<a href="https://kyzylorda-news.kz/">Kyzylorda-news.kz.</a> Бүгін «Nur Otan» партиясы Төрағасының Бірінші орынбасары Бауыржан Байбек, Қызылорда облысы әкімі Гүлшара Әбдіқалықова, партияның орталық және облыстық саяси кеңесінің мүшелері, сондай-ақ бірқатар делегаттардың қатысуымен саяси ұйымның онлайн конференциясы ұйымдастырылды.
Конференция қатысушыларының қарауына екі мәселе ұсынылды. Біріншісі – «Nur Otan» партиясының Қызылорда облысы филиалының төрағасын сайлау, екіншісі – саяси кеңес құрамына өзгерістер енгізу.
Ең алдымен Партия Төрағасының Бірінші орынбасары Б.Байбек бүгінгі онлайн конференцияның алғаш рет ұйымдастырып отырғанын және әлемді жайлаған коронавирус инфекциясының таралуына жол бермеу мақсатында осындай жұмыс тәсілі қолға алынғанын атап өтті.
<blockquote>
 «Қазіргі кезде елімізде Мемлекет басшысының шешімімен қатерлі індеттің таралуына жол бермеу үшін шектеу және сақтық шаралары күшейтілді. Бұл басқосуымыз Тұңғыш Президент – Елбасы, Партия Төрағасы Нұрсұлтан Назарбаевтың бүгін баспасөзде “Бірлесе білген ел бәрін жеңеді” деген мақаласының жарық көруімен тұспа-тұс келіп отыр. Өздеріңізге белгілі, жуырда Қызылорда облысына Елбасы келісімен, Мемлекет басшысының Жарлығымен Әбдіқалықова Гүлшара Наушақызы әкім болып тағайындалды. Осыған орай, Партия Төрағасының тапсырмасына сәйкес облыстық Партия филиалының төрайымы лауазымына Әбдіқалықова Гүлшара Наушақызының кандидатурасын ұсынамын. Осы ұсынысты қолдауларыңызды сұраймын», – деді Б.Байбек.
</blockquote>
Конференция делегаттары ұсынысты бірауыздан қолдады. «Nur Otan» партиясы Қызылорда облыстық филиалының төрайымы болып сайланған Гүлшара Әбдіқалықова артылған сенімге Партия Төрағасы Нұрсұлтан Әбішұлы Назарбаевқа және саяси кеңес мүшелеріне алғысын білдіріп, алда атқарылатын ауқымды істерге тоқталды.
<blockquote>
 «Халқымыз партиямызға үлкен сенім артып отыр. Сондықтан партияның барлық ресурсын Қазақстан Республикасының Президенті Қасым-Жомарт Кемелұлы Тоқаевтың басшылығымен жүзеге асырылатын жұмыстарға бағыттау міндеті тұр. Біз Қазақстанның болашағы үшін бір мүддеге жұмылып, алдағы күндерге жауапершілікпен және үмітпен қарауымыз керек. Бүгінгі таңда Партия үшін ең маңызды мәселе – қазіргідей қиын кезеңде халықпен бірге болып, барынша қолдау көрсету, партияға сенімді арттыру. Бұл ретте, Елбасының бастамасымен құрылған республикалық «Birgemiz» қорынан халықтың әлеуметтік жағынан осал топ өкілдеріне қаржылай қолдауды үйлестіруге басымдық беріліп отыр. Атап айтқанда, 6313 қызылордалық мұқтаж жанға қолдау көрсетіледі», – деді Гүлшара Әбдіқалықова.
</blockquote>
Жиын барысында, облыстық Партия филиалының төрайымы Сыр бойында жалпы саны 47 мыңға жуық партия мүшелерінің атынан алға қойылған міндеттерді сапалы әрі нәтижелі орындайды деп сендірді. Ал Тұңғыш Президент – Елбасының бүгін жариялаған «Бірлесе білген ел бәрін жеңеді» мақаласына орай осынау сын сағатта Сыр халқын қиындықты бірге еңсеруге шақырды.
Конференция соңында облыстық Партия филиалы саяси кеңесінің құрамы жаңарып, қаулы бірауыздан қабылданды.
<img src="https://kyzylorda-news.kz/wp-content/uploads/2020/04/nwr-otan-ka3-2.jpeg" alt="" />
<img src="https://kyzylorda-news.kz/wp-content/uploads/2020/04/nwr-otan-ka3-3-1.jpeg" alt="" />

Гүлшара Әбдіқалықова «Nur Otan» партиясы Қызылорда облыстық филиалының төрайымы болып сайланды

<a href="https://kyzylorda-news.kz/">Kyzylorda-news.kz</a>. Елбасымыз өз мақаласында отандастарымызды сабырлыққа шақырып, елде коронавирусқа қатысты жағдай тәулік бойы бақылауға алынғанын мәлімдеді. Бұл мақала бізге болашаққа деген сенім береді.
Елбасымыз атап өткендей, «Бұл – бүкіл әлем мемлекеттеріне түскен зор ауыртпашылық. Біз оны осындай сын сағатта септігін тигізетін халқымыздың төзімділігі, ерік-жігері және өзіне&nbsp; деген зор сенімі арқасында жеңіп шығамыз», дей келе береке-бірліктің алмайтын қамалы, бағындырмайтын биігі болмайтынын атап өтті.
Сонымен бірге еліміздің Тұңғыш Президенті Қазақстан халқына жолдаған өзінің ақ тілеулі сөзінде халықты ынтымаққа шақырып, жақсылыққа, ізгі амалдар жасауға, саламатты өмір салтын ұстануға үндеді.
Елбасының мақаласын негізге ала отырып айта кеткім келеді. Қазақстанда халықтың бақытты болашағы үшін барлық жағдай жасалған. Бұл ретте, Қазақстан халқы Ассамблеясының рөлі үлкен. Береке мен бірлігіміз бәрін де жеңеді! Сондықтан, бәріміз бір адамдай жұмылып, қауіпті індетпен күресуіміз қажет.
Сақтапберген ЖҰБАТҚАНОВ,
Қырғыз этномәдени бірлестігінің жетекшісі

Сақтапберген Жұбатқанов: «Береке мен бірлігіміз бәрін де жеңеді»

<a href="https://kyzylorda-news.kz/">Kyzylorda-news.kz</a>. Нұр-Сұлтан қалалық қоғамдық денсаулық сақтау басқармасының басшысы Сәуле Қисықова коронавируспен ауырған адам инфекция тасымалдаушысы болып қала ма деген сұраққа жауап берді, деп хабарлайды <a href="https://kaz.nur.kz/1849674-koronavirustan-zazylgan-adam-virus-tasymaldausy-bolyp-kala-ma.html">NUR.KZ.</a>
Сәуле Қисықованың айтуынша, коронавирус инфекциясымен ауырған науқас ауруынан толық айыққан уақытта ғана медициналық мекемеден шығарылады.
Коронавирус жұқтырған адамды емдеу 2 аптаға созылады. Процедура хаттамаға сәйкес жүргізіледі.
2 апталық кезеңнен кейін COVID 19 инфекциясына қайта тексеру үшін пациентке зертханалық сынамалар жасалады. Бір тәуліктен соң тест тағы қайталанады.
Егер пациентте сынама екі рет инфекцияның жоқ екендігін көрсетсе ғана ол ауруханадан шығарылады.
Мұндай жағдайда тасымалдау туралы айту мүмкін емес дейді Нұр-Сұлтан қалалық қоғамдық денсаулық сақтау басқармасының басшысы.
Денсаулық сақтау министрлігінің дерегінше, коронавирус жұқтырған қазақстандықтардың басым бөлігінде аурудың беліглері мен дене қызулары жоқ.

Коронавирустан жазылған адам вирус тасымалдаушы болып қала бере ме?

<a href="https://kyzylorda-news.kz/">Kyzylorda-news.kz</a>. Қазақстанда айлық есептік көрсеткіш артады. Бұл туралы Алматыда өткен брифингте еңбек, әлеуметтік қорғау және көші-қон комитетінің қалалық департаментінің басшысы Айдынжан Нарматов айтты.
Оның айтуынша, «2020-2022 жылдарға арналған республикалық бюджет туралы»&nbsp;заңға өзгерістер енгізілген. Сонымен, 2020 жылдың 1 сәуірінен бастап келесілер құрылды:
айлық есептік көрсеткіш&nbsp; – 2778 теңге мөлшерінде (2020 жылдың 1 қаңтарынан бастап – 2 651 теңге);
ең төменгі зейнетақы – 40 441 теңге (2020 жылғы 1 қаңтардан бастап – 38 636 теңге);
ең төменгі күнкөріс деңгейі&nbsp;– 32,668 теңге (2020 жылғы 1 қаңтардан бастап – 31 183 теңге);
базалық зейнетақы төлемінің ең төменгі мөлшері 17 641 теңге (2020 жылғы 1 қаңтардан бастап – 16 839 теңге);
ең төменгі жалақы – 42 500 теңге.

Қазақстанда 1 сәуірден бастап АЕК мөлшері өзгертілді

<a href="https://kyzylorda-news.kz/">Kyzylorda-news.kz.</a> Синоптиктер 2020 жылғы 9-11 сәуірге арналған ауа райы болжамын жариялады, деп хабарлайды Қазгидромет.
<blockquote>
 «Еліміздің солтүстігінде жаңбырдың қарға ауысуын және күшті екпінді желдің соғуын тудырған Атлант мұхиты аумағынан келген циклон, ертең 9 сәуірде республиканың оңтүстігінде және оңтүстік-шығысында кей жерлерде қатты жауын-шашын (жаңбырдың арты қарға ұласуы) әкеледі. Ал циклонды Мәскеу маңынан келетін суық антициклон ығыстырады. Жауын-шашын тоқтайды және ауа температурасы төмендейді», делінген хабарламада.
</blockquote>

Күн қайта суытады – үш тәулікке арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қызылорда қаласында инфекция таралуының алдын алу мақсатында №66597 әскери бөлім қызметкерлері және арнайы мекемелер арқылы бекітілген кестеге сәйкес, бүгінгі күнге дейін жалпы көлемі 356 мың шаршы метрді болатын 131 аумақты залалсыздандыру жұмыстары күшейтілген режимде жұмыс жасауда.
Қаладағы қоғамдық көліктер, аялдамалар, теміржол мен автовокзалдар, ірі кәсіпкерлік нысандар, базарлар және адам көп жүретін көшелер, көпқабатты тұрғын үйлер аумақтары және әлеуметтік нысандарға залалсыздандыру жұмыстары жүргізілді.
<blockquote>
 «Бүгін міне Әл-Фараби, С.Торайғыров, Хон-Бен-До көшелерінде және тұрғын-үй аулаларында орналасқан балалар ойын алаңдары, аялдамалар мен қоқыс жәшіктерінде залалсыздандырылуда. Көшелерге арнайы гипохлорид кальций ерітіндісі қосылған қоспамен, ғимараттарды диохлорид ерітіндісі қосылған қоспамен залалсыздандырылды. Бұл жұмыстар әрі қарай бекітіленген кестеге сай кезең кезегімен толығымен дезинфекцияланады және барлық құралдар-жабдықтар жеткілікті», – дейді қалалық тұрғын үй-коммуналдық шаруашылығы, жолаушылар көлігі, автомоблиль жолдары және тұрғын үй инспекциясы бөлімі басшысының орынбасары Біржан Далабаев.
</blockquote>
Айта кетейік, елімізде орын алып отырған коронавирус іңдетіне байланысты, ҚР Президентінің тапсырмасына сәйкес, ҚР Қорғаныс министрлігіне бағынысты Қызылорда облысында орналасқан әскери бөлімдердің ұйымдастыруымен қала аумағында орналасқан теміржол вокзалы мен автовокзал аумағын 26 наурыздан бастап дезинфекциялау жұмыстары жүргізілген болатын.
<img src="https://kyzylorda-news.kz/wp-content/uploads/2020/04/01-29.jpg" alt="" />
<img src="https://kyzylorda-news.kz/wp-content/uploads/2020/04/02-6.jpg" alt="" />
<img src="https://kyzylorda-news.kz/wp-content/uploads/2020/04/03-6.jpg" alt="" />
<img src="https://kyzylorda-news.kz/wp-content/uploads/2020/04/04-3.jpg" alt="" />

Қызылордада залалсыздандыру жұмыстары күшейтілген режимде жұмыс жасауда (ФОТО)

<a href="https://kyzylorda-news.kz/">Kyzylorda-news.kz</a>. Қазақстан мұсылмандары діни басқармасы барша мұсылман қауымын 10 сәуір, жұма күні намаз уақытында «Біз – біргеміз, тілегіміз – ортақ» деген игі бастама аясында күллі адамзаттың амандығы үшін бір мезетте алақан жайып, дұға жасауға үндеді.
<blockquote>
 «Аса қамқор, ерекше мейірімді Алланың атымен бастаймын! Әуелі барлық мадақ әлемдердің Раббысы Аллаға тән. Адамзаттың асылы Мұхаммед Пайғамбарға оның отбасы мен барша сахабаларына салауат пен сәлем болғай! Ассаламу алайкум уа рахматуллаһи уә бәрәкәтуһу! Құрметті Дін Басшылары, мұсылман бауырлар! Бүгінде COVID-19 коронавирус жұқпалы дерті жер бетіндегі әлем жұртшылығын алаңдатып отырғаны баршаңызға мәлім. Өкінішке қарай, бұл індеттен әлемде мыңдаған адам көз жұмды. Әлемде осы дерттен қаза тауып, қара жамылған отбасылардың қайғыларына ортақтасып, көңіл айтамын. Алла алдынан жарылқасын! Өмірді сынақ мекені деп білген мұсылман баласы басына қиындық түссе, төзімділік танытады, нығметке бөленсе, шүкір етеді. Қиындықты сабырға жеңдірген пенде Алланың мейіріміне бөленеді. Алла Тағала: «Сөзсіз Біз сендерді қорқынышпен, аштықпен және дүние-мүліктеріңді, жандарыңды, сондай-ақ жемістеріңді алу арқылы сынаймыз. Сабыр етушілерді сүйіншіле!» («Бақара» сүресі, 155-аят) деген. Алла Тағала сынаққа сабыр етіп, сауапқа кенелген пенделерінен еткей!», – деді Бас мүфти Қазақстан мұсылмандары діни басқармасының&nbsp;<a href="https://www.muftyat.kz/kk/news/qmdb/2020-04-07/30849-kazakstan-musylmandary-dini-baskarmasynyn-musylman-lemine-undeui">ресми</a>&nbsp;сайтында жарияланған үндеуінде.
</blockquote>
Қазақстан мұсылмандары діни басқармасының төрағасы қазіргі таңдағы бұл ауыр індет күллі адамзат баласына қатер төндіріп тұрғанын баса айтады.
<blockquote>
 «Біз (Барлығымыз) Адам ата және Хауа анадан тараған бір үмбетпіз. Қасиетті Құран Кәрімде: «Уа, адам балалары! Бәріңді бір жаннан жаратқан һәм одан жұбын жаратып, ол екеуінен көптеген ерлер мен әйелдер өрбітіп, жер бетіне таратқан Раббыларыңа қарсы келуден сақтаныңдар!» («Ниса» сүресі, 1-аят) деген. Ардақты Пайғамбарымыз (оған Алланың салауаты мен сәлемі болсын): «Уа, адамдар! Сендердің барлығың Адам атадан, ал Адам топырақтан жаратылды …» деп бірлікке үндеген. Расында, ешкімнің ұлты, нәсілі, тегі Жаратқанның құзырында бір-бірінен артық емес. Құранда: «Уа, адамзат баласы! Біз сендерді бір Ата, бір Анадан жараттық. Сондай-ақ бір-бірлеріңді тануларың үшін сендерді әртүрлі ұлт-ұлысқа, ру-тайпаға бөлдік. Расында, Алланың алдында ең ардақтыларың – тақуаларың» («Хұжұрат» сүресі, 13-аят) делінген. Әлемде етек алған індеттің алдын алуда адамзат Ұлы Жаратушының мейіріміне мұқтаж екендігін айқын сезінуде. Сол үшін әрбір ұлт өкілі, барша адам баласы жұдырықтай жұмылып, шын жүректен Жаратқанға жалбарынып, адамзаттың амандығын сұрайтын сындарлы сәтте тұрмыз. Алланың ардақты Елшісі (оған Алланың салауаты мен сәлемі болсын): «Дұға – мұсылманның қорғаны», – дегені баршаңызға мәлім. Осы ретте Қазақстан мұсылмандары діни басқармасы ислам әлемінің ғұламаларын, күллі дін қайраткерлерін, дін саласының оқытушы-ұстаздары мен Құран қариларын және барша мұсылман қауымын 10 сәуір, жұма күні намаз уақытында «Біз – біргеміз, тілегіміз – ортақ» деген игі бастама аясында күллі адамзаттың амандығы үшін бір мезетте алақан жайып, дұға жасауға үндейді. Аса мейірімді Алла Тағала күллі адамзат баласына амандық-саулық беріп, ауру-сырқаудан айығып, қуанышты күндерге тезірек жетуін нәсіп еткей», – деп атап өткен Наурызбай қажы Тағанұлы.
</blockquote>

Бас мүфти барша мұсылман қауымын адамзаттың амандығы үшін бір мезетте дұға жасауға үндеді

<a href="https://kyzylorda-news.kz/">Kyzylorda-news.kz</a>. Ақмола облысында бір адам коронавирустан көз жұмды.
8 сәуір 13:45-тегі жағдай бойынша, коронавирус індетін жұқтырған тағы 5 адам тiркелдi: Қызылорда облысында – 3 адам, Ақмола облысында – 1 адам, Маңғыстау облысында – 1 адам.
Ақмола облысында коронавирус індетінен бір науқас көз жұмды. Ол 1929 жылы дүниеге келген екен.

Қазақстанда коронавирустан 91 жастағы адам қайтыс болды

Kyzylorda-news.kz. Мемлекет басшысының өкімімен Серік Жүсіпұлы Сүлейменов Қазақстан Республикасы Президентінің «Байқоңыр» кешеніндегі арнаулы өкілі қызметіне тағайындалды, деп хабарлайды Ақорданың баспасөз қызметі.
Серік Сүлейменов 1966 жылы Алматы қаласында дүниеге келген.
1990 жылы С. Киров атындағы Қазақ мемлекеттік университетін «Математик» мамандығы бойынша үздік бітірді, 1997 жылы Әл-Фараби атындағы Қазақ мемлекеттік университетін «Құқықтану» мамандығы бойынша сырттай бітірді.
Еңбек жолын 1992 жылы «Казкоммерцбанк» АҚ-да бастады, заң қызметінің бастығы болып жұмыс істеді. 1997-2003 жылдары «Мемлекеттік жинақтаушы зейнетақы қоры» АҚ Бас директоры, «Темірбанк»АҚ Басқарма төрағасының орынбасары болып жұмыс істеді. 2003 жылдан 2013 жылға дейін энергетика саласында жұмыс істеді, «Қазақстандық Коммунальдық жүйелер» АҚ президенті, «Маңғыстау электртораптық бөлу компаниясы» АҚ Басқарма төрағасы, «Қызылорда электртораптық бөлу компаниясы»АҚ Басқарма төрағасы лауазымында жұмыс істеді. Мемлекеттік органдарда жұмыс тәжірибесі бар, Қазақстан Республикасы Еңбек және халықты әлеуметтік қорғау министрінің орынбасары, Қазақстан Республикасы Президенті Әкімшілігінде сарапшы, Қазақстан Республикасы Премьер-Министрі Кеңсесінің бас инспекторы лауазымында жұмыс істеген.
2015 жылдан бастап Қызылорда облысы әкімінің орынбасары қызметін атқарды. «Құрмет» орденімен және Қазақстан Республикасының мемлекеттік органдарының медальдарымен марапатталған.
2019 жылдың 1 сәуірінен бастап Қазақстан Республикасы Энергетика министрлігі Атомдық және энергетикалық бақылау және қадағалау комитетінің төрағасы қызметін атқарды.

Серік Сүлейменов ҚР Президентінің «Байқоңыр» кешеніндегі арнаулы өкілі қызметіне тағайындалды

<a href="https://kyzylorda-news.kz/">Kyzylorda-news.kz</a>. Қызылорда облысының кәмелетке толмағандардың істері жөніндегі мамандандырылған ауданаралық сотында семинар сабағы өткізілді.
Онда атлған соттың бас маманы Д.Тайыров «Медиация туралы Заңының талаптарын кәмелетке толмағандардың істері бойынша қолдану ерекшеліктері» тақырыбында&nbsp; семинар сабағын өткізді. Шараға кеңсе меңгерушісі мен сот қызметкерлері қатысты.
Бас маман Д.Тайыров өз баяндамасында кәмелеттік жасқа толмағандардың ісін құқықтық қатынастарда бейтарап реттеуде медиациялық жүйенің орны ерекше екендігін айтып өтті.
Атап айтқанда, медиатор кәмелеттік жасқа толмағандарды сотты болудан сақтап, тараптар мәселелерінің дұрыс шешілуіне жағдай жасайды. Екі жақтың&nbsp;&nbsp; ұстанымы мен мүдделерін түсінуін тырысып, олардың басқа ниеттерден арылып, күрделі мәселе түйінінің шешілуін жолын реттейді. Кәмелетке толмаған балаларға&nbsp; қатысты олардың тұрғылықты жерін анықтау, кездесу уақытын белгілеу, алимент мөлшерін азайту туралы дауларды медиатор көмегімен шешу шаралары жөнінде толық түсіндіріп айтты.
Семинарға қатысушы кеңсе қызметкерлері өз ойларын талқыға салып, пікірлерін ашық білдірді.

Қызылордада кәмелетке толмағандардың құқығы – басты назарда

<a href="https://kyzylorda-news.kz/">Kyzylorda-news.kz.</a> Бұл тізімге адамдар күніне бірнеше рет қолданатын, бірақ оларды тазартқышпен тазартудан бейхабар заттар кіреді, деп хабарлайды&nbsp;<a href="https://stan.kz/">Stan.kz</a>.
Бірінші кезекте дезинфекциялауды қажет ететін зат&nbsp;– санитарлық тазарту құралы. Айналасындағылардың барлығын дезинфекциялай отырып, ол өзі әртүрлі бактериялардың өсу алаңы болып қала береді.
Сондай-ақ, тізімде сағат, мойын жібі, зарядтағыш құрал, құлаққап, кілттер және теледидарға арналған пульті бар. Адамдар бұл заттарды&nbsp;жиі қолданады, бірақ оларды әрдайым дезинфекциялау керектігін біле бермейді.
Сонымен қатар, дәрігерлер есік тұтқаларын, балалар ойыншықтары мен тарақтарын антисептикалық өңдеуге шақырды.
<img src="https://kyzylorda-news.kz/wp-content/uploads/2020/04/nado-zalalsyvzdandyrw-kaz-ishine-1.jpg" alt="" />

Біз зарарсыздандыруды ұмытып кеткен вирустардың ошақтары туралы не білесіз?

<a href="https://kyzylorda-news.kz/">Kyzylorda-news.kz.</a> Гидроксиохлорин коронавируспен ауыратын науқастарды емдейтін медициналық қызметкерлердің алдын-алу үшін қолданатын дәрісі ретінде анықталды. Сондай-ақ, COVID-19 науқастарды емдеуге арналған дәрі-дәрмектердің де тізімі жасалды, деп мәлімдеді Денсаулық сақтау вице-министрі Лязат Ақтаева, деп хабарлайды&nbsp;<a href="https://kaz.zakon.kz/5015904-aza-standa-koronavirus-zh-tyr-andardy.html">zakon.kz.</a>
Ақтаеваның айтуынша, әлемде COVID-19 вирусының таралуының басында-ақ Денсаулық сақтау министрлігі бұл инфекцияны аса қауіпті инфекция қатарына жатқызған. Жұқпалы ауру бойынша жетекші мамандар пульмонологтармен және реаниматологтармен бірлесіп жаңа клиникалық хаттама жасады. Үстіміздегі жылдың 3 ақпанында ол Денсаулық сақтау министрлігінің сапа жөніндегі бірлескен комиссиясының отырысында мақұлданды.
Шетелдік әріптестермен үнемі онлайн-кеңес өткізіп, BMJ (British Medical Journal), Вили (АҚШ), Ланцет халықаралық журналдарында жарияланған ғылыми жұмыстар сүзгіден өткізілгеннен кейін, әлемде коронавирус инфекциясын диагностикалау және емдеудің жаңа ілімі мен тәжірибесі пайда болғандықтан, қазақстандық клиникалық хаттама жаңартылды. Бүгін оның 5-ші нұсқасы мақұлданды. Сіз олармен Денсаулық сақтау министрлігінің&nbsp;<a href="https://www.gov.kz/memleket/entities/dsm/documents/details/25568?fbclid=IwAR22UnJUDeT5Z16QT4UoHsd5Ddb-YxRnTzJU5wwo9u8O4VbknvySuonXe9A&lang=kk">сайтында</a>&nbsp;таныса аласыздар.
Гидроксиохлорин коронавируспен ауыратын науқастарды емдейтін медициналық қызметкерлердің алдын-алу үшін қолданатын дәрісі ретінде анықталған. Қазақстанда бұл препарат бар.
Науқастарды емдеу үшін Лопинавир/Ритонавир, Гидроксихлорохин, Азитромицин, Рибавирин көрсетілген. Олар да Қазақстанда бар.
Клиникалық хаттамада резервтік емдеу режимдері көрсетіледі: Хлорокин, Ремдисивир – олар Қазақстан Республикасында әлі жоқ. Хлорокинді Үндістаннан сатып алу бойынша экспорт тыйылған, қазір дәрі-дәрмекті жеткізушілермен келіссөздер жүргізілуде. Ремдесивир препараты әлі де клиникалық зерттеу сатысында, өндірушімен келіссөздер жүргізілуде.

Қазақстан және Қызылорда облысының жаңалықтары