<a href="https://kyzylorda-news.kz/">Kyzylorda-news.kz</a>&nbsp; Ақжар ауылдық округінде тұрғындардың өмір сүру сапасын арттыруға бағытталған инфрақұрылымдық жобалар кезең-кезеңімен жүзеге асырылуда. Соңғы жылдары ауылішілік жолдарды жөндеу мен көлік қатынасын жақсартуға ерекше көңіл бөлініп келеді.Бүгінде округтегі көшелердің басым бөлігі асфальтталып, тұрғындардың еркін әрі қауіпсіз қатынауына мүмкіндік жасалған. Бұл бағыттағы жұмыстар ауылдың келбетін жақсартып қана қоймай, халықтың тұрмыс сапасын арттыруға да ықпал етуде.Ағымдағы жылы жол инфрақұрылымын одан әрі дамыту мақсатында Ораз ахун және Ж.Тұяқбаев көшелерінде күрделі жөндеу жұмыстары қолға алынды. Қазіргі уақытта мердігер мекеме тарапынан құрылыс-монтаж жұмыстары жоспарға сәйкес жүргізілуде.Жоба аясында жол жабындысы толық жаңартылып, көшелердің сапасы мен қауіпсіздігі артады. Нәтижесінде тұрғындар үшін қолайлы орта қалыптасып, көлік қозғалысы анағұрлым ыңғайлы болмақ.Жол жөндеу жұмыстары толық аяқталғаннан кейін Ақжар ауылдық округіндегі жолдардың сапалық көрсеткіші жақсарып, елді мекеннің көлік инфрақұрылымы жаңа деңгейге көтеріледі. Бұл өз кезегінде ауылдың әлеуметтік-экономикалық дамуына оң әсерін тигізіп, тұрғындардың әл-ауқатын арттыруға сеп болады.<img src="https://knadmin.beoblood.kz/uploads/A_zhar_auyly_zhol_infra_rylymy_2d06a7ea20.jpg" alt="Ақжар ауылы жол инфрақұрылымы.jpg">

Ақжар ауылдық округінде жол инфрақұрылымы жаңғыртылуда

<a href="https://kyzylorda-news.kz/">Kyzylorda-news.kz</a> Шиелі ауданы әкімдігінің мәжіліс залында аудан әкімі Айтбай Жандарбековтың төрағалығымен мәжіліс отырысы өтті. Мәжіліске аудандық мәслихат төрағасы, аудан әкімінің орынбасарлары, дербес бөлім басшылары, кент және ауылдық округ әкімдері, сондай-ақ аудан аумағындағы өндіріс орындарының бірінші басшылары қатысты.Мәжіліс барысында қауіпсіз еңбек жағдайларын қамтамасыз ету және өнеркәсіптік қауіпсіздік шараларын күшейту мәселесі қаралды. Аталған мәселе бойынша аудандық жұмыспен қамту және әлеуметтік бағдарламалар бөлімінің басшысы Ағыбай Төлегенов баяндама жасап, аудандағы еңбек қауіпсіздігі талаптарының сақталуы, өндірістік жарақаттанудың алдын алу және жұмыс орындарындағы қауіпсіздік мәдениетін қалыптастыру бағытында атқарылып жатқан жұмыстарға тоқталды.<img src="https://knadmin.beoblood.kz/uploads/Shieli_e_bek_auipsizdigi_3_2cb52995c9.jpg" alt="Шиелі еңбек қауіпсіздігі 3.jpg">Сонымен қатар, күн тәртібіндегі қосымша мәселе ретінде «2026 жылдың ІІ жартыжылдығына мерзімді басылымдарға жазылу барысы және әлеуметтік желідегі белсенділік туралы» аудандық қоғамдық даму бөлімінің басшысы Кенжехан Есенбаев хабарлама жасап, мемлекеттік ақпараттық саясатты насихаттау, мерзімді басылымдарға жазылу көрсеткіштері және әлеуметтік желілердегі ақпараттық жұмыстардың жай-күйі жөнінде баяндады.Сондай-ақ, «Таза Қазақстан» республикалық экологиялық акциясы аясында аудан аумағында жүргізіліп жатқан сенбілік және абаттандыру жұмыстары туралы аудан әкімі аппаратының басшысы Ғалымжан Каримов мәлімдеп, санитарлық тазалық пен көркейту-көгалдандыру шараларының орындалу барысы туралы ақпарат берді.Жиын қорытындысында аудан басшысы Айтбай Жандарбеков көтерілген мәселелердің маңыздылығына тоқталып, жауапты сала басшыларына нақты тапсырмалар берді. Әсіресе, еңбек қауіпсіздігін сақтау, өндірістік жарақаттардың алдын алу, ақпараттық-идеологиялық жұмыстардың сапасын арттыру және аудан аумағындағы тазалық жұмыстарын жүйелі түрде жүргізу бағытындағы жұмыстарды күшейтуді тапсырды.<img src="https://knadmin.beoblood.kz/uploads/Shieli_e_bek_auipsizdigi_2_144819b684.jpg" alt="Шиелі еңбек қауіпсіздігі 2.jpg">

Қауіпсіз еңбек жағдайларын қамтамасыз ету мәселесі қаралды

<a href="https://kyzylorda-news.kz/">Kyzylorda-news.kz</a> &nbsp; «Жібек жолы» сауда-ойын-сауық орталығында Әлеуметтік медициналық сақтандыру қорының Қызылорда облысы бойынша филиалының ұйымдастыруымен жыл сайынғы «Денсаулық аралы» акциясы өтті.Іс-шара аясында №1 қалалық емхананың мамандары тұрғындарға тегін экспресс-тексеруден өтіп, денсаулықты сақтау мәселелері бойынша кеңес алу мүмкіндігін ұсынды. Акцияның мақсаты – қауіп факторлары мен ауруларды ерте кезеңде анықтау, сондай-ақ халықтың профилактиканың маңыздылығы туралы хабардарлығын арттыру.Қатысушылардың артериялық қан қысымы, бойы мен салмағы өлшеніп, қандағы қант пен холестерин деңгейі анықталды. Сонымен қатар, саламатты өмір салтын ұстану және созылмалы аурулардың алдын алу бойынша кеңестер берілді.Акция қала тұрғындарының үлкен қызығушылығын тудырды. Көптеген тұрғындар денсаулық көрсеткіштерін тексертіп, медициналық мамандардың ұсынымдарын алуға мүмкіндік алды.Іс-шара барысында Әлеуметтік медициналық сақтандыру қорының облыстық филиалы қызметкерлері МӘМС мәселелері бойынша түсіндіру жұмыстарын жүргізді. Тұрғындарға медициналық сақтандыру жүйесіндегі жаңашылдықтар, сақтандырылған мәртебесін алу тәртібі, жарналар мен аударымдарды төлеу қағидалары, сондай-ақ жүйеге қатысудың артықшылықтары туралы ақпарат берілді.2026 жылдан бастап күшіне енген өзгерістерге ерекше назар аударылды: МӘМС пакетіне диспансерлік есепте тұрған пациенттер үшін бірқатар созылмалы аурулар бойынша емдеу және динамикалық бақылау қызметтері енгізілді. Барлық қатысушыларға ақпараттық материалдар таратылды.Қор филиалының сарапшысы Әлия Убисултанованың айтуынша, МӘМС жүйесі сақтандырылған азаматтарға медициналық қызметтердің кең ауқымын ұсынады, оның ішінде қымбат диагностикалық зерттеулер мен жоғары технологиялық оталар да бар.<blockquote>«Денсаулыққа қамқорлық профилактикадан және медициналық көмекке дер кезінде жүгінуден басталады. Сапалы медициналық қызметтерге қол жеткізіп, емдеуді қаржылық себептермен кейінге қалдырмау үшін МӘМС жүйесінде сақтандырылған болу маңызды», – деп атап өтті маман.</blockquote>

«Денсаулық аралы»: МӘМС жүйесіндегі жаңашылдықтар түсіндірілді

<a href="https://kyzylorda-news.kz/">Kyzylorda-news.kz</a> &nbsp; Облыс әкімі Мұрат Ергешбаев «China State Construction Engineering Corporation» компаниясының өкілдерімен кездесті. Бұл – әлемдегі жетекші құрылыс және инфрақұрылымдық компаниялардың бірі.Кездесуде өңірдің инвестициялық әлеуеті, арнайы экономикалық және индустриялық аймақтардың мүмкіндіктерін тиімді пайдалану, сондай-ақ жаңа өндірістік жобаларды жүзеге асыру мәселелері талқыланды.Айта кетейік, өңірде инвестициялық жобаларды іске асыру мақсатында 550 гектар аумақта «Қорқыт Ата» арнайы экономикалық аймағы құрылған болатын. Қазір экономикалық қызметтің 18 басым түрі айқындалған. Атап айтқанда, құрылыс материалдарын өндіру, машина жасау, электр жабдықтарын шығару, логистика және қоймалау, химия өнеркәсібі, автокөлік және авиациялық техника өндірісі сияқты бағыттар бар.Сонымен қатар Қызылорда облысында индустриялық инфрақұрылымды дамытуда нақты жұмыстар атқарылуда. Бүгінде облыста жалпы көлемі 515 гектардан асатын 6 индустриялық аймақ жұмыс істейді, оларда 112 млрд теңгенің 37 жобасы іске қосылып, мыңға жуық жаңа жұмыс орны ашылды. «Өндіріс» индустриялық аймағында құрылыс материалдары, шыны өндірісі, керамика және өнеркәсіптік өнім шығару жобалары нәтижелі жүзеге асуда.Кездесуде тараптар индустриялық парктер салу, инженерлік инфрақұрылымды дамыту, өндірістік және логистикалық нысандарды жандандыру бағытындағы ынтымақтастықты кеңейтуге уағдаласты. Өзара тиімді әріптестікті дамыту және бірлескен инвестициялық жобаларды одан әрі жалғастыру жоспары нақтыланып, аталған компания өкілдері Сыр өңіріне іссапармен келуге ниет білдірді.Фото: Қызылорда облысы әкімінің баспасөз қызметі&nbsp;

Арнайы экономикалық және индустриялық аймақтар мүмкіндіктері сараланды

<a href="https://kyzylorda-news.kz/">Kyzylorda-news.kz</a> &nbsp;Ұлттық тасымалдаушы жазғы демалыс кезеңіндегі жолаушылар сұранысын қамтамасыз ету мақсатында төрт қосымша <a href="https://kaz.inform.kz/news/zhazgi-mausimda-tort-kosimsha-talgo-poyizi-katinaydi-815775d9/">Тальго пойызын</a> іске қосады.«Жолаушылар тасымалы» АҚ мәліметінше, 2026 жылғы 18 маусымнан бастап №254/253 «Нұрлы жол – Достық», №211/212 «Алматы-2 – Достық», №207/208 «Алматы-2 – Достық» және №231/232 «Алматы-2 – Семей» бағыттары бойынша қосымша пойыздар қатынай бастайды.Қосымша құрамдар өңірлердің көліктік қолжетімділігін арттыруға және жазғы маусымдағы жолаушылар ағынын азайтуға мүмкіндік береді.<blockquote>– Бұл шара өңірлердің көліктік қолжетімділігін қамтамасыз етуге және жазғы демалыс кезеңінде жоғары сұранысты қанағаттандыруға бағытталған, – деп хабарлады ұлттық тасымалдаушы.</blockquote>№254/253 «Нұрлы жол – Достық» пойызы 22 маусым мен 31 тамыз аралығында аптасына екі рет – дүйсенбі және бейсенбі күндері қатынайды. Құрамында 27 вагон болады. Пойыз 344 жолаушыға арналған, оның ішінде мобильдігі төмен азаматтарға арналған арнайы купе қарастырылған.Ал №211/212 «Алматы-2 – Достық» бағыты бойынша пойыз 20 маусымнан 30 тамызға дейін тақ күндері қатынайды. Құрамында 23 вагон бар және 326 жолаушы орны қарастырылған.№207/208 «Алматы-2 – Достық» пойызы 19 маусымнан 29 тамызға дейін жұп күндері жүреді. Құрамында 22 вагон бар, жалпы сыйымдылығы – 288 орын.Сондай-ақ №231/232 «Алматы-2 – Семей» бағыты бойынша қосымша Тальго пойызы 18 маусымнан 30 тамызға дейін жұп күндері қатынайды. Оның құрамында 22 вагон болады және 288 жолаушыны тасымалдауға арналған.<blockquote>– Билеттер ресми <a href="https://syrboyi.kz/zedelnews/zhazghy-mawsymda-qosymsha-4-talgo-pojyzy-qatynajdy-209185/bilet.railways.kz">bilet.railways.kz&nbsp;</a> сайтында, «Жолаушылар тасымалы» АҚ билет кассаларында, сондай-ақ билеттерді сатудың мобильді сервистері арқылы қолжетімді, – делінген хабарламада.</blockquote>Ұлттық тасымалдаушының мәліметінше, жолаушылар қосымша ақпаратты 1433 бірыңғай байланыс нөмірі немесе компанияның ресми әлеуметтік желідегі <a href="https://syrboyi.kz/zedelnews/zhazghy-mawsymda-qosymsha-4-talgo-pojyzy-qatynajdy-209185/@jolaushylar_tasymaly">парақшалары</a> арқылы ала алады.Фото: ҚТЖ

Жазғы маусымда қосымша 4 Тальго пойызы қатынайды

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде Erasmus+ MECAS жобасы аясында Арал теңізі бассейнінің өзекті экологиялық мәселелерін шешуге бағытталған экоинформатика магистрлік бағдарламасын дамытуға арналған кездесу өтті.Жиынға Академиялық мәселелер бойынша проректор Дана Абдрашева, Нүкіс мемлекеттік университетінің профессоры, физика-математика ғылымдарының кандидаты, жоба үйлестірушісі Асия Турениязова, жобаның қауымдастырылған серіктестері – Арал-Сырдария бассейндік инспекциясының өкілдері, университеттің профессор-оқытушылар құрамы мен білім алушылары қатысты.Іс-шараның негізгі мақсаты – тәжірибе алмасу, жоба кезеңдері мен бақылау нүктелерін талқылау, сондай-ақ өңірдегі экологиялық қауіп-қатерлерді шешуге қабілетті мамандар даярлау бағытындағы ынтымақтастықты нығайту.&nbsp;Кездесу барысында жоба үйлестірушісі Асия Турениязова MECAS жобасының мақсат-міндеттеріне тоқталып, экоинформатика магистрлік бағдарламасының ерекшеліктерін таныстырды. Оның айтуынша, аталған бағдарлама Қазақстанда тек екі жоғары оқу орнында – Әл-Фараби атындағы Қазақ ұлттық университеті мен Қорқыт ата атындағы Қызылорда университетінде жүзеге асырылатын болады.&nbsp;Жиында Академиялық мәселелер бойынша проректор Дана Абдрашева су ресурстары саласындағы өзекті мәселелерді шешуде жобаның маңыздылығын атап өтті. Сонымен қатар, бұл бастама су шаруашылығы мен экология бағытында білім алатын жастар үшін жаңа мүмкіндіктерге жол ашатынын жеткізді.Жоба Қазақстан, Өзбекстан, Португалия, Испания және Италияның жоғары оқу орындары мен серіктес ұйымдарының қатысуымен жүзеге асырылуда. Оның аясында экоинформатика бағыты бойынша академиялық ұтқырлық бағдарламалары іске қосылып, халықаралық тәжірибе алмасуға мүмкіндік беріледі.Айта кетейік, кездесу барысында Қорқыт ата университетінде экоинформатика магистрлік бағдарламасына арналған заманауи зертхананың ашылатыны айтылды. Зертхана 2027–2028 оқу жылында пайдалануға беріледі деп жоспарлануда. Қазіргі таңда зертханаға арналған оқу кабинеті дайындалуда. Зертхананың қажетті құрал-жабдықтары Erasmus+ бағдарламасы аясында қамтамасыз етіледі.

Экоинформатика мамандарын даярлауға арналған халықаралық жоба жүзеге асуда

<a href="https://kyzylorda-news.kz/">Kyzylorda-news.kz</a> Қазақстанның Денсаулық сақтау министрлігі МӘМС пен ТМККК жүйесіндегі қызмет көрсетушілерге қойылатын талаптарды <a href="https://kaz.inform.kz/news/elde-mams-ayasindagi-kizmet-korsetushlerge-zhana-talaptar-engzled-7ea5df90">күшейтеді.</a>Денсаулық сақтау министрлігі Тегін медициналық көмектің кепілдік берілген көлемі (ТМККК) және Міндетті әлеуметтік медициналық сақтандыру (МӘМС) шеңберінде медициналық көмек көрсететін денсаулық сақтау субъектілерін есепке алу қағидаларына өзгерістер енгізу туралы бұйрық жобасын қоғамдық талқылауға шығарды.Құжат медициналық ұйымдарды есепке алу қағидаларын жетілдіруді көздейді және медициналық көмектің сапасы мен қауіпсіздігін арттыруға бағытталған.Жобаға берілген түсіндірмеде ұсынылып отырған өзгерістер ТМККК және МӘМС жүйесінде жұмыс істейтін барлық медициналық ұйымдар үшін бірыңғай әрі ашық талаптар қалыптастыруға, сондай-ақ тұрғындардың өңіріне қарамастан сапалы медициналық қызметтерге тең қолжетімділігін қамтамасыз етуге бағытталғаны атап өтілген.Атап айтқанда, жоба аясында «Халық денсаулығы және денсаулық сақтау жүйесі туралы» кодекске сәйкес бірқатар нормалар жаңартылмақ. Соның ішінде денсаулық сақтау инфрақұрылымын дамытудың өңірлік перспективалық жоспары ұғымы нақтыланады.Сонымен қатар ТМККК мен МӘМС аясында медициналық көмек көрсететін ұйымдарға қойылатын бірыңғай талаптарды бекіту ұсынылып отыр. Олар қажетті материалдық-техникалық базаның, заманауи медициналық жабдықтардың, жеткілікті кадрлық әлеуеттің болуын және белгіленген стандарттардың сақталуын қамтиды.Денсаулық сақтау министрлігінің мәліметінше, өзгерістерді іске асыру медициналық ұйымдарды есепке алу жүйесінің ашықтығын арттыруға, адал қызмет көрсетушілер үшін тең жағдай жасауға, бюджет қаражатын пайдалану тиімділігін арттыруға және азаматтардың денсаулық сақтау жүйесіне деген сенімін нығайтуға мүмкіндік береді.Ведомство ұсынылып отырған түзетулер пациенттердің медициналық көмек алу құқығына әсер етпейтінін, медициналық қызмет көлемін қысқартуды көздемейтінін және азаматтарға қосымша міндеттемелер жүктемейтінін атап өтті.Бұйрық жобасын қоғамдық талқылау «Ашық НҚА» порталында 2026 жылғы 17 маусымға дейін жалғасады.Фото: freepik

Елде МӘМС аясындағы қызмет көрсетушілерге жаңа талаптар енгізіледі 

<a href="https://kyzylorda-news.kz/">Kyzylorda-news.kz</a> Бүгінгі таңда көптеген қазақстандық кәсіпкерлер шетелдік серіктестермен ынтымақтасады: тауарларды шетелге жеткізеді немесе шетелдік тауарларды сатып алады, жабдықтар сатып алады, резидент еместердің қызметтеріне ақы төлейді және шарттық қатынастар шеңберінде өзге де операциялар жасайды. Бұл операциялардың барлығы сыртқы экономикалық қызметке жатады. Сыртқы экономикалық қызметті жүзеге асыру кезінде экспорт немесе импорт бойынша жекелеген валюталық шарттарға (бұдан әрі – валюталық шарт) есептік нөмір беріле отырып, міндетті есептік тіркеуге жататынын ескеру маңызды.<h2 style="text-align:justify;">Есептік нөмір не үшін қажет?</h2>Валюталық шартқа экспорттық немесе импорттық операциялар бойынша валюталық бақылауды жүзеге асыру, ақша қаражатының қозғалысын бақылау және Қазақстан Республикасы заңнамасының талаптарын сақтау мақсатында есептік нөмір беріледі. Валюталық бақылауды мемлекеттік кіріс органдары Қазақстан Республикасының Ұлттық Банкімен (ҚР ҰБ) және уәкілетті банктермен бірлесіп жүзеге асырады. Мұндай бақылаудың негізгі мақсаты резиденттердің сыртқы экономикалық қызметті жүзеге асыру кезінде репатриация талаптарын сақтауын қамтамасыз ету.<h2 style="text-align:justify;">Валюта репатрациясы дегеніміз не?</h2>Бұл резиденттің валюталық шартта көзделген мерзімде ақшалай қаражатты Қазақстанға қайтаруды қамтамасыз ету міндеті.Мысалы:- экспорт кезінде - уәкілетті банктегі шоттарға ұлттық және (немесе) шетел валютасындағы түсімнің түсуін қамтамасыз ету; - импорт кезінде - егер шетелдік серіктес шарт бойынша өз міндеттемелерін орындамаса, аударылған ақшалай қаражатты ұлттық және (немесе) шетел валютасында қайтаруға.<h2 style="text-align:justify;">Валюталық шартты қашан есептік тіркеуге қою қажет?</h2>Валюталық шарт, егер оның сомасы 50 мың АҚШ долларынан асатын болса, тіркеуге кою қажет. Одан бөлек, егер валюталық шарт жасалған күні оның сомасы анықталмаса, мұндай шарттыда есептік тіркеуге қою қажет.&nbsp; Есептік тіркеуге уақытылы жүгіну маңызды. Мұны валюталық шарт тараптарының бірінің міндеттемелерін орындау басталғанға дейін, яғни төлемдер, тауарлар жеткізу немесе қызметтер көрсету басталғанға дейін жасау қажет.<h2 style="text-align:justify;">Кәсіпкерге қайда жүгіну керек?</h2>Есептік тіркеуден өтіп, есептік нөмірді алуға болады: - экспорттаушының немесе импорттаушының банктік шоты қызмет көрсетілетін уәкілетті банктен; - немесе ҚР Ұлттық Банкінің аумақтық филиалында – егер есеп айырысулар ҚР «Валюталық реттеу және валюталық бақылау туралы» Заңының нормасын ескере отырып, резиденттің шетелдік банктегі шотын пайдалану арқылы жүзеге асырылса.<h2 style="text-align:justify;">Қандай құжаттар қажет?</h2>Валюталық шарт бойынша есептік нөмірді алу үшін:- белгіленген нысандағы валюталық бақылауға валюталық шартты қабылдау туралы өтініш; - валюталық шарттың түпнұсқасы немесе көшірмесі (валюталық шарттың мемлекеттік немесе орыс тіліне аудармасы, егер ол шет тілінде жасалса). Есептік нөмірді ҚР Ұлттық Банкінің аумақтық филиалынан алатын кезде қосымша қолтаңба үлгілері бар құжат ұсынылады.<h2 style="text-align:justify;">Валюталық шартты тіркеу қанша уақытты алады?</h2>Толық құжаттар пакеті тапсырылғаннан кейін есептік нөмір екі жұмыс күні ішінде беріледі. Есептік нөмір берілетін валюталық шартты тіркеу үшін құжаттарды тапсыру рәсімі электрондық форматта да жүзеге асырылуы мүмкін, ол электрондық цифрлық қолтаңбамен (ЭЦҚ) куәландырылады.<h2 style="text-align:justify;">Есептік нөмірді беруден бас тартудың себептері қандай болуы мүмкін?</h2>Бас тартудың себептері болуы мүмкін: - валюталық шартта ҚР валюталық заңнамасының талаптарына қайшы келетін талаптардың болуы; - құжаттардағы қателер немесе сәйкессіздіктер; - Қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы заңнамада көзделген негіздер бойынша.<h2 style="text-align:justify;">Бұзушылық үшін қандай жауапкершілік қарастырылған?</h2>Валюталық заңнама талаптарын сақтамағаны үшін әкімшілік жауапкершілік қарастырылған.Атап айтқанда, әкімшілік айыппұлдар салынуы мүмкін: - есептік нөмірді алу мерзімдерін бұзғаны үшін; - ақпаратты және (немесе) құжаттарды уақытылы ұсынбағаны үшін; - репатриация талабын орындамағаны үшін.ҚР ҰБ Қызылорда филиалы кәсіпкерлерге валюталық шартты есептік тіркеу қажеттілігін алдын ала нақтылауды және уәкілетті банкке немесе ҚР ҰБ аумақтық филиалына уақытылы жүгінуді ұсынады. Бұл төлемдер, қосымша тексерулер және әкімшілік санкциялар кезінде шығындарды болдырмайды.Валюталық заңнама талаптарын сақтау – сыртқы экономикалық қызметті қауіпсіз және тұрақты жүргізудің маңызды шарты.Естеріңізге сала кетейік, Қазақстан Республикасында экспорттық-импорттық валюталық бақылауды жүзеге асыру қағидалары ҚР Ұлттық Банкі Басқармасының 2023 жылғы 29 қыркүйектегі №78 қаулысымен және ҚР Премьер-Министрі орынбасары — Қаржы министрінің 2023 жылғы 4 қазандағы 1054 &nbsp;бірлескен бұйрығымен бекітілген.

Валюталық шартты есептік тіркеу: экспорттаушылар мен импорттаушылар нені білу маңызды

<a href="https://kyzylorda-news.kz/">Kyzylorda-news.kz</a> Қызылорда облысында “Конституция – мемлекетіміздің мызғымас іргетасы” атты дөңгелек үстел өтті. Қызылорда облыстық әмбебап ғылыми кітапханасында Қазақстан Республикасының Конституциясына арналған “Конституция – мемлекетіміздің мызғымас іргетасы” атты дөңгелек үстел ұйымдастырылды.&nbsp;Іс-шараға AMANAT партиясының партиялық бақылау инспекторы А.Жарылқасынов, Қорқыт Ата атындағы Қызылорда университетінің “Құқықтану” кафедрасының оқытушысы, заң ғылымдарының кандидаты Е.Алтаев және Қызылорда облысы полиция департаменті заң бөлімінің аға инспекторы А.Арынғазы қатысты. Кездесу барысында спикерлер жас мамандармен пікір алмасып, өздерінің қызметтік тәжірибелерімен бөлісті.Сондай-ақ заңдылықты сақтау, кәсіби әдеп қағидаттарын ұстану, азаматтық жауапкершілік пен Отанға адал қызмет ету мәселелері кеңінен талқыланды.Дөңгелек үстелде қатысушылар тәуелсіздігіміздің тұғыры саналатын Ата заңның қоғам өміріндегі маңызына тоқталып, Конституцияның үстемдігі мен елімізде жүзеге асырылып жатқан конституциялық реформалардың мәні туралы өз ойларын ортаға салды.&nbsp;Ашық диалог форматында өткен кездесу жастардың құқықтық сауаттылығын арттыруға, құқықтық мәдениетін қалыптастыруға және құқықтық мемлекет қағидаттарын терең түсінуіне мүмкіндік берді. Шара соңында қатысушылар кітапханада ұйымдастырылған “Конституция – кемел келешек кепілі” атты кітап көрмесімен танысты.

Қызылорда облысында дөңгелек үстел ұйымдастырылды

<a href="https://kyzylorda-news.kz/">Kyzylorda-news.kz</a> &nbsp;Қазалы ауданы әкімі Алмасбек Есмаханов Мемлекет басшысы Қасым-Жомарт Кемелұлы Тоқаевтың Жарлығына сәйкес Ғани Мұратбаев, Абай ауылдары және Қазалы қаласының тұрғындарымен кездесу өткізді.Кездесуге аудандық мәслихат төрағасы Ғазиз Әліш, аудан әкімінің орынбасарлары, аудандық мәслихат депутаттары, аудан әкімдігіне қарасты бөлім басшылары мен тиісті сала мамандары қатысты.Халықпен өткен кездесулерде аудан басшысы елімізде Президентіміздің бастамасымен жүзеге асып жатқан ауқымды жобалар, «Таза Қазақстан» экологиялық акциясы, «Заң мен тәртіп» тұжырымдамасы сынды мемлекеттік реформалар мен жаңа бастамалар жөнінде сөз қозғап, өңірде атқарылып жатқан жұмыстар туралы баяндады.Сонымен қатар аудан көлемінде бүгінге дейін аймағымызды, ауданымызды басқарған азаматтардың қолдауымен, басшылығымен инфрақұрылымды дамыту, елді мекендерді абаттандыру, жол жөндеу, электр желілерін жаңғырту, газдандыру, ауыз су, білім, денсаулық сақтау, мәдениет салаларында атқарылып жатқан жұмыстарды және облыс әкімі Мұрат Ергешбаевтың басшылығымен өңірде алда жоспарланған ауқымды жобалар жайында айтып өтті.Ғани Мұратбаев ауылында өткен кедесуде ауыл халқы елді мекендегі Ақтан батыр және Жамбыл көшелерін асфальттау, жеке мал шаруашылығын ашуға жер телімін алу мәселесін, ал абайлықтар ауылға тиесі мал жайылымдық жерлерін белгілеу сынды мәселелерді көтерді. Аудан басшысы Ғани Мұратбаев ауылындағы көшелерді асфальттау бойынша жыл сайын ауданымыздағы әрбір елді мекендерде кезектілікке сәйкес бір-екі көшеден күрделі жөндеу жұмыстары жасалып жатқандығын айтып, Мұратбаев ауылында да алдағы уақытта кезектілікке сәйкес елді мекенішілік көшелерге жөндеу жұмыстары жүргізілетіндігін айтты. Ал мал шаруашлығымен айналысуға ниетті азаматтарға ауданның Қарақұм беткейінен мал шарушылығы үшін арнайы жер берілетіндігін айтты. Тұрғындар тарапынан көтерілген әрбір мәселелер бойынша жауапты сала басшыларына заңдылыққа сәйкес жұмыс жасауды тапсырды.Кездесулер соңында аудан басшысы Мемлекет басшысы Қасым-Жомарт Кемелұлының бастамасымен елімізде өткен жаңа Конституцияға арналған республикалық референдумда аудан халқының көрсеткен ынтымағы мен бірлігі жайында атап өтіп, аудан халқының алдағы уақытта да елдік істерде үлкен ауызбіршіліктің үлгісін көрсетуге шақырды.Қазалы қаласында өткен кездесуде тұрғындар елдегі жасалып жатқан игі жұмыстарға оң бағасын беріп, ақсақалдар батасын берді. Халықпен өткен кездесулерден кейін аудан басшысы жеке мәселелері бойынша жүгінген тұрғындарды қабылдап, ұсыныс-пікірлеріне құлақ түрді.

Қазалы ауданының әкімі тұрғындармен кездесті

<a href="https://kyzylorda-news.kz/">Kyzylorda-news.kz</a> Сырдария ауданы әкімі Берік Сәрменбаевтың төрағалығымен мәжіліс өтті. Мәжіліс барысында қауіпсіз еңбек жағдайларын қамтамасыз ету және өнеркәсіптік қауіпсіздік шараларын күшейту мәселесі қаралды.Жиында аудан басшысы күн тәртібіндегі мәселе бойынша еңбек қатынастары саласындағы өзекті мәселелерді көтеріп, жұмысшылардың құқықтарын қорғау, еңбек қауіпсіздігін сақтау, жазатайым оқиғалардың алдын алу және әлеуметтік тұрақтылықты қамтамасыз ету бағытындағы жұмыстарға тоқталды. Сондай-ақ еңбек заңнамасының талаптарын сақтау, жұмыс орындарында қауіпсіздік мәдениетін қалыптастыру және еңбек дауларының алдын алу мәселелеріне ерекше назар аударылды.Еңбек саласындағы заң талаптарын халыққа кеңінен түсіндіру мақсатында БАҚ пен әлеуметтік желілер арқылы ақпараттық жұмыстарды да күшейту қажеттігін ескертті.Мәжілісте көктемгі әскерге шақыру науқанының барысы да қаралды. Осы ретте жауапты мекеме басшыларына әскерге шақыру жұмыстарын заң талаптарына сәйкес ұйымдастыру, шақырылушылар мен олардың ата-аналарына түсіндіру жұмыстарын күшейту және белгіленген жоспарлы көрсеткіштердің орындалуын қамтамасыз ету тапсырылды.Жиын қорытындысында аудан әкімі көтерілген мәселелердің маңыздылығына тоқталып, берілген тапсырмалардың сапалы әрі уақытылы орындалуын қатаң бақылауда ұстауды міндеттеді.Фото: Сырдария ауданы әкімінің баспасөз қызметі&nbsp;

Сырдарияда еңбек қауіпсіздігі мен әскерге шақыру мәселелері талқыланды

<a href="https://kyzylorda-news.kz/">Kyzylorda-news.kz</a>&nbsp;Бүгін Үкімет отырысынан кейін облыс әкімінің төрағалығымен мәжіліс өтіп, онда «Қауіпсіз еңбек жағдайларын қамтамасыз ету және өнеркәсіптік қауіпсіздік шаралары туралы» және күн тәртібінен тыс мәселелер қаралды. Бұл жиындағы міндеттер бойынша қала әкімдігінде шаһар басшысы Нұржан Ахатов жауапты сала жетекшілеріне бірқатар тапсырмалар жүктеді.Елімізде халықтың жағдайы мемлекеттік органдардың ақпараттық жүйелерінен «Отбасының цифрлық картасына» жинақталып отыр. Бұл - қазақстандықтардың әл-ауқатын анықтауға мүмкіндік беретін аналитикалық &nbsp;жүйе. Сондықтан оны терең талдап отыру маңызды. Бұл бағыт бойынша қалада нәтижелі жұмыстар атқарылуда. Дегенмен, қажетті шараларды әлде де ширатып, күнделікті есеп жасап отыру керек деді шаһар басшысы.&nbsp;Қазірде қаланың және оған қарасты кенттер мен ауылдық округтердің санитарлық тазалығы күнделікті бақылауға алынған. Дегенмен, кейбір мекемелер мен кәсіпкерлік нысанның иелері, тұрғындар тазалық талабын орындамай, абаттандыру қағидаларын бұзып, қала келбетіне нұқсан келтіруде. Оларға тиісті әкімшілік хаттамалар толтырылып, айыппұлдар салынуда.&nbsp;<blockquote>– Бұған дейін де қаланың және елдімекендердің санитарлық жағдайын жақсарту, көшелер мен қоғамдық орындарды ретке келтіру, стихиялық қоқыс орындарының алдын алу және абаттандыру ісін күшейту жөнінде нақты тапсырмалар берілді. Жұмыстар өз деңгейінде жүргізілгенімен, рұқсат етілмеген орындарға қоқыс төгу фактілері азаймай отыр. Сондықтан полиция басқармасымен бірлесіп, күнделікті тәулік бойы бақыланатын рейдтік шаралар ұйымдастыру қажет,-деді Нұржан Сәбитұлы.&nbsp;</blockquote>

Қазақстан және Қызылорда облысының жаңалықтары