<a href="https://kyzylorda-news.kz/">Kyzylorda-news.kz.</a> Қызылордалық гимнастшылар карантиннен кейін оқу-жаттығу процесін бастағалы бір аптадан асты.
Қазіргі таңда гимнастшылар алдағы жарыстарға тыңғылықты дайындалып келеді.
<blockquote>
 «Тамыз айында көркем гимнастикадан Нұр-Сұлтан қаласында Қазақстан чемпионаты, қыркүйекте Алматыда Қазақстан кубогы өтуі жоспарланған. Сондай-ақ, Нұр-Сұлтан қаласында топтық эстетикалық гимнастикадан өтетін Азия чемпионатына&nbsp; 7 спортшымыз қатысады. Егер карантин режимі толық аяқталса, осы жарыстарға қатысамыз. Аптасына үш мəрте жаттығу жұмыстарын өткізіп жүрміз.&nbsp; Маусымнан бастап спортшылар сабақ кестесіне сəйкес күнде залда жаттығатын болады», – деді көркем гимнастикадан облыстың аға жаттықтырушысы Гүлмира Абсұлтан.
</blockquote>
Айта кетейік, Сыр гимнастшылары былтырғы жылы Алматыда топтық эстетикалық гимнастикадан өткен ел кубогында бірінші орынды жеңіп алса, Сингапурдағы жарыста қола жүлдені иеленген.
<img src="https://kyzylorda-news.kz/wp-content/uploads/2020/05/gimnastika-2-1.jpeg" alt="" />
<img src="https://kyzylorda-news.kz/wp-content/uploads/2020/05/gimnastika-3.jpeg" alt="" />
<img src="https://kyzylorda-news.kz/wp-content/uploads/2020/05/gimnastika-5.jpeg" alt="" />
<img src="https://kyzylorda-news.kz/wp-content/uploads/2020/05/gimnastika-8-1.jpeg" alt="" />

Сыр гимнастшылары Азия чемпионатына дайындалуда (ФОТО)

<a href="https://kyzylorda-news.kz/">Kyzylorda-news.kz.</a> Қазақстан қалалары арасындағы блокпостар алынады. Бұл туралы Орталық коммуникациялар қызметінде ҚР ИИДМ Көлік комитеті төрағасының орынбасары Жәнібек Тайжанов мәлім етті.
<blockquote>
 «Ведомствоаралық комиссияның 1 маусымнан қалалар арасында блокпостарды алып тастау шешіміне сәйкес, 5 маусымнан тасымалдау шараларын жандандыру бойынша жұмыстар іске асырылады», – деді Ж. Тайжанов.
</blockquote>
Оның сөзіне қарағанда, автобуспен жолаушыларды тасымалдау кезінде тасымалдаушылардың тиісті жұмыс алгоритмі бас санитарлық дәрігер қаулысы талаптарын ескере отырып әзірленді. Осы орайда бағдардың соңғы пунктерінде автобустарды дезинфекциялау, көлік салонына тек медициналық маскада отырғызу, сондай-ақ басқа да қауіпсіздік талаптары ескерілген.

Қазақстанда 1 маусымнан бастап блок-посттар алынады

<a href="https://kyzylorda-news.kz/">Kyzylorda-news.kz.</a> Облыста 3 наурыздан бастап орман және дала өртінің алдын алу және жою жөніндегі іс-шаралары жоспары бекітіліп, тиісті шаралар атқарылуда. Бұл туралы Өңірлік коммуникациялар қызметінің ақпараттық алаңында облыстық табиғи ресурстар мен табиғат пайдалануды реттеу басқармасының басшысы Бауыржан Шәменов мәлімдеді.
<blockquote>
 “Қазіргі таңда орман шаруашылығы мекемелерінде 9 дана өрт сөндіру автокөлігі мен 54 тұрақты өрт сөндірушілер қызмет атқаруда. Соңғы 2 жылда облыстық бюджеттен орман шаруашылығы мекемелеріне 3 дана өрт сөндіру автокөлігі сатып алынды. Сондай-ақ,басқармаға қарасты 8 орман шаруашылығы мекемесінде 9 өрт сөндіру автокөлігі, 78 дана байланыс құралдары, 26 қосымша тіркемелері бар тракторлар өрт маусымына дайындалып, жабдықталған”,-деді Бауыржан Серікұлы.
</blockquote>
Ал ауылдық елді мекендерде орман және дала өрттерін сөндіру мақсатында ауылдық огруг әкімдіктері жанынан 1 971 адамнан құрылған 172 ерікті өртке қарсы құрылымы жұмыс жасауда.
Оның құрамында 7 өрт сөндіру автокөлігі және 373 бейімделген техникасы мен 20 мотопомпасы бар.

Қызылордада орман және дала өртінің алдын алу жұмыстары жүріп жатыр

<a href="https://kyzylorda-news.kz/">Kyzylorda-news.kz.</a> ҚР Ауыл шаруашылығы министрі Сапархан Омаров ауылшаруашылық өнімдерін экспорттауға шектеулерді алып тастау туралы бұйрыққа қол қойды, деп хабарлайды <a href="https://www.inform.kz/kz/1-mausymnan-auylsharuashylyk-onimderin-eksporttauga-katysty-shekteulerdin-kushi-zhoyylady_a3655574">ҚазАқпарат.</a>
«Осы жылдың 1 маусымынан бастап ауылшаруашылық өнімдерін экспорттауға барлық шектеулер алынып тасталады. Экспорттық шектеулерді алып тастау туралы жаңа бұйрық 2020 жылдың 1 маусымынан бастап күшіне енеді», делінген аталған министрліктің ресми сайтында жарияланған хабарламада.
Естеріңізге сала кетейік, бұған дейін Қазақстанда төтенше жағдайдың енгізілуіне және Мемлекет басшысының ішкі нарықта әлеуметтік маңызы бар азық-түлік тауарларының жетіспеушілігін болдырмау туралы бұйрығына байланысты, ҚР Ауыл шаруашылығы министрлігі азық-түлік қауіпсіздігі себептері бойынша әрі жаңа өнім жиналғанға дейін жеткілікті қорды сақтау мақсатында ауылшаруашылық экспортын уақытша реттеуді енгізген болатын.

1 маусымнан ауылшаруашылық өнімдерін экспорттауға қатысты шектеулердің күші жойылады

<a href="https://kyzylorda-news.kz/">Kyzylorda-news.kz.</a> Жаңа оқу жылына қарай Сыр елінде негізгі басымдықты ескере отырып, бірқатар білім нысандарының құрылысы жүргізілуде. Атап айтқанда, темір жолдан өтуге мәжбүр балалардың қауіпсіздігін қамтамасыз ету үшін Сексеуіл кентіндегі 300 орындық мектеп құрылысы басталды. Бұл мектеп құрылысы «Жұмыспен қамтудың 2020-2021 Жол картасы» шеңберінде жүзеге асырылмақ.
Сонымен қатар, Жаңақорған ауданындағы Майбекет мөлтек ауданында 300 орындық мектеп құрылысы бастау алды. Облыста апатты мектептерді жою үшін Жаңақорған ауданында №169 Н.Илялетдинов атындағы 600 орындық мектептің құрылысы жүргізілсе, Жалағаш ауданы, М.Шәменов ауылындағы №34 Ә.Бердаулетов атындағы 140 орындық мектеп жаңа оқу жылында ел игілігіне берілмек.
Қызылордада үш аусымды мектептерді болдырмау мақсатында Бәйтерек мөлтек ауданынан 600 орындық мектептің құрылысы жүргізіледі. Аталған мектеп мемлекеттік бағдарламасы «Жұмыспен қамту Жол картасы» шеңберінде іске асады.
Сондай-ақ, жаңа оқу жылына Қызылорда қаласында 500 орындық жеке мектеп тапсырылады. Еске сала кетейік, облыста 293 мектепте 162 мыңға жуық бала білім алады.

Қызылорда: Жаңа оқу жылында жаңа мектептер салынады

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 340-қа жетті. Ал сауығып шыққандар саны – 233. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Соңғы тәулікте 15 дерек тіркелді. Оның 6-ы медицина қызметкерін скринингтеу барысында анықталса, 2-еуі «Д» есепте тұрған науқасты скринингтеуден, ал біреуі фильтр кабинетінен&nbsp;болса, 6-ы індет жұқтырғандармен байланыста болғандар. Қазіргі таңда науқастардың жағдайы бірқалыпты, емдерін хаттамаға сәйкес алуда»,-деді бас дәрігер.
</blockquote>
Сондай-ақ, індет жұқтырғандармен байланыста болған- 4298 азамат анықталды. Оның ішінде, 2387-і жақын қарым-қатынаста, 1911-і жанама байланыста болған. Бұдан бөлек, инфекциялық стационарда 82 адам ем алуда. Оның 26-ы карантиндік госпитальда , 31-і провизорлық стационарда, ал 214 азамат карантиндік бақылауда.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтанда сақтық шараларын қатаң сақтап және бетперде киюді жалғастыра беруге шақырамыз.

COVID-19: Қызылордада бүгін 15 жағдай тіркелді

<a href="https://kyzylorda-news.kz/">Kyzylorda-news.kz.</a> Қазгидромет 30 мамыр – 1 маусымға арналған ауа райы болжамын жариялады.
<blockquote>
 «Скандинавия түбегінен жылжыған антициклон Қазақстан аумағына температураның аздаған төмендеуіне алып келеді. Жаздың басында ауа температураның жоғарылауы күтілуде. Тек солтүстік бөліктің кей жерлерінде атмосфералық фронтальды бөліктердің өтуіне байланысты, күн күркіреп, өткінші жаңбыр жауады. Ал оңтүстікте, Иран аудандарынан жылы ауа массаларымен ыстық және құрғақ ауа райы сақталады. Кей жерлерде жел күшейіп, оңтүстікте шаңды дауыл соғады», – делінген хабарламада.
</blockquote>

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> Қазақстандықтар еліміздің аумағында саяхаттаған кезде екі баласын ұшаққа тегін отырғыза алады, деп хабарлайды&nbsp;<a href="https://stan.kz/">Stan.kz</a>.
Бұл туралы «Қазақтуризм» ұлттық ұйымының баспасөз қызметі мәлім еттті.&nbsp;
Жаңа жоба бойынша&nbsp;«1+2» бағдарламасы іске қосылмақ, яғни 15 жасқа дейінгі балалар ұшақ арқылы тегін саяхаттай алады.&nbsp;
<blockquote>
 «Қазақстандықтардың ел аумағында демалуға деген ынтасын арттыру үшін&nbsp;KIDS GO FREE жобасын қолға алды. Қазіргі таңда аталмыш бағдарлама қаржы министрлігі тарапынан республикалық бюджеттік комиссияға тексеріске жіберілді», – делінген ресми хабарламада.&nbsp;
</blockquote>
Осылайша қазақстандықтардың демалыстарына жұмсайтын шығынды&nbsp;30%-ға дейін азайтуға болады екен.&nbsp;
<blockquote>
 «Егер 100 мы отбасы немесе 600 мың қазақстандыққа субсидия ретінде 7,6 миллиард теңге бөлінсе, ел бюджетіне ол ақша 33 миллиард теңге болып қайта оралады. Яғни, бұл арқылы бес есе пайда түспек», – деп қосты ұйым өкілдері.&nbsp;
</blockquote>
Атап кетерлік жайт, ҚР ұлттық экономика министрлігінің статистикалар комитетінің мәліметіне сүйенсек, өткен жылы бір қазақстандықтың демалысқа жұмсаған орташа ақшасы 108 мың теңге (263 долларды) құраған.

Қазақстандықтар енді екі баласы үшін ұшаққа билет сатып алмаса да болады

<a href="https://kyzylorda-news.kz/">Kyzylorda-news.kz.</a> Қазақстанда құқық қорғау қызметіне кіру тәртібі қайта қаралды. Енді прокуратура, сыбайлас жемқорлыққа қарсы қызмет және экономикалық тергеу қызметінде жұмыс істегісі келетіндер міндетті бастапқы кәсіби даярлықтан өтуі тиіс, деп хабарлайды <a href="https://sputniknews.kz/society/20200529/14100679/quqyq-qorgau-organdary-qyzmet.html">Sputnik Қазақстан.</a>
Жаңашылдық құқық қорғау қызметіне қатардағы, кіші және орта басшы құрам лауазымдарына&nbsp;бірінші рет&nbsp;қабылданатын адамдарға қатысты, деп хабарлады Қазақстан бас прокуратурасы жанындағы құқық қорғау органдары академиясының&nbsp;сайты.
Мемлекет басшысының 2020 жылдың 13 мамырындағы жарлығымен Академияға аталған кәсіптік даярлықты өткізу жөніндегі функциялар жүктелген.
Прокуратура органдарына қызметке кіру үшін 1 жыл, сыбайлас жемқорлыққа қарсы қызмет және экономикалық тергеу қызметіне 6 ай оқу керек. ​
Жоғары заң білімі бар отыз бес жастан аспаған үміткерлер қабылданады.
Оқуға түскендердің барлығы мемлекет есебінен стипендиямен, тамақпен және тұратын орынмен қамтамасыз етіледі.
Оқуға түсу үшін алдын ала мемлекеттік қызмет істері агенттігінде тестілеуден (құқық қорғау қызметіне кіру үшін), әскери-дәрігерлік комиссияларда медициналық және психофизиологиялық куәландырудан және полиграфологиялық зерттеуден, сондай-ақ Академияда іріктеуден өту қажет.
Бастапқы кәсіптік даярлыққа түсу, Академияға іріктеу тәртібі мен мерзімдері туралы толық ақпарат Құқық қорғау органдарының және Академияның ведомстволық сайттарында қосымша жарияланады.

Құқық қорғау органдарына қызметке тұру тәртібі өзгерді

Нәубет жылдар зобалаңы

<a href="https://kyzylorda-news.kz/">Kyzylorda-news.kz.</a> Шиелі ауданның тұрғыны Ақбота Сыздықова «Facebook» әлеуметтік желідегі парақшасында Жаңақорған ауданы Байкенже ауылының әлеуметтік-экологиялық ахуалына зерделеу жүргізу жөнінде өтініш қалдырған болатын.
Осы өтінішке орай, ҚР Экология, геология және табиғи ресурстар министрлігі «Адалдық алаңы» жобалық кеңсесінің филиал жетекшісі И.Мұсабаев және «Ақмешіт-адалдық алаңы» жобалық кеңесінің жетекшісі Ж.Тұсмағамбетов аталған елдімекеннің тұрғындардарымен ашық алаңда кездесу өткізді.
Шараға ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының бірінші орынбасары Б.Ниязов, Қызылорда облысы бойынша экология департаментінің басшысы М.Құрманбаев, аудан әкімінің орынбасары мен ауыл әкімі, сондай-ақ, шараға сол аймақтағы «Байкен-U» кәсіпорнының басшылары мен мамандары қатыстырылды. 
Департамент басшысы М.Құрманбаев ашық алаңдағы кездесуде тұрғындардың экологияға, яғни, «Байкен-U» уран өндіруші кәсіпорынының қоршаған ортаға әсері туралы ақпараттар беріп, сауалдарға жауап береді. Ашық алаңдағы кездесуде Департамент басшылығының соңғы 7 айда тұрғындарымен үшінші рет кездесу екенін айта келе, алдыңғы кездесулердің кезінде қойылған мәселелердің орындалуы жөнінде түсіндерме берді. Сондай-ақ, алдағы уақытта өндіріс кәсіпорны ауыл орталығында қоршаған орта сапасын автоматты түрде анықтайтын құрылғы орнатылатынын хабардар етті.
Сонымен қатар, департамант маманы атмосфералық ауа құрамына өлшеу жүргізді. Барлық орын алған заңсыз әрекеттерге департамент тарапы шұғыл әрекет етуге қашанда дайын және жұртшылықты хабардар етуге бүгінде басымдық беріліп отырғандығын айтты. Қажеттілік туындаса, департамент басшысы шалғайдағы ауылдарға дейін өзі жеке баруға дайын екендігін білдірді.
Кәсіпорын тарапынан қоршаған ортаға әсерін бағалайтын, ауыл аймағындағы әлеуметтік-экологиялық ахуалға зерттеу жүргізу үшін 2020-2021 жылдары арнайы бағдарлама бойынша шаралар атқарылатынын, осы шараға ауыл тұрғындары мен қоғамдық ұйым өкілдерін қатыстыру қажет екендігі жөнінде кәсіпорын басшылығына ұсыныс беріліп, қолдау тапты. 
Бұл ретте, тұрғындар жергілікті атқарушы органдар мен басқа да мүдделі тараптар өткізетін кез-келген экологиялық сауықтыру шараларына қоғам өкілдерін көптеп қатыстырылса деген пікірлерін білдірді.

Жаңақорған ауданындағы ауыл тұрғындарының базынасы тыңдалды

<a href="https://kyzylorda-news.kz/">Kyzylorda-news.kz</a>. 1998 жылдан кейін қызметке шақырылған және 2016 жылға дейін қызметтен босатылған әскери қызметшілерге зейнетақыны қайта есептеу ұсынылды, деп хабарлайды <a href="https://www.inform.kz/kz/askeri-kyzmetshilerge-zeynetakyny-kayta-esepteu-usynyldy_a3655468">ҚазАқпарат</a>.
Әскери қызметшілерді зейнетақымен қамтамасыз етуді жетілдіру және олардың әлеуметтік қорғалуы мәселелерін талқылауға Қорғаныс министрлігінің Зейнетақымен қамтамасыздандыру орталығы (бұдан әрі – ЗҚО) бастамашылық жасады.
Жиынға Зейнетақымен қамсыздандыру орталығының басшылығы, Бас прокуратура, Ұлттық қауіпсіздік комитетінің, ІІМ мен ҚР Мемлекеттік күзет қызметінің өкілдері қатысты.
Қатысушылар қызметтен босатылған әскери қызметшілер мен әлеуетті құрылымдардың қызметкерлерін зейнетақымен қамтамасыз ету саласындағы қолданыстағы заңнамаға толықтыру мен өзгеріс енгізу жөніндегі ұсыныстарды талқылады.
Біріншіден, 1998 жылғы 1 қаңтардан кейін қызметке алғаш рет шақырылған және 2016 жылғы 1 қаңтарға дейін босатылған әскери қызметшілерге еңбек сіңірген жылдары үшін зейнетақы төлемін қайта есептеу ұсынылады. Бұл ретте заңнамада белгіленген тәртіппен жүргізілген төлемдерді арттыру ескерілетін болады.
Екіншіден, 2016 жылғы 1 қаңтардан бастап жұмыстан босатылған әскери қызметшілер мен әлеуетті құрылымдардың қызметкерлеріне зейнетақы жасына жету бойынша мемлекеттік базалық зейнетақы төлемі тағайындау.
Үшіншіден, тұрғын үй сатып алу немесе білім алу үшін біріңғай жинақтаушы зейнетақы қорындағы зейнетақы жинағының қалғанын пайдалану жайы көтерілді.
Қатысушылар зейнетақы саласындағы қолданыстағы заңнаманы түзетуге қатысты бойынша басқа да бірқатар ұсыныстарды қарап, барлық айтылған мәселелер бойынша бірыңғай шешімге келді.
ЗҚО-ның ақпараты бойынша, әзірленген ұсыныстар «Қазақстан Республикасының кейбір заңнамалық актілеріне азаматтардың жекелеген санаттарын әлеуметтік қорғау мәселелері бойынша өзгерістер мен толықтырулар енгізу туралы» заң жобасына енгізу үшін Еңбек және халықты әлеуметтік қорғау министрлігіне жіберілді.
Заң жобалау жұмыстарының жоспары бойынша ол ағымдағы жылдың қазан айында Үкіметтің қарауына енгізілетін болады.
Қорғаныс министрлігі әскери қызметшілерді әлеуметтік қамтамасыз ету жүйесіне тұрақты негізде талдау жүргізеді. Одан әрі жетілдіру бойынша ұсыныстар негізінде, оның ішінде зейнетақымен қамсыздандыру жүйесі де бар.
Зейнетақы жүйесін тұрақты реформалау зейнетақымен қамсыздандыруды жетілдіруге, қолданыстағы және бұрынғы әскери қызметшілердің әлеуметтік қорғалуын күшейтуге ықпал етеді.

Қазақстан және Қызылорда облысының жаңалықтары