<a href="https://kyzylorda-news.kz/">Kyzylorda-news.kz.</a> Қызылорда облысы ПД Есірткі қылмысына қарсы іс-қимыл басқармасы тарапынан наркология орталығының емделушілері арасында «Мен саған өз өмірім жайлы айтып беремін» тақырыбында шығарма жазу байқауы ұйымдастырылды.
Сайысқа барлығы 20 емделуші қатысты. Қатысушылардың көпшілігі жалпы өмірбаянын жазумен шектелсе, өз өмірінде жасаған олқылықтары жайлы жазғандар да&nbsp; жоқ емес.
<blockquote>
 «Барлығының балалық шағы жақсы өткен, басым көпшілігі отбасын құрып балалы болған, ал сонан соң туындаған қиыншылықтар, болмаса өздерінің немқұрайлылығына байланысты ішімдікке, нашақорлыққа салынған. Көпшілігі жоғары, арнайы орта оқу орындарын бітіріп, кезінде түрлі лауазымдарда қызмет атқарған тұрғындар. Қазіргі таңда жалғыз екендігін көрсетсе, кейбіреулері отбасымен бірге тұратынын атап өткен. Соңғылары балалары мен немерелері, олардың жетістіктері жайлы жазған», – дейді ұйымдастырушылар.
</blockquote>
Байқаудың барлық қатысушылары арнайы дипломмен марапатталып, сыйлық табысталды.
<img src="https://kyzylorda-news.kz/wp-content/uploads/2020/05/whatsapp-image-2020-05-12-at-21.26.47.jpeg" alt="" />

Қызылордалық полицейлер онлайн форматта шығармашылық байқау өткізді

<a href="https://kyzylorda-news.kz/date/2020/05/13/">Kyzylorda-news.kz.</a> Облыс әкімі Гүлшара Әбдіқалықованың Арал ауданындағы жұмыс сапары басталды.
Алдымен өңір басшысы Көкарал бөгетінің жұмысымен танысады. Сапар барысында Гүлшара Әбдіқалықова Арал ауданындағы мемлекеттік бағдарламалар аясында салынып жатқан құрылыс нысандарына бармақ.
Сонымен қатар Қазалы, Қармақшы аудандары мен Байқоңыр қаласына барады деп жоспарлануда.

Гүлшара Әбдіқалықованың Арал ауданындағы жұмыс сапары басталды

<a href="https://kyzylorda-news.kz/">Kyzylorda-news.kz.</a> Қазақстандықтарға құмар ойынға шектен тыс тәуелді жақындарын сот арқылы әрекет қабілеті шектеулі деп тануға мүмкіндік беріледі, деп хабарлайды&nbsp;<a href="https://sputniknews.kz/">Sputnik Қазақстан</a>.
Ойын бизнесі туралы заң жобасына осындай толықтырулар енгізілген.
Мәдениет және спорт министрі Ақтоты Райымқұлова заң жобасын әзірлеу кезінде, ең алдымен, қоғамның, одан кейін ойыншылардың мүддесін қорғауға баса назар аударылғанын атап өтті.
Министрлік заң жобасына адамдарға құмар ойындар мен бәс тігуге қатысудан өзін-өзі шектеу құқығын беретін норма енгізген.
<blockquote>
 «Құмар ойындарға шектен тыс тәуелділік бүкіл әлемде психикалық ауру деп танылған. Қазақстанның денсаулық сақтау министрлігі де мұны ауру деп танып отыр. Бұл норманың мәні: құмар ойынға шамадан тыс салынып, қарызға белшесінен батқан адам өтініш жазып, өзін-өзі шектей алады. Осыдан кейін оны казиноға да, қандай да бір ұтыстарға, интернет казиноға да қатыстырмайды», – деді Райымқұлова.
</blockquote>
Заң жобасын талқылау барысында депутаттар бұл норманы кеңейткен. Мәжілісмендер туыстарының өтініші бойынша сотпен құмар ойынға шектен тыс салынғандардың әрекет қабілетін шектеуді ұсынып отыр.
Райымқұлованың айтуынша, бұл норма үкіметпен және мемлекеттік органдармен келісілді.
<blockquote>
 «Өкінішке қарай, елімізде лудоманиямен (құмар ойынға тәуелділік) ауыратындар туралы статистика жоқ. Бірақ, қазір осындай он бір дерек расталып отыр. Олар лудомания диагнозымен дәрігерге жүгінген», – деді министр.
</blockquote>

Қазақстандықтар құмар ойынға салынған туыстарын сотқа бере алады

<a href="https://kyzylorda-news.kz/">Kyzylorda-news.kz.</a> Мемлекеттік сатып алу&nbsp;порталы хакерлердің шабуылына ұшырады. Сол себепті портал арқылы жүзеге асырылатын барлық үрдіс кейінге шегерілді.
<blockquote>
 «Мемлекеттік сатып&nbsp;алу порталының жұмысы 9 мамырдан бастап&nbsp;DDos-шабуылдарға байланысты қиындап тұр. Мамандардың сөздерінше, мұндай ірі шабуыл тарихта бірінші рет орын алды. Бұл жағдайға байланысты ҰҚҚ-мен бірлесіп тиісті шаралар атқарылуда. Осыға орай, біздің порталды қолданатын барша азматтардан кешірім сұраймыз», – делінген ресми хабарламада.&nbsp;
</blockquote>
Бұған қоса кибершабуыл кезінде өтуі тиіс болған сатылым үрдістерінің барлығы кейінге шегерілген.&nbsp;
Айта кетерлік жайт, «Электрондық мемлекеттік сатып алу» ақпараттық жүйесі мемлекеттік сатылымдарды дәл осы уақытта жүзеге асыруға мүмкіндік береді.
Аталмыш жүйе арқылы электронды түрде келісімшарттар толтырылып, қызметтер топтастырылып, мемлекеттік сатылымдарды бақылауға болады.

Қазақстандағы мемлекеттік сатып алулар мерзімі ірі кибершабуылдың кесірінен кейінге шегерілді

<a href="https://kyzylorda-news.kz/">Kyzylorda-news.kz.</a> Букмекерлік кеңселерге тек спорттық оқиғаларға ставкалар қабылдау міндеті белгіленеді. Бұл туралы Парламент Мәжілісінің жалпы отырысында тиісті заң жобасын талқылау кезінде Мəдениет жəне спорт министрі Ақтоты Райымқұлова мәлім етті, деп хабарлайды <a href="https://lenta.inform.kz/kz/kazakstanda-bukmekerlik-kenseler-tek-sporttyk-okigalarga-stavkalar-kabyldauga-mindetteledi_a3649163">ҚазАқпарат.</a>
Бәс тігуге қатысушылардың деректер қоры жалпыға бірдей декларациялауды енгізуге, бәс тігуге қатысатын клиентті шектеу және клиенттің өзін-өзі шектеу рәсімін енгізуге ықпал ететін болады, сондай-ақ қылмыстық жолмен алынған кірістерді жылыстатуға және терроризмді қаржыландыруға қарсы күрес жөніндегі шараларды күшейтеді», – деді А. Райымқұлова.
Сонымен қатар ол тек спорттық оқиғаларға ставкалар қабылдау міндетін белгілеу ұсынылғанын айтты.
<blockquote>
 «Оқиғаның нәтижесіндегі ашықтықты және ойыншылардың құқықтарын қамтамасыз ету мақсатында букмекерлік кеңселерге тек спорттық оқиғаларға ставкалар қабылдау міндетін белгілеу ұсынылады», – деді ведомство басшысы.
</blockquote>
Айта кетейік, жекелеген букмекерлік кеңселер виртуалды футбол, хоккей, баскетбол, теннис, автожарыс және компьютер көмегімен пайда болатын басқа да виртуалды оқиғаларға ставкаларды қабылдайды.
Бұдан бұрын хабарланғандай, букмекерлік кеңселерде бәс тігуге қатысудан шектеу тетігін іске асыру үшін ставкаларды есепке алу орталығын құру жоспарланып отыр.

Қазақстанда букмекерлік кеңселер тек спорттық оқиғаларға ставкалар қабылдауға міндеттеледі

<a href="https://kyzylorda-news.kz/">Kyzylorda-news.kz.</a> “Нұрлы жер” мемлекеттік тұрғын үй құрылысы бағдарламасы&nbsp; аясында&nbsp; «Тұрмысы төмен отбасыларға тұрғын үй сатып алуға кредит беру» (Бақытты отбасы бағдарламасы)&nbsp; бағыты бойынша 2020 жылдың мамыр айының 18-нен 21-і&nbsp; аралығында&nbsp; ( карантин талаптарын сақтай отырып) үміткерлерден құжат қабылдау жалғасады.
&nbsp;&nbsp;&nbsp;&nbsp;&nbsp; Бағдарламаға:
&nbsp;&nbsp;&nbsp;&nbsp;&nbsp; көп балалы отбасы;
&nbsp;&nbsp;&nbsp;&nbsp;&nbsp; толық емес отбасы;
&nbsp;&nbsp;&nbsp;&nbsp;&nbsp; мүгедек балалары бар немесе тәрбиелеп отырған отбасы қатыса алады.
&nbsp;&nbsp;&nbsp;&nbsp;&nbsp; Қатысуға қойылатын негізгі талаптар:
1) Қазақстан Республикасының азаматтығы;
2) өтініш берушінің және онымен бірге тұратын отбасы мүшелерінің (жұбайының, кәмелеттік жасқа толмаған балаларының) Қазақстан Республикасының аумағында меншік құқығында тұрғын үйінің болмауы;
3) ағымдағы қаржы жылына отбасының әрбір мүшесіне шаққанда айына заңнамада белгіленген 1 (бір) ең төменгі айлық жалақы көрсеткішінен аспайтын, соңғы 6 (алты) айдағы орташа табысының болуы (балалы бар отбасыларға берілетін мемлекеттік жәрдемақыларды есепке алмағанда);
4) некені бұзу сәтінен бастап 3 жылдық мерзімнің өтуі (толық емес отбасылар үшін);
5) еңбек және (немесе) кәсіпкерлік қызметтен отбасылық жиынтық табыстың болуы;
6) төлем қабілеттілігін растау;
7) “Тұрғын үй қатынастары туралы” Қазақстан Республикасының Заңына сәйкес тұрғын үйге мұқтаж азаматтың мәртебесі мен тұрғын үйге мұқтаж Қазақстан Республикасының азаматтарын есепке қою санаты көрсетілген&nbsp; ЖАО-ның растауы.
&nbsp;Үміткерлер мынадай құжаттарды ұсынуы қажет:
1) Бағдарламаға қатысуға&nbsp; білдірген өтініші (бұдан әрі – өтініш);
2) өтініш беруші мен оның отбасы мүшелерінің жеке басын куәландыратын құжат;
3) өтініш берушінің&nbsp; және онымен тұрақты бірге тұратын отбасы мүшелерін тұрғылықты жері бойынша тіркеу туралы мекенжай анықтамасы;
4) неке қию/некені бұзу, жұбайының/зайыбының қайтыс болуы, балалардың туу туралы куәліктері, өтініш берушінің некеде тұрмайтындығы туралы нотариат куәландырған өтініш;
5) өтініш берушінің және онымен тұрақты бірге тұратын отбасы мүшелерінің Қазақстан Республикасының аумағы бойынша меншік құқығындағы үйінің немесе сатып алу мүмкіндігімен берілетін тұрғын үйінің бар немесе жоқ екені туралы анықтама;
6) соңғы 6 айдағы&nbsp; табысы&nbsp; туралы анықтама
7) кезектілік нөмірін немесе бірегей нөмірді көрсете отырып тұрғын үйге мұқтаж (Бағдарламаға қатысуға өтініш берген кезде) есебіне қою туралы мәліметтер;
8) Жоғарыда айқындалған санаттардың біріне&nbsp; өтініш берушінің қатысын растайтын құжаттар (көп балалы отбасы, толық емесе отбасы, мүгедек балалары бар немесе тәрбиелеп отырған отбасы).
ҚТҚЖБ шотында қарыз сомасының 10 %-ынан кем емес мөлшерде бастапқы жарна болған жағдайда, ҚТҚЖБ 20 жылға дейінгі мерзімге жылдық 2 %-дан аспайтын сыйақы мөлшерлемесі бойынша тұрғын үй қарыздарын береді.
Кредит беру талаптары:
қарыздың нысаналы мақсаты – бастапқы&nbsp; және қайталама нарықтарда тұрғын үй сатып алу;
Нұр-Сұлтан, Алматы, Шымкент, Ақтау, Атырау қалаларында тұрғын үйді сатып алу кезінде ең жоғарғы қарыз сомасы – 15 млн.теңгеден аспайды, өзге өңірлерде – 10 млн. теңгеден аспайды;
кепілдікті қамтамасыз ету – сатып алынатын тұрғын үй немесе ҚТҚЖБ-ның тиісті талаптарына сай келетін өзге мүлік.
Үміткерлерден өтініштер мен құжаттар&nbsp; қабылдау орны: М.Шоқай&nbsp; көшесі,147 үйі, №1, 2 терезелер, сағ. 9-00-19-00- ге дейін, байл. тел. 24-80-97, 24-80-61, «Қалалық тұрғын үй коммуналдық шаруашылық, жолаушылар көлігі, автомобиль жолдары&nbsp; және тұрғын үй инспекциясы бөлімі» КММ
Бетперделік режимін және әлеуметтік қашықтықты сақтай отырып, (1,5 м кем емес) құжаттарды қабылдау жүргізіледі.
<img src="https://kyzylorda-news.kz/wp-content/uploads/2020/05/wj-2-scaled.jpg" alt="" />

Қызылордада «Бақытты отбасы» тұрғын үй  бағдарламасына құжат қабылдау жалғасады

<a href="https://kyzylorda-news.kz/">Kyzylorda-news.kz.</a> Қызылордада әлеуметтік маңызы бар азық-түлік өнімдерінің тапшылығын болдырмау және бағаларының тұрақтылығын қамтамасыз ету бағытында жұмыстар атқарылуда. Бұл туралы өңірлік коммуникациялар қызметінің ақпараттық алаңында облыстық ауыл шаруашылығы басқармасының басшысы Сейілбек Нұрымбетов мәлімдеді.
<blockquote>
 «Облыстық сауда орындары мен олардың қоймаларында және тұрақтандыру қорында 12,4 мың тонна әлеуметтік маңызы бар өнімдердің қоры сақталып, сатылуда. Оның ішінде, «Байқоңыр» ӘКК» АҚ-ның тұрақтандыру қорында 3876,4 тонна өнім бар. Сонымен қатар, төтенше жағдай енгізілуіне байланысты облыс бюджетінен 4,3 мың тонна өнім сатып алуға қаржы бөлінді. Сондай-ақ, әлеуметтік дүкендердің қажеттілігіне қарай отандық тауарөндірушілерден 300 тонна күріш, 100 тонна пияз, 35 тонна қырыққабат, 50 тонна сиыр еті сатып алынатын болады», – деді Сейілбек Серғазыұлы.
</blockquote>
Бұған қоса, облыстағы көкөніс өнімдеріне тапшылықты болдырмау үшін Түркістан облысы мен Шымкент қаласы әкімдіктерімен аптасына бір рет кәсіпкерлердің сатып алынған өнімдерін кедергісіз өткізу жұмыстары ұйымдастырылып, ерте пісетін көкөніс өнімдерін кедергісіз жеткізу туралы меморандумға қол қойылды.
Мұнан өзге, облыс әкімдігімен өңірлік тұрақтандыру қорының өнімдерін аудандар арасында сату жөніндегі кестесі бекітіліп, сатылуда.
Сондай-ақ, мереке күндері Түркістан облысынан 100 тонна шамасында қырыққабат жеткізіліп, Қызылорда қаласы мен аудандар арасында төмен бағада сатылды.

Қызылордадағы тұрақтандыру қорында 3876,4 тонна өнім бар

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 180 адамға жетті.
13 мамыр 10:30-дағы&nbsp;мәлімет бойынша Қызылорда облысында тағы 8 адам қауіпті індеттен жазылып шыққан.
Індеттен айыққандардың қатарына соңғы қосылған науқастар – Қызылорда қаласы мен Қазалы, Қармақшы ауданының тұрғындары.
Оның ішінде, Қызылорда қаласында 6, Қазалы мен Қармақшы аудандарында 1 науқастан айыққан.
Ерекше атап өтерлігі – екі аудандағы осы індетке шалдыққан науқастардың барлығы, атап айтқанда, Қазалыдағы 3, Қармақшыдағы 5 науқастың барлығы жазылып, үйлеріне шықты.
Осылайша коронавирустық инфекциядан жазылғандар саны өңірде 180 адамға жетіп отыр.
Аталған науқастан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

COVID-19: Қазалы мен Қармақшы ауданындағы барлық науқас айықты, облыста жазылғандар саны 180-ге жетті

<a href="https://kyzylorda-news.kz/">Kyzylorda-news.kz.</a> Қызылорда қаласына қарасты Белкөл кентіндегі тұрғын үйде өрт шығып, екі адамды түрлі деңгейде күйік шалған.
Өрт салдарынан 46 жастағы азаматтың денесінің 5-10 пайызын күйік шалып, жағдайы орташа деп есептелді.
Ал, 20 жастағы жігіттің денесінің 50-60 пайызы жарақаттанып, жағдайы ауыр деп бағаланып отыр.
<blockquote>
 «Жарақат алған азаматтар облыстық медицина орталығына жатқызылды. Дәрігерлердің қарауынан кейін 1974 жылғы азамат үйіне қайтарылды. Өртенген үй тұрғындары уақытша туыстарының үйіне орналастырылды», – деп мәлім етті облыстық төтенше жағдайлар департаменті Өрт сөндіру және авариялық-құтқару жұмыстары қызметі.
</blockquote>

Қызылордада тұрғын үйден шыққан өрттен 2 адамды күйік шалды

<a href="https://kyzylorda-news.kz/">Kyzylorda-news.kz.</a> Елімізде 42 500 теңгелік төлемді беру тәртібіне өзгеріс енгізілді. Тиісті бұйрық Еңбек және халықты әлеуметтік қорғау министрлігінің <a href="https://www.gov.kz/memleket/entities/enbek/documents/details/31731?lang=kk">сайтында</a> жарияланды.
Бұйрыққа Еңбек және халықты әлеуметтік қорғау министрі Біржан Нұрымбетов қол қойған.
Оған сәйкес 42 500 теңгелік төлем акциялары және жарғылық капиталындағы үлестері тікелей немесе жанама түрде мемлекетке тиесілі заңды тұлғалардың, екінші деңгейдегі банктердің, банк операцияларының жекелеген түрлерін жүзеге асыратын ұйымдардың қызметкерлеріне берілмейді.
Толығырақ айтқанда 42 500 теңгелік әлеуметтік төлем төмендегі санаттағы азаматтарға берілмейді:
1. БЖТ төлеушілерді қоспағанда, төтенше жағдай енгізілген күнге дейін он екі ай ішінде міндетті әлеуметтік сақтандыру жүйесіне қатысуының бір де бір ай өтілі жоқ адамдарға;
2. Өтініш берген күніне дейін дейін міндетті әлеуметтік сақтандыру жүйесіне қатысуының бір де бір ай өтілі жоқ БЖТ төлеушілерге;
3. Төтенше жағдай енгізілген күнге дейін он екі ай ішінде жинақтаушы зейнетақы жүйесіне қатысуының бір де бір ай өтілі жоқ АҚС шарттар бойынша кіріс алатын жеке тұлғаларға;
4. Еңбек немесе кәсіпкерлік қызметті (оның ішінде қашықтықтан) жалғастырған немесе ақылы еңбек демалысы берілген немесе жұмыс орындарының бірінде тоқтап тұру болған жағдайда, кәсіпкерлік қызметті қоса алғанда, екі немесе одан да көп жұмысты қоса атқаратын адамдарға;
5. Егер бір мезгілде республикалық бюджеттен немесе қордан төленетін ай сайынғы зейнетақы мен әлеуметтік төлемдерді алушылар болып табылса, төтенше жағдай енгізілгеннен кейін БЖТ-ны алғаш рет төлеген адамдарға;
6. Қазақстан Республикасынан тыс жерге тұрақты тұруға кетуіне байланысты ішкі істер органдарында тіркеуден шығарылған адамдарға;
7. Толық мемлекеттің қамсыздандыруындағы қылмыстық-атқару жүйесінің мекемелеріндегі адамдарға.
Төлемдерді жүзеге асыру үшін банк және банк шотының нөмірі туралы мәліметтер автоматтандырылған режимде бұдан бұрын қалыптастырылған ІЭМ-ге енгізіледі.
ІЭМ-ді көрсетілген мәліметтермен толықтыру туралы ақпарат автоматты түрде қордың филиалы мен Мемлекеттік корпорацияға жіберіледі.

42 500 теңгелік төлем тәртібіне өзгерістер енгізілді

<a href="https://kyzylorda-news.kz/">Kyzylorda-news.kz.</a> Қазіргі таңда Байқоңыр қалалық пробация қызметінде 101 азамат есепте тұр. Осы азаматтардың арасынан шыққан еріктілер «Жастар ресурстық орталығы» Байқоңыр қалалық бөлімінің еріктілері қатарына қосылып, Ұлы Отан соғысының ардагерлері мен тыл еңбеккерлерінің үйлеріне барып, оларға азық-түлік себеттерін сыйға тартты.
<blockquote>
 «Біз кеше Байқоңыр қаласының тұрғыны, тыл ардагері Күнзила Кішкенеева әжемізді құттықтап, Ұлы Отан Соғысындағы Жеңіске 75 жыл төсбелгісін табыс еттік. Әжейге бүгінгі бейбіт күн, ашық аспанымыз үшін алғысымызды білдірдік. Күнзила әжеміз тылдағы күн-түн демей еңбек еткен күндерін еске алып, біздерге баяндап берді. «Біздің көрген қиыншылығымызды сендер көрмеңдер, келешек сендердікі, елге адал қызмет етіңдер!» деп ақ батасын берді», – деп хабарлады біздің ақпарат агенттігіне Байқоңыр қалалық пробация қызметі бөлімінің бастығы, әділет капитаны А. Танбаев.
</blockquote>
<img src="https://kyzylorda-news.kz/wp-content/uploads/2020/05/bajkonyr-probacija-2-1.jpg" alt="" />
<img src="https://kyzylorda-news.kz/wp-content/uploads/2020/05/bajkonyr-probacija-3-1.jpg" alt="" />

Байқоңырдағы пробация есебінде тұратындар еріктілердің қатарына қосылды (ФОТО)

<a href="https://kyzylorda-news.kz/">Kyzylorda-news.kz.</a> Еліміздің әр аймағында карантин режимі қашан аяқталатыны белгілі болды. Бұл туралы&nbsp;<a href="https://web.telegram.org/#/im?p=@coronavirus2020_kz">coronavirus2020_kz</a>&nbsp;Telegram парақшасында жарияланды.
Маңғыстау, Атырау, Батыс Қазақстан, Түркістан облыстары мен Шымкент қаласында карантин режимі 25 мамырға дейін ұзартылған.
Ал Қызылорда, Алматы, Ақтөбе, Павлодар, Қостанай облыстары мен Алматы, Нұр-Сұлтан қаласында эпидемиологиялық жағдай тұрақталғанша карантин режимі сақтала береді.
Сондай-ақ, Ақмола, Қарағанды, Жамбыл облыстарында карантин эпидемиологиялық жағдайға байланысты біртіндеп алынады.
Солтүстік Қазақстан облысында карантин ерекше шарттармен ұзартылса, Шығыс Қазақстан облысында 1 маусымға дейін созылады.

Қазақстан және Қызылорда облысының жаңалықтары