<a href="https://kyzylorda-news.kz/">Kyzylorda-news.kz.</a> Қызылорда қаласындағы ЗК-169/5 мекемесінде бас бостандығынан айырылғандар арасында «Мен қазақша сөйлеймін» атты сайыс өтті.
Аталған мекемеде сотталғандарды түзу жолға салып, өмірге деген оң&nbsp; көзқарасын қалыптастыру үшін,&nbsp; тәрбие жұмыстарын жүргізу бөлімі үнемі тәрбиелік мәні бар шараларды ұйымдастырып келеді.
Мемлекеттік тілдің мәртебесін арттыру мақсатында ұйымдастырылған шараға өзге ұлт өкілдері қатысып, бақ сынады.
Сайыс&nbsp; 3 кезеңнен тұрды. Қатысушылар алғашқы кезеңде өздерін қазақ&nbsp; тілінде таныстырып өтті. Сотталғандардың сайысқа бар ынта жігерімен дайындалғанын таныстыру кезеңінен-ақ байқауға болады.
Сайытың екінші кезеңінде қатысушылар мақал-мәтел айтып жарысты. Мақал-мәтелді мүдірмей айтқан тәжік ұлтының азаматы қазылар алқасын таңғалдырды.&nbsp; Қатысушылар соңғы кезеңде ұлы ақын Абайдың қара сөздерін жатқа оқыды.
Сайыс барысында қатысушылар белсенділік танытып, жарыс көркін қыздыра түсті. &nbsp;
Қазылар алқасының шешімімен сайыста мақал-мәтелді мүдірмей айтқан тәжік ұлтының азаматы&nbsp; І орынды жеңіп алды. Ал ІІ және ІІІ орынды кәріс пен ұйғыр ұлтының азаматтары қанжығаларына байлады. Жеңімпаздар Алғыс хатпен&nbsp; марапатталды.

Қызылордада жазасын өтеуші өзге ұлт өкілдері арасында сайыс өтті

<a href="https://kyzylorda-news.kz/">Kyzylorda-news.kz.</a> Сырдария ауданында «Қызылдихан» шаруа қожалығы диқандары қызу жұмысты жандандыруда.
Диханшылар жаздың аптап ыстығына қарамастан егін егіп, оның бап-күтіміне кіріскен. «Егін ырыс таңдамайды, еңбек таңдайды» дегендей, қызылдихандық еңбекшіл қауым таңның атысы, кештің батысы егістік алқапта тынымсыз күй кешуде. Оған себеп те бар. Өйткені мол өнімнен үмітті диқандар кұт қамбаны алдын дәнге толтырғанша еш тыным таппайтыны анық.
Биыл «Қызылдихан» шаруа қожалығы 1040 гектар жерге ауыл шаруашылығы дақылдарын екті. Оның ішінде Сырдың басты дақылы – күріш 800 гектар жерге орналастырылды. Күріштікке «Лидер», «Ай-Керім» тұқымы себілді.
Сондай-ақ биыл алғашқы рет тәжірибеде тұқымдыққа Қызылорданың «Сыр сұлуы» тұқымы алынып, егілді. Одан бөлек 200 гектарға ескі жоңышқа, 40 гектар жерге жаңа жоңышқа орналастырылды.
Қазіргі таңда күріш толық суға бастырылды. Егінді қоға, қамыс, күрмектен қорғау мақсатында гирбицид себілді.

Сырдариялық шаруа қожалығы 800 гектар жерге күріш екті

<a href="https://kyzylorda-news.kz/">Kyzylorda-news.kz.</a> «Бақытты отбасы» партиялық жобасы аясындағы «Ана бақыты – Отбасы» тақырыбындағы Сыр аналары арасындағы үздік бейнеролик байқауының жеңімпаздары анықталды.
«Nur Otan» партиясы Қызылорда облыстық филилы бұл байқауды «Бақытты отбасы» партиялық жобасы аясында Төтенше жағдай кезінде отбасы бірлігін сақтау, отбасылық құндылықтарды дәріптеу сондай-ақ, әйел аналардың отбасындағы орны мен мерейін арттыру, олардың өнегелі істері арқылы болашақ ұрпаққа тәрбие беру мақсатында ұйымдастырған.
<blockquote>
 “Ресейлік әлеуметтанушылар мен психологтардың болжауынша карантин көптеген отбасылық жұптардың отбасылық өміріне қанағаттанбаушылық, немқұрайлық көзқарас тудырып, ажырасуға итермелеген. Біз осыны ескере келе, қазақ аналарының отбасы құндылықтарын сақтаудағы өзіндік ерекшелеріктерін дәріптеуге, олардың мерейін үстем етуді жоспарладық. Байқаудың тақырыбы «Ана бақыты -Отбасы»,- деп аталуының өзі ана мен отбасы егіз ұғым екенін дәлелдейді”, – деді облыстық партия филиалы төрағасының бірінші орынбасары Ақмарал Әлназарова.
 “Байқау 45 жасқа дейінгі Сыр аналары арасында ұйымдастырылған. Оларға «Ана бақыты – Отбасы» тақырыбында 3 минуттан аспайтын бейне жазба арқылы отбасылық маңызы бар өзіндік тәжірибесімен бөлісуге мүмкіндік берілген. Байқау жарияланған бір ай уақытта партия филиалына 60-тан астам бейнероликтер келіп түскен. Үздіктерін анықтау оңайға соқпады”, – дейді қазылар алқасының мүшесі, «Qyzyzlorda» облыстық телеарнасының редакторы, ақын Толқын Қабылша.
</blockquote>
Жалпы қазақ қоғамында «Әйел – бір қолымен бесікті, екінші қолымен әлемді тербетеді» деген тағылымды сөз бар. Бұл әйел азаматтардың – отбасының ұйытқысы, отбасында ғана емес, жалпы қоғамда да бейбітшілік пен тыныштықтың шырақшысы екенін білдірсе керек. Осындайда Елбасы Нұрсұлтан Әбішұлының: «Әйел шексіз құдірет иесі. Тарих тағылымында ең айтулы өзгерістердің барлығы әйелдердің қолымен немесе әйелдер үшін жасалады», – деген сөзі еске оралады. Шыны керек байқауға қатысқан аналардың барлығы отбасындағы ананың рөлін ашуға тырысқан.
<blockquote>
 “Дегенмен, сайыс болған соң ең мықтылары оза шабатындығы анық. Мәселен, Жалағаш, Шиелі, Сырдария аудандарынан қатысқан аналар тақырыпты аша білген. Қазылар алқасы тиісінше жүлделі орындарды да бөліп берді”, – дейді Толқын.
</blockquote>
Сонымен қазылар алқасының шешімімен Жалағаш ауданы, Аққұм ауылының тұрғыны Райкүл Ибадуллаева I орынды, Жалағаш ауданы, Шәменов ауылының тұрғыны Ақниет Қазбек пен Шиелі ауданы, Бәйгеқұм ауылының тұрғыны Ляззат Досымова II орынды, ал, Қызылорда қаласынан Айнұр Қожаниязова, Сырдария ауданы, Шіркелі ауылынан Мереке Жайсаңбаева мен Салтанат Дәуіржановалар III орынды қанжығалады.
Жеңімпаздар «Nur Otan» партиясы Қызылорда облыстық филиалының арнайы алғыс хаты және бағалы сыйлықтарымен марапатталмақ.
<blockquote>
 <a href="https://www.facebook.com/NurOtanKyzylorda/videos/3182807221739783/"></a>
 «Nur Otan» партиясы Қызылорда облыстық филиалының ұйымдастыруымен «Бақытты отбасы» партиялық жобасы аясында, «Ана бақыты – Отбасы» тақырыбындағы Сыр аналары арасындағы үздік бейнеролик байқауы бүгін өз мәресіне жетті.Байқаудың негізгі мақсаты қоғамдағы әйел аналардың отбасындағы орны мен мерейін арттыру, олардың өнегелі істері арқылы болашақ ұрпаққа тәрбие беру.Байқау қорытындысы бойынша, қазылар алқасының шешімімен 1 орынды Ибадуллаева Райкүл, лайықты деп танылды. Байқау жеңімпаздарына облыстық филиал басшылығы тарапынан бәске тігілген бағалы сыйлықтар табысталады.Ал ендеше байқау жеңімпаздарының бейнеролигін өздеріңізге ұсынамыз!#NurOtan#NurOtanQyzylorda#Bakyttyotbasy#Бақыттыотбасы
 Опубликовано <a href="https://www.facebook.com/NurOtanKyzylorda/">Nur Otan Қызылорда облысы</a> Вторник, 2 июня 2020 г.
</blockquote>

Қызылордалық аналардың арасындағы үздік бейнеролик байқауының жеңімпазы анықталды

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Мұса Қалдарбеков Жосалы кентінің кіреберісінде орналасқан «Мәңгілік Ел» монумент кешені мен «Қазақ елі» композициялық монумент кешендерін аралап, жүргізіліп жатқан қайта ағымдағы жөндеу жұмыстарымен танысты.
Мердігермен кездесуде атқарылатын жұмыстардың барысын көріп, құрылыс нысандарының кемшілік тұстарын айтып, оларды жоюға жұмыс жасау тапсырылды және тиісті сала басшыларына нақты тапсырмалар берілді.
<blockquote>
 «Әрдайым мердігерлердің құрылыс нысандарындағы жұмыстарын сапалы жасауға көңіл бөлу қажет. Бұл күндері халыққа көзбояушылық қажет емес. Осы ретте ауданымызда жүргізіліп жатқан құрылыс нысандарының сапалы болуына «Нұр Отан» партиясы Қармақшы аудандық филиалы жанындағы&nbsp; Партиялық бақылау комиссияларының да назарында болуы керек деп есептеймін.&nbsp;&nbsp; Үстіміздегі жылы «Жұмыспен қамтудың жол картасы» бағдарламасы аясында ауданымызда абаттандыру, көшелерді орташа жөндеу мен жарықтандыру, әлеуметтік нысандарды ағымдағы жөндеуден өткізу жұмыстары атқарылатын болады. Жергілікті тұрғындарды жұмыспен қамтуды көздейтін бағдарламада жоспарланған жұмыстардың сапалы жүргізілуі маңызды.&nbsp; Бұл жұмыстардың барлығы халық игілігі үшін іске асып жатыр. Жоба аясындағы атқарылатын жұмыстар тұрғындар сұранысына сай болуы керек», – деді Мұса Қалдарбеков.
</blockquote>
Бүгінгі күні «Жұмыспен қамтудың жол картасы» бағдарламасы аясында ауданымызды 40 жоба жүзеге асырылуда.
Сонымен бірге ауданда 6 әлеуметтік нысандар, елді-мекендердегі 6 көшеге орташа жөндеу жұмыстары, 4 көшеге жаяу жүргіншілер жолын салуға, 14 көшеге жарықтандыру жұмыстары, 3 нысанға абаттандыру жұмыстары жүргізіліп тұрақты және уақытша жұмыс орындарын ашу жоспарланған.
Жосалы кенті мен Төретам кентіне спорттық тренажерлық және стритболдық алаңдарының құрылысы, Төретам кентіндегі 4 көшеге орташа жөндеу жұмыстары жүргізілетін болады. Негізгі қаржы ауданның инженерлік-көліктік инфрақұрылымын жақсартуға бағытталған.
Қабылданған шаралардың нәтижесінде ауданда тұрақты және уақытша жұмыс орындары құрылып, жұмыссыздық деңгейін төмендетіліп, әлеуметтік экономикалық жағдайы жақсарады.
<img src="https://kyzylorda-news.kz/wp-content/uploads/2020/06/karmakshy-1-3-scaled.jpg" alt="" />
<img src="https://kyzylorda-news.kz/wp-content/uploads/2020/06/karmakshy-3-1-scaled.jpg" alt="" />
<img src="https://kyzylorda-news.kz/wp-content/uploads/2020/06/karmakshy-4-1-scaled.jpg" alt="" />
<img src="https://kyzylorda-news.kz/wp-content/uploads/2020/06/karmakshy-5-1-scaled.jpg" alt="" />
<img src="https://kyzylorda-news.kz/wp-content/uploads/2020/06/karmakshy-6-1.jpg" alt="" />

Қармақшы ауданының әкімі бірқатар нысандарды аралады (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысындағы жағажайлар жұмысын қайта бастады.
Жаһандық пандемияның салдары барлық кәсіпорындарға, шағын және орта бизнес өкілдеріне, оның ішінде туристік нысандарға да кері әсерін тигізіп, қызметтері тоқтаған болатын.
Осыған сәйкес, қазіргі таңда Қазақстан аумағында Төтенше жағдай режимі алынып, карантиндік шаралардың кезең-кезеңмен жеңілдеуіне байланысты, бірқатар туризм саласының қызметтері өз жұмыстарын қайта бастады.
Қазіргі таңда қала көлемінде «Сыр самалы» қалалық жағажайы, Белкөл кентіндегі «Балалар жағажайы» және Шиелі ауданында Ханқожа көлінің жағажайы («Бәйгеқұм» демалыс аймағы) демалушыларды қабылдауға дайын.
Сонымен қатар, қала көлемінде «Арай аква», «Аква Гранд», «Аква Хауз», «Селена аква», «Сабалақ аква», «Керуен», «Шах», «Дала Парк», «ПМК-26», «ПМК-29», Көксу мекен-жайында орналасқан «Сырдария толқыны» жұмыстарын жалғастыруда.
Бұдан бөлек, Арал ауданының Бас санитарлық дәрігерінің ағымдағы жылғы 31 мамырдағы №9 қаулысының 5.1 тармағына сәйкес, аудан көлемінде инфекциямен сырқаттанушылық деңгейі 0%-дан 36,6%-ға өсуіне байланысты эпидемиялогиялық ахуал тұрақталғанға дейін жағажай қызметтері өз жұмысын тоқтата тұру туралы қаулы етілді.
Осыған байланысты, Арал ауданында орналасқан «Қамыстыбас» демалыс аймағы облыс көлемінде өз жұмысын белгісіз мерзімге тоқтатып тұр.
Қазіргі таңда, COVID-19 жағдайының өршуі толық жойылмауына байланысты, жоғарыда аталған демалыс аймақтарына барған кезде карантиндік шараларды қатаң сақтай отырып, сақ жүру қажет.
<img src="https://kyzylorda-news.kz/wp-content/uploads/2020/06/zhagazhaj.jpeg" alt="" />
<img src="https://kyzylorda-news.kz/wp-content/uploads/2020/06/zhagazhaj1-1.jpeg" alt="" />
<img src="https://kyzylorda-news.kz/wp-content/uploads/2020/06/zhagazhaj2.jpeg" alt="" />

Қызылордада жағажайлар қызметі жандануда

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясының Қызылорда облысы бойынша филиалының директоры Айдын Қайруллаев қаладағы оқу орындары мен медициналық ұйымдарда орналасқан өзіне-өзі қызмет көрсету секторларын аралап, қызмет көрсету жұмыстарымен танысты.
Мемлекеттік қызметтерді электронды түрде алу ретін барынша ыңғайлы қылу үшін қаламыздағы ХҚО ғимаратынан тыс жерде өз бетінше қызмет алуға болатын 60-тан астам egov бұрыштары жұмыс істеуде. Алдағы уақытта қосымша тағы 20-дан астам бұрыштар ашу жоспарлануда. Онда компьютері немесе интернетке қосылу мүмкіндігі жоқ азаматтар egov порталында қолжетімді қызметтерді өздігінен ала алады.
<blockquote>
 «Енді қызылордалықтар электронды қызметтерді өз бетінше үйде, кеңседе немесе өзіне-өзі қызмет көрсету секторларында ала алады. Бұл жасалынып жатқан шаралар Халыққа қызмет көрсету орталықтарының ғимараттарында азаматтардың жиналуын болдырмау және вирустың таралу қаупін азайтуға мүмкіндік береді. Бүгін қаламыздағы бірқатар egov бұрыштарын аралап шықтым. Барлық талапқа сай. Осы секторлар арқылы енді тұрғындар қызметтерді онлайн түрде алуына болады», – деді Айдын Қайруллаев.
</blockquote>
Сонымен қатар, филиал директоры аудан орталықтары мен ХҚО ғимараттарындағы өзіне-өзі қызмет көрсету секторларының бұрынғыдай жұмыс істейтінін айтып өтті. Ауылдық округтерде электрондық қызметтерді жергілікті әкімдіктер ғимаратында орналасқан egov бұрыштарында өз бетінше алуға болады.
Қазіргі таңда өзіне-өзі қызмет көрсету секторлары арқылы жалпы 4 мыңнан астам қызмет көрсетіліп, мыңға жуық тұрғын электронды цифрлы қолтаңба (ЭЦҚ) алып, мобильді азаматтар базасына тіркелен.
Айта кетейік, 1 маусымнан бастап қаламызға қарасты барлық мектептердегі egov бұрыштары өз жұмысын бастады. Бүгінгі таңда оқу орындары арқылы тұрғындар онлайн түрде баланы бірінші сыныпқа тіркеп, қажетті анықтамаларды өз беттерінше алуда.
<img src="https://kyzylorda-news.kz/wp-content/uploads/2020/06/02-6.jpg" alt="" />

Айдын Қайруллаев: Egov бұрыштары барлық талаптарға сай жұмыс жасауда

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Нұрлыбек Нәлібаев «Алтын белгі» мен «Үздік аттестат» иегерлерін және барша түлектерді онлайн құттықтады.
<blockquote>
 «Түлектеріміздің жоғары нәтижеге қол жеткізіп, үздіктер сапынан көрінуінде уақытпен санаспай қызмет жасаған мектеп басшылары мен ұстаздарымыздың еңбегі айрықша. Ұстаздарымыз осы жолда қаншама тер төкті. Сондықтан, мен осы кездесуді пайдалана отырып барша ұстаздар қауымына алғысымды білдіремін. Біздің және ұстаздар мен ата-аналардың арманы – ұл-қыздарымыздың азамат атанып, қаламызға ғана емес, Тәуелсіз Қазақстанға абыройлы еңбек еткенін көру. Ал, жас түлектердің арманы – қалаған жоғары оқу орындарына түсіп, мектептен алған білімдерін жалғастыру. Сіздердің армандарыңыздың орындалуы үшін бірінші кезекте білім жолында тынымсыз талпыныс, үздіксіз ізденіс қажет деп есептеймін. Бұл – біздің бүгінгідей жаңалығы желмен жарысқан заманның басты талабы. Осыны естен шығармағайсыздар. Қолдарыңызға тиген аттестаттарыңыз құтты болсын. Алдағы сынақтан жақсы нәтижеге қол жеткізіңіздер» – деген қала әкімі «Алтын белгі» және «Үздік аттестат» иегерлеріне қалаған жоғары оқу орындарына түсіп, кәсіби мамандық иесі атанып, еліміздің дамуы жолында еңбек етуде баршаның сенімін білдіре отырып, түлектерге ақ жол тіледі.
</blockquote>
Жалпы, үлкен құрметке ие болған түлектердің бұл кездесуде қуаныштарында шек болмады. Мұнан әрі, №3 мектеп-гимназиясының “Алтын белгі” иегері Анель Мұханбет және ата-ана Болат Қожанбаев ақ тілектерін жеткізді.
Айта кетейік, қала бойынша 50 мектептен барлығы 1881 оқушы 11 сыныпты бітірді. Оның ішінде 154 оқушы «Алтын белгі», 114 оқушы «Үздік аттестат» иегері.
Барлық түлектердің ішінен Ұлттық Бірыңғай тестілеуге қатысуға 1716 оқушы өтініш білдірген. ҰБТ маусым айының 20-сы мен шілде айының 5-і күндері аралығында өтеді. Мектеп бітірушілер Қорқыт Ата атындағы Мемлекеттік университетінің №5 ғимараты және «Мұрагер» мектебінде орналасқан тестілеу пунктінде тест тапсырады.
Бітіру кештері әр мектептің ауласында оқушылар арасындағы алшақтықты сақтап, сынып-жиынтықтарының бір мезгілдік санымен әр сынып кестеге сәйкес жеке өткізілді.

Қызылорда қаласының әкімі мектеп түлектерін онлайн құттықтады

<a href="https://kyzylorda-news.kz/">Kyzylorda-news.kz.</a> Ұлттық бірыңғай тестілеу 20 маусым – 5 шілде аралығында өтеді. Оған қатысуға 131 мыңнан астам адам өтініш берген.
Биыл Ұлттық бірыңғай тестілеу форматы өзгермесе де, қағидаларына жаңашылдық енгізілді. Енді тестілеуде тыйым салынған зат қолданған талапкердің ҰБТ нәтижесімен қоса білім беру гранты да жойылады.
№1.&nbsp;ҰБТ қашан өтеді және қанша адам тапсырады?
Тестілеуге мектеп түлектерінен&nbsp;111 109&nbsp;өтініш түскен. Мектепті биылға дейін бітіргендерден түскен өтініштерді қосқанда барлығы&nbsp;131 755&nbsp;адам ҰБТ тапсырады. Елде ҰБТ&nbsp;20 маусым мен 5 шілде&nbsp;аралығында&nbsp;161 тестілеу пунктінде&nbsp;өтеді.
№2.&nbsp;ҰБТ рұқсатнамалары қашан дайын болады?
Пандемияға байланысты үйреншікті жыл сайынғы орындарға отырғызу және тест тапсырушыларды аудиторияларға реттеу осы жылы кешіктірілді. Себебі, құзіретті органдармен барлық қауіпсіздік шаралары келісіліп, 5 кезеңді залалсыздандыру жұмыстары ұйымдастырылуда. Соған қарамастан 3 маусымда тест тапсырушылардың рұқсатнамалары дайын болады.
№3.&nbsp;ҰБТ форматы өзгерді ме?
Жоқ, өзгермеді. Түлектер үш міндетті және екі бейінді пән бойынша қағаз арқылы тест тапсырады. Тест тапсырмаларының саны бұрынғыдай –&nbsp;120, ең жоғары балл –&nbsp;140.
№4.&nbsp;Биыл ҰБТ-ға қандай жаңашылдық енгізілді?
Білім және ғылым министрі Асхат Аймағамбетов биыл ҰБТ қағидаларына бірнеше жаңашылдық енгізілгенін айтты:
тестілеуге кіретін қатысушыға алғаш рет бет-әлпетін тану – Face ID көмегімен&nbsp;тұлғаны сәйкестендіру тәсілі&nbsp;қолданылады;
2020 жылы ҰБТ сертификаты&nbsp;электрон нұсқада&nbsp;беріледі;
білім беру грантын тағайындауда да&nbsp;электрон куәлік&nbsp;енгізілген;
академиялық кезең аяқталғанға дейін ҰБТ-да шекті балын жинай алмағандар жыл бойы тестілеуден өте алады.
№5.&nbsp;Шекті балл қалай өзгерді?
Педагогика мамандықтарына түсушілерге талап күшейді. Осы мамандыққа тапсыратындардың шекті балы&nbsp;60-тан 70-ке дейін көбейді. Қалған мамандықтар бойынша өзгеріс жоқ.
№6.&nbsp;Қолдануға тыйым салынған зат үшін қандай шара қолданылады?
Металл анықтағыштан өткен кезде “шпаргалка”, құлаққап, смартфон секілді кез келген тыйым салынған зат табылса, тест тапсырушыға&nbsp;аудиторияға өтуге автоматты түрде рұқсат етілмейді. Ал талапкерлерден тестілеу кезінде қолдануға тыйым салынған заттар табылса немесе ҰБТ бейнежазбасын қарағанда мұндай көмекші заттар пайдаланғаны анықталса,&nbsp;ҰБТ нәтижесі мен білім беру гранты&nbsp;жойылады.
№7.&nbsp;Тестілеу уақыты қандай?
Бұрын ҰБТ тапсыру уақыты 3 сағат 50 минут еді. Биыл тестілеуге 10 минут қосылып, 4 сағатқа дейін ұзартылды.
№8.&nbsp;ҰБТ-да санитарлық талаптар қалай сақталады?
Тестілеу кезінде санитария талаптары қатаң сақталады. Коронавирус таралуына байланысты сақтық шаралары:
тестілеу пункттерінде қойылған баррикада ленталарында нүктелер белгіленіп, талапкерлер бір-бірінен 2 метр қашықтықты сақтап кіреді;
тест тапсырушылар залалсыздандыру туннелінен өтеді;
аяқкиім арнайы кілемшелермен, қол санитайзерімен залалсыздандырылады;
тестілеуге кірерде әр талапкердің дене қызуы өлшеніп, медицина маскасы таратылады;
тестіні 2 метр қашықтықта отырып тапсырады.
№9.&nbsp;Ата-анаға тестілеу пунктіне келуге рұқсат етіле ме?
Ата-анаға, балаларды алып жүруші тұлғаларға ҰБТ пункттерінде күтуге тыйым салынады. Ата-ана тестілеу барысын ҰБТ өтіп жатқан жерге келмей-ақ, үйінде отырып көруі үшін онлайн трансляция жасалады. Онлайн трансляцияға арналған сілтеме БАҚ, әлеуметтік желілер арқылы таратылып, көпшілікке жария етіледі. Кез келген адам сілтеме арқылы өтіп, ҰБТ-ның қалай өтіп жатқанын көре алады.
№10.&nbsp;Ұлты қазақ азаматтар тестілеуге қатысу үшін шекарадан өте ала ма?
Иә. Олар үшін шекара ашық болады. Шетелде білім алған, Қазақстан азаматы болып табылмайтын ұлты қазақ азаматтар ҰБТ-ға қатысу үшін Ұлттық тестілеу орталығымен шекарадан кедергісіз өту бойынша жұмыстары жүргізіліп жатыр.
№11.&nbsp;140 балл жинағандарға ноутбук берілетіні рас па?
Иә, рас. Тестілеуден өз күшімен, әділ жолмен 140 ұпай жинаған әрбір тест тапсырушыға заманауи, соңғы модельдегі ноутбук сыйға беріледі.
№12.&nbsp;ҰБТ-ны қалай бақылауға болады?
Биыл кез келген адам ҰБТ-ны Digital Agent қосымшасы арқылы бақылай алады. ҰБТ өткізу ережелерін бұзу фактісі анықталса, Digital Agent арқылы фото/бейне жазбаны тікелей жібере алады немесе 1414 және 1424 телефондарына хабарласа алады. Орталық әрі қарай шара қолданады. ҰБТ-ның өткізілуін Сыбайлас жемқорлыққа қарсы қызмет жанындағы арнайы мониторингтік топтың мүшелері қадағалайды.
№13.&nbsp;Калькулятор пайдалануға бола ма?
Иә, тестілеуге қатысушыларға&nbsp;қарапайым калькулятор беріледі.&nbsp;Қазіргі уақытта ҰБТ-да функционалдық сауаттылықты бағалайтын тапсырмалар саны 35%-дан аспайды. Министрлік тестілеуде калькуляторды қолдану бойынша бірқатар зерттеулер жүргізген. Формулаларды, пропорцияларды, аксиомаларды, математиканың теоремаларын, физика заңдарын қалай қолдану керектігін білмей, химиялық реакциялардың процестері мен жағдайларын түсінбей, тест тапсырмаларына жауап беру мүмкін емес. Халықаралық тәжірибеге талдау жүргізіп, көптеген емтихандарда (SAT, ACT, GRE) калькуляторды қолдануға рұқсат етілді. Осылайша, ҰБТ кезінде барлық тестіленушілер қарапайым арифметикаға арналған калькуляторлармен қамтамасыз етіледі.&nbsp;Алайда өзімен бірге калькуляторды алып келуге тыйым салынады.
№14.&nbsp;ҰБТ-да қандай заттар қолдануға тыйым салынады?
фотоаппарат;
пейджер;
ұялы телефон;
планшет;
ноутбук;
плеер;
ақпарат беретін материалдар мен анықтамалар;
“шпаргалка”;
шимай дәптер алып кіруге және қолдануға болмайды.
Химияны таңдау пәні ретінде таңдаған оқушылар Менделеев пен тұздың еру кестесін алып кіре алады. Оқушы өзімен бірге су, көк не қара түсті қалам, сызғыш, қарындаш кіргізуіне рұқсат.
№15.&nbsp;Тестілеу кезінде не істеуге болмайды?
сөйлесуге;
орнынан тұруға;
жүруге;
аудиториядан рұқсатсыз шығуға;
орын ауыстыруға;
кез келген материалмен алмасуға;
кітапшаны ауыстыруға;
көшіруге;
алдын ала берілген тест жауаптарын пайдалануға болмайды.
Тәртіп бұзғандар аудиториядан шығарылып, олардың жауап парақтары қабылданбайды.
Жауап парағын бояу кезінде:
түзетуге арналған сұйықтықты пайдалануға;
көк немесе қара түсті қаламнан өзгесін қолдануға;
қауырсынмен, гель қаламмен жазуға;
қарындашпен бояуға;
жауап парағын бүктеп, жыртуға тыйым салынады.
№16.&nbsp;2020 жылы қанша білім беру гранты бөлінді?
Биыл жоғары білімі бар кадрларды (бакалавр) даярлауға бөлінген грант саны –&nbsp;53 864. Гранттың басым бөлігі инженерлік, өңдеу және құрылыс салалары – 14 681, педагогикалық ғылымдар – 8 243, жаратылыстану ғылымдары, математика және статистика – 4 088, ақпараттық-коммуникациялық технологиялар – 3 815, денсаулық сақтау мамандықтарына – 2 700 бөлінген. Соның ішінде “Қала құрылысы, құрылыс жұмыстары және азаматтық құрылыс” мамандығына ең көп грант бөлінген – 2 500.
<a href="https://informburo.kz/kaz/132-my-mtker-54-my-grant-biyly-tlekter-bt-dan-srnbey-tu-shn-nen-blu-tis.html">Informburo.kz</a>

Биылғы түлектер ҰБТ-дан сүрінбей өтуі үшін нені білуі тиіс?

<a href="https://kyzylorda-news.kz/">Kyzylorda-news.kz.</a> Бүгін Қызылорда облысындағы барлық мектептерде күшейтілген санитариялық-дезинфекциялық режиммен, бекітілген тәртіпте салтанатты түрде түлектерге аттестат тапсыру рәсімі өтті.
Қызылордада биылғы оқу жылында 6059 бітіруші мектепті аяқтады.&nbsp;Олардың &nbsp;548-і «Алтын белгі», 363-і «Үздік аттестат» иегері атанды.
Мектеп бітіруші оқушылардың соңғы қоңырау шарасы мен аттестат алу рәсімі біріктіріліп өткізілді. Аттестат тапсыру барысында санитарлық сақтық шаралары қатаң сақталды. Шараға қатысушылар арасында әлеуметтік ара-қашықтық, оның алдын ала орындарының белгіленуі, маскалық режим және барынша қатысушылар санын шектеу талап бойынша сақталды. Шарада түлектердің тек ата-анасы немесе заңды өкілдері қатыстырылды.

Қызылордада мектеп бітірушілерге аттестат тапсырылды

<a href="https://kyzylorda-news.kz/">Kyzylorda-news.kz.</a> «Қызылорда – Жезқазған» автожолы жобасын талқылауға арналған қоғамдық тыңдаулар Қызылорда және Қарағанды облысында өтеді, деп хабарлайды ИИДМ баспасөз қызметі.
<blockquote>
 «ҚР ИИДМ Автомобиль жолдары комитеті 2020 жылғы 8 және 12 маусым аралығында «Республикалық маңызы бар «Қызылорда-Павлодар-Успенка-РФ шекарасы» автомобиль жолының ұзындығы 412 шақырымды құрайтын «Қызылорда-Жезқазған» (12-424 шақырымы) учаскесін қайта жаңарту» жобасының техникалық-экономикалық негіздемесі мен «Қоршаған ортаға әсер етудің алдын ала бағасы» жобасын ашық жиналыста талқылау мақсатында қоғамдық тыңдауларды өткізеді», – делінген ИИДМ баспасөз қызметінің хабарламасында.
</blockquote>
Қызылорда облысында қоғамдық тыңдауды өткізу мерзімдері мен орындары:
– 2020 жылғы 11 маусымда сағат 16:00-де, Қызылорда қаласы, Достық үйі ғимараты.
– 2020 жылғы 12 маусымда сағат 10:00-де, Сырдария ауданы, Тереңөзек елді мекені, Мәдениет үйі ғимараты.
– 2020 жылғы 12 маусымда сағат 16:00-де, Шиелі ауданы Шиелі елді мекені, «Арман» мәдениет үйі. Қарағанды облысында қоғамдық тыңдауды өткізу мерзімдері мен орындары:
– 2020 жылғы 8 маусымда сағат 11:00-де, «НұрОтан» партиясының Жезқазған қаласы бойынша филиалының ғимараты.
– 2020 жылғы 8 маусымда сағат 16:00-де, Талап елді мекені селосы, №14 мектептің ғимараты.
– 2020 жылғы 9 маусымда сағат 10:00-де, Ұлытау ауданы, Ұлытау елді мекені, Абай көшесі, 27.
– 2020 жылғы 9 маусымда сағат 17:00-де, Ұлытау ауданы Мибұлақ елді мекенінің клуб ғимараты.
<blockquote>
 «Сондай-ақ Қызылорда және Қарағанды облыстарында 2020 жылғы 16 мамыр мен 22 маусым аралығында сауалнама түріндегі қоғамдық тыңдаулардың өтіп жатқандығын еске саламыз. Қоғам өкілдері тарапынан ұсыныстар мен шағымдар электронды түрде қабылдануда. Сауалнама Қызылорда облысында 2020 жылғы 16 мамыр мен 13 маусым аралығында, Қарағанды облысында 2020 жылғы 22 мамыр мен 22 маусым аралығында өтеді», – делінген хабарламада.
</blockquote>
<img src="https://kyzylorda-news.kz/wp-content/uploads/2020/06/zhol-1.jpg" alt="" />

«Қызылорда – Жезқазған» автожолы жобасына қатысты қоғамдық тыңдаулар өтеді

<a href="https://kyzylorda-news.kz/">Kyzylorda-news.kz.</a> Байқоңыр – күллі адамзаттың игілігі, оның әлемдік космонавтикадағы тарихи рөлі даусыз. Бұл пікірді Мемлекет басшысы Қасым-Жомарт Тоқаев Ресейдің «Комсомольская правда» газетіне берген сұхбатында айтты, деп хабарлайды <a href="https://www.inform.kz/kz/baykonyr-kulli-adamzat-igiligi-onyn-kosmonavtikadagy-tarihi-roli-dausyz-kasym-zhomart-tokaev_a3657307">ҚазАқпарат.</a>
<blockquote>
 «Ғарыш саласындағы бірлескен өзара іс-қимылдар мен Байқоңыр қаласын бірлесіп дамыту ісі – Қазақстан мен Ресейдің көпжақты ынтымақтастығының айқын көрінісі. Ғарыш айлағының тіршілігі мен оның тиімді даму мәселелерін Үкіметаралық комиссия қарастырады. Әсіресе, байланыс, телевизия және ғылыми зерттеулер саласында қолданылатын азаматтық ғарыш аппараттарын құру мәселесіне басымдық беріледі. «Гагарин старты» жобасы бойынша бірлескен жұмыстар атқарылуда. Ғарышқа жол ашқан осы тарихи алаңды жаңғыртуға Қазақстан, Ресей және БАӘ инвесторлары қаражат салуға ниетті», – деді Қасым-Жомарт Тоқаев.
</blockquote>
Сонымен бірге, Президент уытты отын пайдаланатын «Протон» зымыранының орнына экологиялық таза тасымалдаушыларда аппарат ұшыруды көздейтін «Бәйтерек» кешенін еске салды.
<blockquote>
 «Екі ел экономикасының дамуына айтарлықтай үлес қоса алатын «Байқоңыр» еркін экономикалық аймағын құру туралы Қазақстанның бастамасын ерекше атап өткім келеді. Биыл қазан айында ғарыш айлағының салынғанына 65 жыл толады. Біздің елдеріміз бұл атаулы датаны лайықты дәрежеде атап өтуі керек деп санаймын. Өйткені Байқоңыр – бүкіл адамзаттың игілігі. Оның әлемдік космонавтикадағы тарихи рөлі зор», – деді Қасым-Жомарт Тоқаев.
</blockquote>

Қасым-Жомарт Тоқаев: Байқоңыр күллі адамзат игілігі, оның космонавтикадағы тарихи рөлі даусыз

<a href="https://kyzylorda-news.kz/">Kyzylorda-news.kz.</a> Арал ауданында карантин режимі кезіндегі талаптардың сақталуын қадағалау мақсатында құрылған жұмысшы топ мүшелері түнгі рейд жұмыстарын үздіксіз жалғастыруда.
Аталған топ жүргізетін рейд кезінде көңіл көтеру орындары, мейрамханалар, дәмханалар, дүкендер және өзге де қоғамдық тамақтану орындары мен саябақтар қамтылып отыр.
Аудан әкім Мұхтар Оразбаев бастаған мобильді топ мүшелері үш бағытқа бөлініп, індеттен сақтану бойынша түсіндірме жұмыстарын жүргізді. Сонымен қатар, арнайы дыбыс күшейткіш құралдары арқылы әрбір аумақ бойынша шектеу шаралары үздіксіз хабарланды.
Рейд барысында карантин талаптарын ескермей, бетпердесіз демалыс алаңдарында көптеп шоғырланған аудан тұрғындары мен бірқатар кәсіпкерлік нысандардың уақытылы жұмысын тоқтатпау фактілері анықталды. 
Анықталған көріністер бойынша әрбір тұрғынға, кәсіп иесіне аудандағы қалыптасқан ахуал жайы айтылып, вирустың таралуын тежеу бағытында жекелей түсіндірме жұмыстары жүргізілді. Өкінішке орай, көпшілік халықтың амандығына негізделген ортақ мүддеге әлде де немқұрайлық танытып, құлақ аспауда.
Осыған орай жұмысшы топ мүшелері аудандағы эпидемиологиялық ахуал әзірге күрделі екенін ескертеді. Сондықтан да, барша аудан тұрғындарын коронавирус инфекциясының таралуының алдын алуда зор жауапкершілік танытып, енгізілген шектеулерді қатаң сақтауға шақырады. Бұл – баршаға ортақ міндет.
<img src="https://kyzylorda-news.kz/wp-content/uploads/2020/06/aral1-1.jpg" alt="" />
<img src="https://kyzylorda-news.kz/wp-content/uploads/2020/06/aral2-1.jpg" alt="" />
<img src="https://kyzylorda-news.kz/wp-content/uploads/2020/06/aral3-1.jpg" alt="" />
<img src="https://kyzylorda-news.kz/wp-content/uploads/2020/06/aral4-1.jpg" alt="" />
<img src="https://kyzylorda-news.kz/wp-content/uploads/2020/06/aral5-1.jpg" alt="" />

Қазақстан және Қызылорда облысының жаңалықтары