<a href="https://kyzylorda-news.kz/">Kyzylorda-news.kz</a> ақпарат агенттігінің 4 сәуірге арналған жұлдыз-жорамалы.
Тоқты
Бүгін енжарлық танытасыз. Келешегіңізге алаңдаулысыз. Аздап жүйкеңіз сыр береді. Көп ойлана бермеңіз.
Торпақ
Бүгін өте қуаныштысыз. Махаббатта жолыңыз болады. Сізге түсіністік танытатындар да бар.
Егіздер
Күніңіз сәтті өтеді. Өткен күндерде өкінішіңіз болғанымен, бүгін өзіңізді жайлы сезінесіз.
Шаян
Романтикалық көңіл-күйіңіз бен өзгеріске деген құштарлығыңызды күнделікті күйбең тіршілік жоя алмайды.
Арыстан
Жұлдыздар бүгін жаңа махаббат дастанын бастан өткеретініңізді айтады. Сондай-ақ денсаулығыңызға зиян тағамдардан алыс болуды ескертеді.
Бикеш
Үй тіршілігі шаршатады. Дегенмен аз уақытқа болса да оңаша қалып, тыныштықта серуендеңіз. Бұл сізге пайдалы болмақ.
Таразы
Бүгін жеке өміріңіз түбегейлі өзгереді. Жақын адамыңыз баға жетпес сый жасайды. Осыдан кейін оның сізге деген құрметі зор екеніне көзіңіз жетеді.
Сарышаян
Бүгінгі күн алдағы күндерге жоспар жасауға өте қолайлы болмақ. Үй шаруасын жасап, иығыңыздан ауыр жүк түскендей сезімде боласыз.
Мерген
Керемет күн. Ешқандай мәселе туындамай, барлық ойларыңыз жүзеге асатын болады. Бұл сізді қуантады.
Тауешкі
Қиын жағдай туындаса да еш мойымаңыз. Өйткені барлық мәселе өз орнымен шешімін табатын болады.
Суқұйғыш
Көтеріңкі көңіл-күй барлық мәселенің шешілуіне оң ықпалын тигізетін болады. Ең бастысы денсаулығыңызды күтіңіз.
Балықтар
Бүгін ескі досыңызбен кездесесіз. Бұл кездесуде қуанышқа кенелесіз. Келер жылы досыңыздың арқасында біраз жетістікке жететін боласыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a>&nbsp;Еліміздегі төтенше жағдай&nbsp; кезінде&nbsp; мектеп оқушыларының IV&nbsp;тоқсанда қашықтықтан оқу жүйесін ҚР Білім және ғылым министрі Асхат Аймағанбетов онлайн брифинг барысында атап өтті, деп хабарлайды <a href="https://baq.kz/news/othernews/onlayn-saba-zh-rgizilmeytin-boldy/">baq.kz</a>.
Елімізде барлық оқушыларға арналған бірнеше платформалар әзірленгені айтылды. Арнайы сынама сабақтар өткізіліп, онлайн сабақтарға қарағанда қашықтықтан сабақ беру тиімді екендігін атап өтті министр.
<blockquote>
 “Сынақ сабақтар кезінде басқаша мәселелерді көрдік. Онлайн осыншама қосылуды көтермейді, соған байланысты көп ыңғайсыздықтар болды. Оған көзіміз жетіп отыр. Техникалық ақаулар жеткілікті. Интернет бұл жүйені көтере алмады. Онлайн оқудың орнына, мен айтқан басқа платформалар арқылы оқытуды жүргізуіміз қажет”, – деді білім және ғылым министрі Асхат Аймағамбетов.
</blockquote>
Сонымен қатар, Bilimland, kundelik.kz, opiq.kz деген сияқты платформалар арқылы бейне сабақтар дайын екендігі аталып өтті. Тек оқушылар кіріп, мұғалімдерімен кер байланыс жасаса болды.&nbsp;
<blockquote>
 “Солардың ішінде әр мектеп осылардың біреуіне тоқталып, жұмыс істейді. kundelik.kz&nbsp; және Daryn.Online сайттары бойынша 900 мың-ға жуық бала кіріп, тиісті дәрісін алды. Әр тоқсандағы болатын тақырыпқа сәйкес тиісті бейне&nbsp; сабақтар бекітіліп жатыр. Сонда бала өзі кіріп қарағанда сол тақырып бойынша мұғалімнен алған тапсырмасы болады соған сәйкес бейнені қарап тамашалай алады. Осы бойынша үлкен жұмыстар жүргізуге болады”, – деді министр.&nbsp;
</blockquote>
Жалпы елімізде&nbsp; қашықтықтан оқуға&nbsp; 2,5 млн бала қатысқан. Қазіргі кезде каникулға қарамастан бұл платформалар өз жұмысын жүргізіп жатыр.

Елімізде онлайн сабақ жүргізілмейтін болды

<a href="https://kyzylorda-news.kz/">Kyzylorda-news.kz.</a> Еліміздегі Төтенше жағдай кезінде Арал ауданында бетперде тапшылығын болдырмау үшін жеке кәсіпкер Мейрамбек Жұмашевтің қолдауымен 5000 дана бетперде жергілікті тігін шеберханаларында тігілуде.
Дайын болған бетперделердің барлығы тұрғындардың қажеттілігіне қарай тегін таратылатын болады.
Бүгін аудандағы ерікті жастар орталық базар маңы мен халық көп жүретін аймақтарды аралап, дайын болған 500 бетпердені тұрғындарға тарту етті.
Сондай-ақ, еріктілер тұрғындарға індеттен қорғану жолдары жазылған арнайы таратпа қағаздарын ұсынып, көшеге ретсіз шықпау және адамдар көп жиналатын жерлерге бармау қажеттігі жөнінде түсіндірме жұмыстарын жүргізді.
Сонымен қатар, көше тазалықшыларына 260 бетперде тегін таратылды.
Атап өтейік, Жаңа ауыл мөлтек ауданындағы «Аружан» тігін шеберханасында тұрмыс жағдайы төмен және мүмкіндігі шектеулі жандарға бетперделер тегін берілуде.
<img src="https://kyzylorda-news.kz/wp-content/uploads/2020/04/02-2.jpg" alt="" />
<img src="https://kyzylorda-news.kz/wp-content/uploads/2020/04/03-2.jpg" alt="" />

Арал ауданында бетперделер тегін таратылуда

<a href="https://kyzylorda-news.kz/">Kyzylorda-news.kz.</a> Діни бірлестіктерге мерекелік діни рәсімдерді онлайн режімде өткізуді ұсынамыз. Бұл туралы ҚР Ақпарат және қоғамдық даму министрі Дәурен Абаев мәлімдеді.
<blockquote>
 «Сәуір айында біздер үшін маңызды бірқатар діни мейрамдар келе жатыр. Олар: Ораза, православтық және католиктік Пасха, яһудилік Песах және тағы да басқалар. Сөзсіз, олардың барлығы көптеген азаматтар үшін үлкен маңызы бар. Біз дін ұстанушы азаматтарымыздың діни сеніміне зор құрметпен қараймыз. Алайда коронавирус індеті барлық адамның денсаулығына, өміріне қауіп төндіруде. Сол үшін көптеген елдер эпидемияға қарсы бұрын-соңды болмаған шектеулер енгізуде. Вирус таралмауы үшін адамдар жиналатын барлық шараларға, оның ішінде діни шараларға да уақытша тыйым салынады. Себебі бұл діни шаралар кезінде адамдар ғибадат орындарына барып, туыстарымен, жақындарымен жиналады. Бірге мазар басына барады, одан да басқа әртүрлі мәдени-көпшілік шаралар болады», – деді министр «Хабар 24» телеарнасының тікелей эфирінен.
</blockquote>
Бұл тұрғыда ведомство басшысы ел тұрғындарына түсіністікпен қарауға шақырды
<blockquote>
 «Сол үшін қазіргідей күрделі уақытта ең басты мәселе – адамның денсаулығы мен амандығы. Ешқандай дін адам өмірі мен денсаулығына қауіп төндіргенді мақұлдамайды. Осы ретте барлық діни және этно-мәдени ұйымдардың басшылары мен азаматтарды түсіністік танытуға шақырамыз. Діни мейрам кезінде карантин режімін сақтауды сұраймыз. Діни бірлестіктерге мерекелік діни рәсімдерді онлайн режімде өткізуге ұсынамыз», – деді Дәурен Абаев.
</blockquote>

Төтенше жағдай: Рамазан айындағы ауызашар рәсімі өткізіле ме?

Бүгінгі таңда әлемді жаулаған коронавирус індеті дүниежүзі елдерінің экономикасы мен адамдардың өміріне өте үлкен қауіп төндіруі әбден мүмкін. Нақты айтқанда, біздің елдігіміз нағыз сынға түсетін кезең.
Дегенмен, осындай қиын кезеңде елімізде атқарылып жатқан жаңа жобаларды, індетке қарсы жасалған жұмыстарды көріп көңілге сенім ұялады. Әлем елдерін дүрліктіріп отырған пандемияның жылдам таралуына орай Мемлекет басшысы Қасым-Жомарт Тоқаев халық алдына шығып, екінші мәрте өз мәлімдемесін жасады.
Осы орайда мемлекетімізде төтенше жағдай жарияланып, Қазақстанға вирустың жаппай таралып кетуіне жол бермегендігімізді нақты жеткізді. Сондай-ақ, алдағы уақытта ахуалды бақылауда ұстайтындығын атап өтті. Президентіміздің қиын шақта жасаған мәлімдемесі ел еңсесін бір серпілткені жасырын емес. Осындай ауыр кезеңде бірнеше келелі істерге келісті тұжырымдама жасады. Атап айтқанда, пандемияға қарсы күресте алдыңғы шепте жүргендерге қосымша қолдау көрсетілетін болды. Соның ішінде, дәрігерлер мен медицина қызметкерлеріне 3 ай бойы қосымша үстемақы төленетіндігі баршамызға аса зор жігер беріп, жауапкершілік жүктеді. Сонымен қатар, медицина қызметкерлерінің өмірін сақтандыру мәселесінің оң шешім тапқандығы дәрігерлер қауымының қоғамдағы өзіндік орнын тағы бір айқындап берді деуге болады.
Атап өту қажет, әлемге таралған бұл індетпен күресу бағытында Арал ауданаралық ауруханасында да ауқымды шаралар қабылданып, қажетті шаралар жүргізілуде. Қазіргі таңда «Арал ауданаралық ауруханасы» ШЖҚ-ы КМК-ы бойынша Covid-2019 инфекциясын жұқтырып алудың алдын алу іс-шаралары бойынша ҚР Денсаулық сақтау министрінің 2020 жылғы 3 ақпанда бекіткен «Жаңа короновирусты инфекцияға күдікті науқастар анықталған кезде жүргізілетін санитариялық-эпидемияға қарсы және санитариялық-профилактикалық іс-шаралар алгоритміне» сәйкес аудандық тауарлар мен көрсетілетін қызметтердің сапасы мен қауіпсіздігін бақылау басқармасымен бірлескен бұйрықтары шығарылып, арнайы жұмысшы топ құрылды.
Аудан көлеміндегі емдеу-сауықтыру мекемелерінде, аудан тұрғындары арасында короновирус инфекциясының алдын алу шаралары туралы халыққа арналған жаднамалардың дайындалуы, жеке қорғаныш құралдарының дезинфекциялау заттарының, дәрілік препараттардың қорын жасау, медицина қызметкерлері үшін жедел әрекет ету, профилактика, дезинфекциялау режимін сақтау шараларының дайындығы тексерілді. Бұдан бөлек, ауданаралық аурухананың жұқпалы аурулар бөлімшесінен 45 төсек провизорлық стационар және қосымша жүйке аурулар диспансерінің 3-ші қабатында 7 төсек орындары дайындалды.
Казіргі таңда Арал ауданаралық ауруханасында: суға төзімді бір реттік костюм, көп суға төзімді коп реттік костюм, бір мәртелік бетперде, респиратор 95, балаларға арналған бір мәртелік бетперде, төрт қабатты бетперде сынды медициналық бұйымдардың қоры жеткілікті деңгейде жасақталып отыр.
Сонымен қатар, аудан көлемінде халық арасында коронавирус инфекциясының алдын-алу шаралары жөнінде санитарлық ағарту жұмыстары кең көлемде жүргізіліп келеді. Арал ауданына шет елден және республикамыздың өзге қалаларынан келген студентер мен тұрғындардың және уақытша келген тұрғындар туралы мәліметтер алынып, күнделікті бақылау жүргізілуде.
Осындай сәтте халықтың «бір жағадан бас, бір жеңнен қол шығарып», бірлікте болуы аса маңызды деп санаймын. Көпшілікті қорқыныш пен үрей мазалайтыны сөзсіз. Ол орынды. Соның өзінде даурықпай, сабырлық сақтау керек. Біз бірге екенімізді естен шығармайық.
Лаура ӘДІЛБАЕВА,
Арал ауданаралық ауруханасы Бас дәрігерінің бастапқы санитарлық медициналық көмек жөніндегі орынбасары

Лаура Әділбаева: «Президенттің ақ халаттыларға деген ерекше қамқорлығы қуантты»

<a href="https://kyzylorda-news.kz/">Kyzylorda-news.kz.</a> Несиелік берешекті қалай шегертуге болады? Көпшіліктің көкейіндегі сауалға Ұлттық банк жауап берді. Ведомство кәсіпкерлер мен жеке тұлғаларға онлайн өтініш беру тәртібін түсіндірді, деп хабарлайды <a href="https://www.ktk.kz/kz/news/video/2020/04/02/143895/">КТК</a> телеарнасы.
Вирус тұтастай экономиканы алқымынан алды. Бірталай азамат жұмыссыз қалып, көптеген кәсіпкер кірістен айырылып, шаш етек шығынға батқан. Сондықтан әлеуметтік осал топтар мен кәсіпкерлер банк немесе басқа да қаржылық ұйымдар алдындағы қарызын өтеу мерзімін үш айға шегере алады. Ол үшін өтінішті ешбір құжатсыз, онлайн жіберу керек.
Сәйкесінше, айлық төлемді кейінге қалдыру, я қалдырмау туралы шешім 10 күнге дейінгі мерзімде қабылданады. Егер жеке тұлға әлеуметтік осал топқа жатпаса, онда ол өзінің неліктен несиесін төлеуге қауқарсыз екенін жазбаша түрде түсіндіруі тиіс.
Бүгінде 12 мыңнан астам қазақстандықтың және 3 мыңнан астам кәсіпкердің берешегін өтеу мерзімі кейінге шегерілді. Әрі бұл шара азаматтардың несиелік тарихына еш әсер етпейді.
<blockquote>
 «Қарыз алушының өтініші еркін нысанда жасалатындығын, кредиттік ұйымның электрондық поштасы, банк, клиент, онлайн жүйесі, интернет ресурсы, мобильдік қосымша, басқа да байланыс құралдары арқылы қашықтан жіберілетіндігін ерекше атап өткеніміз жөн», – ҚР Қаржы нарығын реттеу және дамыту агенттігі департамент басшысының орынбасары Нұржан Бидайбек.
</blockquote>

Төтенше жағдай кезінде несиелік берешекті онлайн қалай шегеруге болады?

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова өңірге белгілі журналистер – Қазақстан Жазушылар одағы Қызылорда облыстық филиалының директоры Қаршыға Есімсейітованы, «Сыр медиа» ЖШС бас директоры Аманжол Оңғарбаевты&nbsp; және «Егемен Қазақстан» газетінің меншікті тілшісі&nbsp; Мұрат Жетпісбаевты қабылдады.
Кездесуде аймақ басшысы баспасөздің, бұқаралық ақпарат құралдары өкілдерінің қоғам үшін маңыздылығына тоқталды.
<blockquote>
 «Осындай қысылтаяң шақта&nbsp; ғаламторда, әлеуметтік желілерде жалған ақпараттар тарайды. Осы ретте журналистердің халыққа нақты әрі шынайы&nbsp; ақпарат жеткізуі аса маңызды. Сіздермен бірігіп жұмыс істейтінімізге сенемін», – деді облыс әкімі Гүлшара Әбдіқалықова.
</blockquote>
«Сыр медиа» ЖШС бас директоры Аманжол Оңғарбаев өңір басшысының қызметіне сәттілік тілеп, «Сыр медиа» ЖШС қарасты мерзімді басылымдардың жұмысына тоқталды. 555&nbsp; адамды жұмыспен қамтып отырған мекемеде газетті шығарып, баспаханасында басып, тарату жұмыстары жолға қойылған.
Кездесуде Аманжол Оңғарбаев жас журналистерге сыйақы тағайындау мәселесін көтерді.
Қазақстан Жазушылар одағы Қызылорда облыстық филиалының директоры Қаршыға Есімсейітова мен «Егемен Қазақстан» газетінің меншікті тілшісі&nbsp; Мұрат Жетпісбаев та аймақ басшысына&nbsp; БАҚ өкілдерін марапатқа ұсынуды, Жазушалар одағына мүшелікке жастарды қосуды және әрқашан бірге жұмыс істеуге&nbsp; әзір екендіктерін жеткізді.
Аймақ басшысы бұл БАҚ өкілдерімен алғашқы кездесуі екендігін, карантин уақыты аяқталған соң, кең құрамда тағы бір кездесу өткізетінін айтты.
«Мемлекет басшысы төтенше жағдайға байланысты тапсырма берді. Қаржы бөлді. Енді ел экономикасын көтеру бағытында жұмыс істеуіміз қажет. Айтылған ұсыныс-пікірлеріңіздің барлығы қаралады. Халық пен билік арасындағы алтын көпір болған журналистерге шығармашылық табыс тілеймін», – деді облыс әкімі.
<img src="https://kyzylorda-news.kz/wp-content/uploads/2020/04/001.jpg" alt="" />
<img src="https://kyzylorda-news.kz/wp-content/uploads/2020/04/02-1.jpg" alt="" />
<img src="https://kyzylorda-news.kz/wp-content/uploads/2020/04/03-1.jpg" alt="" />

Гүлшара Әбдіқалықова БАҚ өкілдерімен кездесті

<a href="https://kyzylorda-news.kz/">Kyzylorda-news.kz.</a> Кез келген мемлекетте ер азаматтар – ел басына күн туған жағдайда жүгінер халықтың үлкен күші. Елдің, отбасының, ата-анасының, жарының, іні-қарындас, бауырларының тірегі.
Бүгінгі таңда әлемді дүрліктірген қауіпті індет біздің елге де жетті. Өкінішке орай, Сыр елінде де жерлестеріміз бұл науқасқа шалдыққаны анықталды.
Қазіргі таңда еліміз осы қауіпті дертпен күресуде. Мемлекет басшысынан бастап, ақ халатты абзал жан – дәрігерлер, полицейлер, әскери қызметкерлер жан алысып, жан берісіп жатыр. Күн сайын қаншама өмірлерді аман сақтап қалу үшін қолдарын келгендерін жасауда.
Кеше, яғни, 2 сәуірде Қазақстан Республикасының Президенті Қасым-Жомарт Тоқаевтың «Әскери міндеттілерді арнаулы жиындарға шақыру туралы» №296 Жарлыққа қол қойды.
Президент Қасым-Жомарт Кемелұлы бұл шара, ең алдымен, еліміздегі қиын-қыстау кезеңде, карантин жағдайында қоғамның қауіпсіздігін қамтамасыз ету және Төтенше жағдай режимін ұстап тұруда мемлекетке жәрдемдесу үшін қажеттігін мәлімдеді.
Мен, нәзік жанды азаматша болсам да, Мемлекет басшысының бұл жарлығын қуана қабылдадым. Себебі, осындай қиын-қыстау кезеңде елімізге ауызбіршілік, бірлік, сосын бәріміз бір бағытқа жұмылуымыз керек.
Міне, осы бағытты Қасым-Жомарт Кемелұлы айқындап берді.
Еліміздегі әскери міндетті азаматтар дезинфекциялау жұмыстарын атқаруға, елді мекендерде және бекеттерде құқықтық тәртіпті күзетуге шақырылып отыр.
Бұл – Алтайдан Атырауға дейінгі ұлан-байтақ жерімізді сан ғасырлар бойы жаудан қорғаған батыр бабаларымыздың бүгінгі ұрпақтарына беріліп отырған зор мүмкіндік.
Анығын айтқанда, олар бейбіт өмірде, бірақ, еліміздегі Төтенше жағдай кезінде онымен күресіп жатқан адамдармен бір сапта болып, Қазақстан үшін бәріне дайын екендігін көрсетуі керек!
Дәл осы сәт – ерлеріміздің азаматтық қасиеттері, жігіттігі сыналар сәт!
Егемендіктің арқасында аяғымызды алшаң басып, тыныш өмірге үйренгенбіз. Тіпті менің замандастарым елдің қысылтаяң жағдайын көрген де емес. Ержеткен әрбір азаматтың міндеті – әскери борышын өтеу.
Бірақ әскерге бармаудың сан сылтауын іздеп жүрген замандастарым да баршылық. Жоғарыда айтқанымдай, ата-бабаларымыз әскерден емес жаудың алдынан да тайсалмады. Әкелеріміз шетел асып, жылдап әскерге барды.
Құрметті Сыр елінің жігіттері!
Мемлекет сіздердің көмектеріңізге арқа сүйеуге шақырды. Ендеше бейбіт күнде, қарусыз, барлық жағдайларыңызды қамтыған үйден қатынап жүріп мемлекет алдындағы борыштарыңызды өтеңіздер!
«Мемлекет маған не береді деп емес, мен еліме не беремін!» деген сөз құр ҰРАН болып қалмайды деп сенемін!
Баршаңызды «Әскери міндеттілерді арнаулы жиындарға шақыру туралы» Жарлыққа құлақ асып, елімізге қамқор болуға шақырамын!
Бибінұр ӨТКЕЛБАЙ,
«Чемпион» шахмат клубының жетекшісі.

Бибінұр Өткелбай: «Сыр елінің жігіттерін азаматтық қасиеттерінің сыналар сәті – арнаулы жиындарға қатысуға шақырамын!»

<a href="https://kyzylorda-news.kz/">Kyzylorda-news.kz.</a>&nbsp; Қазақстанда тағы жеті адамнан коронавирус табылды, оның біреуі Қостанай облысында тіркелді, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-3-sauirdin-18-10-uakytyndagy-epidemiologiyalyk-zhagday_a3633462">coronavirus2020.kz.</a>
<blockquote>
 “3 сəуір сағат 18:10-дағы жағдай бойынша коронавирус инфекциясын жұқтырған тағы 7 адам тіркелді, олардың ішінде Шығыс Қазақстан облысы – 1, Жамбыл облысы – 2, Түркістан облысы – 3, Қостанай облысы – 1”, – делінген хабарламада.
</blockquote>
Осылайша, Қазақстанда осы уақытқа дейін коронавирус инфекциясын жұқтырған адам тіркелмеген жалғыз өңір – Қостанай облысында да бұл қауіпті індет анықталып отыр.

Коронавирус Қазақстанның барлық облысына жетті

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі COVID-19 үшін жаңа клиникалық хаттамаларды бекітті. Бұл туралы министрліктің баспасөз қызметі хабарлады.
ҚР Денсаулық сақтау министрлігінде медициналық қызметтердің сапасы жөніндегі бірлескен комиссияның кезектен тыс отырысы өтті, оның аясында коронавирустық инфекция мен сепсисті диагностикалау мен емдеудің клиникалық хаттамалары қаралып, бекітілді.
Дүниежүзілік денсаулық сақтау ұйымының жаңа ұсыныстарының аясында қолданыстағы «Коронавирустық инфекция COVID-2019»&nbsp;диагностикалық және емдеу хаттамасы жаңартылды.
<blockquote>
 «Құжатты қайта қарау Қытай, АҚШ, Италия сияқты елдердің COVID-2019 коронавирустық инфекциясы бар науқастарды басқару және емдеу туралы шетелдік тәжірибенің соңғы мәліметтеріне негізделді. Сонымен қатар, аурулардың халықаралық жіктемесіне сәйкес аурудың 10-шы нұсқасы&nbsp;қайта қаралды. U07.1 коронавирустық инфекциясы COVID-1 болып өзгерді», – делінген ҚР денсаулық сақтау министрлігінің хабарламасында.
</blockquote>
Тәжірибешілер үшін диагноздың мысалдары клиникалық формаларына және COVID-19 курсына байланысты келтірілген.
<blockquote>
 «Аурудың симптомдарын уақытында анықтау және сергектікті арттыру үшін медицина қызметкерлері конъюнктивит, бөртпе сияқты аурудың диагностикалық белгілерін қамтыды. Жедел жәрдем және аурухана кезеңдерінде COVID-19-ге күдік бар науқастарға бағыттау алгоритмдері нақты ұсынылған», – деді департаменттен.
</blockquote>
Ересектер мен балалардағы COVID-19 ауырлық критерийлері сонымен бірге аспаптық диагностикалық әдістерге көңіл бөлініп, CT зерттеулерінің көрсеткіштері кеңейтілді.
<blockquote>
 «COVID-19 баламалы этиотропты емдеу режимдері қаралды және енгізілді, емдеу ұзақтығы анықталды, аурудың ауыр түрлерін емдеуге арналған препараттар енгізілді. Сонымен қатар жүктілік кезінде балалар мен әйелдерде COVID-19 этиотропты емін тағайындау критерийлері нақты жазылған. Аурудың ауыр прогрессивті ағымы бар жүкті әйелдерде вирусқа қарсы терапияны тағайындау.
 Сонымен қатар, аурудың асимптоматикалық формасы бар науқастардан&nbsp;медициналық бақылау критерийлері анықталды, интенсивті, шокқа қарсы терапия тұрғысынан COVID-19 бар төтенше жағдайлардың диагностикасы және емделуі едәуір жүйеленді, экстракорпоралды мембрана оксигенациясының көрсеткіштері мен қарсы көрсетілімдері сипатталған. Науқастарды&nbsp;ауруханадан шығарудың критерийлері 14 күн ішінде жергілікті дәрігердің бақылауымен егжей-тегжейлі белгіленді», – деді Денсаулық сақтау министрлігі.
</blockquote>

ДСМ: Бөртпе және конъюнктивит COVID-19 белгілерінің бірі болуы мүмкін

<a href="https://kyzylorda-news.kz/">Kyzylorda-news.kz.</a> Бүгінде бүкіл әлем қиындыққа тап болды. Бұл қиын сәт біздің де елімізді айналып өтпеді. Осы жағдай кезінде мен үшін де нәубетті еңсеруге, халыққа көмек көрсету мүмкіндігі туды.
Анығын айтар болсақ, Мемлекет басшысы Қасым-Жомарт Тоқаевтың әскери міндеттілерді арнаулы жиынға шақыру туралы Жарлығын орындап, ел алдындағы парызымды өтейтін боламын.
Отансүйгіш азамат ретінде Президент Қасым-Жомарт Тоқаевтың әскери міндеттілерді арнаулы жиынға шақыру туралы Жарлығын қолдаймын. Тек мен емес, Отан алдындағы борышын өтеп келген әрбір қазақстандық қолдайды деп ойлаймын. Негізі әрбір азамат Отан алдындағы борышын өтеуге міндетті, әрі ел басына күн туған уақытта жұмыла әрекет етуі қажет.
Әскери міндеттілерді арнаулы жиындарға шақыру шарасы карантин жағдайында қоғамның қауіпсіздігін қамтамасыз ету және Төтенше жағдай режимін ұстап тұруда мемлекетке жәрдемдесу үшін қажет. Бұл шараны жұмылдыру ісімен шатастырмаған жөн.
Мұндай жиындар жыл сайын әр өңірде пайдаланып келе жатқан тәжірибе екені белгілі. Жалпы әрбір азаматтың ойында елде қандай да бір қиындық болса алдыңғы шептен көрінуге тырысатынына сенімім мол. Мен де еліміздегі төтенше жағдай кезінде Отанымызға бар күш-жігеріммен көмек көрсетуге дайынмын.
Жарлыққа сәйкес әскери міндетті азаматтар медициналық қызмет атқаруға, оның ішінде дезинфекциялау жұмыстарын атқаратын болады.
Сонымен қатар, олар су тасқынымен күресіп, елді мекендерде және бекеттерде құқықтық тәртіпті күзетуге жәрдемдеседі.
Серікболсын МӘДЕНОВ,
Қармақшы аудандық Халыққа қызмет көрсету орталығының маманы

Серікболсын Мәденов: «Еліміздегі Төтенше жағдай кезінде Отан алдындағы парызымды өтеуге дайынмын»

<a href="https://kyzylorda-news.kz/">Kyzylorda-news.kz.</a> Жеңілдік санатына жатпайтын азаматтар несиені кейінге қалдыруы мүмкін, бірақ төтенше жағдайдың енгізілуіне байланысты олардың қаржылық жағдайының нашарлауының кем дегенде бір себебін көрсетуі керек. Бұл туралы ҚР қаржы нарығын реттеу және дамыту агенттігі басқарма төрағасының орынбасары Нұрлан Абдрахманов мәлімдеді.
<blockquote>
 «Әлеуметтік тұрғыдан осал емес азаматтар, АӘК алушылар, ресми жұмыссыз жүрген азаматтар үшін келесі тәртіп: олар қаржылық жағдайының нашарлау себептерінің бірін көрсете отырып, қашықтан өтініш береді», – деді Абдрахманов бейсенбідегі брифингте.
</blockquote>
Мысалы, төтенше жағдайдың енгізілуіне байланысты уақытша еңбекке жарамсыздыққа байланысты, егер қызметкер жұмыс орнынан бара алмаса оған несиелік қарызды төлемей тұруға мүмкіндік беріледі.
Сондай-ақ, себептердің арасында қызметкердің ақы төленбейтін демалысқа жіберілуі, онымен еңбек қатынастарын тоқтатуы және жалақыны төлеуінің төмендеуі немесе тоқтатылуы болуы мүмкін.
<blockquote>
 «Кем дегенде 6 себеп анықталды, бірақ бұл тізім жабық емес. Азаматтар өздерінің қаржылық жағдайының нашарлауының басқа себептерін көрсетуі мүмкін», – деді Абдрахманов.
</blockquote>
Өтініш келісім-шарт жасамай және растайтын құжаттарды тапсырусыз берілуі керек. Банктер өтінішті 10 жұмыс күні ішінде қарауы керек.
<blockquote>
 «Олар қарыз алушының қаржылық жағдайы нашарламағаны туралы ақпарат болған жағдайда ғана бас тарта алады», – деді ол.
</blockquote>
Шағын және орта бизнес өкілдері үшін кідіріс екі жағдайда беріледі.
Біріншіден, егер шаруашылық жүргізуші субъект төтенше жағдай әсер ететін қызмет түрімен айналысса, оған төлемдерді кейін жасауға мүмкіндік беріледі.
<blockquote>
 «Біз банктерге ұсынған ереже субъектілерге төлемдерді кейінге қалдыру және тоқтата тұру мүмкіндігі бар экономикалық қызметтің кемінде 9 түрін қарастырды. Бұл тізім жабық емес, ұсыныстар болған жағдайда біз оны кеңейтеміз», – деді ол.
</blockquote>
Сонымен, сауда, туризм, қоғамдық қызмет көрсету, тамақтану, көлік, демалыс және ойын-сауық, денсаулық сақтау ұйымдары және басқаларында жұмыс істейтіндер төтенше жағдайға байланысты кідіртуге сене алады.
<blockquote>
 «Екіншіден, сату көлемінің төмендеуіне, жұмысшылар санының қысқаруына және басқа да себептерге байланысты кәсіпкерлердің қаржылық жағдайы нашарлаған жағдайда», – деді Абдрахманов.
</blockquote>
Өтінімді 16 наурыздан 15 маусымға дейін кез келген күні тапсыруға болады. 
Ол сонымен қатар халықтың әлеуметтік әлсіз топтарының өкілдері, атаулы әлеуметтік көмек алушылар, сондай-ақ ресми тіркелген жұмыссыздар кешіктіріп алу үшін банктерге жүгінудің қажеті жоқ екенін еске салды.
<blockquote>
 «Мобильді қосымшалар, SMS хабарламалар немесе телефон қоңыраулары арқылы банктер осы санаттағы адамдарға кейінге қалдырылғанын хабарлайды. Егер олар келісетін болса, кейінге қалдыру күшіне енеді. Сондай-ақ өтініштерді, құжаттарға қол қоймай, тек келісімін білдіру негізінде», – деді ол.
</blockquote>

Қазақстан және Қызылорда облысының жаңалықтары