<a href="https://kyzylorda-news.kz/">Kyzylorda-news.kz.</a> Коронавирусты жұқтыру жағдайлары азайып отырған елдер бақылауды әлсірететін болса, індеттің екінші толқынына тап болуы мүмкін. Бұл туралы дүйсенбі күні онлайн-брифинг барысында Дүниежүзілік денсаулық сақтау ұйымының денсаулық сақтау саласындағы төтенше жағдай жөніндегі бағдарламаның жетекшісі Майкл Райан айтты, деп хабарлайды&nbsp;<a href="https://www.inform.kz/ru/o-vtorom-pike-pervoy-volny-pandemii-koronavirusa-preduprezhdaet-voz_a3654061">«ҚазАқпарат».</a>
Оның айтуынша, қазір әлем коронавирус пандемиясының алғашқы толқынының бел ортасына жетті. Себебі Орталық және Оңтүстік Америкада, Оңтүстік Азияда және Африкада індетке шалдығу қарқынмен жалғасуда. Аурудың таралуы толқын тәріздес болады: өсімнен соң төмендеу байқалып, кейін жұқтыру қайта басталады.
ДДҰ өкілі атап өткендей, мамандар «екінші толқын» ұғымын келесідей түсіндіруде: бірінші толқында сырқаттанғандар саны барынша төмен деңгейге дейін азаяды, ал бірнеше айдан соң ауру қайта өршиді.
«Және бұл бірнеше айдан кейін көптеген мемлекеттерде көрініс табуы мүмкін», – деді ол.
Бұл ретте, пандемияның екінші кезеңі маусымдық тұмаумен тұспа-тұс келуі ықтимал.
Онымен қоса, М.Райан адамзат пандемияның бірінші кезеңінде оны қайта өршітіп алуы мүмкіндігін ескертті. Мұндай жағдай 1918-1920 жылдары испан грипінің пандемиясы кезінде болған.
Осыған орай, әлем елдері денсаулық сақтау саласындағы кешенді шараларды жалғастыруы тиіс, коронавирусқа тестілеуді тоқтатпай, оның таралу жолдарын зерттеуі қажет. Сондай-ақ инфекцияның екінші толқынын болдырмас үшін әлеуметтік шараларды күшінде қалдырған жөн.

ДДҰ коронавирус пандемиясының екінші толқыны жөнінде ескертті

<a href="https://kyzylorda-news.kz/">Kyzylorda-news.kz.</a> Қызылорда облысында өзгенің меншігін алаяқтық жолмен иелену арқылы азаматтардың құқына қол сұғу деректері әлі де азаяр емес.&nbsp;&nbsp;&nbsp;&nbsp;&nbsp;
Қызылорда қаласының тұрғыны 44 жастағы әйел алдау және сенімді теріс пайдалану жолымен жаңадан салынып жатқан көпқабатты үйлерден пәтер алып беремін деген желеумен қала тұрғындарының қаражатын иемденген. Жәбірленушілерге келтірілген шығын көлемі 2&nbsp;230&nbsp;000 теңгені құрайды.&nbsp;
Айыпталушы ҚР Қылмыстық кодексінің 190-бабының 3-бөлігінің 4-тармағымен (алаяқтық) кінәлі деп танылып, 3 жылға бас бостандығынан айыру жазасы тағайындалды. Сонымен қатар, сот жәбірленушіге келтірілген шығынды заңмен белгіленген тәртіппен өтеуді міндеттеді.
Қызылорда облысы Полиция департаментінің бастығы полиция полковнигі Сұлтан Бектөре облыс тұрғындарына алаяқтардың құрбанына айналмас үшін қарапайым ғана ұқыптылықты ұстану, жоғары кепілдік кіріс уәделеріне сенбеу және ақша, бағалы заттар мен мүлікті күмәнді адамдарға немесе компанияларға тапсырмау керектігін ескертеді. Сонымен қатар, алаяқтық фактілері орын алған жағдайда тез арада полицияға хабарлауды естен шығармағаныңыз абзал.

Қызылордада алаяқ әйел 3 жыл бас бостандығынан айырылды

<a href="https://kyzylorda-news.kz/">Kyzylorda-news.kz.</a> Ауруханалар мен емханалардың қаржылық көрсеткіштеріне валюта бағамы өзгерді. Халық пен бизнестің кейбір санаттары үшін медициналық сақтандыру төлемдері кейінге қалдырылып, карантин тәртібінде медициналық көмектің кейбір түрлері &nbsp;қысқарды. Бұл туралы «ӘМСҚ» КЕАҚ басқарма төрағасы Айбатыр Жұмағұлов Қоғамдық кеңестің кезектен тыс отырысында мәлімдеді.
<blockquote>
 &nbsp;«Осы шаралардың барлығы Қор қызметіне белгілі бір жүктеме алады. Осыған қарамастан, Қор медициналық ұйымдарды тұрақты қаржыландыруды қамтамасыз ету және азаматтардың медициналық қызметтерді алуы үшін дағдарысқа қарсы шараларды жүзеге асырады. Жалпы МӘМС жүйесіне қосымша жүктеме жалпы 134 млрд-тан астам теңгені құрайды», – деп атап өтті қор басшысы.
</blockquote>
Оның айтуынша, Қор медициналық ұйымдардың қаржылық тұрақтылығына талдау жасап, оған сәйкес медициналық қызмет көрсетушілердің барлығы шартты түрде төрт топқа бөлінген:
I – топ – бұл медициналық қызметтерді қаржыландыру жан басына шаққандағы қаржыландыру қағидаттарына негізделетін және орындалған қызметтердің көлеміне байланысты емес медициналық ұйымдар. Бұл алғашқы медициналық-санитарлық көмек (емханалар), жедел жәрдем, онкология, психиатрия, тубдиспансерлер және т. б. ұйымдары, сондай-ақ ұсынылатын медициналық көмек көлемін төмендетпеген медициналық ұйымдар. Олар бойынша қаржыландыру толық көлемде сақталады. Сондай-ақ, инфляцияны өтеу үшін екінші жартыжылдықта төлем тарифтерін арттыру жоспарлануда. Бұл топқа медициналық қызметтерді жеткізушілердің 80%-ы кіреді.
IІ – топ – бұл COVID-19 бойынша эпидемияға қарсы іс-шараларды жүргізуге тартылған және тиісінше жеткіліксіз қаржыландырудың ең аз тәуекелдері бар медициналық ұйымдар. Алайда, оларда жоспарланған медициналық көмектің қалған көлемін орындамау қаупі бар.
«III топ — карантинге байланысты көрсетілетін қызметтер көлемінің, оның ішінде жоспарлы емдеуге жатқызудың төмендеуін сезінетін медициналық ұйымдар. Мұнда біз бірнеше іс-шаралар әзірледік: қосымша аванс өткіздік, аванс ұстап қалу кестесін өзгерттік, сондай-ақ екінші тоқсанда орындалмайтын қаржыландыру көлемін 2020 жылдың екінші жартыжылдығына қайта бөлдік. Осылайша медициналық ұйымдар өздерінің жылдық көлемін орындай алады. Оған қоса инфляцияны өтеу үшін екінші жартыжылдықта көрсетілген медициналық қызметтерге ақы төлеу тарифтерін ұлғайтамыз.», – деді Айбатыр Жұмағұлов.
IV&nbsp; топқа жете қаржыландырылмау тәуекелі бар консультациялық-диагностикалық қызметтерді қоса орындаушылар жатады. Үшінші топқа қатысты осындай қолдау шаралары екінші және төртінші топтарға да қолданылады.
Естеріңізге сала кетейік, 22 мамырда Әлеуметтік медициналық сақтандыру қоры жанындағы Қоғамдық кеңестің кезектен тыс отырысы өтті. Бүл отырыста коронавирусты тарату кезеңінде медициналық ұйымдарды қолдау бойынша ӘМСҚ-ның дағдарысқа қарсы шаралары қаралды. Үкімет Қаулысына сәйкес, COVID-19 алдын алу жөніндегі іс-шараларға республикалық бюджет қаражаты Қор арқылы жүргізілді, өйткені медициналық қызметтерге ақы төлеудің пысықталған тетігі болды. Жалпы эпидемияға қарсы іс-шараларға 55,9 млрд теңге қарастырылған. Бұдан басқа, КВИ бойынша қосымша іс-шараларға 23,4 млрд теңге бөлінді.
Отырыс қорытындысы бойынша кеңес ӘМСҚ жұмысына оң баға берді және оның медициналық ұйымдардың қаржылық тұрақтылығын қамтамасыз етудегі рөлін атап өтті. Қоғамдық кеңестің құрамында денсаулық сақтау саласының сарапшылары, саясаттанушылар, экономистер, қоғамдық пікір көшбасшылары, тілшілер және басқалар.

ӘМСҚ денсаулық сақтау ұйымдарын қаржылық қиындықтардан қалай қорғайды?

<a href="https://kyzylorda-news.kz/">Kyzylorda-news.kz.</a> Жалағаш ауданында 17 жастағы жасөспірім суға батып кетті. Бұл туралы Қызылорда облыстық төтенше жағдайлар департаменті өрт сөндіру және апаттық-құтқару жұмыстары қызметінің баспасөз қызметі хабарлады.
Оқыс оқиға кеше сағат 17.00 шамасында болған. Жасөспірім Сырдария өзенінің рұқсат етілмеген аумағында суға түскен.
<blockquote>
 «Оқиға орнына 5 құтқарушы 1 автокөлік және 1 қайық барды. Құтқарушылар жедел әрекетке кірісті. Жасөспірімнің жансыз денесі сағат 18.49 шамасында жағаға шығарылды», – деп мәлім етті Қызылорда облыстық төтенше жағдайлар департаменті өрт сөндіру және апаттық-құтқару жұмыстары қызметінің баспасөз хатшысы Әлия Ережепова.
</blockquote>
Қызылорда облысында жыл басынан бері барлығы 8 адам суға кетіп қайтыс болды. Оның біреуі – жасөспрім, екеуі – бала, қалғаны – ересек азаматтар. Сондықтан мамандар суға түсу барысында қауіпсіздік шараларын қатаң сақтауды сұрайды. Былтыр бұл жағдайдан 26 адам қаза тапса, оның 10-ы бала.
<a href="https://kyzylorda-news.kz/kogam/qyzylordada-10-zhasar-bala-swgha-aghyp-ketti-63668/">Айта кетейік</a>, бұған дейін қалада 10 жасар баланың суға кеткенін хабарлаған болатынбыз.
<img src="https://kyzylorda-news.kz/wp-content/uploads/2020/05/01-37.jpg" alt="" />

Қызылордада 17 жастағы жасөспірім Сырдарияға батып кетті

<a href="https://kyzylorda-news.kz/">Kyzylorda-news.kz.</a> Арал ауданындағы индустриалды аймағында «Qazaq Camel» ЖШС-нің түйе сүтін өңдеп, одан құрғақ сүт өндіретін цехының құрылысы басталды.
Арал қаласындағы №1 республикалық маңызы бар индустриялық аймағында орын тепкен цехтың іргетасын қалау рәсіміне аудан әкімі Мұхтар Оразбаев арнайы қатысты. Жобаның өңіріміз үшін маңызды екенін атап өткен аудан басшысы бүгінгі бастамаға сәттілік тіледі.
Шара барысында «Qazaq Camel» ЖШС-нің директоры, «Түйе сүтінен құрғақ ұнтақ дайындау цехі» жобасының жетекшісі Нұғырбек Абулғазин аймағымызда алғашқы рет қолға алынып отырған жоба жайын таныстырып өтті. Атап айтқанда, жылына 130 тоннадан астам түйе сүтінен құрғақ қоспалар өндіруге қауқарлы цехтың құрылыс жұмыстары ағымдағы жылдың соңында аяқталады деп жоспарлануда. Жоба іске қосылғанда 25 адам жұмыспен қамтылатын болады. Мұнда әзірленген дайын өнімдер республика нарығынан бөлек, алыс-жақын шет елдерге экспортталмақ.
Өңірлік индустрияландыру картасына енгізілген, жалпы құны 1,5 млрд теңгені құрайтын цехтың құрылысын жергілікті «Арал құрылысы» ЖШС-гі қолға алып отыр.
<img src="https://kyzylorda-news.kz/wp-content/uploads/2020/05/aralda-tueje-suetin-oengdejtin-ceh-1-1.jpg" alt="" />
<img src="https://kyzylorda-news.kz/wp-content/uploads/2020/05/aralda-tueje-suetin-oengdejtin-ceh-2.jpg" alt="" />

Аралда түйе сүтін өңдейтін цехтың құрылысы басталды

<a href="https://kyzylorda-news.kz/">Kyzylorda-news.kz.</a> 25 мамырда өткен қалалық жедел штабтың отырысында Байқоңыр аумағында коронавирус инфекциясы бойынша карантинді 2020 жылдың 15 маусымына дейін ұзарту шешімі қабылданды, деп хабарлайды.
Бұған дейін шектеу шараларын 1 маусымда алып тастау жоспарланған еді.
Штаб отырысында Ресейдің Федералды медико-биологиялық агенттігі «Байқоңыр» кешенінің өңірлік басқармасының басшысы Андрей Попов коронавирус инфекциясын жұқтырған жаңа жағдайлар туралы хабарлады.
Жалпы алғанда Байқоңырда жағдай тұрақты: 241 адам өз үйлерінде оқшауландырылды. Инфекцияға 287 тест тапсырылды. Оның 7-еуі оң нәтиже көрсетті (16-24 мамыр).
Қызылорда облысындағы санитарлық-эпидемиологиялық жағдайды ескере отырып, штаб мүшелері COVID-19 індетінің таралуын алдын алу бойынша шектеу шараларын 2020 жылдың 15 маусымы сағат 00:00-ге дейін ұзартуды шешті.
Осы күнге дейін бақылау-өткізу пунктерінде шектеулер сақталады. Байқоңыр қаласы, Торетам кенті және Ақай ауылдық округінің тұрғындары бақылау-өткізу пунктері арқылы арнайы рұқсат қағаздары бойынша өтетін болады.
Сонымен қатар, жедел штабтың шешімімен күшейтілген санитарлық-дезинфекциялық режим мен әлеуметтік қашықтықты сақтай отырып, көрмелер мен мұражайлардың, меншік түріне қарамастан жабық түрдегі спорт нысандарының, фитнес-клубтардың және спорт залдарының қызметіне рұқсат етілді.

Байқоңырда карантин 15 маусымға дейін ұзартылды

<a href="https://kyzylorda-news.kz/">Kyzylorda-news.kz.</a> Синоптиктер 26 мамырда Қазақстанда ауа райы қандай болатынын айтты, деп хабарлайды Қазгидромет.
Қазақстан территориясының басым бөлігі әлі де жоғары қысым аумағында болғандықтан күн ашық болады. Тек республиканың батысы және солтүстігінде Солтүстік-батыс циклонының әсерінен кей жерлерде өткінші жаңбыр жауады. Найзағай жарқылдап, дауыл соғады. Бұршақ жаууы ықтимал. Кей жерлерде жел күшейіп, шаңды дауыл тұрады.
Ақмола облысының кей жерлерінде шаңды дауыл, бұршақ күтіледі, жел екпіні кей жерлерде – 15-20 м/с.
Солтүстік Қазақстан облысының кей жерлерінде дауыл, түнде тұман күтеледі, түнде жел 15-20 мс, күндіз 15-20, екпіні 25 м/с күшейеді.
Батыс Қазақстан, Қостанай, күндіз Павлодар, Қарағанды, Алматы облыстарының кей жерлерінде жел қарқыны 15-20 м/с жетеді.
Жамбыл, Түркістан облыстарының кей жерлерінде шаңды дауыл соғады. Жел екпіні – 15-20 м/с, Түркістан облысында – 23 м/с.
Атырау облысының кей жерлерінде жел жылдамдығы 15-20 м/с болады. Күндіз шаңды дауыл тұрады.
Қызылорда облысының кей жерлерінде шаңды дауыл соғады. Түнде жел екпіні кей жерлерде – 15-20 м/с, күндіз – 15-20, кей жерлерде 25 м/с дейін күшейеді.
Ақмола, Алматы, Жамбыл, Қызылорда, Маңғыстау, Атырау, Ақтөбе, Павлодар, Қарағанды облыстарында, Түркістан облысының батысында, Маңғыстау облысының оңтүстігінде, Батыс Қазақстан облысының оңтүстік-шығысында, Қостанай облысында аптап ыстық болады.
Шығыс Қазақстан облысының солтүстік-батысында өте жоғары өрт қаупі сақталады.

26 мамырда Қазақстанның басым бөлігінде күн қатты ысиды

Қазақстандағы Химия өнеркәсібі қызметкерлерінің күні
Химия және мұнай-химия өнеркәсібі қызметкерлерінің кәсіби мерекесі Қазақстан Республикасы Президентінің 1998 жылғы 20 қаңтардағы № 3827 Жарлығымен бекітілді. Жыл сайын мамыр айының соңғы жексенбісінде дәстүрлі түрде атап өтіледі.
1856 жылы Шоқан Уәлиханов «Көкетай ханның ертегісін» алғаш рет қағаз бетіне түсірді. Бұл күн әйгілі «Манас» эпосының жазылуының басы ретінде тарихқа енді.
1993 жылы Түркияның Ыстанбұл, Бурса және Балакесер қалаларында қазақ ақыны Мағжан Жұмабаевтың туғанына 100 жыл толуына орай поэзия күндері өтті.
1995 жылы Қазақстан Республикасы Президенті Нұрсұлтан Назарбаевтың қазақ жеріндегі атом қаруының жойылғаны жөніндегі үндеуі баспасөз бетінде жарық көрді. Семей полигонының аумағында соңғы ядролық заряд жойылды. Ұзақ жылдар бойы көп қасірет шеккен Қазақстан халқы халықаралық атом зардабының бүкіл ауыртпалығын көтеріп келді. 45 жыл бойына дерлік Семей даласында 459 ядролық жарылыс, соның ішінде ауада 113 жарылыс жасалды. Радиоактивтік сәуле алған жарты миллионнан астам қазақстандықтардың денсаулығы ядролық жанталаса қаруланудың құрбандығына шалынды.

26 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 26 мамырға арналған жұлдыз-жорамалы.
Тоқты
Сабырлы болуға тырысыңыз. Сонда ғана қиындыққа тап болмайсыз. Жақын адамыңызбен қарым-қатынасыңызды бұзып алмаңыз. Бойыңыздағы күш-қуатыңызды тек жұмысқа жұмсаңыз.
Торпақ
Бүгінгі күн сіз үшін ауыр болмақ. Бүгін шаршайсыз. Бірақ соған қарамастан ұйықтамауға тырысыңыз. Сонымен қатар жалқаулыққа бой алдырмаңыз. Егер жұмыста белсенді болсаңыз жақсы нәтижеге қол жеткізесіз.
Егіздер
Сәттілік серігіңіз болады. Алға қойған мақсаттарға жетуге қолайлы күн. Жан тыныштығын қалайтын жандар бүгін тыныштықта дем алады. Осыған орай айтарлықтай табысқа кенелу мүмкін емес.&nbsp;
Шаян
Бүгінгі күнді өз жоспарыңызға сәйкес өзгерте аласыз. Болашағы бар іспен айналысасыз. Сондықтан қаржылық жағдайыңыз да жақсарады. Қандай жағдайда да сіз өзіңізге ризасыз.
Арыстан
Бүгін кез-келген істі қолға алуға болады. Ол жақсы нәтиже берері анық. Бастапқыда сіздің мүмкіндігіңізге күмән келтіретіндер болады. Дегенмен қолыңыздан келетініне сендіре аласыз.
Бикеш
Жұмыста өзіңізге көп жауапкершілік алмаңыз. Әйтпесе, басшылықпен немесе тапсырыс берушілермен түсініспеушіліктер орын алады. Алайда көмек сұриаған әріптестеріңіздің қолын қайтармаңыз.
Таразы
Бүгінгі күніңіз тыныштықта өтеді. Сондай-ақ ештеңеге алаңдамайсыз. Бірақ алдағы күндерге жоспар құрғаныңыз жөн. Сол жоспар бойынша жұмыс жасап, ісіңізді жүргізіңіз.
Сарышаян
Егер маңызды шаруаларды аяқтағыңыз келсе, ешкімнен көмек алмауға тырысыңыз. Жауапкершілік жүгін өз мойныңызға алыңыз. Бірақ ескі достардың ақыл-кеңесіне құлақ түріңіз.
Мерген
Өзіңіздің кәсібіңізде белсенділік таныта бастайсыз. Кәсіби шыңды бағындыруға күш саласыз. Алайда басшылықтың тапсырмасын уақытында орындағаныңыз жөн. Сондай-ақ сіздің еңбегіңізді өзгелердің пайдалануына жол бермеңіз.&nbsp;
Тауешкі
Өз әліңізді білгеніңіз жөн. Ешкімнің көңіліне келетін сөз айтпаңыз. Айналаңыздағы адамдармен тіл табысуға тырысыңыз. Адамдардың ойын біліп, пікірімен санасқаныңыз дұрыс.
Суқұйғыш
Айналаңыздағы адамдармен жақсы қарым-қатынасты сақтай біліңіз. Егер сізге әлдекімнің көмегі қажет болса, оны сұрауға асықпаңыз. Ол үшін қолайлы сәтті күткеніңіз жөн. Өз кәсібіңізді кеңейтуге білек сыбана кірісіңіз.
Балықтар
Бүгінгі күн қарбаласқа толы. Асығыс қабылданған шешімнің кесірінен мәселелер туындайды. Ұжым ішінде де біраз қиындықтар туындайды. Бүгінгі күнге жоспар құрып, барлығын ретімен орындаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Жыл басынан бері еліміздің су айдындарында 48 адам, оның ішінде 16 бала суға батып көз жұмды.
Оның ішінде 24 адам балық аулау кезінде қағидаларды сақтамау себебі бойынша, 6 адам (оның ішінде 2 бала) жабдықталмаған жерлерде шомылу кезінде, 8 бала суға құлау салдарынан (балаларды қараусыз қалдыру), 4 адам мас күйінде шомылғанда, 6 бала мұз астына түсіп кетті.
Елімізде суға шомылу маусымы ресми түрде 1 маусымда басталатынына қарамастан, өңірлерде тұрғындар жылы күнді пайдаланып, тыйым салынған жерлерде шомылады.
ҚР ІІМ ТЖК мәліметінше, тек өткен аптада ғана суайдындарында 10 адам, оның ішінде 3 бала көз жұмды. Адамдардың қаза болуы Түркістан (2), Ақмола (2), Ақтөбе (2), Алматы (1), Шығыс Қазақстан (1), Қызылорда (1) және Павлодар (1) облыстарының су айдындарында тіркелді.
Бүгінгі күні елімізде суға шомылуға арналған ресми орындар анықталды, бұлар – 111 қалалық, 481 жеке жағажайлар. Суға түсуге тыйым салынған 2 мыңнан астам орын анықталды, онда екі мыңнан астам ескерту белгісі және жеті жүзден астам көрнекі стенд орнатылды.
<a href="https://24.kz/kz/zha-aly-tar/o-am/item/398181-zhyl-basynan-beri-elimizde-48-adam-su-a-ketken">«Хабар 24»</a>

Жыл басынан бері елімізде 48 адам суға кеткен

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев бүгін бейбіт жиналыстарды өткізу туралы заңға қол қойды, деп хабарлайды Ақорданың баспасөз қызметі.
Енді Қазақстанда бейбіт жиындарды еш кедергісіз ұйымдастыруға болады. Бастамашы топ шеру өткізу үшін бұрынғыдай жергілікті билік өкілдерінен рұқсат сұрап жүрмейді. Тек 5 күн бұрын ескертіп қоюлары қажет.

Қазақстанда бейбіт жиындарды өткізуге кедергі жоқ

<a href="https://kyzylorda-news.kz/">Kyzylorda-news.kz.</a> МӘМС жүйесінде медициналық көмектің жекелеген түрлерін тұтыну осы жылдың екінші тоқсанында орташа есеппен 40%-ға дейін қысқарады.
Бұл туралы Медициналық сақтандыру қоры басқармасының төрағасы Айбатыр Жұмағұлов мәлімдеді.
<blockquote>
 «Қабылданған шектеу іс-шаралары – төтенше жағдай, карантин және дәрігерлердің өзін-өзі бақылау бойынша ұсынымдары салдарынан сәуір айында медициналық көмектің жекелеген түрлерінің 50% – ға төмендегенін көріп отырмыз. Мамыр айында 40% – ға және маусым айында 30% – ға кему күтілуде. Яғни екінші тоқсан бойынша шамамен баға – орташа есеппен 40%-ға дейін қысқарады», – деді Айбатыр Жұмағұлов.
</blockquote>
Бірінші кезекте жоспарлы медициналық көмек – жоғары технологиялық медициналық қызметтерді, консультациялық-диагностикалық қызметтерді, медициналық оңалтуды және қалпына келтіру емін қоса алғанда, стационарлық және стационарды алмастыратын медициналық көмектің төмендеуі болжануда.
<blockquote>
 «Біздің болжамымыз бойынша, медициналық қызметтерді тұтыну көлемі екінші жартыжылдықта инфляцияны өтеу үшін медициналық ұйымдарға қызмет көрсету тарифтерін арттыру есебінен қалпына келтіріледі деп күтеміз», – деді Айбатыр Жұмағұлов.
</blockquote>
(Ескерт. – бұл жерде Қор ауруханалар мен емханаларға көрсетілетін медициналық қызметтер үшін төлейтін тарифтер айтылған, ол халыққа әсер етпейді).
Естеріңізге сала кетейік, 22 мамырда Әлеуметтік медициналық сақтандыру қоры жанындағы Қоғамдық кеңестің кезектен тыс онлайн-отырысы өтті.

Қазақстан және Қызылорда облысының жаңалықтары