Kyzylorda-news.kz. Жыл басынан бері Қазақстанда 2,6 млн шаршы метр тұрғын үй пайдалануға берілді. Бұл туралы бүгін Үкімет отырысында ҚР Ұлттық экономика министрі Руслан Дәленов айтты.
<blockquote>
 «Жалпы, негізгі капиталға салынған инвестициялардың өсуі 5,1 пайызды құрады. Оның ішінде жеке инвестициялар 5,4 пайызға артты. Инвестициялардың ұлғаюы өңірлердің көбінде байқалады. 4 өңір бойынша төмендеу тіркелді. Олар: Атырау, Алматы, Қызылорда облыстары және Шымкент қаласы. Құрылыс секторында 11,7 пайыз деңгейінде серпінді өсу байқалады. Соның ішінде 16 өңір өсім көрсетті. Қарағанды облысы 50,8 пайыздық өсім көрсетті. Құрылыс бойынша Қызылорда облысы ғана төмендеді», – деді ол.
</blockquote>
Министрдің дерегінше, жыл басынан бері 2,6 млн шаршы метр тұрғын үй пайдалануға берілді. 2020 жылға жоспар 15 млн шаршы метрді құрайды. Бұл ретте, тұрғын үй құрылысының 12 өңірде өсім байқалды. Алматы және Жамбыл облыстарында ең жоғары өсім болды. 5 өңірде төмендеу тіркелді.
<blockquote>
 «Ауыл шаруашылығында өнім 2,5 пайызға артты. Ауыл шаруашылығы бойынша 15 өңірде серпін байқалып отыр», – деді Руслан Дәленов.
</blockquote>

Министр: Қызылорда облысында құрылыс қарқыны төмендеген

Kyzylorda-news.kz. ҚР Премьер-Министрі Асқар Маминнің төрағалығымен өткен Үкімет отырысында еліміздің 2020 жылғы қаңтар-наурыздағы әлеуметтік-экономикалық даму қорытындысы және республикалық бюджеттің атқарылу барысы қаралды, деп хабарлайды Үкіметтің баспасөз қызметі.
Экономиканың, банк саласының ахуалы, республикалық бюджеттің орындалуы, мемлекеттік сатып алулардағы жергілікті қамту туралы ұлттық экономика министрі Р. Дәленов, Ұлттық банк төрағасы Е. Досаев, Премьер-Министрдің бірінші орынбасары – қаржы министрі Ә. Смайылов, «Самұрық-Қазына» ҰӘҚ» АҚ компанияларының көрсеткіштері туралы – Қордың басқарма төрағасы А. Есімов, өнеркәсіп пен энергетика секторындағы жағдай туралы индустрия және инфрақұрылымдық даму министрі Б. Атамқұлов, энергетика министрі Н. Ноғаев, өңірлердің дамуы туралы Қостанай, Алматы, Ақтөбе облыстарының әкімдері А. Мұхамбетов, А. Баталов және О. Оразалин баяндады.
Биыл қаңтар-наурыз айларында ЖІӨ өсімі 2019 жылдың сәйкес кезеңіне 2,7% құрады. Негізгі капиталға салынған инвестициялар 5,1%-ға артты. Алтын-валюта қоры $30 млрд жетті, Ұлттық қор активтері – $57,5 млрд.
Еліміздің негізгі салалары жалпы оң динамика көрсетті. Тау-кен өндірісі саласындағы өсім – 5%, өңдеу саласында – 8,8%, құрылыста – 11,7%, машина жасауда – 30,4% көрсетті. Дегенмен, әлемдегі пандемияға байланысты енгізілген шектеулердің әсері біртіндеп байқала бастады — осы жылдың бірінші тоқсанында сауданың өсуі 1%-ды, қаржы саласы мен сақтандыру қызметтері – 0,7%-ды құрады, ал көлік секторы 1,3%-ға төмендеп, теріс динамика көрсетті.
Биылғы бірінші тоқсанының қорытындысы бойынша негізгі көрсеткіштер бойынша әлеуметтік-экономикалық дамудың өсуінің озық қарқыны Ақмола, Батыс Қазақстан, Түркістан, Қостанай, Қарағанды облыстарында және Нұр-Сұлтан қаласында қамтамасыз етіледі, орташа республикалық көрсеткіштерге Алматы, Ақтөбе, Маңғыстау, Солтүстік Қазақстан, Павлодар, Шығыс Қазақстан облыстарында және Алматы қаласында қол жеткізілді, кейбір көрсеткіштер бойынша республикалық деңгейден төмен деңгейді Атырау, Жамбыл, Қызылорда облыстары, сондай-ақ Шымкент қаласы көрсетті.
Үкімет басшысы орталық және жергілікті атқарушы органдардың бірінші басшыларына бюджет қаражатының уақытылы әрі сапалы игерілуін, оның ішінде олардың экономиканың нақты секторларына дейін жеткізілуін бақылауда ұстауды тапсырды.
Премьер-Министр әлемдік және өңірлік экономикалардағы қазіргі сын-тегеуріндерге жауап ретінде Үкіметтің дағдарысқа қарсы шаралар кешенін қабылдап, іске асырып жатқанын атап өтті — Жұмыспен қамтудың жол картасы бекітілді, құрылысты кеңейту бойынша бірқатар мемлекеттік бағдарламаларды қаржыландыру ұлғайтылды, ШОБ кәсіпорындарын салықтық ынталандыру енгізілді, «Қарапайым заттар экономикасы» жеңілдікпен несиелендіру бағдарламасы кеңейтілді.
<blockquote>
 «Қажет шаралар қабылданды, енді өңірлер қарқынды жұмыс істеуі керек. Барлығы мемлекеттік органдардың тиімді және үйлесімді жұмысына байланысты», — деп А. Мамин, қатаң санитарлық-эпидемиологиялық шараларды сақтаумен өңірлерде дағдарысқа қарсы шаралардың іске асырылуына бақылауды қамтамасыз етуді тапсырды.
</blockquote>

Қазақстан экономикасының өсімі 2,7% құрады

Kyzylorda-news.kz. Қызылорда облыс әкімінің орынбасары Серік Ахмет пен қала әкімі Нұрлыбек Нәлібаев қаладағы залалсыздандыру жұмыстарын пысықтады.
<img src="https://kyzylorda-news.kz/wp-content/uploads/2020/04/fb_img_1586843584885.jpg" alt="" />
Қызылорда қаласында инфекция таралуының алдын алу мақсатында №66597 әскери бөлім қызметкерлері және арнайы мекемелер арқылы бекітілген кестеге сәйкес, бүгінгі күнге дейін жалпы көлемі 713,9 мың шаршы метр болатын 546 аумақты залалсыздандыру жұмыстары күшейтілген режимде жұмыс жасауда.
<img src="https://kyzylorda-news.kz/wp-content/uploads/2020/04/fb_img_1586843595993.jpg" alt="" />
Қаладағы қоғамдық көліктер, аялдамалар, теміржол мен автовокзалдар, ірі кәсіпкерлік нысандар, базарлар және адам көп жүретін көшелер, көпқабатты тұрғын үйлер және олардың аулаларында орналасқан балалар ойын алаңдары, аялдамалар мен қоқыс жәшіктеріне, сондай-ақ әлеуметтік нысандарға залалсыздандыру жұмыстары жүргізілуде.
<img src="https://kyzylorda-news.kz/wp-content/uploads/2020/04/fb_img_1586843598820.jpg" alt="" />
Көшелерге арнайы гипохлорид кальций ерітіндісі қосылған қоспамен, ғимараттарды диохлорид ерітіндісі қосылған қоспамен залалсыздандырылды. Бұл жұмыстар әрі қарай бекітіленген кестеге сай кезең кезегімен толығымен дезинфекцияланады. 
Шаһар басшысы бүгінгі қаладағы бірнеше нысандарды қадағалай келе, оның орындалуын тікелей бақылауына алып, тиісті сала басшыларына жұмыстарды одан әрі күшейтілген режиммен жалғастыруды тапсырды.
<img src="https://kyzylorda-news.kz/wp-content/uploads/2020/04/fb_img_1586843592756.jpg" alt="" />
Айта кету керек, елімізде орын алып отырған коронавирус іңдетіне байланысты, ҚР Президентінің тапсырмасына сәйкес, ҚР Қорғаныс министрлігіне бағынысты Қызылорда облысында орналасқан әскери бөлімдердің ұйымдастыруымен қала аумағында орналасқан теміржол вокзалы мен автовокзал аумағын 26 наурыздан бастап дезинфекциялау жұмыстары жүргізілген болатын.

Қызылордада залалсыздандыру жұмыстары күшейтілген режимде жүріп жатыр

Kyzylorda-news.kz. Алматы облысына Біріккен Араб Әмірліктерінен ұшып келген ел өңірлерінің 135 тұрғыны карантиннен шығарылды, деп хабарлайды Алматы облысы әкімінің баспасөз қызметі.
Талдықорған мен Текелі қалаларында арнайы орындарда оқшауландырылған 135 адам бүгін өз тұрғылықты өңірлеріне қайтарыла бастады.
Елге келгенге дейін де БАӘ-де бірнеше күн карантинде болған бұл жолаушылардың барлығынан келген бетте тиісті анализдер алынып, қорытындысы теріс нәтиже көрсетті.
Енді облыс әкімінің тапсырмасына сәйкес осы азаматтарды тұрғылықты жерлеріне тегін жеткізіп салу жұмыстары ұйымдастырылуда. Атап өтсек, Талдықорған мен Текелі қаласына жеткізілген 135 азаматтың 10-ы – Қостанай, 10 – Павлодар, 9 – Алматы, 8 – Шығыс Қазақстан, 6 – Ақтөбе, 5 – Ақмола, 4 – Жамбыл, 2 – Батыс Қазақстан, 2 – Маңғыстау, 3 – Қызылорда, 1 – Қарағанды, 1 – Түркістан облыстарының, 31-і – Алматы, 27 – Нұр-Сұлтан және 16 – Шымкент қалаларының тұрғындары.
Тиісті облыстар мен қалалардың жедел штабтарына азаматтар туралы алдын ала ақпарат беріліп, қабылдап алу мәселесі келісілді. Бүгін олар арнайы көліктермен өз өңірлеріне жеткізіледі.

Алматы облысында карантинде жатқан қызылордалық тұрғындар шығарылды

Kyzylorda-news.kz. Елордада қайта сынама тапсырған 19 адамнан коронавирус инфекциясы табылды. Бұл туралы елорданың Қоғамдық денсаулық сақтау басқармасының басшысы Сәуле Қисықова айтып берді, деп хабарлайды <a href="https://www.inform.kz/kz/kayta-synama-tapsyrgan-19-adamnan-covid-19-tabyldy_a3637825">ҚазАқпарат</a> .
Қазіргі уақытта елордада вирус жұқтырғандар саны 264 адамға жетті. Соңғы екі күнде – 12-13 сәуір күндері 29 жағдай тіркелді.
<blockquote>
 «19 жағдай – өкпенің екіжақты қабынуы, тыныс алу қиындығы бойынша бірнеше күннен бері стационарда жатқан науқастардан табылды. Олардың алғашқы сынамасында коронавирус инфекциясы табылмаған еді», – деп атап өтті басқарма басшысы «Хабар 24» телеарнасындағы брифингте.
</blockquote>
Бірақ, КВИ диагностикалау мен емдеу хаттамасында ауру белгілері (рентгенограммада немесе компьютерлік томографияда өкпенің екіжақты өзгеріске ұшырауы) байқалған адамдардан қайта сынама алу ұсынылған.
<blockquote>
 «Осылайша, дәрігерлер қайта сынама алған 19 науқастан инфекция табылды. Бұл әдіс арқылы коронавирус инфекциясын диагностикалау мен емдеу тиімді болады. Тағы 7 оқиға – науқастармен байланыста болғандар, отбасы мүшелері немесе бірге жұмыс істегендер арасынан табылды. Олар бұған дейін оқшауланып, тексеруден өткен және инфекция расталғандықтан, ауруханаға жатқызылды. Ал 3 оқиға – коронавирус инфекциясы бойынша жүргізілген мониторинг барысында табылды», – деді Сәуле Қисықова.
</blockquote>

Қайта сынама тапсырған 19 адамнан COVID-19 табылды

Kyzylorda-news.kz. Төтенше жағдайға байланысты білім беру ұйымдары қашықтан оқыту жүйесіне көшірілді. Барлығы 30 колледж 293 мектеп.
Электронды құрылғылар жетіспейтін 6443 отбасына мектеп балансындағы компьютерлер уақытша пайдаланылуға берілді. «Balapan», «Ел арна» телеарналарынан көрсетілетін сабақтармен аймақтағы оқушылардың 54% қамтылған. Жергілікті «Qyzylorda», «Қоғам ТВ» телеарналары арқылы бастауыш сыныптардың сабақтары қайталанып көрсетілуде.
​Қызылорда қаласы мен аудан орталықтары және оған жақын орналасқан елді мекен оқушылары 46% немесе 71 254 оқушы «Kundelik.kz», «BilimLand», «Daryn. Online» платформалары арқылы білім алуды бастады.
​Облыс бойынша интернеті және ұялы байланысы жоқ шалғай 25 елді-мекендегі 2646 оқушы «Balapan» арнасындағы телесабақтарымен дайындалады.
Қашықтан оқыту жүйесі бойынша сұрақтарыңыз болса Call-орталықтарға хабарласып жауап алуға болады.

Қызылордалық 6443 отбасына мектеп балансындағы компьютерлер уақытша пайдалануға берілді

Kyzylorda-news.kz. Елімізде төтенше жағдай жариялануына байланысты Қазақстан Республикасы Премьер-Министрінің өкімімен «2020-2021 жылдарға арналған «Жұмыспен қамту Жол картасы» бағдарламасы қабылданған.
Жол картасын іске асыру үшін облысқа 37 млрд. теңге көлемінде лимит белгіленді. Бөлінген қаржыға 276 жоба аясында 9299 жұмыс орны ашылады.
Әлеуметтік-мәдениет саласында 12276,3 млн. теңге 125 жоба, 3268 жұмыс орны. Тұрғын үй-коммуналдық шаруашылық саласында 7476,2 млн. теңге 42 жоба, 1658 жұмыс орны. Инженерлік-көлік саласында 14530,8 млн. теңгеге 62 жоба, 3474 жұмыс орны. Ал абаттандыру саласында 2673,7 млн. теңгеге 47 жоба аясында 899 жұмыс орны ашылады деп жоспарлануда.
Жол картасының қатысушыларына экологиялық үстемақылар бойынша төлемдерді есепке алмағанда, салықтарды, міндетті әлеуметтік аударымдарды және пайдаланылмаған еңбек демалысы үшін берілетін өтемақыны ескергенде ең төменгі жалақының кемінде екі мөлшері деңгейінде төлеу қарастырылуда.
Сондай-ақ, жұмыс беруші мердігерлер жұмыссыздармен жасалған еңбек шарттарын «Электрондық еңбек шарттарын есепке алудың бірыңғай жүйесіне» енгізу міндеттеледі.

Қызылорда: &#8220;Жұмыспен қамтудың жол картасы&#8221; бағдарламасы аясында 36 954 млн.теңге қаралған

Kyzylorda-news.kz. Жаз айында өткізілетін ҰБТ уақыты әзірге өзгеріссіз. Тестілеу форматында өзгеріс жоқ.
Бұл туралы облыстық білім басқармасы басшысының міндетін атқарушы Бағдат Бердаулетов өңірлік коммуникациялар қызметінің брифингінде мәлімдеді.
<blockquote>
 -Былтырғыдай 5 пән бойынша 120 сұрақтан тұратын тест тапсырып, ең жоғары 140 балл жинауға мүмкіндік болады. ҰБТ-ға қатысу үшін 15 сәуірден 30 мамырға дейін онлайн түрде тіркелу керек, – деді ол.
</blockquote>
Ал дайындық жүргізуге арналған тест сынамалары Ұлттық тестілеу орталығының ресми сайтында қолжетімді. Тегін.

ҰБТ-ға қатысу үшін 15 сәуірден бастап онлайн түрде тіркелу керек

Kyzylorda-news.kz. Төтенше жағдай кезінде аймақта әлеуметтік маңызы бар азық-түлік тауарлары бағаларының өсуіне жол бермеу мақсатында бірқатар нақты шаралар атқарылуда.
Облыста алдағы үш айға қажетті қор қалыптастыру үшін азық-түлік өнімдерінің 18 түрі бойынша тұрақтандыру қорына 4299 тонна өнім сатып алуға облыстық бюджеттен арнайы қаржы бөлінді. 
Қазіргі таңда тұрақтандыру қорында 609 тонна ұн, 214 тонна күріш, 144,6 тонна қант, 101 тонна макарон, 490,5 тонна картоп, 200 тонна сәбіз, 91 тонна пияз, 27 тонна қырыққабат, 47 тонна өсімдік майы, 63 тонна гречка, 2 тонна тұз барлығы 1983 тонна өнім бар. 
Бұл әлеуметтік маңызы бар азық-түлік түрлері халыққа нарықтан төмен бағада сатылуда. Қызылорда қаласында өнімдер негізінен әлеуметтік дүкендер арқылы сатылса, аудандарға 2 рефрижатор көліктері арқылы тасымалдануда. 
Сонымен қатар, 1 сортты ұн бағасын тұрақтандыру және сәйкесінше әлеуметтік нанның бағасын қымбаттатпау мақсатында Ауыл шаруашылығы министрлігі, Азық-түлік келісім-шарт корпорациясы, Астық өңдеушілер одағы және Қызылорда облысы әкімдігі арасында сәуір-тамыз айларында ай сайын әр килорамы 130 теңгеден2475 тонна 1 сортты ұндыоблысқа жеткізу туралы меморандумға қол қойылды. 
Мұнымен қоса, Қызылорда және Түркістан облыстары әкімдері арасында, Түркістан облысының ауыл шаруашылығы тауар өндірушілерінен тікелей ерте пісетін көкөніс өнімдерінің 17 түрін сатып алуды ұйымдастыру және кедергісіз көрші облысқа кіріп-шығуды қамтамасыз ету туралы меморандумға қол қойылған. 
Сондай-ақ, төтенше жағдай кезінде экономиканы тұрақтандыру мақсатында Сауда және интеграция, Ауылшаруашылығы мен Ұлттық экономика министрліктерінің біріккен бұйрығымен әлеуметтік маңызы бар тауарлардың 9 түрінебағалардың өсуіне жол бермеу мақсатында шекті бөлшек сауда бағалары бекітілді. 
Атап айтсақ, 1 сортты ұн-154 теңге, 1 сортты нан-139 теңге, рожки-197 теңге, гречка-294 теңге, күріш-251 теңге, сиыр еті-1760 теңге, жұмыртқа 1 категориялық-286 теңге, өсімдік майы-414 теңге, тұз-47 теңге болып бекітілген. 
Осыған орай, қазіргі уақытта аудандар мен Қызылорда қаласында бекітілген шекті бағалардың сауда субъектілерімен сақталуын мемлекеттік бақылауды жүзеге асыратын тиісті құрылымдық бөлімдер белгіленді. 
Жалпы, бақылау шараларымен 3874 сауда субъектілері қамтылатын болады.

Қызылорда:Әлеуметтік маңызы бар азық-түлік бағалары бақылауда

Kyzylorda-news.kz. Облыстың ауыл шаруашылығы құрылымдары егіс науқанын бастады.
Көктемгі дала жұмыстарына 14 мың тонна арзандатылған дизель отыны бөлінген. Сәуір және мамыр айларына бөлінген 10 750 тонна дизель отынының бағасы литріне 162 теңгеге арзандатылып, шаруашылықтарға 2 оператор арқылы жеткізілуде.
Биыл облыста 183,1 мың гектар жерге егіс егу межеленіп отыр. Көктемгі дала жұмыстарын қаржыландыруға қажетті қаржы көздері қарастырылған.
Бүгінге 27,2 мың гектар жаздық бидай, жаздық арпа, мақсары, жаңа жоңышқа егілді. Қазіргі таңда, оңтүстік аудандарда жоңышқа және бидай дақылдары суарылуда. Негізгі дақыл – күріш егу жұмыстары сәуір айының 20–нан кейін басталады.
Дегенмен егіс егуде туындап отырған бір мәселе бар. Қалыптасқан жағдайды ескере отырып,​ Төңкеріс ауылдық округіндегі 13 шаруа қожалығы 3095 гектар алқапқа егін егуі тиіс. Алайда, карантин талаптарына сай қиындықтар туындауда. Шиелі ауданының әкімдігіне аталған жұмыстарды бақылауға алу тапсырылды.
Тағы бір айта кететін жайт, несиелер бойынша кепіл шарттарын тіркеуге байланысты «Азаматтарға арналған Үкімет» АҚ Қызылорда филиалы мен аудандардағы бөлімшелер арқылы қызметкерлер бөліп, арнайы құжаттарды қабылдау мәселесі оң шешімін тапты. Қазіргі уақытта аграрлық қаржы институттарымен рәсімделген құжаттарды тіркеу жұмыстары жүргізілуде.

Қызылорда облысында көктемгі дала жұмыстары басталды

Kyzylorda-news.kz. Синоптиктер 14 сәуірде ауа райы қандай болатынын айтты, деп хабарлайды «Қазгидромет» РМК баспасөз қызметі.
Атмосфералық фронттардың өтуіне байланысты республиканың басым бөлігінде жаңбыр жауады. Оңтүстікте кей жерлерде қатты жаңбыр, солтүстікте, орталықта жаңбыр және қар жаууы мүмкін. Тек республиканың батысында, оңтүстік-батысында ауа райы жауын-шашынсыз, күн ашық болады. Кей жерлерде тұман түседі, жел күшейеді.
Түнде Қызылорда облысының кей жерлерінде тұман түсіп, күн күркірейді. Күндіз кей жерлерде жел қарқыны – 15-20 м/с.

Сейсенбіге арналған ауа райы болжамы

Грузияда ана тілі күні
Мереке 1978 жылы грузин тілінен мемлекеттік мәртебесін алып тастауға қарсы наразылықты еске алу барысында белгіленді.
Анголада жастар күні
Бұл мереке әсіресе таяуда тәуелсіздік алған, тағдыры көбінесе жастарға тәуелді елдерде маңызды. Бұл күні күллі ел бойынша білім беру және мәдени іс-шаралар өтеді.
1993 жылы&nbsp;Қазақстан Республикасының «Жаппай саяси қуғын-сүргін құрбандарын ақтау туралы» Заңы қабылданды.
1997 жылы&nbsp;Қазақстан Республикасының «Атом энергиясын пайдалану туралы» Заңы қабылданды.
2001 жылы&nbsp;Елбасы Нұрсұлтан Назарбаевтың Алматы облысының әкімшілік орталығын Талдықорған қаласына көшіру туралы Жарлығы шықты.
2002 жылы&nbsp;Қазақстанның «Ақ жол» демократиялық партиясы тіркелді.
2005 жылы&nbsp;Қазақстан студенттерінің Альянсы құрылды.

Қазақстан және Қызылорда облысының жаңалықтары

Министр: Қызылорда облысында құрылыс қарқыны төмендеген

Қазақстан экономикасының өсімі 2,7% құрады

Қызылордада залалсыздандыру жұмыстары күшейтілген режимде жүріп жатыр

Алматы облысында карантинде жатқан қызылордалық тұрғындар шығарылды

Қайта сынама тапсырған 19 адамнан COVID-19 табылды

Қызылордалық 6443 отбасына мектеп балансындағы компьютерлер уақытша пайдалануға берілді

Қызылорда: “Жұмыспен қамтудың жол картасы” бағдарламасы аясында 36 954 млн.теңге қаралған

ҰБТ-ға қатысу үшін 15 сәуірден бастап онлайн түрде тіркелу керек

Қызылорда:Әлеуметтік маңызы бар азық-түлік бағалары бақылауда

Қызылорда облысында көктемгі дала жұмыстары басталды

Сейсенбіге арналған ауа райы болжамы

14 сәуір: Атаулы күндер мен оқиғалар

Қазақстан және Қызылорда облысының жаңалықтары

Министр: Қызылорда облысында құрылыс қарқыны төмендеген

Қазақстан экономикасының өсімі 2,7% құрады

Қызылордада залалсыздандыру жұмыстары күшейтілген режимде жүріп жатыр

Алматы облысында карантинде жатқан қызылордалық тұрғындар шығарылды

Қайта сынама тапсырған 19 адамнан COVID-19 табылды

Қызылордалық 6443 отбасына мектеп балансындағы компьютерлер уақытша пайдалануға берілді

Қызылорда: &#8220;Жұмыспен қамтудың жол картасы&#8221; бағдарламасы аясында 36 954 млн.теңге қаралған

ҰБТ-ға қатысу үшін 15 сәуірден бастап онлайн түрде тіркелу керек

Қызылорда:Әлеуметтік маңызы бар азық-түлік бағалары бақылауда

Қызылорда облысында көктемгі дала жұмыстары басталды

Сейсенбіге арналған ауа райы болжамы

14 сәуір: Атаулы күндер мен оқиғалар

Қызылорда: “Жұмыспен қамтудың жол картасы” бағдарламасы аясында 36 954 млн.теңге қаралған