<a href="https://kyzylorda-news.kz/">Kyzylorda-news.kz.</a> Бұл туралы Өңірлік коммуникациялар қызметінде өткен бриифингте Қызылорда облысы әкімінің орынбасары Наурызбай Байқадамов мәлімдеді, деп хабарлайды <a href="https://baq.kz/news/othernews/syr-irinde-epidemiologiyaly-akhual-k-rdelenip-barady/">baq.kz</a>.
Облыс әкімінің орынбасарының хабарлауынша, аймақта эпидемиологиялық жағдай өршіп барады. 7 сәуір сағат 23:20-дағы жағдай бойынша жұқпалы індетпен ауырғандар саны 66-ға жетті.
<blockquote>
 «Коронавирус инфекциясын жұқтырғандармен байланыста болған 844 адам анықталды. Оның ішінде жақын байланыс орнатқан 344 адам ауруханаға жатқызылып, карантинге алынды. Ал 500 адам үйінде, дәрігерлердің бақылауында», – деді Байқадамов.
</blockquote>
Облыс әкімінің орынбасары залалсыздандыру жұмыстары туралы айтып берді.
<blockquote>
 «Әскери бөлімдердің, қалалық, аудандық әкімдіктердің күшімен облыс көлемінде жалпы аумағы 1 323 489 шаршы метр болатын адам көп шоғырланатын орындар (базар, автовокзал, теміржол вокзалы және тағы басқа) залалсыздандырылды. Сонымен бірге, Қазақстан Республикасы Денсаулық сақтау министрлігі «Ұлттық сараптама» орталығының облыстағы филиалы жұқпалы індеттің ошақтарына залалсыздандыру жұмыстарын жүргізді», – деді ол.
</blockquote>
Бүгінде облыс орталығына кіретін жолдарға 5 блок-бекеті қойылды. Бірінші бағыт – Президент саябағы маңында, екіншісі «Эдельвейс» саяжайы, үшіншісі – Қызылорда-Жалағаш авто жолының Қараөзек ауылы, төртіншісі Қызылорда-Жезқазған авто жолы Абай ауылы тұсында орналасқан. Бесіншісі «Шиелі-Қызылорда» авто жолында қойылған.
<blockquote>
 «Аймақ бойынша Қызылорда, Байқоңыр қалалары және барлық ауданға кіріп-шығатын жолдарға үш санитарлық бақылау бекеті, 32 блок-бекеті қойылған. Осы блок-бекеттер мен санитарлық бақылау бекеттері күні бүгінге дейін 12 306 жолаушы мен 6 885 автокөлікті тексеруден өткізді», – деді облыс әкімінің орынбасары.
</blockquote>
Байқадамовтың хабарлауынша, қазіргі кезге дейін төтенше жағдай режимін бұзу бойынша 179 дерек тіркелді. Олардың 51-іне әкімшілік айыппұл салынды, 58-і әкімшілік қамауға алынды.
Айта кетейік, Қызылордада «Birgemiz Qyzylorda» аймақтық қоры құрылып, жұмысын бастады. Қор тарапынан 6 313 мұқтаж азамат азық-түлікпен және тұрмыстық жиынтықпен қамтылмақ. Сонымен қатар, төтенше жағдай кезінде жұмыстан айрылылған 10&nbsp;702 азаматтың әлеуметтік төлемге (42 500 теңге) электронды түрде өтініші қабылданды, 3509 адамға 149,1 миллион теңге көлемінде төлем аударылды.

Қызылорда облысында эпидемиологиялық ахуал күрделі

Нұрсұлтан Назарбаев: Бірлесе білген ел бәрін жеңеді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 72 адамға жетті. Бүгін соңғы тәулікте жаңадан анықталған 18 жағдайдың мән-жайын облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 72 жағдай тіркелді. Соңғы тәулікте жаңадан 18 жағдай анықталды. Оның 11 – Шиелі ауданының ауданының тұрғындары. Олар – алдында анықталған науқаспен жақын қарым-қатынаста болғандар. Ал, 6 жағдай – Сырдария, 1 науқас – Арал ауданында анықталып отыр. Сырдария ауданындағы науқастар да осы инфекцияны алдында жұқтырғандармен байланыста болған. Ал, Арал ауданындағы науқас – жолсерік болып еңбек еткен. Ол Түркістан облысындағы қауіпті індетті жұқтырған науқасты “Астана – Қызылорда” бағытындағы пойызда тасымылдаған», – деді Жақсылық Абдусаметов.
</blockquote>
Оның айтуынша, облысымыздағы жұқпалы аурулар ауруханасында – 66 адам, правизорлық стационарда – 52, карантинде – 374 адам ем қабылдап жатыр. Барлығының жағдайы қанағаттанарлық.
Ал, Covid-19 індетін жұқтырған өңірдегі 72 науқаспен байланыста болғандардың жалпы саны – 1014.&nbsp;Жақын қарым-қатынаста болғандар саны – 456, потенциалды байланыста болғандар – 558 адамды құрап отыр. Бүгінгі таңда барлығы бақылауға алынып, оқшауланған.
Басқарма басшысы атап өткендей, Қызылорда облысына қауіптілік деңгейі 1 (А) елдерінен 2 адам келген. Барлығы үй жағдайында бақылауға алынып, карантинге жатқызылған.
Сондай-ақ, өңірге қауіптілік деңгейі 1 (Б) елдерінен 119 адам келген. Оның үшеуі – стационарға оқшауланса, 116 – үй карантиніне алынған.
Брифингте Жақсылық Әбілқасымұлы атап мәлімдегендей, бүгін таңертең Сырдария ауданындағы анықталған 3 науқастың екеуі – өздерінде коронавирустық инфекция анықталғанына сенбей, аудандық жұқпалы аурулар ауруханасына жатудан бас тартқан. Тіпті, дәрігерлерге бой бермей, қарсылық танытқан.
<blockquote>
 «Сырдария ауданындағы 2 науқас өздеріне қойылған диагнозға сенбей, бізге қарсылық танытып отыр. Аудандық жұқпалы аурулар ауруханасына жатып, ем қабылдаудан бас тартуда. Бұл – біздің жұмысымызға кедергі келтіруде. Тұрғындар түсіністік танытпай, біздің жұмысымыздың нәтижесі болмайды. Осыны есте сақтаңыздар», – деді басқарма басшысы.
</blockquote>

COVID-19: Сырдариядағы екі науқас диагноздарына сенбей, ауруханаға жатудан бас тартқан

<a href="https://kyzylorda-news.kz/">Kyzylorda-news.kz</a>. Синоптиктер Қызылорда облысында ауа райының бұзылуына байланысты ескерту жариялады.
«Казгидромет» РМК Қызылорда облысы бойынша филиалының хабарлауынша, Қызылорда облысының&nbsp;кей жерлерінде 8 сәуірде таңертең және күндіз, 9 сәуірде тәулік ішінде жауын-шашын (жаңбыр, қар), тұман, найзағай, шаңды дауыл күтіледі.
Жел солтүстік-батыстан, батыстан соғады, күші кей жерлерде 15-20 м/с артады. 9-10 сәуірде түнде ауа температурасы 0-5 градусқа дейін күрт төмендейді, оңтүстікте термометр +3 градусты көрсетеді.

Ауа райы: Қызылорда облысында қар аралас жаңбыр жауады

1999 жылы&nbsp;ҚР Президенті Нұрсұлтан Назарбаевтың Жарлығымен Ақмола облысының әкімдігі Астана қаласынан Көкшетауға көшірілді.
2005 жылы&nbsp;Алматыда Халықаралық экономика мектебі ашылды. Мектеп – Қазақстан-британ техникалық университетінің бір бөлігі.
2006 жылы&nbsp;Алматыдан Солтүстік белдеуге Қазақстанның алғашқы полярлық экспедициясы шықты.
2008 жылы&nbsp;Ақтөбеде АҚШ-тың Қазақстан Республикасындағы Елшісі Джон Ордвейдің қатысуымен республикалық ғылыми-техникалық кітапхананың филиалында америкалықтардың бұрышы ашылды.
2010 жылы&nbsp;Атыраудағы «Каспиймұнайгаз» ғылыми-зерттеу институтында жер қыртысы жағдайындағы кендік материалдарды зерттеуге арналған петрофизикалық зертхана іске қосылды. Бұл зертхана аймақтың жер қойнауын пайдаланушылары мұнайлы кен орындарының өнімді қыртыстарын, соның ішінде қазып алынған керндік материалды да тиісті зерттеулерін шұғыл әрі сапалы жүргізуге мүмкіндік беретін бірегей жабдықпен жарақтандырылған. Бұрын жер қыртысының өнімділігі деңгейін, мұнай жатқан жер тереңдігін айқындап беретін мұндай зерттеулер шет елдерде жүргізілетін еді. Енді соның бәрін өз елімізде жасауға тамаша мүмкіндік туды.
2010 жылы&nbsp;Қазақстан Республикасы Ұлттық мұрағатының көрме залында белгілі ғалым, жазушы, Қазақстанның еңбек сіңірген қайраткері, филология ғылымының докторы, профессор Ақселеу Сейдімбектің құжаттық жеке қорының ашылу рәсімі өтті. Құжаттық жеке қорда 1961-2009 жылдар аралығында жазылған 700-ге жуық хаттар жинақталған.
2010 жылы&nbsp;жергілікті уақыт бойынша сағат 19:57-де «Байқоңыр» ғарыш алаңынан «Днепр» зымыран-тасығышы арқылы Еуропалық ғарыш агенттігінің (ЕҒА) «КриоСат-2» ғылыми ғарыш аппараты ұшырылды. «КриоСат-2» ғылыми серігі жаһандық жылынудың полярлық мұздықтарға әсерін бақылауға арналған.
2011 жылы&nbsp;Астанадағы Тәуелсіздік сарайында Қазақстан Республикасының Президенті Нұрсұлтан Назарбаевты ұлықтау салтанаты өтті. Онда Елбасы Қазақстан халқына ант беріп, оған ҚР Президентінің куәлігі табысталды. 2011 жылы Алматыда ел тәуелсіздігінің 20-жылдығына арналған «Әлемдік қауымдастық таныған Қазақстан» фотокөрмесінің таныстырылымы өтті.
2011 жылы&nbsp;«Қазақстан темір жолы» ұлттық компаниясы мен Siemens AG ҚР темір жол электрлендіру саласындағы жобаларды іске асыратын бірлескен кәсіпорын құрды.
2011 жылы&nbsp;Байқоңыр қаласында «Инфракос-Экос» еншілес мемлекеттік кәсіпорынның химиялық-экологиялық зертханасы таныстырылды.
2017 жылы&nbsp;Халықаралық Түріксой академиясының (TWESCO) басшысы Дархан Қыдырәлі Ыстанбұлда «Түркі әлеміне қызмет еткені үшін» халықаралық сыйлығымен марапатталды

8 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 8 сәуірге арналған жұлдыз-жорамалы.
Тоқты
Бүгін өте сезімталсыз. Жұлдыздар психология ілімі туралы кітаптарды оқуға кеңес береді. Ойлау қабілетіңіздің шекарасын кеңейтіңіз. Бассейнге барыңыз.
Торпақ
Бүгінгі күн сіз үшін ауыр болады. Сізге ашкөздік танытатындар бар. Олардан бойыңызды аулақ ұстаңыз. Жол сапарға шықпаңыз. Алыстағы танытарыңызбен хат жазыспағаныңыз жөн.
Егіздер
Бүгінгі к.н сіз үшін өте жақсы. Жеке өміріңізде жолыңыз болып, айыңыз оңынан туады. Тек өзіңізге не қажет екенін анықтап алыңыз.
Шаян
Бүгін белсенділік танытпайсыз. Бұл күтпеген оқиғаларға тап болуыңыздан болар бәлкім. Сіз ойламаған жағдайлар туындап, жоспарларыңыз бұзылуы мүмкін.
Арыстан
Әріптестермен басқосуға қолайлы күн. Жаңа қызметке ауысуыңыз мүмкін. Жаңа басшылықпен келіссөз жүргізіп, құжаттарға қол қоясыз.
Бикеш
Бүгін сізді көп өзгеріс күтіп тұр. Серіктестеріңізден бас тартып, өз идеяларыңызды жүзеге асырмайсыз. Идеяларыңызды қолдайтын жаңа басшылықпен келісімшартқа отырыңыз.
Таразы&nbsp;
Бүгін күш-қуатыңыз әлсірейді. Оған қарсы тұрудың қажеті жоқ. Бүгін әлсіздік танытсаңыз да, келесі күнге мол энергия жинап алуға болады. Бұл жағдайға еш көңіл-күйіңіз түспесін.
Сарышаян
Бүгін сіз үшін сәтті күн. Отбасыңызда жағдай өте жақсы. Бұл сізге қуаныш сыйлайды. Балаларыңыз да сізді қуантатын болады. Жақындарыңызға уәде беруден аулақ болыңыз. Тек бастаған істі соңына дейін жеткізіңіз.
Мерген
Керемет күн. Көңіл-күйіңізді көтеріңкі ұстауға тырысыңыз. Сіздер маңызды істерге ғана көңіл аударатын боласыздар. Тек бүгін тәуекелге бел бумағаныңыз жөн.
Тауешкі
Біліміңізді жетілдіруге құлшынысыңыз артып, жаңа идеялар пайда болады. Еңбегіңіз жемісті болмақ. Мемлекеттік мекемелерге өтінішпен кіріп, шаруаңызды шеше аласыз.&nbsp;
Суқұйғыш
Өте керемет күн. Қиын жағдайда көмек қолын созатын жандар табылады. Жөндеу жұмыстарын бастауды немесе құрылыс жүргізуді ойлап жүрсеңіз, бүгінгі күн бұл шаруаларға өте сәтті болмақ
Балықтар
Жұлдыздар бүгін сіздің күшіңізді тексеретін болады. Өзіңізге не қажет екенін біле аласыз. Ең алдымен орындау керек маңызды шаруаларды алдыңғы шепке шығарасыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a>&nbsp;&nbsp;Қызылорда облысында коронавирустық инфекцияны жұқтырғандар саны 66 адамға жетті, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-8-sauirdin-08-45-uakytyndagy-epidemiologiyalyk-zhagday_a3635161">www.coronavirus2020.kz</a>
8 сәуір 08:45-тегі&nbsp;мәлімет бойынша, қауіпті індетті жұқтырған тағы 7 адам тiркелдi, Қызылорда облысында – 3 адам, Атырау облысында – 4 адам. 
⠀ 
Осы сағатта Нұр-Сұлтан қаласы бойынша 222 адам, Алматы қаласында – 119 адам, Қарағанды облысында – 55 адам, Ақмола облысында – 42 адам, Атырау облысы – 36 адам, Жамбыл облысында – 45 адам, Шымкент қаласында – 20 адам, Шығыс Қазақстан облысында – 6 адам, Алматы облысында – 10 адам, Ақтөбе облысында – 11 адам, Солтүстік Қазақстан облысында – 25 адам, Павлодар облысында – 1 адам, Маңғыстау облысында – 5 адам, Қызылорда облысында – 69 адам, Батыс Қазақстан облысында – 2 адам, Түркістан облысында – 33 адам, Қостанай облысында – 3 адам, жалпы 704 науқас тіркелді.

Қызылордада індет жұқтырғандар саны 69 адамға жетті

Карантинге байланысты қазақстандықтардың наурызбен сәуір айлары үшін төлеуі тиіс коммуналдық қызмет ақысы кейінге шегерілді. Нақтыласақ, төлеу мерзімі жыл соңына дейін ұзартылды. Айыппұл мен өсімпұл салынбайды.

Аз қамтылған отбасылар үшін коммуналдық төлемдер қай мерзімге дейін шегерілді? Бұған қолжеткізу үшін не істеу керек?

1308 номері бойынша (ұялы телефоннан теру керек).

Психологтардың көмегін қайдан және қалай алуға болады?

Құрамында қалалық Кәсіпкерлік және инвестиция басқармасы, прокуратура, МПС, аудандық әкімдік қызметкерлері бар арнайы жұмыс тобы құрылды. Олар карантин кезінде талап-ережені бұзған кәсіпкерлерді анықтау бойынша рейдтер жүргізеді. Қалалық жедел штабтың шешімі бойынша сауда тек азық-түлік дүкендерінде ғана жүзеге асырылады. Фитнес-клубтар, спа-салондар, массаж кабинеттері және азық-түлік емес бағыттағы сауда орталықтары карантиннің соңына дейін жабық болуы тиіс. Мейрамханалар жұмыс істейді. Бірақ олар тапсырыс қана қабылдап, оны жеткізеді.

Азық-түлік емес және тауарлар мен қызметтер сауда орындары әлі күнге дейін жұмыс істеп жатыр. Неге?

Күн сайын қаланың 48 дәріханасына тікелей өндірушіден бағасы 87 теңгелік бетперделер жеткізіле бастады. Қазіргі уақытта қалаға күніне 50 мың бетперде келеді. Жақын арада бұл көрсеткіш 80 мыңға дейін артады.

Дәріханалардан медициналық бетперделерді қолжетімді бағамен қашан сатып алуға болады?

Әлеуметтік маңызы бар 19 тауар бақылауға алынды. Бұл қорды тұрақтандыру үшін мемлекеттен бес миллиард теңге бөлінді. Қалада азық-түлік тапшылығы жоқ. Қорда бірінші қажеттіліктегі 12 мың тонна азық-түлік бар.

Қазақстан және Қызылорда облысының жаңалықтары