Қызылорда облысының Бас мемлекеттік санитариялық дәрігерінің №13 ҚАУЛЫСЫ

Қызылорда облысының Бас мемлекеттік санитариялық дәрігерінің №12 ҚАУЛЫСЫ

Қызылорда облысының Бас мемлекеттік санитариялық дәрігерінің №11 ҚАУЛЫСЫ

Қызылорда облысының Бас мемлекеттік санитариялық дәрігерінің №10 ҚАУЛЫСЫ

Қызылорда облысының Бас мемлекеттік санитариялық дәрігерінің №9 ҚАУЛЫСЫ

<a href="https://kyzylorda-news.kz/">Kyzylorda-news.kz</a>. Қызылорда облысының бас санитар дәрігері Әлия Әбдіқайымова өңірде коронавирус инфекциясына байланысты қалыптасқан төтенше жағдай уақытында көпшілікті қонаққа бармауға және үйге қонақ шақырмауға шақырды, деп хабарлайды <a href="https://lenta.inform.kz/kz/koronavirus-kyzylordada-bas-sanitar-kopshilikti-konakka-barmauga-shakyrdy_a3635337">ҚазАқпарат.</a>
Қазір облыста елімізде коронавирус инфекциясын жұқтырған адамдар саны жөнінен алдыңғы үштікте тұр. Облыста осыған байланысты тиісті шектеу енгізіліп, Қызылорда қаласы мен бірқатар аудандарда карантин жарияланған.
<blockquote>
 «Айта кетерлігі, аймақта коронавирус инфекциясын жұқтырған тұрғындардың 60-70 процентін жастар құрайды. Олардың тарапынан кейбір келеңсіз оқиғалар орын алып жатады. Мәселен. елордадан келген студент қыз ауылда достарымен басқосу өткізген. Соның салдарынан бірнеше адамға коронавирус инфекциясы диагнозы қойылды. Шағын ғана ауылдан 25 адамның қауіпті індетті жұқтыруы алаңдатады. Сондықтан біз осы бағытта карантин ережелерін қатаңдата түстік. Енді облыс аумағында 2-3 адам болып топтасып жүруге тыйым салынды. Өлім-жітім, тойға баруға болмайды.», – деді облыстық Тауарлар, қызметтердің сапасы мен қауіпсіздігін бақылау департаменті басшысының орынбасары, аймақтың бас санитар дәрігері Әлия Әбдіқайымова.
</blockquote>
Ол кейбір отбасылардың жақындары еліміздің түкпір-түкпірінде тұратынын білетінін айтып өтті.
<blockquote>
 «Олар жаназа мен тойлардан қалмауға тырысады. Қазір мұндай шаралар инфекцияның таралуына өте қауіпті болып тұр. Сондықтан тұрғындардан барлық қауіпсіздік шараларын сақтауды сұраймыз. Үй карантинін сақтаңыздар!», – деді Әлия Әбдіқайымова.
</blockquote>

Коронавирус: Қызылордада бас санитар көпшілікті қонаққа бармауға шақырды

<a href="https://kyzylorda-news.kz/">Kyzylorda-news.kz</a>. Халықаралық ғарыш станциясына ұшатын «Союз МС-16» кемесінің командирі Анатолий Иванишин экипаждың 1,5 айға жуық уақыт бойы карантинде болғанын айтты, деп хабарлайды <a href="https://24.kz/kz/zha-aly-tar/lemde/item/386956-9-s-uirde-arysh-a-shatyn-soyuz-ekipazhy-1-5-aj-karantinde-boldy">«Хабар 24»</a>
Ертең ғарышқа аттанатын космонавттар Иван Вагнер, Анатолий Иванишин және НАСА астронавты Крис Кэссиди тіпті осы экипажды бекіткен мемлекеттік комиссия мүшелерімен конференцияны онлайн өткізген.
Сондай-ақ карантинді бұзбау мақсатында экипаж мүшелерінің туған-туыстарын Байқоңырға кіргізбеген.

9 сәуірде ұшатын «Союз» экипажы мүшелерінің туған-туыстарын Байқоңырға кіргізбеген

Қызылорда облысы кәсіпкерлер палатасының баспасөз қызметі өңірдегі карантин уақытындағы кәсіпкерлерге арналған «жедел желі» нөмірлерін іске қосты.
Қызылорда қаласындағы блок-посттардан (қала сыртына) азық-түлік тауарларын, дәрілік заттарды, медициналық заттарды және басқа да тұрғындардың өмір сүруіне қажетті тауарларымен кіріс-шығуға рұқсат беруге жауапты маман, Кәсіпкерлер палатасынан Жасұлан Серіков – 8 702 530 6933, Алма Пирманова – 8 701 560 1127.
Қызылорда қаласындағы кәсіпкерлердің қала ішінде жүріп-тұру мәселесіне жауапты қалалық кәсіпкерлік және туризм бөлімінен Алмасбек Есмаханов, 8 778 328 2327, Нұрсұлтан Қонақбаев – 8 701 817 3707.
Мұнай саласындағы кәсіпкерлердің мәселесіне жауапты Қызылорда облысының индустриялық-инновациялық даму басқармасынан Ербол Елеуішов – 8&nbsp;701&nbsp;350 22 70, 8 /7242/ 60-54-06.
Түркістан облысы мен Шымкент қаласына Қызылорда облысынан баратын кәсіпкерлердің мәселесіне жауапты облыстық ауыл шаруашылығы басқармасынынан Бақытжан Демесінов, 8 705 710 5510, 8 /7242/ 60-54-47.

Қызылорда: Кәсіпкерлік мәселесі бойынша «жедел желі» нөмірлері

<a href="https://kyzylorda-news.kz/">Kyzylorda-news.kz.</a> Қазақстанның Тұңғыш Президенті – Елбасы Нұрсұлтан Назарбаев «Egemen Qazaqstan» газетінің бүгінгі санында жарияланған мақаласында еліміздің індетпен күреске ең алғашқылардың бірі болып кіріскенін атап өтті.
«Қазақстан қауіпті дерттің алдын алуға әлем елдерінің ең алғашқыларының бірі болып кірісті. Тиісті сақтандыру шаралары жасалды. Мемлекеттік органдар арнаулы дайындықтан өткізілді. Өзге елдерде вирус қалай пайда болып, пандемия қалай өрбіп, өршігені бақыланды. Соның нәтижесінде індеттің етек алып кетуіне мүмкіндігінше жол берілмей, ахуал күн сайын тұрақты назарда ұсталып отыр», делінген Елбасының мақаласында.
Ұлт көшбасшысы мемлекет тарапынан жер жерде атқарылып жатқан жұмыстарға бүкіл халық болып қолдау көрсетуге шақырды.
Елбасы мақаласындағы ең басты түйін мемлекеттің негізгі мақсаты адамды жән оның денсаулығын сақтау екендігіне баса назар аудару болды.&nbsp; Ұлттық қорымызда 90 млрд доллар қаражатымыз бар деуі де ертеңге күнге сенімімізді күшейте түседі. Бұл қор үнемі толықтырылып отырады. Сондықтан мемлекет мойнына алған әлеуметтік саясатты жүзеге асыра береді.
Бір сөзбен айтқанда, Елбасы мақаласын қысылтаяң шақта бізге жасалған үлкен қолдау деп білемін.
Бегімбай ҰЗАҚБАЕВ,
жазушы.

Бегімбай Ұзақбаев: «Елбасы мақаласы – қысылтаяң шақта бізге үлкен қолдау»

<a href="https://kyzylorda-news.kz/">Kyzylorda-news.kz.</a> Бүгін «Nur Otan» партиясы Төрағасының Бірінші орынбасары Бауыржан Байбек, Қызылорда облысы әкімі Гүлшара Әбдіқалықова, партияның орталық және облыстық саяси кеңесінің мүшелері, сондай-ақ бірқатар делегаттардың қатысуымен саяси ұйымның онлайн конференциясы ұйымдастырылды.
Конференция қатысушыларының қарауына екі мәселе ұсынылды. Біріншісі – «Nur Otan» партиясының Қызылорда облысы филиалының төрағасын сайлау, екіншісі – саяси кеңес құрамына өзгерістер енгізу.
Ең алдымен Партия Төрағасының Бірінші орынбасары Б.Байбек бүгінгі онлайн конференцияның алғаш рет ұйымдастырып отырғанын және әлемді жайлаған коронавирус инфекциясының таралуына жол бермеу мақсатында осындай жұмыс тәсілі қолға алынғанын атап өтті.
<blockquote>
 «Қазіргі кезде елімізде Мемлекет басшысының шешімімен қатерлі індеттің таралуына жол бермеу үшін шектеу және сақтық шаралары күшейтілді. Бұл басқосуымыз Тұңғыш Президент – Елбасы, Партия Төрағасы Нұрсұлтан Назарбаевтың бүгін баспасөзде “Бірлесе білген ел бәрін жеңеді” деген мақаласының жарық көруімен тұспа-тұс келіп отыр. Өздеріңізге белгілі, жуырда Қызылорда облысына Елбасы келісімен, Мемлекет басшысының Жарлығымен Әбдіқалықова Гүлшара Наушақызы әкім болып тағайындалды. Осыған орай, Партия Төрағасының тапсырмасына сәйкес облыстық Партия филиалының төрайымы лауазымына Әбдіқалықова Гүлшара Наушақызының кандидатурасын ұсынамын. Осы ұсынысты қолдауларыңызды сұраймын», – деді Б.Байбек.
</blockquote>
Конференция делегаттары ұсынысты бірауыздан қолдады. «Nur Otan» партиясы Қызылорда облыстық филиалының төрайымы болып сайланған Гүлшара Әбдіқалықова артылған сенімге Партия Төрағасы Нұрсұлтан Әбішұлы Назарбаевқа және саяси кеңес мүшелеріне алғысын білдіріп, алда атқарылатын ауқымды істерге тоқталды.
<blockquote>
 «Халқымыз партиямызға үлкен сенім артып отыр. Сондықтан партияның барлық ресурсын Қазақстан Республикасының Президенті Қасым-Жомарт Кемелұлы Тоқаевтың басшылығымен жүзеге асырылатын жұмыстарға бағыттау міндеті тұр. Біз Қазақстанның болашағы үшін бір мүддеге жұмылып, алдағы күндерге жауапершілікпен және үмітпен қарауымыз керек. Бүгінгі таңда Партия үшін ең маңызды мәселе – қазіргідей қиын кезеңде халықпен бірге болып, барынша қолдау көрсету, партияға сенімді арттыру. Бұл ретте, Елбасының бастамасымен құрылған республикалық «Birgemiz» қорынан халықтың әлеуметтік жағынан осал топ өкілдеріне қаржылай қолдауды үйлестіруге басымдық беріліп отыр. Атап айтқанда, 6313 қызылордалық мұқтаж жанға қолдау көрсетіледі», – деді Гүлшара Әбдіқалықова.
</blockquote>
Жиын барысында, облыстық Партия филиалының төрайымы Сыр бойында жалпы саны 47 мыңға жуық партия мүшелерінің атынан алға қойылған міндеттерді сапалы әрі нәтижелі орындайды деп сендірді. Ал Тұңғыш Президент – Елбасының бүгін жариялаған «Бірлесе білген ел бәрін жеңеді» мақаласына орай осынау сын сағатта Сыр халқын қиындықты бірге еңсеруге шақырды.
Конференция соңында облыстық Партия филиалы саяси кеңесінің құрамы жаңарып, қаулы бірауыздан қабылданды.
<img src="https://kyzylorda-news.kz/wp-content/uploads/2020/04/nwr-otan-ka3-2.jpeg" alt="" />
<img src="https://kyzylorda-news.kz/wp-content/uploads/2020/04/nwr-otan-ka3-3-1.jpeg" alt="" />

Гүлшара Әбдіқалықова «Nur Otan» партиясы Қызылорда облыстық филиалының төрайымы болып сайланды

<a href="https://kyzylorda-news.kz/">Kyzylorda-news.kz</a>. Елбасымыз өз мақаласында отандастарымызды сабырлыққа шақырып, елде коронавирусқа қатысты жағдай тәулік бойы бақылауға алынғанын мәлімдеді. Бұл мақала бізге болашаққа деген сенім береді.
Елбасымыз атап өткендей, «Бұл – бүкіл әлем мемлекеттеріне түскен зор ауыртпашылық. Біз оны осындай сын сағатта септігін тигізетін халқымыздың төзімділігі, ерік-жігері және өзіне&nbsp; деген зор сенімі арқасында жеңіп шығамыз», дей келе береке-бірліктің алмайтын қамалы, бағындырмайтын биігі болмайтынын атап өтті.
Сонымен бірге еліміздің Тұңғыш Президенті Қазақстан халқына жолдаған өзінің ақ тілеулі сөзінде халықты ынтымаққа шақырып, жақсылыққа, ізгі амалдар жасауға, саламатты өмір салтын ұстануға үндеді.
Елбасының мақаласын негізге ала отырып айта кеткім келеді. Қазақстанда халықтың бақытты болашағы үшін барлық жағдай жасалған. Бұл ретте, Қазақстан халқы Ассамблеясының рөлі үлкен. Береке мен бірлігіміз бәрін де жеңеді! Сондықтан, бәріміз бір адамдай жұмылып, қауіпті індетпен күресуіміз қажет.
Сақтапберген ЖҰБАТҚАНОВ,
Қырғыз этномәдени бірлестігінің жетекшісі

Сақтапберген Жұбатқанов: «Береке мен бірлігіміз бәрін де жеңеді»

<a href="https://kyzylorda-news.kz/">Kyzylorda-news.kz</a>. Нұр-Сұлтан қалалық қоғамдық денсаулық сақтау басқармасының басшысы Сәуле Қисықова коронавируспен ауырған адам инфекция тасымалдаушысы болып қала ма деген сұраққа жауап берді, деп хабарлайды <a href="https://kaz.nur.kz/1849674-koronavirustan-zazylgan-adam-virus-tasymaldausy-bolyp-kala-ma.html">NUR.KZ.</a>
Сәуле Қисықованың айтуынша, коронавирус инфекциясымен ауырған науқас ауруынан толық айыққан уақытта ғана медициналық мекемеден шығарылады.
Коронавирус жұқтырған адамды емдеу 2 аптаға созылады. Процедура хаттамаға сәйкес жүргізіледі.
2 апталық кезеңнен кейін COVID 19 инфекциясына қайта тексеру үшін пациентке зертханалық сынамалар жасалады. Бір тәуліктен соң тест тағы қайталанады.
Егер пациентте сынама екі рет инфекцияның жоқ екендігін көрсетсе ғана ол ауруханадан шығарылады.
Мұндай жағдайда тасымалдау туралы айту мүмкін емес дейді Нұр-Сұлтан қалалық қоғамдық денсаулық сақтау басқармасының басшысы.
Денсаулық сақтау министрлігінің дерегінше, коронавирус жұқтырған қазақстандықтардың басым бөлігінде аурудың беліглері мен дене қызулары жоқ.

Қазақстан және Қызылорда облысының жаңалықтары