<a href="https://kyzylorda-news.kz/">Kyzylorda-news.kz.</a> Байқоңыр қаласы жоғары деңгейдегі дайындыққа келтірілді. Қалыптасқан санитарлық жағдайға орай қалаға кіріп шығу тәртібі белгіленді. Ғарыш айлағында жедел штаб құрылып, қазақстандық және ресейлік орта білім беру ұйымдарының оқушылары демалысқа шықты, колледждер қашықтан оқыту жүйесіне көшті.
«Крайний» әуежайы тек зымыранды ұшыру кезінде ғана ұшақтарды қабылдайды. Келген жолаушыларды тепловизормен тексеретін санитарлық бекет іске қосылды. Дезинфекция толығымен жүргізілді.&nbsp;
<a href="https://kyzylorda-news.kz/kogam/qyzylorda-oblysynyng-aekimi-qwanyshbek-ysqaqovtyng-tapsyrmalary-qalaj-oryndalyp-zhatyr-50384/">Айта кетейік,</a> аймақта залалсыздандыру жұмыстары бойынша әуежай, авто және теміржол вокзалдары кешенді тазалаудан өткізілді. Сауда алаңының аумағы 2 мың шаршы метрден асатын 30 ірі нысанға ұдайы дезинфекция жасалып жатыр.

Байқоңыр қаласы төтенше жағдайға байланысты жоғары деңгейдегі дайындыққа келтірілді

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің өкімімен, Қазақстан Республикасы Президенті Әкімшілігі және Жалағаш аудандық мәслихатының келісімімен Жалағаш ауданының әкімі лауазымына Шәменов Асылбек Өмірбекұлы тағайындалды.
Асылбек Шаменов 1978 жылы туған. Абай атындағы Алматы мемлекеттік университетін «Халықаралық туризм», Қызылорда мемлекеттік университетін «Мұнай-газ кен орындарын игеру» және «Құрылыс» мамандықтары бойынша бітірген.
Еңбек жолын 1999 жылы «Қызылорда интеграция» компаниясының менеджері ретінде бастаған.
2007-2012 жылдары Қызылорда облысының мемлекеттік сәулет-құрылыс бақылау, сондай-ақ облыстық энергетика және тұрғын үй-коммуналдық шаруашылық басқармаларында жауапты қызметтер атқарған.
2012-2018 жылдары Қызылорда облысының энергетика және тұрғын үй-коммуналдық шаруашылық басқармасы басшысының орынбасары, Қызылорда қаласы әкімінің орынбасары. 2018 жылдың мамыр айынан бастап осы кезге дейін Қызылорда облысының жұмылдыру дайындығы басқармасының басшысы қызметін атқарып келді
<img src="https://kyzylorda-news.kz/wp-content/uploads/2020/03/taghajyndaw.jpg" alt="" />

Жалағаш ауданының әкімі тағайындалды

<a href="https://kyzylorda-news.kz/">Kyzylorda-news.kz.</a> 19 наурыз күні сағат 00.00-ден бастап енгізілетін Нұр-Сұлтан және Алматы қалаларының аумағына адамдардың кіруін/шығуын шектеу келесі санаттағы тұлғалар үшін қолданылмайды.
• бұған дейін қаладан шығып кеткен Нұр-Сұлтан және Алматы қалаларының тұрғындары қалаға оралған жағдайда;&nbsp;
•&nbsp;бұған дейін қалаға кірген басқа өңірлердің тұрғындары қаладан шығатын болса;&nbsp;&nbsp;
•&nbsp;бұған дейін шетелдерге шығып кеткен ҚР азаматтары (олар Қазақстан Республикасына оралған жағдайда);
•&nbsp;бұған дейін елден шығу үшін ҚР аумағына кірген және елден шығып кету мақсатында әуе көлігімен шығатын шетелдіктерге;&nbsp;
•&nbsp;шетелдіктер (азаматтығы жоқ тұлғалар), Қазақстан Республикасында тұруға ықтиярхаты бар тұлғаларға;
•&nbsp;бұған дейін шетел мемлекетінің аумағына шығып кеткен ҚР азаматтары Қазақстан Республикасына оралған жағдайда;
•&nbsp;емделу үшін шетелге шығатын ҚР азаматтарына, олардың денсаулық сақтау мекемелерінің растаушы құжаттары болған жағдайда;
•&nbsp;елдің және шетел мемлекеттерінің дипломатиялық қызметінің персоналы және олардың отбасы мүшелеріне, сондай-ақ Қазақстанға ҚР Сыртқы істер министрлігінің шақыруы бойынша бағыт алған шетел мемлекеттерінің және халықаралық ұйымдардың делегация мүшелеріне;
•&nbsp;пойыз және локоматив бригадаларының мүшелеріне, сондай-ақ теміржол тасымалы процесіне қатысатын тұлғаларға, әуе, теңіз көліктерінің экипажына, халықаралық жүк тасымалын жүзеге асыратын жүк автокөлігі құралдарының жүргізушілеріне;&nbsp;
•&nbsp;Қазақстан Республикасы азаматтарының отбасы мүшелері болып саналатын шетелдіктерге (туыстық байланыс фактісі – ері (зайыбы), олардың ата-аналары мен балалары екені расталған жағдайда);&nbsp;
•&nbsp;Нұр-Сұлтан және Алматы қалаларында жұмыс істейтін, қала маңы аумақтарында тұратын тұрғындарға;
•&nbsp;әуе және темір жол транзиті қатынасымен жүрген Қазақстан Республикасының азаматтарына;&nbsp;
•&nbsp;басқа да ерекше жағдайларда, мұндай жағдайлар COVID-19-бен күресу жөніндегі қалалық штабтарда дербес тәртіпте қаралады.

Карантин кезінде Нұр-Сұлтан мен Алматыға кімдер кіріп, кімдер шыға алады?

<a href="https://kyzylorda-news.kz/">Kyzylorda-news.kz.</a> Төтенше жағдай кезінде той жасаған түркістандық тұрғын жазаланды, деп хабарлайды&nbsp;Түркістан қалалық полиция басқармасы.
17 наурызда әлеуметтік желілер мен мессенджерлерде үйінің ауласында белгісіз тұлғаның адамдардың басын қосып, той жасап жатқан бейнежазбасы таралды. Бұл дерек бойынша Түркістан қалалық полиция басқармасының қызметкерлері шұғыл іздестіру шараларын қабылдады.&nbsp;
Полицейлердің айтуынша, оқиға 16 наурызда түнгі уақытта Түркістан қаласындағы мөлтек аудандардың бірінде болған.
<blockquote>
 «Қалалық полицейлер төтенше жағдай режимін бұзып, жиын өткізгені үшін той иесіне қатысты ҚР Әкімшілік – құқық бұзушылық туралы кодекстің 476-бабы бойынша әкімшілік хаттама толтырды», – делінген хабарламада.
</blockquote>
Осыған байланысты ведомство өкілдері заңға бағыну керегін ескертеді. Төтенше жағдай кезінде жиын, басқосуларды ұйымдастырмай, мүмкіндігінше сақтық шараларын жасап, денсаулыққа мән беру қажет екенін айтады.

Төтенше жағдай кезінде той жасаған тұрғын жазаланды

<a href="https://kyzylorda-news.kz/">Kyzylorda-news.kz.</a> ҚР Білім және ғылым министрлігі қызметкерлерінің 70 пайызы қашықтан жұмыс істеуге кірісті. Бұл туралы министр Асхат Аймағамбетов Facebook парақшасында жазды.
<blockquote>
 «Президент Қасым-Жомарт Тоқаевтың тапсырмасына сәйкес, ҚР БҒМ қызметкерлерінің 70 пайызы қашықтан жұмыс істейтін форматқа көшті, арасында еңбек демалысына шыққандар да бар. Бұл шешім, ең алдымен, созылмалы ауруы бар, жасы зейнеткерлікке таяған және үйінде кішкентай балалары бар әріптестерге қатысты. ҚР БҒМ 14 наурызда қабылдаған №108 бұйрығына сәйкес мектеп каникулы кезінде мұғалімдердің 100 пайызы және қашықтықтан оқыту барысында колледждер мен ЖОО-ның оқытушылары қашықтықтан жұмыс істеуі тиіс», – деді министр.
</blockquote>
Бұдан бөлек, министр кеше қосымша білім беру, ПМПК, КППК қызметкерлеріне қатысты қосымша шешім қабылданғанын мәлімдеді. Қазір оларды ақы төленетін еңбек демалысына жіберу ұсынылды.
<blockquote>
 «Ата-аналар бүлдіршіндерін апармауды ұйғарған топтарда жұмыс істейтін балабақша қызметкерлеріне де ақылы еңбек демалысын беру қажет. Сонымен қатар, білім және ғылым саласындағы басшыларды ұйымның тыныс-тіршілігін қамтамасыз етумен айналысатын мамандардан өзге барлық қызметкерлерін ақылы еңбек демалысына жіберуге немесе қашықтықтан жұмыс істеу форматына ауыстыруға тапсырма бердім. Біз үшін азаматтарымыздың денсаулығын сақтауды ойлау және инфекцияның таралу тізбегін тоқтатуға күш салу маңызды. Бұл ретте өзін-өзі оқшаулауды қамтамасыз ету, қоғамдық орындарға бармау өте маңызды», – деді Асхат Аймағамбетов.
</blockquote>

Асхат Аймағамбетов: Балабақша тәрбиешілерін ақылы еңбек демалысына жіберу қажет

<a href="https://kyzylorda-news.kz/">Kyzylorda-news.kz.</a> Қызылорда облысының 104802 тұрғынына өрт қауіпсіздігін сақтау мақсатында үгіттеу-түсіндіру жұмыстары жүргізілді. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облысы Төтенше жағдайлар департаменті бастығының орынбасары Руслан Қайрақбаев мәлімдеді.
<blockquote>
 «Тұрғын үй секторында көмірқышқыл және табиғи газды анықтайтын 3838 датчик сатып алынды. Қазіргі уақытта аз қамтылған және көпбалалы отбасылар тұратын үйлерге 2532 датчик орнатылды. Сондай-ақ, облыс бойынша 1671 табиғи газ датчигі орнатылған. Осы бағытта жергілікті атқарушы органдармен жұмыстар жасалуда», – деді Руслан Қайрақбаев.
</blockquote>
Мұнан өзге, сала мамандары өрт қауіпсіздігінің алдын алу мақсатында оқушыларға түсіндірме жұмыстарында жүргізгенін айтты.
Айта кетейік, демалыс кезінде балаларды үйде жалғыз қалдырмауға, тез тұтанатын заттардан аулақ ұстауға кеңес береміз.
<img src="https://kyzylorda-news.kz/wp-content/uploads/2020/03/001-1.jpg" alt="" />

Қызылордада 3838 тұрғын үйге датчик сатып алынды

<a href="https://kyzylorda-news.kz/">Kyzylorda-news.kz.</a> Қызылорда облыс әкімінің төрағалығымен өткен облыстық төтенше жағдайлардың алдын алу және оларды жою жөніндегі комиссия отырысында қала және аудан әкімдіктері,облыстық кәсіпкерлік және туризм, мәдениет, архивтер және құжаттама басқармалары, Қызылорда облысының полиция департаменті және «Атамекен» кәсіпкерлерді қолдау палатасымен бірлесіп ағымдағы жылдың 16 наурызынан бастап көпшілік іс-шараларға тыйым салып, адамдар көп шоғырланатын объектілерінде санитариялық-дезинфекциялық режимді сақтау қажеттігін тапсырды.
Осы орайда журналистер ірі сауда орындары мен жылдам тағам әзірлейтін орындарда болды.
«Aray city mall» сауда орталығы директорының айтуынша, Мемлекет басшысы мен облыс әкімінің тапсырмасына сәйкес орталықтан жалға алынған сауда нүктелерінің иелеріне жалға алу ақысының төлем күндерін кейінге шегеріп, жұмыс уақытын 10.00-18.00-ге дейін қысқартқан. Кинотеатр мен балалар ойын-сауық орталығы жұмысын тоқтатқан. Сонымен қатар, сауда орталығында санитарлық қауіпсіздік, залалсыздандыру жұмыстары күшейтілген. Ал, тұрғындар азық-түлігін қолайлы уақытта алуы үшін «Магнум» сауда орталығы мен дәріхана тәулік бойы жұмыс істеуде.
Қаладағы тұрғындар көп шоғырланатын сауда орындарының бірі «Жайна» сауда үйі. Бұл жерде де санитарлық-ағарту жұмыстары жолға қойылған. Сатушылар толығымен арнайы бетпердемен қамтамасыз етілген. Мұнда келушілер үшін арнайы дезинфекциялау құралдары қойылған.
Жылдам тағам әзірлейтін орындарда да келушілер санына шектеу қойылған. Облыстық кәсіпкерлік және туризм басқармасы басшысының орынбасары Мұрат Тасқараев екі күн бойы облыстағы 200-ден аса тамақтану орындарында жұмыс кестесін 22.00 -де тоқтау турасында түсіндірме жұмыстары жүргізілгенін айтты.
<blockquote>
 «Түсіндірме жұмыстары жүргізілгеннен кейін, тапсырмаға аса мән бермеген кәсіпкерлік субъектілерімен заң аясында жұмыс істейтін боламыз. Алдымен әкімшілік айыппұл, одан кейін қылмыстық іс қозғалуы әбден мүмкін. Шағын және орта бизнес өкілдеріне берілетін көмек туралы министрліктен тапсырма келген уақытта, әлеуметтік желіге жариялайтын боламыз»,- деді облыстық кәсіпкерлік және туризм басқармасы басшысының орынбасары Мұрат Тасқараев.
</blockquote>
<img src="https://kyzylorda-news.kz/wp-content/uploads/2020/03/01-55.jpg" alt="" />
<img src="https://kyzylorda-news.kz/wp-content/uploads/2020/03/02-42.jpg" alt="" />
<img src="https://kyzylorda-news.kz/wp-content/uploads/2020/03/03-24.jpg" alt="" />
<img src="https://kyzylorda-news.kz/wp-content/uploads/2020/03/04-11.jpg" alt="" />

Қызылорда облысының әкімі Қуанышбек Ысқақовтың тапсырмалары қалай орындалып жатыр? (ФОТО)

Оқыған: Фариза ОМАРОВА
Қазақ құлшылығым құдайға лайық болса екен деп қам жемейді. Тек жұрт қылғанды біз де қылып, жығылып, тұрып жүрсек болғаны дейді. Саудагер несиесін жия келгенде «тапқаным осы, біттім деп, алсаң — ал, әйтпесе саған бола жерден мал қазам ба?» дейтұғыны болушы еді ғой. Құдай тағаланы дәл сол саудагердей қыламын дейді. Тілін жаттықтырып, дінін тазартып, ойланып, үйреніп әлек болмайды. «Білгенім осы, енді қартайғанда қайдан үйрене аламын» дейді. «Оқымадың демесе болады дағы, тілімнің келмегенін қайтушы еді» дейді. Оның тілі өзге жұрттан бөлекше жаратылып па?
1893

Абай Құнанбайұлының он алтыншы қара сөзі (АУДИО)

<a href="https://kyzylorda-news.kz/">Kyzylorda-news.kz.</a> Елімізде заңды және жеке тұлғаларға декларация тапсыру мерзімі 30 күнге ұзартылады, деп хабарлайды <a href="https://lenta.inform.kz/kz/elimizde-deklaraciya-tapsyru-merzimi-30-kunge-uzartylady_a3626377">ҚазАқпарат.</a>
<blockquote>
 «Елімізде төтенше жағдайдың енгізілуіне байланысты заңды және жеке тұлғаларға декларация тапсыру мерзімі төтенше жағдайдың уақытына сәйкес келгендіктен, ол 30 күнтізбелік күнге, яғни 2020 жылдың 30 сәуіріне дейін ұзартылады», делінген хабарламада.
</blockquote>
Алайда, салық есептілігі нысандарын электронды түрде тапсыру қажет.
<blockquote>
 «Осылайша, 2020 жылдың 30 сәуіріне дейін тапсырылған электронды декларациялар уақытында табыс етілген болып саналады.
 Бұл ұзартулар 2019 жылдың 100.00, 110.00, 150.00, 180.00, 220.00, 230.00, 240.00, 700.00, 860.00, 870.00, 871.00, 912.00, 920.00 нысандарына қатысты қолданылады», делінген хабарламада.
</blockquote>
Комитеттің мәліметінше, мерзімнің ұзартуына қатысты салық төлеушіге қандай да бір қосымша өтініш пен хабарлама жолдаудың қажеті жоқ.
Сондай-ақ. 1 сәуір мен 30 сәуір аралығында тапсырылған нысандар бойынша әкімшілік жауапкершілікке тарту мәселесі қарастырылмайды.

Елімізде декларация тапсыру мерзімі 30 күнге ұзартылады

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев елімізде қауіпті індетпен күні-түні күресіп жатқан медицина мамандарына алғыс айтты.
<blockquote>
 «Коронавирусты анықтау, науқастарды емдеу және вирустың одан әрі таралмауы үшін аянбай еңбек етіп жатқан дәрігерлерге алғыс айтамын. Үкімет осындай қызметкерлерге сыйақы беру шараларын қабылдайды», – деп жазды Мемлекет басшысы&nbsp;<a href="https://twitter.com/TokayevKZ/status/1239940022771634177">Twitter</a>-де.
</blockquote>
Бұған дейін Қ.Тоқаев төтенше жағдайға байланысты қашықтан жұмыс істеуге көшуді <a href="https://kyzylorda-news.kz/kogam/toqaev-mekemelerdegi-qyzmetkerlerding-70-yn-qashyqtan-zhumys-istewge-koeshirwdi-tapsyrdy-50263/">тапсырған болатын.</a>
<blockquote>
 «ТЖ режимінде қоғамның тіршілігін қамтамасыз ететін, қауіпсіздік пен құқықтық тәртіпті бақылайтын мекемелерден, жекелеген БАҚ-тан өзге мемлекеттік, квазимемсектор қызметшілерінің 70%-ын қашықтан жұмыс істеуге көшірген жөн. Жеке кәсіпорындарға да осындай шараны қолдану ұсынылады», –&nbsp;деді Президент.
</blockquote>

Мемлекет басшысы дәрігерлерге алғысын жеткізді

<a href="https://kyzylorda-news.kz/">Kyzylorda-news.kz.</a> «Казгидромет» РМК 18 наурыз күніне арналған ауа-райы болжамын жариялады. Бүгін Қызылорда облысында күн бұлтты болады.
<blockquote>
 «Қызылорда облысында күн бұлтты, бірақ, жауын-шашусыз болады. Желдің соғуы 9-14 м/с. Ауа температурасы түнде 2-4 градус, күндіз 14-16 градус жылы болады», – делінген «Казгидромет» таратқан ақпаратта.
</blockquote>

18 наурызға арналған ауа-райы: Қызылордада күн бұлтты болады

2004 жылы&nbsp;ҚР Үкіметінің № 1355 Қаулысына сәйкес, «Ғарыш байланысының республикалық орталығы» АҚ құрылды. Оның қызметін «Қазғарыш» реттейді.
2006 жылы&nbsp;Прагада Чехиядағы Қазақстан студенттерінің «Бәйтерек» клубының тұсаукесер рәсімі өтті.
2010 жылы&nbsp;Елбасы Нұрсұлтан Назарбаев Көксарай су реттегішінің ашылу рәсіміне қатысты.
Көксарай – Арыс ауданында, Сырдария өзенінде салынған су қоймасы.
2018 жылы&nbsp;Қостанай облысының Затобольск кентіне қала мәртебесі беріліп, Тобыл деп аталды.

Қазақстан және Қызылорда облысының жаңалықтары