<a href="https://kyzylorda-news.kz/">Kyzylorda-news.kz.</a> Бүгінгі күні еліміздің қалдықтармен жұмыс істеу саласындағы мемлекеттік саясатты Қазақстанның «Жасыл экономикаға» көшуі жөніндегі тұжырымдамада айқындалған және қалдықтарды бөлектеп жинауды енгізуге, қайталама шикізаттан өнім ала отырып, қалдықтарды қайта өңдеу мәселесін дамыту бағытында біршама жұмыстар атқарылуда. 
Осы ретте ҚР Экология, геология және табиғи ресурстар министрлігі экологиялық реттеу және бақылау комитетімен автомобиль жолдарын салу және қалалық құрылыс кезінде жиналған өнеркәсіптік қалдықтардың санын анықтау және күл-қоқыс және басқа қалдықтарды пайдалану мәселесін мүдделі тараптармен пысықтау бағытында хаттамалық тапсырмалар берілген. 
Осы бағытта, Департаментпен атқарылған іс шаралар нәтижесінде «Байқоңыр» кешеніндегі «Инфракос» ШЖҚ РМК кәсіпорынымен «Байқоңыр» кешеніндегі пайдаланылмайтын нысандарды кәдеге жарату барысында құрылыс қалдықтарын, бетондарды ұсақтау барысында қайталама шикізат ретінде пайдалануға жарайтын бетон-қиыршық тас қоспасы түзілуде.
Бүгінгі күні «Байқоңыр» кешеніндегі «Инфракос» ШЖҚ РМК кәсіпорыны құрылыс қалдықтарын кәдеге жарату барысында түзілген екінші рет шикізат ретінде пайдалануға жарайтын 30 мың тоннадан астам бетон-қиыршық тас қоспасын жол құрылысына төсеуге және басқада құрылысқа пайдаланатын кәсіпорындарға беруге дайын.
Осыған сәйкес, Департамент Қызылорда облыстық жолаушылар көлігі және автомобиль жолдары басқармасымен облыстық құрылыс, сәулет және қала құрылысы басқармасына және аудандық әкімдіктерге елді мекендердің жол құрылыстарын және басқада құрылыс жұмыстарын жүргізу барысында жоғарыда аталған бетон-қиыршық тас қоспасын пайдалануға болатындығы туралы мәселесі көтеріліп, жергілікті атқарушы органдардың назарына ұсынылды. 
Департаментпен алдағы уақыттада өнеркәсіптік қалдықтарды қайталама шикізат ретінде пайдалану бағытында тиісті іс-шаралар атқарылатын болады.
<img src="https://kyzylorda-news.kz/wp-content/uploads/2020/05/kiyrshyk-tas1-1.jpg" alt="" />

«Байқоңыр» кешеніндегі қиыршық тас қоспасын жол құрылысына пайдалануға беріледі

<a href="https://kyzylorda-news.kz/">Kyzylorda-news.kz.</a> Парламент Сенатының жалпы отырысында «ҚР Парламенті және оның депутаттарының мәртебесі туралы» Конституциялық заңына толықтырулар енгізу туралы» Конституциялық заңы, сондай-ақ «ҚР Парламентiнiң комитеттерi мен комиссиялары туралы» Заңына парламенттік оппозиция мәселелері бойынша өзгеріс пен толықтырулар енгізу туралы» Заңы қабылданды.
Заң жобасы Қазақстан Республикасы Президенті Қасым-Жомарт Тоқаевтың былтыр 20 желтоқсанда Ұлттық қоғамдық сенім кеңесінің отырысында парламенттік оппозиция институтын заңнамалық бекіту туралы тапсырмасын орындау мақсатында дайындалды.
<blockquote>
 «Ол үшін «Ақ жол» Демократиялық партиясы алдын ала (2013 жылы) әзірлеген «Парламенттік оппозиция туралы» заң жобасын Мемлекет басшысының тапсырмасына және де қолданыстағы заңнамалық талаптарға сәйкес жаңарттық. Жұмыс барысында біз дамыған мемлекеттердің, әрине – Еуропа тәжірибесін пайдаландық. Ең алдымен – «Құқық арқылы демократияға даму» атты Еуропа комиссиясының («Венеция комиссиясы» деп аталатын), «Демократиялық парламенттердегі оппозицияның рөлі туралы» баяндамасын қолдандық», – деп тоқталды Мәжіліс депутаты Азат Перуашев.
</blockquote>
Оның сөзіне қарағанда, заң жобасының ең алғашқы новелласы – бұған дейін отандық құқықтық кеңістікте болмаған «оппозиция» ұғымын енгізуі мен заңдастыруы.
<blockquote>
 «Венеция Комиссиясы баяндамасының 11-ші тармағында «Парламенттік оппозиция деген – парламентке енген, бірақ үкіметтің мүшелері жоқ саяси партиялардан тұрады» деген анықтама берілген. Алайда біздер оны Қазақстанның тіршілігіне жеткілікті емес деп таптық. Сол үшін, парламенттегі оппозицияны билікке шынымен сыншыл болып, балама көзқарас ұсынып, қоғам талқылайтын, қоғамды аландататын мәселелерді көтеруге міндетті болуы керек деген талабымен толықтыруды жөн көрдік. Сондықтан, Ззң жобасында «парламент оппозициясының» анықтамасында, бұл партиялар, әдетте, билік партиясынан бөлек, өзгеше саясат жүргізуге міндетті деген тезис енгізілген. Яғни, біз «оппозициямын» деушілерді парламентте үнсіз жүрмей, белсенді жұмыс жүргізуге, қоғам үшін шын атсалысып, маңызды проблемаларды көтеруге, биліктің саясатына жаңа көзқарасы болып, бөлек ұсыныстарды беруге арнайы итермелеп отырмыз. Осындай партияларға, «парламенттік оппозиция» атағымен шектелмей, біз сол ұғымын мәртебесі мен құқықтық кепілдіктерімен толықтыруды ұсынып отырмыз», – деді Перуашев.
</blockquote>
Мысалы, оппозиция үшін бірқатар құқықтық артықшылық қарастырылған: әрбір сессия кезінде парламенттік тыңдау мен үкімет сағаттарын (министрлердің есебін тыңдау) бекіту құқы, үкіметтің заң жобасымен (оппозиция келіспейтін) қатар балама (альтернативті) заң жобасын ұсыну; Парламенттің кез-келген іс-шарасында, Мәжіліс пен Сенаттың бірлескен отырысында сөз сөйлеуге кепілдік беріледі.
<blockquote>
 «Баяндамамның басында айтқанымдай, құжатты жаңартқанымыздан кейін, ол тағы да жергілікті, ұлттық және де халықаралық деңгейде талқылаудан өткен. Мысалы, биылғы қаңтар айының басында депутаттық сапарлар барысында аймақтардағы сайлаушылардың, ғалымдардың және саяси қоғам өкілдерінің қатысуымен талқыланды. Заң жобасы жаңа парламенттік дәстүрлерді, билік пен өркениетті оппозиция өзара жаңа деңгейін және жаңа саяси мәдениетті қалыптастыруға қызмет ететініне сенімдімін. Сіздер, Сенат депутаттары заң жобасын қолдасаңыздар, заң 2021 жылдан бастап күшіне енеді», – деді Азат Перуашев.
</blockquote>

Парламент Сенаты парламенттік оппозицияға қатысты заңды қабылдады

<a href="https://kyzylorda-news.kz/">Kyzylorda-news.kz.</a> Қызылорда облысы Шиелі ауданында алма бақ пен жүзім алқаптарының көлемі кеңейіп келеді.
Биылғы жылы Шиелі ауданының «Төңкеріс и К» ШҚ, «Жер Жомард Д» ЖШС, «Бала би-2004» ӨК ауылшаруашылығы тауарын өндірушілері мен Өзбекстан Республикасының «Organic solutions» компаниясы бірлесіп, аудан көлемінде 55 гектар жерге алма бақ пен 2 га жүзім және түрлі жеміс ағаштарын отырғызды.
Атап айтар болсақ, «Төңкеріс и К» ШҚ – 10 гектар, «Жер Жомард Д» ЖШС – 35 гектар, «Бала би-2004» ӨК – 10 гектар жерге жеміс ағаштары егілген.
Оған қоса, Сұлутөбе ауылдық округіне қарасты 1 Май елді мекені мен Қарғалы ауылдық округтерінде жеке кәсіпкерлер 5 гектарға алма және жеміс ағаштарын отырғызды.

Шиеліде алма бақтарының ауқымы кеңейіп келеді

<a href="https://kyzylorda-news.kz/">Kyzylorda-news.kz.</a> Денсаулық сақтау министрі Елжан Біртанов коронавирус жұқтырған адамдардың күрт көбею себебін түсіндірді.
Министрдің айтуынша, осы уақытқа дейін тіркелген науқастардың басым бөлігі – 85 проценті жеңіл ауырған, сырқаттың белгілері болмаған. Ал кейбір мемлекеттерде ондай науқастарды есепке алмайды. &nbsp;
<blockquote>
 “Өкінішке қарай, бүгінде кейбір мемлекеттерде бұл науқастарды жалпы статистикаға кіргізбейді. Бірақ олай істеген дұрыс емес деп ойлаймыз. Қазақстандағы тәртіп бойынша барлық науқасты есепке алып отырамыз. Содан науқастардың өскенін көріп жатырмыз”, – деді Біртанов бүгінгі онлайн брифингте.
</blockquote>
Министр бұл шараның негізгі мақсаты аурудың таралуының алдын алу екенін атап өтті. Себебі ондай науқастарды тауып, оқшауласа, эпидемияны тоқтатуға мүмкіндік бар.
Оның айтуынша, ауру белгілері жоқ адамдар да инфекцияны басқарларға жұқтырады. Сол себепті Дүниежүзілік денсаулық сақтау ұйымы осы санаттағы науқастарды оқшаулауға кеңес беріп отыр. &nbsp;
<blockquote>
 “Бұрын біз оларды ауруханаға жатқызсақ, қазір мүмкіндік болса, үйінде немесе арнайы карантиндік стационарларға жатқызып, басқалардан алшақ ұстауымыз қажет”, – деп түсіндірді ол.&nbsp;
</blockquote>
Біртановтың дерегі бойынша Қазақстанда тіркелген барлық науқастың 13 проценті, яғни 543 адам орташа жағдайда болса, 1,5 проценті – 58 науқас ауыр жағдайда жатыр. 19 адам жасанды тыныс алдыру аппаратына қосылған.

COVID-19: Біртанов науқастардың күрт көбею себебін түсіндірді

<a href="https://kyzylorda-news.kz/">Kyzylorda-news.kz</a>. Қызылорда облысында коронавирус инфекциясын жұқтырғандар саны 325-ға жетті. Ал сауығып шыққандар саны – 232. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
«Соңғы тәулікте 7 дерек тіркелді. Оның 4-еуі Тенгиз Шевройл компаниясының қызметкері болса, 3-еуі медицина қызметкерін скринингтеу барысында анықталды. Қазіргі таңда науқастардың жағдайы бірқалыпты, емдерін хаттамаға сәйкес алуда»,-деді бас дәрігер.
Сондай-ақ, індет жұқтырғандармен байланыста болған- 4133 азамат анықталды. Оның ішінде, 2303-і жақын қарым-қатынаста, 1830-ы жанама байланыста болған. Бұдан бөлек, инфекциялық стационарда 72 адам ем алуда. Оның 22-сі карантиндік госпитальда , 27-сі провизорлық стационарда, ал 257 азамат карантиндік бақылауда.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтанда сақтық шараларын қатаң сақтап және бетперде киюді жалғастыра беруге шақырамыз.

COVID-19: Соңғы тәулікте 7 жағдай тіркелді

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің баспасөз хатшысы қызметіне Омаров Бақытжан Бауыржанұлы тағайындалды.
Бақытжан Омаров 1987 жылы дүниеге келген. Ол Л.Н.Гумилев атындағы Еуразия ұлттық университетін «халықаралық қатынастар» және «журналистика» мамандықтары бойынша бітірген.
Еңбек жолын 2008 жылы «Қазақстан» РТРК» АҚ АСБД тілшілер бөлімінің редакторы ретінде бастаған.
2009 – 2018 жылдар аралығында «Қазақстан» РТРК» АҚ АСБД аудармашылар бөлімінің редактор-аудармашысы, тілшілер бөлімінің аға тілшісі, Анкара қ. «ТРТ» телерадиокорпорациясының жаңалықтар жүргізушісі, тілшілер қосынының (аймақтар) Анкара қаласындағы тілшісі жауапты қызметтерін атқарған.
2018 жылдан бастап осы кезге дейін «Хабар24» арнасы жаңалықтар бөлімінің бас редакторы қызметін атқарып келді.
<img src="https://kyzylorda-news.kz/wp-content/uploads/2020/05/01-44.jpg" alt="" />

Қызылорда облысы әкімінің баспасөз хатшысы тағайындалды

<a href="https://kyzylorda-news.kz/">Kyzylorda-news.kz.</a> 28 мамырда елімізде күн райы ашық болады. Ақтөбе, Түркістан, Қызылорда, Батыс Қазақстан, Манғыстау облыстарында күн ысиды, деп хабарлайды Қазгидромет.
28 мамырда Қазақстанның басым бөлігі әлі жоғары қысым аумағында болғандықтан, күн райы ашық болады. Тек еліміздің солтүстігінде және солтүстік-шығысында циклон ықпалынан кей жерлерде күндіз өткінші жаңбыр жауады, найзағай ойнап, дауыл соғуы мүмкін. Кей жерлерде жел күшейеді, оңтүстікте және оңтүстік-шығыста шаңды дауыл соғады, солтүстікте тұман түсуі ықтимал.
Солтүстік Қазақстан облысының кей жерлерінде күндіз жел 15-20 м/с жетеді, түнде және таңертен тұман түсуі мүмкін.
Жамбыл, Түркістан, Қызылорда облыстарының кей жерлерінде шаңды дауыл соғады, жел 15-20 м/с күшейеді.
Шығыс Қазақстан, Қарағанды облыстарында, күндіз Қостанай облысының кей жерлерінде жел 15-20 м/с жетеді.
Түркістан, Қызылорда, Батыс Қазақстан, Манғыстау облыстарында және Ақтөбе облысының оңтүстігінде қатты ыстық болуы мүмкін.
Павлодар облысында, Шығыс Қазақстан, Қызылорда облыстарының кей жерлерінде өте жоғары өрт қаупі сақталады.

Бүгін Қызылордада күн ысиды

Халықаралық әйелдер денсаулығы үшін іс-әрекет күні
1987 жылдан бері жыл сайын тойланады. Мақсаты – әлем елдерінің үкіметтеріне кез келген ұлттың болашағы үшін әйел денсаулығының маңызы зор екенін еске салу. Әзербайжанда Республика күні Ұлттық мереке 1918 жылы Әзербайжан Демократиялық Республикасы (ӘДР) тәуелсіз мемлекет деп жариялануына орай бекітілді. ӘДР тәуелсіздігін 1918 жылдың 28 мамырында Закавказье мұсылмандарының ұлттық уақытша кеңесі жариялады. Сол күні Тбилисидегі Кавказ губернаторының бұрынғы сарайының залында Тәуелсіздік туралы Декларацияға қол қойылды. Әзірбайжандағы Республика күні 1992 жылы бекітілді.
Арменияда Республика күні
Мереке 1918 жылы Закавказье Республикасының ыдырауынан кейін Армения Республикасының жариялануына байланысты бекітілді. Арменияның барлық аумағында демалыс күні. Аталған күннің екінші атауы – Егемендікті қалпына келтіру күні. 1918 жылдың 28 мамырында алты ғасырдан астам уақыт бойы шетелдік басқыншылардың қол астында болған Арменияның тәуелсіздігі қалпына келтірілді.
1993 жылы Қазақстан Республикасы Президенті Нұрсұлтан Назарбаевтың «Ордабасы ұлттық тарихи-мәдени және табиғи қорығын құру туралы» Қаулысы шықты.
1998 жылы ҚР Президенті Нұрсұлтан Назарбаев пен LG Electronics бірлестігінің басшысы Джон Ку салтанатты жағдайда «LG Electronics Almaty Kazakhstan» зауытын ашты.

28 мамыр: Атаулы күндер мен оқиғалар

<a href="https://kyzylorda-news.kz/м">Kyzylorda-news.kz</a> ақпараттық агенттігінің 28 мамырға арналған жұлдыз-жорамалы.
Тоқты
Сабырлы болыңыз. Сонда ғана біраз жұмысыңыз алға басады. Күйгелектік абырой әкелмейтінін ұққаныңыз жөн.
Торпақ
Бүгінгі күн алдағы уақытқа жоспар құратын уақыт. Жан-жағыңызды ретке келтіріп, ыңғайлы уақытта болашаққа жоспар құрыңыз.
Егіздер
Маңызды шаруаларды бітіруге қолайлы күн. Барлық шаруаны тез шеше аласыз. Сонымен қатар жеке қарым-қатынастарды оңай реттей аласыз.
Шаян
Жаңа бастамаларды қолға алатын күн. Сіз бір демде табысқа жете аласыз. Осыдан кейін өзіңізге деген сенімділігіңіз арта түседі.
Арыстан
Бүгінгі күн айтарлықтай өзгерістер алып келеді. Жоспарды нақтылап алғаныңыз жөн. Әйтпесе, кей кездері қателік жіберіп алуыңыз мүмкін.
Бикеш
Сәттілік серігіңіз болады. Уақытыңызды текке кетірмей, жұмысқа ден қойғаныңыз жөн. Барлық шаруаны атқаруға шамаңыз жетеді.
Таразы
Күніңіз сәтті өтеді. Ақпарат тарату және жаңа жоба бойынша жұмыс жасай бастайсыз. Серіктестер табу оңайға түспек.
Сарышаян
Күніңіз керемет өтеді. Кейбір шаруаларыңыз жүзеге аспайды. Кездесулерді де кейінге қалдырғаныңыз жөн. Бұл жақсылыққа бастайды.
Мерген
Сақ болыңыз. Өміріңізді түбегейлі өзгертемін деп әуреге түспеңіз. Әйтпесе опық жеп қалуыңыз мүмкін. Сондықтан бұрынғы қалыпты сақтай біліңіз.
Тауешкі
Жаңа жобалар бойынша жұмыс жасайсыз. Ойға тың идеялар келіп, өз ойыңызды іске асыра бастайсыз. Өзгелердің де тәжірибесін қолданыңыз.
Суқұйғыш
Жаңа іс бастауға қолайлы күн. Қолға алған істе тез аяқтайсыз. Сондай-ақ ешқандай қателік жібермейсіз. Ішкі түйсікке көп мән беріңіз.
Балықтар
Қызықты іскерлік байланыс орнатасыз. Біраз жоспар құрып, онымен қалай жұмыс жасау қажет екенін, алдағы жұмыс кестесін ретке келтіресіз.

Жұлдыздар не дейді?

<a href="https://kyzylorda-news.kz/">Kyzylorda-news.kz</a>. Қазақстан Республикасы Президенті Әкімшілігінің келісімі бойынша облыс әкімінің міндетін атқарушысының өкімімен Қазбекова Мира Жомартқызы облыстық ішкі саясат басқармасының басшысы лауазымына тағайындалды.
Мира Қазбекова 1984 жылы туған. Қорқыт Ата атындағы Қызылорда мемлекеттік университетін «Қазақ тілі мен әдебиеті пәнінің мұғалімі», Қызылорда қаласындағы «Болашақ» университетін «Заңгер» мамандықтары бойынша бітірген.
Еңбек жолын 2005 жылы Мемлекеттік қызметшілерді және бюджеттік сала қызметкерлерін қайта даярлау және олардың біліктілігін арттыру өңірлік орталығы Қызылорда облыстық баспасөз клубының маманы ретінде бастаған.
2005-2008 жылдары Қызылорда қаласы әкімі аппаратының жетекші маманы-баспасөз хатшысы, Қызылорда облыстық ішкі саясат департаментінің бас маманы жауапты қызметтерін атқарған.
2008-2017 жылдары Қызылорда қаласы әкімінің бас инспекторы-баспасөз хатшысы, Қызылорда қаласы әкімі аппаратының бөлім басшысы, Қызылорда облысының мұрағаттар мен құжаттама басқармасы басшысының орынбасары.
2017-2019 жылдары Қызылорда қалалық мәдениет және тілдерді дамыту бөлімінің басшысы, Қызылорда қаласы әкімі аппаратының басшысы басшылық лауазымын атқарған.
2019 жылдан осы кезге дейін Қызылорда қаласы әкімінің орынбасары лауазымында қызмет атқарып келді.
<img src="https://kyzylorda-news.kz/wp-content/uploads/2020/05/whatsapp-image-2020-05-27-at-19.17.33.jpeg" alt="" />

Қызылорда облыстық ішкі саясат басқармасының басшысы тағайындалды

<a href="https://kyzylorda-news.kz/">Kyzylorda-news.kz</a>. Қызылордалық полицейлер бірнеше мал ұрлығына қатысы бар күдіктіні ұстады, деп хабарлайды <a href="https://polisia.kz/38-zhastaghy-turghyn-birneshe-ret-mal-urlaghan/">Polisia.kz.</a>&nbsp;
22 сәуір күні түнгі уақытта белгісіз адам Жалағаш ауданы Аққұм ауылдық округі тұрғынының мал қорасынан құны 600 000 теңге тұратын бір бас жылқыны жасырын ұрлап, оқиға болған жерден бой тасалаған. 25 сәуір күні жедел іздестіру жұмыстарының нәтижесінде, күдікті 38 жастағы күдікті ұсталды.
Күдіктінің басқа да қылмыстарға қатыстылығын тексеру барысында оның былтыр желтоқсанда Қызылорда қаласында мал ұрлығының ауыр санаттағы екі дерегін, биылғы жылдың басында бір мал ұрлығына қатыстылығы&nbsp;анықталды.
Барлық деректер бойынша ҚР Қылмыстық кодексінің 188-1-бабының 3-бөлігінің 2-тармағымен (мал ұрлығы) сотқа дейінгі тергеп- тексеру амалдары жүргізіліп жатыр.
Қазіргі таңда күдікті кінәсін мойындап, Жалағаш аудандық полиция бөлімінің уақытша ұстау абақтысына қамаққа алынды.
<blockquote>
 «Облыс көлемінде биыл төрт айда 153 мал ұрлығы тіркеліп (былтыр – 159), өткен жылмен салыстырғанда 3,8 пайызға төмендеді. Жыл басынан 229 мал басы ұрланып, жәбірленушілерге қайтарылып, тергеу жүргізу кезінде күдіктілерден жалпы 17 404 000 теңге келтірілген мүліктік шығындары өндірілген. Облыс бойынша жыл басынан бері мал ұрлығымен айналысқан 59 қылмыскер ұсталып, олармен жасалған 72 қылмыс дәлелденіп, тиісті шешім қабылданды. Сонымен қатар, 13 қылмыстық топ құрықталып, олармен 45 мал ұрлығы қылмысын жасағандары белгілі болды, оның 38-і ауыр түріндегі және 13-і “өткен жылдар” санатындағы қылмыстар. Жергілікті атқарушы органдармен бірлесіп, мал шаруашылығымен айналысатын тұрғындарға малдарды таңбалау, сырғалау мәселелері бойынша үгіт-насихат жұмыстары жүргізіліп жатыр. Тұрақты негізде түнгі рейдтік іс-шаралар өткізіледі, республикалық маңызы бар жолдарда және ұрланған мал таситын жерлерде бекеттер қойылды. Тәулік бойы ветеринариялық инспекторлармен бірге малдарды құжатсыз тасымалдауды анықтау және жолын кесу бойынша жұмыстар жүргізіледі. Жергілікті жерлерде осы фактілер анықталған жағдайда әкімшілік жазаға тарту үшін хаттама ресімделеді», – деп атап өтті Қызылорда облысы Полиция департаменті басшысының орынбасары Серік Шалхаров.
</blockquote>

Қызылордада бірнеше рет мал ұрлаған тұрғын ұсталды

<a href="https://kyzylorda-news.kz/">Kyzylorda-news.kz.</a> Қызылорда облысы аумағындағы автомобиль жолдарының ұзындығы 3397 км құрайды. Оның 1016 шақырым республикалық, 557 шақырым облыстық және 1824 шақырым аудандық маңызы бар жолдар. Бұл туралы Өңірлік коммуникациялар қызметінің ақпараттық алаңында өткен баспасөз конференциясында Облыстық жолаушылар көлігі және автомобиль жолдары басқармасының басшысы Мұрат Тілеумбетов мәлімдеді.
<blockquote>
 «Қызылорда облысында салынатын және жөндеуден өткізілетін жолдарға байланысты облыстық және республикалық бюджеттен қаржы бөлініп, 488 км автомобиль жолдары мен көшелер және 11 көпір өткелдерін жөндеуден өткізу жоспарлануда. Яғни автомобиль жолдары мен елді мекендердің көшелері және көпірлер жөндеуден өткізіледі. Сондай-ақ, еліміздегі төтенше жағдай барысында қабылданған шешімге байланысты азаматтарды жұмыспен қамту және 231 км жолдарды, көшелерді мен көпірлерді жөндеу үшін республикалық және облыстық, аудандық бюджеттен қаржы бөлінді. Атап айтқанда республикалық бюджет, оның ішінде 50/50 паритеті бойынша 23 жоба, «Өңірлерді дамыту» бағдарламасы 1 жоба, «Ауыл-ел бесігі» бағдарламасы 44 жоба, «Жұмыспен қамтудың жол картасы» 1752 адам жұмыспен қамтылады. Облыстық бюджет, оның ішінде 50/50 паритеті бойынша 40 жоба, жолдар мен көшелер және көпірлерді жөндеу. «Ауыл-ел бесігі» бағдарламасы, «Жұмыспен қамтудың жол картасы» 887 адамды жұмыспен қамтылады. Аудандық (қалалық) автомобиль жолдары мен көшелері және көпірлерін жөндеу үшін де бюджеттен қаржы бөлінді. Яғни кент, елді мекендердің көшелері жөнделеді», – деді сала басшысы.
</blockquote>
Айта кетейік, өткен жылмен салыстырғанда биыл облыстық және аудандық маңызы бар автомобиль жолдарының индикаторлық көрсеткішін 69 пайызға жеткізу межеленіп отыр. Бұл көрсеткіш өткен жылы 65%-і құраған.

Қазақстан және Қызылорда облысының жаңалықтары