<a href="https://kyzylorda-news.kz/">Kyzylorda-news.kz.</a> Енді дәрігерлер мен мұғалімдерге «Халық алғысы» медалі берілетін болды, деп хабарлайды <a href="https://24.kz/kz/zha-aly-tar/o-am/item/398677-d-rigerler-men-m-alimderge-khaly-al-ysy-medali-beriletin-boldy">«Хабар 24».</a>
Ұлттық қоғамдық сенім кеңесінің кезекті отырысында Мемлекет басшысы осылай деді. Қасым-Жомарт Тоқаев «осы салада ерен еңбек етіп жатқан кәсіби мамандардың жұмысы жоғары бағалануы тиіс» деді. Қоғам қайраткері Мұрат Әбенов мұғалімдердің мәртебесін биіктету арқылы олардың танымалдылығын да арттыруға болатынын айтып отыр. Осы отырыста оқулық мәселесі де қызу талқыланды.
Президент пәрменімен елімізде сапасыз оқулық әзірлеген ұйымдарға енді қатаң шара қолданылатын болды. Осы ретте білім беру жүйесі де жыл сайын жаңарып жатыр. Мамандар «жаңа әдістеме бойынша оқыту үшін де ұстаздар қауымының біліктілігін арттыру керек» дегенді айтып отыр.

Дәрігерлер мен мұғалімдерге «Халық алғысы» медалі берілетін болды

<a href="https://kyzylorda-news.kz/">Kyzylorda-news.kz.</a> «Ғылым әлемін ашамыз» ғарыштық зерттеулер бойынша XVІ Халықаралық ғылыми жарыста Қызылорда қаласындағы Назарбаев Зияткерлік мектебінің 8-сынып оқушысы Нұржанбек Құрманбек екінші орынды иеленді.
Бұл байқауда Нұржанбек «Экология және ғарыштық қызмет» бөлімінде «Фитоп» биологиялық препаратының Қызылорда облысының климаттық жағдайында күріш дақылдарының өсуіне және дамуына әсерін талдау нәтижелерін таныстырды. Жоба жетекшісі, биология пәнінің мұғалімі Гүлназ Абдукамаловамен бірге мектеп зертханасында арнайы тәжірибе өткізген ол аталмыш тыңайтқыш күріш тұқымдарының өнуін 98 пайызға, ал өнімділікті 30 пайызға арттыруға мүмкіндік беретіндігін дәлелдеді. Қазылар алқасы мүшелері аталған жобаның өзектілігін жоғары бағалап, жүлделі екінші орынмен марапаттады.
<blockquote>
 «Тұқымдарды бұл әдіспен сауықтыру арқылы біз өсімдіктер дамуының алғашқы кезеңдерінен бастап қорғай аламыз. Препаратты қолдану тұқымның өну энергиясын көбейтіп, тамырдың пайда болуын жақсартады және вегетациялық кезеңде ауруларға төзімділігін арттырады. Ең бастысы, бұл үлкен шығындарды қажет етпеді», – дейді жас ғалым.
</blockquote>
«Дарын» ғылыми-практикалық орталығы ұйымдастыратын жыл сайынғы ғылыми сайыс биыл алғаш рет бейнеконференция форматында өтті. Қазақстан, Ресей және Қырғызстанның 143 қатысушысы өздерінің ғарыш, ғарыштық технологиялар, астрофизика және модельдеу салаларындағы өнертабыстары мен зерттеушілік теорияларын қорғады.
Айта кету керек, аталмыш сайыста NIS командасы барлығы 9 жүлделі орындарды иеленді. Екі жас зияткер І дәрежелі, үш оқушы – ІІ дәрежелі,&nbsp; және төрт оқушы&nbsp; – III дәрежелі дипломдармен марапатталды.

Қызылордалық жас ғалым халықаралық ғылыми сайыста екінші орынды иеленді

<a href="https://kyzylorda-news.kz/">Kyzylorda-news.kz.</a> “Жұмыспен қамтудың 2020-2021 жылдарға арналған жол картасы” бағдарламасы аясында облыстың спорт саласында 22 жоба бар. Оның 9-ы жаңа құрылыс жұмыстары. Бұл туралы Өңірлік коммуникациялар қызметінің ақпараттық алаңында облыстық облыстық денешынықтыру және спорт басқармасының басшысы Жақсылық Оспанов.
<blockquote>
 “Аталған 9 жоба аясында Қызылорда қаласында байдарка және каноэ есу базасы салынды. Бұл спорт түрі соңғы 4-5 жыл көлемінде қарқынды дамуда. Облысымыздан шыққан 12 спортшы ҚР Ұлттық құрамасына енген. Сондай-ақ, қала және аудандарда 8 стритбол алаңдары салынады. Бұл халықтың спорт нысандарына қолжетімділігін арттыруға және спортты дамытуға септігін тигізеді”,-деді Жақсылық Әбдімәлікұлы.
</blockquote>
Сонымен қатар, облыс көлемінде біршама спорт нысандарына жөндеу жұмыстары жүргізіледі. Қазіргі таңда барлық жобалар бойынша мемлекеттік сатып алу рәсімдері жүргізіліп, жеңімпаздар анықталды. Бүгінде құрылыс және жөндеу жұмыстары басталып кетті. Осы орайда 180-ге жуық жұмыссыз тұрғын жұмыспен қамтылады.

Қызылорда облысында 9 жаңа спорт нысаны салынады

<a href="https://kyzylorda-news.kz/">Kyzylorda-news.kz.</a> Қазақстан Президенті Қасым-Жомарт Тоқаев Үкіметке ЖОО оқытушыларының еңбекақысын көбейтуді тапсырды.
<blockquote>
 «Қазіргі таңда көпшілік оқытушылардың еңбегі қаншалықты маңызды екенін түсінді деп ойлаймын. Біз «Педагогтар мәртебесі» заңы аясында мұғалімдерді ынталандыру шараларын қарастырдық. Бірақ іс жүзінде ЖОО жалақысы мектеп мұғалімдерінің жалақысынан аз болып қалды. Осыған орай, Үкімет ЖОО оқытушыларының еңбекақысын көбейту мәселесін қарастыру керек», – деді Президент Ұлттық қоғамдық сенім кеңесінің отырысында.
</blockquote>

Қасым-Жомарт Тоқаев ЖОО оқытушыларының жалақысын көбейтуді тапсырды

<a href="https://kyzylorda-news.kz/">Kyzylorda-news.kz</a>. «Қазатомөнеркәсіп» ҰАК» АҚ өзі жұмыс жүргізетін өңірлердің әлеуметтік-экономикалық және инфрақұрылымдық дамуына, тұрғындарының өмір сүру сапасын арттыруға инвестиция салуды одан әрі жалғастыруда.
Атом холдингінің кәсіпорындары қатысатын өңірлерде әлеуметтік маңызды жобаларды іске асыру бойынша белсенді жұмыстар жүргізіліп жатыр.
<blockquote>
 «Аталған компания Қызылорда облысының Жаңақорған және Шиелі аудандарында компания көшелерді жарықтандыруға күрделі жөндеу жүргізіп, қайта жаңартудан өткізеді. Байкенже ауылында балалар ойын алаңы салынбақ. Сондай-ақ Бала би ауылында «Нәнсай» су бұру арнасы арқылы өтетін жаяу жүргіншілер көпірінің екі жағына дамба салуды жоспарлап отыр», – делінген компанияның хабарламасында.
</blockquote>
Жақын болашақта Қазатомөнеркәсіп өзі қатысатын өңірлерді әлеуметтік-экономикалық дамытуға бағытталған бірқатар әлеуметтік маңызы бар жобаларды қолға алатын болады. Олардың ішінде жалпы пайдаланымдағы жолдарды, балалар ойын алаңдарын, спорт кешендерін салу және жөндеу, сондай-ақ елді мекендерді абаттандыру мен көгалдандыру бар.
<blockquote>
 Айта кету керек, 2020-2022 жылдары Компания Қызылорда облысында ұзындығы 4,8 км болатын автожол өткелі мен автомобиль жолын салуды жоспарлаған. Аталған жоба қауіпті жүк тасымалдайтын автокөліктің қауіпсіз қозғалысын қамтамасыз етуге, сондай-ақ инфрақұрылымды жақсартуға бағытталған.
</blockquote>

Қызылордада «Қазатомөнеркәсіптің» әлеуметтік жобалары іске асырылып жатыр

<a href="https://kyzylorda-news.kz/">Kyzylorda-news.kz.</a> Қызылорда қаласында үш күн бұрын каналға суға ағып кеткен он жастағы баланың мәйіті табылды.
Оқиға 23 мамырда жергілікті уақытпен сағат 18.00 шамасында болды. Қызылорда қаласына қарасты Тасбөгет кентіндегі каналға шомылған үшінші сынып оқушысы суға&nbsp;<a href="https://www.inform.kz/kz/kyzylordada-10-zhasar-bala-suga-agyp-ketti_a3653418">ағып кеткен</a>. Баланы іздестіруге 53 адам&nbsp;<a href="https://www.inform.kz/kz/kyzylordada-suga-agyp-ketken-balany-izdestiruge-53-adam-zhumyldyryldy_a3653616">жұмылдырылды</a>.
<blockquote>
 «Қызылорда облыстық төтенше жағдайлар департаментінің дағдарыс жағдайларында басқару басқармасына жергілікті тұрғыннан жергілікті уақытпен сағат 17.38-де қалаға қарасты Абай ауылы тұрғынынан хабар келіп түсті. Онда «Ешпан» күріш алқаптарын суармалы каналында жасөспірімнің мәйіті табылғаны айтылған. Ол Тасбөгет кенті аумағындағы каналдың суға түсуге арналмаған аумағында суға батып кеткен 2010 жылғы жасөспірімнің мәйіті екені анықталды. Мәйіт Қызылорда облысы төтенше жағдайлар департаменті жедел құтқару жасағының құтқарушыларымен судан шығарылды», – деп мәлім етті Қызылорда облыстық төтенше жағдайлар департаменті өрт сөндіру және апаттық-құтқару жұмыстары қызметінің баспасөз хатшысы Әлия Ережепова.
</blockquote>

Қызылордада суға кеткен баланың мәйіті табылды

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 318-ге жетті. Ал сауығып шыққандар саны – 231. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Соңғы тәулікте коронавирус инфекциясының жаңадан 17 жағдайы тіркелді. Оның 14-і індет жұқтырғандармен байланыста болса,1 жағдай 24 мамырда Ресей Федерациясынан келген студенттен анықталған. Ал қалған 2 жағдай Д есепте тұратын науқастарды скринингтеуден белгілі болды», – деді бас дәрігер.
</blockquote>
Сондай-ақ, вирус жұқтырғандармен байланыста болған- 4133 азамат анықталды. Оның ішінде, 2303-і тікелей қарым-қатынаста, 1830-ы ықтимал байланыста болған. Бұдан бөлек, инфекциялық стационарда 66 адам ем алуда, карантиндік госпитальда-22, провизорлық стационарда-26, карантиндік стационарда-232 азамат бақылауда.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтан сақтық шараларын қатаң сақтап және бетперде киюді жалғастыра беруге шақырамыз.

COVID-19: Қызылорда қаласынан бөлек бірнеше аудандарда індет жұқтыру көрсеткіші артуда

<a href="https://kyzylorda-news.kz/">Kyzylorda-news.kz.</a> 1 маусым-Халықаралық балаларды қорғау күні. Ата-аналар сүйікті балаларының қамқорлығын туғаннан бастап, сәбидің алғашқы қадамдарының пайда болуымен, сүйіспеншілігімен және мұқият ықыласымен сезіне отырып, қорғаштайды.
Осы маңызды кезеңде өсіп келе жатқан ағзаға толыққанды тамақтану, дұрыс күн тәртібі, білікті медициналық көмек және кеңес қажет етеді.
2020 жылғы 1 қаңтардан бастап МӘМС жүйесінде сақтандырылу санатынта өту үшін 18 жасқа дейінгі барлық балаларға мемлекет орташа айлық жалақының 5% мөлшерінде ай сайынғы жарналарды төлейді. Жалпы, мемлекет азаматтардың 15 жеңілдік санаттары үшін жарналар төлейді. (толығырақ: <a href="https://fms.kz/ru/content/lgotnym-kategoriyam-grazhdan">https://fms.kz/ru/content/lgotnym-kategoriyam-grazhdan</a>)
«Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетовтың айтуынша, бүгінде Қызылорда облысында 317 мыңнан астам бала бар. Тегін медициналық көмектің кепілдік берілген көлемі және МӘМС аясында балалардың патронажы, пломба орнату және тістерді жою бойынша стоматологиялық қызметтерді ала алады. Сондай-ақ, 18 жасқа дейінгі балаларға консультациялық – диагностикалық қызметтер (зертханалық, диагностикалық қызметтер, балаларға мамандандырылған тексерулер және т. б.) қолжетімді.
ӘМСҚ облыстық филиалының басшысы түсіндіріп өткендей, аталған қызметтерді алу үшін тіркелген жердегі емханаға жүгіну қажет. Жалпы тәжірибелік дәрігер немесе тар буынды дәрігер Әлеуметтік медициналық сақтандыру қорының деректер базасында орналасқан медициналық ұйымға жолдама беру арқылы медициналық қызмет алуға мүмкіндік мүмкіндік береді.
Естеріңізге сала кетейік, 2020 жылға Әлеуметтік медициналық сақтандыру қорының филиалымен 55 медициналық қызмет көрсетушілермен келісім – шарт жасалды, оның ішінде – 28 мемлекеттік медициналық ұйым (50,9%), 27 жеке меншік (49,1%).
Барлығы 59,2 млрд теңгеге шарттар жасалды, оның ішінде 43,3 млрд теңге (73,1%) тегін медициналық көмектің кепілдік берілген көлемі шеңберінде, 15,9 млрд теңге (26,9%) МӘМС қаржысы құрайды.

Балалар мемлекеттің қорғауында

<a href="https://kyzylorda-news.kz/">Kyzylorda-news.kz.</a> Биыл облыс бойынша 58 699 гектар жерге саяқ шегіртке зиянкестеріне қарсы химиялық өңдеу жүргізу жоспарлануда. Оның ішінде Жаңақорған – 12 861 га, Шиелі – 12 266 га, Сырдария – 6 000 га, Жалағаш – 6 000 га, Қармақшы – 3 000 га, Қазалы – 1 872 га, Арал – 3 700 га, Қызылорда – 13 000 га.
Бүгінде ҚР АШМ АӨК МИК-нің «Республикалық фитосанитарлық диагностика және болжамдар әдістемелік орталығы» РММ-нің болжамды мәліметіне сәйкес,&nbsp;ағымдағы жылдың 27 мамырынан бастап саяқ шегіртке зиянкесі жаппай шығуы мүмкін екендігі хабарланды.
Осыған орай, аймақта 5 маусымнан бастап саяқ шегіртке зиянкесіне қарсы химиялық өңдеу жұмыстары жүргізіледі. Химиялық өңдеу жұмыстарын жүргізуге 9 дана жер үсті вентиляторлық бүріккіштер және 3 дана ауе кемелері облыс аумағына толығымен жеткізілді.
Еске сала кетейік, аудан, қала әкімдіктері тарапынан химиялық өңдеу жұмыстарын жүргізу кезінде балара мен мал шаруашылығына зиян келтірмеу шаралары назарға алынады. Балара және мал шаруашылығымен айналысатын жеке және заңды тұлағаларға алдын ала ескертулер жіберіледі.

Қызылордада саяқ шегірткеге қарсы жұмыстар басталады

<a href="https://kyzylorda-news.kz/">Kyzylorda-news.kz.</a> Қызылордада 1 маусымнан бастап көктемгі (наурыз-тамыз) кезекті мерзімді әскери қызметке қайта шақыру жұмыстары басталады. Бұл туралы Өңірлік коммуникациялар қызметінің ақпараттық алаңында Қызылорда облысының Қорғаныс істері департамент бастығының орынбасары, подполковник Қанат Омаров мәлімдеді.
<blockquote>
 “Биылғы наурыз-тамызында және қыркүйек-желтоқсанында 1993-2002 жылдары туылған азаматтарды мерзімді әскери қызметке шақыруды ұйымдастыру туралы 2020 жылғы 12 мамырдағы №29 қаулысына сәйкес ұйымдастырылады. Осы жылы ҚР Ұлттық қауіпсіздік комитеті шекара қызметіне 170-ке жуық азаматқа тапсырыс берілді. Ал еліміздегі төтенше жағдайға дейін 33 азамат аттандырылды. Әскери бөлімдерге елімізді қорғауға қабілетті, денсаулығы мықты, дене бітімі шыныққан, сауаты жеткілікті, моральдік-іскерлік қабілеті жоғары азаматтар жөнелтілетін болады”,-деді Қанат Жаңабайұлы
</blockquote>
Өткен жылдың көктемгі және күзгі мерзімді әскери қызметке шақыруға берілген тапсырыс жоспарға сәйкес 100% орындалды. Облысымыздан 1600-ден аса азамат Отан алдындағы борышын өтеді.
<img src="https://kyzylorda-news.kz/wp-content/uploads/2020/05/brifing-aesker.jpg" alt="" />

Қызылордада 800-ге жуық азамат әскери қызметке шақырылады

<a href="https://kyzylorda-news.kz/">Kyzylorda-news.kz.</a> Мұндай жедел топтарды құру қажеттілігі отбасына, әйелдер мен балаларға қатысты проблемалар мен мәселелерді шешуде тиімді мекемеаралық байланыстың болмауынан туындап отыр. Бұл жағдай отбасы, әйелдер мәселелері және балалардың құқықтарын қорғау жөніндегі республикалық қоғамдық кеңес жұмыс тобының аймақтарға сапары кезінде анықталған.
«Nur Otan» партиясы жанындағы отбасы, әйелдер мәселелері және балалар құқықтарын қорғау жөніндегі республикалық қоғамдық кеңестің бейнебайланыс&nbsp; режимінде өткен&nbsp; отырысында&nbsp; осы мәселе жан-жақты қаралды.
Кеңес төрағасы Динара Закиеваның айтуынша бүгінде&nbsp;&nbsp; отбасыда әйелдер мен балаларға зорлық-зомбылық жасалатын жағдайлар анықталған кезде тиісті қызметтердің жедел және уақтылы әрекет етпеуі, осындай жағдайда шешім шығарып, басына іс түскен отбасыларды қиын жағдайдан шығару үшін уақтылы шаралар қабылдап, көмек көрсете алмауы да орын алып отыр.
Атап өту керек, «Nur Otan» партиясы «Бақытты отбасы» партиялық жобасының 2020-2021 жылдарға арналған Жол картасының «Отбасы мен балаларды құқықтық қорғауды қамтамасыз ету» бөлімінің 2.1. тармағы аясында барлық қалалар мен елді мекендерде жедел әрекет ету топтарын құру қарастырылған.
Бұл топтар жоғарыда атап өткендей&nbsp;&nbsp; қиын жағдайға тап болған отбасыларды, нашар (дисфункционалды) отбасыларды, балалар мен әйелдерге қатысты зорлық-зомбылық жасалатын отбасыларды, сондай-ақ балаларды оқытумен, тәрибиелеумен, оңалтумен және емдеумен айналысатын мекемелердегі балаларға қатысты зорлық-зомбылық, қатыгездік және басқа да заңға қайшы іс-әрекеттерді анықтап, анықталған келеңсіздіктер бойынша нақты және атаулы көмек көрсетуі тиіс.
Осыны ескеріп, Отбасы, әйелдер мәселелері және балалардың құқықтарын қорғау жөніндегі республикалық қоғамдық кеңес «Бақытты отбасы» жол картасының «Отбасы мен балаларды құқықтық қорғауды қамтамасыз ету» бөлімін іске асыру барысында жедел әрекет ету топтарымен қамтылған барлық қызметтердің мекемеаралық өзара іс-қимыл алгоритмін пайдалануды ұсынады.
Бұл үшін полицияның әрбір бекініс пунктінде жедел әрекет ету тобын құру қажет.
<ul>
<li>Оның құрамында мынандай мамандар болуы тиіс:</li>
<li>әлеуметтік қорғау маманы (модератор)</li>
<li>кәмелетке толмағандардың істері жөніндегі инспектор;</li>
<li>учаскелік полиция қызметкері;</li>
<li>мектеп инспекторы;</li>
<li>әлеуметтік педагог;</li>
<li>педагог-психолог;</li>
<li>патронаждық медбике;</li>
<li>партия филиалының өкілі;</li>
<li>волонтер.</li>
</ul>
<img src="https://kyzylorda-news.kz/wp-content/uploads/2020/05/nwr-otan-1.jpg" alt="" />

Полицияның бекініс пунктінде жедел әрекет ету тобын құру қажет

<a href="https://kyzylorda-news.kz/">Kyzylorda-news.kz.</a> Мәдениет саласы бойынша «Жұмыспен қамту 2020-2021» жол картасы 22 жобаны қамтиды. Бүгінде 21 жоба бойынша мемлекеттік сатып алу конкурстары аяқталып, мердігерлер анықталды. Бұл туралы Өңірлік коммуникациялар қызметінің ақпараттық алаңында облыстық мәдениет, мұрағаттар және құжаттама басқармасының басшысы Мира Абуова баяндады.
<blockquote>
 “Қазіргі таңда облыстық мемлекеттік сатып алу басқармасы арқылы Шиелі аудандық тарихи-өлкетану музейі ғимаратының қосымша құрылыс жұмысына қайта конкурс жарияланып, жеңімпаз мердігермен келісім-шартқа отыру жұмыстары жүргізілуде. Ал, облыстық филармония ғимаратының қосымша құрылыс жұмысына, Қазалы ауданы Ақсуат, Шиелі ауданы Жиделіарық елді мекендеріндегі 150 орындық ауылдық клуб құрылыстары мен Жаңақорған ауданы Түгескен елді мекеніндегі ауылдық клубты қайта жаңғырту жұмыстарына жеңімпаз атанған мердігер мекемелермен келісім-шарт жасалды”,-деді Мира Абуова.
</blockquote>
Биыл облыстағы 3 мәдениет нысанына күрделі жөндеу жұмыстары жүргізіледі. Олар “Қызылорда облыстық мемлекеттік архиві” КММ-нің Арал аудандық архиві филиалы ғимараты, Шиелі ауданы Бірлестік ауылындағы “Жаназар батыр” ауылдық мәдениет үйі және Жаңақорған ауданы Жаңаарық ауылындағы ауылдық клубы. Сондай-ақ, ағымдағы жылы 14 жоба жөндеу жұмыстарына бағытталады.

Қазақстан және Қызылорда облысының жаңалықтары