<a href="https://kyzylorda-news.kz/">Kyzylorda-news.kz</a>. Қазақстан Республикасы Президенті Әкімшілігінің келісімі бойынша облыс әкімінің міндетін атқарушысының өкімімен Қазбекова Мира Жомартқызы облыстық ішкі саясат басқармасының басшысы лауазымына тағайындалды.
Мира Қазбекова 1984 жылы туған. Қорқыт Ата атындағы Қызылорда мемлекеттік университетін «Қазақ тілі мен әдебиеті пәнінің мұғалімі», Қызылорда қаласындағы «Болашақ» университетін «Заңгер» мамандықтары бойынша бітірген.
Еңбек жолын 2005 жылы Мемлекеттік қызметшілерді және бюджеттік сала қызметкерлерін қайта даярлау және олардың біліктілігін арттыру өңірлік орталығы Қызылорда облыстық баспасөз клубының маманы ретінде бастаған.
2005-2008 жылдары Қызылорда қаласы әкімі аппаратының жетекші маманы-баспасөз хатшысы, Қызылорда облыстық ішкі саясат департаментінің бас маманы жауапты қызметтерін атқарған.
2008-2017 жылдары Қызылорда қаласы әкімінің бас инспекторы-баспасөз хатшысы, Қызылорда қаласы әкімі аппаратының бөлім басшысы, Қызылорда облысының мұрағаттар мен құжаттама басқармасы басшысының орынбасары.
2017-2019 жылдары Қызылорда қалалық мәдениет және тілдерді дамыту бөлімінің басшысы, Қызылорда қаласы әкімі аппаратының басшысы басшылық лауазымын атқарған.
2019 жылдан осы кезге дейін Қызылорда қаласы әкімінің орынбасары лауазымында қызмет атқарып келді.
<img src="https://kyzylorda-news.kz/wp-content/uploads/2020/05/whatsapp-image-2020-05-27-at-19.17.33.jpeg" alt="" />

Қызылорда облыстық ішкі саясат басқармасының басшысы тағайындалды

<a href="https://kyzylorda-news.kz/">Kyzylorda-news.kz</a>. Қызылордалық полицейлер бірнеше мал ұрлығына қатысы бар күдіктіні ұстады, деп хабарлайды <a href="https://polisia.kz/38-zhastaghy-turghyn-birneshe-ret-mal-urlaghan/">Polisia.kz.</a>&nbsp;
22 сәуір күні түнгі уақытта белгісіз адам Жалағаш ауданы Аққұм ауылдық округі тұрғынының мал қорасынан құны 600 000 теңге тұратын бір бас жылқыны жасырын ұрлап, оқиға болған жерден бой тасалаған. 25 сәуір күні жедел іздестіру жұмыстарының нәтижесінде, күдікті 38 жастағы күдікті ұсталды.
Күдіктінің басқа да қылмыстарға қатыстылығын тексеру барысында оның былтыр желтоқсанда Қызылорда қаласында мал ұрлығының ауыр санаттағы екі дерегін, биылғы жылдың басында бір мал ұрлығына қатыстылығы&nbsp;анықталды.
Барлық деректер бойынша ҚР Қылмыстық кодексінің 188-1-бабының 3-бөлігінің 2-тармағымен (мал ұрлығы) сотқа дейінгі тергеп- тексеру амалдары жүргізіліп жатыр.
Қазіргі таңда күдікті кінәсін мойындап, Жалағаш аудандық полиция бөлімінің уақытша ұстау абақтысына қамаққа алынды.
<blockquote>
 «Облыс көлемінде биыл төрт айда 153 мал ұрлығы тіркеліп (былтыр – 159), өткен жылмен салыстырғанда 3,8 пайызға төмендеді. Жыл басынан 229 мал басы ұрланып, жәбірленушілерге қайтарылып, тергеу жүргізу кезінде күдіктілерден жалпы 17 404 000 теңге келтірілген мүліктік шығындары өндірілген. Облыс бойынша жыл басынан бері мал ұрлығымен айналысқан 59 қылмыскер ұсталып, олармен жасалған 72 қылмыс дәлелденіп, тиісті шешім қабылданды. Сонымен қатар, 13 қылмыстық топ құрықталып, олармен 45 мал ұрлығы қылмысын жасағандары белгілі болды, оның 38-і ауыр түріндегі және 13-і “өткен жылдар” санатындағы қылмыстар. Жергілікті атқарушы органдармен бірлесіп, мал шаруашылығымен айналысатын тұрғындарға малдарды таңбалау, сырғалау мәселелері бойынша үгіт-насихат жұмыстары жүргізіліп жатыр. Тұрақты негізде түнгі рейдтік іс-шаралар өткізіледі, республикалық маңызы бар жолдарда және ұрланған мал таситын жерлерде бекеттер қойылды. Тәулік бойы ветеринариялық инспекторлармен бірге малдарды құжатсыз тасымалдауды анықтау және жолын кесу бойынша жұмыстар жүргізіледі. Жергілікті жерлерде осы фактілер анықталған жағдайда әкімшілік жазаға тарту үшін хаттама ресімделеді», – деп атап өтті Қызылорда облысы Полиция департаменті басшысының орынбасары Серік Шалхаров.
</blockquote>

Қызылордада бірнеше рет мал ұрлаған тұрғын ұсталды

<a href="https://kyzylorda-news.kz/">Kyzylorda-news.kz.</a> Қызылорда облысы аумағындағы автомобиль жолдарының ұзындығы 3397 км құрайды. Оның 1016 шақырым республикалық, 557 шақырым облыстық және 1824 шақырым аудандық маңызы бар жолдар. Бұл туралы Өңірлік коммуникациялар қызметінің ақпараттық алаңында өткен баспасөз конференциясында Облыстық жолаушылар көлігі және автомобиль жолдары басқармасының басшысы Мұрат Тілеумбетов мәлімдеді.
<blockquote>
 «Қызылорда облысында салынатын және жөндеуден өткізілетін жолдарға байланысты облыстық және республикалық бюджеттен қаржы бөлініп, 488 км автомобиль жолдары мен көшелер және 11 көпір өткелдерін жөндеуден өткізу жоспарлануда. Яғни автомобиль жолдары мен елді мекендердің көшелері және көпірлер жөндеуден өткізіледі. Сондай-ақ, еліміздегі төтенше жағдай барысында қабылданған шешімге байланысты азаматтарды жұмыспен қамту және 231 км жолдарды, көшелерді мен көпірлерді жөндеу үшін республикалық және облыстық, аудандық бюджеттен қаржы бөлінді. Атап айтқанда республикалық бюджет, оның ішінде 50/50 паритеті бойынша 23 жоба, «Өңірлерді дамыту» бағдарламасы 1 жоба, «Ауыл-ел бесігі» бағдарламасы 44 жоба, «Жұмыспен қамтудың жол картасы» 1752 адам жұмыспен қамтылады. Облыстық бюджет, оның ішінде 50/50 паритеті бойынша 40 жоба, жолдар мен көшелер және көпірлерді жөндеу. «Ауыл-ел бесігі» бағдарламасы, «Жұмыспен қамтудың жол картасы» 887 адамды жұмыспен қамтылады. Аудандық (қалалық) автомобиль жолдары мен көшелері және көпірлерін жөндеу үшін де бюджеттен қаржы бөлінді. Яғни кент, елді мекендердің көшелері жөнделеді», – деді сала басшысы.
</blockquote>
Айта кетейік, өткен жылмен салыстырғанда биыл облыстық және аудандық маңызы бар автомобиль жолдарының индикаторлық көрсеткішін 69 пайызға жеткізу межеленіп отыр. Бұл көрсеткіш өткен жылы 65%-і құраған.

Қызылордада биыл 448 шақырым автомобиль жолдары жөндеуден өтеді

<a href="https://kyzylorda-news.kz/">Kyzylorda-news.kz.</a> Кеңес үкіметі орнағанда қазақтарға деген көзқарас – кезінде Американы жаулаушылардың үндістерге деген көзқарасындай болды деуге болады.
Бұл күн қазақ халқы үшін еленетін күндердің бірі болып табылады. Себебі қазақ халқының ХХ ғасырдағы тағдыры кеңестік үкімет тарапынан қуғын-сүргінге толы кезең болды. ХХ ғасырдағы Столыпиннің аграрлық реформасын іске асыру негізінде қазақтардың жерлері тартып алынып Ресей империясының ішкі аймақтарынан келгендерге берілсе, 1916 жылғы көтеріліс кезінде орыс әскерлерінің жазалаушы отрядтары жүздеген, мыңдаған қазақтарды күнделікті қырып жатты. Кеңес үкіметі орнағанда қазақтарға кезінде Американы жаулаушылардың үндістерге қарағандай көзқарасы орнады деуге болады.
Мұстафа Шоқайдың «Туркестан под властю Советов» атты еңбегінде Сыр бойында «Кеңес үкіметінің өкілі Гержот миллион қазақты қырып-жойды» деген мәлімет бар. Бұл асыра сілтеушілік болса керек, бірақ бұлай жазудың өзі мыңдаған қазақтың қырылғанын білдіреді. Кеңес үкіметінің басшылығындағы кемшіліктер 1920-1921 жылдары Қазақ жерінде орын алған ашаршылықтан жүздеген мың қазақтың қырылуына әкелді. Ал 20-шы жылдардың соңындағы ұжымдастыру бағдарламасы, Голощекиннің «Кіші октябрь» бағдарламасы қазақ халқының жартысынан көбісінің қырылып, өз жерінен безуіне себеп болды. Отызыншы жылдардың екінші жартысындағы тарихта «отызыншы жылдардағы репрессия» атауымен қалған кезең енді ғана қалыптасып, бойын түзеп, қанатын қағып, қазақтың қамын ойлап мәдениетін, білімін, өнерін, экономикасын көтеруді қолға алған ұлттық инттеллигенцияның қырылған кезеңі болды. Кеңес үкіметі Орта Азия халқы ішінде қайсарлығымен, білімімен ерекшеленген. Ұйымдастырушылық қабілеті зор қазақ халқынан үрейленіп, кеңестіктер әдейі қазақ ұлтын жою жолына түскендей болды.
Ұлы Отан соғысы басталғанда Қазақстаннан 1,2 милион адам әскер қатарына алынды. Бұл 1939 жылғы санақ мәліметттерінде көрсетілген 6 151 мың адамның 20 пайызы әскерге алынды дегенді білдіреді. Мұндай көрсеткіш соғыс өрті шарпып өткен Украина, Беларусь, Ресейдің батыс аймақтарынан кейінгі орында Қазақстан болғанын көрсетеді. Өндіріс орындары аз, негізінен ауыл шаруашылығымен айналысатын қазақ халқын сыпырғымен сыпырғандай әскер қатарына алып кетті. 600 мыңнан астам Қазақстандық ұрыс далаларында қалып елге оралмады.
Оның үстіне Кеңес үкіметі қазақ жерін үлкен түрмеге айналдырып соғыс алдында, соғыс жылдары, соғыстан кейін де миллиондаған басқа ұлт өкілдерін Қазақстанға қоныс аударып елдегі әлеуметтік, экономикалық жағдайды күрт нашарлатып жіберді. Қазақ халқы бұл этностардың келгеніне қуанбаса да қолынан келген көмегін берді. Кеңес үкіметі болса осы саясатының арқасында қазақтардың өз жерінде тұрып тілінен, мәдениетінен, өнерінен айрыла бастағанын көріп, керісінше бұны қоштап осы бағытын әрмен қарай дамуына жағдай жасады.
Сондықтан репрессия құрбандарын еске алғанда біз ХХ ғасырдың қазақ халқына нәубет әкелген ғасыр болғанын еске алып, бұндай жағдайдың қайталанбауы үшін есте сақтауымыз керек.
Айтжан ОРАЗБАҚОВ,
«Nur Otan» партиясы «Тұран» филиалы Саяси Кеңес мүшесі, Қорқыт Ата атындағы ҚМУ-нің «Қазақстан халқы Ассамблеясы» кафедрасының меңгерушісі, тарих ғылымдарының кандидаты, доцент.
<img src="https://kyzylorda-news.kz/wp-content/uploads/2020/05/nawbet-akelgen-gasyr-1.jpeg" alt="" />

Айтжан ОРАЗБАҚОВ: Нәубәт әкелген ғасыр

<a href="https://kyzylorda-news.kz/">Kyzylorda-news.kz.</a> Қазалы ауданының орталығы – Әйтеке би кентіндегі Жанқожа батыр көшесіне жөндеу жұмыстары басталды.
Жол жөндеу жұмыстарына аудандық бюджеттен 102,2 млн теңге қаржы бөлінді.
Қазіргі таңда, «Қазалы Жолшы» ЖШС-ның жұмысшылары кенттегі басты көшенің қатты бұзылған учаскелерінің асфальт қабатын қырып жатыр. Мұнан соң қиыршық тас пен гравилі құм қоспасы араласқан материал төсеп, 2 қабатты асфальт салуды бастайды. Сонымен қатар, көшелер қиылысына асфальт төсеу, жол жабындары бекіту (обочина), жол белгілерін орнатып, жолақтар сызу жұмыстарын жүргізетін болады.
Айта кетейік, аудандағы жолдарды жөндеу мәселесі күн тәртібінен түскен емес. Мәселен өткен жылы Әйтеке би кентінде Жалаңтөс батыр, С.Сүлейменов, Жетес би, Мағзаман әулие және Ж.Аймауытов сияқты 5 көше жөндеуден өтті.
Ал, осы жылы М.Ғабдуллин, Қ.Сәтбаев, Р.Бағланова көшелеріне қайта жаңғырту, Ә.Тыныбаев, Желтоқсан, Төле би, Т.Әубәкіров, С.Сейфуллин, Ж.Шерипов, Ж.Ақбаев, Ә.Молдағұлова, Н.Жәлімбетов, Сырым батыр, Біржан сал, Б.Нұрпейісов көшелеріне орташа жөндеу жұмыстары жүргізіледі.
<img src="https://kyzylorda-news.kz/wp-content/uploads/2020/05/kazaly-2-5.jpg" alt="" />
<img src="https://kyzylorda-news.kz/wp-content/uploads/2020/05/kazaly-3-2.jpg" alt="" />

Қазалы ауданында жол жөндеу жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Аймақта азаматтардың суда қауіпсіздік шараларын сақтау бағытында жұмыстар жүйелі түрде жүргізілуде. Бұл туралы Өңірлік коммуникациялар қызметінің ақпараттық алаңында Кызылорда облысы ТЖД бастығы азаматтық қорғау полковнигі Омар Бержанов баяндады.
<blockquote>
 «Шомылу маусымы кезеңінде судағы төтенше жағдайларға ден қою үшін департаменттің жедел-құтқару жасағының күштері мен құралдары әзірлікке келтірілді. Атап айтсақ, 54 сүңгуір маман, 18 бірлік техника, ілмелі моторлар – 16 дана, 29 жүзу құралдары: катерлер – 5 бірлік, темір қайық – 6, пластикалық қайық – 2 , үрлемелі қайық – 16. Сондай-ақ, құтқару шеңберлері, «Александров жібі» және кеудешелердің пайдалануға дайындығы тексерілді. Сонымен қатар, жыл басынан бері ұйымдарда, оқу орындарында және тұрғындар арасында «Судағы қауіпсіздік ережелері» тақырыбында 4 онлайн интерактивті сабақ, 30 сәуірде аудандық ТЖ және білім бөлімдерімен видеоселекторлық режимде дөңгелек үстел өткізілді. Қызылорда қаласында 44 мектепке онлайн түсіндірме жұмыстары жүргізіліп, сауалдарға жауап берілді»,-деді Омар Құмарұлы.
</blockquote>
Қазіргі таңда облыстағы су айдындарында 64 шомылуға қауіпті учаскі белгіленген, бұл учаскілерде 139 ескерту тақтайшасы орнатылған. Алдағы уақытта атқарылған жұмыстар өз жалғасын табады. Суға түскенде қауіпсіздік ережесін сақтаңыздар!
<img src="https://kyzylorda-news.kz/wp-content/uploads/2020/05/brifing-3.jpg" alt="" />

Қызылорда облысында 64 шомылуға қауіпті аймақ бар

<a href="https://kyzylorda-news.kz/">Kyzylorda-news.kz.</a> Қызылордада бұрын сотты болған шетелдік азамат айыппұлмен босатылды.
Қызылорда қаласындағы қауіпсіздігі барынша төмен ЗК-169/4 мекемесінде&nbsp; жазасын өтеуші әзірбайжандық азамат ҚР ҚК 118-бабының 3 бөлігімен 2 жыл мерзімге бас бостандығынан айырылған.&nbsp;
Бас бостандығынан айырылған азамат жазасын өтей жүріп,&nbsp;мәдени-спорттық іс-шараларға белсене қатысады. Оның жазасын өтелмеген бөлігін&nbsp; айыппұл түріне ауыстыру үшін іс-құжаттары қалалық сотқа жолданады.
Қызылорда қалалық №2 сотында онлайн режимінде Әзірбайжан Республикасының азаматына қатысты сот отырысы өтті.
Сот қаулысының негізінде, жазасының өтелмеген бөлігі айыппұл түріне ауыстырылып, шетел азаматы босатылды.

Қызылордада шетел азаматы айыппұлмен босатылды

<a href="https://kyzylorda-news.kz/">Kyzylorda-news.kz.</a> Азаматтарға арналған үкімет «Ересек болсам» атты байқауын жариялайды.
Байқауға қатысу үшін «Егер 1 күнге ересек болсам» тақырыбында бейнежазба салу керек.
Байқауға 6-11 жас аралығындағы балалар қатыса алады.
Байқауға қатысу үшін не істеу керек?
<ol>
<li>Берілген тақырыпқа видео түсіріп, оны жариялап, азаматтарға арналған үкіметтің аккаунтын белгілеңіз;</li>
<li>Байқау нәтижесі шығарылғанға дейін аккаунт ашық болуы тиіс;</li>
<li>1 маусымда жарияланатын байқау қорытындысын күтіп, Азаматтарға арналған үкіметтің музыкалық колонкасын ұтып алыңыз.</li>
</ol>
Байқау нәтижесінде үш жеңімпаз анықталады: екеуі – посттың қаралым саны және біреуі – жазылушылардың таңдауы бойынша жеңімпаз атанады.

Азаматтарға арналған үкімет балаларға арналған байқау жариялады

<a href="https://kyzylorda-news.kz/">Kyzylorda-news.kz</a>. Қызылорда және Солтүстік Қазақстан облыстарында ауа райына байланысты ескерту жарияланды, деп хабарлайды Қазгидромет.
28 мамыр күндіз Қызылорда облысында 41°С ыстық. Солтүстік-шығыстан шаң аралас жел соғады, оның күші 15-20 м/с. Қызылорда қаласында шаңды дауыл болуы ықтимал, солтүстік-шығыстан жел соғады, таңертең және күндіз оның екпіні 15-20 м/с-ке жетеді.
Солтүстік Қазақстан облысында 28-29 мамыр күндері түнде және таңертең кей жерлерге тұман түседі. 28 мамыр күндіз және 29 мамырда найзағай ойнап, дауыл соғады. Оңтүстік-батыстан соққан желдің бағыты солтүстік-батысқа ауысып, екпіні 15-20 м/с, 29 мамыр 25 м/с-ке жетеді. Петропавлда 29 мамырда күн күркіреп, дауыл соғады, күндіз бұршақ жауады. Оңтүстік-батыстан соққан желдің бағыты солтүстік-батысқа ауысып, екпіні 15-20 м/с болады. Ауа райы болжамының ықтималдығы 90-95%.

Ескерту: Қызылордада аптап ыстық, Солтүстікте бұршақ жауады

<a href="https://kyzylorda-news.kz/">Kyzylorda-news.kz.</a> Қызылорда қаласындағы мектептерде қызмет көрсету бұрыштары ашылуда. Мұнда тұрғындар egov.kz порталында қолжетімді барлық қызметтерді онлайн түрде оңай әрі жылдам ала алатын болады.
Естеріңізге сала кетейік, облыс бойынша Халыққа қызмет көрсету орталықтары 18 мамырдан бастап өз жұмысын жандандырып, жаңа форматта қызмет көрсете бастады. Енді азаматтар Халыққа қызмет көрсету орталықтарынан тек «қағаз жүзіндегі» қызметтер мен онлайн түрде рәсімделген қызметтердің нәтижелерін ала алады. Бұл ретте қызметтер тек алдын ала жасалған брондау арқылы көрсетіледі. Сонымен қатар, электронды форматқа аударылған және egov.kz порталында қолжетімді барлық қызметтерді азаматтар енді өздігінен алатын болады.
<blockquote>
 &nbsp;«Облыстық білім басқармасымен бірлесіп мектептерде де өзіне-өзі қызмет көрсету секторларын ашудамыз. Бұл қызмет көрсету бұрыштары азаматтардың Халыққа қызмет көрсету орталықтарына бармай-ақ, ыңғайлы қызмет алуы үшін ашылуда. Тұрғындар мұнда электрондық цифрлық қолтаңбасы (ЭЦҚ) немесе мобильдік азаматтар базасында тіркелген жағдайда, түрлі анытамалар мен электронды қызметтерді алады», – дейді «Азаматтарға арналған үкімет» мемлекеттік корпорациясы» КЕ АҚ облыстық филиал директоры Айдын Қайруллаев.
</blockquote>
Қазіргі таңда қала бойынша бірнеше нысандарда ашылған өзіне-өзі қызмет көрсету секторлары арқылы жалпы 3390 қызмет көрсетіліп, 892 тұрғын электронды цифрлы қолтаңба (ЭЦҚ) алса, 854 қызылордалық мобильді азаматтар базасына тіркелен.
Қалаға қарасты мектептерде ашылған өзіне-өзі қызмет көрсету секторларының орналасқан мекенжайлары:
– «Мұрагер» мектебі – Түркістан көшесі, 54
– №3 мектеп-лицейі – Жаңқожа батыр көшесі, 54
– №4 орта мектебі – Жақаев көшесі 67
– №5 мектеп-лицейі – Әуелбеков көшесі, 10
– №7 орта мектеп – Шұғыла м/а
– №9 мектеп-гимназиясы – Ақмешіт м/а
– №10 мектеп-лицейі – Камалов көшесі, 35а
– №11 мектеп-лицейі – Тасбөгет кенті, Шүкіров көшесі, 8
– №12 орта мектеп – Амангелді көшесі, 108а
– №15 мектеп-лицейі – Байтұрсынов көшесі, 21а
– №23 мектеп-лицейі Әбілхайыр хан көшесі, 36а
– №39 орта мектеп – Қараөзек ауылы, Дәуітбаев көшесі, 2
– №43 орта мектеп Торайғыров көшесі, 99
– №101 мектеп-лицейі – Назарбаев даңғылы, 60
– №112 орта мектеп – Молдағұлова көшесі, 7
– №120 орта мектеп – Қаржаубаев көшесі, 20
– №128 орта мектеп – Қараөзек е/м
– №136 мектеп-лицейі – Ақмешіт м/а
– №138 орта мектеп – Абай ауылы, Абай көшесі 3
– №140 орта мектеп – Абай даңғылы, 56
– №143 орта мектеп – Махамбет ауылы, Абай көшесі, 48а
– №145 орта мектеп – Бірқазан ауылы, Көкжиде көшесі, 6
– №171 орта мектеп – Қоңыратбаев көшесі, 22
– №172 орта мектеп – Тасбөгет кенті, Сейтпенбетов көшесі, 54
– №173 орта мектеп – Титов қыстағы, М.Көкенов көшесі, 2Б
– №175 орта мектеп – Айнакөл ауылы
– №176 орта мектеп – Тасбөгет кенті, Ғ.Мұратбаев көшесі, 29
– №178 орта мектеп – Талсуат е/м
– №179 орта мектеп – Қарауылтөбе қыстағы
– №187 орта мектеп – М.Шоқай көшесі, 147
– №189 орта мектеп – Белкөл қыстағы, Есмаханов көшесі, 72
– №197 орта мектеп – Ақмешіт м/а, Достық көшесі, 1
– №198 орта мектеп – Ғ.Мұратбаев көшесі, 11
– №211 орта мектеп – Жұмабаев көшесі, 1
– №215 орта мектеп – Талдыарал ауылы
– №217 орта мектеп – Қорқыт ата көшесі, 113
– №218 орта мектеп – Ақжарма е/м
– №222 орта мектеп – Торайғыров көшесі, 264
– №233 орта мектеп – Амангелді көшесі, 108
– №235 орта мектеп – Шұғыла м/а
– №253 орта мектеп – Чижа сантина көшесі, 76
– №257 орта мектеп – Тасбөгет кенті, Сапарбаев көшесі, 42
– №261 орта мектеп – Әл-Фараби н/з
– №264 орта мектеп – Сұлтан Бейбарыс көшесі, 5
– №267 орта мектеп – Баласағұн орамы 5
– №268 орта мектеп – Ақсуат а/о
– №271 орта мектеп – Қорқыт ата м/а
– №278 орта мектеп – Есім Хан көшесі, 19б
– №280 орта мектеп – Досан ауылы
– Өнер мектебі – Әйтеке би көшесі, 7
<img src="https://kyzylorda-news.kz/wp-content/uploads/2020/05/02-32.jpg" alt="" />
<img src="https://kyzylorda-news.kz/wp-content/uploads/2020/05/03-18.jpg" alt="" />

Қызылорда қаласындағы мектептерде өзіне-өзі қызмет көрсету секторлары ашылды

<a href="https://kyzylorda-news.kz/">Kyzylorda-news.kz.</a> Қызылорда облысы көлемінде мемлекеттік орман қоры жерлері 6,5 млн га құрайды, оның ішінде орманмен қамтылғаны 3,1 млн га, осы аумақтың 89 пайызын сексеуіл ормандары алып жатыр. Бұл туралы Облыстық орман және жануарлар дүниесі аумақтық инспекциясының басшысы Ғалымжан Орақбаев баяндады.
<blockquote>
 “Биыл 26 наурыздан бастап облыстың мемлекеттік орман қоры өрт қауіпі бар маусым белгіленді. Осы уақытқа дейін 199,31 га құрайтын 35 өрт оқиғасы тіркелді. Оның 80,96 гектары орманды жерлерді, 117,31 га ормансыз жерлерді қамтыды.
 Сонымен қатар, аймақта балық шаруашылығының маңызы зор. Облыста Кіші Арал теңізі мен жергілікті маңызы бар көлдерден кәсіпшілік балықтың 14 түрі аулануда. Кіші Арал теңізінің 18 учаскесі толықтай және жергілікті маңызы бар 207 көлдің 87 пайызы аудан (қала) әкімдіктерімен конкурс негізінде табиғат пайдаланушыларға бекітіліп берілген. Қалған 27 көл резервтiк қорда”,-деді Ғалымжан Жәдігерұлы.
</blockquote>
Сондай-ақ, облыс көлемінде табиғат қорғау мекемелерімен және құқық қорғау органдарымен бірлескен іс-шаралар аясында 16 қылмыстық іс анықталып, 4-уі сот органдарына жолданды. Оның 3-уі секесеуіл ағашына, 5 ісі – балыққа, 7 ісі – тораңғыл ағашына, 1 ісі –қарақұйрық, 5 ісі – киік аңына қатысты.
<img src="https://kyzylorda-news.kz/wp-content/uploads/2020/05/brifing-orman.jpg" alt="" />

Қызылорда облысында орман қоры 6,5 млн гектарды құрайды

<a href="https://kyzylorda-news.kz/">Kyzylorda-news.kz.</a> Енді дәрігерлер мен мұғалімдерге «Халық алғысы» медалі берілетін болды, деп хабарлайды <a href="https://24.kz/kz/zha-aly-tar/o-am/item/398677-d-rigerler-men-m-alimderge-khaly-al-ysy-medali-beriletin-boldy">«Хабар 24».</a>
Ұлттық қоғамдық сенім кеңесінің кезекті отырысында Мемлекет басшысы осылай деді. Қасым-Жомарт Тоқаев «осы салада ерен еңбек етіп жатқан кәсіби мамандардың жұмысы жоғары бағалануы тиіс» деді. Қоғам қайраткері Мұрат Әбенов мұғалімдердің мәртебесін биіктету арқылы олардың танымалдылығын да арттыруға болатынын айтып отыр. Осы отырыста оқулық мәселесі де қызу талқыланды.
Президент пәрменімен елімізде сапасыз оқулық әзірлеген ұйымдарға енді қатаң шара қолданылатын болды. Осы ретте білім беру жүйесі де жыл сайын жаңарып жатыр. Мамандар «жаңа әдістеме бойынша оқыту үшін де ұстаздар қауымының біліктілігін арттыру керек» дегенді айтып отыр.

Қазақстан және Қызылорда облысының жаңалықтары