<a href="https://kyzylorda-news.kz/">Kyzylorda-news.kz.</a> Қызылорда облысында төтенше жағдай режимін бұзу фактілері азаймай отыр. Бұл туралы өңірлік коммуникациялар қызметінде өткен брфингте облыс прокурорының бірінші орынбасары Талғат Әлібаев мәлімдеді.
<blockquote>
 «Қазақстан Республикасы Президентінің Жарлығына сәйкес төтенше жағдай режимі кезінде қоғамдық тәртіпті сақтау қатаң бақылауға алынды. Стратегиялық маңызы бар объектілерде қауіпсіздік шаралары күшейтілді. Адамдар көп жиналатын орындардың, түрлі қызмет көрсету орталықтарының жұмысы тоқтатылды. Ойын-сауық, спорттық және басқа да iс-шараларды өткiзуге тыйым салынды», – деді облыс прокурорының бірінші орынбасары.
</blockquote>
Оның айтуынша, өңірде қауіпсіздік шараларын күшейту мақсатында қосымша Ұлттық гвардия сарбаздары жұмылдырылған.
Сондай-ақ, ол облыста инфекцияны шоғырландыруына және таралуына жол бермеу мақсатында Қызылорда облысының бас санитарлық дәрігерімен 07.04.2020 жылғы №7 Қаулысы қабылданғанына тоқталды.
<blockquote>
 «Осы Қаулыға сәйкес азаматтардың тұрғын үйінен шығуға тыйым салынады, тек дәрілік заттарды, азық-түлік қажеттіліктерін алуға, медициналық көмекке және жұмысқа бару үшін жұмыс орнынан арнайы анықтама немесе куәліктерін көрсеткен жағдайда рұқсат етіледі. Сонымен қатар,55 жастан асқан азаматтарға көшеге шығуға тыйым салынды. Осындай шектеулердің орнатылғанын тағы да халықтың назарына жеткіземіз», – деді Талғат Айтбайұлы.
</blockquote>
Десек те, белгіленген шектеулерге қарамастан облыс тұрғындары осы талаптарды ескермей, үйлерінде той-томалақ жасап, кафе, мейрамханалар және т.б. ойын-сауық орталықтары қызметтерін әлі де жалғастырып отырғаны жасырын емес.
Мәселен, төтенше жағдай уақытында облыста 17 үй иелері өз ауласында той жасаған, 48 кафе қызметтерін жалғастырған.
<blockquote>
 «Бізбен құрылған мобильдік топпен жүргізілген рейдтік шараның нәтижесімен төтенше жағдай уақытында белгіленген талаптарды орындамаудың 90 фактісі анықталды. Барлығына әкімшілік хаттама толтырылды. Жалпы, төтенше жағдай режимін бұзғаны үшін Әкімшілік құқық бұзушылық туралы кодексінің 476-бабымен 179 тұлғаға қатысты әкімшілік хаттама толтырылды. Оның 116-і қаралып, 54-айыппұл, 62-і әкімшілік қамаққа алу жазасы қолданылды. Барлығына 1,4 млн. теңге айыппұл салынды», – деді ол онлайн брифингте.
</blockquote>
Сондай-ақ, аудандар арасында қауіпті індетті жұқтырғандар ең көп анықталған Шиелі кентінде бірнеше компьютерлік клуб жұмыстарын жалғастырғаны үшін иелері сот қаулысымен 10 тәулікке әкімшілік қамаққа алынған.
Сонымен қатар, блок-бекеттер қойылғанына қарамастан оны айналып өтпек болған 11 адамға әкімшілік хаттама толтырылып, сотқа жолданды.
<blockquote>
 «Қазақстан Республикасының Президенті төтенше жағдай режимін бұзу жағдайлары бойынша қолданылатын жазаны барынша қатаңдатуды тапсырды. Бұл ретте, төтенше жағдай кезінде белгiленген режимдi бұзу, талаптарды орындамау, көрінеу жалған ақпараттарды тарату жағдайлары бойынша қатаң шаралар қабылданатынын түсіндіреміз», – деп атап өтті Т. Әлібаев.
</blockquote>
Ал, осы кезеңде облысымыздағы қылмыстылық ахуал тұрақты көрінеді. Төтенше жағдай жарияланған 16-шы наурыздан бастап бүгінгі күнге дейін барлығы 341 қылмыс тіркеліп, өткен жылдың осы мерзімімен салыстырғанда 43%-ға азайған.
Оның ішінде меншікке қарсы жасалатын қылмыстар 65%-ға төмендеген, яғни ұрлық 60%-ға, тонау 20%-ға, қарақшылық 50%-ға төмендесе, қоғамдық орындарда жасалатын бұзақылық қылмыстары 67%-ға азайған. Зорлау және ауыр дене жарақатын салу қылмыстары тіркелмеген.
<blockquote>
 «Төтенше жағдай кезеңде қылмыс пен құқық бұзушылыққа жол бермеу – басты мақсат. Бұл жөнінде нақты түсіндірмелер беріліп, оның ішінде көрінеу жалған ақпарат таратпау қажеттігі туралы құқыққорғау және жергілікті атқарушы органдармен тиісті түсіндіру жұмыстары ұдайы түрде жүргізілуде», – дейді облыс прокурорының бірінші орынбасары.
</blockquote>
Бірақ, төтенше жағдай кезінде жүргізіліп жатқан осындай жұмыстарға қарамастан, облыстың жекелеген тұрғындарымен «COVID-19»короновирустық инфекциясына таралуы туралы жалған ақпарат таратудың 11 дерегі тіркеліп, оның 1-і негізінен қарау үшін сотқа жолданса, қалған қылмыстық істер бойынша қысқа мерзімде тиісті процестік шешімдер қабылданған.
Бұған қоса, «COVID-19» диагнозы қойылған адамдардың жеке деректерінің таратылуының 2 фактісі бойынша сотқа дейінгі тергеп-тексерулер басталған.
<blockquote>
 «Төтенше жағдай кезеңінде қылмыстық құқық бұзушылық жасау қылмыстық жауаптылық пен жазаны ауырлататын мəн-жайларға жатқызылған. Бұл дегеніміз, аталған кезеңде жасалған қылмыстық құқық бұзушылықтар бойынша кінәлі тұлғаларға қатаң жаза қолданылады», – деді Т. Айтбайұлы.
</blockquote>
<img src="https://kyzylorda-news.kz/wp-content/uploads/2020/04/whatsapp-image-2020-04-07-at-22.44.38.jpeg" alt="" />

Қызылорда: Төтенше жағдай режимін бұзған 179 тұлғаға 1,4 млн айыппұл салынған

Тыңайтқыштардың (органикалық тыңайтқыштарды қоспағанда) субсидияланатын түрлерінің тізбесі және тыңайтқыштарды сатушыдан сатып алынған тыңайтқыштардың 1 тоннасына ( литріне, килограмына) арналған субсидиялар нормаларын бекіту туралы

<a href="https://kyzylorda-news.kz/">Kyzylorda-news.kz.</a> WhatsApp мессенджері коронавирус туралы жалған ақпараттардың таралуын алдын алу мақсатында қайта жіберілетін хабарламаларға шектеу қояды, деп хабарлайды&nbsp;<a href="https://ria.ru/20200407/1569689630.html">РИА Новости</a>.
Бұл туралы компанияның мәлімдемесінде айтылады.
Енді біреуден келген хабарламаны басқа чатқа бір рет қана жіберуге болады.
<blockquote>
 «Былтыр біз бірнеше рет жіберілетін хабарламалардың концепциясын көрсеткен болатынбыз. Енді біз ол хабарламаларға шектеу қойып жатырмыз. Біреуден келген хабарламаны басқа чатқа бір-ақ рет жолдауға болады», – дейді WhatsApp өкілдері.
</blockquote>

Коронавирус: WhatsApp қайта жіберілетін хабарламаларға шектеу қойды

<a href="https://kyzylorda-news.kz/">Kyzylorda-news.kz.</a> «Қазпошта» АҚ таяуда әлеуметтік төлем үшін шотты онлайн ашу және виртуалды карта шығару қызметін іске қосады. Бұл туралы компанияның басқарма басшысы Сәкен Сәрсенов мәлімдеді.
<blockquote>
 «Біз қазір азаматтарға қолайлы болу үшін post.kz порталында жәрдемақыға арналған шотты онлайн ашу және виртуалды карта шығару қызметін іске қосу мәселесін пысықтап жатырмыз», – деді ол онлайн брифингте.
</blockquote>
Ол бұл бағдарлама халыққа пошта бөлімшесіне бармай-ақ, шотты үйде ашып, карта алуға мүмкіндік беретінін атап өтті.
Жаңа қызметтің қашан іске қосылатыны таяуда хабарланады.

Қазақстандықтар 42 500 теңгені алу үшін үйден отырып шот аша алады

<a href="https://kyzylorda-news.kz/">Kyzylorda-news.kz</a>. Қызылордада су қоймасын салу жоспарланып отыр. Жалпы, Қазақстанда осындай 28 қойма салынады. Бұл туралы Үкімет отырысында Экология, геология және табиғи ресурстар министрі Мағзұм Мырзағалиев мәлім етті.
<blockquote>
 «Мемлекет басшысы өткен жылдың қыркүйек айындағы Қазақстан халқына Жолдауында суармалы жерлердің көлемін 3 млн гектарға жеткізуді тапсырды. Осыған байланысты жаңа су қоймаларын салу арқылы қосымша суару көздерін құру қажет. 2030 жылға дейін Ақмола, Ақтөбе, Қарағанды, Жамбыл, Түркістан, Қызылорда, Шығыс Қазақстан және Батыс Қазақстан облыстарында 28 су қоймасының салынуы көзделіп отыр», – деді министр.
</blockquote>
Осы су қоймалары 3,8 текше шақырым көлеміндегі суды жинауға мүмкіндік береді және оған 470 мың гектар суармалы жерді қосуға болады. 12 су қоймасын тек суару үшін ғана емес, сонымен қатар, 70 елді мекендегі су басу қаупін жою үшін де пайдалануға болады.
<blockquote>
 «Су қоймаларының құрылысы аяқталғаннан кейін ауыл шаруашылығында жаңадан тұрақты 29 мың жұмыс орнын іске қосу мүмкіндігі болады», – деді М. Мырзағалиев.
</blockquote>

Қызылордада су қоймасы салынады

<a href="https://kyzylorda-news.kz/">Kyzylorda-news.kz</a>. Елімізде жарияланған төтенше жағдайдан кейін Президент әлеуметтік маңызы бар 19 түрлі азық-түлік тауарын өндіруші кәсіпкерлерге &nbsp;қатысты қосымша құн салығын 12%-дан 8%-ға дейін түсіруге тапсырма берген болатын. Қабылданған бұл шешім 1 қазанға дейін күшінде болады екен. Ол тапсырмасы іске аса да бастады. Алайда бұл жеңілдікті күрішшілердің ала алмай қалу кауіпі «төніп» тұр. Бұл туралы Қызылорда облысы кәсіпкерлер палатасының баспасөз қызметі хабарлады.
Әлеуметтік маңызы бар азық-түлік тауарларының тізілімі Үкіметтің 2020 жылғы 27 наурыздағы №141 қаулысымен бекітілген. Бұл құжат күрішшілердің түсініспеушілігін тудыруда.
Себебі Үкіметтің қаулысындағы тізілімде күріш «ақталған домалақ дәнді күріш» деп көрсетілген. Ал отандық күрішшілер тек орташа дәнді ақталған күріш шығарады. Құжатта бар, қолданыста жоқ күріш осы саладағы кәсіп иелеріне айтарлықтай жүк болуы мүмкін.
Өткен аптада Қызылорда облысы кәсіпкерлер палатасының мамандары мәселені жан-жақты саралап, «Атамекеннің» Орталық аппаратына проблеманы жеткізді. Өз кезегінде Орталық аппараттан ұсыныс тиісті министрліктерге кетті.
<blockquote>
 «Мәселе шешімін табады деп үміттенеміз. Себебі біздің кәсіпкерлер қазір шот-фактураларын қосымша құн салығына қатысты әр түрлі пайызбен беруде. Егер Үкіметтің қаулысына өзгеріс енбей қалса кәсіпкерлерімізге зияны тиеді», – дейді Кәсіпкерлер палатасының директоры Ғалымбек Жақсылықов.
</blockquote>
Айта кету керек, Қызылорда облысы кәсіпкерлер палатасының тұрақты жұмыс жасайтын «жедел желісі»: 8 /7242/ 40-09-81 немесе 8 777 764 33 11 нөміріндегі call-орталыққа хабарласа алады.
Ал «Атамекен» Ұлттық кәсіпкерлер палатасына хабарласуға арналған байланыс құралдары: 1432, 8 778 870 14 32.

Қызылордалық күрішшілер жеңілдіктен қағылуы мүмкін

<a href="https://kyzylorda-news.kz/">Kyzylorda-news.kz.</a> Елімізде төтенше жағдайдың енгізілуіне байланысты Қазалыдағы «Arzan mart» ЖШС аудан тұрғындарына азық-түлік тауарларын онлайн жеткізіп беру қызметін ұсынуда.
Онлайн-жеткізіп беру қызметінің басты шарты – тұрғындар тапсырыс берген азық-түлік тауарларының жалпы сомасы 4000 (төрт мың) теңгеден жоғары болуы қажет.
Тапсырыс берушіге тауарларды жеткізу қызметі тегін.
Тапсырыс тәулік бойы қабылданады. Оператор-менеджер тапсырыс тізімін жинап, тауарды чегімен бірге 30 минут көлемінде тұтынушыға жеткізіп береді.
Айта кетейік, «Arzan mart» ЖШС-нің «Arzan market pharm» супермаркеттер желісі ауданда 24 сағат қызмет көрсетеді. Бірақ, карантин режиміне байланысты оның жұмыс істеу уақытына өзгерістер енгізілген.
Сонымен, қазалылықтар өздеріне қажетті тауарларды төменде көрсетілген телефон нөмірлеріне хабарласынп ауызша немесе Whatsapp желісі арқылы тапсырыстар беруге болады:
8771 010 11 20;
8771 010 11 21;
8771 010 11 23;
8771 010 11 24.

Қазалы ауданында азық-түлік тауарлары тұрғындарға онлайн жеткізілуде

<a href="https://kyzylorda-news.kz/">Kyzylorda-news.kz</a>. Елбасы Нұрсұлтан Назарбаев 8 сәуірде Қазақстан халқына үндеу жасайтынын мәлімдеді.
Нұрсұлтан Назарбаев премьер-министр, Республикалық жедел әрекет ету штабының басшысы Асқар Маминмен кездесті.
Кездесу барысында Қазақстанның Тұңғыш президенті қабылданған шаралардың арқасында коронавирус инфекциясының таралу қарқыны төмендетілгенін атап өтті.
<blockquote>
 «Біз бұл қиындықты да жеңеміз. Ең бастысы – халқымыздың бірлігі мен тыныштығы. Үкімет тиімді жұмыс істеп жатыр деп санаймын. Ертең Қазақстан халқына үндеу жасаған мақаламды жариялаймын. Қазір бүкіл әлемге қиын соғып жатыр. Індет өршу шыңына жеткен жоқ. Сондықтан біз бір-бірімізді құрметтей отырып, сабырлылық пен шыдамдылық танытуымыз керек», – деді Елбасы.
</blockquote>

Нұрсұлтан Назарбаев ертең Қазақстан халқына үндеу жасайды

<a href="https://kyzylorda-news.kz/">Kyzylorda-news.kz.</a> Қызылорда облысында індеттің белең алуына орай, жаңа қаулы қабылданды. Соған сәйкес, тұрғындар мына өзгерістерден хабардар болуы керек:
– Кешкі 21.00 ден таңғы 06.00 ге дейін қалада жүруге тыйым салынды;
– Азық-түлік дүкендері, сауда үйлері 10.00 ден 18.00-ге дейін жұмыс жасайды;
– «Ақмешіт – Мерей», «Шанхай», «Аспалы көпір», «Тасбөгет» кенттерінің тұрғындары патрульдік полицияның қадағалауымен ғана қала аумағына кіре алады. Осы аудандарда әр үйден бір адам қажеттілікпен ғана шыға алады;
– Дәріханалардың жұмысына шектеу жоқ;
– 55 жастан асқан тұрғындар мен жасөспірімдерге көшеде жүруге тыйым салынады;
– Қоғамдық көліктер таңғы 06:00-ден 20.00-ге дейін күшейтілген дезинфекциялық жұмыстар арқылы жүре алады;
– Тұрғындар көшеде енді бетпердесіз жүре алмайды;
– Облыстың бас санитары қабылдаған жаңа қаулы 7 сәуірден 21-ші сәуірге дейін ұзартылды.

Карантин: Қызылордада кешкі 21:00-ден кейін жүруге мүлдем тыйым салынды

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус індетінің таралуына байланысты сақтық шаралары күшейтілген түрде жүргізілуде.
Қауіпсіздікті сақтау үшін Ақтөбе облысы мен Қызылорда облысының шекаралас аймағында «Самара-Шымкент» автожолының 1279 шақырымында орналасқан медициналық бақылау бекетінде жолаушыларды тексеру жұмыстары жалғасуда.
Бүгін аталған бақылау бекетінде Қызылорда облыстық полиция департаменті басшысының орынбасары Байжан Исембекұлы болып, жұмыс барысымен танысты. Эпидемиологиялық ахуалға байланысты қолға алынған тексеріс жұмыстарының маңыздылығына тоқталып, жауапты сала мамандарына сақтық шараларын күшейтуді тапсырды.
Денсаулық сақтау мекемесінің және полиция қызметкерлері өңірімізге басқа аймақтардан келетін жолаушылардың жағдайын жіті қадағалауда. Алдымен азаматтардың дене қызуы арнайы&nbsp; аппаратпен өлшеніп, қажет болған жағдайда өзге де медициналық қызмет түрлері көрсетіледі. Одан соң жолаушылардың бағыты және жақын арада өзге аймақтарда болғандығы анықталып, байланыс телефондары мен жеке құжат нөмерлері жинақталуда.
Қазіргі уақытта бақылау бекетінде күніне 600-ге жуық жолаушылар тексерістен өткізіледі. Жолаушылар арасында жүк көліктерімен қатынап жатқан Өзбекстан, Қырғызстан елінің азаматтары да бар.
Айта кетейік, Арал қаласына кіре беріс жолдарына қойылған 4 тосқауыл бекетінде де автокөліктермен жолаушыларды тексеру жұмыстары жүргізілуде.
<img src="https://kyzylorda-news.kz/wp-content/uploads/2020/04/toskawyl-beketteri-kwshejtildi-kaz-2.jpeg" alt="" />
<img src="https://kyzylorda-news.kz/wp-content/uploads/2020/04/toskawyl-beketteri-kwshejtildi-kaz-3.jpeg" alt="" />

Қызылордадағы тосқауыл бекеттерінде күшейтілген тексеріс жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Шиелі ауданына қарасты Төңкеріс ауылдық округінде коронавирус инфекциясының таралуына орай төтенше жағдайларға қарсы жедел штаб отырысы өткізіліп, оның шешімімен Төңкеріс ауылдық округі карантинге жабылды.
Осыған орай, ауылдық округтің кіреберісіне санитарлық блок-бекет қойылып, ауыл тұрғындары мен көлік құралдарының жүріп-тұруы толығымен шектелді.
Ауыл тұрғындарына қажетті азық-түлік қоры мен күнделікті тұтынатын тауарлардың жеткілікті болуы үшін аудан орталығынан ауылға олардың бағасын өсірмей әкеліп ұсыну ұйымдастырылуда.
Ауыл тұрғындарына коронавирус инфекциясынан сақтану жолдарына байланысты үнпарақтар таратылып,&nbsp; әрбір үйге түсіндіру жұмыстары жүргізілуде.
Бүгінде Төңкеріс ауылында Қызылорда қалалық және Тараз қалалық химиялық батальонның әскери қызметкерлері арқылы 73 630 шаршы метр жер залалсыздандырылды.
<img src="https://kyzylorda-news.kz/wp-content/uploads/2020/04/tonkeris-kaz-1-2.jpeg" alt="" />
<img src="https://kyzylorda-news.kz/wp-content/uploads/2020/04/tonkeris-kaz-1-3.jpeg" alt="" />

Шиелі ауданындағы Төңкеріс ауылы карантинге жабылды

<a href="https://kyzylorda-news.kz/">Kyzylorda-news.kz.</a>&nbsp; Автосалондарда сатып алынған көліктерді онлайн тіркеу қызметі енгізіледі. Бұл туралы Цифрлық даму, инновациялар және аэроғарыш өнеркәсібі вице-министрі Абылайхан Оспанов мәлімдеді, деп хабарлайды&nbsp;<a href="https://sputniknews.kz/society/20200407/13608082/Qazaqstan-jana-kolik.html">Sputnik Қазақстан</a>.&nbsp;
<blockquote>
 «Жақын арада біз автосалондарда сатып алынған көліктерді онлайн тіркеу қызметін енгізуді жоспарлап отыр. Қазіргі кезде ішкі істер министрлігімен жұмыс істеп жатырмыз», – деді Оспанов онлайн брифингте.
</blockquote>
Оның айтуынша, қазіргі кезде бір адам басқа біреуге көлік сатса, оны электронды үкімет порталы арқылы қайта тіркеуге болады. Ол үшін электронды цифрлық қолтаңбаны қолдану қажет.&nbsp;&nbsp;
«Қазіргі карантин жағдайдында электронды цифрлық қолтаңбаны үйде отырып алуға қатысты сұрақтар жиі қойылып жатыр. Біз бұл мәселені шештік. Бүгінде адамның бетін биометриялық идентификация арқылы және бір реттік құпиясөзбен қолтаңбаны алуға болады. Ол механизм істеп тұр. Дәл сондай механизм заңды тұлғалар үшін іске қосылған болатын», – деп атап көрсетті Оспанов.

Қазақстан және Қызылорда облысының жаңалықтары