<a href="https://kyzylorda-news.kz/">Kyzylorda-news.kz.</a> Қазақстанда мамырдың бірінші жартысында үш маңызды мереке тойланады. Қазіргі уақытта елде төтенше жағдай режимі жұмыс істеп жатқанына және кейбір азаматтардың демалыста жүргеніне қарамастан, жұмыс істейтін қазақстандықтар мереке күндері қосымша демала алады.
Электрондық үкімет сайтында қазақстандықтардың дәстүрлі түрде мамыр айында үш маңызды мерекені – Қазақстан халқының бірлігі күнін, Отан қорғаушылар күні мен Жеңіс күнін атап өтетіні жазылған.
Биыл 1 мамыр жұма күніне түседі, демек, жұмыс аптасы 5 күнге созылатын ел тұрғындары 2 және 3 мамырда да демалады.
7 мамыр бейсенбіге түсіп тұр, ал 9 мамыр – сенбіге тура келеді.
Елдің заңнамасына сәйкес, егер мереке демалыс (сенбі немесе жексенбі) күндеріне сәйкес келсе, онда демалыс бір күнге ұзартылады.
Алайда, 9 мамыр сенбі болғандықтан, Жеңіс күні мерекесі биыл 8 мамырға ауыстырылды, соған байланысты Қазақстан тұрғындары 7, 8, 9 және 10 мамырда демалады.

Карантин: Қазақстандықтар мамыр айында қанша күн демалады?

<a href="https://kyzylorda-news.kz/">Kyzylorda-news.kz.</a>&nbsp;&nbsp;Өздеріңізге белгілі, Төтенше жағдайлардың алдын алу және оларды жою жөніндегі облыстық комиссия Қызылорда облысы бойынша төтенше жағдай кезінде кезең-кезеңмен жұмыс жасауға рұқсат берілетін салалардың және ұйымдардың тізімін бекітті.
Аталмыш тізімге сай, 29 сәуірден бастап жұмыс жасайтын кәсіпкерлік субъектілері «Сергек» базасына тіркелу керек. Ал тіркеу жұмыстары төмендегіше жүргізіледі.
Құрылыс материалдарын шығаратын кәсіпорындарды базаға енгізуді облыстық индустриялық-инновациялық даму басқармасы жүргізеді. Байланыс құралдары: 60-54-12, 8&nbsp;775&nbsp;127 25 25, 8&nbsp;777&nbsp;499 27 19, <a href="mailto:prom11@orda.gov.kz">prom11@orda.gov.kz</a>
Сақтандыру, нотариалдық, жеке медициналық қызмет көрсету (ЛОР, стоматология, офтальмология, ультрадыбысты зерттеулер, МРТ, КТ, зертханалар, гинекология, урология), «тұтынушыға дейін жеткізу» қағидаты бойынша электроника және тұрмыстық техника сататын сауда үйлерінің қызметі және оларды жөндеу cаласындағы Қызылорда қаласындағы кәсіпкерлерді Кәсіпкерлер палатасы тіркейді. Байланыс құралдары: 8&nbsp;777&nbsp;764 33 11, 8 771 479 75 82, <a href="mailto:atameken@orda.gov.kz">atameken@orda.gov.kz</a>
Автокөлікті техникалық тексеру мен қызмет көрсету станциялары, көлік жуу, желімдеу, шаштараз, аяқ киім жөндеу, «тұтынушыға дейін жеткізу» қағидаты бойынша курьерлік қызметтерге қатысты Қызылорда қаласындағы кәсіпкерлерді қалалық кәсіпкерлік, өнеркәсіп және туризм бөлімі енгізеді. Байланыс құралдары: 8&nbsp;701&nbsp;817 37 07, 8&nbsp;777&nbsp;153 12 66, 8&nbsp;777&nbsp;334 09 27, 8&nbsp;777&nbsp;778 01 01, <a href="mailto:gopit@orda.gov.kz">gopit@orda.gov.kz</a>
Сақтандыру, нотариалдық, жеке медициналық қызмет көрсету (ЛОР, стоматология, офтальмология, ультрадыбысты зерттеулер, МРТ, КТ, зертханалар, гинекология, урология), автокөлікті техникалық тексеру мен қызмет көрсету станциялары, көлік жуу, желімдеу, шаштараз, аяқ киім жөндеу, «тұтынушыға дейін жеткізу» қағидаты бойынша электроника және тұрмыстық техника сататын сауда үйлерінің қызметі және оларды жөндеу, курьерлік қызметтермен айналысатын аудандардағы кәсіпкерлерді облыстық кәсіпкерлік және туризм басқармасы тіркейді. Байланыс құралдары: 40-10-59, 8&nbsp;702&nbsp;378 97 94, 8&nbsp;705&nbsp;442 47 42, <a href="mailto:401059@orda.gov.kz">401059@orda.gov.kz</a>
Ауыл шаруашылығы техникасы мен оған қосалқы бөлшектерін сататын жеке және заңды тұлғалар, ауылшаруашылығы техникасына сервистік қызмет көрсететін ұйымдарды облыстық ауыл шаруашылығы басқармасы енгізеді. Байланыс құралдары: 8&nbsp;700&nbsp;727 76 67, 8&nbsp;771&nbsp;340 67 77, <a href="mailto:605442@orda.gov.kz">605442@orda.gov.kz</a>
Мемлекеттік бюджет қаражаты есебінен жүргізілетін нысандардың құрылысын жүргізетін мердігер, сондай-ақ авторлық және техникалық қадағалау ұйымдарын облыстық құрылыс, сәулет және қала құрылысы басқармасы (60-53-53, 8&nbsp;708&nbsp;871 06 87, 8&nbsp;747&nbsp;740 91 46, <a href="mailto:605353@orda.gov.kz">605353@orda.gov.kz</a> ), облыстық энергетика және тұрғын үй коммуналдық шаруашылық басқармасы (60-53-97, 8&nbsp;705&nbsp;953 00 47, <a href="mailto:605397@orda.gov.kz">605397@orda.gov.kz</a> ), облыстық жолаушылар көлігі және автомобиль жолдары басқармасы (60-54-77, 8&nbsp;777&nbsp;306 17 44, 8&nbsp;775&nbsp;429 94 37, <a href="mailto:605477@orda.gov.kz">605477@orda.gov.kz</a> ) тіркейді.
<img src="https://kyzylorda-news.kz/wp-content/uploads/2020/04/bazaga-tirkew-kaz-ishine-1.jpg" alt="" />

Қызылордада 29 сәуірден бастап жұмыс жасайтын мекемелер базаға қалай тіркеледі?

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Қамбарбек Мүбәраков аудандағы жылыжайларды аралап, ондағы қызанақ пен қиярдың өнімділігін байқады.
Атап айтқанда, ЖК «Жексікбаев» жылыжайы 2019 жылдан бастап жұмыс жасауда. Жылыжайдың жалпы аумағы – 0,23798 гектар. Жылыжайда жылда қызанақ, қияр және сарымсақ өсіріледі. Биылғы жылы наурыздың екінші жартысынан бастап қияр егіліп, өз өнімдерін ауданның орталық базарына өткізуде.
ДК «Бауыржан» жылыжайы 2016 жылы іске қосылған. Жалпы аумағы – 0,0456 гектар. 2017 жылы жылыжайда қияр мен қызанақ егіліп, қиярдан 5,200 тонна, қызанақтан 3,600 тонна өнім алынды. Бүгінгі күні жылыжайда көкөніс дақылдарын егіп, өз өнімдерін алуда.
ЖК «Ата-Бас»&nbsp; жылыжайы 2016 жылдан бастап жұмыс жасап келеді. 2018 жылы ауданды көгалдандыру жұмыстары бойынша жылыжайда гүл көшеттері мен жасыл алаң (газон) отырғызылды. Биылғы жылы 0,08682 гектарға наурыз айының ортасында қияр мен гүл көшеттерін егіп, өз өнімдерін алуда.
Сонымен қатар, Шиелі кентінің шығыс бөлігінде 2 гектар жерге 20 жылыжай салынған болатын. Одан ағымдағы жылдың қараша айында 600 тонна өнім алу жоспарлануда . Аталған жобаны жүзеге асыру бағытында бекітілген кестеге сәйкес жобаға қатысатын тұлғаларды біріктіріп, жүзеге асыратын топ құрылған. Осы жобаға қатысатын кәсіпкерлердің бірігуімен жылыжай бағытында көкөніс өндіретін кооператив құрылып, тиісті жер телімдері табысталды. Жобаның нәтижесінде 20 кәсіпкердің бірігуімен 20 жылыжай құрылысы іске асырылып, тұрақты 40 жаңа жұмыс орны ашылды.
Өндірілетін өнімнің көлемі 600 тонна болғанда, жылдық табысты 150 млн. теңгеге жеткізу көзделуде.
Аудан басшысы атқарылып жатқан жылыжай жұмыстарын бақылап, жылыжайда еңбек ететін жұмысшылармен танысты. Сондай-ақ, жергілікті тұрғындарды қысқы мерзімде қажетті өнімдермен арзан бағада қамтамасыз ету үшін жоғары технологиялы жылыжай шаруашылығын әлде де белсенді дамыту керектігін айтып өтті.
<img src="https://kyzylorda-news.kz/wp-content/uploads/2020/04/shieli-zhylyzhaj-kaz-2.jpeg" alt="" />
<img src="https://kyzylorda-news.kz/wp-content/uploads/2020/04/shieli-zhylyzhaj-kaz-3-1.jpeg" alt="" />
<img src="https://kyzylorda-news.kz/wp-content/uploads/2020/04/shieli-zhylyzhaj-kaz-4.jpeg" alt="" />

Шиеліде жылыжай шаруашылығы қарқынды дамуда

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 198 адамға жетті. Соңғы тәулікте жаңадан анықталған 11 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 198 жағдай тіркелді. Соңғы тәулікте жаңадан 11 жағдай анықталды. Науқастардың барлығы – Қызылорда қаласынан. Оның төртеуі – күні кеше пневмонияға байланысты емханаға көрініп, скринингтік тексеру барысында індет жұқтырғаны белгілі болған науқастың отбасы мүшелері. Қалған жетеуі – алдында анықталған науқастармен қарым-қатынаста болып, 14 күн карантинге алынғандардың арасынан анықталды», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 198 науқаспен байланыста болғандардың жалпы саны – 2941.&nbsp;Оның ішінде, жақын қарым-қатынаста болғандар саны – 1560, потенциалды байланыста болғандар – 1381 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 83, правизорлық стационарда – 44, карантиндік стационарда – 387 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 625 тест сынамасы жасалыпты.
<blockquote>
 «Соңғы тәулікте 625 тест сынамасы жасалды. Оның 547 – теріс мәнді болып шықты. 11 оң нәтиже берді. Ал, 67 – әлі тексерілу үстінде. Бүгінде облысымызда 6002 тест сынамасының қоры қалды», – деді ол.
</blockquote>
Сондай-ақ, басқарма басшысы соңғы тәулікте анықталған науқастардың қауіпті індетті қайдан жұқтырғанын да мәлімдеді.
<blockquote>
 «Соңғы тәулікте анықталған жағдайларға келсек, коронавирустық инфекцияны отбасында және жұмыс орнында жұқтыру көрсеткіштері басым екендігін көреміз. Бірақ, жұмыс орнында жұқтыру мәселесі карантин енгізілгенге дейін анықталған. Осыған орай, карантин талаптарын қатаң сақтап, инфекцияның отбасы мүшелері арасында таралуына жол бермеу қажет. Бұл – карантиннің жеңілдетілген кезінде ерекше мән беретін нәрсе», – деді Ж. Әбілқасымұлы.
</blockquote>
Айта кетейік, кеше Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-198-boldy-59491/">198 адамға жеткенін</a>&nbsp;хабарлаған болатынбыз.

COVID-19: Соңғы тәулікте тіркелген науқастар індетті отбасы мен жұмыс орнында жұқтырған

<a href="https://kyzylorda-news.kz/">Kyzylorda-news.kz.</a> А. Тоқмағамбетов атындағы мәдениет үйінде елімізде төтенше жағдай жариялануына байланысты жалғызбасты аналарға, көп балалы отбасыларға, мүмкіндігі шектеулі балаларын тәрбиелеп отырған отбасыларға көмек көрсетілді.
Осындай қиын уақытта көмек қолын созу мақсатында қалалық мәдениет және тілдерді дамыту бөлімінің ұйымдастыруымен бөлімге қарасты «Қалалық мәдениет үйлері, клубтар және халықтық ұжымдар» МКҚК, «Қалалық тарихи музейі» КММ, «Қалалық орталықтандырылған кітапханалар жүйесі» ММ және бөлім қызметкерлерінің өз қаражаттары есебінен 50 (елу) әлеуметтік жағдайы төмен отбасыларға көмек қолын созған қайырымдылық шарасы өтті.
Бұл игі бастамаға ақын, режиссер, сценарист, Қызылорда қаласының құрметті азаматы Оңталап Нұрмаханов арнайы қатысып, сәттілік тіледі.
Жиналған азық-түлікті мәдениет үйі жанынан құрылған «Бірлік» еріктілер тобы әлеуметтік жағдайы төмен отбасылардың мекен-жайларына жеткізіп берді.

Қызылордада мәдениет саласының өкілдері 50 отбасыға көмек көрсетті

<a href="https://kyzylorda-news.kz/">Kyzylorda-news.kz.</a> Синоптиктер 30 сәуір – 2 мамыр аралығында ауа райы қандай болатынын айтты, деп хабарлайды «Қазгидромет» РМК баспасөз қызметі.
Мереке күндері Қазақстан аумағындағы ауа райын тез өзгеретін атмосфералық процестер анықтайды. Еліміздің солтүстік және оңтүстік өңірлеріне циклон әсер етеді, салдарынан кей жерлерде найзағай ойнап, жаңбыр жауады.
Бірақ республиканың батыс бөлігіне Қара теңізден келетін антициклон әсер ете бастайды. Ол шығысқа қарай ығысып, жауын-шашынның тоқтауына және республиканың басым бөлігінде ауа температурасының төмендеуіне әкеледі.

Мереке күндері елімізде ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекция жұқтырған тағы 11 науқас тіркелді.
30 сәуір 08:40-тағы&nbsp;мәлімет бойынша қауіпті індетке шалдыққан 11 науқастың барлығы – Қызылорда қаласынан.
Айта кетейік, осымен облыс бойынша коронавирустық инфекция жұқтырған науқастардың жалпы саны 198 адамға жетті.

Қызылорда облысында қауіпті індет жұқтырғандар саны 198 болды

1918 жылы&nbsp;Ташкентте өткен Түркістан кеңестерінің V төтенше аймақтық съезінде РКФСР құрамындағы Түркістан Автономиялық Кеңестік Социалистік Республикасы жарияланды.
1789 жылы&nbsp;АҚШ алғашқы президентінің ұлықтау рәсімі өтті. Ол америкалық Құрылық әскерінің бас қолбасшысы Джордж Вашингтон болды.
1945 жылы&nbsp;Рақымжан Қошқарбаев пен Григорий Булатов Рейхстагқа ту тікті.
2005 жылы&nbsp;Елбасы Нұрсұлтан Назарбаев «Қазақстан Республикасы Конституциясының 10 жылдығы құрметіне арналған мерекелік медаль туралы» Жарлыққа қол қойды.
2010 жылы&nbsp;Ұлан-Батордағы Моңғол ғылым академиясында Нұрсұлтан Назарбаевтың «Қазақстандық жол» және «Еуразия жүрегінде» кітаптарының тұсауы кесілді.
2014 жылы&nbsp;Президент Н. Нарзарбаев Жоғарғы Еуразиялық экономикалық кеңес отырысына қатысты.
2015 жылы&nbsp;Петропавлда Жеңіс саябағында азат етуші жауынгерге ескерткіш орнатылды. Оның биіктігі – 4,5 метр. Салмағы 3 тонна. Мүсін авторы Светлана Брютова.

30 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 30 сәуірге арналған жұлдыз-жорамалы.
Тоқты
Айналаңыздағы адамдармен жақсы қарым-қатынас орнатып, тез тіл табысасыз. Жұмыста табысты боласыз. Дегенмен аздап тер төгіге тура келеді. Өмірлік ұстанымдарыңыз тым жоғары. Бүгін қызықты ұсыныстар келіп түседі.
Торпақ
Түске дейінгі уақытыңыз жемісті болады. Осы уақытта алдыңыздан жаңа жол ашылып, қызықты ұсыныстар қабылдайсыз. Сонымен қатар жаңа таныстықтар күтіп тұр. Түстен кейін аздап шаршап қалуыңыз мүмкін. Жеке қалғанды қалайсыз.
Егіздер
Кез келген қиындықты жеңуге талпынасыз. Бойыңыздағы күш-қуатыңыз, мақсатқа жетуге деген талпынысыңыз барлығын жеңіп шығады. Романтикалық кездесуге барасыз. Сабырлы болыңыз.
Шаян
Күнделікті атқарып жүрген ісіңіз мақсатқа жеткізеді дей алмаймыз. Көздегеніңізге жету үшін ұшқыр қиялыңызды қосыңыз. Іскерлігіңіз барлығына ұнайтыны сөзсіз. Дегенмен сізге жан-жақтылық қажет.
Арыстан
Сәтті күн. Күніңіз жемісті басталып, барлық шаруаны кейінге қалдырмауға тырысасыз. Бүгінгі жоспарларыңызды аз уақытта орындай аласыз. Кешке қарай болашағыңызға жоспар құрыңыз.
Бикеш
Таңертеңмен аздаған қиындықтар туындайды. Бұл уақытқа ешқандай жоспар құрмаған дұрыс. Мазаң адамдармен қарым-қатынас орнатпаған жөн. Қандай да бір мәселе де тек өзіңіз шешім қабылдаңыз.
Таразы
Мазасызданбаңыз. Кез келген мәселені дер кезінде шеше аласыз. Сондықтан абыржымаңыз және көңілге қонымсыз ұсыныстардан бас тартыңыз. Түстен кейінгі уақыт тыныштықта өтеді. Осы кезде маңызды шаруаларыңызды бітіріп алыңыз.
Сарышаян
Табысқа жетемін десеңіз, мықты болуыңыз керек. Сонымен қатар шешімді дұрысқабылдай білгеніңіз жөн. Қарсыластарыңыздың алдында өз ұстанымдарыңызды қорғай біліңіз. Бүгін сізден мықты адам жоқ.
Мерген
Қызықты идеялардан, пайдалы ұсыныстардан бас тартпаңыз. Олардың барлығы қиын деп бірден шешім қабылдау дұрыс емес. Алдымен жұмыс жасап көріңіз. Сонда ғана қызықты іспен айналысып жатқаныңызды ұғасыз.
Тауешкі
Бүгін жетістікке қол жеткізіп, жұмыста жемісті боласыз. Алдыңызға зор мақсат қоя біліңіз. Сол мақсатқа жетуге мүмкіндігіңіз жеткілікті. Жаңа жұмыс көзі ашылады. Өзіңізді басқа салада сынап көріңіз.
Суқұйғыш
Қандай іс бастасаңызда жұлдыздар сізге қолдау білдіреді. Жұмыста ұсақ-түйекке мән беріңіз. Қаржыға қатысты істе тәуекелге бармаңыз. Себебі кейін материалдық қиындықтарға тап болуыңыз мүмкін.
Балықтар
Айналыңыздағы адамдармен тіл табысу қиынға соғады. Сіз үшін пікірі өте маңызды адаммен түсініспеушілік орнауы мүмкін. Түстен кейін жұмысқа деген белсенділігіңіз бәсеңдейді. Сондықтан аздап тынығып алғаныңыз жөн.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Айлардың сұлтаны қасиетті рамазанда қайырымдылық пен жақсылық жасап, сауапты іске атсалысу – әрбір исі мұсылман адамзаттың бір парызы.
Қиналғанға қол ұшын созып, мұқтаж жандарға демеу көрсету қазақтың қанында бар төре қасиет. Елімізде енгізілген төтенше жағдай режимі созылып, індетпен күрес жүріп жатқан қысылтаяң кезеңде ел Президенті Қасым-Жомарт Кемелұлы «ұлт болып ұйысып, жұдырықтай жұмылуымыз қажет» деп #BizBirgemiz атты жалпыхалықтық акциясын қолдауға шақырды.
Мемлекет басшысының игі бастамасына бірлігі мен тірлігі жарасқан Жол активтерінің ұлттық сапа орталығы Қызылорда облыстық филиалы да өзіндік үн қосты. Қайырымдылық жасауға ұйысқан ұжымның еңбеккерлері өз жалақылары есебінен әлеуметтік аз қамтылған және көпбалалы отбасыларға азық-түлік себеттерін таратып, аналар мен қариялардың алғысына бөленді.
Осы орайда жол саласының мамандары қиын-қыстау кезеңде әрбір еңбек ұжымдарын жақсы іс жасаудан жарысуға шақырады! Бірлігіміз бен елдігімізді көрсетіп, сауапты іске атсалысайық ағайын!
<img src="https://kyzylorda-news.kz/wp-content/uploads/2020/04/zhol_komek_04.jpg" alt="" />
<img src="https://kyzylorda-news.kz/wp-content/uploads/2020/04/zhol_komek_03-1.jpg" alt="" />
<img src="https://kyzylorda-news.kz/wp-content/uploads/2020/04/zhol_komek_02-1.jpg" alt="" />
<img src="https://kyzylorda-news.kz/wp-content/uploads/2020/04/zhol_komek_01-1.jpg" alt="" />

Қызылордада Жол активтерінің ұлттық сапа орталығы  қайырымды іске үн қосты (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің 2020 жылдың 29 сәуірдегі өкімімен төтенше жағдай кезеңі аяқталғанға дейін уақытша Қызылорда облысының білім басқармасының басшысы лауазымына Қасымова Ақзира Бақтыбайқызы тағайындалды.
Ақзира Бақтыбайқызы 1979 жылы дүниеге келген.
2000 жылы Қорқыт Ата атындағы Қызылорда мемлекеттік университетін физика, қосымша математика пәндерінің мұғалімі, 
2018 жылы Қаржы академиясын Экономика және бизнес магистрі мамандығы бойынша бітірген.
Еңбек жолын 2000 жылы №15 Қызылорда қалалық гимназияның физика пәнінің мұғалімі ретінде бастаған.
2000-2008 жылдары – Қазалы ауданының білім бөлімінің басшысы, 
2017-2019 жылдары – Қызылорда облысының білім басқармасының басшысының орынбасары басшы лауазымында жауапты қызметтерін атқарған.
&nbsp;2019 жылдың сәуір айына дейін Қызылорда қалалық білім бөлімінің басшысы қызметін атқарған.
<img src="https://kyzylorda-news.kz/wp-content/uploads/2020/04/bek_0712-1-scaled.jpg" alt="" />

Қызылорда облыстық білім басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a> Жыл басынан бері Қызылорда облысы бойынша медициналық ұйымдарына 16,1 млрд теңге төленді. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалдың халықты ақпараттандыру және өтініштерді қарау жөніндегі бөлімі хабарлады.
Аталған қаржыландыруды Әлеуметтік медициналық сақтандыру қоры мемлекеттік тапсырыс шеңберінде тегін медициналық қызметтер үшін және міндетті әлеуметтік медициналық сақтандыру пакеті шеңберінде жүзеге асырады.
16,1 млрд теңгенің 12,9 млрд теңгесі тегін медициналық көмектің кепілдік көлеміне берілген, 3,2 млрд теңгесі МӘМС аясындағы қызметтерге бөлінген.
2020 жылға Әлеуметтік медициналық сақтандыру қорының филиалымен 55 медициналық қызмет көрсетушілермен келісім-шарт жасалды, оның ішінде – 28 мемлекеттік медициналық ұйым (50,9%), 27 жеке меншік (49,1%).
Барлығы 57 257 829,96 мың теңгеге шарттар жасалды, оның ішінде 41 286 878, 62 млн.теңге (72,2%) тегін медициналық көмектің кепілдік берілген көлемі шеңберінде, 15 970 951,34 мың теңге (27,8%) МӘМС қаржысы құрайды.

Қазақстан және Қызылорда облысының жаңалықтары