<a href="https://kyzylorda-news.kz/">Kyzylorda-news.kz.</a> Жалған ақпарат таратып, дүрбелең туғызатындар заңға сәйкес жауапқа тартылады. Бұл туралы елімізде төтенше жағдай енгізілуіне байланысты телевизия арқылы үндеу жасаған Мемлекет басшысы Қасым-Жомарт Тоқаев айтты.
<blockquote>
 «Біз ел-жұртты дүрліктіретін, арандататын әрекеттерге тыйым саламыз. Жалған ақпарат таратып, дүрбелең туғызатындар заңға сәйкес жауапқа тартылады. Бұқаралық ақпарат құралдары, интернет ресурстар тек ресми мәліметтерге сүйеніп, жұмыс істеуі керек. Біз осы жаһандық кеселге қарсы тұру үшін күш-жігеріміздің мықты екенін көрсетуіміз қажет. Татулық пен тұтастықтың арқасында кез келген қиындықтан шығуға болады. Сондықтан бәріміз бір адамдай жұмылып, қауіпті індетпен күресуіміз қажет. Береке мен бірлік бәрін де жеңеді», – деді Қасым-Жомарт Тоқаев.
</blockquote>

Тоқаев: Жалған ақпарат таратып, дүрбелең туғызатындар заңға сәйкес жауапқа тартылады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев коронавирус инфекциясының таралуына жол бермеу мақсатында енгізілген шектеу шараларына түсіністікпен қарауды сұрады. Бірақ, азық-түлік дүкендері мен базарлар жұмысын жалғастыра береді. Бұл туралы Мемлекет басшысы халыққа үндеуінде айтты.
<blockquote>
 «Көпшілік қатысатын іс-шаралар тоқтатылды. Көп азаматтар алдағы мереке күндеріне орай жоспар құрған болар. Дегенмен бүкіл халықтың денсаулығы үшін осындай шешім қабылдап отырмыз. Ірі сауда нысандарының жұмысын шектеуге мәжбүрміз. Бірақ азық-түлік дүкендері мен базарлар жұмысын жалғастыра береді», – деді ол.
</blockquote>
Мемлекет басшысы қоғамдық тәртіп қатаң бақылауға алынатынын жеткізді.

Тоқаев: Азық-түлік дүкендері мен базарлар жұмысын жалғастыра береді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт ТоқаевҮкімет қорынан дәрі-дәрмек, тест жүйелерін және зертханаға арналған жабдықтарды алу үшін қаражат бөлінгенін мәлім етті.
«Ойын-сауық орталықтары, кинотеатрлар мен театрлар, көрмелер мен халық көп баратын басқа орындар уақытша жабылады. Оқушылар демалысқа жіберілді. Студенттер қашықтан оқыту жүйесіне көшті. Сондай-ақ азаматтарымыз отбасылық іс-шараларды өткізбегені жөн деп санаймын. Қазақстан аумағына кіруге және шығуға шектеу қойылады. Мемлекеттік шекара бойындағы өткізу бекеттерінде, вокзалдар мен әуежайларда санитарлық режім күшейтілді. Менің тапсырмам бойынша Үкімет қорынан дәрі-дәрмек, тест жүйелерін және зертханаға арналған жабдықтарды алу үшін қаражат бөлінді. Ауруханаларда орын жеткілікті. Осы шаралардың бәрі де азаматтардың денсаулығы үшін жасалып отырған өте маңызды қадамдар», – деді Мемлекет басшысы қазақстандықтарға жолдаған үндеуінде.
Президент сақтанғанды құдай сақтайтынын айтып өтті.

Қасым-Жомарт Тоқаев: Сақтанғанды Құдай сақтайды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев коронавирус инфекциясының таралуына жол бермеу мақсатында енгізілген шектеу шараларына түсіністікпен қарауды сұрады. Бұл туралы Мемлекет басшысы халыққа үндеуінде айтты.
<blockquote>
 «Әлем өте күрделі ахуалды бастан өткеруде. Дүние жүзін коронавирустың таралуы алаңдатып отыр. Бұл індет күннен күнге ушығып барады. Өкінішке қарай, бұл індет біздің елімізде де тіркелді. Менің кешегі Жарлығыммен бүгін сағат сегізден бастап Қазқастанның аумағында төтенше жағдай енгізілді. Төтенше жағдай редімі отыз тәулікке созылады. Президент жанынан мемлекеттік комиссия құрылды. Оны Премьер-министр басқарады. Барлық қажетті алтдын алу шарасы жүзеге асырылады», – деді Президент үндеуінде.
</blockquote>
Мемлекет басшысы қоғамдық тәртіп қатаң бақылауға алынатынын жеткізді.
<blockquote>
 «Көпшілік қатысатын іс-шаралар тоқтатылды. Көп азаматтар алдағы мереке күндеріне орай жоспар құрған болар. Дегенмен бүкіл халықтың денсаулығы үшін осындай шешім қабылдап отырмыз. Ірі сауда нысандарының жұмысын шектеуге мәжбүрміз. Бірақ азық-түлік дүкендері мен базарлар жұмысын жалғастыра береді», – деді ол.
</blockquote>

Мемлекет басшысы: Халықтың денсаулығы үшін шектеу шараларын қабылдап отырмыз

<a href="https://kyzylorda-news.kz/">Kyzylorda-news.kz.</a> Күнделікті тұтынатын тауар бағасын негізсіз қымбаттатуға жол берілмейді. Бұл туралы елімізде төтенше жағдай енгізілуіне байланысты телевизия арқылы үндеу жасаған Мемлекет басшысы Қасым-Жомарт Тоқаев айтты.
<blockquote>
 «Біз экономикалық жағдайды басты назарда ұстаймыз. Мемлекет барлық әлеуметтік міндеттемелерін орындайды. Елбасымыздың сарабдал саясатының арқасында бұған қажетті қорымыз қалыптасты, қаражат бар. Осы орайда азық-түлік қоры жеткілікті екеніне назар аудартқым келеді. Күнделікті тұтынатын тауар бағасын негізсіз қымбаттатуға жол берілмейді», – деді Мемлекет басшысы.
</blockquote>

Президент: Күнделікті тұтынатын тауар бағасын негізсіз қымбаттатуға жол берілмейді

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев ел халқына үндеу жолдап жатыр. Үндеуді отандық телеарналар көрсетіп жатыр.

ҚР Президенті ел халқына үндеу жасап жатыр (ВИДЕО)

<a href="https://kyzylorda-news.kz/">Kyzylorda-news.kz.</a> Алматыдағы Halyk Bank кеңсесінде банк қызметтері туралы кеңес беретін сыртқы ұйымның қызметкері коронавирус жұқтырған, деп хабарлайды <a href="https://lenta.inform.kz/kz/almatydagy-halyk-bank-kensesinde-halykka-kenes-beretin-kyzmetker-koronavirus-zhuktyrgan_a3625277">ҚазАқпарат.</a>
<blockquote>
 «Halyk Bank клиенттермен әрдайым өзара ашық қарым-қатынаста болуға ұмтылады. Оның үстіне бүгінгі бүкіл әлемді дүрліктірген өмір сүру жағдайында бұл аса маңызды. Осыған байланысты COVID-19 коронавирус инфекциясын жұқтырған аждамдардың бірі Алматы қаласындағы банк ғимаратының бірінде кеңес беру қызметін ұсынатын сыртқы ұйымның қызметкері екенін халыққа хабарлау қажет деп санаймыз» деп хабарлайды «Қазақстан Халық банкі» АҚ баспасөз қызметі.
</blockquote>
Науқас және онымен байланысқан барлық қызметкерлер сынақ процедурасынан өтіп, қазіргі уақытта оқшауланған және карантинде жатыр.
<blockquote>
 «Анықталған ауруы бар сыртқы компанияның қызметкеріне жақын жерде болған банк қызметкерлері клиенттермен тікелей қарым-қатынаста болмағанын хабарлаймыз. Өз кезегінде банк клиенттер мен қызметкерлер денсаулығының барынша қауіпсіздігін қамтамасыз етуге бағытталған бұрын-соңды болмаған шараларды қолға алды. Кеңсе және бөлімшелерде үнемі санитарлық тазарту жүргізіледі. Банк бөлімшелері мен банкоматтар әдеттегі режимде жұмыс істейді, барлық операциялар клиенттерге қолжетімді» деп мәлім етті банктен.
</blockquote>

Halyk Bank кеңсесінде халыққа кеңес беретін қызметкер коронавирус жұқтырған

<a href="https://kyzylorda-news.kz/">Kyzylorda-news.kz.</a> Президенттің телевизия арқылы жасайтын үндеуі эфирге сағат 14:00-де шығады. Бұл туралы Президенттің баспасөз хатшысы Берік Уәли facebook-тегі парақшасында жариялады.
<blockquote>
 «Мемлекет басшысы Қасым-Жомарт Тоқаевтың Қазақстан Республикасында Төтенше жағдай енгізілуіне байланысты телевизия арқылы жасайтын үндеуі республикалық арналардан бүгін сағат 14:00-де көрсетіледі», – делінген хабарламада.
</blockquote>
Айта кетейік, кеше Президенттің телевизия арқылы <a href="https://kyzylorda-news.kz/sayasat/qasym-zhomart-toqaev-televizija-arqyly-uendew-zhasajdy-49741/">үндеу жасайтынын</a> хабарлаған болатынбыз.

Мемлекет басшысы телевизия арқылы жасайтын үндеуінің уақыты белгілі болды

<a href="https://kyzylorda-news.kz/">Kyzylorda-news.kz.</a> Президенттің елде төтенше жағдай жариялауына және халықтың өмір қауіпсіздігін сақтау мақсатында Сауда және интеграция министрлігі бірқатар шараларды қабылдау жөнінде кеңес берді, деп хабарлайды ведомствоның баспасөз қызметі.
<blockquote>
 «Біріншіден, ірі сауда нысандары таңғы сағат 10-нан кешкі 18:00 дейін ғана жұмыс істегені жөн. Осы аралықта санитарлық қауіпсіздік талаптары қатаң сақталуы тиіс. Сауда орталығының аумағындағы кинотеатр, балалар орталығы, кез келген ойын-сауық алаңдары жабылады. Азық-түлік дүкендері, азық-түлік сататын супермаркеттер және азық-түлік базарлары қалыпты режимде жұмыс істей береді. Тек санитарлық дезинфекциялық шаралар күшейтіледі» делінген хабарламада.
</blockquote>
Министрлік санитарлық қауіпсіздік шараларын күшейту жөніндегі басқа да ақыл-кеңесін кейінірек қосымша хабарлайды.

Қазақстанда ірі сауда орталықтары 10.00 мен 18.00 аралығында ғана жұмыс істеуі мүмкін

<a href="https://kyzylorda-news.kz/">Kyzylorda-news.kz.</a> Президенттің елде төтенше жағдай жариялауына және халықтың өмір қауіпсіздігін сақтау мақсатында Сауда және интеграция министрлігі бірқатар шараларды қабылдау жөнінде кеңес берді, деп хабарлайды ведомствоның баспасөз қызметі.
<blockquote>
 «Нан және кондитер өнімдерін сырты қапталған күйінше сатқан дұрыс. Сонымен қатар, азық-түлік сатпайтын базарлар таңғы 11:00-ден кешкі 17:00-ге дейін ғана жұмыс істегені дұрыс», – делінген хабарламада.
</blockquote>

Сауда министрлігі нан өнімдерін сырты оралған күйінде сатуды ұсынды

<a href="https://kyzylorda-news.kz/">Kyzylorda-news.kz.</a> Қызылордалық полицейлер мал ұрлаған үш қаскөйді ұстады.
Қызылорда қалалық басқармасы Тасбөгет полиция бөлімінің қызметкерлерімен жүргізілген рейдтік іс-шара кезінде 13 наурызда 05:00 сағат шамасында «ВАЗ-2114» автокөлігін тоқтатып, тексеру барысында жүк салғышынан құжатсыз, бір бас ірі қара малын алып бара жатқаны анықталды. Тексеру барысында Қызылорда қаласының тұрғындары, аталған малды Талдыарал елді-мекенінде белгісіз үйдің мал қорасынан ұрлап, өткізу мақсатында Қызылорда қаласына алып келгендері белгілі болды.
<blockquote>
 «Үш күдікті оқиға орнында ұсталды. Айғақты зат алынды. Қазіргі уақытта күдіктілер уақытша ұстау изоляторына оқшауландырылды. Жедел-іздестіру шаралары барысында күдіктілердің басқа да мал ұрлығы дерегіне қатыстылығы тексеріліп жатыр.Осы фактіге қатысты ҚР Қылмыстық кодексінің 188/1-бабы 3-бөлігіне “Ұрлық” сәйкес сотқа дейінгі тергеу жүргізілуде», – делінген полиция департаменті баспасөз қызметінің хабарлауынша.
</blockquote>

Қызылордада мал ұрлығына күдіктілер анықталды

<a href="https://kyzylorda-news.kz/">Kyzylorda-news.kz.</a> Елде бар астық көлемі халықты қамтамасыз ету, тұқым мен жемшөп қорын қалыптастыру үшін жеткілікті. Бұл туралы Ауыл шаруашылығы министрі Сапархан Омаров мәлім етті, деп хабарлайды <a href="https://lenta.inform.kz/kz/kazakstanda-astyk-kory-zhetkilikti-me_a3625367">ҚазАқпарат.</a>
«Егін жинау қорытындылары бойынша 17,4 млн тонна астық бастырылды, бұл 2018 жылдың деңгейінен 2,9 млн тоннаға немесе 14 пайызға аз. Бүгінгі күні республика бойынша қолда 10,2 млн тонна астық, оның ішінде 7,8 млн тонна бидай бар», – деді министр Парламент Мәжілісіндегі Үкімет сағатында.
Оның сөзіне қарағанда, астықты ішкі тұтыну көлемі 1 шілдеге дейін (жаңа маркетинг жылының басы) шамамен 5,8 млн тоннаны, бидай 3,8 млн тоннаны құрайды.
<blockquote>
 «Экспорттық әлеует 3,1 млн тонна астықты, оның ішінде бидай 2,7 млн тоннаны құрайды. Өтпелі қалдық шамамен 1,3 млн тоннаны қамтиды. Осылайша, елде бар астық көлемі халықты қамтамасыз ету, тұқым мен жемшөп қорын қалыптастыру үшін жеткілікті. Бұл ретте, Азық-түлік келісімшарт корпорациясы 604 мың тонна астық көлемінде азаймайтын қор қалыптастырды», – деді Сапархан Омаров.
</blockquote>

Қазақстан және Қызылорда облысының жаңалықтары