ахуалға байланысты қабылданады. Бұл туралы білім және ғылым министрі Асхат Аймағамбетов мәлімдеді.
<blockquote>
 «ҰБТ мерзімі, өздеріңіз білесіздер, маусым айының соңында. Сондықтан бүгінгі күні оны әрі қарай ауыстыру туралы мәселе жоқ. Әзірге ешқандай өзгеріс жоқ. Мамыр айына қарай эпидемиологиялық жағдайға байланысты нақты шешім қабылдаймыз», – деді Аймағамбетов онлайн брифингте.
</blockquote>
Министр қазір оқушыларға ҰБТ бойынша сынама тестерін ақысыз тапсыруға мүмкіндік берілгенін атап өтті. Тестердің жетпіс нұсқасы ұлттық бірыңғай тестілеу орталығының сайтында жарияланған.
Айта кетсек, төтенше жағдайға байланысты қазақстандық оқушылар 16 наурыздан 5 сәуірге дейін демалысқа шықты. Төртінші тоқсан алтыншы сәуірден басталады. Оқушылар қашықтан оқыту режиміне көшеді.
Карантин жағдайында қашықтан оқыту «Ел арна», «Балапан» телеарналары, «Qazaq radiosy», интернет ресурстар мен пошта арқылы жүргізіледі.

Төтенше жағдайға байланысты ҰБТ кейінге шегеріле ме?

<a href="https://kyzylorda-news.kz/">Kyzylorda-news.kz.</a> Мемлекет басшысының өкімімен Бахытжан Билялұлы Намаев Қазақстан Республикасы Президентінің «Байқоңыр» кешеніндегі арнаулы өкілі қызметінен босатылды, деп хабарлайды Ақорданың&nbsp;<a href="https://www.akorda.kz/kz/legal_acts/bylaws/memleket-basshysynyn-okimimen-bahytzhan-bilyaluly-namaev-kazakstan-respublikasy-prezidentinin-baikonyr-keshenindegi-arnauly-okili-kyzmetinen">баспасөз</a>&nbsp;қызметі.

ҚР Президентінің «Байқоңыр» кешеніндегі арнаулы өкілі қызметінен босатылды

<a href="https://kyzylorda-news.kz/">Kyzylorda-news.kz.</a> Мемлекет басшысы елімізді дүрбелеңге салған коронавирус індетіне байланысты Қазақстан халқына мәлімдеме жасады. Президент өз мәлімдемесінде халқымыздың көкейіндегі сан қырлы сұрақтарға жауап берді.
Елімізге төнген қиын кезеңде елді бірлік пен ауызбіршілікке шақыра отырып, мемлекет тарапынан барлық қолдау көрсетілетінін нақтылады. Оған Қасым-Жомарт Кемелұлының «Біз, мемлекет және қоғам болып барша азаматтарымызға қолдау көрсетеміз, ешкімді көмексіз қалдырмаймыз» – деген сөзі айқын дәлел.
Сонымен бірге, Мемлекет басшысы әлеуметтік сала бойынша көрсетілетін көмектер мен үстемақылар жайында ашып айтты. Бұл әрине, қазіргі қысылтаяң кезеңде еліміз үшін қажетті шаралар екендігі анық. Бір-бірімізге көрсеткен қолдауымыз бен ауызбіршілігіміздің арқасында қазақ елі бұл ауыр індетті де жеңіп шығары сөзсіз. Біріккен елдің алмас қамалы жоқ, бұл кезең де артта қалатынына сенеміз.
Әрдайым бірлікте болып, сақтық шараларын қатаң ұстанайық!
Бейбіткүл КӘРІМОВА,
Қорқыт Ата атындағы ҚМУ ректоры

Бейбіткүл Кәрімова: «Президент тапсырмасы – қысылтаяң кезеңде еліміз үшін өте қажетті шаралар»

<a href="https://kyzylorda-news.kz/">Kyzylorda-news.kz.</a> Сыр өңірі – небір термеге тербелген ел. Қаншама жырау өтті. Сыр сүлейлері деп бәрін мақтан тұтамыз! Сол ақын, жырау, термешілерді жұрт құлақпен тыңдап, жүрекпен ұғатын.
Сырдың халқы сөзге тоқтаған, аталы сөзге құлақ асқан, әлі күнге шейін Сөз қадірін терең сезінеді деп келеміз. Осы байлам жоққа шыққан сияқты ма қалай?
Соңғы бірнеше күнде жұқпалы дерт бірден көбейіп шыға келді. Үйде отыр, жақындарыңды жақсы көрсең сыртқа шықпа, абайла деген ескертпе күнде айтылып жатыр.
Қызылордалық бауырлар! Сіздерге не болды? АҚШ-қа жеткен індет Ақмешіт пен Аралды айналып өтеді деймісіздер? Хорасанға жеткен індет біздің Хорасан бабамыз мәңгі тұрақ тапқан ауданды айналып кетеді деп ойлайсыздар ма? Шиелі, Сырдария, Жалағаш, Қармақшы, Қазалы аудандарын аттап кетеді деп қай қиялдарыңыз айтады?!.
Тұрмағамбет, Нұртуған, Нартай ақындардың жыр-термелерін тыңдап өскендеріңіз рас болса, Сырдарияның бойындағы қалың елді – өз ағайын, туыс-тумаларыңызды жақсы көретіндеріңіз рас болса, туған еліміз – Қазақстанды сүйетіндеріңіз рас болса – сабыр сақтап, сақтық шараларын жасауларыңызды сұраймын!
Елдікті сақтау – ерлік!
Елдің амандығын сақтау – екі есе ерлік!
Ел аман болсын десек – ессіз жүрістен, есалаң тірліктен тыйылып, Тазалық пен Тәртіпті сақтайық!
Нұртөре ЖҮСІП,
ҚР Парламенті Сенатының депутаты

Қазақстан және Қызылорда облысының жаңалықтары

Ауа райы: Қызылорда облысында тұман түсіп, жел соғады

2 сәуір: Атаулы күндер мен оқиғалар

Жұлдыздар не дейді?

Сырбойылық зиялы қауым өкілдері облыс тұрғындарын сабырға шақырды

Мұхтар Ниязов: “Бізге дәл қазіргі сәтте бірігу қажет”

Гүлшара Әбдіқалықова Райкүл Байназарованы қабылдады

Коронавирустан қайтыс болғандармен қоштасуға 30 минут уақыт беріледі

Бауыржан Мастеков: Сыр еріктілері елмен бірге екендігін күн сайын дәлелдеп келеді

Төтенше жағдайға байланысты ҰБТ кейінге шегеріле ме?

ҚР Президентінің «Байқоңыр» кешеніндегі арнаулы өкілі қызметінен босатылды

Бейбіткүл Кәрімова: «Президент тапсырмасы – қысылтаяң кезеңде еліміз үшін өте қажетті шаралар»

Нұртөре Жүсіп: Ел аман болсын десек – ессіз жүрістен, есалаң тірліктен тыйылу қажет

Қазақстан және Қызылорда облысының жаңалықтары

Ауа райы: Қызылорда облысында тұман түсіп, жел соғады

2 сәуір: Атаулы күндер мен оқиғалар

Жұлдыздар не дейді?

Сырбойылық зиялы қауым өкілдері облыс тұрғындарын сабырға шақырды

Мұхтар Ниязов: &#8220;Бізге дәл қазіргі сәтте бірігу қажет&#8221;

Гүлшара Әбдіқалықова Райкүл Байназарованы қабылдады

Коронавирустан қайтыс болғандармен қоштасуға 30 минут уақыт беріледі

Бауыржан Мастеков: Сыр еріктілері елмен бірге екендігін күн сайын дәлелдеп келеді

Төтенше жағдайға байланысты ҰБТ кейінге шегеріле ме?

ҚР Президентінің «Байқоңыр» кешеніндегі арнаулы өкілі қызметінен босатылды

Бейбіткүл Кәрімова: «Президент тапсырмасы – қысылтаяң кезеңде еліміз үшін өте қажетті шаралар»

Нұртөре Жүсіп: Ел аман болсын десек – ессіз жүрістен, есалаң тірліктен тыйылу қажет

Мұхтар Ниязов: “Бізге дәл қазіргі сәтте бірігу қажет”