<a href="https://kyzylorda-news.kz/">Kyzylorda-news.kz.</a> Биыл әлем Ұлы Отан соғысындағы Жеңістің 75 жылдығын қарсы алады. Осыған орай, Қызылорда облысында «Жасампаз ұрпақ» акциясы басталды. Осы акцияда облыс әкімі Гүлшара Әбдіқалықова алғашқы болып өзінің майдангер әкесі туралы естеліктерімен бөлісті.
<blockquote>
 «1941 жылдың жаз айы. Бұл мезгіл мектеп бітіріп, білім ұясынан енді ғана түлеп ұшқан әкем Науша Әбдіқалықов үшін ең қасіретті кезеңдердің бірі болды. Ол 1942 жылдың наурызында, соғыстың нағыз қызған шағында Қызыл әскер қатарына қосылды. Жауынгерлік жолын гвардиялық 279-шы атқыштар полкінде бастап, Смоленскіден Балтық теңізі жағасындағы Кёнигсбергке дейінгі сұрапыл соқпақты жүріп өтті. Жауға қарсы топ бастап, қаншама қала, елді мекенді азат етуге атсалысқаны үшін «Қызыл Жұлдыз» орденіне ие болды. Әкелердің ел үшін жасаған ерлігі – біз үшін үлгі. Ешкім де, ештеңе де ұмытылмақ емес!», – деді Гүлшара Наушақызы.
</blockquote>
Аймақ басшысы Жеңістің биылғы мерейтойы онлайн форматта тойланатындығын өзінің парақшасында жазған.
<blockquote>
 «Биыл біз Жеңістің 75 жылдығын карантин жағдайында қарсы аламыз. Бірақ, бұл ең сұрапыл соғысты жеңіспен аяқтаған жауынгерлерге құрмет көрсетпеу деген мағынаны білдірмейді. ​Биыл «Жасампаз жасақ» шарасы виртуалды режимде өтеді. Яғни, Сыр бойынан шыққан батырлардың ерлігі кең көлемде насихатталады. Біз олардың есімін жадымызда тағы бір мәрте жаңғыртатын боламыз. Сондықтан Қызылорда облысының әкімдігі интерактивті акцияға қатысуға шақырады.
 Ол үшін әке-аталарыңыздың, жақындарыңыздың фашизмді жоюға қосқан үлесін әңгімелеп немесе майданнан жіберген хаттарын оқып, бейнеролик түсіресіз. Отбасылық фото-суреттерді көрсетсеңіз де болады. Қорытынды бейнежазбаны әлеуметтік желіде төмендегі хэштегтермен жариялайсыз. (Instagram. Facebook, ВКонтакте). ​Біз сол бейнематериалдарды жинақтап, Қызылорда облысы әкімдігінің ресми сайтындағы «Жасампаз жасақ» бөлігіне орналастырамыз. Ұнаған роликке дауыс беруге болады. Үздік 10 туынды 9 мамыр күні «Qyzylorda» телеарнасында көрсетілетін бейнесюжетке енгізіледі. ​Әке-аталарыңыздың жеңіс жолдарын құрметтеп, ерліктерін насихаттауға атсалысыңыздар.
 Жасампаз жасақ – ерлікке тағзым! Біз біргеміз!», – деген облыс әкімі аталған жазбасында.
 <a href="https://www.facebook.com/qyzylorda.press/videos/432660927600075/"></a>
 75-летие Великой Победы мы встречаем в условиях карантина. Но ничто не помешает нам отдать долг памяти нашим отцам, дедам и прадедам, победившим в самой страшной в истории человечества войне. ​В этом году марш "Жасампаз жасақ" будет виртуальным. Кызылординские ветераны войны также окажутся в этом строю. Они живы, пока мы о них помним и рассказываем своим детям об их подвиге. Поэтому акимат Кызылординской области призывает вас принять участие в интерактивной акции. ​Снимите на свои смартфоны видеоролики с рассказами и воспоминаниями о ваших родных и близких, о ветеранах, которые отважно сражались с фашизмом. Или зачитайте отрывки из писем с фронта. Покажите фотографии из семейного альбома, на которых изображены воины-победители. Снятый видеоролик выложите в любую социальную сеть (Instagram, Facebook, ВКонтакте и др.) с хештегом# SyrBatyrlary# Jeniske75# BatyrUrpagy ​Мы соберем ваши ролики и разместим в разделе "Жасампаз жасақ" на главной странице сайта акимата Кызылординской области. Затем проголосуйте за понравившийся вам видеоролик. 10 лучших историй мы соберем в новостной телесюжет, который будет показан 9 мая в эфире телеканала "QYZYLORDA". ​Расскажите о боевом пути своих отцов, дедов и прадедов. Пусть о подвиге воинов-победителей узнают все кызылординцы. Жасампаз жасақ – чтобы помнили!Біз біргеміз!
 Опубликовано <a href="https://www.facebook.com/qyzylorda.press/">Қызылорда Облысының Әкімдігі</a> Четверг, 23 апреля 2020 г.
</blockquote>

Гүлшара Әбдіқалықова майдангер әкесі туралы естеліктерімен бөлісті (видео)

<a href="https://kyzylorda-news.kz/">Kyzylorda-news.kz</a>. «Nur Otan» партиясы Қызылорда облыстық филиалы төрағасының бірінші орынбасары Ақмарал Әлназарова партия филиалының фейсбук және инстаграм желісіндегі ресми парақшалары арқылы тікелей эфирге шығып, тұрғындар сауалдарына жауап берді.
Бір сағаттан астам уақытқа созылған тікелей желіде Ақмарал Әлназарова&nbsp; алдымен&nbsp; тұрғындарға&nbsp; еліміздегі Төтенше жағдай кезеңінде Елбасы, «Nur Otan» партиясының Төрағасы Нұрсұлтан Назарбаевтың бастамасымен құрылған «Birgemiz» қорынан көрсетілген көмектер жөнінде айтып өтті.
<blockquote>
 «Birgemiz» қоры&nbsp; Елбасы бастамасымен коронавирус індеттің таралу қауіпінің алдын алу мақсатында&nbsp; әлеуемттік әлсіз топтарға қолдау көрсету үшін құрылды. Бүгінгі күні қорға еліміздегі ірі&nbsp; компанияларының басшылары, меценат кәсіпкерлер мен жомарт жүректі азаматтар 23,5 млрд теңге көлемінде қаржылай қолдау көрсетіп отыр. Осы қаржыдан&nbsp; қордың қамқоршылық Кеңесі&nbsp; халық көп шоғыланған яғни, халық саны&nbsp; 85 мыңнан асатын еліміз бойынша&nbsp; 23 ірі қалалардың&nbsp; 152 мыңнан астам тұрғынына 50 мың теңге көлемінде тікелей ақшалай көмек көрсету туралы шешім қабылдады. Бұл&nbsp; қалалардың&nbsp; қатарына&nbsp; Қызылорда қаласы да еніп, қор есебінен 1-ші толқында 6313 қала тұрғындары 50 мың теңге көлемінде қаржылай көмекпен қамтылады. Оның 4913-і&nbsp; аз қамтылған отбасылар, 187-і жетімдер, тұл жетімдер және 1213-і ең төменгі зейнетақы алушы зейнеткерлер», – деді&nbsp; Ақмарал&nbsp; Әлназарова.
</blockquote>
Тікелей эфирді 3 мыңға жуық тұрғындар тамашалап, олардан&nbsp; 1000-ға жуық сауалдар келіп түсті. Басым бөлігі әлеуметтік көмектер жөнінде.&nbsp; Арасында&nbsp; өз алғыстарын айтып жатқандары да бар. Партия филиалы төрағасының бірінші&nbsp; орынбасары барлық сауалдарға жауап беруге тырысты алайда, үсті-үстіне келген сұрақтар толастамады. Дегенмен, Ақмарал Әлназарова барлық сауалдардың назарға алынып, алдағы уақытта жауап берілетіндігіне уәде етті.
Сондай-ақ, облыстық партия филиалы төрағасының бірінші орынбасары Ақмарал Әлназарова&nbsp; тұрғындарға&nbsp;&nbsp; Елбасы тапсырмасы бойынша қаржылай көмектің екінші толқыны жақын арада іске қосылатын жеткізді. Естігеніміздей, бұл жолы 1 реттік 50 мың теңге қаржылай көмекті 6 санат бойынша 7796 қала тұрғыны алмақ. Олар мұқтаж көп балалы отбасылар, бірінші топтағы мүгедектер, мүгедек бала тәрбиелеп отырған отбасылар, жетімдер, ҰОС ардагерлері мен оларға теңестірілгендер, тыл еңбеккерлері оның ішінде мемелкеттік медальмен марапатталғандар.
<img src="https://kyzylorda-news.kz/wp-content/uploads/2020/04/02-32.jpg" alt="" />
<img src="https://kyzylorda-news.kz/wp-content/uploads/2020/04/03-32.jpg" alt="" />

Ақмарал Әлназарова тұрғындар сауалдарына тікелей желіде жауап берді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 161 адамға жетті. Соңғы тәулікте жаңадан анықталған 4 жағдайдың мән-жайын бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 161 жағдай тіркелді. Соңғы тәулікте жаңадан 4 жағдай анықталды. Оның үшеуі – Қызылорда қаласынан, біреуі – Шиелі ауданының Бала би ауылынан. Қызылорда қаласынан тіркелген 2 тұрғын алдында анықталған науқастармен жақын қарым-қатынаста болып, карантиндік бақылауға алынғандардың арасынан анықталды. Біреуі – науқастылығына байланысты правизорлық ауруханаға жатқызылған науқастан тіркелді. Ал, Шиелі ауданындағы науқас та карантиндік бақылауға алынғандар тұрғындардың арасынан анықталды», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 161 науқаспен байланыста болғандардың жалпы саны – 2423.&nbsp;Оның ішінде, жақын қарым-қатынаста болғандар саны – 1278, потенциалды байланыста болғандар – 1145 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 115, правизорлық стационарда – 59, карантиндік стационарда – 448 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 1143 тест сынамасы алыныпты.
<blockquote>
 «Соңғы тәулікте 1143 тест сынамасы жасалды. Оның 512 – теріс мәнді болып шықты. Ал, 629 – әлі тексерілу үстінде. Бүгінгі таңда облысымызда 6731 тест қоры қалды», – деді ол.
</blockquote>
Сондай-ақ, басқарма басшысы өңірде коронавирустық инфекциямен тіркеліп отырған науқастардың өсімі тәулігіне республика бойынша төмендегенін жеткізді.
<blockquote>
 «Облыста жалпы науқастардың өсімі соңғы тәулікте 2,5%-ды құрап отыр. Республика бойынша көрсеткішке келсек, өңірде індет 7,2%-ды тұрақтаған. Бұл аймақта қауіпті індеттің тұрақталғанын көрсетеді. Медицина мамандары мен тұрғындардың бірлесе отырып, карантин талаптарын сақтаудың арқасында осы көрсеткішке жетіп отырмыз», – деді Ж. Әбілқасымұлы.
</blockquote>
Жақсылық Әбілқасымұлы өңірде осы уақытқа дейін барлығы 2484 медицина қызметкерінен коронавирустық инфекцияға сынама тест алынғанын мәлімдеді. Оның 19-нан ғана қауіпті індет анықталған. Осы 19 қызметкердің арасында – дәрігерден бастап, техникалық қызметкер мен көлік жүргізушісіне дейін бар көрінеді.
<blockquote>
 «Бүгін қасиетті Рамазан айы басталды. Осы айда баршаңызға төзім, шыдамдылық, мейірім тілегім келеді. Біздің тілегіміз – елдің амандығы мен жұрттың тыныштығы. Біз бірге болғанда ғана қауіпті індетті жеңеміз», – деді спикер.
</blockquote>

COVID-19: Қызылордада 2484 медицина қызметкері қауіпті індетке тексерістен өткен

<a href="https://kyzylorda-news.kz/">Kyzylorda-news.kz.</a> Бүгін Ислам әлемі үшін қасиетті, берекеге толы, он екі айдың сұлтаны саналатын Рамазан айы басталды.
Биыл ораза 24 сәуір, жұма күні басталды. Мамыр айының 19-ынан 20-сына қараған түн – қасиетті Қадір түні. Биыл пітір садақа жан басына <a href="https://kyzylorda-news.kz/kogam/qazaqstanda-biylghy-pitir-sadaqanyng-moelsheri-bekitildi-56857/">370 теңгеден белгіленді</a>.
Айта кетейік, коронавирус инфекциясына байланысты елде төтенше жағдай жарияланып, биыл осы Рамазан айындағы дәстүрлі шараларға біршама шектеулер енгізілді.
<blockquote>
 «Өздеріңіз білесіздер, елімізде жарияланған төтенше жағдайға байланысты мешітте жамағатпен оқылатын намаздарға уақытша шектеу қойдық. Әр азаматтың өмірі мен денсаулығы қымбат құндылық болғандықтан, жұқпалы індеттің алдын алу үшін осындай шешім қабылдауға мәжбүр болдық. Әрине, бұл – уақытша сынақ. Алайда жамағат намазы үшін мешіт есігі жабылғанымен, сауап пен ізгілік есіктері ешқашан жабылмайды. Қасиетті хадис-шарифте айтылғандай, мұсылманның ниеті амалынан қайырлы», – деді Қазақстан мұсылмандары діни басқармасының төрағасы Наурызбай қажы Тағанұлы.
</blockquote>
Осы орайда ҚМДБ қасиетті Рамазан айында індеттің таралуының алдын алу мақсатында, карантин мерзімінде&nbsp;тарауық намазы&nbsp;<a href="https://kyzylorda-news.kz/kogam/dughalar-onlajn-zhasalady-biylghy-ramazan-ajynda-qandaj-oezgerister-oryn-almaq-57773/">мешіттерде жамағатпен оқылмайтынын</a> мәлімдеді. Әркім тарауық намазын өз шаңырағында отбасы мүшелерімен оқуына кеңес берілді. Сонымен қатар, мешіттерде, дәмханаларда, қоғамдық орындарда және басқа да мекемелерде жиналып,&nbsp;ауызашар беру&nbsp;уақытша тоқтатылатыны айтылды.
Осы орайда Бас мүфти қазіргі жағдайға қарай, ораза ұстаған адамдарға ауызашар беруде тиісті қайырлы амалдарды жүзеге асыруға шақырды. Бұл тұрғыда мейрамханаларға тапсырыс беріп, ауызы берік адамдарға тамақ тарату, әлеуметтік жағдайы төмен отбасыларға азық-түлік тарату арқылы ауыз аштыру, ауызашарға жұмсалатын шығындарды ораза ұстаған адамдарға қаржылай беру секілді <a href="https://kyzylorda-news.kz/kogam/syr-imamdary-awyzashar-qorzhyny-atty-qajyrymdylyq-akcijasyna-qatyswgha-shaqyrady-57900/">амалдарды ұсынды</a>.
Бұдан бөлек, төтенше жағдайға байланысты Рамазан айында берілетін пітір садақа мен зекетті мобильді <a href="https://kyzylorda-news.kz/kogam/pitir-sadaqasy-men-zeketti-kaspi-kz-mobildi-qosymshasy-arqyly-awdarwgha-bolady-57120/">қосымшалар арқылы аударуға болады.</a>
Ораза тұту – игі мұсылман қауымының бес парызының бірі. Жалпы «ораза» сөзінің мағынасы – бір нәрседен алыстау, белгілі бір уақыт аралығында ішіп-жеуден, нәпсі қалауларынан тыйылу дегенді білдіреді.
<blockquote>
 Оразаға ниет: «Алла Тағаланың разылығы үшін таңнан күн батқанға дейін мүбәрак Рамазан айының оразасын ұстауға ниет еттім».
 Ауызашар дұғасы: «Жаратқан Ием! Сенің разылығың үшін ораза ұстадым, Саған иман келтірдім, Саған тәуекел еттім, Сен берген ризық-несібеңмен ауыз аштым. Уа, кешірімді Алла! Менің алдыңғы және соңғы күнә-кемшіліктерімді кешіре гөр!»
</blockquote>
Жамағат назарына Қазақстан мұсылмандары діни басқармасының мәліметтері негізінде Ораза айында мән берер мәліметтерді ұсынамыз:
– Пiтiр-садақаны Рамазан айының басынан Айт намазына дейiн беруге болады. Еліміз бойынша әр адамға 370 теңге.
– Пітір-садақадан түскен қаражат есебінен мүгедектер мен қарттарға, жесір әйелдер мен жетімдерге, әлеуметтік тұрмысы төмен отбасыларға қайырымдылық көмек көрсетіледі.
– Жүкті, омырауда баласы бар әйелдерге, жолаушыларға, науқас жандарға ораза ұстау – парыз емес.
– Сапарда жүргендерге <a href="https://kyzylorda-news.kz/kogam/daerigerler-men-policija-qyzmetkerlerine-orazany-toqtatwgha-ruqsat-etiledi-57834/">ораза ұстамауға болады</a>. Бірақ басқа күндерде санын толтырып, ауыз бекітеді. Егер сапар қиындық туғызбаса, абзалы – ауыз бекіту.
<a href="https://lenta.inform.kz/kz/kasietti-ramazan-ayy-bastaldy_a3641793">ҚазАқпарат</a>

Қасиетті Рамазан айы басталды

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облысында ауа райының қолайсыздығына байланысты ескерту жарияланды, деп хабарлайды Қазгидромет.
24 сәуірде&nbsp;Қызылорда&nbsp;облысының кей жерлерінде найзағай жарқылдайды, шаңды дауыл соғады. Күндіз кей жерлерде бұршақ күтіледі.
Түнде облыстың басым бөлігінде жаңбыр жаууы мүмкін. Жел солтүстік-батыстан солтүстік-шығысқа ауысады, күші кей жерлерде 15-20, екпіні 23 м/с күтіледі.

Ауа райы: Бүгін Қызылорда облысында жел күшейіп, бұршақ жауады

Халықаралық жастар ынтымақтастығы күні.
Демократиялық жастар дүниежүзілік федерациясының шешімімен жыл сайын 24 сәуір күні атап өтіледі. Алғаш рет 1957 жылы атап өтілді. Бұл дата 1955 жылы өткен Азия мен Африка елдерінің Бандунг конференциясының қорытынды отырысына орай белгіленді. Бұл күн мемлекеттік органдардың, қоғам мен бұқаралық ақпарат құралдарының назарын жастар проблемасына аударту мақсатын тұтады.
1990 жылы&nbsp;Қазақ КСР Жоғарғы Кеңесінің шешімімен Қазақстанның тұңғыш Президенті болып Нұрсұлтан Әбішұлы Назарбаев сайланды.
1991 жылы&nbsp;Түркияда Қазақстан мәдениеті мен өнері күндері басталды. Осы іс-шара шеңберінде «Алтын тамырлар» атты көрме ашылды. Бұл көрме қазақ пен түрік халықтарының тарихи тамырластығын қамтыды.
1996 жылы&nbsp;Елбасы Н.Назарбаевқа елдегі ең жоғарғы лауазым белгілері – «Алтын Қыран» ордені, төсбелгісі және Президент байрағы тапсырылды.
2000 жылы&nbsp;Алматыда «Еуразия – 2000» экономикалық саммиті өз жұмысын бастады. Саммитте Орталық Азия және Кавказмаңы елдері басшылары интеграция, жаһандану мәселелерін, Еуразияның болашағын талқылады.
2012 жылы&nbsp;Мұхтар Әуезов қорының алғашқы «Кемеңгер» Құрмет белгісіне белгілі қазақстандық ғалым, академик Мұрат Гильманов ие болды. 2013 жылы Қостанай облыстық шығармашылық үйінде суретші Майя Демееваның жеке көрмесі ашылды.
2013 жылы&nbsp;Қытайда Қазақстандық студенттер қауымдастығы құрылды.
2014 жылы&nbsp;Астанада Тәуелсіздік сарайында ХІІ Еуразиялық медиафорум жұмысын бастады.

24 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 24 сәуірге арналған жұлдыз-жорамалы.
Тоқты
Сіз алдыңызға жаңа мақсат қойып оған жету жолында талаптанасыз. Айналаңыздағы адамдар оны өзімшілдікке балайды. Күннің екінші жартысында барып олар сіздің өз қамыңызды ғана ойламайтыныңызды түсінеді. Төзімділік пен достық қарым-қатынаста бола отырып, әрбір сөзіңізді дәлелдеуге дайын болыңыз. Есіңізде болсын, әрбір адам тез шешім қабылдауға қабілетті емес. Ондай қабілетсіз адамдарға ашулануға болмайтынын түсініңіз.
Торпақ
Бизнес мәселелерін талқылауға, шығармашылыққа және келешекке арналған жоспарлар құруға өте ыңғайлы күн. Сіздің идеяңызды қолдап қана қоймай, кез-келген жағдайда сіздің жаныңыздан табылатын адамдар жолықтырасыз. Тұрмыстық жағдайда мәселе туындауы мүмкін. Ол сіздің немқұрайлығыңыздан туындайды. Әйтпесе күнделікті үй шаруасынан да маңызды мәселе туралы ойлауға болады.
Егіздер
Сіз кез келген оқиғлар мен жағдайларға қызығушылық танытасыз. Бұл айтарлықтай кәсіби жетістікке жетуге мүмкіндік береді. Эмоцияңызды бақылаңыз. Ашу – дұшпан, ақыл –дос. Бұл күні барынша салқынқанды болуға тырысыңыз. Ол сізді жақындарыңызға жағымсыз мінез көрсетуден сақтайды.
Шаян
Күн жақсы болады. Таңертеңгі уақытты жемісті өткізуге тырысыңыз. Сізде маңызды мәселелерді шешуге және көптеген кедергілерді жеңуге мүмкіндік болады. Сондай-ақ сізге жаңа бизнес бастауға қолайлы. Оны жеке өзіңіз бастайсыз ба серіктес іздейсіз бе ол маңызды емес. Нәтиже шығару үшін қалай әрекет ету керектігін жылдам түсінесіз.
Арыстан
Бүгін сізде айтарлықтай нәтижеге қол жеткізіп, алға жылжуға тамаша мүмкіндік туып тұр. Сіз жетістікке кедергі келтіретін қателіктер жасамай, дұрыс шешім қабылдауға қол жеткізе аласыз. Қуатты серіктес табасыз. Ақшаға қатысты бар мәселені шешуге оңтайлы күн. Ең тәжірибелі адамдардың өзі сізбен кеңесіп, ақыл сұрайды.
Бикеш
Бұл күн көптеген пайдалы істер жасауға мүмкіндік береді. Сіз өзіңіздің жолыңыздағы кез-келген кедергіні алып тастай алатын сенімді және жігерлісіз. Ерекше адамдармен танысуыңыз мүмкін. Сізге ол ұнайды және ол да сізді ұнатады. Қарым-қатынастарыңыз жылдам дамып, ол сізді қуантады.
**Таразы 
**Бикештер үшін бүгін табысты күн. Қайсар мінез сізге тән. Сіз өзіңіздің қарсыластарыңызбен шайқасуға дайынсыз. Сіз күшті қарсыластарыңызды жеңіп, ұзаққа созылған қарсыластарыңызды қарусыздандыруға, дұшпандарыңыздың шиеленістерін ашуға қабілеттісіз. Сіз күрделі мәселелерді, соның ішінде мүлдем жаңа мәселелерді шешумен айналысасыз. Кейде қиындықтар болуы мүмкін, бірақ олар сізді қорқыта алмайды. Біреу сізбен жақынырақ танысқысы келіп жүр.
Сарышаян
Егер сіз бүгін бәрін ақылмен шешіп, тиянақты болсаңыз күн жаман болмайды. Бірақ бұл оңай емес. Ашуыңызды ақылға жеңдіре біліңіз. Отбасында да жұмысыңызда да аса қатты қиындық жоқ. Бұл күні сіз үшін жақын адамдармен жанжалдасудан аулақ болу өте маңызды. Егер қарым-қатынастарыңызды бүгін нашарлатып алсаңыздар кейін қалпына келтіру қиынға соғады. Есіңізде болсын бүгін туындаған бар мәселе өткінші, оны тез арада ұмытып кетесіз.
Мерген
Іскерлік кездесулерге, ынтымақтастық шарттары мен болашақ жоспарларыңызды талқылауға қолайлы күн. Мергендердің мансаптық және кәсіби өсулері ешқандай проблемалар жоқ. Соңғы уақытта сіз көп күш жұмсаған жобаларыңыз сәтті аяқталады. Күннің екінші жартысында отбасылық бизнеске қатысты жақсы жаңалық болады.
Тауешкі
Сіз үшін сәтті күн. Жұмыста елеулі табысқа қол жеткізесіз. Жақсы іскерлік кездесулер, түрлі тұсаукесерлер мен семинарлар, жарнамалық акцияларда көптеген пайдалы ақпарат алуға мүмкіндігіңыз бар. Кейбір тауешкілерде жаңа идеялар пайда болады. Жеке өміріңізде де барлығы ойдағыдай. Сіз жаңа қарым-қатынас бастау немесе ескісін қайта жандандыру туралы көп ойланасыз. Түйсігіңізді тыңдаңыз ол сізді сәттілікке жетелейді.
Суқұйғыш
Суқұйғыштар үшін бұл күн жеке мәселелерден көрі жұмыстағы мәселелерді шешуге қолайлы күн. Сіз кішігірім нәрселерге мән бере бермейсіз. Бірақ маңызды деп санайтын мәселелерге көңіл аударасыз. Сізге біреумен жұмыс істегеннен көрі өз бетіңізше әрекет еткен қызықты әрі жеңіл болады.
Балық
Барлық мәселені өзіңіз шешуге тырыспаңыз. Өзіңізді құрметтейтін және өзіңіз жақсы көретін жандардан көмек сұраңыз. Жақын адамдармен сөйлескенде, сақ болыңыз. Сіз өзгелердің мүддесін өзіңізден жоғары қоюға бейімсіз. Біреу оны теріс пайдалануға тырысуы мүмкін. Жұрттың қыңырлығынан өзіңіздің маңызды жоспарларыңыздан бас тартпаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz</a>. Қазіргі таңда елімізде «Қазақстан Республикасындағы бейбіт жиналыстарды ұйымдастыру және өткізу тәртібі туралы» Заңының жобасы талқылануда. Әрине, бұл қазіргі таңда қажетті қадам деп есептеймін.
Себебі, елімізде соңғы жылдары бейбіт жиналыстар жиі өткізіліп, оның қабылданған негізгі ережелері бұзылуда. Осы ретте, саяси сауаттылықтың нақты қажеттілігі туындайды.
Өзінің саяси даму процесінде еліміз түрлі кедергілерге тап болуда. Бұл – жас демократиялық елге тән құбылыс. Билік пен халық арасындағы ауызбіршілікке ештеңе кедергі болмауы тиіс.
Соған байланысты халық қалаулыраның тікелей араласуымен ҚР-ның «Қазақстан Республикасындағы бейбіт жиналыстарды ұйымдастыру және өткізу тәртібі туралы» Заңының жобасы талқылануда. Жаңа заң жобасы елдің тыныштығына, төзімді болуына, түрлі мәселеге түсіністікпен қарауға және халық арасында жүрген түрлі теріс пиғылды, айдап салушыларды тәубесіне түсіруге сеп болады.
Дамыған елдердің тәжірибесіне сүйенген бұл заң жобасы еліміздің тағы да демократиялық даму жолындағы жауапты қадамы болмақ.

Сәулет Сахиев: «Билік пен халық арасындағы ауызбіршілікке ештеңе кедергі болмауы тиіс»

<a href="https://kyzylorda-news.kz/">Kyzylorda-news.kz</a>. Коронавирус пандемиясына байланысты биылғы ҰБТ-да санитарлық шектеу шаралары қолға алынады, деп хабарлайды <a href="https://lenta.inform.kz/kz/koronaviruspen-kures-ubt-da-tulekter-arasynda-2-metr-kashyktyk-saktalady_a3641676">ҚазАқпарат</a>.
Бұл туралы ҚР Білім және ғылым министрлігінің Ұлттық тестілеу орталығының директоры Дидар Смағұлов мәлімдеді.
<blockquote>
 «Тестілеу мерзімі әзірге өзгеріссіз қалып отыр. Оны маусымның 22-сінде бастаймыз деп жоспарлап отырмыз. Егер пандемия салдарынан жағдай өзгерер болса, бұл мерзімді қарастырып, тағы екі аптаға созуымыз мүмкін», – деді ол.
</blockquote>
Сонымен бірге, биылғы тестілеуде түлектердің дене қызуын өлшеу, аудиториядағы адам санын азайту сынды қауіпсіздік шаралары қарастырылады.
<blockquote>
 «Тестілеуде әдетте бір аудиторияда 100-150 адам отыратын. Қазір 50 адамнан отырғызуды ұйғардық. Эпидемиологиялық жағдай қиындаса, 30 адамнан, тіпті 25 адамнан қалдырамыз. Әр түлектің айналасында 2-2,5 метр қашықтық сақталуы керек. Ол үшін аудандарда ғимарат жеткілікті, барлығын есептеп шықтық. Еш қиындық болмайды», – деді Д. Смағұлов.
</blockquote>
Бұған дейін Дидар Смағұлов ҰБТ-ға 11-сыныптың төртінші тоқсанынан жаңа сұрақтар болмайтынын түсіндірген еді.

Төтенше жағдай: ҰБТ-да түлектер арасында 2 метр қашықтық сақталады

<a href="https://kyzylorda-news.kz/">Kyzylorda-news.kz.</a> Ертең Қызылорда облысында ауа райының қолайсыздығына байланысты ескерту жарияланды, деп хабарлайды Қазгидромет.
24 сәуірде&nbsp;Қызылорда&nbsp;облысының кей жерлерінде найзағай жарқылдайды, шаңды дауыл соғады. Күндіз кей жерлерде бұршақ күтіледі.
Түнде облыстың басым бөлігінде жаңбыр жаууы мүмкін. Жел солтүстік-батыстан солтүстік-шығысқа ауысады, күші кей жерлерде 15-20, екпіні 23 м/с күтіледі.

Ертең Қызылордада жел күшейіп, бұршақ жауады

<a href="https://kyzylorda-news.kz/">Kyzylorda-news.kz</a>. Қызылорда облыстық Жұмыспен қамтуды үйлестіру және әлеуметтік бағдарламалар басқармасы аймақта халықтың әлеуметтік қолдауға мұқтаж топтарына көмек көрсету жұмыстары туралы мәліметтерді жариялады.
Басқарманың хабарлауынша, ағымдағы жылдың І тоқсанына облыс бойынша аз қамтылған 8355 отбасына (44460 адам) атаулы әлеуметтік көмек тағайындалып, толығымен төленді.
ІІ тоқсанға 8342 отбасына атаулы әлеуметтік көмекті тағайындау автоматты түрде ұзартылды. Сәуір айының төлемі мамыр айының 5-нен бастап төленеді.
Төтенше жағдай кезеңінде облыс бойынша 60 310 халықтың жекелеген санаттары азық-түлік және тұрмыстық жиынтығымен қамтамасыз етіледі. Азық-түлік және тұрмыстық жиынтығы ақшалай түрде республикалық бюджет қаражаты есебінен 1 адамға 5 567 теңгеден жалпы сомасы 335,7 млн. теңге көлемінде жүргізіледі.
Бүгінгі күнге наурыз айы үшін 16647 бала азық-түлік тұрмыстық жиынтықпен қамтылған.
Сәуір айы үшін 42 686 адамға&nbsp; төлем төленді. Оның ішінде:
15&nbsp;081 – АӘК алушылар қатарындағы 6-18 жасқа дейінгі балаларға;
2258 – 16 жасқа дейінгі мүгедек балаларға;
20 024 – барлық жастағы 1,2,3 топтағы мүгедектеріне;
2 397 – мүгедек баланың күтімімен айналысатын ата-аналарға;
2 926 – уәкілетті органда тіркелген жұмыссыздарға.
Аймақтық «Birgemiz Qyzylorda» қоры арқылы бірінші траншпен Қызылорда қаласының 6 313 отбасына 50,0 мың теңгеден бір реттік&nbsp; көмек берілді.
Екінші транш бойынша 7796 адамға көмек көрсетілетін болады. Төлем мамыр айының 5-10 аралығында жүргізіледі.
«Birgemiz» қайырымдылық акциясы аясында 19 наурыз – 23 сәуір аралығында 7798 отбасыға 83,6 млн. теңгеге азық-түлік және тұрмыстық жиынтық түрінде қайырымдылық көмегі көрсетіліпті.
Төтенше жағдай кезеңінде жұмыстан айрылу жағдайы бойынша электронды түрде 181 891&nbsp; адамнан әлеуметтік төлемге (42 500 теңге) өтініш қабылданып, 151 176 адамға (83,1%) 42 500 теңгеден 6 424, 9 млн. теңгеге төлем төленді.

Қызылордада 151 176 тұрғын 42500 теңге жәрдемақы алған

<a href="https://kyzylorda-news.kz/">Kyzylorda-news.kz.</a>&nbsp; Бас санитарлық дәрігердің өкілеттігі күшейтіледі. Нұр-Сұлтан қаласындағы модульді жұқпалы аурулар ауруханасына барған ҚР Президенті Қасым-Жомарт Тоқаев осылай жауап мәлім етті, деп хабарлайды <a href="https://www.akorda.kz/kz/events/astana_kazakhstan/visits_to_objects/kasym-zhomart-tokaev-nur-sultan-kalasyndagy-moduldi-zhukpaly-aurular-auruhanasyna-bardy">Ақорда</a>.
Қасым-Жомарт Тоқаев дәрігерлермен әңгімелесу кезінде санитарлық-эпидемиологиялық қызмет жүйесін реформалау мәселесіне тоқталды.
<blockquote>
 – Әрбір дағдарыстың өз сабағы болады. Оны ескеру керек. Біз қазіргі дағдарыс пен пандемиядан сабақ алып жатырмыз. Шын мәнінде, соңғы жылдары санитарлық-эпидемиологиялық қызмет жүйесін дамытуға және оны қолдауға тиісті дәрежеде көңіл бөлінбеді. Әрине, оның белгілі бір себептері бар. Оны сіздер жақсы білесіздер. Біз қазір Денсаулық сақтау министрлігінің жұмысын қайта қалыптастырып жатырмыз. Қажетті реформалар жүргізілетін болады. Атап айтқанда, Бас санитарлық дәрігердің өкілеттігі күшейтіледі, – деді Мемлекет басшысы.
</blockquote>
Медицина қызметкерлері қолдау көрсеткені үшін мемлекет пен Президентке алғыс айтты. Сондай-ақ олар дәрігер-инфекционистердің еңбек ақыларын арттыру мәселесін көтерді.
<blockquote>
 – Біз қазір бюджеттің барлық қаражатын шоғырландырып жатырмыз. Сіздер Қазақстанның осыған дейін қалыптасқан дәстүрлі нарығының құлдырағанын түсінуге тиіссіздер. Бюджетке түсуге тиісті қаржының негізгі бөлігін толық ала алмай отырмыз. Дегенмен осындай күрделі қаржылық қиындықтарға қарамастан, сіздердің өтініштеріңізді қараусыз қалдырмаймыз, – деді Қасым-Жомарт Тоқаев.
</blockquote>

Қазақстан және Қызылорда облысының жаңалықтары